ဆိုင်းဘုတ်နဲ့ မှတ်တိုင်
သြော်… ဒါနဲ့ စကားမစပ်၊ အဲ… ပထမဦးဆုံး စကားမစပ်ပဲပေါ့နော်။ တစ်လောတုန်းက ပြီးခဲ့တဲ့မတ်လ ၁၃ ရက်နေ့က မန္တလေးအက်ဖ်အမ်ကို ကျေးဇူးတင်ရမယ်။ သုမောင်မွေးနေ့။ ၅၈ နှစ်မြောက်မွေးနေ့ဆိုပြီးတော့ မန္တလေးအက်ဖ်အမ်ကနေ အထူးတလည် စီးတိးအက်ဖ်အမ်ကလည်း လုပ်ပေးရှာပါတယ်။ သူတို့ကတော့ Happy Birthday ဦးသုမောင် ဒီလောက်ပါပဲ လုပ်တာ။
မန္တလေးအက်ဖ်အမ်မှာ သူငယ်ချင်း သန်းမြတ်စိုးက ရှိနေတော့သူက အထူးတလည်ဆိုပြီးတော့ကို သုမောင် သီချင်းမျိုးစုံကို ခေတ်ဟောင်းကနေ ခေတ်ပေါ်အထိ သုမောင်အကြောင်းလေးပြောပြလိုက်၊ သီချင်းလေး ဖွင့်ပြလိုက်၊ ဘယ်လိုသီချင်းမျိုး၊ ဘယ်လိုလေးဆိုတယ်ပြောလိုက်၊ သီချင်းလေး ဖွင့်ပြလိုက်နဲ့။ ဒီကြားထဲ ဒီကောင်ကြီး မကောင်းပုံက သုမောင်ကြီး အရက်ကြိုက်တတ်တဲ့အကြောင်းလည်း ပါလိုက်သေးတယ်ဗျာ။
အဲဒီ သန်းမြတ်စိုးဆိုတဲ့ ဘဲက ပြောရင်းနဲ့ သူက ဘာထပြောလဲဆိုတော့ သုမောင်နဲ့ ဝင်းဦး မွေးနေ့တူတယ်ဆိုတဲ့အကြောင်း ထည့်ပြောသွားတယ်။ ဝမ်းသာပါတယ်။ ဘာကြောင့်လဲဆိုတော့ ဝင်းဦးနဲ့မွေးနေ့ချင်းတူလို့ ဂုဏ်ယူတာ မဟုတ်ဘူး။ အသက်ချင်းတော့ ကွာတာပေါ့နော်။ ဝင်းဦးက ခုရှိမယ်ဆိုရင် ၇၄ နှစ်ပေါ့။ သုမောင်က ၅၈ နှစ်၊ ၁၃ ရက် မတ်လ သွားတူတာပေါ့နော်။
ကြားဖြတ်ပြီး စကားမစပ် ပြောရဦးမယ်။ ဒါက ဝမ်းသာစရာ၊ ရယ်စရာဆိုတော့လေ ကြားထဲမှာ ဟိုကောင်တစ်ကောင် ပါလာတယ်။ အရိုင်ဆိုတဲ့ အကောင်။ သူ့အမေက ဘယ်လိုလုပ် မွေးလိုက်သလဲမသိဘူး။ ၁၃ ရက်၊ မတ်လပဲ။ ဒါက ရယ်စရာပေါ့နော်။ ဝမ်းနည်းစရာကောင်းတာလည်း ရှိသေးတယ်။ မိုးမိုး(အင်းလျား) ရယ်၊ ကဗျာဆရာ အညာတမာရယ် ဆုံးတာ ၁၃ ရက် မတ်လပေါ့လေ။ ထားပါတော့လေ။
ကိုသန်းမြတ်စိုးက အဲဒါလေးထည့်ပြောတဲ့အခါကျတော့ ကိုဝင်းဦး သွားသတိရတယ်။ သြော်… တကယ့်ပညာရှင်ကြီးနော်။ မေ့သွားကြပြီ။ ကျွန်တော်တို့ မြန်မာလူမျိုးတွေ။ အဲဗရက်ပရက်စလေကို ဒီနေ့အထိလေ သူ့ရဲ့မွေးနေ့ကို အမေရိကန်မှာ အကြီးအကျယ်ကျင်းပနေကြရတာ။ ဟော… ခု ကိုဝင်းဦးကို မေ့သွားကြပြီ။ ကိုဝင်းဦး ထားပါတော့ဗျာ။ ကျွန်တော့် ညီလေး ဒွေး။ ဒွေးကို ဒီနေ့ မေ့နေကြပြီ။ ဒွေး သေခါစတုန်းက ငိုလိုက်ကြတာ။ ဒွေးသေတာက ရန်ကုန်မှာ။ မြစ်ကြီးနားမှာ ဒွေးသရဲခြောက်လို့တဲ့။ သရဲခြောက်မှာ ကြောက်လို့တဲ့။ အဲသလောက်ထိဖြစ်တာ။ ကဲ… အခု မေ့သွားကြပြီ ဒွေးကို။ ဘယ်လောက်ဝမ်းနည်းစရာကောင်းသလဲ အနုပညာသည်တွေအဖို့က။
အဲဒီတော့ ကိုဝင်းဦးကို မေ့သွားကြတော့ ကျွန်တော်က သတိတရ ကိုဝင်းဦးအကြောင်းတွေ ပြန်ပြောချင်ပါတယ်။ ကိုဝင်းဦးဟာလေ တော်တော်ထူးဆန်းတဲ့လူဗျ။ တော်တော့်ကို ထူးဆန်းတဲ့လူ။ ဒီလူကလေ ဥပမာလေးတစ်ခုပဲ ကျွန်တော်ပြောပြမယ်။ တစ်ခါတုန်းက သူ ကားဆက်နေတဲ့နေရာကို ကျွန်တော်ရောက်သွားတယ်။ သူ ရုပ်ရှင်ကားဆက်နေတာ။ 'ဆောင်းအိပ်မက်' ဆိုတဲ့ဇာတ်ကားကို ဆက်နေတာ။ ဆောင်းအိပ်မက်ဇာတ်ကားက ဝင်းဦးနှစ်ကိုယ်ခွဲ၊ သူပဲ၊ မင်းသားနှစ်လက်။ ဝတ္တုလည်း သူပဲ၊ ဇာတ်ညွှန်းလည်း သူပဲ။ မင်းသား နှစ်လက်လည်း သူပဲ။ ဒါရိုက်တာလည်း သူပဲ။
အဲဒီကား ဆက်နေတဲ့အခန်းကို ကျွန်တော်က ချာတိတ် ရှိသေးတယ်။ မင်းသား မဖြစ်သေးဘူး။ ကျွန်တော်က ကိစ္စတစ်ခုနဲ့ ရောက်သွားတာ။ စာပေကိစ္စနဲ့ ရောက်သွားရင်းနဲ့ သူ ကားဆက်တာကို လေ့လာပြီး ကြည့်နေတာပေါ့။ အဲဒီမှာ ကျော်မင်းနဲ့ ဇော်မင်း မင်းသားနှစ်လက် ဝင်းဦးနှစ်ယောက်။ ကားဆက်တော့ ကျော်မင်းက စကားပြောလိုက်၊ ဇော်မင်းက စကားပြောလိုက်နဲ့။ သူကိုယ်တိုင်တော့ မဆက်ဘူး။ စက်မောင်းတဲ့လူက တစ်ယောက်။ မောင်းတဲ့လူက ကိုမောင်မောင်တဲ့။
"ဟေ့ကောင် မောင်မောင်။ ရပ်စမ်း"
တဲ့။ ဟိုက ဖတ်ဆို ရပ်လိုက်တယ်။
"ပြန်ရစ်စမ်း"တဲ့။ ပြန်ရစ်တယ်။
"ဟေ့ကောင်၊ ကျော်မင်း အခန်းဖြတ်ပစ်ကွာ" တဲ့။
"ဟာ… ဆရာ၊ ကောင်းနေသားပဲ။ ဘာဖြစ်လို့"
"မဟုတ်ဘူး။ ဒီကောင် ချောနေလို့" တဲ့။
ဟာ… ဘယ့်နှယ်ဟာကြီးလဲပေါ့။ ကျွန်တော် ကိုဝင်းဦးကို အံ့သြသွားတယ်။ သူ့စိတ်ဓာတ်ကို ကျွန်တော် တော်တော်ကို အံ့သြသွားတယ်။ တခြားမင်းသားဆို ထားလိုက်တော့။ ဒီမင်းသားနှစ်လက်စလုံး သူပဲ။ အဲဒါကို တစ်ယောက်က ပိုချောနေလို့ဆိုပြီးတော့ ဖြတ်ပစ်တယ်ဗျ။ သူ့စိတ်ဓာတ်က တစ်မျိုး။
သူ စာရေးတာကိုလည်း ကျွန်တော် တွေ့ဖူးတယ်။ သူ စာရေးတာ လက်နှိပ်စက်နဲ့ စာရေးတာဗျ။ ကွန်ပျူတာ မပေါ်သေးဘူး။ လက်နှိပ်စက် သုံးလုံးနဲ့ဗျ။ ရှေ့မှာတစ်လုံး၊ ဘေးတစ်ဖက်တစ်ချက်မှာ နှစ်လုံး။ ရှေ့တစ်လုံးက ဇာတ်ညွှန်းစာရိုက်နေတာ၊ ရိုက်နေရာကနေ ဖျတ်ခနဲစိတ်ကူးရရင် ညာဘက်လှည့်လိုက်ပြီး ဝတ္ထုရှည်ကောက်ရိုက်လိုက်တာ။ ပြီးတော့ ဘယ်ဘက်ကို လှည့်လိုက်ပြီး ဟော… ဝတ္ထုတို ကောက်ရိုက်ချင်ရိုက်နေတာ။ ဟာ… အဲဒီလိုကို လုပ်နိုင်တဲ့လူ။ တော်တော့်ကို ထူးဆန်းပြီး တော်တော့်ကို အံ့သြစရာကောင်းတဲ့ ပုဂ္ဂိုလ်ဗျာ။ ကိုသန်းမြတ်စိုးလည်း ကျွန်တော့်မွေးနေ့တုန်းက ကြေညာသွားပါတယ်။ ကိုဝင်းဦး အရက်သောက်တတ်တယ်။ ကျွန်တော့်ထက် ပိုသောက်တတ်ပါတယ်။ ကြိုက်လည်း ပိုကြိုက်ပါတယ်။ ကျွန်တော် ကိုဝင်းဦးနဲ့ တစ်ခါတုန်းက ဝီစကီ ပြိုင်သောက်ဖူးတယ်။ သူရယ်၊ ကျွန်တော်ရယ်၊ တိုင်းမှူးတစ်ယောက်ရယ်၊ ဗျူဟာမှူးတစ်ယောက်ရယ် လေးယောက် သောက်ကြတာ။ တစ်ယောက်တစ်လုံးစီပေါ့။
အဲဒီမှာ ကျွန်တော်တို့က လက်နှစ်လုံးစီလောက်ရှိတော့ မူးနေကြပြီ။ သူက ပုလင်းတစ်ဝက်ကျိုးတာတောင် မမူးသေးဘူး။ ဟာ… ဒီလူ တော်တော်သောက်နိုင်ပါလားပေါ့။ ဘယ်ဟုတ်မလဲ။ သူက သူ့သားကျော်စွာဝင်းကိုခေါ်ပြီး စောစောစီးစီးကတည်းက ထောပတ်တွေ မျိုချထားတာ အရက်မသောက်ခင်။ ဆိုလိုတာက ပြိုင်ချင်တယ်၊ သူများထက်ထူးချင်တဲ့စိတ် ရှိတယ်။ ကျွန်တော် ပြောချင်တာက အနုပညာသည်တွေရဲ့သဘာဝကို ပြောချင်တာပါ။ ဆိုတော့ အဓိကပြောချင်တာက သူ့ရဲ့စာပေကို ပြောချင်တာပါ။ စာပေသမားဘဝကို ပြောချင်တာပါ။ ကျွန်တော့်ရဲ့မြားဦးက 'စာရေးဆရာဝင်းဦး' ဆိုတာကို မြားဦးလှည့်ချင်တာပါ။
ကိုဝင်းဦးဟာ တကယ့် စာရေးဆရာစစ်စစ်ပါ။ ကျွန်တော်တို့ စာရေးဆရာတွေဟာလေ သိပ်ပြီးတော့ နှမြောစရာကောင်းတာက ရုပ်ရှင်လောင်းရိပ်မိသွားပြီ ဆိုလို့ရှိရင် စာရေးဆရာတွေဟာ ဒုက္ခရောက်တော့တာပါပဲ။ ကျွန်တော့်အဖေ သာဓု၊ အကယ်ဒမီ နှစ်ဆု ရလိုက်တာမှာ စာရေးဆရာသာဓုဆိုတာ ပျောက်သွားတယ်ဗျာ။ ဟော… ဘဘဦးသုခ အကယ်ဒမီခြောက်ဆုရတယ်။ စာရေးဆရာသုခဆိုတာ လူမသိတော့ဘူး။ ဒီအတိုင်းပါပဲ။ ဝင်းဦးဟာ စာရေးဆရာဘဝက လာတာ။ ဟော… အကယ်ဒမီနှစ်ထပ်ကွမ်းဝင်းဦး၊ အဆိုတော်ဝင်းဦးလည်း ဖြစ်သွားရော စာရေးဆရာဝင်းဦးဆိုတာကို လူမသိတော့ဘူးဗျ။ ဟော… မြတ်လေး၊ အဆိုတော်၊ ဒါရိုက်တာ၊ မင်းသားမြတ်လေးလည်းဖြစ်ရော စာရေးဆရာ မြတ်လေးဆိုတာကို လူတွေ မသိတော့ဘူး။
'ဗိုလ်အောင်ဒင်' ဇာတ်ကားကိုရိုက်တဲ့ ဒါရိုက်တာ ရွှေဒုံးဘီအောင်ဆိုတဲ့ ဆရာကြီး။ တကယ်က သူလည်း စာရေးဆရာဘဝက လာတာပဲ။ သာဓုလည်း စာရေးဆရာပဲ။ သုခလည်း စာရေးဆရာပဲ။ ဝင်းဦးလည်း စာရေးဆရာပဲ။ သုမောင်လည်း စာရေးဆရာပဲ။ စာရေးဆရာဘဝက လာတဲ့လူတွေပဲ။ ရုပ်ရှင်နယ်ထဲ ရောက်ရော၊ ဂီတနယ်ထဲ ရောက်ရော နာမည်လည်း ကြီးသွားရော ဟော… သွားလေရောဗျာ။ စာပေသမားဆိုတာကို လူတွေက အသိအမှတ်မပြုတော့ဘူး။ မေ့သွားကြရော။ သိပ်ရင်နာစရာကောင်းတယ်နော်။
ရှိသေးတယ် နောက်တစ်ယောက်။ သိပ်အံ့သြစရာကောင်းတဲ့ နောက်တစ်ယောက် ရှိသေးတယ်။ စာရေးဆရာမောင်သင်။ ဒီနေ့ကလေးတွေ သိချင်မှသိမယ်။ ရုပ်ရှင်မင်းသားမောင်သင်၊ ဘယ်လောက် အံ့သြစရာကောင်းသလဲဆိုရင် အဲဒီမောင်သင်ဟာ စစ်ဗိုလ်ဗျ။ ဝင်းဦးလည်း စစ်ဗိုလ်ပဲနော်။ မောင်သင်က ဗိုလ်မှူး၊ ဝင်းဦးက ဗိုလ်ကြီး၊ မောင်သက ဗိုလ်မှူး၊ ဆရာဝန်၊ စာရေးဆရာ၊ ရုပ်ရှင်မင်းသားဗျာ။ အဲဒီအပြင်မှာကို ရုပ်ရှင်မှာ အကယ်ဒမီရတယ်ဗျာ။ အမျိုးသားစာပေဆု သုံးဆုရတယ်ဗျာ။ အဲသလောက်တော်တဲ့ စာရေးဆရာမောင်သင်ဟာ ဟော… ရုပ်ရှင်မင်းသား၊ အကယ်ဒမီမင်းသားလည်းဖြစ်ရော စာရေးဆရာမောင်သင်ဆိုတာကို လူတွေက မသိတော့ဘူးဗျာ။
စာရေးဆရာဘဝများနော်… ဘယ်လောက်ရင်နာစရာကောင်းသလဲ။ ဒီလိုပါပဲ။ ကျွန်တော်တော့ နည်းနည်းလေး ကံကောင်းတယ်ပြောရမယ်။ ဘာကြောင့်လဲဆို ကျွန်တော်က တစ်နေ့တစ်ပုဒ်ပြီးအောင် ရေးတာ။ ဒါကလည်း ကျွန်တော့်ကို စာရေးဆရာကြီးသော်တာဆွေက သင်ပေးထားတဲ့နည်း။
"ဟေ့ကောင် သား။ စာ ကောင်းကောင်းမကောင်းကောင်း တစ်နေ့တစ်ပုဒ်တော့ ပြီးအောင်ရေး"
တဲ့။ ကျွန်တော်လည်း ပြီးအောင် ရေးတယ်။ စာမကောင်း သိမ်းထားလိုက်တာပဲ။ ကောင်းရင်တော့ ပို့လိုက်တာပေါ့။ သိပ်ကောင်းရင်လည်း သိမ်းထားလိုက်တာပဲ။ စာကိုတော့ တစ်နေ့တစ်ပုဒ် ပြီးအောင်တော့ ရေးတယ်။ ဒါက ကျွန်တော့်ရဲ့ အလေ့အကျင့်ပေါ့နော်။ အဲဒီနည်းတူပဲ ကျွန်တော့်ခေတ်မှာက ဂျာနယ်တွေ၊ မဂ္ဂဇင်းတွေ အများကြီးထွက်တယ်။ ကျွန်တော်က စာရေးအားကောင်းတယ်ဆိုလို့ ကျွန်တော့်ကို စာရေးဆရာအဖြစ် လူက သိကြတယ်။
နောက်တစ်ချက်က ကျွန်တော့်ရုပ်က သိပ်ပြီးတော့ မင်းသားနဲ့မတူလို့ နည်းနည်း ခံသာသွားတာ။ ဒါတောင် အဆိုတော်ဘက်က အသံကကောင်းနေတော့ တချို့က စာရေးတာကို ကျွန်တော် အပြောခံရသေးတာ။ သုမောင်လည်း စာလေးဘာလေး ရေးတတ်သားပဲတဲ့။ ကျွန်တော့် တချို့ပရိသတ်က လုပ်ချင်သေးတာ။ စာရေးဆရာဘဝဆိုတာ တော်တော်ခံရခက်တဲ့ ကိစ္စပါဗျာ။
အဲတော့ ပြောချင်တာက မင်းသား၊ အဆိုတော်။ အဆိုတော်ကတော့ နည်းနည်း ထားပါတော့လေ။ မင်းသားဆိုတော့ ရုပ်ပြ။ အထူးသဖြင့် အကယ်ဒမီရသွားတဲ့ မင်းသားမျိုးတွေက စိုးမြတ်သူဇာတို့လို၊ ဒီနေ့ စိုင်းစိုင်းခမ်းလှိုင်တို့လို ရုပ်ပြစားတဲ့သူတွေဖြစ်ပြီးမှ စာရေးတာ တစ်မျိုးပေါ့နော်။ ဒါလည်း ကောင်းပါတယ်။ အဲဒါ စကားမစပ် ပြောပြဦးမယ်ဗျ။ ကျွန်တော်တို့ စာပေသမားတွေဘက်က မကောင်းတာပါ။ ကျွန်တော် စာရေးဆရာကောင်းကြောင်း ပြောပြီးပြီ။ မကောင်းတာတစ်ခု ပြောပြဦးမယ်။ ဆိုပါစို့။ စိုးမြတ်သူဇာ စာရေးတယ်။ စိုင်းစိုင်းခမ်းလှိုင် စာရေးတယ်ဆိုရင် 'ဟင်း… ဘာလဲ သူတို့ ကိုယ်နဲ့လည်း ဆိုင်တာ မဟုတ်ဘဲနဲ့ ဘာဖြစ်တယ်၊ ညာဖြစ်တယ်' တချို့စာရေးဆရာတွေက ပြောချင်ကြတယ်။ ဒါ အဓိပ္ပာယ်မရှိဘူးဗျ။ Welcome လုပ်ရမယ်။ ကိုယ့်စာပေနယ်ကို ချစ်လို့ ရုပ်ရှင်နယ်ကလူက ဂီတနယ်ကနေ ကူးလာတဲ့ကလေးတွေကို Welcome လုပ်ရမယ်။ ကျွန်တော် သတိထားကြည့်မိတယ်။ ကျွန်တော်တို့ စာပေနယ်ကနေ ရုပ်ရှင်နယ်၊ ဂီတနယ်ကိုကူးလာတဲ့ ပုဂ္ဂိုလ်တွေကို ဆိုရင်လေ ဂီတနယ်၊ ရုပ်ရှင်နယ်က အနုပညာသည်တွေက Very Welcome ဗျာ။ 'ဆရာ၊ ဆရာ၊ ဆရာ' အဲသလိုကိုနေတာ။ ဟော… ဟိုဘက်ကကျတော့ ကျွန်တော်တို့ စာရေးဆရာတွေက ကိုယ်နဲ့ဆိုင်တာကျနေတာပဲဆိုပြီး ပြောကြတယ်။ မကောင်းပါဘူးဗျာ။
အမှန်က ညီအစ်ကိုမောင်နှမတွေပါနော်။ ဒါက မလုပ်သင့်တဲ့ကိစ္စတွေကို ပြောတာပါ။ အဲဒီတော့ စောစောကစကား ပြန်ဆက်ရလို့ရှိရင် စာရေးဆရာတွေ သီချင်းဆိုကြ၊ ရုပ်ရှင်ရိုက်ကြတာလည်း ကောင်းပါတယ်နော်။ ရုပ်ရှင်မင်းသား၊ မင်းသမီးတွေ၊ အဆိုတော်တွေ စာရေးတာလည်း ကောင်းပါတယ်။ အန်တီချို… ချိုပြုံးဆိုရင် စာရေးအရမ်းကောင်းတာဗျ။ အဲဒီလိုပေါ့လေ။ တစ်ဖက်နဲ့ တစ်ဖက် စီးမျောနေကြတာဟာ အလွန်အဖိုးတန်တဲ့ကိစ္စပါဗျာ။ အဲဒါကို ငါ့ဘက်သူ့ဘက် ဆိုပြီးတော့ မလုပ်ကြဖို့ ကြားထဲက တောင်းပန်ပါတယ်။ ဘာကြောင့် တောင်းပန်သလဲဆိုရင် ကျွန်တော်က စာလည်း ရေးတယ်။ ဒီစကားကို ကျွန်တော်ကပြောလို့ ရတယ်။ စာလည်း ရေးတယ်၊ ရုပ်ရှင်လည်း ရိုက်တယ်။ သီချင်းလည်း ဆိုတယ်လေ သုမောင်က။ ရှင်းတယ်။ ချစ်ဦးညိုက ဒီစကားပြောလို့ မရဘူး။ ဟုတ်တယ်မလား။ အဲဒါက ရှင်းတယ်။
စောစောကစကားလေး ပြန်ဆက်ရရင် ကိုဝင်းဦးဟာ စာရေးအလွန်ကောင်းတဲ့ပုဂ္ဂိုလ်။ အခု သူ့ကို စာရေးဆရာမှန်း လူတွေသိပ်မသိကြတော့ဘူး။ အဲဒီတော့ ကျွန်တော်က ဗဟုသုတအနေနဲ့ သူ စာရေးဘယ်လောက်ကောင်းတယ် ဆိုတာတွေကို စောစောကပြောတဲ့ ဝင်းဦးနဲ့ သုမောင် မွေးနေ့တူတဲ့ မတ်လ ၁၃ ရက်နေ့မှာ ပတ်သက်တဲ့ဆောင်းပါးလေးတစ်ပုဒ် ကျွန်တော် ရေးခဲ့ဖူးတဲ့ ဆောင်းပါးလေးတစ်ပုဒ်မှာ အမှတ်တရ ထည့်ထားဖူးတယ်။ ဝင်းဦးရဲ့ ကဗျာလေးတစ်ပုဒ်။ ကျွန်တော် ရွတ်ပြပေးပါမယ်။ အဲဒီနည်းတူ ကျွန်တော့်ရဲ့ကဗျာကိုလည်း ကျွန်တော် ထည့်ပြီးတော့ ရွတ်ပြပေးပါမယ်။ ကျွန်တော် သူများယောင်လို့ယောင်ပြီး ကဗျာရွတ်ပွဲလုပ်တာ မဟုတ်ပါဘူးနော်။
ဝင်းဦးမဖြစ်ခင် ဗိုလ်ကိုဦးဆိုပြီးတော့ စစ်ဗိုလ်ဘဝ၊ စစ်ဗိုလ်ဘဝတောင် မဖြစ်သေးဘူး။ ဗိုလ်လောင်းဘဝမှာ ရေးခဲ့တဲ့ ကဗျာလေး၊ ကိုဝင်းဦးကလေ ရေးတော့သာ လူက အချစ်ဝတ္ထုတွေ ရေးတာဗျ။ ငေါ့တော့တော့ လှောင်တောင်တောင် သိပ်လုပ်တတ်တဲ့လူဗျ။ သူ့ရုပ်ရှင်တွေ ကြည့်ဖူးတဲ့သူတွေ သတိထားမှာပါ။ ငေါ့တော့တော့ လှောင်တောင်တောင် သိပ်လုပ်တတ်တယ်ဗျ။
သူ့စကားလေးတစ်ခု မှတ်မိတယ်။ 'ဟင်း… ကောင်းလိုက်တဲ့ အသံကြောင်လေးဗျာ' တဲ့။ အဲဒီလိုပေါ့။ စာတွေထဲမှာ အဲဒါတွေပါတယ်။ အဓိကပြောချင်တာက ဝင်းဦးသည် စာရေးဆရာဘဝမှလာသည်။ အဓိကပဲ။ အဲဒီတော့ စစ်ဗိုလ်မဖြစ်ခင် ဗိုလ်လောင်းဘဝမှာ သူ ရေးတဲ့ကဗျာ၊ ဗိုလ်ကိုဦးဆိုတဲ့ ဘဝမှာ ရေးတာ။ ဝင်းဦးတောင် မဖြစ်ခင် ရေးတဲ့ကဗျာလေးကို ကျွန်တော် ရွတ်ပြပါမယ်။ ဒါလေးကို ဘာကြောင့်ရွတ်ပြရသလဲဆိုရင် စောစောကပြောတဲ့ ၁၃ ရက် မတ်လ ကျွန်တော်နဲ့ တိုက်ဆိုင်တဲ့ မွေးနေ့အထူးအဖြစ် ကျွန်တော် ရွတ်တာဖြစ်ပါတယ်။ သူ့ရဲ့ တပ်မွေးနေ့မှာ ရေးတဲ့ကဗျာပါ။
မွေးနေ့သံဝေဂ
တစ်နေ့သေ တစ်နေ့မွေးပါတဲ့
ယနေ့အခြေ ယနေ့တွေးရမယ်ဆိုရင်တော့
မွေးနေ့ဆိုတာ ဇရာသင်္ကေတပါခင်ဗျာလို့
ဆင်ခြေလှလှလေး ပေးလိုက်တယ်။
တရွေ့ရွေ့ တမြေ့မြေ့နဲ့ပဲ
မနေ့တစ်နေ့က စပြီး
ယနေ့ ဇရာ တံခါးဝကို ရောက်လာတယ်။
ကြောက်ပါတယ်လို့လည်း ဗျာပိုမနှော
အရောက်လာပါကွယ်လို့လည်း
ခရာသံလိုလိုနဲ့ ဇရာကိုမပြော
လူ့ဘဝဆိုတာ ရခဲတယ်ဆိုမှဖြင့်
ခဏပဲရယ်လို့ အားမလျှော့သင့်ပါဘု
သွားတော့လို့ ဘယ်သူ့ကိုမှ ဘယ်သူ့မှ
မနှင်ရက်နိုင်တာကြောင့်
အလိုက်သင့်နေရင်းက ဆည်းဆာအလှကို
ငေးမောနေပါ့မယ်။
တွေးတောသူ အသက်ပိုရှည်ရေးပေပါ့
ရေးသောသူလည်း တစ်ရက်ပိုပြီးတော့ကာ
မအိုမသေချင် အတွေးထေ့ထေ့နှောပြီး
အရေးငွေ့ငွေ့မျှောလိုက်မယ်
(အပေါင်းအသင်းတို့ရေ…)
မွေးနေ့ရဲ့ တေတေပေပေ သဘော။
တစ်နေ့သေ တစ်နေ့မွေးပါတဲ့
ယနေ့အခြေ ယနေ့တွေးရမယ်ဆိုရင်တော့
မွေးနေ့ဆိုတာ ဇရာသင်္ကေတပါခင်ဗျာလို့
ဆင်ခြေလှလှလေး ပေးလိုက်တယ်။
တရွေ့ရွေ့ တမြေ့မြေ့နဲ့ပဲ
မနေ့တစ်နေ့က စပြီး
ယနေ့ ဇရာ တံခါးဝကို ရောက်လာတယ်။
ကြောက်ပါတယ်လို့လည်း ဗျာပိုမနှော
အရောက်လာပါကွယ်လို့လည်း
ခရာသံလိုလိုနဲ့ ဇရာကိုမပြော
လူ့ဘဝဆိုတာ ရခဲတယ်ဆိုမှဖြင့်
ခဏပဲရယ်လို့ အားမလျှော့သင့်ပါဘု
သွားတော့လို့ ဘယ်သူ့ကိုမှ ဘယ်သူ့မှ
မနှင်ရက်နိုင်တာကြောင့်
အလိုက်သင့်နေရင်းက ဆည်းဆာအလှကို
ငေးမောနေပါ့မယ်။
တွေးတောသူ အသက်ပိုရှည်ရေးပေပါ့
ရေးသောသူလည်း တစ်ရက်ပိုပြီးတော့ကာ
မအိုမသေချင် အတွေးထေ့ထေ့နှောပြီး
အရေးငွေ့ငွေ့မျှောလိုက်မယ်
(အပေါင်းအသင်းတို့ရေ…)
မွေးနေ့ရဲ့ တေတေပေပေ သဘော။
ကိုဦး
ဗိုလ်လောင်းသင်တန်း အမှတ်စဉ်(၈)
တပ်မွေးနေ့၊ သင်တန်းဆင်းပွဲ။
ဗိုလ်လောင်းသင်တန်း အမှတ်စဉ်(၈)
တပ်မွေးနေ့၊ သင်တန်းဆင်းပွဲ။
အဲဒါ ဝင်းဦးရဲ့ တပ်မွေးနေ့မှာ ရေးခဲ့တဲ့ ကဗျာပါ။ အဲဒါ ဝင်းဦး မဖြစ်သေးပါဘူး။ ကိုဦးဆိုတဲ့ ဘဝပါ။ အဲဒါကြောင့် ဝင်းဦးဟာ စာရေးဆရာဘဝက လာတာပါလို့ ကျွန်တော် ပြောတာပါ။ အဲဒီနည်းတူပါပဲ ကျွန်တော်လည်း စာရေးဆရာဘဝကနေပြီးတော့မှ စာရေးဆရာမောင်ဗလဆိုတဲ့ လူငယ်လေးပေါ့လေ။ ၁၉၇၀ မှာ ဒီလိုပဲ ကျွန်တော် ရေးတဲ့ကဗျာလေးကို ရွတ်ပြပါမယ်။ ကျွန်တော့်ကဗျာလေးကတော့ တိုပါတယ်။ ဒီလိုပဲ အချိုးကဗျာလေးပါပဲ။
မွေးနေ့
မွေးနေ့ ခဏ ခဏ
ကြီးတစ်ခါ ငယ်နှစ်လှည့်ရယ်လို့
ထားခဲ့တဲ့ စကားပုံ
လူမမယ်သက်ရွယ်ကျားတို့ကို
လေးထားကြပုံ။
ဤလူ့ဘုံ
ကြုံလာရ ခဏလေး လေး
အမေကမွေး အဖေကကျွေးနဲ့
လူလေးရယ် ဘယ်ပုံဖြစ်ပေမယ့်
ပူဆွေးဖွယ် တကယ်အနှစ်ရယ်က
အသစ်တွေ ဘဝ ဘဝပြေးလို့ရယ်
သြော် ခဏ ခဏ မွေးနေ့။
မွေးနေ့ ခဏ ခဏ
ကြီးတစ်ခါ ငယ်နှစ်လှည့်ရယ်လို့
ထားခဲ့တဲ့ စကားပုံ
လူမမယ်သက်ရွယ်ကျားတို့ကို
လေးထားကြပုံ။
ဤလူ့ဘုံ
ကြုံလာရ ခဏလေး လေး
အမေကမွေး အဖေကကျွေးနဲ့
လူလေးရယ် ဘယ်ပုံဖြစ်ပေမယ့်
ပူဆွေးဖွယ် တကယ်အနှစ်ရယ်က
အသစ်တွေ ဘဝ ဘဝပြေးလို့ရယ်
သြော် ခဏ ခဏ မွေးနေ့။
မောင်ဗလ(သုမောင်)
ဒါက ကျွန်တော့်ရဲ့ ၁၉၇၀ က ရေးတဲ့ကဗျာပါ။ အဲတော့ အဓိက ပြောချင်တာက မွေးနေ့ပါ။ မွေးနေ့ကို မတ်လ ၁၃ ရက်နေ့မှာ ကျွန်တော့်ကို မန္တလေးအက်ဖ်အမ်ကနေပြီးတော့ ရဲဘော်ကြီး သန်းမြတ်စိုးက ဂုဏ်ပြုပြီးတော့ ကျွန်တော်နဲ့ ကိုဝင်းဦးသီချင်းတွေကို တစ်နေ့ကုန်လွှင့်ပြီးတော့ ဂုဏ်ပြုပေးတာ အထူးပင် ကျေးဇူးတင်ပါတယ်။ ကျေးဇူးတင်ရင်းကပဲ နည်းနည်းလေးတော့ အပြစ်ပြောလိုက်ချင်ပါတယ်။
တခြားမဟုတ်ဘူးဗျ။ မွေးနေ့ကို ဂုဏ်ပြုတယ်၊ ဂုဏ်ပြုတယ်ဆိုတာက မွေးနေ့လက်ဆောင် ပေးတယ်ပေါ့ဗျာ။ ကျွန်တော့်ကို သီချင်းတွေနဲ့ လက်ဆောင်ပေးတယ်။ ဒီလိုပါပဲ။ သူများတွေလည်း မွေးနေ့လုပ်တဲ့ အခါကျတော့ လက်ဆောင်တွေပေးကြတယ်။ မွေးနေ့ပွဲတွေလည်း လုပ်ကြတာက အထူးသဖြင့် ဟိုတယ်ကြီးတွေမှာလုပ်ကြတယ်။ ဘုန်းကြီးကျောင်းတွေမှာ လုပ်ကြပါတယ်ပေါ့လေ စသည်ဖြင့် အိမ်မှာလုပ်တာကလည်း ရှိတာပေါ့လေ။ အဓိကက ဘာလဲဆိုတော့ မွေးနေ့ဆိုတာ 'ငါ့ရဲ့မွေးနေ့' ဆိုတဲ့ အစွဲအလမ်းရှိနေတာပါပဲ။ အဲဒါ အဓိက။
သို့သော် သေသေချာချာ စဉ်းစားကြည့်ရအောင်။ ကျွန်တော့်အတွေ့အကြုံလေးတစ်ခု ကျွန်တော်ပြောပြပါ့မယ်။ ကျွန်တော်တို့အုပ်စုက သာဓုအုပ်စု၊ သဘာဝအုပ်စုဆိုပြီး ပြောကြတယ်။ သဘာဝအုပ်စုဆိုတဲ့အတိုင်း သိပ်ပြီးတော့ တော်ရုံတန်ရုံကစ္စ ဂရုစိုက်တာမဟုတ်ဘူး ဆိုတော့ မွေးနေ့တွေဘာတွေလည်း မသိဘူးဗျ။ မတ်လ ၁၃ ရက်တွေ ဘာတွေလည်း သိပ်ခေါင်းထဲ ရှိတာမဟုတ်ဘူး။ ဒီလိုပဲ တစ်နေ့ပြီးတစ်နေ့ သွားနေတာပဲ။
ခုနက ကျွန်တော့်ကဗျာထဲကလို ခဏခဏ မွေးနေ့ အဲဒီလိုနေရာကနေ မှတ်မှတ်ရရ ကျွန်တော့်အသက် ၃၀ ပြည့်မွေးနေ့။ ၁၃ ရက် ၃ လ၊ ၁၉၈၁ နေ့ မနက်ခြောက်နာရီလောက်မှာ အိမ်ကနေ တယ်လီဖုန်းဝင်လာတယ်။ ကျွန်တော့်အိမ်ကို။ ကျွန်တော်က ဝင်ဒါမီယာ သာဓုခြံမှာနေတာ။ ကျွန်တော့်အမေက သင်္ဃန်းကျွန်း သာဓုခြံမှာနေတာ။ မနက်ခြောက်နာရီလောက် ဖုန်းဝင်လာတယ်။
“သားရေ… အမေ့ဆီ ခဏလာလို့ရမလား” တဲ့။
ကျွန်တော်က မူးပြီးအိပ်နေတာ။ စောစောစီးစီးဆိုတော့ ဘာများလဲပေါ့။
“သားရယ်… နည်းနည်း အရေးကြီးလို့ပါ” တဲ့။
“ခဏလာလို့ ရမလား” တဲ့။
“ရတယ်အမေ။ လာခဲ့မယ်” လို့။
“လမ်းက မုန့်လေးပဲလေး တစ်ခုလောက် ဝယ်ခဲ့ပါ” တဲ့။
“ရတယ်အမေ၊ ဝယ်ခဲ့မယ်”
ဆိုပြီး အောင်ကြီးဆိုင်ကနေ ပဲပလာတာလေး ဝယ်ပြီးတော့ အမေ့ဆီကို ကားမောင်းပြီး ပြေးတာပေါ့။ အမေ ဘာများဖြစ်သလဲ။ နေများမကောင်းလို့လားပေါ့။ ဟိုရောက်တော့ -
“လာလာ လာလာ” တဲ့။
အဲဒီမုန့်ကလေး အမေ့ပေးစမ်းဆိုပြီး မုန့်ကလေး စားတယ်။
“အမေ့ကို ကန်တော့”
တဲ့။ ကျွန်တော် အမေ့ကို ထိုင်ကန်တော့တယ်။ ထိုင်ကန်တော့မှ အမေက ကျွန်တော့်ခေါင်းလေးကို ပွတ်ပြီး -
“သား ဒီနေ့ဘာနေ့လဲ သိလား” တဲ့။
“အမေ အင်္ဂါနေ့လေ” လို့။
“ဟေ… အင်္ဂါနေ့လည်း အင်္ဂါနေ့။ သား ဒီနေ့ အသက် ၃၀ ပြည့်တဲ့နေ့” တဲ့။
“ဟာ… ဟုတ်သားပဲ အမေရယ်။ ဒီနေ့ ၁၃ ရက် မတ်လ။ သားအသက် ၃၀ ပြည့်တဲ့နေ့ပဲ။ ဟုတ်သားပဲ” လို့ ဆိုတော့ -
“အေး… အဲဒါ မင်းမွေးနေ့ပေါ့” တဲ့။
“ဟုတ်တယ်လေ အမေ။ ကျွန်တော့်မွေးနေ့။ အဲဒါ ဘာဖြစ်တုံး”
လို့ ဆိုတော့ -
“သား ဒါပဲသိသလား” တဲ့။
“ဟုတ်တယ်လေ ကျွန်တော့်မွေးနေ့ပဲ။ ကျွန်တော် ဒါပဲ သိရမှာပေါ့”
“သား မှားနေပြီ။ အဲဒီလွန်ခဲ့တဲ့အနှစ် ၃၀ မြောက်နေ့က အမေသေမလိုဖြစ်တဲ့နေ့လေ” တဲ့။
“သားမွေးတော့ သားက ၉ ပေါင်ခွဲ” တဲ့။
“၉ ပေါင်ဆိုတဲ့သားကို အမေ သမားရိုးကျမွေးရတာ။ အမေ သေမလိုကို ဖြစ်တာ။ အဲဒီတော့ သားမွေးနေ့ဟာ အမေသေမလိုဖြစ်တဲ့နေ့” တဲ့။
အဲဒီမှာ ကျွန်တော် မျက်ရည်တောက်တောက်ကျတာပဲ။ အဲဒီနေ့က စပြီးတော့ နှစ်တိုင်းနှစ်တိုင်း ကျွန်တော့်မွေးနေ့ကို မှတ်ပြီးတော့ အမေ့ဆီသွားပြီး မနက်တိုင်း သွားကန်တော့ပါတယ်။ အခု အမေမရှိတော့တဲ့နောက်ပိုင်းမှာ ကျွန်တော် စာရေးပြီး ကန်တော့ပါတယ်။ အိမ်ကနေပြီးတော့ ဘုရားစင်ရှေ့မှာ အမေ့ကိုရည်မှန်းပြီး မနက်မိုးလင်းလင်းချင်း ဘုရားမကန်တော့ခင် အမေ့ကို ကန်တော့ပါတယ်။ ငရဲကြီးချင်လည်း ကြီးမှာပေါ့။
အဲဒီတော့ ပြောချင်တာက ဒီနေ့ မွေးနေ့ရှင်လေးတွေ။ နေ့တိုင်း နေ့တိုင်း မွေးနေ့ရှိတာပဲ။ လူငယ်လေးတွေ ကိုယ်တတ်နိုင်လို့ ဟိုတယ်ကြီးတွေမှာပဲလုပ်လုပ်၊ ဘုရားကျောင်းကန်တွေမှာပဲ သွားလုပ်လုပ်၊ ကိုယ့်အိမ်မှာပဲလုပ်လုပ်၊ လုပ်ကြပါ။ သို့သော် လူမျိုးမရွေး၊ ဘာသာမရွေး ကိုယ့်ဘာသာ ကိုယ့်ယဉ်ကျေးမှုနဲ့ကိုယ် နံပါတ်တစ် မိုးလင်းလင်းချင်းတော့ ကိုယ့်ရဲ့အမေကို ပထမဦးဆုံး ကန်တော့ကြပါ။ ဘာကြောင့်လဲဆိုတော့ စောစောကပြောသလို မိမိရဲ့မွေးနေ့ မဟုတ်ပါဘူး။ မိမိရဲ့အမေ သေမယ့်နေ့ပါ။ သေလောက်အောင် ခံစားရတဲ့နေ့ပါ။ ဒါဟာ ကျွန်တော် စာရေးဆရာတစ်ယောက်အနေနဲ့ ဒီနေ့လူငယ်တွေကို ဗဟုသုတအဖြစ်ရော၊ ပညာပေးအဖြစ်ရော ပြောချင်ပါတယ်။
အဲဒီတော့ ဒီကနေ့ ဒီအပတ်မှာ နောက်ဆုံးအနေနဲ့ ပြောချင်တာက စောစောက စကားတွေကို ပြန်ချုပ်ရလို့ရှိရင် စာရေးဆရာ၊ ရုပ်ရှင်။ ရုပ်ရှင်ဆိုလို့ စကားမစပ် ထပ်ပြောရဦးမယ်။ ဒီ စာရေးဆရာဘဝမှာ ရုပ်ရှင်က လွှမ်းမိုးရင် ဒုက္ခရောက်တတ်တယ်ဆိုတာ ကြားဖြတ်ပြောပါရစေ။
ကိုဝင်းဦးဆိုတာ ချောလွန်းအားကြီး၊ အရှိန်အဝါကောင်းလွန်းအားကြီးတော့ စာရေးဆရာဘဝ ပျောက်ထွက်သွားတာကိုးဗျ။ ကြားဖြတ်ပြောရဦးမယ်ဗျ။ ဒီနေ့ စာရေးဆရာတွေရဲ့ အဖြစ်ကို။ ဖေမြင့်၊ ကြားဖူးကြမှာပါ။ သိတော့ သိမှာပါ။ စာရေးဆရာဖေမြင့်။ အဲဒါကို လုံမငယ်လေးတစ်ယောက်က ကျွန်တော့်ကို တစ်လောက ပြောတယ်။
“ဖေမြင့်ဆိုတာ သိန်းဖေမြင့်သားလား” တဲ့။
ပြောတဲ့လုံမငယ်လေးက တခြားမဟုတ်ဘူးဗျား။ နာမည်တော့ ထုတ်မပြောတော့ပါဘူး။ ဒီနေ့ နာမည်ကြီးစာရေးဆရာမတစ်ယောက်ရဲ့ သမီး။ ကဲ… ကောင်းရောဗျာ။ စာရေးဆရာတွေရဲ့ဘဝဟာ ဒုက္ခ။
အဲတော့ ကျွန်တော့်ကျတော့ ဘယ်လိုဖြစ်သလဲဆိုတော့ စာရေးဆရာဘဝ မှေးမှိန်ရတာ ရုပ်ရှင်မင်းသားကောက်ဖြစ်ရတာ။ ကျွန်တော်က ရုပ်ကလည်း မရှိတော့ ကျွန်တော့်ဖြစ်ပုံကလည်း ကျွန်တော်က နောက်ကျောနဲ့ မင်းသားဖြစ်ရတာကိုး။ ဘယ်လိုဖြစ်သလဲဆိုတော့ အားလုံးသိပါတယ်။ နှောင်းတမြေ့မြေ့ဇတ်ကားထဲမှာ ခဲလုံးကန်တာနဲ့ မင်းသားတက်ဖြစ်တာ။
ဖြစ်ပုံက ဒီလိုဗျ။ ဇတ်လမ်းထဲမှာက ကျွန်တော့်ရဲ့အထက်အရာရှိက ဇော်လွင်၊ မင်းသားချော၊ ကျွန်တော့်ရည်းစားက ချိုပြုံး၊ ကျွန်တော်က ရုပ်ကလည်း ဆိုး၊ ရာထူးကလည်း သေး။ ကျွန်တော်က တစ်ချောင်း၊ တစ်ချောင်းခေါ်တာပေါ့ဗျာ။ တစ်ဘားပေါ့ဗျာ။ ခုခေတ်လို အပွင့်မဟုတ်ဘူး။ ဇော်လွင်က သုံးချောင်း။ ဒီခေတ်နဲ့ဆို သုံးပွင့်ပေ့ါ။ သူက ရာထူးကလည်း ကြီး၊ ချောကလည်း ချောသေးတယ်၊ ကျွန်တော့် ရည်းစားကိုလည်း ယူသွားသေးတယ်ဗျာ။ ဆိုတော့ကာ စိတ်ကလည်း တိုနေတယ်ဗျာ။
ကိုဝဏ္ဏက တော်တယ်ဗျ။
“ဟေ့ကောင်… မင်း နာမည်မေးရင် စိုးနိုင်လို့ပြောပြီး ထွက်သွားကွာ။ လမ်းလျှောက်ထွက်သွားကွာတဲ့”
ရှေ့မှာ သူက အုတ်ခဲလေး ချထားတယ်။ မြေကြီးခဲလေးတစ်လုံးချထားတယ်။ “အဲဒီခဲကို ပိတ်ကန်သွားကွာ” တဲ့။ သူက ဒီလောက်ပဲ။ ကျွန်တော်က ဘာလုပ်လိုက်သလဲ။ ဘာကြောင့်လဲဆိုတော့ ဒီ ခဲလုံးကန်တဲ့ ဥစ္စာကို ပရိသတ်က တအားစွဲသွားတယ်။ ကျွန်တော် မင်းသားဖြစ်တာလည်း အဲဒါနဲ့ ဖြစ်သွားတာ။ ကျွန်တော်က ဘာလုပ်လိုက်သလဲဆိုတော့ လမ်းလျှောက်ပြီးသွားတဲ့ ဒီမြေကြီးခဲကို ကျွန်တော် ကြည့်တဲ့အခါမှာ မြေကြီးခဲလို့ မမြင်တော့ဘူးဗျ။ ဒီမြေကြီးခဲက ကျွန်တော့်မျက်စိထဲမှာ ဇော်လွင့်မျက်နှာကြီး မြင်နေတာ။ ကျွန်တော်လျှောက်သွားရင်း လျှောက်သွားရင်းနဲ့ ပိတ်လည်း ကန်ရော၊ ကျွန်တော် မြေကြီးခဲကန်တာ မဟုတ်တော့ဘူး။ ဇော်လွင့်မျက်နှာ ကျွန်တော် ပိတ်ကန်လိုက်တာ။ ဒါကြောင့်လည်း ပရိသတ်က စွဲတာကိုးဗျ။
စွဲတော့ ဒီခဲလုံးကန်တာ ဒီနေ့ထိ ပြောလို့ မပြီးကြပါဘူး။ အဲဒီ ကားလေးပြတိုင်းပြတိုင်း အဲဒီခဲလုံး ကန်တာလေး လှလိုက်တာ။ ကောင်းလိုက်တာ ကောင်းလိုက်တာနဲ့။ ကောင်းမှာပေ့ါ၊ ကျွန်တော်က ခဲလုံးကန်တာမှ မဟုတ်ဘဲ။ ဇော်လွင့် မျက်နှာကန်တာကိုး။ ထားပါတော့လေ။ အဲဒီပြောချင်တာက ရုပ်ရှင်သရုပ်ဆောင်အားကောင်းလေ ဒီဘက်က လျော့သွားတတ်တယ်ဆိုတာလေး ပြောချင်တာပါ။ ဒီ ခဲလုံးကန်တာနဲ့ မင်းသားဖြစ်သွားတာ။ ဒီခဲလုံးကန်တဲ့အချက်ဟာ ဘယ်လောက်ထိ ပရိသတ်ကို ဖမ်းစားသွားသလဲဆိုရင် အဲဒီခေတ်က အဲဒီတစ်ဘားပေါ့လေ၊ တစ်ချောင်း ယူရိုတက်ကနစ်လို့ ခေါ်တာပေါ့လေ။ ဗိုလ်ကလေးတွေဟာ အဲဒီအတိုင်း လိုက်လုပ်ကုန်တာ၊ အခုခေတ် အခုချိန်ဆိုရင်တော့ သူတို့တွေ ကျွန်တော်နဲ့ မကြာမကြာ ဆုံတတ်ပါတယ်။ ဆုံတတ်တိုင်းလည်း ပြန်ပြန်ပြောကြတယ်။ သူတို့ တိုင်းမှူးတို့၊ တပ်ရင်းမှူးတို့ ဖြစ်ကုန်ကြပါပြီ။ အဲဒီပုဂ္ဂိုလ်တွေ။ အဲဒီတုန်းက သူတို့က အဲဒီကားလေးကြည့်လည်းပြီးရော အရာရှိရှေ့ရောက်လည်း ခဲလုံးရော၊ မြက်ဖုတ်ရော၊ အုတ်နီခဲရော၊ နို့ဆီခွက်ရော၊ တွေ့ရာအကုန်ပိတ်ကန်တော့တာပဲ။ အဲဒီကားကြည့်ပြီးတော့ စွဲသွားတာကိုး။
ကျွန်တော့်တုန်းကတော့ အဲဒီဟာ ပိတ်ကန်လိုက်တာနဲ့ ဒိုင်းဆို အကယ်ဒမီတောင် ရတော့မလို့။ ကျွန်တော် အရက်မူးနေလို့ မပေးတာ။ အဲလောက်အထိ ဖြစ်သွားတာ။ သူတို့ခမျာတော့ သဲအိတ်ထမ်းရတယ်။ နားရင်းရိုက်ခံရတာ။ ကျွန်တော့်ကို ပြန်ပြောပြတယ်။ တိုင်းမှူးတို့၊ ဘာတို့ဖြစ်နေတဲ့ပုဂ္ဂိုလ်တွေ “ကျွန်တော်ဗျာတဲ့… အရာရှိရှေ့ ခဲလုံးပိတ်ကန်လို့ဆိုပြီး နားရင်းရိုက်ခံရတာ၊ သဲအိတ်ထမ်းခံရတာ” တဲ့။ ဆိုတော့ အဓိကပေါ့နော်။ ရုပ်ရှင်အရှိန်အဝါသိပ်ကြီးသွားလို့ရှိရင် ဒီဘက်က စာပေအရှိန်အဝါ နည်းသွားတယ်လို့ ဒါလေး အဓိက ပြောချင်တာပါ။ သို့သော် အရေးကြီးတာကတော့ ဆိုင်းဘုတ်မှတ်တိုင်ဆိုတာ လောကမှာ ရှိတယ်။ ကျွန်တော် ဥပမာလေးတစ်ခု ပြောပြမယ်။
ကျွန်တော်တို့ခြံရှေ့မှာ အသင်းတိုက်မှတ်တိုင်ဆိုတာ ရှိတယ်။ ၃၉၊ ၄၉ ဘတ်စ်ကားတို့ဘာတို့ ရပ်တယ်။ စုတ်ပြတ်သတ်ပြီးတော့ ဆိုင်းဘုတ်အရောင်တောင် မရှိတော့ဘူး။ ၃၉ လည်း ၀၉ တွေဖြစ်ကုန်ပြီ။ ရွဲပလဲနေပြီ။ အဲဒီနောက်မှာ ဆိုင်းဘုတ်ကြီးရှိတယ်။ တစ်ခါတလေကျရင် ဗလမောင် ဝိတ်မတဲ့ ပုံကြီးရယ်၊ တစ်ခါတလေကျရင် မပေါ့်တပေါ် ကောင်မလေးတွေပုံ၊ စက်ဘီးကြော်ငြာ၊ တစ်ခါတလေ ဘီယာကြော်ငြာ၊ တစ်ခါတလေ ကော်ဖီမစ်၊ တစ်ခါတလေကျတော့ လေးဖြူတို့ဘာတို့ မျိုးစုံပြောင်းတယ်။ အဲဒီတော့ မှတ်တိုင်မှာ ဘတ်စ်ကားစီးဖို့စောင့်နေတဲ့လူတွေက ဒီဆိုင်းဘုတ်ကို ကြည့်ကြတာပေ့ါ။ ပြုံပြုံပြီး အုံအုံပြီး ကြည့်ကြတာပေါ့။ ဆိုင်းဘုတ်တစ်ခု ပြောင်းသွားပြန်ပြီ။ ‘ဟာ… မို့မို့မြင့်အောင်’၊ ‘ဟာ… တင့်တင့်ထွန်း’၊ တစ်ခါတလေကျတော့လည်း ‘ဟာ… လုံးချော၊ လုံးချောတဲ့’ တစ်ခုပြီးတစ်ခု ပြောင်းသွားတယ်။ ဒါပေမဲ့ မပြောင်းတာက ၃၉ ဆိုတဲ့ မှတ်တိုင်လေးက မပြောင်းဘူး။ ဒါပေမဲ့ ဆိုင်းဘုတ်က ပြောင်းပြောင်းသွားတယ်။ သူတို့ကို ဘာမှအကျိုးမပေးဘူး။ အုံလို့၊ ပြုံလို့ကြည့်တော့ သေချာတယ်။ ပြုံပြီးကြည့်တယ်၊ အုံပြီးကြည့်တယ်။ မော့ပြီးကြည့်ရတာ သေချာတယ်နော်။ စုတ်ပြတ်သတ်နေတဲ့ ဆိုင်းဘုတ်ကလေးကတော့ မှတ်တိုင်လေးကတော့ ဗိုက်ကြီးသည်လည်း ဆေးရုံပြေးရတယ်။ ကျောင်းသားလည်း ကျောင်းကို ပြေးရတယ်။ အလုပ်သမားလည်း အလုပ်ရုံကို ပြေးရတယ်နော်။ ဆရာဝန်လည်း ဆေးခန်းကို ပြေးရတယ်။ တကယ် အကျိုးပြုနေတာက စုတ်ပြတ်သတ်နေတဲ့ မှတ်တိုင်လေးက အကျိုးပြုနေတာ။ ဝိုင်းအုံကြည့်နေရတဲ့ ဆိုင်းဘုတ်က အကျိုးမပြုဘူး။ အဲဒါ ဆိုင်းဘုတ်နဲ့ မှတ်တိုင် ကွာခြားချက်ပဲ။
အဲဒီတော့ ကျော်ကြားမှုနဲ့ ပညာပေးနဲ့ ဘယ်ဟာ အရေးကြီးတယ်ဆိုတာကို သားတို့သမီးတို့ သိထားဖို့လိုပြီနော်။ ဆိုင်းဘုတ်နဲ့ မှတ်တိုင် ဘယ်ဟာအရေးကြီးတယ်ဆိုတာကို သားတို့သမီးတို့ သတိထားဖို့ အရေးကြီးပြီနော်။ ဒါကြောင့်မို့လို့ နောက်ဆုံးအနေနဲ့ ဘာတွေပဲပြောပြော၊ ဘာတွေပဲဖြစ်ဖြစ်၊ မင်းဘာလဲ ငါဘာလဲဆိုတာ သိဖို့အတွက် သီချင်းလေးတစ်ပုဒ် ဖွင့်ပြမယ်။ ဒီသီချင်းလေးက ဦးသုမောင်ကြီး အဆိုတော်၊ ရုပ်ရှင်မင်းသား၊ စာရေးဆရာ ဆိုပြီး လျှမ်းလျှမ်းတောက်ဖြစ်ခဲ့တဲ့အချိန်တုန်းက တေးရေး ဆရာမောင်ကြေးမုံ ရေးပေးတဲ့ သီချင်းလေး။ နားထောင်ကြည့်ပါနော်။ အဲဒီအချိန်တုန်းကတော့ ကလက်တယ်လို့ စိတ်ထဲထင်တာကိုး။ မြန်မာသံဆိုနေကျလူက ဘိုသံဆိုထားတာဆိုတော့ ခုချိန်ပြန်နားထောင်တော့ တရားရစရာကောင်းတယ်ဆိုတာ ကြားရပါလိမ့်မယ်။ ကဲ… ဒီအပတ် ဒီသီချင်းလေးနဲ့ အဆုံးသတ်လိုက်ကြရအောင်။
“ကျွန်တော့်အဖေရဲ့ ပခုံးပေါ်က ခြောက်လသားကလေးငယ်ရဲ့ ဓာတ်ပုံကလေးကြည်ကာ…ကျွန်တော် မေးမိတယ်… (မင်းဘာလဲ… ငါ ဘာလဲ၊ ငါဘာလဲ၊ မင်းဘာလဲ)၂ ...ဓာတ်ပုံထဲက ကလေးက ပြန်ဖြေတယ်…ကျုပ်ဟာ အဖေ့သား မောင်ဗလပါတဲ့……
မိတ်ကပ်ရယ်…နှုတ်ခမ်းနီရယ်…ကြော့နေတဲ့…ကော့နေတဲ့ ကြည့်မှန်ထဲ ကျွန်တော့်ကိုယ်ကျွန်တော် မေးမိတယ်… (မင်းဘာလဲ… ငါဘာလဲ၊ ငါဘာလဲ မင်းဘာလဲ) ၂
ကျွန်တော့်ရဲ့ဒုတိယအရိပ်က ပြန်ဖြေတယ်…ဟား…ဟား ရုပ်ရှင်မင်းသားသုမောင်ပါတဲ့…
တိုက်ပုံအစုတ်…ကုပ်ဖွာနဲ့ ဘော့ကိုခဲနေတဲ့…ကြည့်မှန်ထဲ ကျွန်တော့်ကိုယ်ကျွန်တော် မေးမိတယ်…(မင်းဘာလဲ…ငါဘာလဲ…ငါဘာလဲ မင်း ဘာလဲ) ၂
ကျွန်တော့်ရဲ့ တတိယအရုပ်က ပြန်ဖြေတယ်…ဝတ္တုရေးတဲ့ သုမောင်ပါတဲ့…
အေးဘုံနဲ့ နှစ်ယောက်အတူတွဲ ပြုံးကာဖြဲဖက်နေတဲ့ဓာတ်ပုံကလေးကြည့်ကာ ကျွန်တော် မေးမိတယ် (မင်းဘာလဲ…ငါဘာလဲ…ငါဘာလဲ မင်းဘာလဲ) ၂
ဓာတ်ပုံထဲက ငနဲက ပြန်ဖြေတယ်… ဟား ဟား…အေးဘုံယောက်ျား သုမောင်လကွာတဲ့…
ထိုစဉ်မှာ ကျွန်တော့်ရဲ့မိတ်ဆွေ ၃၂ ယောက်က ဟားတိုက်ရယ်ကြတယ်…ကိုအရိုးရယ်… ကိုအသားရယ်…ကိုအသွေးရယ်…ကိုခြင်ဆီရယ်…ကိုဆံပင်နီရယ်…ကိုမျက်လုံးရယ်…အို…အားလုံးက ပြန်လည်ကန့်ကွက်လို့ ချေပကြတယ်…
(အားလုံးမှားတယ်)၂ မင်းလည်းမရှိ…ငါလည်းမရှိ… ဘာမှမရှိဘူး…ဟေ့ဘာကောင်ညာကောင် လုပ်မနေကြနဲ့…တဲ့…
(စကားပြော) ကဲ… သတ္တိရှိလို့ရှိရင် မှန်ထဲကြည့်ပြီး ကိုယ့်ကိုယ်ကိုယ် မေးကြည့်စမ်းပါ…ဟေ့…မင်းဘာလဲ ငါဘာလဲ…မင်းဘာလဲ ငါဘာလဲ… ဟဲ ဟဲ ဟဲ ဟဲ…”
သိပ္ပံဟာ ဗုဒ္ဓဝါဒနဲ့ ကိုက်ညီရဲ့လား
ဪ… ဒါနဲ့ စကားမစပ်၊ အင်း… ဘာလိုလိုနဲ့ သုမောင်တစ်ယောက် သဒ္ဒအသံနဲ့ပတ်သက်ပြီး သောတရှင်တွေကို အလုပ်အကျွေးပြုနေတာ တစ်လလောက် ဝတ္တရားပျက်ကွက်သွားပါတယ်။ ဒီနေရာမှာ ကျွန်တော့်ရဲ့ စားဝတ်နေရေးနဲ့ပတ်သက်ပြီး လုပ်စားတာပေါ့။ အသံနဲ့ လုပ်စားတာ၊ သီချင်းဆိုတာ စသည်ဖြင့် ဒါက မထောင်းတာလှပါဘူး။ ခုလို မန္တလေးအက်ဖ်အမ်မှာ ပုံမှန် ကိုယ့်အတွေ့အကြုံလေးတွေနဲ့ အထူးသဖြင့် လူငယ်တွေအတွက် ဓမ္မဒါန ဆိုပါစို့ပေါ့။ ပြုနေတဲ့ ဓမ္မဒါန သဒ္ဒဒါန ပျက်ကွက်တာကျတော့ စိတ်မကောင်းဘူးပေါ့နော်။
အဲဒီထက် စကားမစပ် ကြားဖြတ်ပြောရရင် ဒီမန္တလေးအက်ဖ်အမ်ကပဲ ဦးဆောင်တာလို့ သတင်းကြားတယ်။ တစ်သက်မှာ တစ်ခါကြုံရခဲတဲ့ ကျွန်တော်တို့ အသံသမားတွေအတွက် မန္တလေး နှစ် ၁၅၀ အထိမ်းအမှတ်မှာ ထူးထူးခြားခြားလုပ်တယ်။ ရေဒီယိုတေးသံရှင်ကြီးတွေနော်၊ ကျွန်တော်တို့ အရွယ်ပိုင်းတွေ၊ ကျွန်တော့်တို့ထက် ကြီးတဲ့သူတွေ များပါတယ်။ ကျွန်တော်အငယ်ဆုံးလို့ ကြားတယ်။ တေးသံရှင်ကြီးတွေကို တကူးတက မန္တလေးမှာ မြို့မတီးဝိုင်းနဲ့ ခေါ်ပြီး ပရိသတ်အလွမ်းပြေပွဲမှာလည်း ကျွန်တော် ပျက်ကွက်ခဲ့ရတယ်။ အဲဒီအတွက်တော့ အထူးတလည် စိတ်မကောင်းမိဘူး။ ပရိသတ်အတွက်ရော၊ ကျွန်တော့်ကိုယ်ကျွန်တော်အတွက်ပါ အားမလိုအားမရဖြစ်ရတယ်နော်။ လွတ်သွားလေခြင်း… ဒါဟာ တကယ့်မှတ်တိုင်ကြီးတစ်ခု လွတ်သွားတာပါပဲ။
အဓိကကတော့ ဒီနေ့ခေတ်မော်ဒန်ပေါ့လေ။ မော်ဒန်စကားကျန်းမာရေးကြောင့်ပါ။ ကျန်းမာရေး၊ ကျန်းမာရေးဆိုတော့ ရယ်စရာလေး ပြောရဦးမယ်ဗျာ။ ကျန်းမာရေးလို့ ဆိုလိုက်တာနဲ့နော်… ဆိုကြပါစို့။ ကမ္ဘာ့ကျန်းမာရေးသုတေသနပညာရှင်ကြီးတွေ၊ ပါရဂူကြီးတွေအနေနဲ့ ကျန်းမာရေးဆိုတဲ့နေရာမှာ သူတို့ဘာတွေ လုပ်သလဲဆိုတော့ ဆိုပါစို့။ ကလုန်း (Clone) ပုံတူမျိုးပွား… စသည်ဖြင့်ပေါ့။ ပြီးတော့ ပို့စ်မော်ဒန်ရောဂါ အေအိုင်ဒီအက်စ်တို့၊ H1N1 ၊ ကြက်ငှက်တုပ်ကွေး၊ ဝက်တုပ်ကွေး စသည်ဖြင့်ပေါ့လေနော်။ ဆေးမပေါ်သေးတဲ့ ရောဂါတွေအတွက် ဆေးသုတေသနတွေ လုပ်ရတယ်။ ဆေးဝါးတွေ ဖော်စပ်ရတယ်။
အဲဒီကနေပြီး နှလုံးအစားထိုးတာတို့ ဘာညာပေါ့လေ၊ ခြေထောက်အစားထိုးတာတို့ ဒါတွေကို တကယ့်ပညာရှင်ကြီးတွေက လုပ်ရတယ်။ တော်ရုံတန်ရုံပါရဂူတွေကျတော့လည်း ခွဲစိတ်ကုသတာပေါ့နော်။ အကြီးစားခွဲစိတ်ကုသရတာ။ အဲဒီကနေ တစ်ဆင့်တစ်ဆင့် ရိုးရိုးသာမန်ဆရာဝန်တွေကျတော့လည်း ဖျားနာတာကနေအစ ခြေလက်ကျိုးတာပြုတာကအစ ကုသရတယ်။ ဒါကို ကျန်းမာရေးလို့ ခေါ်တာပေါ့လေ။
အဲဒါကို ကျွန်တော်တို့ ပြည်သူတွေအနေနဲ့ ကျန်းမာရေးဆိုတာ အကြီးဆုံးခွဲစိတ်မှုတွေ ရှိသလို နေမကောင်း ဖျားနာတာလည်း ကျန်းမာရေး ခေါ်တာပါပဲ။ လက်ကလေး ဓားရှရင်လည်း ဒါကျန်းမာရေးထဲ ဝင်သွားတာပဲဗျ။ ဓားရှလို့ ပေါ့လို့မရဘူး။ မေးခိုင်ပိုးဝင်မှာ ကြောက်ရတာ စသည်ဖြင့်ပေါ့နော်။
အဲ… ဒေါင်ဒေါင်မြည်ကျန်းမာနေတဲ့လူတွေကလည်း ကျန်းမာရေးအတွက် ကြိုတင်ကာကွယ်တဲ့သဘောနဲ့ ကျန်းမာရေးလိုက်စားတယ်ဆိုပြီး မနက်တိုင်း လမ်းလျှောက်ထွက်တာ၊ အနှေးပြေးတာတို့ ဒါတွေလုပ်ကြရတယ်။ ဒါ အားလုံးနဲ့ဆိုင်တဲ့၊ လူတွေအားလုံး နားလည်ထားတဲ့ ကျန်းမာရေးပါ။
အဲဗျာ… ထူးထူးဆန်းဆန်း အဲ… တစ်ခါတလေ ဂျာနယ်တွေထဲမှာလည်း ပါတယ်။ ကျွန်တော်နဲ့ပတ်သက်ပြီးတော့ သတင်းတွေလည်း ဖြစ်တယ်။ ကိုသုမောင်ကြီး၊ ဦးသုမောင်ကြီး ကျန်းမာရေးမကောင်းဘူးဆိုရင် ဘာထင်တယ်မှတ်သလဲ။ လူတွေကနော် အရက်အလွန်အကျွံမူးလို့ထင်တာဗျာ။ အဲဒါတွေ လူ့သဘာဝပေါ့နော်။ အင်း… တခြားမကြည့်ပါနဲ့။ သုမောင်ကြီး အကယ်ဒမီရတာကိုလေ တချို့လူတွေမသိဘူးဗျ။ အဲ… အရက်သောက်တာကျတော့ လူတိုင်းသိတယ်။ တစ်ကမ္ဘာလုံးကသိတယ်။ အမေရိကားရောက်တော့ အကယ်ဒမီရတာ မသိကြဘူး။ အင်း… အရက် သောက်တာ သိကြတယ်။ မှတ်ချက်ထဲမှာဗျား။
ကဲ… ဒီထက် တစ်ဆင့်တက်လိုက်ဦးနော်။ အကယ်ဒမီရတာ တော်တော်များများ သိတယ်။ စပေဆုရတာ ပိုမသိပြန်ဘူး။ ဒါကြောင့် ကျွန်တော်ပြောတာနော်။ ဟိုတစ်လောက ကြော်ငြာဆိုင်းဘုတ်နဲ့ ဘတ်စ်ကားမှတ်တိုင်လေ။ ဘတ်စ်ကားမှတ်တိုင်က သေးနုပ်တယ်။ ဒါပေမဲ့ အလုပ်ဖြစ်တယ်။ ခိုင်ခံ့တယ်။ ကြော်ငြာဆိုင်းဘုတ်က လူတွေတော့ ဝိုင်းကြည့်ပါတယ်။ ဒါပေမဲ့ မခိုင်ခံ့ဘူး။ ဒီသဘောပါပဲနော်။
အဲတော့ တကယ်ဖြစ်တာက ကျန်းမာရေး။ ကျွန်တော့် အဲဒီမန္တလေး နှစ် ၁၅၀ ပြည့်ပွဲ သွားခါနီးဆဲဆဲမှာ ဖြစ်လိုက်တာ မော်ဒန်ရောဂါပါပဲ။ လူတစ်ယောက် လမ်းလျှောက်သွားရင် ပခုံးချင်းတိုက်မိရင် ဘာရောဂါရှိသလဲ မေးကြည့်လိုက်။ ဆီးချိုသွေးချိုတဲ့ဗျားနော်။ ဟာ… အံ့ဩစရာကောင်းတာကလေ ကျွန်တော် သတင်းကြားတာပေါ့လေ။ ကောင်းတဲ့သတင်းလိုပဲ ကိုယ့်ဘက်ကိုယ် ယက်ပြောရမယ်။ အရက်ကတဲ့… ဆီးချိုကျတယ်။ ကျွန်တော် အရက်သမားဗျာ။ ဘယ်လိုလုပ် ဆီးချိုဖြစ်သလဲ မသိဘူး။ ဖြစ်တတ်တာ ပြောပါတယ်။ ဝီစကီသောက်ရင် ဆီးချိုကျတယ်တဲ့ဗျာ။ အဲဒါလေ အခု သုမောင်ကြီး ဆီးချိုဖြစ်လို့။ အချိုလည်းကြိုက်တာ မဟုတ်ဘူး။ အရက်သမားနဲ့ အချိုနဲ့ မတည့်ဘူးဗျာ။
