တစ်ရက် ကုမ္ပဏီဝင်းထဲမှာ မန်နေဂျာမရဲ့ နိုင်ငံခြားဖြစ်ခွေးလေးက ပြေးရင်းနဲ့ ကျွန်တော့်ကားကို ဝင်တိုက်မိတယ်။ တော်ပါသေးရဲ့။ ကားဘီးကို ဘေးက ဝင်တိုက်မိပြီး ကျွန်တော်ကလည်း ချက်ချင်း ဘရိတ်အုပ်လိုက်လို့သာပေါ့။
မန်နေဂျာမက နိုင်ငံခြားဖြစ်ခွေးလေးတွေကို တစ်နေ့တစ်ကောင် သူမရုံးခန်းကို ခေါ်လာတတ်တယ်။ မန်နေဂျာမက သူမ ခွေးကို ကားတိုက်ပြီဆိုတော့ ရုံးထဲက ပြေးထွက်လာပြီး ကျွန်တော့်ကို လက်ညှိုးငေါက်ငေါက်ထိုးပြီး နှစ်ပြားမတန်ဆိုတယ်။
ကျွန်တော်က ပြန်ပြောချင်ပေမယ့် သူဌေးမျက်နှာကိုမြင်ပြီး စကားတွေ လည်ချောင်းဝ တစ်သွားတယ်။ သူမရဲ့ ခြွေရံသင်းပင်းတွေကလည်း ပျာယာခတ်ပြီး ခွေးလေးကို ကောက်ပွေ့ကာ …
“မမ … ခွေးလေးကို ဆေးခန်းသွားပြမှ ဖြစ်မှာ” လို့ ပြောမှ ကားနဲ့ တစ်အုပ်တစ်မကြီး ခွေးကို ဆေးခန်းသွားပြကြတယ်။
ကျွန်တော့်မှာ ရင်မောစွာ၊ စိုးထိတ်စွာနဲ့ ကျန်ခဲ့တယ်။ နောက်နေ့ရောက်တော့ မန်နေဂျာမက ကျွန်တော့်ကို သူမရုံးခန်းထဲ ခေါ်တွေ့တယ်။
“မင်း … မဆင်မခြင်မောင်းလို့ ငါ့ဘေဘီလေး ခြေသန်းကျိုးသွားတယ် … ခွဲရစိတ်ရ၊ ဆေးထိုးရနဲ့ ငွေသုံးသိန်း ကုန်သွားတယ် … အဲဒါ … မင်း လျော်ပေး”
“ဟာ … ဘာလို့လျော်ရမှာလဲ … ကျွန်တော် မမှားဘူး … အစ်မခွေးက ကျွန်တော့်ကားဘီးကို ဘေးက ဝင်တိုက်တာလေ”
ကျွန်တော်က မဟုတ်မခံဆိုတော့ ပြန်ပြောတာပေါ့။ ဒီတော့ မန်နေဂျာမက ပိုစိတ်ဆိုးသွားပုံရတယ်။
“ဘာ … မင်း … မမှားရမှာလဲ … မင်းမှားလို့ ငါ့ခွေးတိုက်မိတာပေါ့၊ မင်းက ဗြောင်ငြင်းတယ် … ဒါမျိုး ငါမကြိုက်ဘူး … ငွေသုံးသိန်း လျော်ကို လျော်ရမယ် … ၊ အေး … မင်းကို ငါ အချိန်သုံးရက်ပေးမယ် … မလျော်ရင် အလုပ်ဖြုတ်ပစ်မယ် … ၊ မင်းသွားတော့ … ငါ့ကို ဘာမှပြန်မပြောနဲ့တော့”
ကျွန်တော် မမှားကြောင်း ကျွန်တော်သိပါတယ်။ ကုမ္ပဏီဝန်ထမ်း အားလုံးသိတယ်။ ငွေသုံးသိန်းဆိုတာက ကျွန်တော့်လက်ထဲမှာမရှိ။ သီတင်းကျွတ်ရင် လက်ထပ်မှာမို့ အခုကတည်းက ဝယ်ခြမ်းထားဖို့ ငွေနှစ်သိန်းကို ရွာပို့ထားတယ်။ အခုဆို ဝယ်ထားလောက်ပြီ။ ကျွန်တော့်လက်ထဲမှာက သောင်းဂဏန်းလောက်ပဲ ရှိတယ်။
ဖြစ်သမျှကို ကိုသံခဲတို့ မိသားစုကို ရင်ဖွင့်မိတယ်။ ကိုသံခဲကတော့ “ဟုတ်တာပေါ့ … ခင်ဗျား မမှားဘူး” ပဲ လုပ်နေတယ်။
“သူဌေးက ဟောင်ကောင်မှာ … ဒီမှာ ကုမ္ပဏီခွဲ လာဖွင့်တာ … တိုင်လည်း အကြောင်းထူးမှာ မဟုတ်ပါဘူး”
မဝိုင်းတင်က ပြောတော့ စိတ်အိုက်ရတဲ့အထဲ ရယ်ချင်သွားတယ်။ ကိုယ့်သူဌေးအကြောင်း ဘာမှမပြောချင်။
“ရှင် … ငွေသုံးသိန်း မလျော်ချင်ရင် မန်နေဂျာမကို တောင်းပန်ရမယ်လေ၊ ရှင်က တောင်းပန်မှာ မဟုတ်ဘူး၊ ဒီတော့ မာယာငွေကို ငှားပြီး တောင်းပန်ခိုင်းရမှာပေါ့။ တောင်းပန်တယ်ဆိုတာ အောက်ကျို့ခံပြီး တစ်ဖက်သူ သနားလာအောင် ပြောရတာ၊ ဒါမျိုး မာယာငွေတတ်တယ်”
မဝိုင်းတင် အပြောကောင်းတာရယ်၊ ပြဿနာက ငယ်ထိပ်တက်နေပြီမို့ မာယာငွေနဲ့ မပတ်သက်ချင်တော့ပေမယ့် တစ်ခါပြန်ပတ်သက်ရပြန်တယ်။
(၄)
မဝိုင်းတင်ကတစ်ဆင့် မာယာငွေကို သုံးသောင်းနဲ့ ငှားလိုက်တယ်။ စရန်တစ်ဝက် အရင်ပေးရတယ်။
ညနေပိုင်းမှာ ကိုသံခဲ လေးဘီးကားနဲ့ မန်နေဂျာမအိမ် ထွက်ခဲ့ကြတယ်။ ဇာတ်လမ်းက မစရသေးဘူး၊ မာယာငွေက သြဇာစ,ပေးတယ်။ မဝိုင်းတင်ကို ကားရှေ့ခေါင်းခန်း ထိုင်ခိုင်းပြီး ကျွန်တော့်ကို သူတို့ မိသားစုနဲ့အတူ ကားနောက်ခန်း ထိုင်ခိုင်းတယ်။
ကလေးသုံးယောက်။ အကြီး မိန်းကလေးက ၈ နှစ်လောက် ရှိမယ်။ အငယ်ဆုံးနှစ်ယောက်က ယောက်ျားလေး။ မာယာငွေ့ မျက်နှာမှာ ဘာမှခြယ်သမထား။ ဒါပေမဲ့ အင်္ကျီတွေက သစ်သစ်လွင်လွင်၊ နောက်ပြီး အဝတ်အိတ်ကြီးလည်း ယူလာကြတယ်။ တကယ့်မိသားစု ပျော်ပွဲစားထွက်တဲ့ပုံ။
ကားသွားရင်းနဲ့ မာယာငွေက သူမ စီမံချက်တွေကို ပြောပြတယ်။ ကျွန်တော့်ကိုပြောသလို သူ့ကလေးတွေကိုလည်း သွန်သင်နေတယ်။
ကျွန်တော့်မှာ မျက်လုံးပြူးပြီး နားထောင်နေရတယ်။ ဖြစ်မှဖြစ်ပါ့မလားလို့ စိတ်က ပူမိတယ်။ နောက်ပြန်လှည့်ရ ကောင်းမလားလို့လည်း စိတ်က ကူးမိပြန်တယ်။
“ကိုထွန်း စကားမမှားစေနဲ့နော် … ငွေ ပြောတဲ့စကားနောက်က အသာလိုက်ပြော … အရေးအကြီးဆုံးက ဒေါသမဖြစ်နဲ့နော် … အတတ်နိုင်ဆုံး ခေါင်းငိုက်စိုက်ချနေနော် … ကိုထွန်း ငွေ ပြောတာ မှတ်မိတယ်နော်” နဲ့ မျက်နှာချင်းဆိုင် ထိုင်နေတဲ့ ကျွန်တော့်လက်ကို သူမလက်နဲ့ ကိုင်ပြောနေတော့ ကျွန်တော့်မှာ ဘာပြောရမှန်းတောင် မသိဘူး။ စိတ်တွေ ထူပူသွားတော့တာပေါ့။
မန်နေဂျာမအိမ်နဲ့ မနီးမဝေးမှာ ကားရပ်သွားတယ်။ နောက် မာယာငွေတို့ မိသားစုက အဝတ်ဟောင်းတွေ လဲဝတ်ကြတယ်။
ကျွန်တော်နဲ့ ကိုသံခဲက တအံ့တသြ ကြည့်နေတယ်။ မဝိုင်းတင်က ကူလုပ်ပေးနေတယ်။ မာယာငွေရဲ့ဗိုက်ကို ရေမြှုပ်တစ်ခု ကပ်နေတယ်။ နောက် အင်္ကျီတစ်ထည်ပွပွကို အပေါ်က ဝတ်လိုက်တယ်။ ဆံပင်တွေလည်း ဆွဲဖွနေတယ်။
ဘုရားရေ … မာယာငွေမှာ ဗိုက်တုကြီးနဲ့ပါလား။
“ကဲ … ကိုထွန်း ရှေ့ကသွား … သမီးနဲ့သားတွေ အမေပြောတာ မှတ်မိတယ်နော်”
မာယာငွေက ကျွန်တော့်ကို အမိန့်ပေးသလို၊ သူမကလေးတွေကိုလည်း ပြောနေတယ်။
“ဟုတ်ကဲ့ မေမေ … မှတ်မိပါတယ်” ကလေးတွေက ပြိုင်တူဖြေတယ်။
“ကိုထွန်း … သားလေးချီလေ”
ကျွန်တော့်မှာ အငယ်ဆုံးကောင်ကို ကောက်ချီရတယ်။ အကြီးကောင်က လက်လာဆွဲတယ်။ ကျွန်တော့်နောက်မှာ မာယာငွေက သူ့သမီးကြီးကို ဖခုံးဖက်လိုက်တာတယ်။
“ကိုမောင်ထွန်းတို့ မိသားစု အောင်မြင်ပါစေ” လို့ မဝိုင်းတင်က နောက်က လှမ်းစတယ်။ ကျွန်တော့်မှာ သွားရင်းလာရင်း ရှိုးတိုးရှန့်တန့် ဖြစ်နေရတယ်။ ခုလုတ်တိုက်မိချင်သလိုလို။ မျက်နှာက ထူအမ်းနေသလို ဖြစ်နေတယ်။
မန်နေဂျာမအိမ် ရောက်တော့ အစောင့်က …
“ဘာကိစ္စလဲ” လို့ ဆီးမေးတယ်။
“ဟို … မန်နေဂျာမမနဲ့ တွေ့ချင်လို့ပါ အစ်ကိုကြီး”
ကျွန်တော်မပြောခင် မာယာငွေက ချွဲချွဲပျစ်ပျစ်ဝင်ပြောတယ်။ တစ်ခေါင်းလုံး ဖြူနေတဲ့အစောင့်က “ခဏနေဦး” ဆိုပြီး တိုက်ဆီ ခပ်သုတ်သုတ်သွား သတင်းပို့ပြီး ခပ်သုတ်သုတ်ပြန်လာကာ တံခါးဖွင့်ပေးတယ်။
“ကျေးဇူးနော် … အစ်ကိုကြီး”
မာယာငွေက ပြောပြီး ကျွန်တော်တို့ ဝင်းထဲဝင်ခဲ့ကြတယ်။ တိုက်အပေါက်မှာ မန်နေဂျာမက ခါးထောက်ရပ်နေတယ်။
“မင်းမှားတဲ့အတွက် လျော်ကြေးငွေ သုံးသိန်းလာပေးတာလား” လို့ ဆီးမေးတယ်။
ကျွန်တော်က ဘာပြန်ပြောရမှန်းမသိ။ မာယာငွေ မှာထားသလို ခေါင်းငုံ့နေလိုက်တယ်။ ဒီအချိန်မှာ မာယာငွေနဲ့ ကလေးသုံးယောက်က သမံတလင်းပေါ် ဒူးထောက်လိုက်ကြတယ်။
“မမရယ် … ကျွန်မတို့သားအမိကို သနားပါရှင်” လို့ ငိုသံလေးနဲ့ ပြောလိုက်တယ်။
“ဘာလဲ … ရှင်တို့က သူနဲ့ ဘာတော်သလဲ” လို့ မန်နေဂျာမက မေးတယ်။
“ကျွန်မက ကိုထွန်းမိန်းမပါ … ဒါ ကျွန်မတို့ ကလေးတွေပါ မမ”
“ကိုမောင်ထွန်းမှာ မိန်းမရှိတယ်လို့ မကြားဖူးပါဘူး”
မန်နေဂျာမကလည်း လျင်တယ်။
“ဟုတ်လား မမ … သူက သူ့ကိုယ်သူ လူပျိုလို့ ပြောနေတာနေမှာ မမ … ယောက်ျားတွေက ကွယ်ရာကျ ဒီလိုပဲ”
မာယာငွေက ကျွန်တော့်ကို မျက်စောင်းလှမ်းထိုးလိုက်တယ်။ နောက် မျက်ရည်တွေ ဝိုင်းလာပြီး …
“စီးပွားရေးမို့ ကျွန်မတို့လင်မယား ချစ်လျက်နဲ့ ခွဲနေရတာပါ မမရယ်၊ ကျွန်မတို့ မိသားစုက ရွာမှာနေရတာပါ … ရွှေဘိုအနောက်ဘက် ဇီးဖြူကုန်းကပါ၊ ကျွန်မအဖေက မျက်စိမမြင်ရှာပါဘူး၊ ကိုထွန်း အဖေအမေတွေကလည်း အိုနေကြတော့ ကျွန်မကပဲ ပြုစုစောင့်ရှောက်နေရတယ်။ ကိုထွန်း လှမ်းပို့တဲ့ ငွေရယ်၊ ကျွန်မ ပျိုးနုတ်၊ ကောက်စိုက်တဲ့ ငွေလေးနဲ့ပဲ ကျွန်မတို့ မိသားစု ချွေတာစားသုံးနေရတာပါ … အဖေကလည်း မျက်စိခွဲရမှာတဲ့ … အခုလို ပြဿနာဖြစ်တယ်ကြားတော့ ကျွန်မတို့သားအမိ လိုက်လာရတာပေါ့ … ကျွန်မတို့မှာ စားစရာ အနိုင်နိုင်မို့ လျော်စရာလည်း မရှိပါဘူး အစ်မရယ်၊ အလုပ်ပြုတ်သွားရင်လည်း သူတင်မကဘူး ကျွန်မတို့ မိသားစုရော၊ ကျွန်မတို့ကို မှီတင်းနေတဲ့ မိအိုဖအိုတွေလည်း ဒုက္ခရောက်ကြရမှာပါ မမရယ် … ဒါကြောင့် ကျွန်မတို့ အစ်မကို ရှိခိုးတောင်းပန်ပါတယ်ရှင် … သူဌေးနဲ့ အစ်မမန်နေဂျာက သဘောကောင်းတယ်၊ စိတ်ထား မြင့်မြတ်တယ်လို့ ကိုထွန်းက ကျွန်မတို့ကို အမြဲတမ်း ပြောနေတာပါ မမရယ်”
မာယာငွေမှာ ပြောရင်း မျက်ရည်တွေ တပေါက်ပေါက်ကျကာ မန်နေဂျာမကို ဦးချနေတယ်။
“မမ … ဖေဖေ့ကို မလုပ်မဖြုတ်ပါနဲ့နော် … သမီးတို့ ဒုက္ခရောက်မှာ စိုးလို့ပါ”
အကြီးမလေးကလည်း ငိုပြီး ကန်တော့ရှာတယ်။ ယောက်ျားလေးနှစ်ယောက်ကလည်း ကန်တော့ကြတယ်။ ဒီတော့ မန်နေဂျာမက သနားသွားသလား၊ စိတ်ရှုပ်သွားသလား မသိဘူး။
“ကဲ … ကဲ … တော်ကြပါ … ကိုမောင်ထွန်း ရှင်မှားတယ် မဟုတ်လား” လို့ မန်နေဂျာမက ကျွန်တော့်ကို လှမ်းမေးတယ်။ ကျွန်တော်က ကျွန်တော်မမှားဘူးလို့ ဖြေမယ်အလုပ် …
“ကိုထွန်း … ကိုထွန်းမှားတယ်လေ … ငွေ့ကိုချစ်ရင် ကိုထွန်းအမှားကို ဝန်ခံလိုက်လေ … မမက အမှန်တရားမှ ကြိုက်တာ”
မာယာငွေက ထလာပြီး ကျွန်တော့်လက်မောင်းကို လှုပ်ပြီး ပြောရှာတယ်။ ကျွန်တော် သက်ပြင်းချပြီး …
“ဟုတ်ကဲ့ … ကျွန်တော်မှားပါတယ် မမ” လို့ ပြောလိုက်တယ်။ ဒီတော့ မန်နေဂျာမက ပြုံးပြီး …
“ရှင် မှားမှန်းသိရင် လျော်တာတော့ လျော်ရမယ် … ဒါပေမဲ့ ရှင့်မိန်းမနဲ့ ကလေးတွေကို သနားလို့ တစ်သောင်းတော့ လျော်ရမယ်” လို့ ပြောတယ်။
မန်နေဂျာမ စကားကြောင့် ကျွန်တော့်ရင်ထဲက အလုံးကြီး ကျသွားတယ်။
“မမ … ကိုထွန်းကိုတော့ အလုပ်မဖြုတ်ပါနဲ့နော်”
မာယာငွေက စိုးရိမ်သံလေးနဲ့ ဝင်ပြောတယ်။
“စိတ်ချပါ … ရှင်က ရှင့်ယောက်ျားကို တော်တော်ချစ်ပုံရတယ် … လျော်ကြေးကလည်း လစာထဲက ဖြတ်လိုက်ပါမယ်။ နေဦး … ကလေးတွေအတွက် မုန့်ဖိုးပေးလိုက်ဦးမယ်”
မန်နေဂျာမက အိမ်ထဲဝင်ပြီး ငွေယူတယ်။ နောက် ကလေးတစ်ယောက်ကို မုန့်ဖိုးတစ်သောင်းပေးတယ်။ မာယာငွေကိုတော့ “ဗိုက်ထဲက ကလေးအတွက်” ဆိုပြီး နှစ်သောင်းပေးတယ်။ ကျွန်တော့်မှာ ရယ်ချင်လိုက်တဲ့ဖြစ်ခြင်း။
* * *
(၅)
အပြန်လမ်းမှာ မာယာငွေက ကလေးတွေ ဆာနေပြီဆိုတော့ စားသောက်ဆိုင်မှာ ခေါက်ဆွဲကြော် ဝင်ကျွေးရတယ်။ အအေးတိုက်ရတယ်။ ကလေးတွေ မရောက်ဖူးပါဘူးဆိုတဲ့ တိရစ္ဆာန်ဥယျာဉ် လိုက်ပို့ရတယ်။ အရေးထဲ မဝိုင်းတင်က “ကိုမောင်ထွန်း ပျော်လား” လို့ နောက်နေသေးတယ်။
အိမ်ရောက်တော့ ကျန်ငွေ ၁၅၀၀၀ ပေးရတယ်။
“ငါးထောင်က မဝိုင်းတင်ကို ပွဲခပေးရဦးမှာ” လို့ ပြောသွားတယ်။ ကားခလည်း မယူဘူးပြောပေမယ့် တစ်သောင်းပေးလိုက်ရတယ်။
နောက်တော့ စိတ်မောလူမောနဲ့ ခုတင်ပေါ်မှာ ပက်လက်လန်လှဲချလိုက်တယ်။ ဒီတော့ ခဏတွင်း ဖြစ်ပျက်မှုတွေကို ရုပ်ရှင်ပြကွက်ကလေးတွေလို မာယာငွေရဲ့ လှုပ်ရှားမှုကို မြင်နေမိတယ်။ မြင်ရင်း မြင်ရင်းနဲ့ ရွာက လက်ထပ်တော့မယ့် ချစ်သူကို ဘယ်လိုကနေဘယ်လို သတိရသွားတယ် မသိဘူး။ အိပ်ရာထဲကနေ ငေါက်ခနဲ ထထိုင်မိတယ်။
ရင်တွေ တဒိုင်းဒိုင်း ခုန်နေတယ်။ ချွေးတွေပြန်နေတယ်။
“ဟိုက အပြောကောင်း … အချွဲကောင်းတာနဲ့ စတုတ္ထကလေးအဖေ ဖြစ်သွားမယ်”
မဝိုင်းတင်ရဲ့ စကားသံကို ပဲ့တင်ကြားနေရတယ်။
မဖြစ်ဘူး … မဖြစ်ဘူး။ ခွင့်ယူပြီး ရွာကိုပြန်မှ။ သီတင်းကျွတ်ရင် လက်ထပ်မှ။ ချစ်ရတဲ့သူနဲ့ အိုးသစ်၊ အိမ်သစ်၊ နေရာသစ်ကိုနေမှ တစ်သက်တာ စိတ်ချမ်းသာမယ်။
ဒီဝင်းဒီအိမ်ကို ရောင်းရမယ်။
ဘယ်သူတွေ ဘာပြောပြော မာယာငွေနဲ့ စတုတ္ထအကြိမ် ပတ်သက်ရပေဦးမယ်။
ရွှေအမြုတေမဂ္ဂဇင်း၊ မတ်လ ၂၀၁၀။
ခံစားသူအကြိုက်(ဥတ္တရလမင်း)၊ ၂၀၁၀။
* * * * *
သွားတက်ကလေးနဲ့
တော်တော်မုန်းစရာကောင်းတဲ့ လူကြီး … နာမည်က ကိုဘဒင်ပါ။ ဒါပေမဲ့ … ကိုင်းတန်းဈေး ပျံကျဈေးသည်တွေကတော့ … သူ့ကွယ်ရာမှာ ‘ဦးစည်းကမ်း’ လို့ ခေါ်ကြတယ်။
သူက ကျွန်မတို့ ပျံကျဈေးသည်တွေထွက်တဲ့အပိုင်းမှာ တာဝန်ကျတဲ့ စည်ပင်သာယာ ဝန်ထမ်းလေ။ လေးငါးယောက် ရှိတဲ့အထဲမှာ သူက အငယ်ဆုံး၊ အစွာဆုံး၊ အာဏာ တစ်ပဲခြောက်ပြားလေးနဲ့ ဟိုနေရာဈေးမထွက်ရဘူး။ ဒီနေရာ ဈေးမခင်းရဘူး၊ သတ်မှတ်ထားတဲ့မျဉ်းကို ကျော်ပြီးတော့လည်း မရောင်းရဘူးနဲ့ စည်းကမ်းကြီးနေတဲ့သူ။
လူက ထောင်ထောင်မောင်းမောင်း၊ အသားက ညိုညို၊ မျက်နှာက ခပ်တည်တည်နဲ့။ သူ့ယူနီဖောင်းက အပြာရောင်၊ ဒါကြောင့် ကျွန်မက သူ့ကို ‘ဘီလူး’ လို့ နာမည်ပြောင် ပေးထားတယ်။ သူ့မြင်ရင် ‘ဟေ့ … ဘီလူးလာပြီ … စည်းမကျော်နဲ့’ လို့ အချင်းချင်း လှမ်းပြီး သတိပေးတတ်တယ်။
ဈေးဗန်းတွေ နောက်ဆုတ်ကြပေါ့။ မဆုတ်မိတဲ့ ဈေးဗန်းဆိုရင် အတင်း မျဉ်းထဲဆွဲသွင်းတာ။ ပါးစပ်ကလည်း ‘စည်းကမ်းမရှိကြဘူး’ နဲ့ အော်ဟစ်နေတာ။
ကျွန်မကတော့ သူ့အသံကြားရင် ကျောစိမ့်သွားပေမယ့် မကြောက်ပေါင်။ သူ့ကွယ်ရာဆိုရင် ဈေးတောင်းကို နည်းနည်း ရှေ့တိုးလိုက်တာပဲ။ ဟုတ်တယ်လေ၊ ဈေးရောင်းတယ်ဆိုတာ သူများထက် ရှေ့တိုး ရောင်းမှ ရောင်းကောင်းတာကိုး။ လူကြီး ဘာမှသိတာ မဟုတ်ဘူး။ မရှိတဲ့ အစွယ်ကို ထုတ်ပြချင်နေတာလောက်သာ နားလည်တာ။ တခြားသူတွေလို အစ်ကိုခေါ်လို့လည်းမရ။ ဦးလေး ခေါ်လို့လည်း မရ။ လက်ဖက်ရည် သောက်မလားဆိုတော့ မျက်နှာထားကြီးနဲ့ အချိုမရ၊ အချဉ်မရတဲ့ တကယ့် လူ့ခွစာကြီး။
* * *
ကျွန်မကို ပျံကျဈေးသည်ဆိုပြီးတော့ ပေါ့သေးသေး မထင်ပါနဲ့။ အိမ်တော်ရာ မြောက်ပေါက်မှာမွေးတဲ့ မန္တလေးသူစစ်စစ်ပါ။ အိမ်တော်ရာ၊ ဈေးချိုနဲ့ ကိုင်းတန်းဈေးဆိုတာ ကျွန်မရဲ့ ကစားကွင်းပေါ့။ အဘွားက ကိုင်းတန်းဈေးမှာ ကုန်စိမ်းရောင်းတယ်လေ။ အဘွားမှာ သမီး (၃) ယောက် ရှိတယ်။
အဘွားဆုံးတော့ အိမ်ကိုရောင်းပြီး အမွေခွဲကြတယ်။ ဆိုင်ကိုတော့ အမေက အမ်းယူလိုက်တယ်။ အမေက ကိုင်းတန်းဈေးမှာ ကုန်စိမ်း ဆက်ထွက်တယ်။ အမွေခွဲပြီးတော့ အမေက အရှေ့ပြင်မင်္ဂလာရပ်၊ ဒေါ်လေးသီက မြောက်ပြင်၊ ဒေါ်လေးကြည်က ပိုက်ကျုံးဘက်ဆီတွေမှာ မြေနဲ့အိမ်ဝယ်ပြီး နေကြတယ်။
အမေက ဈေးသည်ပီပီ လက်ဖွာတယ်။ အကောင်းစားတယ်။ အကောင်းဝတ်တယ်။ ဈေးရောင်းရင် ပါတိတ်ဝမ်းဆက်လောက် ဝတ်တယ်။ လက်နှစ်ဖက်မှာလည်း ရွှေလက်ကောင် တချွင်ချွင်နဲ့၊ လည်ပင်းမှာလည်း ရွှေဆွဲကြိုးကြီး တစ်ယမ်းယမ်းနဲ့ပေါ့။ အဘွားတို့ခေတ်ကဆိုရင် ဈေးချိုသူတွေက ရွှေခြေကျင်းဝတ်ပြီးတောင် ဈေးရောင်းတာတဲ့။
ဒါပေမဲ့ အမေ့လက်ထက်ကျတော့ ရွှေအစစ်တွေက တဖြည်းဖြည်း မရှိတော့ဘူး။ အဖေဖြုန်းတာနဲ့ ကုန်တာ။ အမေ အပြုံးမပျက်ခဲ့ပါဘူး။ ရွှေရည်စိမ်တွေဝတ်ပြီး ဈေးရောင်းခဲ့တယ်လေ။ ဟုတ်ပ … ၊ ဘယ်သူသိတာမှတ်လို့ နော့။ အများလည်း လုပ်နေကြတဲ့ကိစ္စလေ။
အဖေကတော့ အိမ်မှာ မင်းသားပဲ။ အဲ … တကယ်လည်း အဖေက ဇာတ်မင်းသားပါ။ ပန်တျာဇော်ဝင်း ဇာတ်မှာ လက်ထောက်မင်းသားလေ။ ပန်တျာဇော်ဝင်းဇာတ်က အိမ်တော်ရာဘုရားမှာ နှစ်တိုင်း က တယ်။ အမေက ပွဲကြိုက်ခင်။ ပန်းကြဲစင်က ကြည့်တာ။ အမေက ပန်းကုံးတက်စွပ်ရင်း အဖေက “မမ လှတယ်ဗျာ” လို့ ညုတုတု ပြောလိုက်တာနဲ့ ကြိုက်သွားကြရောတဲ့။ အမေနဲ့ညားတော့ အဖေ့ကို ဇာတ်က မခိုင်းတော့ဘူးတဲ့။
“ဈေးဝယ်ကို အဆစ်သာ ပိုပိုသာသာပေးနိုင်တယ် … အချစ်ကို ဘယ်သူမှ မျက်စောင်းထိုး မခံဘူး” တဲ့။ ဒါက အမေ့ရဲ့စကားလေ။
ကျွန်မမှတ်မိသရွေ့တော့ အဖေက ဘာအလုပ်မှ လုပ်တာမဟုတ်ဘူး။ ဒိုဘီကျလေးဝတ်ပြီး မနက် လက်ဖက်ရည်ဆိုင်၊ ည အရက်ဆိုင်မှာ အချိန်ကုန်ခဲ့တာ များတယ်။ အဖေက အမေ့ဆီ လက်ဖြန့်တောင်းစရာမလိုဘူး။ အမေက အဖေဝတ်မယ့် အင်္ကျီအိတ်ထဲမှာ ငွေအသင့် ထည့်ပေးထားတာ။
မင်္ဂလာရပ်ကွက်ရောက်တော့ အဖေက ဦးပေသီး ဆိုတဲ့သူနဲ့ ပေါင်းပြီး ဖဲရိုက်တတ်လာတယ်။ ဂျင်ထိုးတတ်လာတယ်။ ရှုံးတော့ အမေ့ဆီ ငွေခဏခဏ တောင်းတယ်။ အမေက အစတော့ ပေးနိုင်ပေမယ့် ကြာလာတော့ မပေးနိုင်တော့ဘူး။ ဒီတော့ စကားများရတယ်။ အဖေက ထွက်သွားတော့ အမေက လိုက်ချော့ခေါ်တယ်။ ရွှေတွေရောင်းပြီး ပေးရပြန်တယ်။ ဒီကြားထဲ အဖေက လေဖြတ်ပြန်ရော၊ အဖေ့ကို ဆေးကုဖို့ ဈေးဆိုင်ခန်း ရောင်းရပြန်တယ်။ မသက်သာပါဘူး။
အဖေဆုံးတော့ အမေ့မှာ မျက်ရည်နဲ့မျက်ခွက်။ ထမင်းလည်း မှန်မှန်မစားနိုင်တော့ဘူး။ ဈေးလည်း မရောင်းနိုင်တော့ဘူး။ ကျွန်မအပြင် ညီမလေး မချူးနဲ့ မောင်လေး မောင်တူးလည်း ရှိသေးတော့ ကျွန်မက (၉) တန်းနဲ့ ကျောင်းထွက်ပြီး ပျံကျဈေးရောင်းရတာပေါ့။ အခုဆို ပျံကျဈေးသည် လုပ်သက် (၃) နှစ်ရှိပြီလေ။
“လုပ်ကြပါဦး … ဈေးဝယ်ခြင်းထဲက ပိုက်ဆံအိတ် အလစ်သုတ်သွားလို့”
ခရမ်းချဉ်သီးသည် မထားမေရဲ့ အော်သံကြောင့် ကျွန်မ မော့ကြည့်လိုက်တယ်။ လူတစ်ယောက် လူအုပ်ကိုတိုးပြီး ပြေးထွက်သွားတယ်။ အားလုံးကြောင်ပြီး ကြည့်နေကြတယ်။
မကြာဘူး။ အပြာရောင် ယူနီဖောင်းဝတ်သူ (၃) ယောက် ထိုလူ့နောက်ကို ပြေးလိုက်သွားတယ်။ ဝေးဝေးမရောက်ခင် အလစ်သုတ်ကို မိပြီး ခေါ်လာတယ်။ ကျွန်မမုန်းတဲ့ ‘ဘီလူး’ က ထိုသူ့လက်ကို ချုပ်ထားပြီး မေးတယ်။
“ဒီလူလား … ”
“ဟုတ် … ဟုတ်ပါတယ်”
မထားမေက ဖြေတယ်။
“ဒီပိုက်ဆံအိတ်လား … ”
“ဟုတ်ပါတယ်ရှင် … ကျေးဇူးပါ ငါ့မောင်ရယ်”
ဈေးဝယ်က တုန်တုန်ယင်ယင် ဖြေတယ်။ ဒီတော့ ကိုရွှေဘီလူးက “ခင်ဗျားတို့ ဈေးဝယ်တချို့က တော်တော်လေး ပေါ့တီးပေါ့ဆနိုင်ကြတယ် … ပိုက်ဆံအိတ်က ခြင်းထဲမှာ အလွယ်တကူထားတော့ အချောင်သမားတွေ အကြိုက်ပေါ့ … နောင် ဆင်ခြင်ပါ” လို့ ပြောတယ်။ သူ့အပူလား၊ နောက် မထားမေဘက် လှည့်ပြီး …
“ခင်ဗျားတို့ ဈေးသည်တွေကလည်း ဈေးရောင်းဖို့ပဲ အာရုံစိုက်မနေနဲ့ … အလစ်သမားတို့၊ ခါးပိုက်နှိုက်တို့ကို ဒီအနီးအနားမှာတွေ့ရင် ပြောလို့ မှာထားတာ … ဘယ်နှခါ လာပြောဖူးကြလဲ … ဒီဈေးမှာ ခိုးဆိုးနှိုက်ကင်းမှ ခင်ဗျားတို့ ဈေးကောင်းကောင်း ရောင်းရတော့မှာပေါ့ … ဝယ်တဲ့သူကလည်း အေးအေးချမ်းချမ်း ဝယ်နိုင်မှာပေါ့”
“ဟုတ်တာပေါ့ … ကိုဘဒင်ရယ်”
မထားမေက မျက်နှာချို လေသံပျော့နဲ့ ထောက်ခံတယ်။
“အစ်မကြီးလည်း ဈေးရုံးကို လိုက်ခဲ့ပါ … ဟိုကျမှ လူကြီးတွေက ဆောင်ရွက်ပေးပါလိမ့်မယ်”
ဈေးဝယ်ကိုပါ ခေါ်ပြီး အပြာရောင် ဘီလူးကြီးက အလစ်သုတ်သမားကို ခေါ်သွားတယ်။
“တော်တော်မုန်းစရာ ကောင်းတဲ့လူကြီး … သူ့အစွယ် မန်ကျည်းစေ့လောက်ကို တစ်တောင်လောက် မှတ်လို့ ထုတ်ပြနေတယ်”
သူတို့ထွက်သွားတော့ ကျွန်မက မျက်စောင်းထိုးပြီး ပြောလိုက်တယ်။
သူ့လုပ်ရပ်ကို ချီးကျူးပေမယ့် ကျွန်မတို့ ပျံကျဈေးသည်တွေကို မဆီမဆိုင် ငေါက်တာကိုတော့ မကျေနပ်ပေါင်။ ဒင်းကို ကြည့်မရတာတွေ အများကြီး။ ဆိုင်ကို ကိုယ်ထွက်ချင်သလို မထွက်ရဘူး။
“ဟေ့ … မိတူး … နင့်ဆိုင်နားမှာ အမှိုက်တွေ ရှုပ်ပွနေတာပဲ … မရှက်ဘူးလား … အိမ်မှာလည်း ဒီလိုနေတာထင်တယ် … သွားကောက်ပြီး အမှိုက်ကန်ထဲထည့်” ဆိုပြီး အာဏာသံနဲ့လည်း ခိုင်းသေး။ ဒါ … ဒင်းလုပ်ရမှာ မဟုတ်လား။ ကျုပ်တို့က ဈေးကောက်ပေးထားရတာလေ။ ကျွန်မက ပေကတ်ကတ်လုပ်တော့ သူ စိတ်ရှည်ပုံမပေါ်ဘူး။ သူ့ဘာသာ အမှိုက်တွေကောက်ပြီး အမှိုက်ကန်ထဲ သွားထည့်တယ်။ ထည့်ပေါ့။ ကျွန်မမှာ ကျေနပ်လိုက်တာ။
ကျွန်မတို့ ပျံကျဈေးသည်ထဲမှာ သူ့ကို အကောင်းပြောတာဆိုလို့ အပျိုကြီး မထားမေပဲရှိတယ်။
“ညည်းတို့ကလည်းအေ … ကိုဘဒင်ကို မကောင်းမမြင်ကြပါနဲ့ … သူက စည်းကမ်းရှိတဲ့ ဝန်ထမ်းကောင်းပဲ … သူက စည်းကမ်းနဲ့ ပြောတာကို ငါတို့က မလိုက်နာနိုင်ကြတာပဲ၊ ကဲ … သူက ညည်းတို့၊ ငါတို့အပေါ်ကို ညှဉ်းဖူးသလား၊ ညစ်ဖူးသလား၊ အခွင့်အရေးယူဖူးသလား … နေပူလို့ ရေပေးတာတောင် မသောက်တဲ့သူပါအေ … သူက ဈေးကို စနစ်တကျထွက်အောင်၊ သန့်ရှင်းအောင် အာအညောင်းခံပြီး ပြောနေတာပါ … ကဲ … အရင်ကဆိုရင် လမ်းလယ်ခေါင်ထိ ဈေးကို တက်ရောင်းကြတော့ ချယ်ကာလီကချိတ်၊ ကားက တက်နင်းတော့ ရန်ဖြစ်နေကြရတာမဟုတ်လား … နောက်ပြီး ကိုယ့်ပစ္စည်းပဲ ပျက်စီးခဲ့ကြတာလေ … အခုလို ကျယ်ကျယ်လွင့်လွင့်ရောင်းရတော့ စိတ်အေးကြရတယ် မဟုတ်လား”
မထားမေကတော့ ကိုဘဒင်အကြောင်းပြောရရင် ဟို … ဈေးဝယ် ခဏစောင့်ဦးပဲ … ။
ဒါကြောင့် ကျွန်မတို့ ပျံကျဈေးသည်တစ်စုက မထားမေကို ကိုဘဒင်နဲ့ ပေးစားကြတယ်။ မထားမေက စိတ်မဆိုးတဲ့အပြင် ကျွန်မတို့အားလုံးကို လက်ဖက်ရည်တောင် ဝယ်တိုက်သေးတယ်။
* * *
အမေ ဆေးရုံတင်ထားရလို့ ဈေးမထွက်နိုင်တာ (၂) ရက်ရှိပြီ။
ငွေလိုလို့ မြောက်ပြင်မှာနေတဲ့ ဒေါ်လေးသီဆီ အမေဆေးရုံတက်တာလည်း အကြောင်းကြားရင်း ငွေသွားချေးတယ်။ မေခ်းပါဘူး။ ရှိသမျှငွေလေး ထုတ်ပေးလိုက်တာပါ။
“မိတူး ဘာမှအားမငယ်နဲ့ … ဒေါ်လေးတို့ရှိတယ် … ဆေးရုံပြန်နှင့်၊ မကြည်ကို သွားခေါ်ပြီး ဆေးရုံလိုက်ခဲ့မယ်”
ဒေါ်လေးသီက အားပေးစကား ပြောရှာတယ်။
ဒေါ်လေးသီပေးတဲ့ငွေကို ပိုက်ဆံအိတ်ထဲထည့်ပြီး လက်နဲ့ကျစ်ကျစ်ပါအောင်ဆုပ်ကာ အနောက်ဘက်ကျုံးဘေးကနေ ဆေးရုံကြီးဆီကို ပြန်ခဲ့တယ်။ အသွားတုန်းက လိုင်းကားရှိနေပေမယ့် အပြန်ကျ မိုးချုပ်နေလို့ လိုင်းကား မရှိတော့ဘူး။
ခပ်သွက်သွက် လျှောက်ခဲ့တယ်။ နောက်က ခြေသံကြားလို့ လှည့်ကြည့်လိုက်တော့ လူနှစ်ယောက် နောက်က ကပ်ပါလာတယ်။ စိတ်ထဲ ထင့်ခနဲ ဖြစ်သွားတယ်။ ခြေလှမ်းကို ပိုသွက်လိုက်တယ်။ နောက်က ခြေသံပြင်းပြင်းကြားရတယ်။ လူတစ်ယောက်က ကျွန်မလက်ထဲက ပိုက်ဆံအိတ်ကို ဆွဲလုတယ်။ တစ်ယောက်က ကျွန်မကို ကိုယ်နဲ့ ဝင်တိုက်သွားတယ်။ ကျွန်မပိုက်ဆံအိတ် ပါသွားတယ်။ လူ လဲကျသွားတယ်။
“ကယ်ကြပါဦးရှင် … ကျွန်မပိုက်ဆံအိတ် လုသွားလို့ပါ”
ကျွန်မက အော်လည်းအော် ထပြီးလည်း ပြေးလိုက်သွားတယ်။
ဒီအချိန် စက်ဘီးစီးလာသူတစ်ယောက်က စက်ဘီးကိုရပ်ပြီး အလစ်သုတ်သူတွေနောက် ပြေးလိုက်တယ်။ မိတော့ တစ်ယောက်နဲ့ နှစ်ယောက် ထိုးကြိတ်ကြတယ်။ အလစ်သုတ်သမား ဓားချက်က စက်ဘီးစီးသူ လက်မောင်းအိုးကို ထိသွားတယ်။
“လာကြပါဦးရှင် … ”
ကျွန်မက ပြေးရင်းအော်တယ်။ လမ်းလယ်ကျွန်းမှာ အလုပ်လုပ်နေကြတဲ့ စည်ပင်ဝန်ထမ်းတွေ ပြေးလာကြတယ်။ ယောက်ျားရော၊ မိန်းမရော၊ အလစ်သုတ်သမားနှစ်ယောက်ကို ဝိုင်းဖမ်းကြတယ်။ ရဲစခန်းပို့လိုက်ကြတယ်။
စက်ဘီးသမား လက်မောင်းရင်းမှာ သွေးတွေ ရဲလို့ … ။
“ဟင် … ကိုဘဒင် … ”
ဘုရား … ဘုရား … ကျွန်မကို ဝင်ကူညီသူက ကိုဘဒင်ပါလား … ။
“ဟာ … မိတူး … ”
ကိုဘဒင်ကလည်း ကျွန်မကို အံ့သြစွာကြည့်နေတယ်။
ကိုဘဒင်ကို စည်ပင်ကားနဲ့ ဆေးရုံပို့ကြတယ်။ ကျွန်မလည်း ကိုဘဒင်ဘေးနားက လိုက်သွားတယ်။ ဝေဒနာကို ကြိတ်မှိတ်ခံစားနေတဲ့ သူ့မျက်နှာကို မြင်တော့ သနားလိုက်တာ။
* * *
သားလေး ရက် (၁၀၀) ပြည့်တော့ မွေးနေ့ပွဲကျင်းပတယ်။ အစ်ကိုကြီးက လုပ်ပေးချင်တာ မဟုတ်ဘူး။ စည်ကမ်းသမား၊ စားရင်းဇယားသမားဆိုတော့ ငွေကုန်မှာစိုးတာပေါ့။ ကျွန်မကတော့ သားဦးမို့ သူများနည်းတူ မင်္ဂလာတစ်ခုတော့ လုပ်ပေးချင်တယ်လေ။ လုပ်မပေးရဘူးဆိုတော့ ကျွဲမြီးတိုတာပေါ့။ စကား သုံးရက်လောက် သူ့ကို မပြောဘဲနေတော့ ‘မိတူး’ သဘောတဲ့။
ကျွန်မက အရင်လောက် လက်မဖွာတော့ပါဘူး။ ငွေတန်ဖိုး နားလည်နေပါပြီ။ အသုံးနဲ့အဖြုန်း၊ ပကာသနနဲ့သဘာဝ၊ အတုနဲ့အစစ် စတာတွေကို အစ်ကိုကြီးပြောပြလို့ နားရည်ဝနေပါပြီ။ ဘုန်းကြီး (၅) ပါးကို ဆွမ်းနဲ့ဝတ္ထုကပ်ပြီး ဧည့်သည်တွေကို ကြာဆံဟင်းနဲ့ ဧည့်ခံမှာပါ။ အစ်ကိုကြီးက သူ့ရုံးက ရင်းနှီးသူလောက်သာ ဖိတ်တယ်။ ကျွန်မကလည်း ရပ်ကွက်ထဲက လူကြီးတွေရယ်၊ အိမ်နီးနားချင်းတွေရယ်၊ ဒေါ်လေးတို့ရယ်၊ လုပ်ဖော်ကိုင်ဖက် ပျံကျဈေးသည်တွေလောက်သာ ဖိတ်တာပါ။
ဟင်း … ဟင်း … မထားမေတို့နဲ့ ပျံကျဈေးသည်မတွေ လာရင် ကျွန်မနဲ့ အစ်ကိုကြီးကို စကြနောက်ကြမှာ သေချာတယ်။ အခု အစ်ကိုကြီးက ရုံးသွားပြီဆိုတော့ ကျွန်မကတော့ လှိမ့်ခံနေရတော့မှာပေါ့။
အစ်ကိုကြိးဆိုတာက … ၊ ဟင်း … ဟင်း … ကျွန်မ မုန်းတယ်လို့ ပြောပြောနေတဲ့ အပြာရောင်ဘီလူးကြီးလေ … ၊ ကိုဘဒင်ပေါ့။
ရေစက်များ ဆန်းကြယ်ပုံက ကျွန်မကြောင့် သူ ဆေးရုံရောက်တော့ ခွဲစိတ်ခန်းတန်းဝင်ရတယ်လေ။ ခွဲစိတ်မှုက အောင်မြင်ပါတယ်။ ဆေးရုံမှာ (၂) ပတ်လောက် တက်လိုက်ရတယ်။ သူက အမေအိုကြီးနဲ့ နေတာ။ အမေက ကျန်းမာရေး ကောင်းတာမဟုတ်ဘူး။ သူ့ကို မစောင့်နိုင်ဘူး။ ဆွေမျိုးရင်းချာတွေလည်း မန္တလေးမှာမရှိဘူး။ ဒီတော့ သူ့ကိုစောင့်မယ့်သူ မရှိဘူး။ ညဆိုရင် အရေးမကြီးဘူး။ သူတို့စည်ပင်က ဝန်ထမ်းတွေ တစ်ယောက်တစ်လှည့် လာစောင့်ပေးကြတယ်။
ကိုဘဒင်ကို ဒေါ်လေးသီက သိတယ်။ ဒေါ်လေးသီတို့အိမ်နားမှာ အိမ်ငှားနေကြတာတဲ့။
“မောင်ဘဒင်တို့က စဥ့်ကူးနယ်ဘက်က … ၊ မောင်ဘဒင်က ပညာတော်တယ်၊ ဆယ်တန်းကို (၃) ဘာသာဂုဏ်ထူးနဲ့ အောင်တယ်၊ ကွန်ပျူတာတက္ကသိုလ် တက်ခွင့်ရတော့ မိသားစုလိုက်ပြောင်းလာပြီး အိမ်ငှားနေကြတယ်။ မိသားစုက (၃) ယောက်တည်းပါ။ သားပညာရေးအတွက် မြို့တက်လာကြတာ။ မောင်ဘဒင်အဖေ ဦးဘရင်က ထောင်ထောင်မောင်းမောင်း သန်သန်မာမာရယ်။ ပွဲရုံမှာ ကုန်ထမ်းတယ်။ သူ့အမေ ဒေါ်မြအေးကတော့ ပန်းနာရင်ကျပ်သည်ပါ။ မိသားစုလိုက် အေးပြီး ရိုးကြပါတယ်။ အဲ … ဖြစ်ချင်တော့ အသောက်အစားကင်းတဲ့ ဦးဘရင်က အသည်းကင်ဆာနဲ့ ဆုံးသွားရှာတယ်။ မောင်ဘဒင်ခမျာ လှေလှော်ရင်း တက်ကျိုးသွားတာပေါ့၊ တက္ကသိုလ်ကထွက်ပြီး စည်ပင်သာယာမှာ အလုပ်ဝင်လုပ်နေရတယ်။ ကျန်းမာရေးမကောင်းတဲ့ မိခင်ကြီးကို လုပ်ကျွေးပြုစုနေရှာတာပေါ့။ မောင်ဘဒင်က အသောက်အစား အပျော်အပါးကင်းပြီး တကယ့်ဘဝနာတဲ့ကလေး … ရပ်ရွာရေးကိစ္စလည်း တက်ကြွစွာ ဝင်ကူသလို ရည်မှန်းချက်လည်း အပျောက်မခံတဲ့သူ၊ စာပေးစာယူနဲ့ မနှစ်က ဘွဲ့တောင် ယူပြီးပြီလေ … ”
ဒေါ်လေးသီစကားကြောင့် ကျွန်မထင်ထားတဲ့ အစွယ်ပြူးပြူးနဲ့ ဘီလူးကြီးက မင်းသားလေး ဖြစ်သွားတော့တာပေါ့။
“ဟုတ်ရဲ့လား … ဒေါ်လေးရယ်”
ကျွန်မက မယုံသလို မေးလိုက်တယ်။
“ရွှေမန်းတင်မောင်လေသံနဲ့ ပြောရရင် ဒါ့ထက်တောင်ပိုသေး … ၊ ကဲ … ကြည့်ပါလား၊ ညည်းကို ဘုမသိဘမသိနဲ့ ကူညီခဲ့တာ မဟုတ်လား … မောင်ဘဒင်က ညည်းကျေးဇူးရှင်၊ သူ့ကို နေ့စောင့်မယ့်သူမရှိရင် ညည်းစောင့်ပေး”
“အို … ဒေါ်လေးသီကလည်း အမေ့ကို ဘယ်သူစောင့်ပေးမှာလဲ”
“မပူနဲ့ မချူးနဲ့အတူးလည်း ရှိတယ်၊ ငါနဲ့မကြည်လည်း ရှိတယ်”
ဒေါ်လေးသီ စကားကြောင့်ရယ်၊ ကျွန်မကိုယ်တိုင်ကလည်း စောင့်ပေးချင်တာရယ်ကြောင့် နေ့ပိုင်းကို သွားစောင့်ပေးမိတယ်။
ဟွန်း … တော်တော်မုန်းစရာကောင်းတဲ့လူကြီး။ သူ့ကိုလည်း သနားလို့ စေတနာနဲ့ စောင့်ပေးရသေး။ ရည်းစားစကားလည်း အပြောခံရသေးတယ်။ အဲဒီကျတော့ လေသံက နုလို့၊ မျက်နှာက ချိုလို့။ အဖြေမရမချင်း နှစ်ကိုယ်ကြား တတွတ်တွတ် ရည်းစားစကားကို ဂါထာရွတ်သလို ပြောနေတာ၊ ကြာတော့ အမြင်ကတ်လို့ “အင်းပါ” လို့ ပြောလိုက်ရတယ်လေ။ ဒါကိုပဲ လူကြီးက ပျော်လို့။
ဆေးရုံကဆင်းတော့ အမေ့ကို ခွင့်တောင်းပြီး လက်ထပ်ကြတယ်လေ။ သူတို့သားအမိနှစ်ယောက် ကျွန်မတို့အိမ် ရောက်လာတယ်။ ကျွန်မကို ပျံကျဈေး မရောင်းခိုင်းတော့ဘူး။ အိမ်မှာ အိမ်ဆိုင်လေး ဖွင့်ပေးတယ်။ ကျွန်မက ဈေးရောင်းတယ်။ အစ်ကိုကြီးက စာရင်းဇယားကိုင်တယ်။ ဈေးဝယ်ပေးတယ်။ အခုတော့ အိမ်ဆိုင်ကြီး ဖြစ်နေပါပြီ။
အစ်ကိုကြီးလည်း ရာထူးတက်တယ်။ သားလေးလည်း ရတယ်။ အမေတို့နှစ်ယောက်ကလည်း တရားစခန်းမှာ၊ မိချူးနဲ့ မောင်တူးကလည်း တက္ကသိုလ်မှာ၊ ကျွန်မတို့ မိသားစုရိပ်မြုံက ပျော်စရာပါ။
ထင်တဲ့အတိုင်း မထားမေတို့တစ်သိုက် (၁၂) နာရီထိုးမှ ရောက်လာကြတယ်။ ကြာဆံဟင်းရော၊ ဘုန်းကြီးပွဲကျထမင်းရော ကျွေးလိုက်တယ်။
သူတို့ရောက်လာတော့ လက်ပံပင် ဆက်ရက်ကျသလို ဆူညံသွားတာပဲ။ ကျွန်မကို စကြ၊ ပြောင်ကြ၊ နောက်ကြပေါ့။ ပြန်ခါနီးကျ မထားမေက …
“မိတူး … ကိုဘဒင်မှာ အစွယ်ရှိတယ်ဆို … မန်ကျည်းစေ့လောက်လား … တစ်တောင်လောက်လား … ”
ကျွန်မက ပြုံးပြီး …
“မထားမေကလည်း အစ်ကိုကြီးမှာ အစွယ်မရှိပါဘူး” လို့ ပြောလိုက်တယ်။
“ဒါဆိုရင် ဘာရှိတာလဲ”
တစ်ယောက်က စတယ်။
“အဟိ … သွားတက်ကလေးပါ”
“ဟား … ဟား … ဟား … ဟား”
“ဟီး … ဟီး … ဟီး … ဟီး … ဟီး”
ကျွန်မစကားကြောင့် အားလုံးရယ်မောကြတယ်။ အုန်းအုန်းကို ထလို့။
(မန္တလေးမြို့၊ စည်ပင်သာယာနှစ်ပတ်လည်မဂ္ဂဇင်း၊ ဒီဇင်ဘာလ ၂၀၁၀။)
* * * * *
လင်ဆိုးမ
(၁)
ဘယ်မိန်းမ,မဆို အမရာ၊ မဒီ၊ ကိန္နရီ၊ သမ္ဗူလတို့လို တော်လေးဝ ဝင်တဲ့ မိန်းမကောင်း မိန်းမမြတ် ဖြစ်ချင်ကြတာပေါ့ … ဘယ်သူမှ မိန်းမကြမ်း မဖြစ်ချင်ကြပါဘူး။
လင့်အလိုကိုလိုက်၊ လင့်အကြိုက်ကိုဆောင်၊ လင့်ပါရမီကိုဖြည့်ရအောင်ကလည်း … လင်က ကောင်းဦးမှကိုး။ လင်ဖြစ်သူက အရက်သောက်၊ ဖဲရိုက်၊ လုပ်မကျွေး၊ အလေလိုက်နေရင်၊ ဘယ်လို ပါရမီဖြည့်ရမှာလဲ။ အဆိပ်ပင်ရေလောင်းသလို နေမှာပေါ့ … သူတို့ ဆိုးတာတွေကိုပဲ မယားက တဖားဖားလိုက်ဖြေရှင်းရ၊ လိုက်ပါနေရတာ။ ကိုယ့်လင်ကိုယ် စိတ်ဆိုးလို့၊ စိတ်တိုင်းမကျလို့ ဆူပူရင်လည်း အရပ်ထဲမှာ မိန်းမကြမ်းကိုဖြစ်လို့ … ။
* * *
(၂)
ကျွန်မတို့ မိန်းမတွေမှာက ရုပ်ချောတာ၊ ရုပ်လှတာ၊ ပညာတတ်တာ၊ ပညာမတတ်တာ၊ ချမ်းသာတာ၊ ဆင်းရဲတာထက်၊ လင်ကောင်းရဖို့ ကံက အရေးကြီးတယ်။
တချို့များ လင်ရကံကောင်းလိုက်ကြတာ၊ လင်ကလည်း ချစ်ပြီး ဘာအလုပ်မှ မလုပ်ရဘူး။ မပူမပင် မကြောင့်မကြနဲ့ သက်သောင့်သက်သာ နေကြရတာ။ ကျုပ်တို့ရပ်ကွက်ထဲမှာ ရှိတော့ရှိတယ် ရှားတယ်ပေါ့ … အများအားဖြင့်တော့ မိန်းမတွေက ယောက်ျားတွေနဲ့ ဒိုးတူပေါင်ဖက် အလုပ်လုပ်ကြရတဲ့ သူတွေချည်းပါပဲ။ ယောက်ျား အရှာကောင်းတဲ့ မိန်းမတွေလောက်သာ အလုပ်မလုပ်ရပဲ အိမ်မှာနေကြရတာ။ ဒါတောင် တစ်ဖက်တစ်လမ်း စီးပွားရေးအတွက် အိမ်မှာ ကြက်ကလေး၊ ဝက်ကလေးမွေးပြီး အစာရှာကျွေးရသေးတာ။ အလုပ်ကြမ်းသမားတွေဆိုတော့ လင်က အသောက်သမားတွေ များတယ်။
အရက်မူးကြတော့ ကိုယ့်မိန်းမကိုယ် နည်းနည်းရန်လုပ်၊ များများရန်လုပ်တဲ့ လင်တွေ များတာပါပဲ။ တချို့လင်တွေဆိုရင် အရက်အပြင်၊ လောင်းကစားလေးရော ပါတယ်။ ကာရာအိုကေဆိုင်သွားပြီး သီချင်းဆိုတဲ့ ကောင်မတွေနဲ့ ကဲကြ၊ ဇာတ်လမ်းရှုပ်ကြလို့ လင်မယား ကွဲကြတာက တစ်ပုံကြီး … ။
ကျွန်မလည်း လင်ဆိုးမ ပါပဲ။ သူတို့ကိုကြည့်ပြီး စိတ်ပျက်မိသလို၊ ကိုယ့်လင်ကိုယ်လည်း စိတ်ပျက်တာပါပဲ။
ခင်မေဆန်းတိုက်ကြီးကို ကြည့်ပြီးတော့လည်း ခင်မေဆန်းကို အားကျလိုက်တာ။
တကယ်တော့ ခင်မေဆန်းဆိုတာ ကျွန်မမိဘတွေက မွေးစားထားတဲ့ ကျွန်မညီမပါပဲ … ၊ အမေ့ရွာက။ ဆွေရိပ်မျိုးရိပ်တောင် မကင်းဘူး။ သူ့အမေက ခင်မေဆန်း မီးတွင်းထဲမှာ ဆုံးတယ်။ အဖေက ပိုးထိလို့ ဆုံးတယ်။ ဒါကြောင့် အမေက ရွာကခေါ်ပြီး မွေးစားခဲ့တာ။ ကျွန်မတို့မှာ မွေးချင်း (၃) ယောက်ရှိတယ်။ အားလုံး မိန်းကလေးချည်းပဲ။ ခင်မေဆန်းနဲ့ဆို ညီမ (၄) ယောက်ပေါ့။ အဖေက ဝန်ထမ်းဆိုတော့ ပညာရေးကို ဂရုစိုက်တယ်။
ခင်မေဆန်းက ရုပ်ကလေးကလည်း ရွက်ကြမ်းရေကျို၊ အရပ်ကလည်း ပုပြတ်ပြတ်၊ ဉာဏ်ကလေးကလည်း ထိုင်းတိုင်းတိုင်းမို့ ရှစ်တန်း (၂) နှစ်ကျပြီး ကျောင်းထွက်ရတယ်။ အမေက အပြင်အလုပ် မခိုင်းပါဘူး။ အိမ်မှုကိစ္စပဲ ခိုင်းတာပါ။ အိမ်မှုကိစ္စလုပ်တယ်ဆိုပေမယ့် အမေက ဒိုင်ခံလုပ်တယ်၊ ခင်မေဆန်းက ကူဖော်လောင်ဖက်ပါ။ ကျန်တဲ့သမီးတွေလည်း မျှခိုင်းတယ်။
ညီမတွေထဲမှာ ကျွန်မက ဉာဏ်လည်းကောင်းတယ်။ သွက်လက်ချက်ချာတယ်။ ရုပ်လည်း ချောတယ်ဆိုပါစို့ … ။ ဒါကြောင့် မိဘတွေက ကျွန်မကို ဆရာဝန်မကြီးဖြစ်မှာလို့ မျှော်လင့်ခဲ့တယ်လေ။
ဒါပေမဲ့ ကျွန်မက ဂုဏ်ထူး (၂) ခုလောက်နဲ့ ရတနာပုံတက္ကသိုလ်ကို ရောက်တယ်။ အဖေက အားမလျော့သေးဘူး။ အမ်အက်စ်စီတွေ၊ ပီအိတ်ဂ်ျဒီတွေရအောင် ကြိုးစား တဲ့။ ဟုတ်ကဲ့ … ၊ ကျွန်မ ကြိုးစားပါတယ်။
သို့သော် … လွင်ကိုကိုရဲ့ နေ့စဉ်အကြည့်တွေကြောင့် စာက ခေါင်းထဲ မရောက်ဘူး။ နှလုံးသားကို ဆော့ကစားခံရသူလို သာယာမှုနောက် မျှောပါလိုက်မိတယ်။ ရှင်းရှင်းပြောရရင် လွင်ကိုကိုနဲ့ ထန်းတောမှာ ခဏခဏ ချိန်းတွေ့တယ်။ နောက် ခိုးရာလိုက်ပြေးတယ်။ လှေလှော်ရင်းနဲ့ တက်ကို ကျွန်မကိုယ်တိုင် ရိုက်ချိုးလိုက်တာပါ။ ပညာရေးနဲ့ ဝေးပေါ့။ ကျွန်မညီမတွေကတော့ ဘွဲ့တွေရ။ တစ်ယောက်က ကျောင်းဆရာမဖြစ်၊ တစ်ယောက်က သူနာပြုဆရာမဖြစ်ပေါ့။
အစက … လွင်ကိုကို ကို ဆေးတက္ကသိုလ်က ဆေးကျောင်းသား ထင်ပြီး ကြိုက်ခဲ့တာ။ အသားက ဖြူဖြူ၊ ရုပ်က ချောချော၊ လူရည်က သန့်သန့်၊ DT ဆိုင်ကယ်နဲ့ လာပြီး ကျွန်မကို ပိုးတာကိုး။
“ယူက … ဘယ်ကျောင်းကလဲ … ” မေးရင်
“တို့က … မန္တလေးဆေးတက္ကသိုလ်ကလေ … ” လို့ ဖြေခဲ့တာကိုး။ လွင်ကိုကို့ပုံစံကလည်း လူကုံထံသားသမီး၊ ဆေးကျောင်းသားပုံစံလေ … ။
ရပြီးမှ သိရတာက … လွင်ကိုကိုက ဆေးတက္ကသိုလ်တော့ ဆေးတက္ကသိုလ်ပဲ။ ဒါပေမဲ့ … ဆေးကျောင်းသား မဟုတ်ဘူး။ အငယ်တန်းဝန်ထမ်း၊ ပညာရေးက ကိုးတန်း၊ သူ့မိဘတွေကလည်း ဆေးတက္ကသိုလ်ဝန်ထမ်းတွေ။ ဝန်ထမ်းအိမ်ခန်းမှာ နေကြတာ။
ဒါကြောင့် အမေက …
“ငါ့သမီး ခင်ထားရုပ်က ပညာတတ်ရုပ်၊ ကတော်ရုပ် အနေမတတ်တော့ ကျွန်စုတ်နဲ့ရပြီပေါ့” လို့ ခင်တဲ့သူတွေ့တိုင်း ရင်ဖွင့်ရှာတယ်။
* * *
(၃)
ခင်မေဆန်းကတော့ ရုပ်မရှိ၊ ပညာမရှိပေမယ့် လင်ရ ကံကောင်းတယ်။ အုတ်၊ ထုံး၊ သဲရောင်းတဲ့ ကိုသာပိုနဲ့ ရတာ။
ကိုသာပိုက အသက် (၄၀) ကျော် လူပျိုကြီး။ အသောက်အစား အပျော်အပါး ကင်းတယ်။ သဘောလည်း ကောင်းတယ်။ အမြဲတမ်း ပြုံးပြုံး … ပြုံးပြုံးနဲ့ စကားပြောတတ်တယ်။ ရပ်ကွက် သာရေး၊ နာရေးဆိုရင် သူ့ကားတွေ အချိန်မရွေး ယူသုံး။ မောင်းသူမရှိရင် သူကိုယ်တိုင် လိုက်မောင်းပေးတယ်။ ရပ်ကွက်ဓမ္မာရုံ ဘုရားပွဲတို့၊ သီလပွဲတို့ဆိုရင်လည်း အလှူငွေ များများထည့်တယ်။ သက်ကြီးပူဇော်ပွဲဆိုရင်လည်း မ,တည်ငွေ ထုတ်ပေးတယ်။
ဒါကြောင့် ကိုသာပိုကို ရပ်ကွက်က အားကိုးတယ်။ လေးစားတယ်၊ ချစ်ခင်ကြတယ်။ မိဘကို လုပ်ကျွေးသူ သားလိမ္မာဆိုပြီးလည်း ချီးကျူးကြတယ်။
ကိုသာပိုက မွေးချင်းများတယ်။ (၉) ယောက်။ ကိုသာပိုက အကြီးဆုံး။ ကိုသာပို့အဖေက ပန်းရန်ဆရာ။ ကိုသာပိုက (၈) တန်းက ထွက်ပြီး အဖေနဲ့ အလုပ်လိုက်လုပ်တယ်။ မောင်နှမတစ်တွေကို ကျောင်းထားပေးတယ်။
ကိုသာပိုက အပေါင်းအသင်းဆံ့တော့ ထုံးဖိုက မိတ်ဆွေဆီက ထုံးတွေ၊ ကျောက်တွေ ယူရောင်းရင်းနဲ့ အုတ်၊ ထုံး၊ သဲ၊ ကျောက် ရောင်းတဲ့ဆိုင်လေး ဖြစ်လာတယ်။ နောက်တော့ သံတို့၊ ဘိလပ်မြေအိတ်တို့ပါ ရောင်းတယ်။ တဖြည်းဖြည်းနဲ့ အိမ်ဆောက်ပစ္စည်းရောင်းတဲ့ ကုန်မာဆိုင်ကြီး ဖြစ်လာတယ်။ ဆိုင်ခွဲ (၄)၊ (၅) ဆိုင်ထိ တိုးချဲ့လာတယ်။
အသက် (၄၀) ကျော်ထိ လူပျိုကြီးဖြစ်ပေမယ့် ပန်းရန်လုပ်တုန်းက ချစ်သူ ရှိခဲ့ဖူးတယ်။ သူ့အမေ သဘောမတူတာနဲ့ မယူတာ။
ခင်မေဆန်းကိုတော့ ကိုသာပို့အမေက သဘောကျလို့ ပေးစားတာ။ ခင်မေဆန်း ကံကောင်းတာပေါ့။ ဒါပေမဲ့ ခင်မေဆန်းက မသိတတ်ဘူး။ အိမ်ကို တစ်နှစ်နေလို့မှ တစ်ခေါက် နှစ်ခေါက်ရောက်တာ။ အဖေနဲ့ အမအတွက် လက်ဖက်တစ်ရိုးတောင် မသိတတ်ဘူး။
သုံးထပ်တိုက်နဲ့၊ ကားတွေနဲ့၊ စိန်နားကပ်နဲ့၊ ပတ္တမြားလက်စွပ်နဲ့၊ ပလက်တီနမ်ဆွဲကြိုးနဲ့၊ ရွှေလက်ကောက်တွေနဲ့ဆိုတော့ သွေးနားထင်ရောက်နေမှာပေါ့။ ဘာပဲဖြစ်ဖြစ် … ကျွန်မညီမအတွက် ဝမ်းသာတယ်။ ကိုသာပိုသာ ကျွန်မလင် ဖြစ်လိုက်ပါလားလို့လည်း မတွေးကောင်း တွေးကောင်း တွေးမိလိုက်တယ်။
* * *
(၄)
ကျွန်မလင် လွင်ကိုကိုနဲ့ ကိုသာပိုက ရိုင်းရိုင်းနှိုင်းရရင် နံ့သာဆီနဲ့ အီးလို ကွာတယ်။ ရုပ်ရည်ပြောတာ မဟုတ်ဘူး၊ ကြီးပွားချင်တဲ့စိတ်။ မိန်းမကို တင့်တင့်တယ်တယ် ထားနိုင်တဲ့သတ္တိကို ပြောတာ။
လွင်ကိုကိုက ရုပ်ချောပေမယ့် အပြောက ချိုတာမဟုတ်ဘူး၊ စကားပြောရင် ဘုကန့်လန့်၊ မထင်ရင် မထင်သလို ပြောတတ်တာ။ ကျွန်မနဲ့တော့ ခဏခဏ ရန်ဖြစ်ရတယ်။ စကားများရတယ်။ တွယ်သတ်ရတတ်တယ်။ ယောက်ျားနဲ့ မိန်းမဆိုပေမယ့် သူက မူးတော့ ကျွန်မ ရိုက်တာ၊ ကုတ်တာ၊ ကိုက်တာ ခံရတာပေါ့။ တစ်ခါတစ်ရံ ဆေးခန်းပြရတဲ့အထိပဲ။ ဒီတော့ သူ ဆိုးတာ မပေါ်ဘူး။ ကျွန်မ ကြမ်းတာပဲ ပေါ်တယ်။ လင်ကို နိုင်တယ်လို့ ပြောကြတယ်။
လင်ဖြစ်ပြီး ဘာမှအစွမ်းအစရှိတာ မဟုတ်ဘူး။ မိန်းမထဘီနား ခိုစားတယ်လို့ အပြောမခံရရုံတစ်မည်။ သူ့လစာလေးအပ်ပြီး ဂျီကျတော့ ကျွန်မက ဘယ်ခံမလဲ။ ကျွန်မက အိမ်ထောင်ကို ဦးစီးနေရတာလေ။ ကျွန်မ မိဘနှစ်ပါးကို ကျွေးမွေးနေတဲ့အပြင်၊ ကလေးနှစ်ယောက်လည်း ရှိသေးတယ်။ သူ့မိဘတွေလည်း တတ်နိုင်သလောက် သွားသွားပေးရသေးတယ်။
ကျွန်မက ရပ်ကွက်ထဲမှာ မြေပွဲစား၊ အိမ်ပွဲစား၊ အပေါင်ပွဲစားလုပ်တော့ မချမ်းသာပေမယ့် စားဝတ်နေရေးအတွက်တော့ မပူရဘူး။
ပူရတာက သူ့အတွက်ပဲ … ။ သာမန်ဆို လူအေး … ၊ စကားကို ကျယ်ကျယ်ပြောတာ မဟုတ်ဘူး။ သူ့ဝင်တိုက်တောင် “ဆောရီးခင်ဗျာ” လို့ ပြန်တောင်းပန်တဲ့သူ။ မူးပြီဆိုရင်တော့ အရိပ်ကို ရန်သူထင်တဲ့သူ။ ပါးလာနားတဲ့ခြင်တောင် အသေသတ်ချင်တဲ့သူ။ မူးပြီဆိုရင် ကျွန်မမှာ ရန်ပွဲဆီ ပြေးရတာအမော၊ ဖျန်ဖြေသလိုလိုနဲ့ တစ်ဖက်လူကို ဝင်လုပ်တာပေါ့။ သူတို့မိန်းမတွေကြားရင် ပြေးလာကြပြီး ယောက်ျားတွေရန်ပွဲက မိန်းမတွေရန်ပွဲ ဖြစ်သွားတော့တာပဲ။ ဒီတော့ လူကြီးဆီရောက်ရ၊ ရဲစခန်းရောက်ရနဲ့၊ လင်ဆိုးမယား တဖားဖားဆိုတာ ကျွန်မမှ အစစ်။
လင်ဆိုးပေမယ့် လက်သည်းဆိတ်တော့ လက်ထိပ်နာတယ်လေ။ ဘယ်ခံချင်မတုန်း။
* * *
(၅)
ကျွန်မလင် လွင်ကိုကို ဆုံးရှာပြီ။ ဦးနှောက်သွေးကြောပြတ်တာတဲ့။
နာရေးဆိုတော့ လာမေးကြတာပေါ့။ ကျွန်မမှာ သူဆုံးတဲ့အကြောင်း ပြောရတာအမော။
“မသက်ထားလည်း ဝဋ်ကျွတ်တာပေါ့”
“ကိုလွင်ကိုကိုက သောက်ရင်သာ သွေးဆိုးတာပါ … မသောက်တဲ့အချိန်ဆို သိပ်အေးတဲ့လူ … ”
“လင်ဆိုးမရှိတော့ မသက်ထား အလုပ်ကောင်းကောင်း လုပ်နိုင်တာပေါ့”
“မသက်ထား အသက်သုံးဆယ်ပဲ ရှိသေးတာမဟုတ်လား”
တစ်ယောက်တစ်ပေါက် အားပေးကြတယ် … ။ ကျွန်မမှာတော့ အလိုက်အထိုက်ပဲ ခေါင်းညိတ်ပြနေရတယ်။
ကျွန်မရင်မှာ တင်းကျပ်နေပေမယ့် ငိုရမှာလား။ မငိုတာ ကောင်းမလားဆိုတဲ့ စိတ်က ပဋိပက္ခ ဖြစ်နေကြတယ်။ ငိုပြန်ရင်လည်း …
“သူ့လင်က ဘာကောင်းလို့ ဒီမိန်းမ ငိုတာလဲ” လို့ မေးငေါ့ကြမှာလား။
“အရက်သမားသေတာများ ငိုနေရသေး” လို့ အထင်သေးကြမှာလား။
“ရှိတုန်းက ရန်ခဏခဏဖြစ်ပြီး … သေမှ လွမ်းပြနေတယ်” လို့ အပြစ်တင်ကြမှာလား … စသည် … စသည်ဖြင့် … အတွေးပေါင်းစုံကြောင့် လင်သာသေလို့ ရက်သာလည်တယ်။ ကျွန်မ မငိုရသေးဘူး။ ဒါပေမဲ့ ကျွန်မစိတ်ထဲ မကောင်းဘူး၊ မကြည်သာဘူး။ တစ်ခါတစ်ရံ ငေးငေးငိုင်ငိုင် ဖြစ်သွားတတ်တယ်။
“အစ်မထား … ခင်ဆန်းပြန်တော့မယ်”
ခင်မေဆန်းက လာနှုတ်ဆက်တယ်။
“သြော် … အေး … ”
အိမ်ထဲကြည့်လိုက်တော့ ဘယ်သူမှ မရှိတော့ဘူး။ ခင်မေဆန်း ပြန်မယ်ဆိုတော့ ကျွန်မ ဝမ်းနည်းလာတယ်။
“ခင်ဆန်းရယ် … နင်က လင်ရကံကောင်းတယ် … ငါ့မှာတော့ လင်ရ ကံဆိုးလိုက်တာဟယ် … လင်သေလို့ ငိုရင်တောင် ဘေးလူတွေ ဝိုင်းရယ်မယ့်အဖြစ်၊ ငါ့မှာဖြစ်နေတယ်ဟယ် … ”
ကျွန်မ ဆွေးဆွေးမြည့်မြည့် ပြောလိုက်မိသည်။
ခင်မေဆန်းက ကျွန်မကို ဝေဝေဝါးဝါးကြည့်ပြီး …
“ခင်ဆန်း လင်ရကံကောင်းတယ်လို့ အစ်မထား ထင်နေတာလား၊ အေးလေ … အစ်မထားတင်မကဘူး … တစ်ရပ်ကွက်လုံးက ထင်နေကြမှာပေါ့ … တကယ်တော့ ခင်ဆန်းက လင်ရတာမဟုတ်ဘူး … သခင်ရတာ … ခင်ဆန်းက မိန်းမ မဟုတ်ဘူး … ကျွန်,မ” လို့ ဆို့ဆို့နစ်နစ် ပြောလိုက်တယ်။
“ဟဲ့ … ဘာတွေပြောနေတာလဲ … အစ်မထားတို့က လင်ဆိုးမယား တဖားဖား ဖြစ်နေရသူတွေ … လင်အတွက် မိန်းမကြမ်း ဖြစ်နေရသူတွေ … ခင်ဆန်းကတော့ ရွှေဘုံပေါ်မှာ စံစားနေရတာ မဟုတ်လား”
“ရွှေဘုံပေါ်မှာဆိုတာထက် အကျဉ်းကျခံနေရတာပါ အစ်မထားရယ်၊ ဦးသာပိုနဲ့ သူ့မိဘတွေက ခင်ဆန်းကို ဘယ်မှမထွက်ရဘူး … ဈေးဝယ်တာက လွဲရင်ပေါ့၊ ဒါကြောင့် အစ်မတို့ဆီ၊ အမေတို့ဆီ လာချင်ပေမယ့် မလာရဲဘူး၊ တစ်ခါတစ်ရံ ရောက်တာလည်း ဈေးဝယ်ရင်းနဲ့ ခိုးလာရတာ”
“ငါတို့ဆီ မရောက်တာ ကိစ္စမရှိပါဘူးဟယ်၊ လင်ဆိုတာက မိန်းမ အိမ်လည်တာ မကြိုက်ဘူးလေ၊ ကိုယ့်မိန်းမကို ခြောက်ပစ်ကင်း သဲလဲစင် ဖြစ်စေချင်တာပေါ့၊ အိမ်မလည်ရတာကလွဲပြီး စည်းစိမ်နဲ့ နေရတာ မဟုတ်လား … ”
ခင်မေဆန်း အောက်နှုတ်ခမ်းလေး တွန့်သွားတယ်။ လက်ဖဝါးနှစ်ဖက်ကို ပြတယ်။ အသားမာတွေတက်ပြီး လက္ခဏာရေးလမ်းကြောင်းတွေပင် ပျောက်နေတယ်။
“မနက် မျက်စိနှစ်လုံးပွင့်တာနဲ့ မီးဖိုချောင်ဝင်ရတယ်။ မိသားစုတွေစားဖို့ ထမင်းပွဲ ပြင်ပေးရတယ်။ အလုပ်သွားမယ့်သူတွေ၊ ကျောင်းသွားမယ့်သူတွေအတွက် ထမင်းချိုင့်ထည့်ပေးရတယ်။ အားလုံးသွားကြတော့ ပန်းကန်ခွက်ယောက်တွေ ဆေးရ၊ တိုက်ရတယ်။ ပြီးတော့ ဈေးသွားရတယ်။ ဈေးကပြန်တော့ တစ်အိမ်သားလုံးအဝတ်တွေ လျှော်ရတယ်။ ခြောက်ရင် မီးပူတိုက်ရတယ်။ ပြီးရင် ကြမ်းတိုက်ရတယ်။ အိမ်အလုပ်တွေပြီးရင် ယောက္ခမက ခြံထဲက မြက်ပင်တွေ နုတ်ခိုင်းတယ်။ ညနေကျပြန်တော့ မီးဖိုခန်း ဝင်ရပြန်တာပေါ့။ စားပြီးသောက်ပြီးကြရင် အိုးခွက်၊ ပန်းကန်တွေ ဆေးကြောရပြန်ရော။ အလုပ်တွေပြီးလို့ ကျောလေးဆန့်မယ်လုပ်တော့ ယောက္ခမကခေါ်ပြီး အနင်းခိုင်းရင် နင်းပေးရပြန်ရော … ”
ခင်မေဆန်းစကားကြောင့် ကျွန်မမှာ ပါးစပ်အဟောင်းသား ဖြစ်နေရတယ်။
“ယောက္ခမကတော့ လူတွေရှေ့မှာ ခင်ဆန်းကို ချွေးမအလိမ္မာလို့ ချီးကျူးပါတယ်။ သူ့သားရဲ့ မယားအလိမ္မာလို့လည်း ပြောပါတယ်။ ဒါပေမဲ့ ခင်ဆန်း တစ်ခါတစ်ခါ တွေးမိပါတယ်။ ခင်ဆန်း ဝဋ်ခံနေရတယ် လို့ … ”
“မဟုတ်တာဟယ် … ”
ကျွန်မလေသံမှာ အားမရှိပါ။ ခင်မေဆန်းက ပါးပြင်ပေါ် စီးကျလာတဲ့ မျက်ရည်စကို သုတ်လိုက်တယ်။
“ခင်ဆန်း ဝမ်းအနည်းဆုံးက အဖေ၊ အမေနဲ့ အစ်ထားတို့ကို ပစ္စည်းဖြစ်ဖြစ်၊ ငွေဖြစ်ဖြစ် မကန်တော့နိုင်တာပဲ … ခင်ဆန်း ငွေမကိုင်ရဘူးလေ … ဈေးဝယ်လို့ ငွေပိုရင်လည်း ယောက္ခမကို အတိအကျ ပြန်အပ်ရတာမို့ပါ။ ကဲ … ခင်ဆန်းသွားတော့မယ် အစ်မထား၊ နည်းနည်းကြာရင် ယောက္ခမ ဆူတာ ခံနေရဦးမှာ … ”
ခင်မေဆန်း ပြန်သွားတယ်။
ကျွန်မမှာသာ အတွေးစတွေနဲ့ ကျန်ခဲ့တယ်။
ခင်မေဆန်းအကြောင်း၊ ကိုသာပိုအကြောင်း၊ သူ့ယောက္ခမတွေအကြောင်း၊ ကျွန်မအကြောင်း၊ ကျွန်မလင် လွင်ကိုကိုအကြောင်း။ တွေးရင်း တွေးရင်း … တင်းကျပ်နေတဲ့ ကျွန်မစိတ်တွေ ပေါက်ကွဲကုန်တယ်။
“အောင်မယ်လေး … ကိုလွင်ကိုကိုရဲ့ … ကျွန်မတို့သားအမိတစ်တွေကို ပစ်သွားပြီလား … ရှင်ရှိစဉ်က … ကျွန်မမှာ လင်ဆိုးမယား တဖားဖား ဖြစ်ခဲ့ရပေမယ့် … ရှင်က လင်စစ်စစ်၊ ကျွန်မက မယားစစ်စစ်မို့ ရှင်ဆိုးခဲ့သမျှ ကျေနပ်ပါတယ်ရှင် … ” လို့ အရပ်ကြားအောင် အသားကုန် အော်ငိုလိုက်တယ်။
Instyle မဂ္ဂဇင်း၊ သြဂုတ်လ ၂၀၁၁။
* * * * *
credit to ငွေဇင်ယော် (mmcyber)
