ဗုဒ္ဓတရားနှင့်ပါတ်သက်ပြီး သိသင့်သိထိုက်တာလေးတွေပါ

ပို့ စ်တင်ရခြင်း ရည်ရွယ်ချက် >>>
ဦးဦး နတ်မင်းကြီး မေးထားသောမေးခွန်း၃ခုကိုပြန်လည်ဖြေဆိုထားခြင်းဖြစ်ပါတယ်။

ဦးဦး နတ်မင်းကြီး မေးမြန်းထားသောမေးခွန်း
============================...
ကိုကောင်းမြတ်မင်းစိုး ကို အတိုချုံးပြီး အထက်ကမေးခွန်း သုံးခုကို ပြန်လည်တင်ပြ မယ်။

(၁) ဗုဒ္ဓဘာသာကျမ်းက ရှင်ဂေါတမကို ဘယ်သူကချပေးခဲ့တာလဲ?

(၂) ယနေ့ လက်ရှိ ဗုဒ္ဓဘာသာများရဲ့ ကျမ်းက ရှင်ဂေါတမ ဟောကြားထားတဲ့ အတိုင်း လိုတို ပိုလျော့မရှိ မူရင်း အတိုင်း ရှိနေသလား?

(၃) ဗုဒ္ဓဘာသာကျမ်းတွင် ခေတ်သစ်သိပ္ပံထက် ခေတ်ရှေးပြေး ဟောကိန်းများ (သို့ တည်းမဟုတ်) ခေတ်သစ်သိပ္ပံ ရှုဒေါင့်မှ ယှဉ်တွဲဖေါ်ပြလို့ ရတဲ့ အချက်အလက်များ ပါဝင်မှု ရှိမရှိ ကိုမေးတာဖြစ်တယ်။

.
.

မေးခွန်း (၁) အတွက် ဖြေဆိုချက်
=====================
ကမ္ဘာပေါ်မှာဘာသာပေါင်းများစွာရှိသည့်အနက်မှ ဖန်ဆင်းရှင်ဘာသာများမှာ
ဘုရားသခင်က လူသားတမာန်တော်ကို ကျမ်းစာများချပေးတယ်လို့ ယူဆကြပါတယ်။
ဒါကြောင့် ဗုဒ္ဓဘာသာကိုလည်း ဗုဒ္ဓဂေါတမဘုရားရှင်ကို ပိဋကတ်တော်ကိုဘယ်သူက
ချပေးသလဲလို့  ဘာသာခြားသူငယ်ချင်းဖြစ်သူ ဦးဦး နတ်မင်းကြီးမှ မေးမြန်းခြင်းဖြစ်ပါတယ်။

ဗုဒ္ဓမြတ်စွာသည် လူသားစင်စစ်ဖြစ်ပါတယ်၊ သဗ္ဗညုတညာဏ်တော်ရှင်လည်းဖြစ်ပါတယ်၊
ဘုရားစစ် ဘုရားမှန်လည်းဖြစ်ပါတယ်။ ကမ္ဘာပေါ်မှာ မည်သည့်လူသား၊ မည်သည့်ပုဂ္ဂိုလ်၊
မည်သည့်တမန်တော်မှ မိမိကိုယ်ကို ဘုရားလို့ ဝန်ခံရဲခြင်း မရှိကြပါဘူး။
ဗုဒ္ဓဘုရားရှင်သည် မိမိကိုယ်တိုင် ဘ၀ပေါင်းများစွာ၊ ကမ္ဘာပေါင်းများစွာ ပါရမီ၁၀ပါး ကို
ဖြည့်ကျင့်ပြီး သစ္စာ၎ပါးကိုဆရာမရှိဘဲ ပါရမီစွမ်းအားဖြင့်ထိုးထွင်းသိမြင်ခဲ့ပါတယ်။
သိရန်မှန်သမျှကို အကုန်အစင်သိမြင်နိုင်စွမ်းသော သဗ္ဗညုတညာဏ်တော်ကိုလည်း
ရရှိခဲ့တဲ့အတွက် ဘုရားစင်စစ်လို့  အတိအကျပြောကြားခဲ့သော ကျမ်းစာအထောက်အထားကို
ဘာသာခြားသူငယ်ချင်းများအတွက် အထောက်အထားသက်သေ ကျမ်းအကိုးကားများနှင့်
တင်ပြပေးလိုက်ပါတယ်။

(((( ပိဋကတ်တော် >>>> သုတ္တန်ပိဋက >>>> ၁၂ သစ္စသံယုတ် >>>>
ဓမ္မစက္ကပ္ပ၀တ္တန၀ဂ် >>>> ဓမ္မစက္ကပ္ပ၀တ္တနသုတ် ))))

သုတ္တန်ထဲမှ လိုရင်းအကြောင်းအရာ အဖြေကိုပဲ ရွေးပြီး ဖြေရှင်းပြပေးလိုက်ပါတယ်။
သုတ္တန်ပိဋကတ်ရဲ့  ခုဒ္ဒကနိကာယ် >>> ဗုဒ္ဓ၀ံသပါဠိတော် မှာလည်း ဘုရားဖြစ်ဖို့ 
ဘယ်လို ပါရမီ ၁၀ပါး ကျင့်စဉ်တွေကို ဘယ်လောက်ကြာအောင် ကျင့်ကြံရသလဲဆိုတာ
ကို အတိအလင်း ဟောကြားထားတာတွေ အများကြီးရှိပါသေးတယ်။

အရင်က ဘုရား ဖြစ်ကြောင်း ၀န်မခံပုံ (ပါဠိတော်)
==============================
ယာဝကီဝဉ္စ မေ ဘိက္ခဝေ ဣမေသု စတူသု အရိယ သစ္စသု ဧ၀ံ တိပရိဝဋ္ဋံ ဒွါဒသာကာရံ ယထာဘူတံ ဉာဏ ဒဿနံ န သုဝိသုဒ္ဓံ အဟောသိ။
နေ၀ တာဝါဟံ ဘိက္ခဝေ သဒေ၀ကေ လောကေ သမာရကေ သဗြဟ္မကေ သဿမဏ ဗြဟ္မဏိယာ ပဇာယ သဒေ၀မနုဿာယ "အနုတ္တရံ သမ္ပာ သမ္ဗောဓိံ အဘိသမ္ဗုဒ္ဓေါ" တိ ပစ္စညာသိံ။

အရင်က ဘုရား ဖြစ်ကြောင်း ၀န်မခံပုံ (မြန်မာပြန်)
===============================
ရဟန်းတို့… ဤအရိယသစ္စာလေးပါး၌ (သစ္စဉာဏ်, ကိစ္စဉာဏ်, ကတဉာဏ်ဟု) သုံးပါးသောအပြန် (တိပရိဝဋ္ဋံ), ၁၂-ပါးသော အခြင်းအရာအားဖြင့် ဟုတ်တိုင်းမှန်စွာသိသော ဉာဏ်အမြင် မစင်ကြယ်သေးသမျှကာလပတ်လုံး၊ ငါသည် နတ်, မာရ်နတ်, ဗြဟ္မာ နှင့် သမဏ, ဗြာဟ္မဏ, မင်းဟူသော နတ်လူလောကတွင် “အတုမရှိသော သမ္မာသမ္ဗုဒ္ဓဘုရား” အဖြစ်ကို ၀န်မခံခဲ့ချေ။

ယခုမှ ဘုရား ဖြစ်ကြောင်း ၀န်ခံပုံ (ပါဠိတော်)
============================
ယာတော စ ခေါ မေ, ဘိက္ခဝေ, ဣမေသု စတူသု အရိယသစ္စေသု ဧ၀ံ တိပရိဝဋ္ဋံ ဒွါဒသကာရံ ယထာဘူတံ ဉာဏဒဿနံ သုဝိသုဒ္ဓံ အဟောသိ။ အထာဟံ ဘိက္ခဝေ, သဒေ၀ကေ လောကေ သမာရကေ သဗြဟ္မကေ သဿမဏဗြာဟ္မဏိယာ ပဇာယ သဒေ၀မနုဿာယ “အနုတ္တရံ သမ္မာ သမ္ဗောဓိံ အဘိသမ္ဗုဒ္ဓေါ” တိ ပစ္စညာသိံ။
ဉာဏဉ္စ ပန မေ ဒဿနံ ဥဒပါဒိ “အကုပ္ပါ မေ ၀ိမုတ္တိ, အယမန္တိမာ ဇာတိ, နတ္ထိဒါနိ ပုနဗ္ဘဝေါ” တိ။

ယခုမှ ဘုရား ဖြစ်ကြောင်း ၀န်ခံပုံ (မြန်မာပြန်)
============================
ရဟန်းတို့… ဤအရိယသစ္စာလေးပါး၌ (သစ္စဉာဏ်, ကိစ္စဉာဏ်, ကတဉာဏ်ဟု) သုံးပါးသောအပြန် (တိပရိဝဋ္ဋံ), ၁၂-ပါးသော အခြင်းရာအားဖြင့် ဟုတ်တိုင်းမှန်စွာသိသော ဉာဏ်အမြင် စင်ကြယ်မှသာလျှင်၊ (…) “အတုမရှိသော သမ္မာသမ္ဗုဒ္ဓဘုရား” အဖြစ်ကို ၀န်ခံခဲ့သည်။
“ငါ၏ လွတ်မြောက်မှုသည် မပျက်စီးမဆုံးရှုံးနိုင်တော့။ ဤကား အဆုံးဘ၀တည်း။ ဘ၀တစ်ဖန်ပြန်၍ ဖြစ်ခြင်းမရှိပြီ” ဟုသိမြင်သော (ပြန်၍ ဆင်ခြင်သိသော ပစ္စဝေက္ခဏာ) ဉာဏ်သည်ဖြစ်ပေါ်လာသည်။

ဓမ္မစကြာ ပါဠိတော် နှင့် မြန်မာပြန်ကြည့်ရန်
===========================
https://docs.google.com/file/d/0B5qK8fQ32jiWdlJhdDd4Snc5Tmc/edit?pli=1

အခု ဓမ္မစကြာသုတ္တန်အရ ဘုရားစင်စစ်ဖြစ်ကြောင်း ကိုယ်တိုင်ဝန်ခံထားပုံကို
လက်တွေ့ ကျမ်းညွန်းသက်သေအထောက်အထားများနဲ့ တကွ တင်ပြပေးအပြီးမှာ
ဆက်လက်ပြီး တစ်စုံတစ်ဦးက ဗုဒ္ဓဘုရားရှင်ကို ပိဋကတ်တော်ကျမ်းစာချပေးခြင်းမဟုတ်ဘဲ၊
ဗုဒ္ဓဘုရားရှင်၏ ၄၅၀ါ ပတ်လုံးဟောကြားထားသော (သုတ်၊ ၀ိနည်း၊ အဘိဓမ္မာ) တရား
များကိုသာ ဗုဒ္ဓ၏သားတော် ထေရ်ကြီးဝါကြီး ရဟန္တာအရှင်မြတ်များက
စုပေါင်း စုရုံးပြီး ဗုဒ္ဓဟောကြားခဲ့သော ဗုဒ္ဓ၀စနများကိုတစ်လုံးတစ်ပါဒမှ
ပြင်ဆင်ခြင်း၊ နှုတ်ပါယ်ခြင်း၊ ပါယ်ဖျက်ခြင်း လုံးဝမပြုလုပ်ဘဲသဘောတူကြပြီး
ပထမဆုံးအဖြစ် အရှင်မဟာကဿ ပ ရဟန္တာမထေရ်ကြီး ဦးဆောင်ပြီး သင်္ဂါယနာ
စတင်ပြီးတင်ကြခြင်းဖြစ်ပါတယ်။

ထိုသို့ သင်္ဂါယနာတင်ခြင်းနဲ့ ပက်သက်ပြီး
=========================
(((( ပိဋကတ်တော် >>>> သုတ္တန်ပိဋက >>>> ဒီဃနိကာယ် >>>>
မဟာပဒါနဝဂ် >>>> မဟာပရိနိဗ္ဗာနသုတ် )))) မှာ မြတ်စွာဘုရားရှင်ကိုယ်တော်တိုင်
အရှင်အာနန္ဒာထေရ်ကို ယခုလိုဟောကြားခဲ့ပါတယ်

မြတ်စွာဘုရား၏ နောက်ဆုံးစကားတော်
=========================
၂၁၆။ ထိုအခါ မြတ်စွာဘုရားသည် အသျှင်အာနန္ဒာကို ဤသို့ မိန့်တော်မူ၏- ”အာနန္ဒာ ‘တရားစကားတော်သည် ဟောကြားသော ဆရာ (ဘုရား) မှ ကင်းကွာခဲ့ပြီ၊ ငါတို့၏ဆရာ (ဘုရား) သည် မရှိတော့ပြီ’ဟု သင်တို့အား ဤသို့သော ထင်မှတ်ခြင်းဖြစ်သော်လည်း ဖြစ်ရာ၏၊ အာနန္ဒာ ဤအရာကို ဤသို့ မထင်မှတ်အပ်။ အာနန္ဒာ ငါ ဟောကြားပညတ်ထားသော တရားတော်နှင့်ဝိနည်းတော်သည် ငါကွယ်လွန်သောအခါ၌ သင်တို့၏ ဆရာပင် ဖြစ်ပေ၏။

ကျမ်းညွှန်းဖတ်ရန် >>>
===============
http://myanmarsutta.net/ဒီဃနိကာယ်/ဒန-၁၆-မဟာပရိနိဗ္ဗာနသုတ်/

ဦးဦး နတ်မင်းကြီး မေးမြန်းထားသောမေးခွန်း(၁)အတွက် အဖြေကိုပြောကြားလိုက်ပါတယ်။
ဗုဒ္ဓဘုရားရှင်ကသာ ပိဋကတ်ကျမ်းတော်ကို ရဟန်းတော်များထိန်းသိမ်းရန်နှင့် ဆရာအဖြစ်
မှတ်ယူကြရန်ဟောကြားခဲ့ပါတယ်။ ဗုဒ္ဓဘုရားကို ကျမ်းတော်ချထားပေးခြင်းလုံးဝ မဟုတ်ပါ
လို့ ပြန်ဖြေပေးလိုက်ပါတယ်ဗျာ။

=================================================
=================================================

.
.

မေးခွန်း (၂) အတွက် ဖြေဆိုချက်
=====================
ကမ္ဘာပေါ်မှာယနေ့ အချိန်ထိ ခရစ်ယာန်ဘာသာထက် နှစ်ပေါင်း၆၀၀၊
အစ္စလာမ်ဘာသာထက်နှစ်ပေါင်း ၁၁၀၀လောက် စောပြီးပေါ်ထွက်ခဲ့သော
ဗုဒ္ဓပိဋကတ်ကျမ်းသည် ယနေ့ အချိန်ထိကို တစ်လုံးတစ်ပါဒမှ လိုတိုးပိုလျှော့နှုတ်ပါယ်ခြင်း
လုံးဝမပြုသော ၊ အချိန်ကာလအားဖြင့် နှစ်ပေါင်း ၂၆၀၀လောက် ကြာရှည်သော
ပိဋကတ်ကျမ်းပဲဖြစ်ပါတယ်လို့  ပြန်ဖြေပေးလိုက်ပါတယ်။

ထေရ၀ါဒ ဗုဒ္ဓဘာသာကျမ်းတွေဆိုတာ ဘယ်တုန်းကမှပြင်ဆင်ပြောင်းလဲခြင်းမပြုထားပါဘူး။ ဘာသာခြားသူငယ်ချင်းများဘက်မှ အမြင်မှားနေခြင်းပဲဖြစ်ပါတယ်။ တကယ်လို့ 
ပိဋကတ်ကျမ်းတွေကို ပြင်ဆင်ထားပါတယ်လို့  ပြောဆိုချင်တယ်ဆိုပါလျှင်
- ဘယ်အချိန်မှာ ပြင်ဆင်ထားကြတာလဲ
- ဘယ်သူက ပြင်ဆင်ထားကြတာလဲ
- အရင်က တရားတွေက ဘာတွေလဲ အခုပြင်တဲ့ တရားတွေက ဘာလဲ ဆိုတာကို
သက်သေနဲ့ တကွ ထောက်ပြပြီးပြောဆိုပေးနိုင်မှ အဆင်ပြေပါလိမ့်မယ်။

ပိဋကတ်သုံးပုံ
=========
ပိဋကတ်သုံးပုံ ဆိုသည်မှာ ဗုဒ္ဓမြတ်စွာဘုရား သက်ရှိထင်ရှားရှိစဉ် လေးဆယ့်ငါးဝါ ကာလအတွင်း ဟောကြားခဲ့သော တရားတော် (ဗုဒ္ဓ၀စန) များကို ဗုဒ္ဓပရိနိဗ္ဗာန် စံတော်မူပြီးနောက် ရေးသား မှတ်တမ်းတင်ထားသော စာပေများကို ခေါ်ဆိုပေသည်။ တနည်းအားဖြင့် ၀ိနယ ပိဋကတ်၊ အဘိဓမ္မာ ပိဋကတ် နှင့် သုတ္တန္တ ပိဋကတ် ဟူ၍ သုံးမျိုးခွဲခြားထားသည်။

ဝိနည်းပိဋကတ် = ၀ိနည်း (၅)ကျမ်း
အဘိဓမ္မာပိဋကတ်= အဘိဓမ္မာ(၇)ကျမ်း
သုတ္တန္တပိဋကတ်= ထိုမှ ကြွင်းသော ဗုဒ္ဓစကားတော်များကို သုတ္တန္တ ပိဋကတ်၌
ထည့်သွင်းသည်။
ပိဋကတ်သုံးပုံသည် ဓမ္မခန္ဓာအရေအတွက်အားဖြင့်
သုတ္တန်ပိဋကတွင် (၂၁၀၀၀)
ဝိနည်းပိဋကတ်တွင် (၂၁၀၀၀)
အဘိဓမ္မာပိဋကတ်တွင် (၄၂၀၀၀)
စုစုပေါင်း ဓမ္မခန္ဓာပေါင်း (၈၄၀၀၀)ရှိပါတယ်။

ပထမ၊ ဒုတိယ၊ တတိယ သင်္ဂါယနာတင်ပွဲများတွင် အိန္ဒယမှ ဗြဟ္မဏ၀ါဒရောသွင်း
ယှက်နွယ်မှာကိုစိုးသဖြင့် စာပေဖြင့်မှတ်တမ်းမတင်ကြပဲ ရဟန္တာပုဂ္ဂိုလ်သူတော်စင်
များသက်သက်ဖြင့် သံပြိုင်ရွတ်ဆိုအာဂုံဆောင်ထားကြခြင်းဖြစ်ကြပါတယ်။

ဥပမာ အနေဖြင့်ပြောရမယ်ဆိုရင်
=====================
လူ ၁၀ ယောက်ရှိတယ်ဆိုပါတော့။ စာတစ်ကြောင်းကို အားလုံးညီညီသံပြိုင်ရွက်ဆိုမယ်
လို့ ဆုံးဖြတ်ကြတယ်။ ( မြန်မာနိုင်ငံတွင် ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊
ရှမ်း စသောတိုင်းရင်းသားပေါင်းစုံတို့ နေထိုင်ကြပါသည် ) ဆိုသော စာတစ်ကြောင်းကို
သံပြိုင်ညီညီရွတ်ဆိုတဲ့အခါမှာ လူ၉ယောက်က အထက်ပါစာသားအတိုင်းတသဝေမတိမ်း
ရွတ်ဆိုပြီး ကျန်တစ်ယောက်က ( မြန်မာနိုင်ငံတွင် ကချင်၊ ချင်း၊ ဗမာ၊ ကယား၊ ရှမ်း၊ ကရင်၊
မွန်၊ ရခိုင် စသောတိုင်းရင်းသားပေါင်းစုံတို့  နေထိုင်ကြပါသည် ) ဆိုပြီး ထွက်ဆိုမယ်ဆိုရင်
ကျန်၉ဦး နဲ့ ဘယ်လိုမှသံပြိုင်ရွတ်ဆိုနိုင်ခြင်းရှိမှာ မဟုတ်ပါဘူး။ ထိုမှားယွင်းနေသော
စုန်းပြူးတစ်ယောက်တည်းကပဲ မတူကွဲပြားနေတဲ့အသံကိုထွက်ပေါ်နေမှာအမှန်ပဲဖြစ်ပါတယ်။
သို့ သော် ပထမ၊ ဒုတိယ၊ တတိယ သင်္ဂါယနာတင်ပွဲ ၃ကြိမ်လုံးတွင် ရဟန္တာထေရ်များ
ပိဋကတ်ပါဠိတော်များကို ဖြေးဖြေးနဲ့ မှန်မှန်သံပြိုင်ရွတ်ဆိုကြတာဟာ တခါဖူးမှမှားယွင်းခြင်း
မရှိခဲ့တာဟာ နှစ်ပေါင်း ၂၆၀၀ ကိုကျော်လွန်ခဲ့ပြီဖြစ်ပါတယ်။

စတုတ္ထ၊ပဉ္စမ၊ဆဋ္ဌမသင်္ဂါယနာတင်ပွဲများတွင်ပေထက်အက္ခရာ၊ကျောက်ထက္ခရာ၊ပုံနှိပ်အက္ခရာ
(စာအအုပ်)ဖြင့် မှတ်တမ်းတင်တော်မူခဲ့ရာတွင် အရေအတွက်အားဖြင့် အောက်ပါအတိုင်းဖြစ်
ပါသည်။
• ပေရွက်ရေ ၆၃၄၅ -ရွက်
• ကျောက်ချပ်ရေ ၇၂၉ -ချပ်
• စာအုပ်ရေ ၄၀ -အုပ်
• စာရွက်ရေ ၆၅၄၇ -ရွက်
• စာမျက်နှာ ၁၃၀၉၄ -မျက်နှာ
• စာကြောင်းရေ ၄၀၄၀၇၀ -ကြောင်း
• အက္ခရာစာလုံးအရေအတွက် ၁၁၀၂၁၇၅၀
(တစ်ကုဋေ တစ်သန်း နှစ်သောင်းတစ်ထောင် ခုနှစ်ရာ့ငါးဆယ်) ရှိပါသည်။

(မှတ်ချက်) အထက်ပါပိဋကတော်တို့သည် `ပါဠိတော်´ အရေအတွက်မျှသာဖြစ်ပါသည်။
နိဿယျများ ၊အဋ္ဌာကထာများ၊ဋီကာများ ရေတွက်မထားပါ။

ပိဋကတ်တော်သမိုင်းနှင့်ပက်သက်ပြီး အကျယ်ကိုဖတ်ရှုလိုပါလျှင်
ကျွန်တော်ကိုယ်တိုင် သင်္ဂါယနာ ၆တန်ဇယားနဲ့ တကွ သေချာစွာရှင်းပြထားပါတယ်။
အောက်တွင် ဖတ်ရှု့ နိုင်ပါတယ်ဗျာ။

https://www.facebook.com/photo.php?fbid=633252190044253

=================================================
=================================================

.
.

မေးခွန်း (၃) အတွက် ဖြေဆိုချက်
=====================
မေးခွန်း၃မှာက ဦးဦး နတ်မင်းကြီးက ဗုဒ္ဓတရားအဆုံးအမများ နဲ့ ခောတ်သစ်သိပ္ပံပညာ
ကိုက်ညီမှုများ၊ သင့်လျှော်မှုများ၊ တူညီမှုများကိုသိလို၍ မေးမြန်းခြင်းဖြစ်တယ်လို့ ယူဆပါတယ်။

ကျွန်တော့်အနေဖြင့် ဦးစွာပြောလိုတာက ဗုဒ္ဓဘာသာသည် သိပ္ပံကိုအထင်မကြီးပါ။
အကြောင်းပြချက်ပေးပါ့မယ်။ သိပ္ပံပညာမှန်သမျှအားလုံးသည် ရုပ်တရား တစ်ခုကိုပဲ
စူးစမ်းလေ့လာရှာဖွေနိုင်သေးသော ဘာသာရပ်ပညာရပ်လို့  သိထားပါတယ်။
ဒါတောင်မှ ဗုဒ္ဓဘုရားရှင် ဟောကြားအပ်သောအဘိဓမ္မာတရားများထဲမှ
ရုပ် ပေါင်းဘယ်နှမျိုးရှိသလဲ၊ ရုပ်ရဲ့ ဖြစ်ပျက်မှု၊ ရုပ်ကိုအသေးစိတ်ထိုးထွင်းသိမြင်မှုကို
မည်သည့်သိပ္ပံပညာရှင်မှ ယနေ့ အချိန်ထိမသိရှိသေးပါ။
ရုပ်တရားတစ်ခုကိုတောင် ပြည့်ပြည့်စုံစုံ မသိရှိ၊ မလေ့လာနိုင်သေးရင်
နာမ်ပိုင်းဆိုင်ရာများဖြစ်သော (စိတ်၊ စေတသိသ်) နဲ့ အတူ နိဗ္ဗာန်အကြောင်းများကို
အဘယ်မှာလျှင်သိရှိနိုင်ကြပါ့မလဲ။

ဒါပေမယ့် ကျွန်တော့်အနေဖြင့် သိပ္ပံကိုအထင်ကြီး၍မဟုတ်၊ သို့ သော်သိပ္ပံကသာ
ဗုဒ္ဓတရားတော်များ၏ အနောက်မှလိုက်နေခြင်းသာဖြစ်ပါတယ်။
ဗုဒ္ဓတရားတော်များက သိပ္ပံထက်နှစ်ထောင်ပေါင်းများစွာ စောပြီးခောတ်ရှေ့ ပြေးနေခြင်း
သာဖြစ်တယ်ဆိုတာကို ပြောလိုပါတယ်။

ဦးဦး နတ်မင်းကြီးက မေးတဲ့အတွက် ကျွန်တော့်ဘက်ကပြန်ဖြေပေးလိုက်ပါတယ်။
သိပ္ပံပညာကဖော်ပြချက် နဲ့ ဗုဒ္ဓတရားတော်များကဖော်ပြချက်များကိုအောက်တွင်
မြန်မာလူမျိုး ဗုဒ္ဓဘာသာမဟုတ်သော အနောက်တိုင်းပညာရှင်၊ သိပ္ပံပညာရှင်များက
ဖော်ပြထားသော သမိုင်းဆိုင်ရာစာအုပ်၊ Websites နဲ့ သုတေသီစာအုပ်များက
အခုလိုဖော်ပြထားကြပါတယ်။

1). http://en.wikipedia.org/wiki/Buddhism_and_science
========================================
► Buddhism and the scientific method
► Buddhism and psychology
► Buddhism as science
► Notable scientists on Buddhism

2). http://en.wikipedia.org/wiki/Buddhism_and_Evolution

3). http://en.wikipedia.org/wiki/Buddhism_and_psychology

4). http://en.wikipedia.org/wiki/Buddhism_and_Western_Philosophy

5). http://www.wildmind.org/blogs/on-practice/10-things-science-and-buddhism-says-will-make-you-happy

6). http://townsendcenter.berkeley.edu/events/buddhism-mind-and-cognitive-science

7). http://uip.edu/en/articles-en/science-and-buddhism

8). http://www.mindandlife.org/about/hhdl-mli/buddhism-and-modern-science/

9). https://eview.anu.edu.au/cross-sections/vol7/pdf/ch01.pdf

10). http://en.wikipedia.org/wiki/Buddhist_atomism

11). http://en.wikipedia.org/wiki/Talk%3ABuddhism_and_science

12). http://en.wikipedia.org/wiki/Religious_views_of_Albert_Einstein

Buddhism has the characteristics of what would be expected in a cosmic religion for the future: It transcends a personal God, avoids dogmas and theology; it covers both the natural and the spiritual, and it is based on a religious sense aspiring from the experience of all things, natural and spiritual, as a meaningful unity. and Buddhism is the only religion able to cope with modern scientific needs (Dr. Albert Einstein)

နောင်တချိန်တွင် စကြဝဠာတခုလုံး ကိုးကွယ်ကြသည့် ဘာသာတရားတခု ဖြစ်ပေါ်လာလိမ့်မည်။
ထိုဘာသာတရားသည် တယူသန်ဝါဒ၊ တရားသေဝါဒများကိုလည်း ရှောင်လွှဲနိုင်လိမ့်မည်။
သဘာဝတရားနှင့် ဘာသာတရားနှစ်ခုလုံးကို လွှမ်းခြုံမိသည့် ဤဘာသာတရားသည် ရုပ်နာမ်တရားကို ကိုယ်တွေ့ခံစားသိမြင်မှုနှင့် အဓိပ္ပာယ်ပြည့်ဝသည့် ပေါင်းစည်းညီညွတ်မှုပေါ်မှာ အခြေခံလိမ့်မည်။
ဤအချက်အလက်များကို ဗုဒ္ဓဘာသာက အဖြေထုတ်ပေးလိမ့်မည်။ အကယ်၍သာ ခေတ်သစ် သိပ္ပံနည်းကျ လိုအပ်ချက်များကို အဖြေထုတ်ပေးနိုင်မည့် ဘာသာတရားတခုသာ ရှိလာမည်ဆိုလျှင် ထိုဘာသာတရားသည် ဗုဒ္ဓဘာသာပဲ ဖြစ်လိမ့်မည်။
(ကမ္ဘာကျော် သိပ္ပံပညာရှင်ကြီး - ဒေါက်တာ အဲလ်ဘတ်စ်အိုင်းစတိုင်း)

ဦးဦး နတ်မင်းကြီး မေးလို့ သိပ္ပံမပေါ်ခင်မှာ ဗုဒ္ဓကဘာတွေများဟောထားသလဲဆိုတော့
အများကြီးရှိခဲ့ပါတယ်။ အပေါ်မှာလည်း ဗုဒ္ဓဘာသာနဲ့ သိပ္ပံ compatible ဖြစ်သောအရာ
များကို မြန်မာလူမျိုးမဟုတ်သော၊ ဗုဒ္ဓဘာသာမဟုတ်သော ပညာရှင်သုတေသီများက
ဖော်ပြပေးထားတာကို လက်တွေ့ သက်သေအထောက်အထားများ ပြခဲ့ပြီးပါပြီ။
အခု အနည်းအကျဉ်းမျှလောက် ပြောပြပေးပါ့မယ်။

► မြတ်စွာဘုရားရှင်က လွန်ခဲ့သော သိပ္ပံလုံးဝ မပေါ်ပေါက်သေးခင်
အချိန်အခါဖြစ်သော နှစ်ပေါင်း ၂၆၀၀ လောက်ကတည်းက ဟောထားပါတယ်။

( ပိဋကတ်ကျမ်း >>> သုတ္တန်ပိဋကတ် >>> သံယုတ္တနိကာယ် >>> သဂါထာဝဂ္ဂသံယုတ်ပါဠိတော် >>> ယက္ခသံယုတ် >>> က္ကန္ဒကသုတ် ) မှာ ဟောကြားထားပါတယ်။

“ ပထမံ ကလလံ ဟောတိ၊ ကလလာ ဟောတိ အဗ္ဗုဒံ၊
အဗ္ဗုဒါ ဇာယတေ ပေသိ၊ ပေသိ နိဗ္ဗတ္တတီ ဃနော၊
ဃနာ ပသာခါ ဇာယန္တိ ”

“ ပထမဆုံး ကလလမည်သော ရေကြည်ဖြစ်၏။
ရေကြည်ကလေးမှ အမြှပ်ဖြစ်၏။
အမြှပ်မှ သားတစ်(အသားတုံး)လေး ဖြစ်လာ၏။
သားတစ်လေးမှ အစိုင်အခဲလေး (အစုအပုံလေး) ဖြစ်လာ၏။
အစိုင်အခဲလေးမှ ခက်မငါးဖြာ (ခြေနှစ်ချောင်း၊ လက်နှစ်ချောင်းနှင့် ဦးခေါင်း)တို့ ဖြစ်လာပြီး
ဆံပင်၊ မွှေးညှင်း၊ ခြေသည်းလက်သည်းတို့လည်း ဖြစ်ပေါ်လာကြ၏။
မိခင်စားသော အစာနှင့် မိခင်သောက်သောအရည်တို့ဖြင့် အမိဝမ်းတွင်းမှ သန္ဓေသားလေးက မျှတရ၏ ”
လို့ ဟောကြားထားပါတယ်။

ဒီပဋိသန္ဓေအကြောင်းတွေနဲ့ ပတ်သက်ပြီး မြတ်စွာဘုရားဟောကြားတာတွေကို သိလိုက်ရရင် တော်တော်အံ့သြစရာကောင်းပါတယ်။ ပဋိသန္ဓေတည်နေပုံကို ခေတ်သစ်ဆေးပညာရှင်တွေက အသေးစိတ်ရှင်းပြတယ်။ သူတို့ရှင်းပြနိုင်တာက ခန္ဓာကိုယ်ထဲကို ခေတ်သစ်နည်းပညာတွေ အကူအညီနဲ့ ကြည့်ရှုပြီးမှ ရှင်းပြနိုင်တာဖြစ်တယ်။ မြတ်စွာဘုရားရှင်ကတော့ ဘာနည်းပညာအကူအညီမှ မပါဘဲနဲ့ ခရေစေ့တွင်းကျ အသေးစိတ် ဟောကြားထားနိုင်ပါတယ်။

.
.

► Newton's Law
(( To every action there is always an equal and opposite reaction. ))
သက်ရောက်မှုတိုင်းမှာ တူညီသော တန်ပြန်သက်ရောက်မှုဆိုတာ ရှိစမြဲဖြစ်တယ်လို့ 
သိပ္ပံကဆိုထားပါတယ်။

မြတ်ဗုဒ္ဓက ဘယ်လိုဟောထားသလဲဆိုရင်
((စေတနာဟံ ဘက္ခဝေ ကမ္မ၀ဒါမိ))
ပြုမှုဆောင်ရွက်ခြင်း စေတနာကို ကံဟု ငါဘုရားဆို၏ ၊
စေတနာကံသည် တူညီသော တန်ပြန်အကျိုးကိုသာ ပေးတတ်၏လို့  ဟောကြားထားပါတယ်။

.
.

► (All scientists) သိပ္ပံပညာရှင်အားလုံး ၊ သိပ္ပံပညာရှင်တိုင်း တစ်ယောက်မကျန် မှန်ကန်ကြောင်းကို ပြတ်ပြတ်သားသား အဆိုပြုထားသော နိယာမတစ်ခုရှိပါတယ်။
ကျွန်တော်တို့  ကျောင်းစာများမှာလည်း သိပ္ပံပညာကိုသင်ဖူးသူတိုင်းလည်း သိကြလိမ့်
မယ်လို့ ထင်မိပါတယ်။
စကြာဝဠာမှာ ဒြပ်နဲ့ စွမ်းအင် (Matter and Energy) ပဲရှိတယ်လို့  ဆိုထားပါတယ်။
(( Matter and energy cannot be created or destroyed ))
(လူ၊ တိရိစ္ဆာန်၊ အပင်နှင့် သတ္တ၀ါအားလုံးတို့ နှင့်တကွ)
ရုပ်ဝထ္တုဒြပ်အားလုံး နှင့် စွမ်းအင်အားလုံး တို့ ကို မည်သူမှ ဖန်တီး၍လည်းမရ ဖျက်ဆီး၍လည်း မရနိုင်ပါလို့ အဆိုပြုနိယာမထုတ်ထားကြပါတယ်။
ဒါဆိုရင် ဖန်ဆင်းရှင်တစ်ဦးဦးက ဖန်ဆင်းတယ်ဆိုတာ စဉ်းစားစရာဖြစ်လာပါတယ်။

မြတ်ဗုဒ္ဓတရားတော်ထဲမျာ ပဋိစ္စ သမုပ္ပါဒ် လို့ ခေါ်တဲ့ အကြောင်းတရားကြောင့်သာ
အကျိုးတရားတစ်ခု ဖြစ်ပေါ်လာစမြဲပဲလို့ ဟောထားပါတယ်။ လောကမှာအကြောင်း
တရားမရှိဘဲဖြစ်လာတဲ့အရာမရှိဘူးလို့  အတိအလင်းဟောထားပါတယ်။
((ယေဓမ္မာ ဟေတုပ္ပဘ၀ါ )) ဆိုတဲ့တရားစကားတော်တစ်ခုလည်း ရှိပါသေးတယ်။
ယေ ဓမ္မာ = လောကမှာ ဖြစ်တည်လာသော အကျိုးတရားမှန်သမျှသည်
ဟေတုပ္ပဘ၀ = အကြောင်းတရားတို့ ကိုသာ အခြေခံ၍ ဖြစ်ပေါ်လာလေ့ရှိကြပါကုန်၏
( ဆိုလိုရင်းအဓိပါယ် = လောကမှာ သက်ရှိ၊ သက်မဲ့ မှန်သမျှတို့ သည် ဖန်ဆင်းသူကြောင့်၊ တန်ခိုးရှင်ကြောင့် မဟုတ်၊ အကြောင်းတရားတစ်ခု (သို့ ) အကြောင်းတရားတစ်ခုထက်ပို၍ ပေါင်းဆုံပြီးသာ ဖြစ်ပေါ်လာရကုန်၏ လို့ ဟောထားပါတယ်။

မှတ်ချက် ။ ။ ဦးဦး နတ်မင်းကြီး မေးထားသောမေးခွန်းများကိုပြန်လည်ဖြေကြားလို့ 
ပြီးပါပြီ။ အကြောင်းပြချက် သက်သေများနဲ့ တကွ ဖြေဆိုထားပါတယ်။
ကျွန်တော်တင်ပြထားသော သက်သေ သာဓက အထောက်အထားများကို
ပြန်လည်ပြောဆို ဆွေးနွေးပေးနိုင်ပါတယ်။
=================================================
=================================================

.
.

ဦးဦး နတ်မင်းကြီးကို ပြန်လည်မေးမြန်းမယ့် တူညီသောမေးခွန်း ၃ခုကို
ကျွန်တော့်ဘက်က ပို့ စ်သီးသန့် တင်ပြီး ပြန်လည်မေးပေးပါ့မယ်။

အားလုံးကိုကျေးဇူးတင်ပါတယ်။

By

Kaung Myat Min Soe

" လူတွင် ရင်းနှီးမြှုပ်နှံပါ "

" လူတွင် ရင်းနှီးမြှုပ်နှံပါ "

ရွှေရင်နှစ် (မြို့သာ)

ဒုတိယ ကမ္ဘာစစ်အပြီး အဏုမြူ ဗုံးဒဏ်ဖြင့် ပြာပုံသာ ကျန်ခဲ့ရသော ဂျပန်နိုင်ငံသည် စက်မှု ထိပ်တန်းနိုင်ငံ များကို နည်းပညာ အမီလိုက်ရန် အတွက် ပညာရေး ဌာနတွင် ပုံအော၍ ရင်းနှီးမြှုပ်နှံ ခဲ့သည်။

ကျောင်းများကို တခြားဌာန များထက် ပိုဦးစား ပေးသည်။ အဆောက်အအုံ နှစ်ခု ဆောက်လုပ်ရန် ယှဉ်ပြိုင် လာခဲ့လျှင် ကျောင်းကို အရင် ဦးစားပေးသည်။ ပညာရေးဌာနမှ လစာကို တခြားဌာန များထက် ပိုမြှင့်ပေး ထားသည်။ ကျောင်းတွင် ကလေးများကို ဉာဏ စွမ်းရည် ထက်မြက်စေရန် ကာယစွမ်းရည် ကောင်းဖို့ လိုအပ်သော ကြောင့် အစားအစာကို လိုအပ်သော ကယ်လိုရီကို စနစ်တကျ တွက်ချက်၍ ကျောင်းများတွင် ကျွေးသည်။ နွားနို့ တိုက်သည်။ ထိုကဲ့သို့ သုံးနိုင်ရန် အတွက် တခြားဌာန များမှ ငွေရှာပေးသည်။ ထိုသုံးသော ငွေများသည် အလဟဿ ဖြုန်းတီး ပစ်ခြင်း မဟုတ်။ '' လူသားရင်းနှီး မြှုပ်နှံမှု " ပင် ဖြစ်သည်။ အနာဂတ် တစ်ချိန်တွင် ထို ရင်းနှီးမှု၏ အကျိုးအမြတ် ကို ခံစား ရမည်ဟု ယုံကြည် လုပ်ဆောင် ခဲ့ကြသည်။

အမှန်တကယ် လည်း အနှစ်(၃ဝ) ခန့် ရှိလာသော အခါ တစ်နည်း အားဖြင့် ထို ကလေးများ လုပ်ငန်းခွင် ၀င်သည့် အရွယ် ရောက်လာသော အခါ ဂျပန်နိုင်ငံ သည် ဦးမော့လာ ခဲ့ပါသည်။ ယခုအခါ မှာတော့ ဂျပန် နိုင်ငံသည် စီးပွားရေး နှင့် စက်မှု တိုးတက်မှုတွင် ကမ္ဘာ့ထိပ်တန်း နိုင်ငံ တစ်နိုင်ငံဖြစ်လာခဲ့ပြီ ဖြစ်သည်။ ထို အောင်မြင်မှုသည် ရေတိုကို မကြည့်။ ရေရှည်ကြည့်၍ လူသား ရင်းနှီး မြှုပ်နှံမှု ၏ အကျိုးရလဒ် ဖြစ်သည်။

'' ယောက်ျားတံခွန် လူရည်ချွန်က ကောင်းကင် တမွတ် ကြယ်ကို ဆွတ်လည်း မလွတ်စတမ်း ရမြဲလမ်းတည့် ''ဟူသော စာသားတွင် " ယောက်ျားတံခွန် " အစား " လူသားတံခွန် " ဟု ပြင်လိုက် ချင်ပါသည်။

'' လူသားတံခွန် သူသည် ချွန်က ကောင်းကင် တမွတ် ကြယ်ကို ဆွတ်လည်း မလွတ်စတမ်း ရမြဲလမ်းတည့် '' လူတစ်ယောက် (သို့မဟုတ်) မိသားစု တစ်စု (သို့မဟုတ်) နိုင်ငံ တစ်နိုင်ငံသည် ဘာမှမရှိ လျှင် နေပါစေ။ တော် ၊ ထက် ၊ ထူးချွန် နေသော လူကောင်း လူတော်များ ရှိနေလျှင် ထိုမိသားစု ၊ ထိုနိုင်ငံသည် တစ်နေ့နေ့ ၊ တစ်ချိန်ချိန်တွင် ထိပ်တန်း နေရာသို့ မလွဲမသွေ ရောက်ရမည်မှာ ဧကန်ပင် ဖြစ်သည်။

ဘာသယံဇာတ မှမရှိ ၊ မြို့ပြနိုင်ငံလေး မျှသာဖြစ်ပြီး ထိပ်တန်းသို့ ရောက်နေသော စင်ကာပူနိုင်ငံ သည် အကောင်းဆုံး သာဓကဖြစ် သည်။ ထို့ကြောင့် လူတွင် ရင်းနှီး မြှုပ်နှံပါ။ ယခုအခါ မြန်မာနိုင်ငံ၏ နေရာ အတော်များများ တွင် စီမံကိန်း အမျိုးမျိုးကြောင့် မြေဈေးများ ကောင်းလျက် ရှိသည်။ မကြားဖူးသော ဈေး၊မမြင်ဖူးသော ငွေကြေးများ ကြောင့် တောင်သူ လယ်သမား အတော် များများက မိမိပိုင် မြေများကို ရောင်းချ လာကြသည်။

ငွေသည် ''ရေ'' ဖြစ်သည်။ အိတ်၏ အပြင်ကို အလွယ်တကူ စီးထွက်သွား တတ်သည်။ ငွေသည် " ဆီ " ဖြစ်သည်။ " ဆီ "လို အပေါက် ရှာတယ် ဟူသော စကားအတိုင်း အပေါက်ရှာပြီး အလွယ်တကူ ခုန်ထွက် တတ်သည်။ ငွေသည် " ငှက် " ဖြစ်သည်။ အတောင်ပံပါ၍ အလွယ်တကူ ပျံသွား တတ်သည်။ ရေလို ၊ ဆီလို ၊ ငှက်လို ထွက်သွားသော ငွေများကို ပြန်ဖမ်းရန် မှာမူ မလွယ်ကူ တော့ပါ။

ဓားမဦးချ မြေယာ အလုပ်ကိုသာ လုပ်တတ်သော တောင်သူ လယ်သမားများ ဆိုလျှင် ပိုဆိုးတော့မည်။ မြေလည်းကုန် ၊ ငွေလည်းကုန် ဆိုလျှင် ဘယ်လိုလုပ် ကြမှာလဲ။ ထို့ကြောင့် '' ပညာရွှေအိုး လူမခိုး ''ဟူသော ဆိုရိုးအတိုင်း မိမိ တို့၏ ငွေကြေးများကို သားသမီး များ၏ ပညာရေးတွင် ရင်းနှီးပါ။ မိမိတို့၏ သားသမီးများကို ပညာတတ်အောင် သင်ပါ။

သို့မှသာ ပွင့်လင်းလာသော ခေတ်တွင် မြန်မာနိုင်ငံ သို့ ရောက်ရှိ လာတော့မည့် နိုင်ငံခြားသား လုပ်ငန်းရှင်တို့ အလယ်၌ ခေါင်းမော့ ရင်ကော့ နိုင်မည် ဖြစ်သည်။ မိမိနိုင်ငံ၏ မိမိမြေပေါ်တွင် တိုင်းခြားသားတို့ လက်ညှိုးညွှန်ရာ ကို လုပ်ကိုင်ခြင်း မဟုတ်ဘဲ ၄င်းတို့ထံမှ စည်းစနစ် ၊ နည်းပညာ တို့ကို ယူ၍ သူတို့လို စက်ရုံပိုင်ရှင် ၊ ကုမ္ပဏီ ပိုင်ရှင်အဖြစ် ကမ္ဘာကို ထိုးဖောက်နိုင် ရပေမည်။ မည်သို့ပင် ဆိုစေ... သိပ္ပံပညာ ရှင်တွေ ၊ ဆေးပညာရှင် တွေ ၊ ကွန်ပျူတာ ပညာရှင်တွေ ၊ ဆော့ဖ်ဝဲလ် အသစ် တီထွင်သူတွေ ၊ နည်းပညာ အသစ် ဖန်တီးသူတွေ။ ထိုကဲ့သို့ ထူးချွန် ထက်မြက်သူများ ဖြစ်ရန်အတွက် မိဘများ ကရော ၊ နိုင်ငံတော် ကပါ လူကောင်းတွေကို ရွေးချယ်ပါ။ လူတော်တွေ ကို ချီးမြှောက်ပါ။ လူကောင်း လူတော် ဖြစ်အောင် ပျိုးထောင်ပါ။ လူတွင် ရင်းနှီးမြှုပ်နှံပါ ဟု စေတနာ ကောင်းဖြင့် တိုက်တွန်း ရေးသား လိုက်ရပါသည်။

ဤမီးတိုင် - ရွှေရင်နှစ် (မြို့သာ)

ဤမီးတိုင်

ပညာသည် မီးအလျှံနှင့်တူ၍ ပညာပေးဝေသူသည် မီးတိုင်နှင့်တူသည်။ ဆီမီးတစ်တိုင်တည်းဖြင့် နောက်ထပ်အလင်းတောက်များစွာအား နေရာအနှံ့တွင် ထွန်းလင်းတောက်ပစေနိုင်သည်။ မီးတိုင်တို့သည် မိမိအလင်းမှ ဆင့်ပွားလင်းလပ်နေသော မီးတောက်တို့အား ပီတိများစွာနှင့် ငေးကြည့် ရင်း မိမိကိုယ်တိုင်မီးတောက်၏ ဝါးမြိုတိုက်စားခံရမှုကိုလည်းကောင်း၊ မိမိဝန်းကျင်သို့ စီးဆင်းပျံ့နှံ့သွား သော အပူစီးကြောင်းများကိုလည်းကောင်း မေ့လျော့ရင်းဖြင့် ….
* * *
စက်ဘီးကို ခပ်သေးသေးခြံဝင်းလေးထဲသို့ ကွေ့ဝင်လိုက်သည်နှင့် ကျွန်မတို့သူငယ်ချင်းများအားလုံးကို တစ်စုတစ်ဝေးတည်း တွေ့လိုက်ရသည်။ အကြည့်များက နွေးထွေးကြသော်လည်း ကြိုဆိုမှုက တိတ် တိတ်ဆိတ်ဆိတ် ရှိနေသည်။
စက်ဘီးပေါ်မှဆင်း၍ အိမ်လေးထဲသို့ လှမ်းဝင်လိုက်သောအခါ ဒေါက်တာ သူငယ်ချင်းက အပြုံးနွမ်း နွမ်းဖြင့် ထလာ၍ ကြိုသည်။ ထိုသူငယ်ချင်းကို ကျွန်မ တိုးတိတ်စွာ … "ငါ နည်းနည်းနောက်ကျသွား တယ်ဟာ…နယ်မှာဆိုတော့ သတင်းစာရောက်တာကလည်း နောက်ကျတယ်လေ… သိသိချင်း ထွက် လာပေမယ့် …"
ကျွန်မအသံကတုန်ကယင် နစ်ဝင်သွားသည်။ ချက်ချင်းစုအိုင်လာသော မျက်ရည်များကို မျက်တောင် တဖျတ်ဖျတ်ဖြင့် ထိန်းနေရသည်။ သူငယ်ချင်းမျက်နှာကလည်း ပိုမိုညှိုးလျသွားကာ…. "ငါလည်းအစွမ်း ကုန် ကြိုးစားပါတယ် … ငါ့ဆရာကြီးတွေ အကူအညီနဲ့ရောပေါ့… ဒါပေမယ့်….ဆရာမကြီးအခြေအနေ က မီးစာကုန် ဆီခန်းနေပြီဆိုတော့…"
ကျွန်မ မျက်လုံးများက ဘုရားစင်အောက် စားပွဲလေးတစ်လုံးပေါ်တွင် ထောင်ထားသော ကျွန်မတို့၏ ငယ်ဆရာကျေးဇူးရှင်ဆရာမကြီး၏ ဓာတ်ပုံကြီးဆီသို့ ရောက်သွားသည်။ ထိုဓာတ်ပုံကြီးရှေ့တွင် ထွန်း ထားသောဖယောင်းတိုင် မီးတောက်ကလေးက လေငြိမ်နေတာကြောင့် ငြိမ်သက်စွာ တောက်ပနေ သည်။
ကျွန်မ ထိုနေရာသို့ လျှောက်သွားမိသည်။ မေတ္တာရိပ်လွှမ်းနူးညံ့စွာ စူးရှသော မျက်ဝန်း..ပြတ်သား ထက်မြက်သော်လည်း အေးမြငြိမ်းချမ်းစွာ ပြုံးတတ်သောနှုတ်ခမ်း …
သတိလက်လွတ်နှင့် နှမြောတသစွာ ငေးကြည့်နေဆဲမှာပဲ ဓာတ်ပုံထဲမှ မျက်ဝန်းများက ပိုမိုလင်းလက် လာသလိုလို .. နှုတ်ခမ်းများ တရွရွလှုပ်ခတ်လာသလို ထင်လာရသည်။ ဆရာမကြီးသည် ကျွန်မရင်ထဲ တွင် ပြန်လည်ရှင်သန်လာသည်။
ဆရာမကြီး၏ဓာတ်ပုံအား ရိုသေညွတ်ကျိုးစွာ ရှိခိုးကန်တော့မိချိန်မှာတော့ ကျွန်မ၏နှလုံးအိမ်သည် လှပ်ကနဲလှိုက်ဖို၍ သည်းသည်းထန်ထန် ငိုကြွေးလိုက်မိတော့သည်။
* * *
'ပန်းမျိုးတစ်ရာတို့ ဖူးပွင့်ဝေဆာရာ ကျောင်းမဟာ' ဟုဆိုလျှင် ကျွန်မတို့မြို့မှလူများက ဆရာမကြီး ဒေါ်မြသင်း၏ကျောင်းကို ပြေးမြင်တတ်ကြသည်။
ဆရာမကြီး ဒေါ်မြသင်း၏ အမှတ် (…) အ.ထ.က သည်သဘာဝပန်းတို့ လန်းစွင့်ရာ လူသားပန်းတို့ လျှမ်းတင့်ရာ တကယ့်ပန်းဥယျာဉ်တစ်ခုပဲ ဖြစ်၏။ ထိုကျောင်းသည် စည်းကမ်းကောင်းသော၊ လူချွန် လူမွန်များ မွေးထုတ်ပေးသော မွေးထုတ်ပေးသော စံပြကျောင်းအဖြစ် ကျော်ကြားသကဲ့သို့ ဆရာမကြီး ကိုလည်း ကျောင်းအုပ်ချုပ်ရေး၊ ကောင်းသူ၊ စည်းကမ်းဖြင့်လူတော်များကို ပုံလောင်း၍ လူကောင်းများ အားတော်အောင် ပျိုးထောင်ပေးသူအဖြစ် အားလုံးက လေးစားချီးကျူးကြ၏။
ဆရာမကြီးသည် သက်ရှိ၊ သက်မဲ့တို့အား စေတနာကောင်းဖြင့်လိုရာသို့ ပုံဖော်နိုင်သူ ဗိသုကကောင်း တစ်ယောက်ဖြစ်သည်။ သူမလက်ထက်တွင် သက်မဲ့ကျောင်းဝင်းအား စနစ်ကျအောင် ဦးစွာပြင်သည်။ အမြဲသန့်ရှင်းသပ်ရပ်နေသော ကျောင်းဝင်းထဲတွင် အရိပ်ရပင်များ၊ အလှစိုက်ပန်းပင်များ၊ ကျောင်းစိုက် ပျိုးခင်း၊ ကျောင်းအားကစားကွင်းတို့ဖြင့် စနစ်တကျရှိနေစေသည်။ ကျောင်းဝေယျာဝစ္စများကို လုပ် ဆောင်နေကြသော အသင်းလေးသင်းကလည်း ပန်းခင်းကြားမှ ပျားပိတုန်းများကဲ့သို့ လူးလာခေါက်တုံ့ နှင့်တက်ကြွစွာလှုပ်ရှားနေကြသည်။ မိဘဆရာအသင်း နှစ်ပတ်လည် ဆုနှင်းသဘင်တွင်အသင်းဆု တစ်ဆု ပါဝင်သောကြောင့် ယှဉ်ပြိုင်စိတ်နှင့် ကြိုးစားနေကြခြင်းဖြစ်သည်။
သက်မဲ့တို့အားပြုပြင်ရာတွင် သေသပ်လှပစွာ ဖန်တီးနိုင်ခဲ့သော ဆရာမကြီးသည် သက်ရှိတို့အား ကိုင်တွယ်ရာ၌လည်း ကျွမ်းကျင်ပိုင်နိုင်ခဲ့သည်။
စရိုက်အမျိုးမျိုး၊ ပုံသဏ္ဌာန်၊ စိတ်ထားအမျိုးမျိုးရှိသော ဆရာ၊ ဆရာမများအား မိမိလိုချင်သောစည်း ကမ်းဘောင်များ မချမှတ်မီ ဆရာ၊ ဆရာမများ၏ ဘဝရပ်တည်မှု ဆန္ဒပြည့်လိုအင်ကို အရင်ဆုံးဖြည့် တင်းပေးခဲ့သည်။ ထိုအခါမှ မိမိဘက်သို့ ပျောင်းညွှတ်လာသော စိတ်များကို စည်းကမ်းချမှတ်သော အခါ အလွယ်တကူ လိုက်နာလာကြသည်။
ဆရာ၊ ဆရာမများ၏အဝတ်အစား၊ အနေအထိုင်၊ လုပ်ငန်းခွင်စည်းကမ်း၊ ကျောင်းသူ၊ ကျောင်းသား များ၏ အဝတ်အစား၊ အနေအထိုင်၊ ယဉ်ကျေးမှု၊ ကျောင်းစည်းကမ်း၊ အတန်းစည်းကမ်း တို့ကို တစ် ပြေးညီ တင်းကြပ်စွာသတ်မှတ်ကာ အပြုံးဖြင့်ဆောင်ရွက်၍ အလုပ်ဖြင့်ပြတ်သားခဲ့သည်။ 'ပြောလျှင်ပြုံး ၍ လုပ်လျှင်ပြတ်' လျှင်အဲဒါ ဒေါ်မြသင်းဟု ဆရာမကြီးကွယ်ရာတွင် ချစ်စနိုးကင်ပွန်းတပ်ခဲ့ကြသည်။ အပြစ်ရှိသူအား ဒဏ်ပေးရုံသာမဟုတ် ထူးချွန်သူအား ဆုပေးချီးမြှင့်ခြင်းကိုပါ ဆောင်ရွက်သူဖြစ်ခြင်း ကြောင့် ဆရာမကြီးအားတစ်ဖက်သတ် မည်သူမျှအပြစ်မပြောခဲ့ကြပါ။
'ကျောင်းနေပျော်၍ စာတော်ရမည်' ဟူသောမူကို ဆရာမကြီးက အနှစ်သာရပြည့်စွာ ကျင့်သုံးသည်။ ဆရာ၊ ဆရာမများအနေဖြင့် နိစ္စဓူဝ လုပ်ကိုင်နေရသည့် အလုပ်ဖြစ်သည့်အပြင် အနာဂတ်နိုင်ငံတော်၏ သက်ရှိရတနာများအား ပျိုးထောင်ပေးရသော အလုပ်ဖြစ်ခြင်းကြောင့် ဆရာ၊ ဆရာမများ၏ လုပ်ငန်း ခွင် စိတ်ပျော်ရွှင်မှုသည် အရေးအပါဆုံးဖြစ်သည်ဟု ယုံကြည်သည်။ စေတနာ၊ မေတ္တာများဖြင့် ရက် ယှက်ထားသော လုပ်ငန်းခွင်သဘာဝကို ဒေါသများ၊ မာန်မာနများ၊ ဣဿာ မစ္ဆရိယများ၊ မနာလိုဝန်တို မှုများနှင့် ပြည့်လျှမ်းနေလျက် နစ်နာဆုံးရှုံးရသည်မှာ ဆရာ၊ ဆရာမများကိုယ်တိုင်သာ မဟုတ်၊ ကျောင်းသာမဟုတ်၊ နိုင်ငံတော်ပါဖြစ်သည်ဟု ကျွန်မမူလတန်း ကျောင်းအုပ်လုပ်မည်ဆိုသောအခါ ဆရာမကြီးက သြဝါဒပေးဖူးသည်။
ကျောင်းသားများကို ချမှတ်သောစည်းကမ်းဆိုသည်မှာ မလှုပ်မရှားနိုင်တုပ်နှောင်သောကြိုး မဖြစ်စေရ၊ အန္တရာယ်မှ ကာကွယ်သော 'စည်း' သာဖြစ်ရမည်။ 'စာ ကိုလည်းသင်၊ လူလည်းပြင်၊ ဘဝတွင်လည်း အောင်မြင်စေ' ဟူသော ဆောင်ပုဒ်သည် ဆရာမကြီး၏ ဆောင်ပုဒ်များမှတစ်ခုဖြစ်သည်။ ဆရာမကြီး သည် မိမိကျောင်းမှကလေးများအား ကာယ၊ ဉာဏ၊ စာရိတ္တတည်းဟူသော ဘဝအောင်မြင်မှု၏ စွမ်း ရည်သုံးရပ်ကို အခြေတည်ပေးလေ့ရှိသည်။ ထိုအခြေခံကောင်းများဖြင့် ဘဝတွင်လည်း အောင်မြင်ဝင့် ထည်နေစေချင်သည်။ ထို့ကြောင့် တစ်ကျောင်းလုံးတစ်ပတ်လျှင် ဖွံ့ဖြိုးရေးအတွက် တစ်ရက်သတ် မှတ်၍ စာပေ၊ ဂီတ၊ ပန်းချီ၊ ကာယတို့ကို သူ့ဆန္ဒအလိုက် ပျော်ရွှင်တက်ကြွစွာ လှုပ်ရှားစေသည်။
ဆရာမကြီး၏ လုပ်ဆောင်ချက်များကြောင့် ဆရာမကြီးလက်ထက်တွင် ဆရာဝန်၊ အင်ဂျင်နီယာဟူ သော အတတ်ပညာရှင်များသာမက အားကစားဘက်တွင် ထူးချွန်သောနိုင်ငံ့ဂုဏ်ဆောင် အားကစား သမား ပါရမီရှင်များ၊ အနုပညာဘက်တွင် ထူးချွန်သောလျှမ်းလျှမ်းတောက် နိုင်ငံကျော်အနုပညာရှင် များ စာပေပညာရှင်များပေါ်ထွန်းခဲ့သည်။
တပည့်ရေပြင်မြင့်တက်သောအခါ ဆရာမကြီး၏ ကြာပန်းရနံ့ဂုဏ်သတင်းကလည်း သင်းပျံ့လို့နေခဲ့ သည်။
တကယ်တော့ ကျောင်းသားများ ထူးချွန်အေင်မြင်ကြသည်မှာ ဆရာတို့ဘက်မှချည်း တော်၍မဟုတ်၊ 'မိဘ၊ ဆရာ ပူးပေါင်းကလေးပညာကောင်း' ဆိုသည့်အတိုင်း မိဘများဘက်မှလည်း ထောက်ပံ့အား ပေးနိုင်သောကြောင့်ဖြစ်သည်ကို မည်သူမှ မငြင်းနိုင်ပါ။ သို့သော်ကလေးက ထက်မြက်ထူးချွန်နေ သော်လည်း မိဘမှပံ့ပိုးရန် စီးပွားရေးမပြည့်စုံသော ကျောင်းသားများလည်းရှိပါသည်။ ထိုကလေးမျိုး အတွက် ဆရာမကြီးက ဆရာနေရာတင်မက မိဘနေရာပါယူ၍ မိဘဆရာအသင်းနှင့်တိုင်ပင်ကာ "ဆင်းရဲထူးချွန်" ကလေးများ ရန်ပုံငွေထူထောင်သည်။ ထိုရန်ပုံငွေမှ ထိုကလေးမျိုးကို ထောက်ပံ့မြေ တောင်မြှောက်ပေးခဲ့သည်။
'ဘဝနာမှ အသိသာ' ပါသည်။ ထိုကလေးမျိုးသည် သာမန်ထူးချွန်ကလေးမျိုးထက် သာလွန်ကာ ဆရာ ဝန်၊ အင်ဂျင်နီယာနှင့် အခြားအသိပညာရှင်၊ အတတ်ပညာရှင်များ မြင့်မားစွာပေါ်ထွန်းလာခဲ့သည်။ တခြား ငယ်ရွယ်သူကလေးများ အတုယူအားကျကာ ကြိုးစားချင်စိတ်များလည်း ဖြစ်ထွန်းလာစေခဲ့ သည်။
"ဖူးပွင့်ဝေဆာ ပန်းမျိုးတစ်ရာ" ဟု လူအများ၏ ပါးစပ်ဖျားမှ ဂုဏ်ပြုကင်ပွန်းတပ်ကာ အလိုလိုတည်မြဲ လာခဲ့သော ထိုအမည်နှင့်ကျောင်းသည် တကယ်ပဲ ပန်းမျိုးတစ်ရာမက လှပဝေဆာနေခဲ့သလို ဆရာမ ကြီး၏ ဂုဏ်ရနံ့လေပြည်ကလည်း တသုန်သုန် တိုက်ခတ်သင်းပျံ့နေခဲ့သည်။
သို့သော် 'ကျောင်း' တည်းဟူသော ပန်းဥယျာဉ်ကြီးကို အောင်မြင်စွာ မြေတောင်မြှောက် ပျိုးထောင် ပေးနိုင်ခဲ့သော ဆရာမကြီးသည် 'အိမ်' တည်းဟူသော ဥယျာဉ်ငယ်လေးကိုတော့ လန်းစွင့်ဝေဆာ အောင် မပျိုးထောင်ပေးနိုင်ခဲ့ရှာပါ။
တစ်နည်းအားဖြင့် ကျောင်းအလုပ်များကိုသာ ဝါသနာ၊ စေတနာ၊ အနစ်နာများစွာနှင့် ကြိုးစားလုပ် ဆောင်နေခဲ့သောကြောင့် 'အိမ်ဥယျာဉ်' အားပေါင်းသင်းမြေဆွ၊ ရေလောင်းရန် အချိန်နည်းပါး၊ ချိန်ခွင် လျှာ လျော့သွားလေသလားမသိ။ သူမ၏ သားနှစ်ယောက်မှာ ပညာရေးဘက်၌ မည်သူမှမထူးချွန်ခဲ့ရှာ ပါ။ သားတစ်ယောက် ဆယ်တန်းပင်မအောင်ဘဲ ယောင်လည်လည်ဖြစ်နေချိန်၊ သားတစ်ယောက်က တက္ကသိုလ်ပညာ တစ်ပိုင်းတစ်စနှင့် အပေါင်းအသင်းမှားကာ ယမကာလေးတမြမြဖြင့် ရီဝေစပြုနေချိန် တွင် ဆရာမကြီး၏ ခင်ပွန်းမှာ (Alcoholic paralysis) အရက်ကြောင့် အာရုံကြောချို့ယွင်းရောဂါဖြင့် ဆုံးပါးသွားခဲ့သည်။
အားမကိုးလောက်သောသားများနှင့် အဖော်မဲ့ကျန်ရစ်ခဲ့ချိန်တွင် ဆရာမကြီးမှာ ပင်စင်ယူရန် နီးကပ် နေချိန်ဖြစ်သည်။ ချွေချွေတာတာဖြင့် စုဆောင်းမိခဲ့သမျှလေးကလည်း ဆရာမကြီးခင်ပွန်းအတွက် ဆေးကုသစရိတ်ဖြင့် ကုန်ခဲ့ပြီ။ ကျောင်းမှဝန်ထမ်းတိုက်ခန်းလေးတွင် နေရသောကြောင့် ပင်စင်ယူလျှင် ဆရာမကြီးမှာ နေစရာအိမ်ဝင်အပိုင် မရှိဖြစ်နေသည်။
ပင်စင်ယူပြီး ဒုက္ခရောက်နေသော ဆရာမကြီးကို ကျောင်းစောင့်ဒရဝမ်ကြီးက မြို့သစ်ရှိသူပိုင်အိမ်ဝင်း အား 'ဆရာမကြီး တစ်သက်နေပါ' ဟု အိမ်ဆောက်ခွင့်ပေး၍ တုန့်ပြန်ကူညီခဲ့သည်။ ထိုအထဲတွင် အိမ် သေးသေးလေးတစ်လုံးအား တပည့်တပန်းများက ဝိုင်းဝန်း၍ဆောက်ပေးခဲ့ကြရသည်။
ကျွန်မသည်လည်းကောင်း၊ ကျွန်မကို နှုတ်ဆက်လာသော ဆရာမကြီး တစ်သက်တာ ကျန်းမာရေး အား စောင့်ရှောက်တာဝန်ယူထားသော ဆရာဝန်သည်လည်းကောင်း၊ ဆရာမကြီး၏ 'ဆင်းရဲ ထူးချွန်' ကလေးများ ရန်ပုံငွေထောက်ပံ့မှုဖြင့် ပညာရေးဘဝမြင့်ခဲ့ရသူများ ဖြစ်သည်။ ကျွန်မက ဆရာမကြီးကို အားကျ၍ ဆရာမကြီးကဲ့သို့ဖြစ်အောင် ကြိုးစားရန် ရည်ရွယ်ချက်နှင့် ကျောင်းဆရာမဘဝကို ခံယူခဲ့ သည်။
လောကဓံလှိုင်းလုံးများကြားတွင် အလူးအလှိမ့် ကြိုးစားရုန်းကန်ရင်း ကိုယ့်ဘဝနှင့်ကိုယ် မွန်းကျပ်နေ သော ကျွန်မတို့မှာ ဆရာမကြီးကျေးဇူးကို မမေ့နိုင်အားကြပါ။
ဘဝကိုအရက်သောက်ခြင်းဖြင့်သာ အချိန်ကုန်နေသော သားဆိုးနှစ်ယောက်၊ ပင်စင်လစာလေး၊ တတ် နိုင်သော တပည့်တစ်ချို့၏ထောက်ပံ့မှု ငွေကြေးလေးများဖြင့် ပွင့်သောပန်းတို့၏ အရှင်သခင်ဆရာမ ကြီးသည် လက်ကျန်ဘဝသက်တမ်းကိုမည်ကဲ့သို့ ကုန်လွန်စေခဲ့သည်ကို အဝေးရောက်နေသော ကျွန်မ မသိနိုင်ခဲ့ပါ။
ကျွန်မရောက်ရှိလာချိန်မှာတော့ ဆရာမကြီးသည် အေးချမ်းသော ဘဝတစ်ခုတွင် လဲလျောင်းအိပ်စက် နေခဲ့ချေပြီ။
* * *
ဒီနေ့ ရက်လည်ဆွမ်းကပ်နေ့ ဖြစ်သည်။
ဆရာမကြီး၏ အိမ်သေးသေးလေးထဲတွင် ဆရာမကြီး စိုက်ပျိုးခဲ့သော ပန်းမျိုးစုံတို့ ဖူးပွင့်ရောက်ရှိနေ ကြသည်။
တစ်နည်းအားဖြင့် မီးတိုင်များစွာပေါ့…ဆရာမကြီး ဆင့်ပွားထွန်းညှိပေးခဲ့သော မီးတိုင်းများစွာ….အား ကြီးလွှမ်းမိုးလာစပြုနေသော အမှောင်ထုအား ကုန်ခါနီးမီးတိုင်ကို တစ်ခုနှင့်တိတ်ဆိတ်စွာ တွန်းလှန် နေခဲ့ရသော အိမ်ခန်းကျဉ်းကျဉ်းလေးသည် ယခုအခါ မီးတိုင်ပေါင်းများစွာဖြင့် ထိန်လင်းခဲ့သည်။ သို့သော် ထိုအလင်းများကို အလင်းတန်းတို့၏ ဖန်ဆင်းရှင်ကတော့ မခံစားမသိရှိနိုင်တော့ပြီ..ဖန်ဆင်း ရှင်မီးတိုင်အိုသည် မီးစာကုန်ဆီခမ်း၍ အောင်မြင်တောက်ပ အလင်းများစွာနှင့်အတူ စီးဆင်းကျန်နေခဲ့ သော အပူစီးကြောင်းများကိုသာ ထားရစ်ခဲ့လေသည်။
ကြွရောက်လာမည့် ဘုန်းတော်ကြီးများကို စောင့်ဆိုင်းရင်းလူအများ တိုးတိတ်စွာ လှုပ်ရှားနေကြ၏။ ကျွန်မထိုင်နေသော နေရာက ဆရာမကြီး၏ သားနှစ်ယောက် အတွင်းခန်းကိုမြင်ရသော နေရာဖြစ်နေ သည်။
ပိန်လှီနွမ်းလျခန္ဓာကိုယ်၊ မို့အန်း ဖောသွပ် မျက်နှာ၊ နီကျင်ကျင် မျက်ဝန်းများနှင့် ပုံသဏ္ဌာန်တူ ညီအစ်ကိုနှစ်ယောက်တွင် အငယ်ကမိခင်အတွက် ထိခိုက်ကြေကွဲနေဟန်ရှိသော်လည်း အကြီးက တော့ဖြင့် မှန်တစ်ချပ်ရှေ့တွင် ခေါင်းဖြီးလိုက်၊ ဦးထုပ်ဆောင်းလိုက်၊ မှန်ကိုငဲ့ကြည့်လိုက်၊ ဦးထုပ်ကို ပြန်ချွတ်၍ခေါင်းဖြီးလိုက်နှင့် ရှိနေသည်။
"သနားတော့သနားပါတယ်..သူတို့ ဒီနေ့ပဲဘုန်းကြီးကျောင်းကို ရွှေ့ရတော့မှာ"
ကျွန်မငေးကြည့်နေသည်ကို မြင်သောဘေးမှ သူငယ်ချင်းတစ်ယောက်က တိုးတိုးကပ်ပြောသည်။
"ဟင် …. ဘာဖြစ်လို့လဲ"
"အိမ်ဝင်းက သူတို့ဟာမဟုတ်ဘူးလေ …. ကျောင်းစောင့်ကြီးက ဆရာမကြီးတစ်သက်ပဲ နေခွင့်ပြုထား တာကိုး….ဆရာမကြီးကလည်း အစောကြီးကတည်းက ကြိုပြီး သားတွေအတွက် စီစဉ်သွားရှာတာ၊ ဒီအိမ်လေးကို ဘုန်းကြီးကျောင်းကို လှူခဲ့ပြီး သားတွေကို ဘုန်းကြီးကျောင်းအပ်သွားရသည်။
ဒီတော့မှအိတ်တွေ…အထုပ်အပိုးတွေနှင့် အလုပ်ရှုပ်နေသော သားအငယ်ကို ကျွန်မသတိထားမိသည်။ ကျွန်မရင်ထဲလှိုက်ကနဲ ဆို့နစ်သွားရသည်။
ဒီကိစ္စတွေအားလုံးပြီးဆုံးချိန်တွင် အိမ်ကလေးနှင့် သူတို့နှစ်ယောက်ပဲ တိတ်ဆိတ်စွာ ကျန်ရစ်ခဲ့လိမ့် မည်။ နောက် …. အိမ်ကလေးကို ဖျက်သိမ်းပြောင်းရွှေ့…သူတို့က ထုပ်ပိုးပြောင်းရွှေ့….
သံဃာတော်များရောက်လာ၍ ဆွမ်းကပ် လှူဒါန်း၊ တရားဟော၊ အိမ်ကလေးကို ရေစက်ချလှူဒါန်း၊ အမျှဝေချိန်မှာတော့ ကျွန်မမျက်ဝန်းတွင် အမြင်အာရုံများ ဝေဝါးကုန်သည်။ တပေါက်ပေါက်ကျရောက် နေသော မျက်ရည်စီးကြောင်း လမ်းနှစ်သွယ်သည် အမြင်အာရုံနှစ်ခု ဖြစ်သွားသည်။
တစ်လမ်းက ဆရာမကြီး ထွန်းညှိပေးလိုက်၍ ရွှန်းလက်တောက်ပအလင်းနှင့် ထိန်ဝေဖြာနေသော မီးတိုင်အလင်းတန်းကြီး ….
တစ်လမ်းက ပိုးစုန်းကြူးနှယ် ကိုယ်ပိုင်အလင်းရောင်ပင် မထွက်နိုင်ရှာသည့် မှောင်မည်းတိတ်ဆိတ် သော လမ်းပေါ်မှမီးတိုင်းရှင်၏ ရင်သွေးနှစ်ယောက်၊ အထုပ်လေးတွေထမ်းပိုး၍ အိမ်ရာမဲ့စွာ ဘုန်းကြီး ကျောင်းဆီသို့ ပြောင်းရွှေ့ခိုလှုံရန် တရွေ့ရွေ့သွားနေသော မြင်ကွင်း…
ထိုမြင်ကွင်းနှစ်ခုကိုသာ တစ်နေရာမှ ဆရာမကြီး လှမ်းကြည့်နေမည်ဆိုလျှင် ….
ဆရာကိုချစ်သော တပည့်တစ်ယောက်၏ နှလုံးသား … ကိုယ်တိုင် ဆရာမတစ်ယောက်၏ နှလုံးသား … သားသမီးချင်းစာနာသော မိခင်တစ်ယောက်၏ နှလုံးသားသည် နင့်နင့်သည်းသည်း ရှိုက်ငိုလိုက်မိ သော အချိန်မှာပဲ မွမွကြေ၍ သွားလေသည်။
* * *
'ပညာ' သည် မီးအလျှံနှင့်တူ၍ ပညာပေးဝေသူသည် မီးတောက်တို့အား ပီတိများနှင့်ငေးကြည့်ရင်း…. မိမိကိုယ်တိုင် မီးတောက်၏ ဝါးမြိုတိုက်စားခံမှုကို လည်းကောင်း၊ မိမိဝန်းကျင်သို့ စီးဝင်ပျံ့နှံ့သွားသော အပူစီးကြောင်းများကိုလည်းကောင်း၊ မေ့လျော့ရင်းဖြင့် ……။ {'ဆရာဟူသည် ဘဝပေးလှူသော လုပ်ငန်း' ဟု ပြောလေ့ရှိ၍ (….) တွင် ကွယ်လွန်သွားပြီဖြစ်သော ဆရာမကြီးနှင့် ဘဝပေးလှူနေသော ဆရာ ဆရာမများအား ဦးညွှတ်ဂုဏ်ပြုလျက် …}
ရွှေရင်နှစ် (မြို့သာ)
*(၂၀၀၀ ပြည့်နှစ်၊ ဇန်နဝါရီလထုတ် ပညာတန်ဆောင်မဂ္ဂဇင်းမှ)*
ပညာတန်ဆောင် ဝတ္ထုတိုလက်ရွေးစင်(၄)

တပည့်လေးထံမှ သင်ယူခြင်း - အတ္တကျော်

{ တပည့်လေးထံမှ သင်ယူခြင်း }

ဆရာမနာမည်က ' ဒေါ်သီတာဆွေ '
တပည့်လေးနာမည်က 'တက်တူ '
ကျောင်းစဖွင့်ဖွင့်ချင်းနေ့မှာတော့ ငါးတန်းရဲ့...
အတန်းရှေ့မှာ ရပ်ရင်း အတန်းပိုင်ဆရာမလေး ဒေါ်
သီတာဆွေဟာ သူ့အတန်းကို မုသားတစ်ခွန်းနဲ့
အစချီလိုက်ပါတယ်။

တခြားဆရာမတွေလိုပါပဲ။ဒေါ်သီတာဆွေဟာ
လည်း သူ့တပည့်လေးတွေကို စေ့စေ့ကြည့်ရင်း သူ
ဟာ တပည့်တိုင်းကို အယုတ်အလတ်အမြတ်မရွေး
ချစ်ခင်ပါတယ်လို့ ပြောလိုက်တာပါပဲ။ဒါပေမယ့် ဒေါ်
သီတာဆွေအနေနဲ့ တပည့်တိုင်းကို အယုတ်အလတ်
အမြတ်မရွေး ချစ်ခင်ဖို့ဆိုတာ မလွယ်လှပါဘူး။
အကြောင်းကတော့ ရှေ့ဆုံးတန်းက ထိုင်ခုံမှာ
လျော့တိလျော့ရဲနဲ့ ပုံ့ပုံ့လေးထိုင်နေတဲ့ 'တက်တူ '
ဆိုတဲ့ ကျောင်းသားလေးတစ်ယောက်ကြောင့်ပါ။

ဒေါ်သီတာဆွေဟာ အရင်နှစ်ကတည်းက
တက်တူကို သတိထားမိခဲ့တယ်။သည်ကလေးက
အခြားကလေးတွေနဲ့ ရင်းရင်းနှီးနှီး ဆော့ကစားလေ့
မရှိဘူး။အဝတ်အစားတွေကလည်း ဖိုသီဖတ်သီ။
ရေလည်း ချိုးမှ ချိုးရဲ့လားမသိ။တက်တူကိုကြည့်ရ
တာ တော်တော့်ကို ကစုတ်ကတ်နဲ့။

ဒီနှစ် သူ့အခန်းထဲကို တက်တူ ရောက်လာ
တဲ့အခါမှာတော့ ဒေါ်သီတာဆွေ အတော်စိတ်ပျက်
နေတယ်။အဆင်ပြေချင်တော့ တက်တူရဲ့ လေ့ကျင့်
ခန်းစာအုပ်တွေကို စစ်ရတဲ့အခါမှာ ဒေါ်သီတာဆွေ
ဟာ သူ့ရင်ထဲက အစိုင်အခဲကို ချေဖျက်ခွင့်ရသွား
တယ်။မင်နီထူထူကြီးနဲ့ ကြက်ခြေခတ်အကြီးကြီးတွေ
ကို ထင်းထင်းကြီး ခြစ်လို့ရသွားတယ်လေ။တက်တူရဲ့
လပတ်စာမေးပွဲအဖြေလွှာမှာ ' ရှုံး ' ဆိုတဲ့စာလုံးကြီးကို
ရေးချလိုက်တာများ အင်မတန်အားရကျေနပ်တဲ့အမူ
အရာနဲ့။

ဒေါ်သီတာဆွေ အလုပ်ဝင်နေတဲ့ကျောင်းမှာက
ကလေးတွေရဲ့ နောက်ကြောင်းမှတ်တမ်းတွေကို ဆရာ
တွေက မဖြစ်မနေ သုံးသပ်ကြရတယ်။အခုနှစ် ကလေး
တွေရဲ့ နောက်ကြောင်းကို ပြန်စစ်တဲ့အခါ ဒေါ်သီတာဆွေ
ဟာ တက်တူရဲ့နောက်ကြောင်းကို နောက်ဆုံးမှ စစ်တယ်။
ဒါပေမယ့် နောက်ဆုံးမှစစ်တဲ့တက်တူရဲ့နောက်ကြောင်း
ကို လှန်လိုက်တာနဲ့ တပြိုင်နက် ဒေါ်သီတာဆွေ ပါးစပ်
အဟောင်းသားဖြစ်သွားပါတော့တယ်။

တက်တူရဲ့ ပထမတန်းဆရာမက ဒီလိုရေးထားတယ်။

" မောင်တက်တူသည် ဉာဏ်ထက်မြတ်ပြီး
ပျော်ပျော်ရွှင်ရွှင် နေတတ်သူဖြစ်သည်။ကျောင်းစာများ
ကို သန့်ရှင်းသပ်ရပ်စွာ ရေးမှတ်ဖြေဆိုတတ်ပြီး
ယဉ်ကျေးတဲ့သူလည်းဖြစ်သည်။သူကား တစ်တန်းလုံး
နှင့်လည်း သင့်မြတ်သူ ဖြစ်သည် "

ဒုတိယတန်းဆရာမကျပြန်တော့

" တက်တူသည် အလွန်ထူးချွန်သော ကျောင်း
သားတစ်ယောက်ဖြစ်သည်။သူ့အတန်းဖော်များကလည်း
သူ့ကို အလွန်ချစ်ခင်ကြသည်။သို့ရာတွင် သူ့မိခင်မှာ
နာတာရှည်ရောဂါကို သေလုမျောပါးခံစားနေရသည်ဖြစ်ရာ
တက်တူမှာ စိတ်ထိခိုက်နေပုံရသည်။တက်တူအဖို့ အိမ်တွင်
နေရသော ဘဝသည် ပင်ပန်းဆင်းရဲခြင်း ကြီးနေလောက်
ပေသည် "

တတိယတန်း ဆရာမကလည်း

" မိခင်တိမ်းပါးသွားခြင်းက တတ်တူအတွက်
ရွှေတောင်ကြီး ပြိုခြင်း ဖြစ်ပါလိမ့်မည်။သူက အရွယ်နှင့်
မမျှအောင် သူ့စိတ်သူထိန်းကာ ကျောင်းစာမှာရော၊
ပတ်ဝန်းကျင်နှင့်ပါအဆင်ပြေအောင် အတက်နိုင်ဆုံး
ကြိုးစားအားထုတ်ရှာသည်။သူ့ဖခင်ကမူ သူ့အပေါ်
အလေးထားပုံ မရလှချေ။သူ့အတွက် ကျောင်းက
တစ်ခုခု ပံ့ပိုးမပေးနိုင်လျှင် တက်တူ၏အနာဂတ်
ထိခိုက်လာမည့် အလားအလာများရှိပေသည် "

စတုတ္ထတန်းဆရာမ ကျပြန်တော့လည်း

" တက်တူကား တစ်ယောက်တည်း ငေးတိငေး
ငိုင်သာ နေတတ်လေသည်။ကျောင်းစာကိုလည်း စိတ်
ဝင်စားပုံ မရပါ။သူ့မှာ သူငယ်ချင်းလည်း များများစားစား
မရှိပါ။တစ်ခါတစ်လေ စာသင်ချိန်၌ပင် အတန်းထဲတွင်
အိပ်ပျော်နေတတ်ပေသည် "

ဒါတွေကို ဖတ်ပြီးတဲ့အခါမှာတော့ ဒေါ်သီတာဆွေ
ဟာ တက်တူရဲ့ပြသာနာတွေကို သဘောပေါက်သွား
သလို သူ့ကိုသူလည်း အတော်အရှက်ရသွားတယ်။
ပိုဆိုးသွားတာက သီတင်းကျွတ်ကာလမှာ သူ့
တပည့်တွေက လာကန်တော့ကြတဲ့ အချိန်မှာပါ။
တပည့်လေးတွေဟာ စက္ကူအရောင်လွင်လွင်လေးတွေ၊
ဖဲကြိုးရောင်လှလှလေးတွေ ထုပ်ပိုးချည်နှောင်ထားတဲ့
အထုပ်ကြီး အထုပ်ငယ်တွေနဲ့ သူ့ကို လာကန်တော့ကြ
တယ်။တက်တူလေးရဲ့ အထုပ်ကျတော့ အဲဒီလိုမဟုတ်ဘူး။
ထုပ်ပိုးလာတာကိုက ဖရိုဖရဲနဲ့၊ကုန်စုံဆိုင်မှာဆေး
ဝယ်ရင် ဆိုင်ကထုပ်ပေးတတ်မြဲ စက္ကူအညိုနဲ့ ထုပ်လာ
တာ။အဟောင်းကို ပြန်သုံးထားတော့ စက္ကူကလည်း
တွန့်လို့ ကျေလို့ရယ်။

ဒေါ်သီတာဆွေဟာ အခြားလက်ဆောင်လှလှ
လေးတွေကြားက တက်တူရဲ့ အထုပ်ကလေးကို ရင်နင့်
နင့်နဲ့ ဆွဲယူလိုက်ပြီး ချက်ချင်းပဲ ဖွင့်ကြည့်လိုက်ပါတယ်။
ဖွင့်လိုက်တဲ့အခါ ဥဿဖရားလက်ကောက်
လေးတစ်ခုနဲ့ ရေမွှေးပုလင်းအဟောင်းလေးတစ်လုံး
ထွက်လာတာမို့ ကျောင်းသားတစ်ချို့ ရယ်လိုက်ကြ
တယ်။ရယ်ဆို ဥဿဖရားလက်ကောက်လေးမှာက
ဥဿဖရားအပွင့်လေးတွေ စေ့စေ့ငှငှ မရှိတော့ပဲ
အချို့နေရာတွေမှာ ကွက်တိကွက်ကျား ဖြစ်နေသလို
ရေမွှေးပုလင်းထဲမှာလည်း ရေမွှေးက ဖင်ကပ်သာ
သာ လေးပုံတစ်ပုံလောက်ပဲ ကျန်တော့တာကိုး။
ဒါပေမယ့် ဒေါ်သီတာဆွေက လက်ကောက်
လေးကလှလိုက်တာလို့ အသံကျယ်ကျယ်ရေရွတ်
လိုက်ပြီး လက်မှာချက်ချင်း ကောက်ဝတ်လိုက်တာမို့
ရယ်နေသူတွေလည်း အရှိန်သပ်သွားတယ်။
လက်ကောက်လေးကို ဝတ်ပြီးတာနဲ့ တက်တူပေးတဲ့
ရေမွှေးလေးကိုလည်း သူ့လက်ကောက်ဝတ်မှာ
ဆွတ်လိုက်ပြန်ပါတယ်။

အဲဒီနေ့က ကျောင်းဆင်းတော့ တက်တူဟာ
ခါတိုင်းလို အတန်းထဲက ချက်ချင်းမပြန်သေးဘဲ ခဏ
စောင့်နေတယ်။လူရှင်းတော့ ဒေါ်သီတာဆွေ့အနားကို
ရောက်လာပြီး " ဆရာမရယ်...ဒီနေ့ ဆရာမဆီက ရတဲ့
အနံ့က သားမေမေရဲ့ကိုယ်နံ့အတိုင်းပါပဲဗျာ "လို့
ပြောလေရဲ့။

မောင်တက်တူဟာ သည်စကားကိုပြောပြီး
တဲ့နောက် ကျောင်းခန်းထဲကနေ ထွက်သွားပါတယ်။
ကျန်ရစ်သူ ဒေါ်သီတာဆွေမှာတော့ မျက်ရည်တွေတွေ
ကျလာရတဲ့အပြင် တရှုံ့ရှုံ့တောင် ငိုမိတဲ့အထိပါပဲ။
အဲဒီနေ့ကစပြီး ဒေါ်သီတာဆွေဟာ အရေး၊
အဖတ်၊အတွက်တွေ သင်ကြားပို့ချနေတာများကို
လုံးလုံးစွန့်လွှတ်လိုက်ပြီး ကလေးငယ်များကို သင်ကြား
ပို့ချပေးတဲ့အလုပ်ကို စလုပ်ပါတော့တယ်။
ထို့အပြင် မောင်တက်တူကိုလည်း သေသေ
ချာချာ ဂရုတစိုက် သင်ကြားပေးပါတယ်။သင်ရင်းနဲ့
မောင်တက်တူရဲ့ ဦးနှောက်ဟာလည်း သိသိသာသာ
နိုးကြားလာတာကို ဒေါ်သီတာဆွေ တွေ့လာရတယ်။
ဆရာမက အားပေးလေ ၊တက်တူရဲ့ ဦးနှောက်က
သွက်လတ်ထက်မြတ်လာလေပါပဲ။စာသင်နှစ် ကုန်
ဆုံးချိန်မှာတော့ တက်တူဟာ ဒေါ်သီတာဆွေအတန်း
ရဲ့ အတော်ဆုံးကလေးတွေထဲက တစ်ယောက်ဖြစ်
လာပါတော့တယ်။

တပည့်တိုင်းကို အယုတ်အလတ်အမြတ်
မရွေး ချစ်ခင်ပါတယ်ဆိုတဲ့ ဒေါ်သီတာဆွေ့ မုသား
ဟာ ယခုဆို မုသားမှန်း ပိုလို့တောင်သေချာလို့သွားပါ
တယ်။သေချာဆို တက်တူလေးက ဒေါ်သီတာဆွေရဲ့
အချစ်ဆုံး တပည့်လေးတစ်ယောက် ဖြစ်လာခဲ့ပြီကိုး။

နောက်တစ်နှစ်အကြာမှာတော့ ဒေါ်သီတာ
ဆွေ၏ အခန်းတံခါးအောက်ခြေမှာ တက်တူရဲ့ စာတို
လေးတစ်စောင် ရောက်နေတယ်။စာတိုလေးထဲမှာတော့
ဆရာမဟာ သူ့ဘဝမှာကြုံခဲ့ဖူးသမျှ ဆရာ၊ဆရာမတွေ
အားလုံးအနက်မှာ အမြတ်ဆုံးဆရာပါပဲ လို့ရေးထားပါတယ်။
နောက်ထပ် ခြောက်နှစ်အကြာမှာလည်း
ဒေါ်သီတာဆွေဟာ တက်တူဆီက စာလေးတစ်စောင်
ရပြန်တယ်။စာထဲမှာ သူဟာ အထက်တန်းကျောင်း
ပြီးသွားပြီဖြစ်ကြောင်း၊ အတန်းထဲမှာ တတိယရခဲ့
ကြောင်းနဲ့ သူ့ဘဝမှာ ကြုံဖူးသမျှ ဆရာ၊ဆရာမများ
အားလုံးအနက်မှာ ဆရာမဒေါ်သီတာဆွေကသာ
အမြတ်ဆုံးဆရာ ပါပဲ လို့ရေးထားပါတယ်။
နောက်ထပ်လေးနှစ်အကြာမှာ ဒေါ်သီတာဆွေ့
ထံ တက်တူရဲ့စာ ရောက်လာပြန်တယ်။စာထဲမှာ ဘွဲ့ရ
တော့မယ့်အကြောင်းနဲ့ ဆရာ၊ ဆရာမတွေထဲမှာ
ဆရာမဒေါ်သီတာဆွေသာ အမြတ်ဆုံးလို့ ရေးထား
ပြန်တယ်။

အဲဒီနောက် နောက်ထပ်လေးနှစ်အကြာမှာ
စာတစ်စောင် ထပ်ရောက်လာပြန်တယ်။သည်တစ်
ကြိမ်မှာတော့ ပထမဘွဲ့ရရှိပြီးကြောင်းနဲ့ ဆက်ကြိုးစား
ဖို့အကြောင်း ရေးထားတယ်။ဒါ့အပြင် ဆရာမဒေါ်သီ
တာဆွေဟာ သူ့ရဲ့ အမြတ်ဆုံးနဲ့ အချစ်ဆုံးဆရာ
ဖြစ်ကြောင်း မဖြစ်မနေ ထည့်ရေးထားတယ်။
သည်တစ်ကြိမ်တော့ စာရဲ့အောက်ခြေမှာ
ထိုးထားတဲ့ လက်မှတ်က နည်းနည်းရှည်တယ်။
" သက်ထွန်းဆက် " MD တဲ့။ ( MD ဆိုတာ
ဆရာဝန်ဘွဲ့ပါ) ဟုတ်ပါ့။တက်တူဆိုတာ သူ့ငယ်နာ
မည်ပဲဟာ။ကျောင်းနာမည်က သက်ထွန်းဆက် ပဲ။
ဇာတ်လမ်းက မဆုံးသေးပါဘူး။

အဲဒီနှစ်နွေဦးမှာ ဒေါ်သီတာဆွေ့ထံ စာတစ်
စောင်ထပ်ရောက်လာပြန်တယ်။တက်တူဆီကပါပဲ။
မိန်းကလေးတစ်ယောက်နဲ့ လက်ထပ်တော့မယ့်အ
ကြောင်းရေးထားတာပါ။သူ့ဖခင်က လွန်ခဲ့တဲ့ နှစ်နှစ်
က ကွယ်လွန်သွားပြီ ဖြစ်ကြောင်း၊ ဆရာမက သူတို့
သားရဲ့မိခင်အဖြစ် သူတို့မင်္ဂလာဆောင်ကို ကြွရောက်
ချီးမြှင့်ပေးမယ်ဆိုရင် သိပ်ကောင်းမှာပဲတဲ့။
ဒေါ်သီတာဆွေလား........

ဟုတ်ကဲ့....တက်တူခေါ် ဒေါက်တာသက်ထွန်း
ဆက်ရဲ့ မင်္ဂလာပွဲကို ကြွရောက်ချီးမြှင့်ခဲ့တာ အသေ
အချာပေါ့ ခင်ဗျာ။

ဒေါ်သီတာဆွေက ဘာလုပ်တယ်မှတ်လဲ......
ဥဿဖရားပွင့်လေးတွေ လပ်နေလို့ ကွက်တိကွက်
ကျားဖြစ်နေတဲ့ လက်ကောက်လေးကို ဝတ်သွားတယ်
ခင်ဗျ။ဒါတင်ဘယ်ကမလဲ၊တက်တူရင်ထဲမှာ တသသ
နဲ့ အမှတ်ရနေဆဲ သူ့မိခင်ဆွတ်နေကျ ရေမွှေးအမျိုး
အစားကိုလည်း မမေ့မလျော့ ဆွတ်လို့ သွားလိုက်ပါတယ်။

မင်္ဂလာဆောင်ကို ရောက်တဲ့အခါမှာတော့
ဒေါက်တာ သက်ထွန်းဆက်နဲ့ ဆရာမဒေါ်သီတာဆွေ
တို့ဟာ တကယ့်သားအမိလို တစ်ယောက်ကိုတစ်
ယောက် တင်းတင်းကြပ်ကြပ် ဖက်ထားမိလိုက်ကြ
တယ်။ဒေါက်တာ သက်ထွန်းဆက်က သူ့ငါးတန်း
ဆရာမကို ခပ်တိုးတိုးပြောတယ်။

" ကျေးဇူးကြီးလှပါတယ် ဆရာမရယ်......
ကျွန်တော့်ကို ဆရာမ ယုံယုံကြည်ကြည် ရှိခဲ့တဲ့အ
တွက် ဆရာမကို ကျွန်တော် အရမ်းကျေးဇူးတင်
ပါတယ်....ကျွန်တော့်မှာ အစွမ်းအစရှိတယ်၊ကြိုး
စားရင် ဖြစ်နိုင်တယ်လို့ ခံစားလာရအောင် လုပ်ပေး
ခဲ့တဲ့အတွက်လည်း အရမ်းကိုကျေးဇူးတင်ပါတယ်
ဆရာမရယ် "

မျက်ရည်တွေဝိုင်းနေတဲ့ ဒေါ်သီတာဆွေ
လည်း ခပ်တိုးတိုးပြန်ပြောလိုက်ပါတယ်။
" မောင်တက်တူးရယ်...သားမှားနေပြီ.....
ဆရာမက သားကို သင်ပေးခဲ့တာ မဟုတ်ပါဘူး
ကွယ်...သားကသာ ဆရာမကို သင်ပေးခဲ့တာပါ...
သာကသာ ဆရာမကို ကြိုးစားရင်ဖြစ်နိုင်ပါတယ်လို့
သင်ပေးခဲ့တာပါကွယ်....သားနဲ့မဆုံရခင်တုန်းက
ဆရာမ စာမသင်တတ်ခဲ့ဘူး သားရဲ့.........."

အတ္တကျော်
( ဘယ်ဆီကိုများ ဒုံးစိုင်းသွားနေ)

10-2-2013 ခုနှစ် မြို့သာမြို့ စာပေစေတနာ ပရဟိတမှ ကြီးမှုးကျင်းပသော ပြည်ထောင်စုနေ့အကြိုစာပေဟောပြောပွဲမှ ဆရာချစ်စရာ ဟောပြောသော "တောရောက်ရောက် တောင်ရောက်ရောက်"

ဗီဒီယိုအားကြည့်ရန် ဒီမှာနှိပ်ပါ

 

အောင်ဆန်း (နောက်ဆုံးအပိုင်း) ( ဒေါ်အောင်ဆန်းစုကြည် အင်္ဂလိပ်လိုရေးပြီး ဒေါက်တာအောင်ခင် မြန်မာပြန်သည်)

လွတ်လပ်ရေးကြိုးပမ်းမှု
 
 
ဘုရင်ခံပြောင်းလဲခြင်းသည် ဖဆပလ၏ မူဝါဒများ ပြောင်းလဲခြင်းမဟုတ်သော်လည်း ဗြိတိသျှအစိုးရ၏ ချဉ်း ကပ်ပုံချဉ်းကပ်နည်း ပြောင်းလဲခြင်းကို ဖော်ပြလိုက်သဖြင့် လွတ်လပ်ရေးတိုက်ပွဲတွင် နိုင်ငံရေးအခန်းကဏ္ဍအ သစ်တရပ် ဖွင့်လိုက်ခြင်းဖြစ်ပါသည်။ ဘုရင်ခံကောင်စီဟောင်းကို ပယ်ဖျက်လိုက်ပြီး၊ ၁၉၄၆ ခုနှစ် စက်တင်ဘာ လတွင် ဦးအောင်ဆန်းသည် ကာကွယ်ရေးနှင့် နိုင်ငံခြားရေးဝန်ကြီး တာဝန်များယူကာ ဘုရင်ခံ၏ ကောင်စီအ သစ်တွင် ဒုတိယဥက္ကဌ ဖြစ်လာပါသည်။ ကောင်စီဝင် (၁၁) ဦးအနက် ဦးအောင်ဆန်းအပြင် ဖဆပလအဖွဲ့ဝင် (၅) ဦး ပါရှိလေသည်။

ကောင်စီဝင်များသည် စုပေါင်းတာဝန်ယူကြရ၏။ အမည်အားဖြင့် ဘုရင်ခံ၏ အကြံပေး အဖွဲ့မျှသာဖြစ်သော်လည်း လက်တွေ့အားဖြင့် ကောင်စီသည် ကြာမြင့်စွာကပင် တောင်းဆိုခဲ့သော ယာယီအ မျိုးသားအစိုးရပင်ဖြစ်ပါသည်။ဦးအောင်ဆန်းသည် ဤဖြစ်ပေါ်ချက်အသစ်များကို သတိရှိရှိနှင့် အကောင်းဖက်က ရှုမြင်ပါသည်။ တရားဝင် တည်ဆဲဖြစ်နေသေးသော စက္ကူဖြူစီမံကိန်းကို ဆန့်ကျင်ကန့်ကွက်သည့် လူထုစည်းဝေးပွဲကြီးတွင် တိုက်ပွဲဆုံး ခန်းတိုင်မရောက်သေးကြောင်း ထုတ်ဖော်ပြောဆိုခဲ့ပါသည်။ သူ ရာထူးနေရာ လက်ခံခဲ့ခြင်းကြောင့် ပြဿနာ အားလုံး ပြေလည်သွားပြီဟု မယူဆသင့်ကြောင်းနှင့် နောင်ဆောင်ရွက်ရန် အလုပ်တာဝန် များစွာရှိသေး ကြောင်း လူထုအား ဦးအောင်ဆန်းက သတိပေးလိုက်ပါသည်။

ပြည်သူလူထု၏ ထောက်ခံအားပေးမှုသည် သူ နှင့် ဖဆပလအတွက် မည်မျအရေးကြီးကြောင်း ပြောကြားပြီးနောက် လူထုနှစ်သက်မြတ်နိုးသော ရိုးသားပွင့် လင်းမှုဖြင့် ကိုယ်ရေးကိုယ်တာကိစ္စနှင့်ပတ်သက်၍ အောက်ပါအတိုင်း မှတ်ချက်ချလိုက်ပါသည်။“နောက်ဆုံး ကျုပ်အကြောင်းကို ခင်ဗျားတို့ကို နည်းနည်းပြောချင်တယ်။ အခုအခါ ကျုပ်ဟာ (ပတ်ဗလစ်မှာ ပေါ်ပြူလာဖြစ်နေတဲ့သူပဲ)။ ဒါပေမယ့် ကျုပ်ဟာ ဘုရားလည်းမဟုတ်၊ မှော်ဆရာ မျက်လှည့်ဆရာလည်း မ ဟုတ်၊ လူပဲ။ နတ်လည်းမဟုတ်၊ လူလောက်ပဲ အစွမ်းရှိမှာပဲ။ ကျုပ်အသက်ဟာ အင်မတန်မှ ငယ်တယ်။ ကျုပ် အခုထမ်းရတဲ့ တာဝန်ဟာလည်း တတိုင်းပြည်လုံးရဲ့တာဝန်ကို ရှေ့ဆုံးက ထမ်းနေရတယ်။ ကျုပ်ကိုယ်ကို ဒီ တာဝန်တွေ ထမ်းနိုင်အောင် အရည်အချင်းပြည့်စုံတယ်လို့ မယူဆဘူး။ ပြီးတော့ ကျုပ် စိတ်တိုတတ်တယ်ဆို တာလည်း လူအများ သိကြတာပဲ။ ဒါ ကျုပ် နဂိုပဲ။ အလုပ်ရှုပ်ပြီး အနှောင့်အယှက်များရင် စိတ်တိုတတ်တယ်။ ဒါကို ပြုပြင်နိုင်သျှ ပြုပြင်ဖို့ ကြိုးစားမယ်။

သို့သော်လည်း ခင်ဗျားတို့လည်း စိတ်ရှည်ရှည်ထားပြီး ကနေ့ပြတဲ့ အင်အားမျိုးထက် ဆထက်ထမ်းပိုး တိုးအောင်လုပ်ပြီး ကျုပ်တို့က ခင်ဗျားတို့အတွက် လုပ်တဲ့နေရာမှာ အားပေး မယ်ဆိုရင် ကျုပ်တို့လိုချင်တဲ့ လွတ်လပ်ရေး၊ လူထုကောင်းစားရေးတွေကို ရအောင်ပိုလုပ်နိုင်မယ်။ ပိုအကျိုးရှိ မှာပဲ။ ဒါကြောင့် လူထုတွေကို ဆက်တောင့်ထားကြပါအုံးလို့ဆိုတာ ထပ်ပြောခဲ့ချင်တယ်။”ပြည်သူလူထုသည် ဦးအောင်ဆန်းနောက်မှ မားမားမတ်မတ်ရပ်၍ တောင့်ထားသော်လည်း သူ့ကို အတိုက်အခံ လုပ်မှု မရှိတော့ မဟုတ်ပါ။ ဖဆပလ၏ အင်အားကို ပြင်ပမှ စိန်ခေါ်သော နိုင်ငံရေးပါတီများထက် ဖဆပလအ တွင်းမှ ပြဿနာများ ပို၍ပေါ်ပေါက်ခဲ့ပါသည်။ တသီးပုဂ္ဂလ သစ္စာဖောက်သွားသူ အနည်းငယ်မျှသာရှိသော် လည်း ကွန်မြူနစ်များသည် ဖဆပလအဖွဲ့ချုပ်နောက်မှ ညီညွတ်စွာရှိသယောင်နှင့် မိမိတို့ပါတီအားကောင်းရေး အတွက် ဆောင်ရွက်နေကြပါသည်။ပုဂ္ဂိုလ်ရေးနှင့် ၀ါဒရေးအယူအဆ မတိုက်ဆိုင်မှုကြောင့် ၁၉၄၆ ခုနှစ် မတ်လတွင် သခင်စိုး၏ ‘အလံနီ’ ကွန်မြူ နစ်များနှင့် သခင်သန်းထွန်း၊ သခင်သိန်းဖေတို့ခေါင်းဆောင်သော ‘အလံဖြူ’ ကွန်မြူနစ်များဟူ၍ ကွန်မြူနစ်ပါ တီ နှစ်ခြမ်းကွဲသွားခဲ့ပါသည်။ အလံနီကွန်မြူနစ်များသည် အကြမ်းဖက်မှုဝါဒများ စွဲကိုင်ခြင်းကြောင့် ၎င်းတို့အား ဇူလိုင်လတွင် မတရားအသင်းအဖြစ် ကြေညာလိုက်ပါသည်။ သခင်သန်းထွန်းသည် ဖဆပလ၏ အထွေထွေအ တွင်းရေးမှူး ဖြစ်လာပြီး သခင်သိန်းဖေသည် ကောင်စီဝင်တဦး ဖြစ်လာပါသည်။ သို့သော်လည်း ‘သိန်း၊ သန်း’ ကွန်မြူနစ်တို့သည် ‘ရန်စ်’ မရောက်မီက စတင်ခဲ့သော အထွေထွေသပိတ် ပြီးငြိမ်းသွားစေရန် ကောင်စီ၏ ဒု- ဥက္ကဌအနေနှင့် ဦးအောင်ဆန်း၏ စေ့စပ်ရေးဆောင်ရွက်ချက်များကို အနှောင့်အယှက်ပေးခဲ့၏။

အထွေထွေသ ပိတ်ပြီးငြိမ်းရေး ဆောင်ရွက်ချက်များ ပျက်ပြားစေရန် ကြိးပမ်းမှုမှာ အောင်မြင်ခြင်းမရှိခဲ့ချေ။ သို့သော် ဤကြိုး ပမ်းမှုသည် ဦးအောင်ဆန်းနှင့် ဖဆပလတို့၏ သြဇာပြိုပျက်စေရန် အတန်ကြာကပင် စတင်ခဲ့သော စည်းရုံးလှုံ့ ဆော်ရေးလုပ်ငန်းများ၏ တစိတ်တပိုင်းသာဖြစ်ပါသည်။အခြေအနေကို မဖြေရှင်း၍ မရတော့ပါ။ ဆိုရှယ်လစ် ဦးကျော်ငြိမ်းကို သခင်သန်းထွန်းနေရာ၌ အထွေထွေအ တွင်းရေးမှူး ခန့်အပ်လိုက်ပြီး အောက်တိုဘာလတွင် ကွန်မြူနစ်များကို ဖဆပလအတွင်းမှ ထုတ်ပယ်လိုက်ပါ သည်။ ဤလုပ်ရပ်ကို နောက်လအတွင်း ကျင်းပသော အဖွဲ့ချုပ်၏ အထွေထွေညီလာခံ၌ အတည်ပြုလိုက်ပါ သည်။ ထုတ်ပယ်ရခြင်း၏ အကြောင်းများကို ရှင်းပြသော မိန့်ခွန်း၌ ဦးအောင်ဆန်းသည် ကွန်မြူနစ်တို့အား တိုင်းပြည်၏ ညီညွတ်မှုပျက်ပြားစေရန် ကြိုးပမ်းသည်။ မိမိတို့၏ပါတီရေးကို မြန်မာ့လွတ်လပ်ရေးထက် အလေး ပေးသည်။ မြန်မာ့အခြေအနေနှင့် သင့်လျော်၊ မသင့်လျော်ကို မဆင်ခြင်ဘဲ အိန္ဒိယကွန်မြူနစ်ပါတီ၏ ညွှန်ကြား ချက်များကို မျက်စေ့စုံပိတ်၍ လိုက်နာသည် စသဖြင့် ရှုတ်ချပါသည်။အမှုဆောင်ကောင်စီမှ နှုတ်ထွက်လိုက်သော သခင်သိန်းဖေက ဦးအောင်ဆန်းနှင့် သူ၏ လုပ်ဖော်ကိုင်ဖက် များအား တော်လှန်ရေးသမားထက် ပြုပြင်ရေးသမားဆန်သည်၊ ၎င်းတို့သည် ဗြိတိသျှ၏ လှည့်ဖြားမှုကို အညံ့ ခံခဲ့ပြီး ဘုရင်ခံနှင့် ဆက်ဆံရာ၌ ပျော့လွန်းသည်၊ အဝေဖန်လည်း မခံနိုင်ဟု ပြောဆိုပါသည်။ ဖဆပလနှင့် ကွန် မြူနစ်တို့ လမ်းခွဲသွားကြသော်လည်း လက်ဝဲညီညွတ်မှုကို အထူးလိုလားသော ဦးအောင်ဆန်းသည် မာက်စ်ဆို ရှယ်လစ်ဝါဒနှင့် ကွန်မြူနစ်ပါတီဝင်အချို့အပေါ် သံယောဇဉ်မကုန်ပါ။

အလံနီကွန်မြူနစ်များနှင့် အလံဖြူကွန် မြူနစ်များအကြား စေ့စပ်ဖြန်ဖြေရန် သူ ကြိုးစားခဲ့ပါသည်။ သိန်း၊ သန်း ကွန်မြူနစ်များကို ဖဆပလအတွင်းမှ ဖယ်ထုတ်ပြီးနောက် ပြည်သူ့ရဲဘော်နှင့် ဆိုရှယ်လစ်တို့ကို ပေါင်းစည်းပြီး မက်စ်အဖွဲ့ချုပ်တည်ထောင်ရန် ဦး အောင်ဆန်း စဉ်းစားခဲ့သည်ဟု အဆိုရှိပါသည်။အမှုဆောင်ကောင်စီအသစ်သည် သခင်စိုးကွန်မြူနစ်များအပေါ် ချမှတ်ထားသော ပိတ်ပင်ချက်ကို ပယ်ဖျက် ပေးလိုက်ပါသည်။ သို့သော် အလံနီကွန်မြူနစ်များသည် လက်နက်ကိုင်တော်လှန်ရေးလမ်းစဉ်ကို တရားသေ ဆုပ်ကိုင်ထားသဖြင့် ၁၉၄၇ ခု ဇန်န၀ါရီလတွင် ၎င်းတို့အား တဖန် မတရားအသင်းကြေညာရပြန်သည်။ အဖြူ၊ အနီမရွေး ကွန်မြူနစ်အများအပြား အထူးသဖြင့် ပြည်သူ့ရဲဘော်ဟောင်းများသည် ဦးအောင်ဆန်းကို ဆက် လက်၍ ကြည်ညိုလေးစားကြပါသည်။ သူ့အနေနှင့်လည်း ကွယ်လွန်သွားသည့်တိုင် ပြန်လည်ပေါင်းစည်းရေး ကို လုံးလုံးလျားလျား ပစ်ပယ်ခဲ့ခြင်း ရှိဟန်မတူပါ။ သို့သော် သူသည် မြန်မာနိုင်ငံလွတ်လပ်ရေးနှင့် ညီညွတ်ရေး ထက်ပိုပြီး မည်သည့်ဝါဒကိုမှ ဦးစားမပေးခဲ့ပါ။

၁၉၄၆ ခုနှစ် ဒီဇင်ဘာလတွင် ဖဆပလသည် အချုပ်အခြာအာဏာပိုင် မြန်မာနိုင်ငံတည်ထောင်ရေးအတွက် လိုအပ်သောကိစ္စများ ဆွေးနွေးရန် ဗြိတိသျှအစိုးရ၏ ဖိတ်ကြားချက်ကို လက်ခံလိုက်ပါသည်။ နှစ်ဦးပိုင်းတွင် လန်ဒန်သို့ ထွက်ခွာသွားသောကိုယ်စားလှယ်အဖွဲ့ကို ဦးအောင်ဆန်း ဦးဆောင်၍ အဖွဲ့ထဲတွင် အမှုဆောင် ကောင်စီဝင်များ၊ နိုင်ငံရေးသမားများနှင့် အရပ်သားအစိုးရ၀န်ထမ်းများ ပါရှိပါသည်။ဒေလီမြို့၌ ရပ်နားစဉ် ကျင်းပသော သတင်းစာရှင်းလင်းပွဲတွင် ဦးအောင်ဆန်းက လုံးဝလွတ်လပ်ရေးကိုသာ လိုလားကြောင်း၊ ဒိုမီနီယန်အဆင့်အတန်း လက်ခံရေးကို ထည့်သွင်းစဉ်းစားမည် မဟုတ်သဖြင့် မေးစရာပင် မ လိုကြောင်းပြောကြားခဲ့ပါသည်။ သတင်းစာဆရာတို့၏ မေးခွန်းတရပ်ကို ဖြေကြားရာ၌ မြန်မာတို့၏ တောင်းဆို ချက်များကို ကျေနပ်ဖွယ်ရာလိုက်လျောခြင်း မရှိပါက အကြမ်းဖက်နည်းကိုဖြစ်စေ၊ အကြမ်းမဖက်သောနည်း ကိုဖြစ်စေ၊ နည်းနှစ်မျိုးလုံးကိုဖြစ်စေ၊ စဉ်းစားရန် လုံးဝတွန့်ဆုတ်မည်မဟုတ်ဟု ပြောခဲ့၏။

နိဂုံးချုပ်အနေနှင့် အ ကောင်းဆုံးကို မျှော်လင့်ထားသော်လည်း အဆိုးဆုံးအတွက်လည်း အဆင်သင့်ပြင်ထားကြောင်း ပြောသွားပါ သည်။ ဤကား မြန်မာနိုင်ငံမှ မထွက်ခွာမီ နှစ်သစ်ကူးမိန့်ခွန်းထဲတွင် အသေးစိတ်ပြောခဲ့သော အချက်အလက် တို့ထက် ပိုမိုခြင်းမရှိပါ။ထိုမိန့်ခွန်းတွင် ပွင့်ပွင့်လင်းလင်း ဖော်ပြခဲ့သည်မှာ ဗြိတိသျှတို့သည် အေးချမ်းစွာ ဖြေရှင်းရေးကို လိုလားသည် ဟု သူ ယုံကြည်လိုကြောင်း၊ သူကိုယ်တိုင်လည်း အေးဆေးသော နည်းများကိုသာ ပို၍နှစ်သက်ကြောင်း၊ သို့ သော်လည်း လိုအပ်သည့် သဘောတူညီချက်များ မရပါက လူထုအနေနှင့် တရားဥပဒေပြင်ပမှ လွတ်လပ်ရေး တိုက်ပွဲဝင်ရန် အဆင်သင့်ပြင်ထားရမည်ဖြစ်ကြောင်း စသဖြင့် ဖြစ်ပါသည်။ အမှန်မှာ ဦးအောင်ဆန်းနှင့် ဖဆ ပလသည် ဗြိတိသျတို့နှင့် ဆွေးနွေးပွဲများ မအောင်မြင်ပါက ဖြစ်ပျက်လာမည့် အခြေအနေအတွက် ပြင်ဆင်မှုအ နေနှင့် လက်နက်များစုဆောင်းပြီး၊ ပြည်သူ့ရဲဘော်တပ်ဖွဲ့များကို အသင့်အနေအထားတွင် ရှိနေစေရန် စီစဉ်ပြီး ဖြစ်ပါသည်။“အောင်ဆန်း-အတ္တလီ သဘောတူညီချက်” ထွက်ပေါ်စေခဲ့သော ဆွေးနွေးပွဲများအတွင်း ဦးအောင်ဆန်း၏ ကဏ္ဍနှင့်ပတ်သက်၍ ပုဂ္ဂလိကအမှုဆောင်ဝင်တဦးဖြစ်သူ ဦးတင်ထွဋ်က အောက်ပါအတိုင်းရေးသားခဲ့ပါသည်။ ပြည်သူ့လွှတ်တော်ရွေးကော်ပွဲမကျင်းပမီနှင့် အခြေခံဥပဒေသစ် မရေးဆွဲသေးမီ မြန်မာနိုင်ငံ၏ အစိုးရတာဝန် ၀တ္တရားတို့ကို မြန်မာအစိုးရထံသို့ လက်တွေ့အရလည်းကောင်း၊ ဥပဒေသဘောအရလည်းကောင်း၊ ချက်ချင်း လွှဲပြောင်းပေးရန်ကို သူက အားထုတ်ခဲ့ပါသည်။

ဥပဒေသဘောအရ လွှဲပြောင်းပေးခြင်းကို သူက မရယူနိုင်ခဲ့ သော်လည်း လက်တွေ့အားဖြင့် လွှဲပြောင်းပေးခြင်းကိုကား အနှစ်သာရအားဖြင့် နှစ်ဖက်သဘောတူညီမှုအပေါ် မူတည်၍ ရယူနိုင်ခဲ့ပါသည်။ဤအနေအထားကို သူ၏ နိုင်ငံရေးအတိုက်အခံတို့က သူခေါင်းဆောင်ခဲ့သော ကိုယ်စားလှယ်အဖွဲ့၏ ရှုံးနိမ့်မှု ကဲ့သို့ဖြစ်စေရန် ကောက်ကွေ့ပွေလီစွာ အဓိပ္ပာယ်ဖွင့်လိုက ဖွင့်နိုင်ပါသည်။ သူသည် အနည်းဆုံး လိုအပ်ချက် များ တောင်းဆိုရာ၌ ခိုင်မာ၏။ ထိုသို့ခိုင်မာခြင်းကြောင့် တော်လှန်ရေးဖြစ်ပေါ်လာနိုင်သည်ဟု သူသိသဖြင့် တာဝန်မှာကြီးလေးလှ၏။ နိုင်ငံရေးပညာရှိတဦးပီသစွာ မြန်မာပြည်သူပြည်သားများ၏ လိုလားချက်တို့ကို အ နှစ်သာရအားဖြင့် ပေးသည်ကို သူလက်ခံခဲ့၏။ လိုလားချက်ကား လွတ်လပ်ရေးသို့ ရှင်းလင်းတိုတောင်းသော လမ်းမှ ချီတက်နိုင်ရန်နှင့် မိမိတို့တိုင်းပြည်၏ လက်တွေ့အစိုးရတာဝန်များကို ချက်ချင်းရရှိရန်တို့ဖြစ်ပါသည်။နှစ်ဖက်အလိုကျ သဘောတူညီချက်ကို လက်ခံပြီးနောက် ဤသဘောတူညီချက်၏ အဓိပ္ပာယ်သက်မှုကို လူထု အား ရိုးရိုးရှင်းရှင်းတင်ပြ၍ လိုအပ်ချက်များ ဖြစ်မြောက်စေရန် ခေါင်းဆောင်မှုပေးခဲ့၏။

သူ၏ ခေါင်းဆောင်မှု နောက်မှ လိုက်ပါက တနှစ်အတွင်း လုံးဝလွတ်လပ်ရေးရစေရမည်ဟု ရဲရင့်စွာ ကတိပေးခဲ့၏။ ဤကား ပေါ့ပေါ့ ဆဆ ကတိမျိုး မဟုတ်ပါ။ သူ၏ နိုင်ငံရေးလုပ်ငန်း၊ သူ၏ ဂုဏ်သိက္ခာနှင့် သူ၏ ဘ၀တို့ကိုရင်း၍ ပေးလိုက် သော၊ ခံယူချက်အပေါ် အခြေခံသော ကတိမျိုးဖြစ်ပါသည်။ ဤသို့ဆောင်ရွက်ခြင်းဖြင့် သူ၏ ခေါင်းဆောင်ပီသ မှုကို အပြည့်အ၀ သက်သေပြလိုက်ပါသည်။သဘောတူညီချက်ကို လက်မှတ်ထိုးရန် ငြင်းဆိုခဲ့သော ကိုယ်စားလှယ်အဖွဲ့ဝင်နှစ်ဦးကား ၀န်ကြီးချုပ်ဟောင်း ဦးစောနှင့် ၁၉၃၈ ခုနှစ် ဒို့ဗမာအစည်းအရုံး နှစ်ခြမ်းကွဲပြီးနောက် အနည်းစုသခင်များကို သခင်ထွန်းအုပ်နှင့်အ တူ ခေါင်းဆောင်ခဲ့သော သခင်ဗစိန်တို့ဖြစ်ပါသည်။ မြန်မာပြည်သို့ ပြန်ရောက်သောအခါ ဦးစောနှင့် သခင်ဗစိန် သည် ဒေါက်တာဘမော်နှင့် ၀န်ကြီးချုပ်ဟောင်း နောက်တဦးဖြစ်သူ ဆာပေါ်ထွန်းတို့နှင့်ပေါင်းကာ အမျိုးသား အတိုက်အခံတပ်ဦး တည်ထောင်၍ ဦးအောင်ဆန်းသည် ရာထူးတည်မြဲရေးအတွက် နယ်ချဲ့တို့ဘက်သို့ ကူး ပြောင်းသွားပြီဟု ပြောလေသည်။နိုင်ငံရေးအတိုက်အခံတို့၏ စွပ်စွဲချက်များကြောင့် ဦးအောင်ဆန်း ထူးထူးခြားခြား စိတ်အနှောင့်အယှက်မဖြစ်ခဲ့ ပါ။

တိုင်းရင်းသားလူမျိုးစုများနှင့် ဆွေးနွေးစေ့စပ်ရေးကိုသာ ဇောက်ချ၍ လုပ်ပါတော့သည်။ ဤကိစ္စကို ဖြေ ရှင်းရန် လန်ဒန်သွားကိုယ်စားလှယ်အဖွဲ့ မြန်မာပြည်ပြန်ရောက်ပြီး ရက်ပိုင်းအတွင်းပင် ပင်လုံ၌ ညီလာခံခေါ် ရေး စီစဉ်ထားပြီးဖြစ်ပါသည်။ ညီလာခံ၏ ရလဒ်ဖြစ်သော ပင်လုံစာချုပ်အရ “ကြားဖြတ်မြန်မာအစိုးရနှင့် ချက် ချင်းပူး ပေါင်းလိုက်ခြင်းအားဖြင့် ရှမ်း၊ ကချင်နှင့် ချင်းတို့သည် လွတ်လပ်ရေးကို ပိုမိုလျင်မြန်စွာ ရရှိလိမ့်မည်” ဟူ၍ အသိအမှတ်ပြုလိုက်ပါသည်။ပင်လုံညီလာခံကား စစ်အတွင်းက တိုင်းရင်းသားများအကြား သင့်မြတ်ကြည်ဖြူရေးအတွက် သခင်များကြိုး ပမ်းချက်များနှင့် အစပျိုးခဲ့သော ဦးအောင်ဆန်း၏ မြန်မာနိုင်ငံအတွင်းရှိ လူမျိုးစုပေါင်းစုံ စည်းလုံးညီညွတ်ရေး ဦးတည်သော လုပ်ငန်းစဉ်၏ အထွတ်အထိပ်ပင်ဖြစ်ပါသည်။ တဖန် ဦးတင်ထွဋ်၏ စကားအရပြောရလျှင် ဆွေး နွေးစေ့စပ်ရေးနယ်ပယ်တွင် သူ(ဦးအောင်ဆန်း) အောင်မြင်မှုများ ရရှိခဲ့ခြင်းမှာ သူ၏ မသွယ်မ၀ိုက်ပွင့်လင်းမှု နှင့် ပုဂ္ဂလိကအရည်အသွေးတို့ကြောင့် ဖြစ်ပါသည်။ ထိုနယ်ပယ်တွင် သူ၏ အကြီးမားဆုံးဆောင်ရွက်ချက်ကား တောင်တန်းဒေသ တိုင်းရင်းသားများနှင့် အခြားလူငယ်စုများ၏ လုံးဝဥဿုံ စိတ်ချယုံကြည်မှုကို ရယူနိုင်ခြင်း ဖြစ်ပါသည်။

ပင်လုံညီလာခံ ပြီးလျှင်ပြီးချင်း ဧပြီလတွင် ကျင်းပမည်ဖြစ်သော ရွေးကောက်ပွဲတွင် ၀င်ရောက်ယှဉ်ပြိုင်မည့် ဖဆပလကိုယ်စား ဦးအောင်ဆန်းသည် ပင်ပန်းကြီးစွာ နိုင်ငံအနှံ့ စည်းရုံးရေးခရီးထွက်ခဲ့ပါသည်။ မြန်မာနိုင်ငံ ပြည်သူလူထုနှင့် (၃၂) နှစ် မျှသာရှိသေးသော သူတို့၏ နုပျိုရွယ်ခေါင်းဆောင်အကြား မကြံစဖူး ထူးခြားသော ဆက်ဆံရေးအနေအထားမျိုး ပေါ်ပေါက်ခဲ့ပါသည်။ ဦးအောင်ဆန်းသွားလေရာ လူအုပ်ကြီးများသည် ‘ငါတို့ဗိုလ် ချုပ်’ ကို မြင်လိုဇော၊ နားထောင်လိုဇော၊ သွေးစည်းခိုင်မာမှုကို ပြသလိုဇောတို့နှင့် ဖုံကိုမမှု၊ နေပူကိုမရွံ့၊ လာ ရောက်အားပေးကြပါသည်။ ‘ဗိုလ်ချုပ်’ ဟူသော ဝေါဟာရမှာ မူလတွင် သူ၏ တပ်မတော်ရာထူးကို ရည်ညွှန်း ခြင်းအမှုသာဖြစ်သော်လည်း နောင်တွင် သူ့အပေါ်ထားရှိသော ချစ်ခင်လေးစားမှုကို ရောင်ပြန်ဟပ်လာသော ဝေါဟာရဖြစ်လာ၏။

ဦးအောင်ဆန်းကား နားထောင်ကောင်းအောင် အပြောအဟောပြေပြစ်သူတဦး မဟုတ်ပါ။ သူ၏ မိန့်ခွန်းများ သည် ငြီးငွေ့ဖွယ် အတတ်ပညာရေးရာကိစ္စများနှင့် လွှမ်းမိုးနေသည်လည်း ဖြစ်နိုင်၏။ ဟိုအကြောင်းရောက် ဒီ အကြောင်းရောက်နှင့် လိုက်ရခက်သည်လည်း ဖြစ်နိုင်၏။ လွန်စွာရှည်လျားသည်လည်း ဖြစ်နိုင်၏။ သို့သော် လည်း လူထုသည် ငြိမ်သက်အေးဆေးစွာ နားထောင်ပြီး သူ့စိတ်သန္တာန်ကိုလိုက်ကာ သူ၏ တုံးတိတိနိုင်သော ဆုံးမသတိပေးချက်တို့ကို သဘောကျနှစ်သက်သကဲ့သို့ ကြားရခက်လှသော သူ၏ ရယ်ရွှင်ဖွယ်စကားလေး များကိုလည်း သဘောကျနှစ်သက်ကြပါသည်။ဦးအောင်ဆန်းသည် မြန်မာ့လွတ်လပ်ရေးနှင့် စည်းလုံးညီညွတ်ရေးပြဿနာများကို ဖြေရှင်းပေးနိုင်မည့် အ တွေးအခေါ်များနှင့် နည်းဗျူဟာများကို အစဉ်တစိုက်ရှာဖွေနေသူဖြစ်၏။ ဤလုပ်ငန်းတွင် လူထုကို သူနှင့်အတူ ပါဝင်ရန်ခေါ်ဆောင်နိုင်ခဲ့သည်။ ကာလဒေသအခြေအနေများအရ လိုအပ်ပါကစိတ်ပြောင်းလဲရန် သူမကြောက် ရွံ့ပါ။ သူ၏ ယူဆချက်များနှင့် ရည်ရွယ်ချက်များကို လူထုအား ပွင့်ပွင့်လင်းလင်း ရှင်းပြပြီး ၎င်းတို့၏ ထောက်ခံ မှုကို တောင်းဆိုပါသည်။ သို့သော်လည်း လွယ်လင့်တကူ အောင်မြင်မှုများနှင့် စိတ်ကူးယဉ်အိပ်မက်လောက များ အကောင်အထည်ဖော်လာမည်ဟူ၍ လက်လွတ်စပယ် ကတိပြုချက်များ မပေးချေ။ သူ့တိုင်းပြည်အပေါ် တည်ကြည်ဖြောင့်မတ်စွာ ပြုကျင့်သွားမည်၊

မြန်မာ့လွတ်လပ်ရေးနှင့် စည်းလုံးညီညွတ်ရေးအတွက် အစွမ်းကုန် ဆောင်ရွက်သွားမည်၊ လူထု၏ ညီညွတ်မှုအင်အားသာ သူနှင့် ဖဆပလနောက်၌ တည်ရှိနေမည်ဆိုပါက လွတ် လပ်ရေးနှင့် စည်းလုံးညီညွတ်ရေးဟူသော နှစ်ပွင့်ဆိုင်ပန်းတိုင်သို့ ဦးဆောင်ခေါ်သွားနိုင်မည်ဟူ၍သာ ကတိပြု ခဲ့၏။မြန်မာနိုင်ငံ ပြည်သူလူထုလည်း ရွေးကောက်ပွဲတွင် ဖဆပလကိုယ်စားလှယ်ပေါင်း မြောက်မြားစွာကို ရွေးချယ် တင်မြှောက်လိုက်ခြင်းဖြင့် ဦးအောင်ဆန်း၏ နှိုးဆော်ချက်တို့ကို တုံ့ပြန်လိုက်၏။ ပုဂ္ဂလိကကိုယ်စားလှယ်များ နှင့် ကွန်မြူနစ်ကိုယ်စားလှယ်များ လက်တဆုပ်စာလောက်သာ ရွေးချယ်ခြင်းခံခဲ့ရပါသည်။ ‘စော၊ စိန်၊ မော်’ အုပ်စုကား မိမိတို့သေချာပေါက်ရှုံးမည်ကို သိထားကြသဖြင့် ရွေးကောက်ပွဲများကို သပိတ်မှောက်ခဲ့၏။ ဖဆပ လသည် မသင့်တော်သော ဖိအားပေးမှုများ ပြုလုပ်ခဲ့သည်ဟု စွပ်စွဲချက်များနှင့် ရင်ဆိုင်ခဲ့ရ၏။ သို့သော် ရွေး ကောက်ပွဲဆိုင်ရာ ခုံရုံးများ၏ တွေ့ရှိချက်များအရ ရွေးကောက်ပွဲရလဒ်များသည် လူထု၏ဆန္ဒကို အမှန်အတိုင်း ရောင်ပြန်ဟပ်ခဲ့ပါသည်။ ဦးအောင်ဆန်း၏ ဘ၀နောက်ဆုံးအပိုင်းတွင် သူသည် နေ့စဉ်နှင့်အမျှ နိုင်ငံရေးရင့် ကျက်မှုနှင့် နိုင်ငံအုပ်ချုပ်ရေး ကျင်လည်မှုတို့တွင် တိုးတက်လာသည်ကို မြင်နိုင်ပါသည်။ နိုင်ငံတော်တည် ဆောက်ရေး ကိစ္စရပ်များကို ရင်ဆိုင်ရာ၌ သူ၏ ပင်ကိုယ်အရည်အသွေးများနှင့် တာဝန်သိစိတ်ဓာတ်တို့ ကွန့် မြူးလာ၏။ ဤကာလအတွင်း၌ တချိန်ကဆန့်ကျင်ဘက်ဖြစ်ခဲ့သော ဗြိတိသျှများစွာတို့၏ လေးစားမှုကို ရယူနိုင် ခဲ့သည်။

ထိုပုဂ္ဂိုလ်များအနက် တဦးက အောက်ပါအတိုင်း ရေးသားခဲ့ပါသည်။အောင်ဆန်း၏ နိုင်ငံရေးပညာရှင်အရည်အချင်းများ တိုးတက်ကြွယ်ဝလာခြင်းသည် သူ၏ ပင်ကိုယ်စရိုက်ကား ဖြစ်ပေါ်လာသော အခြေအနေများအရ ကြီးထွားလာနိုင်စွမ်းရှိကြောင်းကို ပြသပါသည်။ သူ့ဘ၀၏ နောက်ဆုံး (၁၀) လတွင် သူသည် လက်တွေ့အားဖြင့် ၀န်ကြီးချုပ်အနေအထား၌ ရှိခဲ့ပါသည်။ ထိုကာလအတွင်း၌ သူသည် သူ့နိုင်ငံ မည်မျကျယ်ဝန်း၍ လူမျိုးပေါင်း မည်မျှစုံပြီး ပြဿနာများ မည်မျှရှုပ်ထွေးပွေလီလှသည်တို့ကို စ၍ ဂဃ နဏ သဘောပေါက်ခဲ့ပါသည်။

အလုပ်များလွန်းလှသဖြင့် သူ၏ ကျန်းမာရေးထိခိုက်လာသည့်အပြင် ရံဖန်ရံခါ အလုပ်မနိုင်မနင်း ဖြစ်ခဲ့ပါသည်။ သို့သော် သူကား ယောင်္ကျားကောင်းပီသစွာ ဤဖြစ်ရပ်ကို ၀န်ခံသဖြင့် သူနှင့် နေ့စဉ် ထိတွေ့နေသော ဗြိတိသျှအုပ်ချုပ်ရေးအရာရှိများ၏ လေးစားမှုကို ရရှိခဲ့ပါသည်။ သူ့အား လုပ်ကြံသတ် ဖြတ်ခြင်းသည် နောင်ဖြစ်ထွန်းလာမည့် ဥပဒေမဲ့ကာလများတွင် သူ့နောက်လိုက်များကို စည်းကမ်းထိန်းသိမ်း ရန် စွမ်းဆောင်နိုင်သည့် တဦးတည်းသောပုဂ္ဂိုလ်ကို သူ့တိုင်းပြည် ဆုံးရှုံးရခြင်းပင်ဖြစ်ပါသည်။ဇွန်လအစောပိုင်းတွင် ဦးအောင်ဆန်းသည် တိုင်းပြည်အတွက် ပြန်လည်ထူထောင်ရေးလုပ်ငန်းများ စီစဉ်ရန် ရန်ကုန်မြို့ ပြည်လမ်းရှိ ‘ဆိုရန်တိုဗီလာ’ အဆောက်အဦးတွင် စည်းဝေးပွဲများ ဆက်တိုက်ကျင်းပပါသည်။ ညီ လာခံအဖွင့်မိန့်ခွန်းတွင် ဦးအောင်ဆန်းသည် အစောတလျင် လိုအပ်နေသော လုပ်ငန်းများကို မီးမောင်းထိုးပြ ပြီး လက်တွေ့ကျ၍ လှေနံဓားထစ်မဟုတ်သော အစီအစဉ်များလိုအပ်ကြောင်းကို အလေးပေးပြောသွားပါသည်။ လောဘကြီးလွန်းသော စီမံကိန်းများ မပြုလုပ်မိရန်နှင့် မည်သည့်ကိစ္စများ ပထမဦးဆုံး ဆောင်ရွက်ရန်လိုသည် ကို ဆုံးဖြတ်ရန် အရေးကြီးကြောင်းကိုလည်းပြောသွားပါသည်။ ထို့အပြင် တိုင်းသူပြည်သားတို့ လက်အတွင်း သို့ အချုပ်အခြာအာဏာ ပြန်၍ရောက်နေရကား တိုင်းပြည်တွင်ဖြစ်ပေါ်သမျှ အနိဌာရုံများအတွက် နယ်ချဲ့စနစ် ကို အပြစ်တင်တိုက်ခိုက်ခြင်းဖြင့် အချိန်နှင့်အင်အားတို့ကို အလဟဿမဖြုန်းကြရန် သတိပေးသွားပါသည်။

နယ်ချဲ့စနစ်ကို တိုက်ဖျက်ရန်သုံးခဲ့သော လက်နက်များသည် လွတ်လပ်သော နိုင်ငံတခုကို တည်တံ့ခိုင်မြဲ၍ တိုးတက်စေရန်အတွက် သင့်လျော်သော ကိရိယာများဖြစ်သည်ဟု အစဉ်အမြဲ မတွက်ဆနိုင်ကြောင်း သူ ပြည့် ပြည့်၀၀ နားလည်ပါသည်။ ဦးအောင်ဆန်းသည် မြန်မာနိုင်ငံအနေနှင့် နိုင်ငံတကာမိသားစု အသိုင်းအ၀ိုင်းတွင် မှန်ကန်သောနေရာမှ ပါဝင်ဆောင်ရွက်နိုင်မည့် အနာဂတ်ကာလကိုမျှော်မှန်းကာ စစ်မှန်သော အမျိုးသားရေး သည် နိုင်ငံတကာအရေးကို အထောက်အကူပြုရမည်ဖြစ်ကြောင်း သူ မြင်ပါသည်။ ဦးအောင်ဆန်း၏အမြင် သည် သွေးထွက်အောင်မှန်သဖြင့် အချို့လူများ မခံသာသော စကားမျိုးကိုပြောရန်မတွန့်ဆုတ်ပါ။ ၁၉၄၇ ခုနှစ် ဇူလိုင်လ ၁၃ ရက်နေ့တွင် ပြောကြားခဲ့သော သူ၏ နောက်ဆုံးမိန့်ခွန်းတွင် ပြည်သူတို့အား မိမိတို့၏ ချို့ယွင်း ချက်များကို ပြုပြင်ရန်၊ စည်းကမ်းရှိရန်၊ ဇွဲဝိရိယကြီးရန်နှင့် အများအကျိုးအတွက် ကိုယ်ကျိုးစွန့်ရန် စသဖြင့် ဆော်သြခဲ့ပြီး လွတ်လပ်ရေး၏ အကျိုးအရသာများ ပြည့်ဝစွာ မခံစားနိုင်မီ နှစ်ပေါင်းများစွာ ရုန်းကန်ကြိုးစားရ ဦးမည်ဖြစ်ကြောင်းကိုလည်း သတိပေးခဲ့၏။ဖြောင့်မတ်တည်ကြည်ပြီး မိမိကိုယ်ကို ဆန်းစစ်နိုင်စွမ်းရှိသူပီပီ ဦးအောင်ဆန်းသည် သူ၏ အားနည်းချက်များ ကို ပြုပြင်ရန်လိုကြောင်းကိုလည်း မိတ်ဆွေများအား ၀န်ခံခဲ့ပါသည်။ ကျောင်းသားတော်လှန်ရေးသမား လူငယ် တယောက်တွင် သည်းခံခွင့်လွှတ်နိုင်သော အပြစ်အနာများသည် နိုင်ငံ၏အထင်ကရ ခေါင်းဆောင်တွင်မူကား လက်ခံခွင့်လွှတ်ဖွယ် မဟုတ်ပေ။ အချောကိုင်ရန်လိုနေသော အမူအကျင့်များ ရှိနေသေး၏။ အဆင်မပြေလှ သော ဒေါသကြီးတတ်ခြင်းကို ထိန်းချုပ်ရပေဦးမည်။

လူမှုဆက်ဆံရေးတွင်လည်း မည်မျှပင် ငြီးငွေ့ဖွယ်ဖြစ်စေ လောက၀တ်ပျူငှာစေရန် လေ့ကျင့်ရပေဦးမည်။အာဏာလွှဲပြောင်းရေး အစီအစဉ်များကို လျင်မြန်စွာ တဆင့်ပြီးတဆင့် တိုးတက်၍ အကောင်အထည်ဖော်နိုင် ခဲ့ပါသည်။ မေလတွင် ကျင်းပသော ညီလာခံ၌ ဖဆပလအဖွဲ့ချုပ်သည် မိမိတို့၏ လွတ်လပ်ရေးနှင့်ပတ်သက် သော မူဝါဒကို ချမှတ်ပြီး ပြည်ထောင်စုမြန်မာနိုင်ငံဟူ၍ ခေါ်တွင်မည့် လွတ်လပ်သော အချုပ်အခြာအာဏာပိုင် သမ္မတနိုင်ငံ၏ အခြေခံဖွဲ့စည်းပုံ ဥပဒေမူကြမ်းကို ရေးဆွဲရန် ကော်မတီကိုလည်း ဖွဲ့စည်းလိုက်ပါသည်။ ခက်ခဲ ဆင်းရဲစွာ လုံးပမ်းခဲ့ရသော ပန်းတိုင် လက်တကမ်းမျှသာ ရှိတော့သည်ဖြစ်၍ ဦးအောင်ဆန်းသည် တင်းမာမှု များလျော့ကာ ပိုမို၍ ပျော့ပြောင်းချိုသာလာ၏။

သူ၏ တပ်များကို ဂျပန်တော်လှန်ရေးတွင် ဦးဆောင်ခဲ့စဉ်က အံကြီးတခဲခဲနှင့် တွေ့မြင်ရသော လူငယ်စစ်သေနာပတိချုပ်၏ ပုံပန်းသဏ္ဍာန်နှင့်ကား သိသိသာသာ ခြားနား လာပါသည်။ သူ၏ အတွင်းအပြင်သည် ကြည်လင်တည်ငြိမ်၍ သောကကင်းစင်သကဲ့သို့ ဖြစ်နေပါသည်။ သို့ သော်လည်း ပင်ပန်းနွမ်းနယ်ခြင်းသည်လည်း နက်ရှိုင်းလှပါသည်။ လွတ်လပ်ရေးရပြီးနောက် နိုင်ငံရေးမှ အနား ယူကာ မိသားစုကိစ္စများ၊ စာပေရေးသားခြင်းကိစ္စများကိုသာ အချိန်ပြည့်ပေး၍ လုပ်ဆောင်လိုလားကြောင်း ထုတ်ဖော်ပြောခဲ့ပါသည်။သို့သော်လည်း ဤဆန္ဒကား မပြည့်ဝခဲ့ပါ။ ဇူလိုင်လ (၁၉) ရက်နေ့ အမှုဆောင်ကောင်စီ အစည်းအဝေးထိုင်နေ စဉ် အစောင့်အကြပ်များမရှိသော စည်းဝေးခန်းထဲသို့ ယူနီဖောင်းဝတ်လူတစု တွန်းဝင်လာ၍ စက်သေနတ် များနှင့်ပစ်ခတ်ရာ ဦးအောင်ဆန်း၊ သူ၏အကိုကြီး ဦးဘ၀င်း အပါအ၀င် ကောင်စီဝင် (၆) ဦး၊ အထက်တန်းအုပ် ချုပ်ရေးအရာရှိတဦးနှင့် ကိုယ်ရံတော်လေးတဦးကျဆုံးခဲ့ရပါသည်။ လူသတ်သမားများ ထွက်ပြေးလွတ်မြောက် သွားခဲ့သော်လည်း၊ ၎င်းတို့အား ဦးစောနေအိမ်သို့ ခြေရာခံလိုက်နိုင်ခဲ့ပါသည်။

ဝန်ကြီးချုပ်ဟောင်းသည် အကြံ ကြီးသူတယောက်ဖြစ်ပြီး ‘ကောင်လေးတယောက်ပါပဲ’ ဟူ၍ သူ သတ်မှတ်လေ့ရှိသော ဦးအောင်ဆန်း နိုင်ငံ့ ခေါင်းဆောင်အဆင့်သို့ တရှိန်ထိုးတက်သွားသည်ကို လက်မခံနိုင်ခဲ့ပေ။မြန်မာကိုယ်စားလှယ်အဖွဲ့နှင့် လန်ဒန်သို့ ထွက်ခွာမသွားမီ လအနည်းငယ်အလိုလောက်တွင် ကာကီဝတ်စုံ ၀တ်ဆင်ထားသူများက သေနတ်ဖြင့် ပစ်ခတ်သဖြင့် ဦးစောမျက်စေ့တွင် ဒဏ်ရာရခဲ့ပါသည်။ ဦးစောသည် ဤ ကိစ္စတွင် ဦးအောင်ဆန်း၏ ပြည်သူ့ရဲဘော်တပ်ဖွဲ့ဝင်များ၌ တာဝန်ရှိသည်ဟု ယူဆကာ ကလဲ့စားချေခြင်းဖြစ် သည်ဟု အချို့ကခန့်မှန်းကြပါသည်။ သို့သော်နိုင်ငံတော်လုပ်ကြံမှုနှင့်ပတ်သက်၍ စစ်ဆေးတွေ့ရှိချက်များအရ အလုပ်အမှုဆောင်ကောင်စီတခုလုံးအား သုတ်သင်ချေမှုန်းရန် ညွှန်ကြားခဲ့ခြင်း ဖြစ်ပါသည်။ ဦးအောင်ဆန်းနှင့် လုပ်ဖော်ကိုင်ဖက်များကို ရှင်းလင်းသုတ်သင်လိုက်ခြင်းဖြင့် သူသာ မြန်မာနိုင်ငံအစိုးရခေါင်းဆောင် ဖြစ်လာ မည်ဟူသော ထူးဆန်းသည့် ယုံကြည်ချက်ဖြင့် လုပ်ကြံမှုကြီးကို ဦးစော စီစဉ်ခဲ့ဟန်တူပါသည်။

ဦးစောအပေါ် ရာဇ၀တ်ပြစ်မှုများ ကျူးလွန်ရန် အားပေးကူညီမှုအတွက် အပြစ်ရှိကြောင်း စီရင်ဆုံးဖြတ်ပြီး သေဒဏ်ချမှတ် လိုက်ပါသည်။ဦးအောင်ဆန်း ကွယ်လွန်အနိစ္စရောက်သွားသော်လည်း သူ၏ ဘ၀ကိုပေး၍ ကြိုးပမ်းခဲ့ရသော လွတ်လပ်ရေး ကိုသာ မြန်မာနိုင်ငံ ရရှိခဲ့ပါသည်။ အသက်ရှင်ကျန်ခဲ့သော ဖဆပလ၀င်များအနက် အဆင့်မြင့်ဆုံးဖြစ်သော ဦးနုသည် စေ့စပ်ဆွေးနွေးရေးများကို ဆုံးခန်းတိုင် ဆက်လက်ဆောင်ရွက်သွားပြီး ၁၉၄၈ ခုနှစ် ဇန်န၀ါရီလ (၄) ရက်နေ့တွင် လွတ်လပ်သော ပြည်ထောင်စုမြန်မာနိုင်ငံတော်ကို မွေးဖွားခဲ့ပါသည်။

အောင်ဆန်း ၇ အားဆက်လက်ဖတ်ရှုပါရန်
Kyaw Naing
29/1/2014





နိဂုံး

ခေတ်သစ် မြန်မာနိုင်ငံသမိုင်း သုတေသီတဦးဖြစ်သူ အမေရိကန်ပညာရှင် ဖရင့်၊အင်၊ထရေဂါ ရေးသားခဲ့ အောက်ပါ စကားကောက်နုတ်ချက်ကို ဤနေရာ၌ ဖော်ပြက သင့်တော်မည်ထင်ပါသည်။ မဟာလူသား တဦး၏ လုပ်ဆောင်ချက်များအနေဖြင့်သာ ဖြစ်ရပ်စဉ်ကို တင်ပြခြင်းသည် သမိုင်းကို လွဲမှားစွာ မြင်ခြင်းဖြစ်ပါ သည်။ ဤစာအုပ်တွင်လည်း ထိုကဲ့သို့ တင်ပြခြင်းမျိုး အတိုင်းအတာတခုအထိ ပါဝင်ခဲ့ပါလျှင် ထိုအတိုင်းအ တာအထိ လွဲမှားသောအမြင်ရှိခဲ့သည်ဟု ဆိုနိုင်ပါသည်။ သို့သော်လည်း ထိုစဉ်က မြန်မာပြည်အခြေအနေအရ သခင်များ နိုင်ငံရေးရာထူးနေရာ ရရှိခဲ့ချိန်မှစ၍ လွတ်လပ်ရေးအရုဏ်တက်ချိန်ဖြစ်သော ၁၉၄၈ ခုနှစ် ဇန်န၀ါ ရီလတိုင် (၁၂) နှစ်ကာလအတွင်း စွမ်းဆောင်နိုင်မှုများကို ဖြစ်ရပ်စဉ်အလုံးစုံအပေါ် လွှမ်းခြုံခဲ့သော အောင် ဆန်း၏ ခေါင်းဆောင်မှုရှုထောင့်မှ စိစစ်ခြင်းကား မှန်ကန်သင့်လျော်သည်ဟု ထင်မိပါသည်။

အခြားတဖက်မှကြည့်လျှင်လည်း အထက်ဖော်ပြပါ သဘောတရားကား မှန်ကန်ပါသည်။ မြန်မာ့လွတ်လပ်ရေး လှုပ်ရှားမှု နောက်ခံကားကို အခြေပြု၍သာ ဦးအောင်ဆန်း၏ ဘ၀ကို လေ့လာနိုင်မည်ဖြစ်ပါသည်။ ထိုကဲ့သို့ ချဉ်းကပ်နည်းသည် သူ၏ ကိုယ်ရေးကိုယ်တာအပိုင်းကို လျစ်လျူရှုရာရောက်နိုင်ပါသည်။ သို့သော် သူ့အသက် (၂၀) ကျော်ကျော် ကျောင်းသားနိုင်ငံရေးလောကထဲ ၀င်ခဲ့စဉ်ကစ၍ သူ၏ ဘ၀နှင့် လွတ်လပ်ရေးကြိုးပမ်းမှုသည် ခွဲခြား၍မရလောက်အောင် ရောထွေးဆက်နွယ်နေသည့်အပြင် ဦးအောင်ဆန်းကား သူ၏ အဇ္ဈတ္တသန္တန် နှင့် ကွာခြားသော ဗဟိဒ္ဓအသွင်ကို လူထုရှေ့မှောက် ဘန်းပြသူမျိုး မဟုတ်ခဲ့ပါ။ သူ၏ ရုပ်ပုံလွှာတခုလုံးကို ခြုံ၍ ကြည့်ပါက မြင့်မားသောရည်မှန်းချက်၊ ခိုင်မာပြတ်သားသော စိတ်ဓာတ်တို့ဖြင့် သူ၏နိုင်ငံ လွတ်လပ်ရေးရစေ ရန် ခေါင်းဆောင်မှုပေးခဲ့သော သိက္ခာသမာဓိ ကြီးမားသည့် လူငယ်တဦးကို မြင်ရပေမည်။သူ၏ နိုင်ငံရေးအတိုက်အခံများနှင့် သူ၏ နိုင်ငံကို အုပ်ချုပ်နေသော နိုင်ငံခြားသားများကို တိုက်ခိုက်ခဲ့သဖြင့် သူ့အား သစ္စာဖောက်ဟု မြင်ခဲ့သူတို့က ဦးအောင်ဆန်းသည် ထင်ပေါ်ကျော်ကြားမှုလိုလားသဖြင့် အကြင်နာ ကင်းသည်၊ ဆင်ခြင်တုံတရား ခေါင်းပါးသည်၊

နှစ်ဖက်ချွန်လုပ်တတ်သည်ဟု စွပ်စွဲခဲ့ကြ၏။ ထိုကဲ့သို့သော စွပ်စွဲ ချက်များကို သူ၏ လုပ်ဆောင်ချက်မှတ်တမ်းအပေါ် အခြေပြု၍ အကဲဖြတ်နိုင်ပါသည်။ အခြားသူများ ပိုမို၍ ကောင်းမွန်သော ခေါင်းဆောင်မှုပေးနိုင်သည်ဟု သူ ယုံကြည်သ၍ နောက်လိုက်နေရာမှ တာဝန်ကို စေတနာ ပြည့်ဝစွာထမ်းဆောင်ခဲ့ပါသည်။ သူတဦးတည်းသာ တိုင်းပြည်ကို ညီညွတ်မှုပေးကာ လွတ်လပ်ရေးပန်းတိုင်သို့ ရောက်ရန် ခေါင်းဆောင်မှုပေးနိုင်မည်ဖြစ်ကြောင်း ထင်ရှားလာသောအခါမှ သူသည် ဗဟိုမဏ္ဍိုင်နေရာကို ယူ ခဲ့ပါသည်။ကျောင်းသားဘ၀ကပင် သူ၏ ရင်းနှီးသော နိုင်ငံရေးလုပ်ဖော်ကိုင်ဖက်ဖြစ်ခဲ့သူ ဦးကျော်ငြိမ်းက မည်သူကမှ ဗိုလ်ချုပ်အောင်ဆန်းအား ခေါင်းဆောင်နေရာကို ပေးခဲ့သည်မဟုတ်ဘဲ သူ၏ လုပ်ရည်ကိုင်ရည် ကြွယ်ဝမှု ကြောင့် ခေါင်းဆောင်နေရာကို ရရှိခဲ့ခြင်းဖြစ်ကြောင်း ပြောဆိုခဲ့ပါသည်။

ဦးအောင်ဆန်းသည် သုန်မှုန်ခြင်းနှင့် စိတ်လှုပ်ရှားသဖြင့် ပေါက်ကွဲခြင်းများ ရှိခဲ့သော်လည်း လွတ်လပ်ရေးလှုပ်ရှားမှုအကျိုးငှာ စုပေါင်းဆုံးဖြတ်ချက် များ ချရာတွင် သူ၏ ပုဂ္ဂိုလ်ရေးရာခံစားချက်များနှင့် အလိုဆန္ဒတို့ကို မည်သောအခါမျှ အသားမပေးခဲ့ချေ။ လွတ်လပ်ရေးတိုက်ပွဲအဆင့်ဆင့်၌ သူသည် ရင်းနှီးသော နိုင်ငံရေးလုပ်ဖော်ကိုင်ဖက်များနှင့် တိုင်ပင်ဆောင် ရွက်၍ တရားမှန်ဝေဖန်ချက်များကို လက်ခံကာ အသင့်တော်ဆုံးဖြစ်မည်ထင်ပါက တာဝန်များကို လွှဲပြောင်းခွဲ ဝေပေးပါသည်။သို့သော် ကိုယ်ကျိုးရှာသမားများ၊ တာဝန်မဲ့လုပ်ရပ်များနှင့် လွတ်လပ်ရေးကြိုးပမ်းမှုကို ထိပါးနိုင်မည့် အလုပ် ပျက်ကွက်မှုများကို သည်းမခံပါ။  

သူသည် တရားမျှတမှုနှင့် ဒီမိုကရေစီဝါဒတို့ကို ယုံကြည်လက်ခံကာ သူ၏ ကိုယ်ပိုင်ဆုံးဖြတ်ချက်အရလုပ်ပါက ပိုမို၍ကောင်းမွန်မည်ဖြစ်သောအချိန်အခါများ၌ပင် လုပ်ဖော်ကိုင်ဖက်များ ၏ အလိုကျ ဆောင်ရွက်ခဲ့သည်လည်းရှိခဲ့၏။ အမှုဆောင်ကောင်စီခေါင်းဆောင်အနေနှင့် သူ၏အမြင်ကို အခြား သူများလက်ခံစေရန် အပေါ်စီးနှင့် ဆောင်ရွက်ခဲ့ခြင်းမရှိခဲ့ပါ။ အားလုံးက လွတ်လပ်၊ ပွင့်လင်း၊ ပြည့်စုံစွာ ဆွေး နွေးပြီးမှ ဆုံးဖြတ်ချက်ချကြပါသည်။သူကိုယ်တိုင် ပွင့်လင်းစွာ ၀န်ခံခဲ့သည့်အတိုင်း သူသည် အမှားအယွင်း ကင်းသူမဟုတ်ပါ။ သို့သော် သူ၏ စိတ် ရည်ဥာဏ်ရည်ကား အစဉ်သဖြင့် ကြီးထွားတိုးတက်နိုင်စွမ်းရှိခဲ့ပါသည်။

ဦးအောင်ဆန်းသည် အစွန်းရောက် တယူသန်သမားများကို စွဲဆောင်နိုင်စွမ်းထက် မိမိတို့ ယုံကြည်လေးစားသော ခေါင်းဆောင်အောက်တွင် စိတ် ငြိမ်းအေး ကိုယ်ချမ်းသာစွာဖြင့် မိမိတို့ဘ၀ကို နှင်လိုသော သာမန်ပြည်သူတို့ကို စွဲဆောင်နိုင်စွမ်းရှိခဲ့ပါသည်။ ပြည်သူတို့သည် ၎င်းတို့မျှော်မှန်းထားသော ခေါင်းဆောင်ကောင်း အရည်အသွေးများ ဦးအောင်ဆန်း၌ ရှိသည် ဟု မြင်ခဲ့၏။ သူကား ကိုယ်ကျိုးထက် နိုင်ငံ့အကျိုးကို ဦးစားပေးခဲ့သည်။ သူ၏အာဏာ အထွတ်အထိပ် ရောက် နေသည့် အချိန်တွင်ပင် ဆင်းဆင်းရဲရဲ ဟန်ပန်မရှိ နေထိုင်ခဲ့သည်။ခေါင်းဆောင်တို့၏ အထူးအခွင့်အရေးများကို မမက်မောဘဲ ခေါင်းဆောင်မှုတာဝန်များကို လက်ခံခဲ့သည်။ ထို့ အပြင် သူသည် နိုင်ငံရေးပါးနပ်လိမ္မာမှုနှင့် နိုင်ငံအုပ်ချုပ်ရေးကျွမ်းကျင်မှုစွမ်းအားကြီးသော်လည်း သူ၏အတွင်း သဘောထား၏

နက်ရှိုင်းလှသော ရိုးသားမှုကား မည်သောအခါမျှ တိမ်ကောသွားခြင်း မရှိခဲ့ပါ။ မြန်မာနိုင်ငံ ပြည်သူလူထုအတွက် ဦးအောင်ဆန်းသည် မိမိတို့ လိုလားတောင့်တနေချိန်တွင် နိုင်ငံ၏ ဂုဏ်သိက္ခာကိုဆည် ရန် ပေါ်ပေါက်လာခဲ့သူဖြစ်ပါသည်။ သူ၏ ဘ၀သည် ပြည်သူတို့ စိတ်အားတက်ကြွ အတုယူဖွယ်ရာဖြစ်သကဲ့သို့ သူ့အား သတိရလွမ်းဆွတ်ခြင်းသည် ပြည်သူတို့၏ နိုင်ငံရေးအသိစိတ်ကို လမ်းမလွဲစေရန် ထိန်းကွပ်မှုအဖြစ် တည်ရှိလျက်နေပါသည်။အောင်ဆန်းစုကြည်   

( ဒေါက်တာအောင်ခင်တည်းဖြတ်သော  ဒေါ်အောင်ဆန်းစုကြည်၏ ကြောက်ရွံ့ခြင်းမှလွတ်ကင်းေ ရးနှင့်
 အခြားစာတမ်းများ စာအုပ်မှထုတ်နုတ်ဖော်ပြပါသည်)
ပြီး၏။

အောင်ဆန်း (၂) ( ဒေါ်အောင်ဆန်းစုကြည် အင်္ဂလိပ်လိုရေးပြီး ဒေါက်တာအောင်ခင် မြန်မာပြန်သည်)

ဂျပန်နှင့် မဟာမိတ်ဖွဲ့ခြင်း
 သခင်အောင်ဆန်းသည် လက်နက်ကိုင်တိုက်ပွဲဆင်နွှဲရန် လိုအပ်ကောင်းလိုအပ်မည်ဟု ယူဆခဲ့သည်မှာ ကာ လအတန်ကြာကပင် ဖြစ်ပါသည်။ ကလေးဘ၀က တိုက်ခိုက်တော်လှန်ရန် စိတ်ကူးယဉ်အိပ်မက်ခဲ့သော်လည်း လွတ်လပ်ရေးကို အခြေခံဥပဒေဘောင်အတွင်းမှ နိုင်ငံရေးနည်းဖြင့် ရယူနိုင်မည့် အလားအလာကို အစဉ်တ စိုက် ပယ်ထားခဲ့သူမဟုတ်ပါ။ တက္ကသိုလ်ကျောင်းသားဘ၀က အစိုးရ၀န်ထမ်း (ထိုစဉ်က အိုင်စီအက်၊ ဘီစီ အက်) စာမေးပွဲဖြေဆိုကာ ၎င်းတို့၏ပညာရှင်ပီသစွာ နိုင်ငံရေးလုပ်ကိုင်မှုနှင့် မျိုးချစ်စိတ်ထက်သန်မှုတို့ကြောင့် သူကိုယ်တိုင်လေးစားသော အိန္ဒိယနိုင်ငံရေးသမားအချို့၏ နမူနာအတိုင်း လုပ်ကိုင်ရန်ကိုလည်း သခင်အောင် ဆန်း စဉ်းစားခဲ့ဖူး၏။ အများသိ ကျောင်းသားခေါင်းဆောင်တဦး ဖြစ်လာပြီးနောက်ပိုင်း၌ ရန်ကုန်တက္ကသိုလ် အင်္ဂလိပ်စာပါမောက္ခအား ပေးပို့သော စာတစောင်တွင် သူသည် ‘ငြိမ်းချမ်းသော တော်လှန်ရေးသမား’ သာ ဖြစ်သည်ဟု ရေးသားခဲ့ကြောင်း ကြားသိရပါသည်။

သို့သော်လည်း မြန်မာနိုင်ငံအတွင်း အရေးအခင်းများ၏ ဒီ ရေလှိုင်းသည် သူ့အား သဘောထားပြောင်းလဲစေခဲ့သည်။ ၁၉၄၀ ခုနှစ်က သူ၏ တွေးခေါ်ပုံကို အောက်ပါအ တိုင်း ရှင်းပြထားပါသည်။“ကျနော်တဦးချင်းအနေနှင့်ကား ကျနော်တို့၏ အရေးတော်ပုံအတွက် ကမ္ဘာ့ဝါဒဖြန့်မှုနှင့် ကမ္ဘာ့အကူအညီလို သည်မှာ မှန်သော်လည်း အဓိကလုပ်ငန်းမှာ ပြည်တွင်းတွင်သာရှိသည်။ အဓိကလုပ်ငန်းမှာ အမျိုးသားရေး တိုက်ပွဲအတွက် ပြည်သူလူထုကို စည်းရုံးရန်ဖြစ်သည်ဟု ယူဆခဲ့သည်။ ကျနော့်မှာလည်း အကြမ်းဖျဉ်းအစီအ စဉ်တခုရှိခဲ့သည်။ ၎င်းအစီအစဉ်မှာ ဗြိတိသျှနယ်ချဲ့စနစ်ကို တပြည်လုံးတွင် ဆန့်ကျင်ရန်၊ ဤလှုပ်ရှားမှုကို ကမ္ဘာ့အခြေအနေ ဗမာ့အခြေအနေနှင့်အညီ တဆတဆတိုးချဲ့ရန်၊ မြို့နေအလုပ်သမား တောနေအလုပ်သ မားတို့၏ ဒေသအလိုက်သပိတ်များမှစ၍ အထွေထွေသပိတ်များ၊ အခွန်အခပေးရေးသပိတ်များအထိ တိုးချဲ့ ဆင်နွှဲရန်၊ တက်ကြွလာသော ၀ါဒဖြန့်ချိမှုများဖြစ်သည့် လူထုဆန္ဒပြပွဲများ ချီတက်ပွဲများမှစ၍ ပြည်သူတို့၏ အာ ဏာဖီဆန်ရေးတိုက်ပွဲအထိ ဆက်လက်ဆင်နွှဲရန်၊ စီးပွားရေးအရတွင်လည်း ဗြိတိသျှကုန်ပစ္စည်းများကို သပိတ် မှောက်ရာမှစ၍ လူထုနှင့်ချီ၍ အခွန်မပေးရေးတိုက်ပွဲအထိ ဆင်နွှဲရန် စစ်ဖက်အုပ်ချုပ်ရေးဖက်နှင့် ပုလိပ်ဖက် ကင်းစခန်းများ ဆက်သွယ်ရေးလမ်းကြောင်းများကို ပြောက်ကျားနည်းနှင့် ၀င်ရောက်တိုက်ခိုက်၍ ဗမာပြည်အ တွင်း ဗြိတိသျှအုပ်ချုပ်မှုစနစ်ကို လုံးဝသွက်ချာပါဒလိုက်သည်အထိ တိုက်ပွဲဆင်နွှဲရန်၊ ထိုအခါ ကမ္ဘာဖြစ်ပေါ်တိုး တက်မှုနှင့် တပြိုင်နက် နောက်ဆုံးပိတ်အာဏာသိမ်းပွဲကို ဆင်နွှဲရန် အစီအစဉ်ပင်ဖြစ်သည်။

ဗြိတိသျှအစိုးရ၏ လက်နက်ကိုင်တပ်များ၊ အထူးသဖြင့် ဗြိတိသျှလူမျိုးမဟုတ်သော တပ်များသည် ကျနော်တို့ဘက်သို့ ကူး ပြောင်းလာကြလိမ့်မည်ဟုလည်း ကျနော်တွက်ခဲ့သည်။ ဤအစီအစဉ်တွင် ဂျပန်များ ၀င်ရောက်တိုက်ခိုက်မှုကို လည်း မှန်းဆခဲ့သည်။ သို့သော် ဤနေရာတွင် ကျနော်မှာ ရှင်းလင်းသောအမြင် မရှိခဲ့ပေ။ ထိုအခါက ကျနော် တို့အထဲမှ မည်သူမျှ ရှင်းရှင်းလင်းလင်းမရှိခဲ့။ သို့သော် ယခုဖြစ်ပျက်ပြီးသွားသည့်အခါတွင်ကား လူအချို့အနေ နှင့် ကျန်လူများထက်ပို၍ သိမြင်ခဲ့ဟန် ဟန်ဆောင်ကောင်း ဆောင်ကြမည်။)”အထက်ပါအကြံအစည်များမှာ သူ၏ “ကြီးမားသောအစီအစဉ်” သာဖြစ်ကြောင်း သခင်အောင်ဆန်း ၀န်ခံခဲ့ပါ သည်။ သူ၏ ရဲဘော်ရဲဘက်များတွင် ထိုစီမံကိန်းကို ထောက်ခံသူ မများလှပါ။ ထိုကဲ့သို့မထောက်ခံခြင်းမှာ သ ခင်အောင်ဆန်းအမြင်အရ “ကျနော်တို့မှာ ဓနရှင်ပေါက်စ ဇာတိရှိသူများဖြစ်ရာ စဉ်းစားရာ ပြောဆိုရာတွင် ရဲရင့်သလောက်၊ ပြတ်သားသော ဆောင်ရွက်ချက်ကိုလုပ်ရာ၌ တွန့်ဆုတ်လေ့ရှိကြလေသည်။ ပြည်သူလူထုကို နှိုးဆွရမည့်လုပ်ငန်း ကြာရှည်ခက်ခဲမည်ကိုလည်း စိတ်မရှည်ကြပေ။

ကျနော်တို့အများစုမှာ လူထုတိုက်ပွဲအ ကြောင်း ပြောဟောကြသော်လည်း လူထုတိုက်ပွဲ အကျိုးအာနိသင်ကို သဘောမပေါက်ကြ” စသည်တို့ကြောင့် ပင် ဖြစ်ပါသည်။ သို့သော် သခင်အောင်ဆန်းသည် အမျိုးသားရေးဝါဒီများ ပြောက်ကျားတိုက်ပွဲဆင်နွှဲနိုင်ရန် လက်နက်များရှိရန်လိုသည်ဟူသော ထင်မြင်ချက်ကို အခိုင်အမာ ဆက်လက်ဆုပ်ကိုင်ထားပါသည်။ နောက်ဆုံး တွင် ၎င်းတို့အနက်မှ တဦးဦး မြန်မာပြည်ပြင်ပသို့သွားပြီး အကူအညီ၊ အထောက်အပံ့နှင့် လက်နက်များရှာရန် ဆုံးဖြတ်လိုက်ပါသည်။ “ထိုအခါက ကျနော်တဦးတည်းသာ မြေအောက်၌ နေနေရသောကြောင့် ထိုသို့သွားရန် ကျနော့်ကိုရွေးချယ်ခဲ့ကြလေသည်” ဟု သခင်အောင်ဆန်း မှတ်တမ်းတင်ခဲ့ပါသည်။၁၉၄၀ ခုနှစ် သြဂုတ်လတွင် သခင်အောင်ဆန်းနှင့် သခင်လှမြိင် (နောင်အခါ ဗိုလ်ရန်အောင်ဟုထင်ရှားသူ)တို့ မြန်မာပြည်မှ ဟိုင်လီအမည်ရှိ သင်္ဘောနှင့် ထွက်ခွာခဲ့ရာ တရုတ်နိုင်ငံ အမွိုင်မြို့ရှိ ‘အပြည်ပြည်ဆိုင်ရာဒေသ’ ဖြစ်သော ကူလန်စုသို့ ရောက်သွားကြပါသည်။ ထိုနေရာ၌ သူတို့နှစ်ဦး လအနည်းငယ်မျှ သောင်တင်နေပြီး တ ရုတ်ကွန်မြူနစ်များနှင့် ဆက်သွယ်ရန် ကြိးစားချက်များလည်း အောင်မြင်ခြင်းမရှိခဲ့ပါ။ တရုတ်ကွန်မြူနစ်များနှင့် အဆက်အသွယ် မလုပ်နိုင်ခဲ့သော်လည်း ဂျပန်ကိုယ်စားလှယ်တဦး သူတို့အား ချဉ်းကပ်ပြီး ဂျပန်တပ်မတော် အရာရှိတဦးဖြစ်သူ ဗိုလ်မှူးကြီးစူဇူကီကေအီဂျီနှင့်တွေ့ရန် တိုကျိုသို့ လေယာဉ်နှင့်ပို့လိုက်ပါသည်။ ထိုဗိုလ်မှူးကြီး သည် နောင်အခါ၌ ‘မြန်မာပြည်လွတ်လပ်ရေးကို ကူညီရန်နှင့် တရုတ်မြန်မာလမ်းမကြီးကို ပိတ်ဆို့ရန်’ ရည် ရွယ်ချက်များနှင့် တည်ထောင်သော မီနာမီကီကန် လျှို့ဝှက်အသင်း၏ ခေါင်းဆောင်အဖြစ် ထင်ရှားမည့်သူဖြစ် ပါသည်။မြန်မာနိုင်ငံရေးသမားများနှင့် ဂျပန်တို့အကြားအဆက်အသွယ်ရှိခြင်းမှာ အသစ်အဆန်းမဟုတ်ချေ။ ဒေါက်တာ ဘမော်နေရာ၌ ၀န်ကြီးချုပ်ဖြစ်လာသော ဦးစောသည် ဂျပန်ထောက်ပံ့မှုကြောင့် ချမ်းသာကြွယ်ဝလာသူဟူ၍ နာမည်ထွက်ခဲ့ပါသည်။

ဒေါက်တာဘမော်ကိုယ်တိုင်လည်း ‘ထွက်ရပ်ဂိုဏ်း’ အတွက် ဂျပန်တို့ထံမှ အကူအညီ ရှာခဲ့ပါသည်။ ဒေါက်တာဘမော်၏ အစိုးရအတွင်း ၀န်ကြီးတဦးဖြစ်ခဲ့သော ၀ါရင့်နိုင်ငံရေးသမားကြီး ဒေါက်တာ သိမ်းမောင်ကမူ ဂျပန်သို့ အလည်အပတ်သွားရောက်ခဲ့ပြီး ဂျပန်-ဗမာ ချစ်ကြည်ရေးအသင်းကို ရှေ့ဆောင် တည်ထောင်ခဲ့ပါသည်။ ၁၉၄၀ ခုနှစ်လယ်တွင် ဗိုလ်မှူးကြီးစူဇူကီး မြန်မာပြည်သို့ အလည်ရောက်စဉ်က ဒေါက် တာသိမ်းမောင်နှင့် တွေ့ခဲ့၏။ ဤတွေ့ဆုံဆက်သွယ်မှုမှတဆင့် ဂျပန်များက အမွိုင်ရောက် သခင်နှစ်ဦးအား ရှာဖွေတွေ့ရှိနိုင်ခဲ့ခြင်း ဖြစ်ပါသည်။‘ထွက်ရပ်ဂိုဏ်း’ ၀င်များအနက် ဂျပန်အကူအညီ လက်ခံသင့်၊ မခံသင့်နှင့်ပတ်သက်၍ စိတ်သဘောထားကွဲပြား မှုများ ရှိနေခဲ့ပါသည်။ ကွန်မြူနစ်များ(၎င်းတို့အနက်အထင်ရှားဆုံးမှာ သခင်စိုး၊ သခင်ဗဟိန်း၊ သခင်သန်းထွန်း နှင့် သခင်သိန်းဖေ) က အထူးသဖြင့် ဖက်ဆစ်ဂျပန်နှင့် ပူးပေါင်းဆောင်ရွက်ရေးကို ဆန့်ကျင်ကြသည်။ သခင် အောင်ဆန်းကတော့ အကူအညီကို ရသည့်နေရာမှယူပြီး အခြေအနေများ မည်ကဲ့သို့ ပြောင်းလဲဖြစ်ပေါ်လာ မည်ကို စောင့်ကြည့်သင့်သည်ဟု လက်တွေ့အကျိုးဖြစ်မည့် နည်းလမ်းအမြင် အယူအဆကို စွဲကိုင်ခဲ့၏။ သို့ သော် သူ၏ စကားအတိုင်းဆိုရလျှင် သူသည် ဂျပန်တို့နှင့် ပူးပေါင်းခြင်းကြောင့် နောင်ဖြစ်ပေါ်လာမည့် အကျိုး ဆက်များကို အသေအချာ ရှင်းရှင်းလင်းလင်းတွက်ဆခဲ့ပုံမပေါ်။တိုကျိုတွင် သခင်အောင်ဆန်းနှင့် ဗိုလ်မှူးကြီးစူဇူကီးတို့နှစ်ဦး နားလည်မှုယူနိုင်ခဲ့ကြ၏။ သို့သော် နှစ်ဦးနှစ်ဖက် လုံးတွင် ထိန်ချန်ထားသော သဘောမတွေ့မှုလေးများ ရှိခဲ့ပုံရပါသည်။ ဗိုလ်မှူးကြီးစူဇူကီးသည် သခင်အောင် ဆန်း၏ ဖြောင့်မတ်တည်ကြည်မှုနှင့် မျိုးချစ်စိတ်တို့ကို လေးစားသော်လည်း ‘သူ၏ နိုင်ငံရေးအတွေးအခေါ်များ မရင့်ကျက်လှသေး’ ဟု ထင်မြင်၏။ ဤဝေဖန်ချက်သည် ထိုစဉ်ကအနေအထားအရ ဓမ္မဓိဠာန်မကျဟု မဆိုနိုင် ပါ။ သခင်အောင်ဆန်း ကိုယ်တိုင်ရေးခဲ့သည်မှာ သူနှင့် သူ့ရဲဘော်ရဲဘက်တို့ ဂျပန်များအား မြန်မာနိုင်ငံကို ၀င် ရောက်သိမ်းပိုက်ရန် ဖိတ်ခေါ်သကဲ့သို့ ဖြစ်ရသည်မှာ “ဖက်ဆစ်စနစ်ကို လိုလား၍မဟုတ်၊ ကျနော်တို့၏ လူပါး မ၀မှုကြောင့်၊ ဓနရှင်ပေါက်စ စိုးရိမ်မှုကြောင့်တို့သာ ဖြစ်လေသည်။”သူသည် ဂျပန်ပြည်သို့အသွား၌ စိုးရိမ်ကြောင့်ကြစိတ်များ ဖြစ်ပေါ်ခဲ့သည်။ ရောက်သွားသောအခါ သူစိုးရိမ်ခဲ့ သလောက် မဆိုးလှသဖြင့် စိတ်သက်သာရာရသော်လည်း စိတ်မချဖွယ်၊ မနှစ်သက်ဖွယ် ကိစ္စလေးများ ကျန် လျက်ရှိနေပါသည်။

ဂျပန်လူမျိုးတို့၏ မျိုးချစ်စိတ်၊ သန့်ပြန့်စွာနေထိုင်ပုံနှင့် ကိုယ့်အလိုကိုယ်မလိုက်၊ ခြိုးခြိုးခြံခြံ နေနိုင်သော အရည်အချင်းတို့ကို သခင်အောင်ဆန်း လေးစားသော်လည်း ၎င်းတို့၏ စစ်ဝါဒီဆန်သော သဘော ထားအချို့၏ ရိုင်းစိုင်းကြမ်းကြုတ်မှုကို သူ မနှစ်မြို့သည့်အပြင် ဂျပန်များ အမျိုးသမီးတို့အပေါ်ဆက်ဆံပုံမှာ သူ့ အမြင်တွင် အံ့သြထိတ်လန့်ဖွယ်ရာ ဖြစ်နေ၏။၁၉၄၁ ခုနှစ် ဖေဖော်ဝါရီလတွင် သခင်အောင်ဆန်းသည် တရုတ်သင်္ဘောသားအသွင်ဖြင့် မြန်မာပြည်သို့ ပြန် ရောက်လာလေသည်။ သူမှတဆင့် ဂျပန်တို့ကမ်းလှမ်းလိုက်သည့် သဘောတူညီချက်အရ၊ တော်လှန်ပုန်ကန် ရန် လက်နက်များနှင့် ငွေကြေးထောက်ပံ့မည်ဟု မြန်မာတို့က နားလည်ခဲ့၏။ ထို့ပြင် လက်ရွေးစင်လူငယ်တစု ကို စစ်သင်တန်းပေးမည်။ ထိုလူငယ်များကို မြန်မာနိုင်ငံမှ ခိုးထုတ်သွားရန် လိုပေမည်။ သခင်အောင်ဆန်း မြန် မာပြည်၌ ကြာမြင့်စွာမနေပါ။ ဂျပန်သို့ သခင်လှဖေနှင့် အခြားလူငယ်သုံးဦးတို့နှင့်အတူ ပြန်သွားပါသည်။ ထို အုပ်စုမှာ ‘ရဲဘော်သုံးကျိပ်’ ၏ ရှေ့ပြေးတပ်ဦး ဖြစ်ပါသည်။ နောင် ဗမာ့လွတ်လပ်ရေးတပ်မတော်၏ မဏ္ဍိုင်သ ဖွယ်ဖြစ်လာမည့် ဤရဲဘော်သုံးကျိပ်ဝင် ပုဂ္ဂိုလ်များကိုရွေးချယ်ရာ၌ အလွယ်တကူလိုက်ပါနိုင်မှုနှင့် သခင်ပါတီ အတွင်းရှိ ဂိုဏ်းဂဏအသီးသီးက ကျေနပ်လက်ခံနိုင်မှုတို့အပေါ် မူတည်ခဲ့သဖြင့် အကျဉ်းကျခံနေရသော အ မျိုးသားရေးခေါင်းဆောင်များ မပါဖြစ်သည့်အပြင် နောင် အချင်းချင်းအကြား စိတ်ဝမ်းကွဲစေမည့် မျိုးစေ့ကို ပျိုး လိုက်သကဲ့သို့လည်း ဖြစ်သွားပါသည်။ရဲဘော်သုံးကျိပ်သည် ဟိုင်နန်ကျွန်း၌ ပင်ပန်းကြီးစွာ စစ်ပညာသင်ယူရပါသည်။ ၎င်းတို့အနက် သခင်အောင် ဆန်း၊ သခင်လှဖေ (ဗိုလ်လင်္ကျာ)၊ သခင်အောင်သန်း(ဗိုလ်စင်္ကြာ)နှင့် သခင်ထွန်းအုပ်တို့ကို စစ်ဌာနဦးစီးကွပ် ကဲရေးနှင့် အုပ်ချုပ်ရေးတို့ကို အထူးလေ့လာရန် ရွေးချယ်လိုက်ပါသည်။ သခင်ပါတီ အုပ်စုတစုကို ကိုယ်စားပြု သော သခင်ထွန်းအုပ်အား နိုင်ငံရေးခေါင်းဆောင်တင်မြှောက်လိုက်၏။

သို့သော်လည်း သခင်အောင်ဆန်း သည် ရဲဘော်သုံးကျိပ်၏ ခေါင်းဆောင်အဖြစ် ထင်ထင်ရှားရှား ပေါ်ထွက်လာသည်။ ဗမာ့လွတ်လပ်ရေးတပ်မ တော် ဖွဲ့သောအခါ၌လည်း တပ်မတော်၏ ပြိုင်ဘက်မရှိခေါင်းဆောင် ဖြစ်လာလေသည်။ သခင်အောင်ဆန်း သည် ကိုယ်ခန္ဓာညှက်ပြီး အားကောင်းသန်မာလှခြင်းမရှိသော်လည်း တိုက်ရေးခိုက်ရေးကျွမ်းကျင်ကာ သတ္တိရှိ ၍ အပင်ပန်းခံနိုင်သော စစ်သားတဦးဖြစ်လာ၏။သူ့အား လူမှုဆက်ဆံရေးညံ့ဖျင်းသည်ဟု စွပ်စွဲချက်များရှိခဲ့သော်လည်း ရဲဘော်များ ကိုယ်ပင်ပန်း၊ စိတ်ပင်ပန်း ဖြစ်နေချိန်များတွင် စိတ်ဓာတ်ပြန်လည်တက်ကြွလာစေရန် အားပေးခြင်း၊ အငယ်ဆုံးရဲဘော်များကို အထူးဂရု စိုက်ခြင်း၊ စစ်သင်တန်းသားဘ၀၏ ကရိကထများကြောင့်လည်းကောင်း၊ ဂျပန်များကြောင့်လည်းကောင်း၊ နာ ကျည်းစိတ်များ ဆူပွက်လာချိန်တွင် စိတ်လိုက်မာန်ပါမလုပ်ရန် အကြံပေးတိုက်တွန်းခြင်း စသည်တို့ကို သူ စွမ်း ဆောင်နိုင်ခဲ့သည်။ လူငယ်စစ်သင်တန်းသားများသည် ဂျပန်နည်းပြဆရာအချို့ကို လေးစားချစ်ခင်ကြသော် လည်း၊ ဂျပန်စိတ်နေသဘောထားအချို့ကိုမူ များစွာမနှစ်မြို့ရကား ၁၉၄၁ ခုနှစ်ကုန်ပိုင်း မြန်မာပြည်တွင်းသို့ မချီတက်မီကပင် ဗမာနှင့် ဂျပန်တို့အကြား ကတောက်ကဆဖြစ်မှုများ စတင်ပေါ်ပေါက်ခဲ့သည်။ဟိုင်နန်သင်တန်းကျောင်းဆင်းများ၊ ထိုင်းနိုင်ငံနေ မြန်မာများနှင့် မီနာမီအဖွဲ့ဝင်များပါဝင်သော ဗမာ့လွတ်လပ် ရေးတပ်မတော်ကို ၁၉၄၁ ခုနှစ် ဒီဇင်ဘာလတွင် ဘန်ကောက်မြို့၌ တရားဝင်ဖွဲ့စည်းလိုက်၏။ စူဇူကီးသည် ဗိုလ်ချုပ်ကြီးရာထူးဖြင့် တပ်မတော်အကြီးအကဲဖြစ်လာပြီး အောင်ဆန်းသည် ဗိုလ်ချုပ်ရာထူးနှင့် စစ်ဦးစီးချုပ် ဖြစ်လာပါသည်။

အပျံသင်စ တပ်မတော်အဖွဲ့ဝင်များသည် သစ္စာရေသောက်ပြီး အရာရှိများက သူရဲကောင်း ဆန်သော ပါဠိအမည်များကို ခံယူကြပါသည်။ စူဇူကီးသည် ဗိုလ်မိုးကြိုးဖြစ်လာပြီး၊ အောင်ဆန်းသည် ဗိုလ်တေ ဇ ဖြစ်လာသည်။ မိမိတို့အမည်သစ်များနှင့် ထင်ရှားလာမည့် ရဲဘော်သုံးကျိပ်ဝင်များအနက် ဗိုလ်လင်္ကျာ၊ ဗိုလ် စင်္ကြာ၊ ဗိုလ်ဇေယျ၊ ဗိုလ်နေ၀င်း၊ ဗိုလ်ရန်နိုင်၊ ဗိုလ်ကျော်ဇော စသည်တို့ ပါဝင်ပါသည်။ ‘ဗိုလ်ချုပ်တေဇ’ ကမူ ကျောင်းသားခေါင်းဆောင်နှင့် သခင်ခေါင်းဆောင်အဖြစ် တိုင်းပြည်ကသိခဲ့သော အောင်ဆန်းအမည်ကိုသာ ပြန်လည်သုံးစွဲကာ ‘ဗိုလ်ချုပ်အောင်ဆန်း’ ဟူ၍ ပြည်သူတို့ အမြတ်တနိုးထားသော အာဇာနည်သူရဲကောင်းအ ဖြစ် ထင်ပေါ်လာပါသည်။ဗမာ့လွတ်လပ်ရေးတပ်မတော် ဂျပန်များနှင့် ရင်ဘောင်တန်း၍ မြန်မာပြည်တွင်းသို့ ချီတက်လာခြင်းသည် မြန် မာများအတွက် ဂုဏ်ယူဖွယ် ပျော်ရွှင်ဖွယ်ဖြစ်ပါသည်။ ကျဆင်းနေသော မိမိတို့၏အမျိုးသားဂုဏ်သိက္ခာကို ပြန် လည်မြှင့်တင်ပေးလိုက်သကဲ့သို့ ဖြစ်သွားပါသည်။ သို့သော် ဗိုလ်ချုပ်အောင်ဆန်းနှင့်သူ၏ ရဲဘော်ရဲဘက်အချို့ က ရှေ့တွင်ပြဿနာများရှိမည်ကို သိနှင့်ကြပြီ။ ဘန်ကောက်မှာ ရှိနေစဉ်ကပင် မြန်မာပြည်တွင်းသို့ ဂျပန်များ ၀င်လာသောအခါ နိုင်ငံအတွင်းရှိ အမျိုးသားရေးခေါင်းဆောင်များ၏ စီမံလုပ်ဆောင်ချက်ဖြင့် လွတ်လပ်ရေး ကြေညာပြီး နိုင်ငံ၌ ရင်ဆိုင်ရမည့် အခြေအနေကို စီစဉ်ရန် ကြိုးစားခဲ့ကြောင်း ဗိုလ်ချုပ်အောင်ဆန်း မှတ်တမ်း တင်ခဲ့၏။ ထိုကဲ့သို့ မဆောင်ရွက်နိုင်ပါက ပြည်သူလူထုကို စည်းရုံးလှုံ့ဆော်ကာ မြေအောက်တော်လှန်ရေး စ တင်ထားခြင်းဖြင့် ကျူးကျော်ဝင်ရောက်လာသူများ ခြေကုပ်မရနိုင်အောင် အခြေအနေဖန်တီးရန် ဖြစ်၏။

သို့ သော် မြန်မာနိုင်ငံမှာ ကမောက်ကမဖြစ်နေပြီး နိုင်ငံရေးသမားအများစုလည်း ထောင်သွင်းအကျဉ်းချခံဘ၀ ရောက်နေကြရာ အစီအစဉ်နှစ်ခုလုံး လက်တွေ့ကျကျ အကောင်အထည်ဖော်ရန် မဖြစ်နိုင်ပါ။ ဂျပန်များလည်း မြန်မာပြည်ကို ၀င်ရောက်သိမ်းပိုက်လိုက်ပါသည်။ဂျပန်ခေတ်ကား အထင်အမြင်ကြီးခဲ့သမျှ ပြိုကွဲရပြီး မသေချမရေရာမှုများနှင့် ဒုက္ခပေါင်းစုံဖြစ်နေသော ကာလ ဖြစ်ပါသည်။ ဗြိတိသျှတို့ထံမှ လွတ်လပ်ရေးရမည်ဟု မျှော်မှန်းခဲ့သူများသည် အာရှတိုက်သားချင်း၏ ဖနောင့် အောက်သာ ရောက်ရကြောင်း သိလာသောအခါ အကြေကွဲကြီး ကြေကွဲခဲ့ရ၏။ အများက လွတ်လပ်ရေးပေး မည့် ကယ်တင်ရှင်များအဖြစ် ကြိုဆိုခဲ့သော နိပွန်စစ်သားများသည် လူကြိုက်မများသော ဗြိတိသျှတို့ထက်ပင် ဆိုးဝါးသည်ကို တွေ့ရတော့၏။ တနေ့တခြား စက်ဆုပ်ဖွယ်ရာဖြစ်ရပ်များ တိုးပွားလာလေသည်။ ‘ကင်ပေအိ’ (စစ်ပုလိပ်) ဟူသော အမည်သည် ကြောက်မက်ဖွယ်ရာ ဝေါဟာရဖြစ်လာသည်။ လူများ အစအနမကျန် ပျောက်သွားခြင်း၊ အနှိပ်စက်အညှင်းဆဲခံရခြင်း၊ ချွေးတပ်ဆွဲခံရခြင်း စသည်တို့မှာ နိစ္စဓူဝကိစ္စမျှသာဖြစ်သော လောကကြီးတွင် နေတတ်အောင်နေကြရလေသည်။ထို့အပြင် မဟာမိတ်လေတပ်၊ ဂျပန်လေတပ်တို့၏ ဗုံးကြဲဒဏ်၊ စစ်တွင်းရိက္ခာရှားပါးမှုဒဏ်၊ ထောက်လှမ်းရေး သတင်းပေးများဒဏ်၊ စိတ်ဓာတ်နှင့် ယဉ်ကျေးမှုအရ ဖီလာဆန့်ကျင်နေသူများအကြား ဖြစ်ပွားသော ပဋိပက္ခ များ၊ ဘာသာစကားမတူသူတို့အကြား ဖြစ်တတ်သောအထင်အမြင်လွဲမှုများ စသည်ဖြင့် ဒုက္ခအပေါင်းကိုလည်း ထပ်လောင်းခံရပါသေးသည်။ မြန်မာပြည်ရောက် ဂျပန်များအနက် တရားမျှတရေး၊ လူသားချင်းစာနာရေး စိတ်ဓာတ်များအရ ကျင့်ကြံနေထိုင်သူများ ရှိကြသော်လည်း ၎င်းတို့၏ ကောင်းမွန်သော ဆောင်ရွက်ချက်များ သည် စစ်ဝါဒီများ၏ လူမျိုးခွဲခြားရေးစနစ်ကြောင့် အချည်းအနှီးဖြစ်ရပါသည်။မိမိတို့ကတိသစ္စာ တည်ကြည်နိုင်ရန် မြန်မာနိုင်ငံကို လွတ်လပ်ရေးပေးသင့်သည်ဟု ယုံကြည်သော မီနာမီကီ ကန် အဖွဲ့ဝင်များသည် ဖြစ်ပေါ်လာသောအခြေအနေများကြောင့် စိတ်မချမ်းမြေ့ဟန်တူပါသည်။ ၁၉၄၂ ခုနှစ်၊ ရန်ကုန်မြို့ကို ဂျပန်တပ်များသိမ်းပြီးသည်နှင့် ဗိုလ်မိုးကြိုးသည် ဗဟိုအစိုးရတည်ထောင်ကာ သခင်ထွန်းအုပ်ကို ဦးစီးဦးဆောင်ခန့်လိုက်ပါသည်။ ထိုအစိုးရ ကြာကြာမခံပါ။

ဂျပန်တပ်များ တိုင်းပြည်ကို ဆက်လက်သိမ်းပိုက် သည်နှင့်အမျှ ဂျပန်စစ်အုပ်ချုပ်ရေး ကျယ်ကျယ်ပြန့်ပြန့် လွှမ်းမိုးလာကာ မြန်မာနိုင်ငံကို စစ်ရှုံးနယ်မြေတခုကဲ့ သို့ ကိုင်တွယ်လာလေသည်။ဗမာ့လွတ်လပ်ရေးတပ်မတော်၏ အနေအထားသည်လည်း မရေမရာနှင့် အားကျဖွယ်ရာ လုံးဝမရှိပေ။ တပ်မ တော်သည် ချီတက်လာရာ လမ်းတလျှောက် စိတ်အားထက်သန်စွာ ၀င်လာသူများနှင့် ဖောင်းပွနေ၏။ ထိုစစ် သားသစ်များကို ထိရောက်သည့် တိုက်ရည်ခိုက်ရည်ရှိသော တပ်များဖြစ်လာစေရန် စနစ်တကျ၊ စည်းကမ်းရှိရှိ လေ့ကျင့်ပေးရပေဦးမည်။ ဗိုလ်ချုပ်အောင်ဆန်းကား မိမိတပ်များကို အမိန့်ပေးအုပ်ချုပ်ပိုင်ခွင့်မရှိ။ သူသည် ဗိုလ်မိုးကြိုး၏ လက်ထောက်အရာရှိများအနက် အဆင့်မြင့်ဆုံးမျှသာဖြစ်၏။ ဗိုလ်မိုးကြိုးကိုယ်တိုင်လည်း မြန်မာ ပြည်၏ အနာဂတ်အရေးများတွင် သူနှင့် ဗမာ့လွတ်လပ်ရေးတပ်မတော်တို့ မည်သည့်အခန်းကဏ္ဍက ပါဝင်ရ မည်ဟူသော ကိစ္စနှင့်ပတ်သက်၍ စစ်အုပ်ချုပ်ရေးဆိုင်ရာများနှင့် ပြဿနာတက်နေပုံရ၏။ဗိုလ်ချုပ်အောင်ဆန်းနှင့် သူ၏ရဲဘော်ရဲဘက်များကမူ ဗမာ့လွတ်လပ်ရေးတပ်မတော်သည် မြန်မာအရာရှိများ လက်အောက်တွင်သာ ရှိသင့်သည်ဟု ယူဆကြသည်။

ထိုကိစ္စနှင့်ပတ်သက်၍ ဗိုလ်လင်္ကျာက သူ၊ ဗိုလ်ချုပ် အောင်ဆန်းနှင့် အခြားရဲဘော်သုံးကျိပ်ဝင်အချို့ ဗိုလ်မိုးကြိုးနှင့်ရင်ဆိုင်ခဲ့စဉ်က ဇာတ်ဆန်ဆန် အဖြစ်အပျက် အကြောင်းကိုရေးသားခဲ့ဖူး၏။ ရင်ဆိုင်မှု၏ရလဒ်ကား ဗိုလ်ချုပ်အောင်ဆန်းကို ဗမာ့လွတ်လပ်ရေးတပ်မတော် ၏ သေနာပတိချုပ်အဖြစ်၎င်း၊ ဗိုလ်လင်္ကျာကို စစ်ဦးစီးအဖြစ်၎င်း ခန့်အပ်လိုက်ခြင်းဖြစ်ပါသည်။ဗိုလ်ချုပ်အောင်ဆန်းသည် သူ၏အနေအထားနှင့် ပတ်သက်၍လည်းကောင်း၊ မြန်မာနိုင်ငံအခြေအနေနှင့် ပတ် သက်၍လည်းကောင်း စိတ်ကူးယဉ်ပြီး ထင်ယောင်ထင်မှားမဖြစ်ခဲ့ပါ။ လွတ်လပ်ရေးရုန်းကန်မှုကား ဆုံးခန်း တိုင်ရန် များစွာလိုသေးသည်ကို သူသိနားလည်သည့်အလျောက် တပ်မတော်တောင့်တင်းခိုင်မာရန်နှင့် စည်း ကမ်းရှိရန်ကို အာရုံစိုက်ခဲ့၏။ ဗမာ့တပ်မတော်ကို ပါတီနိုင်ငံရေးမှ ကင်းကင်းရှင်းရှင်းနေရန်နှင့် အရပ်သားအုပ် ချုပ်ရေးဖက်တွင် ၀င်ရောက်စွက်ဖက်ခြင်းမပြုရန်ကိုလည်း သူကြိုးပမ်းခဲ့၏။ သို့သော်လည်း နိုင်ငံရေးသမားများ ကို ဗဟိုမဏ္ဍိုင်ပြုကာ ဖွဲ့စည်းခဲ့သော တပ်မတော်အနေနှင့် နိုင်ငံရေးနှင့် ကင်းကင်းရှင်းရှင်း နေနိုင်ဖို့ရန်မှာ အ ချိန်များစွာမှ နှောင်းသွားပြီဖြစ်ကြောင်း သူ ဧကန်သိရှိခဲ့မည်ဖြစ်သည်။၁၉၄၂ ခုနှစ် ဇူလိုင်လတွင် ဗိုလ်မိုးကြိုး မြန်မာပြည်မှ ထွက်ခွာသွားပါသည်။ ဗမာ့လွတ်လပ်ရေးတပ်မတော်ကို ဗမာ့ကာကွယ်ရေးတပ်မတော်အဖြစ် ပြန်လည်ဖွဲ့စည်းလိုက်ပြီး အောင်ဆန်းသည် ဗိုလ်မှူးကြီးရာထူးနှင့် စစ် သေနာပတိဖြစ်လာပါသည်။

သို့သော်လည်း အသစ်ဖွဲ့စည်းလိုက်သော တပ်မတော်၏ အဆင့်ဆင့်၌ ဂျပန်‘အ ကြံပေးအရာရှိ’များ တွဲခန့်အပ်ထားပြီး မြန်မာအရာရှိများ၏ လက်တွေ့အာဏာများကို တင်းကျပ်စွာ ကန့်သတ် ချုပ်ချယ်ထားပါသည်။ သြဂုတ်လတွင် ဂျပန်တပ်များ၏ သေနာပတိချုပ် ဗိုလ်ချုပ်ကြီးအီဒါသည် မြန်မာ့အုပ်ချုပ် ရေးကို တရားဝင်အတည်ပြုလိုက်ကာ ဒေါက်တာဘမော်အား နိုင်ငံတော်အကြီးအကဲအဖြစ် ခန့်အပ်လိုက်ပါ သည်။

အပေါ်ယံအားဖြင့် မြန်မာအစိုးရအာဏာသည် မြန်မာပြည်သူပြည်သားတို့လက်သို့ ကူးပြောင်းသွား သည်ဟု မြင်နိုင်သော်လည်း စင်စစ်မှာတော့ ဂျပန်အုပ်ချုပ်ရေး ခြေကုပ်ရသွားခြင်းပင်ဖြစ်ပါသည်။

အောင်ဆန်း ၄ အားဆက်လက်ဖတ်ရှုရန်
Kyaw Naing
29/1/2014



ဖက်ဆစ်တော်လှန်ရေး

 ဗိုလ်ချုပ်အောင်ဆန်းနှင့် သူ၏ ရဲဘော်ရဲဘက်များသည် ဗမာ့လွတ်လပ်ရေးတပ်မတော်နှင့် ချီတက်လာရာတွင် ပင်ပန်းဆင်းရဲဒဏ် အတော်ကြီးပင် ခံခဲ့ရ၏။ အများအပြားသည် ငှက်ဖျားရောဂါစွဲကပ်၍လည်းကောင်း၊ ခြေ ကုန်လက်ပန်းဖြစ်၍လည်းကောင်း ဆေးရုံတက်ရကြ၏။ ဗိုလ်ချုပ်နှင့် အပေါင်းဖော်အချို့လည်း ရန်ကုန်ဆေးရုံ ကြီးသို့ ရောက်လာလေသည်။ ထိုဆေးရုံကို မိမိတို့အလုပ်တာဝန်အပေါ် အထူးသစ္စာထားသော ဆရာဝန်၊ ဆ ရာမတစုက အခက်အခဲများစွာကြားမှ စီမံဖွင့်လှစ်ထားခြင်းဖြစ်ပါသည်။ ဗိုလ်ချုပ်အောင်ဆန်းသည် မျက်နှာ ထားတည်လွန်း တင်းလွန်းပြီး အရောတ၀င် မနေတတ်သူဟူ၍ အများက သိနေကြပါသည်။ ထို့အပြင် သူရဲ ကောင်းတဦးအဖြစ် တနေ့တခြား နာမည်ထွက်လာနေရာ သူနာပြုဆရာမငယ်များသည် သူ့အနားကပ်ရမည် ကိုပင် ကြောက်ရွံ့နေကြပါသည်။သို့သော် ဆရာမကြီးဖြစ်သူ မခင်ကြည်ကိုယ်တိုင် ဗိုလ်ချုပ်အား ပြုစုရပါသည်။ မခင်ကြည်သည် စွဲမက်ဖွယ်ရာ ရုပ်ရည်နှင့် ချစ်စဖွယ်အမူအယာရှိပြီး မိမိ၏ သူနာပြုလုပ်ငန်းကို စေတနာပြည့်ဝစွာဖြင့် အထူးတာဝန်သိသိ ဆောင်ရွက်ခြင်းကြောင့် လူနာများနှင့် လုပ်ဖော်ကိုင်ဖက်များက လေးစားချစ်ခင်ကြပါသည်။

ဆရာမ မခင် ကြည်သည် ဗိုလ်ချုပ်ကို ပြုစုရာ၌ တင်းသင့်သည့်နေရာတွင် တင်းသော်လည်း ယုယကြည်သာစွာ စိတ်ရှည်စွာ ဆက်ဆံပါသည်။ အလွန်ကြောက်မက်ဖွယ်ကောင်းပါသည်ဟူသော စစ်သေနာပတိကြီးလည်း အစွဲကြီးစွဲသွား ပါတော့သည်။ ဗိုလ်ချုပ်အောင်ဆန်းသည် ရှက်တတ်၍လည်းကောင်း၊ သူ၏ ဘ၀ရည်မှန်းချက်အပေါ် တာဝန် သိစိတ်ပြင်းထန်၍လည်းကောင်း အမျိုးသမီးများနှင့် ခပ်ခွာခွာနေခဲ့၏။အကျင့်သီလနှင့်ပတ်သက်၍ တင်းတင်းကြပ်ကြပ် တွေးခေါ်သူတဦးဖြစ်ရကား တိုကျိုမြို့၌ စူဇူကီးက အမျိုးသ မီး အလိုရှိပါက စီစဉ်ပေးမည်ဟု ကမ်းလှမ်းသော်လည်း ဗိုလ်ချုပ် အံ့သြတုန်လှုပ်သွားပါသည်။ စူဇူကီးအနေနှင့် ဂျပန်ယဉ်ကျေးမှုအရ ဧည့်ဝတ်ကျေစေရန် ပြောခဲ့ပုံရပါသည်။ သို့သော် ဗိုလ်ချုပ်ကတော့ သူ့အား ‘အကျင့်စာ ရိတ္တ ပျက်ပြားယုတ်ညံ့သွားအောင် ကြိုးစားနေလေရော့လား’ ဟု သံသယစိတ်ဝင်ခဲ့၏။ ဗိုလ်ချုပ်အောင်ဆန်း သည် သူ့စိတ်ကိုသူ ကောင်းစွာသိသည့်အပြင် ပွင့်လင်းပြတ်သားစွာ လုပ်တတ်သူလည်း ဖြစ်ပါသည်။ သို့ဖြင့် ရှည်ရှည်ဝေးဝေး လူပျိုလှည့်ခြင်းမျိုး မလုပ်နေဘဲ ၁၉၄၂ ခုနှစ် စက်တင်ဘာလ ၆ ရက်နေ့တွင် ဆရာမ မခင် ကြည်နှင့် လက်ထပ်ထိမ်းမြားလိုက်ပါသည်။“ဒေါ်ခင်ကြည်သည် အောင်ဆန်းကို လက်ထပ်ရာ၌ လူပုဂ္ဂိုလ်တဦးကိုသာ လက်ထပ်လိုက်သည်မဟုတ်၊ ကံအ ကြောင်းတရားတရပ်ကိုပါ လက်ထပ်လိုက်ခြင်းဖြစ်သည်” ဟု အပြောရှိခဲ့ပါသည်။

ဗိုလ်ချုပ်အောင်ဆန်းက လည်း သူ၏ ဘ၀ကြင်ဖော်အနေနှင့် ရှိအပ်သောသတ္တိနှင့် နွေးထွေးသော မေတ္တာတို့ကို ပိုင်ဆိုင်နိုင်ရုံသာမက သူကွယ်လွန်သွားပြီးနောက် သူ၏ စံတင်ထားမှုများကို ဂုဏ်သရေရှိရှိ၊ ကြံ့ကြံ့ခိုင်ခိုင် ထိန်းသိမ်းသွားမည့် အ မျိုးသမီးတဦးကို လက်ထပ်လိုက်ခြင်းဖြစ်ပါသည်။ ဗိုလ်ချုပ်တို့၏ အိမ်ထောင်ရေးကား သာယာအောင်မြင်ပါ သည်။သူတို့လေးစားမြတ်နိုးလှသော လူငယ်ဗိုလ်ချုပ် အိမ်ထောင်ပြုသွားသဖြင့် ကနဦးတွင် စိတ်မချမ်းသာဖြစ်ခဲ့ သော ရဲဘော်များလည်း လျင်မြန်စွာပင် သဘောတူကျေနပ်လာလေသည်။ အိမ်ထောင်သည်ဖြစ်လာပြီး နောက် ဗိုလ်ချုပ်အောင်ဆန်း၏ နူးညံ့ပျော့ပြောင်းသော အသွင်လက္ခဏာများ ပိုမိုတောက်ပြောင်လာသည်။ သူ သည်ခင်ပွန်းသည်တဦးအနေနှင့်လည်းကောင်း၊ ဖခင်တဦးအနေနှင့်လည်းကောင်း ကြင်နာယုယတတ်၏။ သူ ၏ ခက်ခဲ အန္တရာယ်များသောဘ၀ကို အတူရင်ဆိုင်ရန် စွမ်းရည်၊ နားလည်မှုတို့နှင့်ပြည့်စုံသော ဘ၀ကြင်ဖော် သူ၏အနား၌ ရှိနေခြင်းသည် အရေးကြီးသောလုပ်ငန်းများဆောင်ရွက်ရာ၌ သူ့ကို အားပြည့်စေသည်ဟု ယုံမှား သံသယရှိဖွယ် မဟုတ်ချေ။၁၉၄၃ ခုနှစ် မတ်လတွင် အောင်ဆန်းအား ဗိုလ်ချုပ်အဆင့်သို့ တိုးမြှင့်ခန့်အပ်လိုက်ပြီး ဂျပန်ဘုရင်မင်းမြတ်ထံ မှ ဘွဲ့တံဆိပ်ရယူရန် ဂျပန်သို့ဖိတ်ကြားပါသည်။ တိုကျိုသို့သွားသောအဖွဲ့ကို ဒေါက်တာဘမော်ဦးဆောင်ပြီး ထို အဖွဲ့တွင် ဗိုလ်ချုပ်အောင်ဆန်းအပြင် ဒေါက်တာသိမ်းမောင်နှင့် သခင်မြတို့ပါဝင်ပါသည်။ ဇန်န၀ါရီလအတွင်း က ဂျပန်ဝန်ကြီးချုပ်တိုဂျိုသည် မြန်မာနိုင်ငံ မကြာမီလွတ်လပ်ရေးရတော့မည်ဟု ကြေညာထားပြီးဖြစ်ပါသည်။

မြန်မာအဖွဲ့ပြန်လာသောအခါ သဘောတူညီချက်စာတမ်းတစောင် သယ်ယူလာခဲ့ပါသည်။ဗိုလ်ချုပ်အောင်ဆန်း၏ ခပ်ပြတ်ပြတ်စကားအသုံးအနှုန်းအရ စာတမ်းပါအကြောင်းအရာများမှာ “မြန်မာနိုင်ငံ သည် ၁၉၄၃ ခုနှစ် သြဂုတ်လ (၁) ရက်နေ့တွင် လွတ်လပ်ရေးရမည်ဖြစ်ပြီး ကျွန်ုပ်တို့တွေ စာချုပ်အချို့ကို ချုပ် ဆိုရန် စသဖြင့်” ဖြစ်ပါသည်။ စာတမ်းကို အလွန်အမင်း အရေးထားခြင်း မရှိခဲ့ပါ။ အစီအစဉ်အတိုင်း သြဂုတ်လ (၁) ရက်နေ့တွင် မြန်မာပြည်ကို လွတ်လပ်သော အချုပ်အခြာအာဏာပိုင်နိုင်ငံအဖြစ်လည်းကောင်း၊ “မဟာ အရှေ့အာရှသာတူညီမျှ ကြီးပွားရေးနယ်မြေ”၏ တန်းတူညီတူအဖွဲ့ဝင်နိုင်ငံအဖြစ်လည်းကောင်း ကြေညာလိုက် ပါသည်။ဒေါက်တာဘမော်အား အဓိပတိဟူသောဘွဲ့နှင့် နိုင်ငံခေါင်းဆောင် ၀န်ကြီးချုပ်အဖြစ် ခန့်အပ်လိုက်ပြီး ဗိုလ်ချုပ် အောင်ဆန်းကား စစ်ဝန်ကြီးဖြစ်လာပါသည်။

မြန်မာ့အမျိုးသားတပ်မတော်ဟု အမည်သစ်ပြောင်းထားသော ဗမာ့တပ်မတော် ထိရောက်မှုမရှိစေရန် ဂျပန်တို့ နည်းပရိယာယ်မျိုးစုံ သုံးစွဲပါတော့သည်။ ပထမတွင် တပ်များ ကို နိုင်ငံအ၀ှမ်းဖြန့်ကြဲထားသည်။ ထို့နောက် နေရာအချို့တွင် စုပြုံထားပြန်သည်။ စစ်ဝန်ကြီးဌာနနှင့် တပ်များ အကြား ဆက်သွယ်ရေးခက်ခဲစေရန် ဖြစ်ပါသည်။ဗိုလ်ချုပ်အောင်ဆန်းကား မတုန်မလှုပ်။ ဂျပန်တွေအကြံပေးသမျှကို သဘောတူလိုက်ကာ သူ့ထင်မြင်ချက်များ ကို လူသိမပေးဘဲ သူ့အစီအစဉ်နှင့်သူ ဆက်လုပ်သွားပါသည်။ တိုကျိုမှ ပြန်ရောက်လာချိန်လောက်တွင် ဗိုလ် ချုပ်အောင်ဆန်းသည် ဗိုလ်လင်္ကျာ၊ ဗိုလ်ဇေယျ၊ ဗိုလ်နေ၀င်းနှင့် ဗိုလ်ကျော်ဇောတို့အပါအ၀င် သူ၏ အရာရှိအ ချို့ကိုခေါ်၍ တော်လှန်ရေးစတင်ရန်အချိန်ကို တိုင်ပင်ဆွေးနွေးပါသည်။ အရာရှိများက အခြေအနေ ပိုမိုစိတ် ချရသည်အထိ စောင့်ဆိုင်းရန် အကြံပေးပါသည်။ တဖန် သခင်သန်းထွန်းနှင့်တိုင်ပင်ရာ ၎င်းကလည်း တော် လှန်ရေးစရန် အချိန်မတန်သေးဟုတင်ပြသဖြင့် ဗိုလ်ချုပ်လည်း စိတ်ပါလက်ပါမရှိလှသော်လည်း စောင့်ဆိုင်း ရန် သဘောတူလိုက်ပါသည်။

အခြားကွန်မြူနစ်များ၊ အထူးသဖြင့် သခင်စိုးနှင့် သခင်သိန်းဖေတို့သည် ဗြိတိသျှတို့ ဆုတ်ခွာသွားသဖြင့် သူတို့ ထောင်မှလွတ်သည့် အချိန်မတိုင်ခင်ကပင် ဂျပန်တော်လှန်ရေးတရားဟောခဲ့၏။ ဂျပန်တပ်များ ချီတက်လာ သည်နှင့် သူတို့နှစ်ဦး တောခိုသွားပါသည်။ သခင်သိန်းဖေသည် ဗိုလ်ချုပ်အောင်ဆန်းနှင့် ဗိုလ်နေ၀င်းတို့ကို ရွှေဘို၌ ခဏတွေ့ပြီး ဗြိတိသျှတပ်များနှင့် အဆက်အသွယ်ရရေး ကြိုးပမ်းရန် အိန္ဒိယသို့ ထွက်ခွာသွားပါသည်။၁၉၄၃ ခုနှစ် နိုဝင်ဘာလရောက်ချိန်တွင် တော်လှန်ရေးအစီအစဉ်များ အတော်ပင်ခရီးရောက်နေပြီဖြစ်ရကား မြန်မာနိုင်ငံတောတောင်များထဲတွင် ပြောက်ကျားတပ်များဖွဲ့စည်းရန် ကြိုးစားနေသော ဗိုလ်မှူးစီဂရင်း ခေါ် ဗြိ တိသျှတပ်မတော်အရာရှိသည် ‘ဗမာ့ကာကွယ်ရေးတပ်မတော်မှ အောင်ဆန်းဆိုသူသည် အခါအခွင့်ကြုံလာ လျှင် သူ၏တပ်များနှင့် ဂျပန်ကို ပြန်တိုက်ရန်စီစဉ်နေသည်’ ဟု အိန္ဒိယသို့ သတင်းပို့ခဲ့ပါသည်။ လောလော ဆယ် တွင်မူ တော်လှန်ရေးအစီအစဉ်များ ပြီးစီးသည်အထိ ဗိုလ်ချုပ်အောင်ဆန်းသည် ဂျပန်တို့၏ သံသယစိတ် များ ပျောက်ကွယ်သွားစေရန် အားထုတ်ရပါသည်။ သို့သော်လည်း သူသည် လက်ရှိလွတ်လပ်ရေးသည် အတု အယောင်မျှသာဖြစ်ကြောင်း၊ စစ်မှန်သောလွတ်လပ်ရေးရရှိရန် ရုန်းကန်ရမည်ဖြစ်ကြောင်းကို သူ၏မိန့်ခွန်းများ တွင် ပြည်သူတို့အား အသိပေးခဲ့၏။၁၉၄၂ ခုနှစ်ကုန်ပိုင်းတွင် ကရင်များနှင့် ဗမာ့လွတ်လပ်ရေးတပ်မတော်အတွင်းမှ တာဝန်မဲ့သူတို့အကြား ပေါ် ပေါက်ခဲ့သော ပဋိပက္ခတို့မှစ၍ သွေးထွက်သံယိုမှုနှင့် လူမျိုးရေးအဓိကရုဏ်းများ ဖြစ်ပွားလာသည်။

ဗိုလ်ချုပ် အောင်ဆန်းသည် မြန်မာနိုင်ငံရှိ တိုင်းရင်းသားများအကြား ဆက်ဆံရေးကောင်းမွန်မှုကို အထူးအလေးပေးခဲ့ ၏။ ထိုကဲ့သို့ ဆက်ဆံရေးကောင်းမှသာလျှင် နိုင်ငံစည်းလုံးညီညွတ်မည်ဖြစ်ကြောင်း သူ ကောင်းစွာသဘော ပေါက်ခဲ့၏။ စူဇူကီးအတွက် သခင်အောင်ဆန်းရေးဆွဲခဲ့သော ‘မြန်မာနိုင်ငံ စီမံကိန်း’တွင် ‘ယခုအခါ၌ ဗြိတိသျှ ပယောဂကြောင့် လူများစုဖြစ်သော ဗမာတို့နှင့် ရခိုင်၊ ရှမ်း စသော တောင်ပေါ်တိုင်းရင်းသားများအကြားတွင် တည်ရှိနေသော ကွာဟချက်များ ကျဉ်းမြောင်းသွားစေပြီး အားလုံးတန်းတူညီမျှရှိသော နိုင်ငံထူထောင်ရန်’ လို အပ်ကြောင်းကို အလေးအနက်ဖော်ပြခဲ့ပါသည်။ကရင်-ဗမာအဓိကရုဏ်းသည် သူ့အား များစွာဒေါမနဿဖြစ်စေပါသည်။ ၁၉၄၃ ခုနှစ်နောက်ပိုင်းတွင် ဗိုလ်ချုပ် အောင်ဆန်း၊ သခင်သန်းထွန်းနှင့် ဗိုလ်လင်္ကျာတို့သည် ဤလူမျိုးစုနှစ်စုအကြား ငြိမ်းချမ်းရေးနှင့် နားလည်မှုရ ရှိစေရန် အပန်းတကြီး ဆောင်ရွက်ခဲ့ပါသည်။ ၎င်းတို့၏ စုပေါင်းကြိုးပမ်းမှုမှ သီးပွင့်လာသော အကျိုးကား က ရင်ခေါင်းဆောင်များ မြန်မာခေါင်းဆောင်တို့အား ယုံကြည်စိတ်ချလာခြင်းနှင့် မြန်မာ့တပ်မတော်အတွင်း ကရင် တပ်ရင်းတခု ဖွဲ့စည်းလိုက်ခြင်းဖြစ်ပါသည်။

ဗိုလ်ချုပ်အောင်ဆန်း အစောတလျင် ကိုင်တွယ်ရန်လိုနေသော နောက်ကိစ္စတရပ်မှာ ကွန်မြူနစ်များနှင့် ပြည် သူ့အရေးတော်ပုံပါတီအတွင်းမှ ဆိုရှယ်လစ်များအကြား တနေ့တခြား ကြီးထွားနေသော အာဃာတများပင် ဖြစ်ပါသည်။ ကွန်မြူနစ်ခေါင်းဆောင်များမှာ ဂျပန်ခေတ်တလျှောက်လုံး တောခိုနေခဲ့သော သခင်စိုး၊ သစ် တောနှင့် လယ်ယာစိုက်ပျိုးရေးဝန်ကြီးဖြစ်နေသော သခင်သန်းထွန်းနှင့် သခင်ဗဟိန်းတို့ ဖြစ်ကြပါသည်။ ဦး ကျော်ငြိမ်းနှင့် ဦးဘဆွေတို့သည်ကား ထင်ရှားသော ဆိုရှယ်လစ်ခေါင်းဆောင်နှစ်ဦး ဖြစ်ပါသည်။ဗိုလ်ချုပ်အောင်ဆန်းသည် နှစ်ဖက်ခေါင်းဆောင်များအကြား ပြေလည်စေရန် အထူးကြိုးပမ်းခဲ့ပါသည်။ စေ့စပ် ဖြန်ဖြေရေးကို အမြန်ဆုံးဆောင်ရွက်ရန်လိုအပ်နေခြင်းမှာ နိုင်ငံရေးသဘောထားကွဲလွဲမှုများသည် တပ်မတော် ထဲသို့ စိမ့်ဝင်နေကာ ရဲဘော်များ၏ ညီညွတ်ရေးနှင့် တော်လှန်ရေး၏ အောင်မြင်ရေးတို့ကို ခြိမ်းခြောက်နေ၍ ဖြစ်ပါသည်။ ထို့အပြင် သခင်စိုးသည် ဖက်ဆစ်ဆန့်ကျင်ရေးစည်းရုံးဆော်သြရာတွင် တပ်မတော်ကို ထိခိုက်နစ် နာစေသော ၀ါဒဖြန့်ချိရေး ပြုလုပ်နေသဖြင့် တပ်အတွင်း မကျေနပ်မှုများ ဖြစ်ရုံသာမက ဗိုလ်ချုပ်အောင်ဆန်း လည်း ဒေါသထွက်ရပါသည်။

လပေါင်းများစွာ သဘောထားချင်းဖလှယ်ပြီးနောက် ဗိုလ်ချုပ်အောင်ဆန်းသည် သခင်စိုး၊ သခင်သန်းထွန်း၊ သ ခင်ဗဟိန်းတို့နှင့် ၁၉၄၄ ခုနှစ် သြဂုတ်လတွင် ရက်အနည်းငယ်ကြာ လျှို့ဝှက်စည်းဝေးပါသည်။ ဗိုလ်ချုပ်အောင် ဆန်း၏ ဖက်ဆစ်ဆန့်ကျင်ရေးအဖွဲ့ တည်ထောင်ရန်အဆိုကို ဆွေးနွေးကြပြီး အဖွဲ့၏ ကြေညာစာတမ်းနှင့် စု ပေါင်းဆောင်ရွက်ရမည့် စီမံကိန်းတရပ်ကို သဘောတူအတည်ပြုလုပ်ပါသည်။ များမကြာမီ ကွန်မြူနစ်ခေါင်း ဆောင်များနှင့် ပြည်သူ့အရေးတော်ပုံပါတီခေါင်းဆောင်များ အတူစည်းဝေးရန်စီစဉ်လိုက်ပြီး၊ ထိုအစည်းအဝေး ၌ ဗိုလ်ချုပ်အောင်ဆန်းသည် “ဖက်ဆစ်ဓါးပြများကို တိုက်ထုတ်ကြလော့” ခေါင်းစဉ်ပါ ကြေညာစာတမ်းကိုဖတ် ကာ တော်လှန်ရေးကို တရားဝင်အကောင်အထည်ဖော်လိုက်ပါသည်။အဖွဲ့၌ သခင်စိုးသည် နိုင်ငံရေးခေါင်းဆောင်ဖြစ်ပြီး သခင်သန်းထွန်းသည် အထွေထွေအတွင်းရေးမှူးတာဝန်နှင့် မဟာမိတ်များနှင့်ဆက်သွယ်ရေး တာဝန်တို့ကိုယူကာ ဗိုလ်ချုပ်အောင်ဆန်းသည် စစ်ရေးခေါင်းဆောင်ဖြစ်ပါ သည်။

ထိုအချိန်၌ လူငယ်တပ်မတော်အရာရှိအချို့သည် စတင်လှုပ်ရှားရန် ဇောကြီးကာ သခင်ခေါင်းဆောင် အချို့နှင့် တပ်မတော်အဆင့်မြင့်အရာရှိအချို့တို့ကိုသာ တိုင်ပင်လေ့ရှိသော ဗိုလ်ချုပ်၏ ဆိတ်ဆိတ်နေမှု ကြောင့် မချင့်မရဲဖြစ်နေကြပါသည်။ ၎င်းတို့သည် တော်လှန်ရေးတရပ်ကို မိမိတို့ဖာသာစတင်ရန် ကြံစည်ကြပါ သည်။ ဤကိစ္စကို ဗိုလ်ချုပ်အောင်ဆန်း သိသွားသောအခါ ၎င်းတို့အား ဖက်ဆစ်ဆန့်ကျင်ရေးအဖွဲ့၏ လှုပ်ရှားမှု ထဲ၌ တိကျသော အခန်းကဏ္ဍများ စီစဉ်ပေးခြင်းဖြင့် အခြေအနေကို ပြေလည်စေခဲ့ပါသည်။ အတွင်းအင်အားစု များ၏ ညီညွတ်မှုရယူပြီးနောက် တော်လှန်ရေးအစီအစဉ် အပြီးသတ်နိုင်ရန် မဟာမိတ်တပ်များနှင့် မည်ကဲ့သို့ သော သဘောတူညီမှုများ ရနိုင်မည်ကိုသာ သိရှိရန်လိုပါတော့သည်။ဗိုလ်ချုပ်အောင်ဆန်းနှင့် အပေါင်းအဖော်များသည် ပြည်ပအကူအညီ ရသည်ဖြစ်စေ၊ မရသည်ဖြစ်စေ ဂျပန်ကို တော်လှန်ရန် ဆုံးဖြတ်ချက်ချပြီးဖြစ်သော်လည်း အောင်မြင်မှုများ ပို၍ပို၍ရနေသော မဟာမိတ်တပ်များနှင့် ပူး ပေါင်းဆောင်ရွက်ခြင်းဖြင့် လက်တွေ့အကျိုးအမြတ်များ ရရှိနိုင်မည်ဖြစ်ကြောင်း ထင်ရှားလာပါသည်။ အမှန်မှာ နိုင်ငံအ၀ှမ်း မြန်မာတပ်များ ဂျပန်တို့ကို စတင်တော်လှန်သော ၁၉၄၅ ခုနှစ် မတ်လ ၂၇ ရက်နေ့ရောက်သည့် တိုင် ဗြိတိသျှတို့နှင့် ရှင်းလင်းသောသဘောတူညီချက် မရရှိသေးပေ။

ထိုနေ့မတိုင်မီ (၁၀) ရက်အလိုက ဗိုလ် ချုပ်အောင်ဆန်းသည် ရန်ကုန်မြို့၌ စစ်ရေးပြအခမ်းအနားတရပ်တွင် ပါဝင်ပြီးနောက် သူ၏ တပ်များနှင့် အတူ စစ်လေ့ကျင့်ခန်းဆင်းရန်ဟု အကြောင်းပြကာ မြို့တော်မှ ထွက်ခွာခဲ့ပါသည်။ဗိုလ်ချုပ်ကြီးစလင်း၏ တပ်မ (၁၄) သည် ဧရာဝတီမြစ်ကို မန္တလေးမြောက်ပိုင်းမှ ဖြတ်ကူးနေပြီး၊ သခင်သန်း ထွန်းသည် ဗြိတိသျှတပ်မတော်အရာရှိတဦးနှင့်ဆုံရန် တောင်ငူသို့ ထွက်ခွာသွားပေပြီ။ များမကြာမီ တော်လှန် ရေးရေစီးကြောင်းကား တဟုန်တည်း စီးဆင်းလာပေတော့သည်။ မေလ (၁၅) ရက်နေ့တွင် ဗိုလ်ချုပ်အောင် ဆန်းသည် လက်ထောက်အရာရှိတဦးနှင့်အတူ စလင်းနှင့်တွေ့ဆုံရန် ၎င်း၏ဌာနချုပ်သို့ ရောက်သွား၏။တွေ့ဆုံရာတွင် ဗိုလ်ချုပ်အောင်ဆန်းသည် မိမိကိုယ်မိမိ မြန်မာနိုင်ငံယာယီအစိုးရ၏ကိုယ်စားလှယ်အဖြစ် မိတ် ဆက်ပြီး၊ မဟာမိတ်စစ်ဦးစီးတဦးအဖြစ် အသိအမှတ်ပြုရန် ရဲရဲတင်းတင်း တောင်းဆိုလိုက်ပါသည်။ ဗြိတိသျှ ဗိုလ်ချုပ်ကြီးထံမှ လိုက်လျောမှုအများဆုံးရရှိနိုင်ရန် တဖက်ကကြိးစားလျက် တဖက်ကလည်း လက်တွေ့ကျကျ တွေးမြင်တတ်ကြောင်း၊ ပူးပေါင်းဆောင်ရွက်လိုကြောင်း၊ မိမိနှင့်ဆက်ဆံသူများ စိတ်ခွေ့ရလောက်အောင် ရိုး သားဖြောင့်မတ်ကြောင်းတို့ကို ဗိုလ်ချုပ်အောင်ဆန်း ပြသခဲ့ရာ စလင်း၏ နှစ်သက်သဘောကျမှုနှင့် လေးစားမှု တို့ကို ရရှိခဲ့၏။စလင်း၏စကားအရ “သူနှင့်ပတ်သက်၍ ကျနော် မှတ်မှတ်ရရကြီး သတိပြုမိသည်ကတော့ သူ၏ရိုးသားဖြောင့် မတ်မှုဖြစ်ပါသည်။ သူသည် အာသွက်လျာသွက် အကြိုက်လိုက် အာမခံချက်ပေးခြင်းမျိုးမရှိ။ လွယ်လွယ်နှင့် ကတိမပေး။

သို့သော် တခုခုလုပ်ပါမည်ဟုသဘောတူခဲ့လျှင်တော့ စကားတည်မည့်သူဟု ကျနော်မြင်ပါသည်။” ဗိုလ်ချုပ်အောင်ဆန်းနှင့် ဗိုလ်ချုပ်ကြီးစလင်းတို့ တွေ့ဆုံပြီးနောက် မြန်မာတပ်များနှင့် ဗြိတိသျှတပ်များ ပူးတွဲ၍ ဂျပန်တို့ကို တိုက်လေရာ ဂျပန်တပ်များ အလျင်အမြန် ပြိုကွဲသွားပါသည်။ ဇွန်လ (၁၅) ရက်နေ့တွင် ရန်ကုန်မြို့ အောင်ပွဲစစ်ချီအခမ်းအနားများ ကျင်းပရာ၌ ဗြိတိသျှအင်ပိုင်ယာတပ်များ၊ မဟာမိတ်တပ်များနှင့်အတူ မြန်မာ့ တပ်မတော်ကလည်း ပါဝင်ခဲ့ပါသည်။ ဂျပန်တော်လှန်ရေးကား ပြီးဆုံးသွားပေသည်။အမျိုးသားရေးလှုပ်ရှားနေသောမြန်မာများသည် တူညီသောရည်မှန်းချက်အောင်မြင်စေရန် ၀ါဒရေးရာမတိုက် ဆိုင်မှုများနှင့် ပုဂ္ဂိုလ်ရေးဆန်သော သဘောထားများကို ဘေးဖယ်ခဲ့သော ဂုဏ်ယူဖွယ်အကောင်းဆုံး အချိန် ကာလဖြစ်ပါသည်။ ၁၉၄၅ ခုနှစ် သြဂုတ်လတွင် ကျယ်ပြန့်သော လူမှုရေးနှင့် နိုင်ငံရေးအင်အားစုများကို ကိုယ် စားပြုသော ပုဂ္ဂိုလ်များနှင့် အဖွဲ့အစည်းများပါဝင်နိုင်ရန် ဖက်ဆစ်ဆန့်ကျင်ရေးအဖွဲ့ကို တိုးချဲ့ဖွဲ့စည်းပြီး ‘ဖက် ဆစ်ဆန့်ကျင်ရေး ပြည်သူ့လွတ်မြောက်ရေးအဖွဲ့ချုပ်’ (ဖဆပလ) ဟူ၍ အမည်သစ်ပေးလိုက်ပါသည်။


အောင်ဆန်း ၅ အားဆက်လက်ဖတ်ရှုရန်
Kyaw Naing
29/1/2014

ဗြိတိသျှနှင့် စေ့စပ်ဆွေးနွေးခြင်း

ဂျပန်တို့ကို မဟာမိတ်များနှင့်ပေါင်း၍တိုက်ခိုက်ရန် ဖက်ဆစ်ဆန့်ကျင်ရေးအဖွဲ့၏ကမ်းလှမ်းချက်ကို ဗြိတိသျှတို့ လက်ခံခဲ့ခြင်းမှာ အရှေ့တောင်အာရှမဟာမိတ်တပ်များ၏ စစ်ဦးစီးချုပ် လော့ဒ်မောင့်ဘက်တင်၏ နိုင်ငံရေးပါး နပ်အမျှော်အမြင်ရှိမှုတို့ကြောင့် ဖြစ်ပါသည်။ ၁၉၄၂ ခုနှစ် မြန်မာနိုင်ငံမှ ဗြိတိသျှတို့ ဆုတ်ခွာပြီးနောက် အိန္ဒိယ တွင် အဝေးရောက်အစိုးရရုံးစိုက်ခဲ့ပါသည်။ ထိုအစိုးရကိုလွှမ်းမိုးနေသော အရာရှိများသည် အမျိုးသားရေးစိတ် ပြင်းထန်သောလူငယ်များက ၎င်းတို့၏ သြဇာကို စိန်ခေါ်ခြင်းနှင့် ၎င်းတို့၏အုပ်ချုပ်ရေး ၀ရုန်းသုန်းကားဖြစ်စေ ရန် လှုပ်ရှားခဲ့သည်ကို ခံခဲ့ရသူများဖြစ်ပေသည်။

ဤအရာရှိများသည် ဖဆပလနှင့်ပူးပေါင်းဆောင်ရွက်မှုမှန်သ မျှကို လုံးဝဆန့်ကျင်၍ ဗြိတိသျှတို့ မြန်မာနိုင်ငံကို ပြန်လည်သိမ်းပိုက်ပြီးစ စစ်အုပ်ချုပ်ရေးကာလအတွင်း ဖဆပ လကို မတရားသင်းကြေညာကာ ဗိုလ်ချုပ်အောင်ဆန်းကို နိုင်ငံတော်သစ္စာဖောက်အဖြစ် ဖမ်းဆီးရန် လိုလားကြ ပါသည်။ပိုမို၍ အဓိဌာန်ကျစွာရှုမြင်နိုင်သော အနေအထားတွင်ရှိနေသော မောင့်ဘက်တင်ကမူ မြန်မာနိုင်ငံကိစ္စများကို ငြိမ်းချမ်းစွာဖြေရှင်းနိုင်ရာတွင် မြန်မာလူထုကြီးက မိမိတို့လွတ်မြောက်ရေးကို ဆောင်ကြဉ်းပေးခဲ့သူဟူ၍ အသိ အမှတ်ပြုထားသော ပုဂ္ဂိုလ်၏ ပူးပေါင်းဆောင်ရွက်မှုကို ရယူရန် လိုအပ်မည်ကို နားလည်သည်။ လူထု၏ စိတ် နေသဘောထားနှင့် ကင်းကွာနေသော စစ်အုပ်ချုပ်ရေးခေါင်းဆောင် အရပ်သားအရာရှိ၏နေရာတွင် လျင်မြန် စွာပင် ၀ါရင့်တပ်မတော်အရာရှိတဦးဖြစ်သူ ဗိုလ်ချုပ်ရန်စ်အား ခန့်အပ်လိုက်ပါသည်။

ဗိုလ်ချုပ်အောင်ဆန်း ဖြေရှင်းရသော လတ်တလော ပြဿနာတရပ်မှာ ဗမာ့မျိုးချစ်တပ်မတော်ဟု အမည် ပြောင်းထားသော မြန်မာ့တပ်မတော်၏ အနာဂတ်အရေးဖြစ်ပါသည်။ တပ်များကို ကျွေးမွေးရေးနှင့် လက်နက် တပ်ဆင်ပေးရေး လုပ်ငန်းများသည် လွန်စွာမှ ခက်ခဲနေ၏။ မဟာမိတ်တို့ စစ်အောင်ပွဲခံပြီးနောက် ဗိုလ်ချုပ် အောင်ဆန်းသည် မောင့်ဘက်တင်နှင့် တွေ့ဆုံဆွေးနွေး၍ ဗမာ့မျိုးချစ်တပ်မတော်ဝင်များသည် မိမိတို့ဆန္ဒအ လျောက် ဗြိတိသျှလက်အောက်ရှိ မြန်မာ့တပ်မတော်ထဲသို့ ၀င်လိုက ၀င်နိုင်စေရန် သဘောတူလိုက်ပါသည်။ဤသဘောတူညီချက်၏ အသေးစိတ်အချက်များကို ၁၉၄၅ ခုနှစ် စက်တင်ဘာလတွင် မဟာမိတ်စစ်ဦးစီးဌာန နှင့် ဗိုလ်ချုပ်အောင်ဆန်း၊ ဗိုလ်လင်္ကျာ၊ သခင်သန်းထွန်းတို့ပါဝင်သော မြန်မာကိုယ်စားလှယ်အဖွဲ့တို့ ကန္ဒီအ စည်းအဝေး၌ ဆုံးဖြတ်ခဲ့ကြသည်။ ကန္ဒီသို့အသွား ကိုယ်စားလှယ်အဖွဲ့ဝင်အချို့ ကာလကတ္တားမြို့တွင် ခေတ္တခ ဏရပ်စဉ် သခင်သိန်းဖေနှင့်တွေ့ဆုံပြီး ဗိုလ်ချုပ်အောင်ဆန်း၏ အနာဂတ်အရေးကို ဆွေးနွေးကြ၏။ သဘော ထားအမြင်တခုအရ လာမည့်နိုင်ငံရေးတိုက်ပွဲတွင် ဗိုလ်ချုပ်ပါဝင်ရန် လိုအပ်သည်။

“သူသည်သာ အမျိုးသား ရေးအင်အားစုအပေါင်းကို ညီညွတ်သော တပ်ဦးတရပ်ဖြစ်လာစေရန် စွမ်းဆောင်ပြီး ခေါင်းဆောင်မှုပေးနိုင် မည့် တဦးတည်းသော ပုဂ္ဂိုလ်ဖြစ်သည်။”သခင်သိန်းဖေမှအပ အခြားကွန်မြူနစ်များတင်ပြသော အခြားအမြင်တခုအရ ဗိုလ်ချုပ်သည် နိုင်ငံရေးခေါင်း ဆောင်တဦးရှိသင့်သော အရည်အချင်းပေါင်းစုံမရှိ၊ လူမှုဆက်ဆံရေး ညံ့ဖျင်းနေပြီး နိုင်ငံရေးနည်းပရိယာယ်မ ကျွမ်းကျင်၊ ထို့ကြောင့် နိုင်ငံရေးစွန့်လွှတ်ပြီး တပ်မတော်ထဲတွင်သာ နေသင့်သည်။ “နောက်ဆုံးတိုက်ပွဲကြီး” တွင် အင်အားစုအားလုံး၏ စည်းလုံးညီညွတ်ရေးရရှိစေရန် မြန်မာနိုင်ငံလိုအပ်နေသော အမျိုးသားခေါင်းဆောင် သည် ဗိုလ်ချုပ်အောင်ဆန်းသာလျှင် ဖြစ်ကြောင်းကို ခိုင်ခိုင်မာမာ ယုံကြည်သော ဗိုလ်လင်္ကျာက ကွန်မြူနစ်တို့ အကြံပေးချက်ကို အဓိပ္ပာယ်ဖွင့်ပုံရာ၌ “နိုင်ငံရေးနယ်ပယ်ကို သူတို့သာလွှမ်းမိုးထားလို၍ ဗိုလ်ချုပ်ကို ဘေးဖယ် ထားပြီး သူတို့အလိုရှိသောအခါမှ ဗိုလ်ချုပ်အနေနှင့် သွယ်ဝိုက်သောနည်းများနှင့် အထောက်အကူပေးရန်ဖြစ် သည်။”ဗိုလ်ချုပ်အောင်ဆန်းသည် နှစ်ဖက်သဘောထားများကို နားထောင်ပြီး ကိုယ်ပိုင်ဆုံးဖြတ်ချက်ချလိုက်သည်။ တပ်မတော်မှထွက်၍ နိုင်ငံရေးရှေ့တန်းမှ လွတ်လပ်ရေးတိုက်ပွဲကို အစွမ်းကုန်ဆင်နွှဲတော့မည်။

၁၉၄၅ ခုနှစ် နှင့် ၁၉၄၇ ခုနှစ်များအတွင်း ဗိုလ်ချုပ်အောင်ဆန်းသည် အင်အားကြီးသော ခေါင်းဆောင်တဦးအဖြစ်လည်း ကောင်း၊ လူထု၏ ယုံကြည်မှုနှင့် မေတ္တာကိုရရှိသော လုပ်ရည်ကိုင်ရည်ရှိ နိုင်ငံရေးသမားတဦးအနေနှင့်လည်း ကောင်း ထင်ပေါ်လာ၏။ ၎င်းအား စစ်တပ်အတွင်းသာ နေစေလိုသောသူတို့၏ ဝေဖန်ချက်များမှာ ခိုင်လုံမှုမရှိ ကြောင်းကို အတိအလင်းပြနိုင်ခဲ့၏။၁၉၄၅ ခုနှစ် မေလတွင် ဗြိတိသျှအစိုးရသည် စက္ကူဖြူစီမံကိန်းဖြင့် မြန်မာနိုင်ငံ အနာဂတ်အပေါ်ထားသော ၎င်း တို့၏ အခြေခံမူဝါဒကို ကြေညာလိုက်ပါသည်။ ထိုစီမံကိန်းအရ ဘုရင်ခံသည် နိုင်ငံကို သုံးနှစ်ကြာတိုက်ရိုက် အုပ်ချုပ်ပြီး ကာလအားလျော်စွာ ရွေးကောက်ပွဲများကျင်းပခြင်း၊ မြန်မာကောင်စီနှင့် ဥပဒေပြုအဖွဲ့တို့တည် ထောင်ခြင်းတို့ကို ဆောင်ရွက်သွားမည်။ ဤအချက်များသည် ၁၉၃၅ ခုနှစ် မြန်မာနိုင်ငံအက်ဥပဒေပါ အချက် အလက်များထက် သာလွန်တိုးတက်ခြင်းသဘောကို မဆောင်ပါ။

ကောင်စီနှင့် ဥပဒေပြုအဖွဲ့ ပြန်လည်တည် ထောင်ပြီးမှ ရှေ့တဆင့်တိုး၍ မြန်မာနိုင်ငံကို ဒိုမီနီယန်အဆင့်ရစေမည့် အခြေခံဖွဲ့စည်းပုံဥပဒေကို ပါတီပေါင်းစုံ က ရေးဆွဲရန်ဖြစ်ပါသည်။ သို့သော် တောင်တန်းနှင့် နယ်စပ်ဒေသများသည် ပြည်မနှင့် ပေါင်းစည်းလိုကြောင်း တိတိကျကျ မဖော်ပြလျှင် သီးခြားဒေသများကို ဤစီမံကိန်း၌မထည့်ဘဲ ထားမည်ဖြစ်ပါသည်။စက္ကူဖြူစီမံကိန်းပါ အချက်အလက်များ လုံးဝလက်ခံနိုင်ဖွယ် မရှိကြောင်းကို စစ်အုပ်ချုပ်ရေး မပြီးဆုံးမီကပင် ဗိုလ်ချုပ်အောင်ဆန်းနှင့် သခင်သန်းထွန်းတို့သည် မြန်မာပြည်ကို ပြန်လာမည်ဖြစ်သော ဘုရင်ခံ ဆာရက်ဂျီ နဲလ်ဒေါ်မန်ဆမစ်အား ရှင်းလင်းစွာအသိပေးပြီးဖြစ်ပါသည်။ ဖဆပလခေါင်းဆောင်များသည် ၎င်းတို့ပါတီသာ နိုင်ငံကိုကိုယ်စားပြုသောကြောင့် ၎င်းတို့သည်သာ စစ်အုပ်ချုပ်ရေးကို အစားထိုးရန် ယာယီအမျိုးသားအစိုးရ တရပ် ဖွဲ့ခွင့်ရှိသင့်ကြောင်း တင်ပြခဲ့ပါသည်။ဒေါ်မန်ဆမစ်သည် စိတ်စေတနာကောင်း မရှိသူမဟုတ်ပါ။ သို့သော် သူ့အားဝိုင်းရံနေသော ၀န်ထမ်းအရာရှိ များနည်းတူ စစ်ပြီးခေတ်မြန်မာနိုင်ငံ၏ ရှုပ်ထွေးပွေလီအပြောင်းအလဲမြန်လှသော နိုင်ငံရေးဥတုကို နားမလည် နိုင်ချေ။

ဖဆပလအဖွဲ့ချုပ်သည် မြန်မာပြည်သူအများစု၏ ထောက်ခံမှုရရှိထားသည်ဟူသောအချက်ကို ဒေါ်မန် ဆမစ် ယုံကြည်လက်ခံရန် အခက်အခဲတွေ့နေပြီး ထိုအချိန်၌ မြန်မာနိုင်ငံတွင် အရေးပါဆုံးပုဂ္ဂိုလ်သည် ဗိုလ် ချုပ်အောင်ဆန်းဖြစ်ကြောင်းကို သူမမြင်၍မဖြစ်သော်လည်း ထိုအချက်ကိုလည်း လက်ခံရန် ၀န်လေးနေ၏။ထို့အပြင် စစ်တွင်းကာလတလျှောက် မိမိ၏ အစိုးရအပေါ် သစ္စာစောင့်ခဲ့သော ၀ါရင့်မြန်မာနိုင်ငံရေးသမားကြီး များကို ချီးမြှင့်လိုသော အံ့ဖွယ်ရာမဟုတ်သည့် ဆန္ဒသည် သူ၏ နားလည်မှုကို ချို့ယွင်းစေပါသည်။ ၀ါရင့်နိုင်ငံ ရေးသမားများ၏ ကဏ္ဍ ခေတ်သစ်မြန်မာနိုင်ငံ၌ မရှိတော့ပြီဟူသောအချက်ကို သူမမြင်နိုင်၍သော်လည်း ကောင်း၊ မမြင်လို၍သော်လည်းကောင်း ဖြစ်နိုင်ပါသည်။ ဗြိတိသျှအင်ပိုင်ယာ ပြိုပျက်ခြင်းကို လက်မခံနိုင်ဟူ သော ချာချီ၏ ဧကရာဇ် စိတ်ဓာတ်ပြင်းပြသည့် ခံယူချက်သည် မြန်မာနိုင်ငံကို အထောက်အကူမပြုခဲ့ပါ။ ချာချီ အား ၀န်ကြီးချုပ်နေရာ၌ဆက်ခံသူ အတ္တလီကလည်း မြန်မာနိုင်ငံအတွင်းရှိ အယူအဆ၊ သဘောထားအသွယ် သွယ်ကို အကဲဖြတ်ရန် အခက်အခဲတွေ့နေရာ တိကျသော မူဝါဒတရပ်ချမှတ်ရန် နှေးကွေးခဲ့၏။

၁၉၄၅ ခုနှစ် အောက်တိုဘာလတွင် ဒေါ်မန်ဆမစ် ရန်ကုန်သို့ ပြန်လည်ရောက်ရှိလာသောအခါ အရပ်သားအ စိုးရ ပြန်လည်ဖွဲ့စည်းလိုက်ခြင်းဖြင့် မြန်မာနိုင်ငံလွတ်လပ်ရေးတိုက်ပွဲ ပြီးဆုံးပြီဖြစ်ကြောင်းကို အလေးအနက် ပြသလိုက်ပါသည်။ သို့သော် ဗိုလ်ချုပ်အောင်ဆန်းနှင့် ဖဆပလတို့၏ သဘောထားကား ထိုကဲ့သို့ မဟုတ်ပါ။ ၎င်းတို့လိုလားသော လွတ်လပ်ရေးကို ၎င်းတို့တောင်းဆိုချက်များနှင့်အညီ ဗြိတိသျှအစိုးရက ပေးရန်ပျက်ကွက် ပါက လက်နက်ကိုင်တိုက်ပွဲ ထပ်မံဆင်နွှဲရမည့် အလားအလာကို ၎င်းတို့ မပယ်ချထားပါ။ပထမဦးဆုံးတိုက်ပွဲကား ဘုရင်ခံကောင်စီဖွဲ့စည်းရေးကိစ္စနှင့် ပတ်သက်ပါသည်။ ဖဆပလသည် ရာထူးနေရာ (၁၁) နေရာအနက် (၇) နေရာတွင် ၎င်းတို့အမည်တင်သွင်းသော ပုဂ္ဂိုလ်များကို ခန့်အပ်ရန် အတင်းအကျပ် တောင်းဆို၏။ ထို့အပြင် ဘုရင်ခံကောင်စီကို ၎င်းတို့မူလကတောင်းဆိုခဲ့သော ယာယီအမျိုးသားအစိုးရပုံစံ ဖြစ် စေမည့် အခြားလိုအပ်ချက်များကိုပါ တွဲ၍တောင်းဆိုလိုက်ပါသည်။ မျှော်လင့်ထားသည့်အတိုင်း ဗြိတိသျှအစိုး ရသည် တောင်းဆိုချက်များကို ငြင်းပယ်လိုက်ပါသည်။

ထို့နောက် ဒေါ်မန်ဆမစ်သည် ကောင်စီနှင့် ဥပဒေအဖွဲ့ဝင်များအဖြစ် အလယ်အလတ်လမ်းစဉ်သမားများဟု မိ မိယုံကြည်သူတို့ကို ခန့်အပ်လိုက်ပါသည်။ သို့သော် ထိုပုဂ္ဂိုလ်များအနက် ကပ်ပါးရပ်ပါး မင်းမြှောင်များ၊ အမျိုး သားရေးသစ္စာဖောက် ကိုယ်ကျိုးရှာသမားများဟု မြန်မာအများက ယူဆထားသူအချို့လည်း ပါဝင်နေပါသည်။ ၁၉၄၆ ခုနှစ် ဇန်န၀ါရီလတွင် အများသဘောတူ တညီတညွတ်တည်းထောက်ခံမှုဖြင့် ဗိုလ်ချုပ်အောင်ဆန်းကို ဖဆပလဥက္ကဌ တင်မြှောက်လိုက်ပါသည်။ ကန္ဒီသဘောတူညီမှု ရှိထားပါသော်လည်း မြန်မာ့တပ်မတော်အ တွင်း ၀င်ရောက်အမှုထမ်းခြင်းမရှိသော ဗမာ့မျိုးချစ်တပ်မတော်သား အများအပြား ကျန်နေပါသည်။

ဗိုလ်ချုပ် အောင်ဆန်းသည် စစ်မှုထမ်းဟောင်းများနှင့် အသစ်ဝင်လာသူများကိုပေါင်းကာ သူ့ပြည်သူ့ရဲဘော်အဖွဲ့ကို တည်ထောင်လိုက်ပါသည်။ပြည်သူ့ရဲဘော်အဖွဲ့တပ်သားများသည် ယူနီဖောင်းဝတ်ဆင်ကာ ပွင့်ပွင့်လင်းလင်းပင် စစ်လေ့ကျင့်ရေးများ ပြု လုပ်ပါသည်။ ပြည်သူ့ရဲဘော်အဖွဲ့သည် တရားဝင်အားဖြင့် ပြန်လည်ထူထောင်ရေးလုပ်ငန်းများ ဆောင်ရွက် နေသော လူမှုရေးအဖွဲ့အစည်းတရပ်သာ ဖြစ်သော်လည်း ဖဆပလ၏ လက်ရုံးတပ်ဖြစ်လာနိုင်သော အခြေခံ အရည်အချင်းများ ရှိနေသောကြောင့် အစိုးရအတွက် စိတ်မအေးဖွယ်ဖြစ်နေပါသည်။

ဗိုလ်ချုပ်အောင်ဆန်း သည် ဘုရင်ခံ၏ မကျေနပ်ချက်များကို သိမ်မွေ့စွာ တုံ့ပြန်လိုက်ပါသည်။ ကြေညာချက်တရပ်တွင် တပ်ဖွဲ့၏ ရည်ရွယ်ချက်များကိုဖော်ပြကာ ၎င်းတို့အနက် တချက်မှာ “သူခိုးဓားပြ စသော ရာဇ၀တ်မှုများ ပပျောက်ရန်နှင့် ရပ်ရွာငြိမ်ဝပ်ပိပြားရေးအတွက် သက်ဆိုင်ရာအစိုးရအဖွဲ့ဝင်များ၊ အခြားအဖွဲ့အစည်း၊ တိုင်းသူပြည်သားများနှင့် ပူးပေါင်းဆောင်ရွက်၍ ပြည်သူ့ကာကွယ်ရေးအတွက် ကူညီစောင့်ရှောက်ပေးရန်” ဖြစ်ပါသည်။ဒေါ်မန်ဆမစ်လည်း မည်သို့အဓိပ္ပာယ်ကောက်ရမည် မသိဖြစ်နေပါသည်။ ဘုရင်ခံသည် ဗိုလ်ချုပ်အောင်ဆန်း နှင့် ဖဆပလတို့ကိုကိုင်တွယ်ရာ၌ မနိုင်မနင်းဖြစ်နေ၏။ မြန်မာခေါင်းဆောင်နှင့်ပတ်သက်၍ သူ စိတ်မပိုင်းဖြတ် နိုင်။ လှိုက်လှိုက်လှဲလှဲ ချီးကျူးသည့်အခါများရှိသကဲ့သို့ ဇဝေဇ၀ါ၊ သံသယစိတ်များ လွှမ်းမိုးသည့်အခါများ လည်းရှိပြီး နာရီချိန်သီးပမာ အတွေးနှစ်ဖက်အကြား စိတ်မတည်မငြိမ် ဖြစ်နေ၏။ ဗိုလ်ချုပ်အောင်ဆန်းသည် လွတ်လပ်ရေးရယူရာ၌ ပြည်သူလူထုခံနေရဆဲ အတိဒုက္ခများကို ပိုမိုဆိုးဝါးစေမည့် လက်နက်ကိုင်တိုက်ပွဲကို မ လိုလားကြောင်းအရိပ်အမြွက်ပြပါသည်။ တချိန်တည်းတွင် မြန်မာ့လွတ်လပ်ရေးရရန်အတွက် လိုအပ်မည်ဆိုပါ က အကြမ်းဖက်နည်းများသုံးရန်ကို တွန့်ဆုတ်နေမည်မဟုတ်ကြောင်းကိုလည်း ထင်ရှားစေသည်။ လူထုစည်း ဝေးပွဲကြီးများတွင်လည်းကောင်း၊ ဆန္ဒပြချီတက်နေစဉ် ပုလိပ်လက်ချက်ဖြင့် ကျဆုံးခဲ့သော တောင်သူလယ်သ မားများ၏ ဈာပနကဲ့သို့သော စိတ်လှုပ်ရှားဖွယ်အခမ်းအနားများတွင်လည်းကောင်း ဗိုလ်ချုပ်အောင်ဆန်းသည် ဗြိတိသျှအုပ်ချုပ်ရေး၏ မူဝါဒများကိုရှုတ်ချပြီး လွတ်လပ်ရေးအတွက် တတိုင်းပြည်လုံး ဆထက်ထမ်းပိုး ကြိုး စားဆောင်ရွက်ရန် နှိုးဆော်နေလျက်ကပင် လူအုပ်ကြီးများငြိမ်သက်စည်းကမ်းရှိစေရန် ထိန်းသိမ်းထားနိုင် ကြောင်းပြသခဲ့၏။

သို့သော်လည်း ဒေါ်မန်ဆမစ်နှင့် သူ၏ အကြံပေးပုဂ္ဂိုလ်တို့သည် ပြဿနာများကို အေးချမ်းစွာ ဖြေရှင်းနိုင်ရန် ဗိုလ်ချုပ်အောင်ဆန်း၏ ပူးပေါင်းဆောင်ရွက်မှုလိုအပ်သည်ကို လက်ခံရန် ၀န်လေးနေကြ၏။ ဖဆပလ၏ အင် အားကိုစမ်းရန် အခြားပါတီအဖွဲ့အစည်းများ တည်ထောင်၍ ရ၊ မရ စဉ်းစားကြသည်။ ဤကဲ့သို့ အားစမ်းရန် စိတ်သန်သော နိုင်ငံရေးသမားများကား ရှိပါသည်။ အင်္ဂလိပ်စာရေးဆရာကြီးတဦး ဘုရင်ခံကောင်စီဝင်များနှင့် ပတ်သက်၍ ရေးသကဲ့သို့ ထိုနိုင်ငံရေးသမားများနှင့် ပတ်သက်၍လည်း ရေးနိုင်သည်မှာ ၎င်းတို့နှင့် ဖဆပလ အကြား ကွာခြားချက်များသည် လွတ်လပ်ရေးမူဝါဒများအပေါ် အခြေခံသည်ထက် အာဏာရရှိရေးပြိုင်ဆိုင်မှု အပေါ်တွင်သာ အခြေခံပါသည်။ ထို့အပြင် ဗိုလ်ချုပ်အောင်ဆန်း အမျိုးသားခေါင်းဆောင်အဖြစ် ထင်ပေါ်ကျော် ကြားလာခြင်းနှင့် သူ့အား ပြည်သူတို့က ကိုးကွယ်သည်ဟုပင် ပြောရလောက်မတတ် ချစ်ခင်ကြည်ညိုခြင်းတို့ ကြောင့် အချို့အသိုင်းအ၀ိုင်းများတွင် မနာလိုမုန်းတီးစိတ်များ ပြင်းပြနေပါသည်။ဒေါ်မန်ဆမစ်သည် ဖဆပလကို စိန်ခေါ်နိုင်သော အင်အားစုများ ပေါ်ပေါက်လာနိုင်မည့် အလားအလာများကို သုံးသပ်နေပြီး သူ၏ အကြံပေးပုဂ္ဂိုလ်အချို့က ဗိုလ်ချုပ်အောင်ဆန်းအား နိုင်ငံတော်ပုန်ကန်မှု စွဲချက်ဖြင့် ဖမ်း ဆီးရန် နားပူနားဆာတိုက်နေစဉ် ဘုရင်ခံကောင်စီဝင်ဖြစ်နေသော သခင်ထွန်းအုပ်သည် ဗိုလ်ချုပ်ကို လူသတ် မှုနှင့် စွဲချက်တင်လိုက်ပါသည်။

ဗမာ့လွတ်လပ်ရေးတပ်မတော် ချီတက်လာစဉ်က ရွာသူကြီးတဦးအား ဗြိတိသျှ အလိုတော်ရိလုပ်ငန်းများဆောင်ရွက်မှု၊ ဖိနှိပ်ရက်စက်မှုနှင့် အဂတိလိုက်စားမှု စွဲချက်များတင်ကာ စစ်ခုံရုံးဖွင့်၍ စစ်ဆေးခဲ့ပါသည်။ စစ်ခုံရုံးမှချမှတ်လိုက်သော သေဒဏ်အပြစ်ကို ဗိုလ်ချုပ်အောင်ဆန်းကိုယ်တိုင် ဆောင်ရွက် ခဲ့ပါသည်။ဤအမှုနှင့် ဗိုလ်ချုပ်အောင်ဆန်းကို ရုံးတင်စစ်ဆေးမည်ဆိုပါက သခင်ထွန်းအုပ်သည် ဖြစ်ရပ်လုံးစုံကို တွေ့မြင် ခဲ့သဖြင့် သက်သေထွက်ဆိုပေးမည်ဟု ကမ်းလှမ်းလိုက်၏။ ဗိုလ်ချုပ်အောင်ဆန်းကို ချက်ချင်းဖမ်းဆီးသင့်၊ မ ဖမ်းဆီးသင့်နှင့်ပတ်သက်၍ အစိုးရအဖွဲ့အတွင်း ၀ိဝါဒကွဲပြားနေ၏။ အရပ်သားဗြိတိသျှအရာရှိအချို့က ဖမ်းဆီး ရေးတိုက်တွန်းကြသည်။ ဤကဲ့သို့ဆောင်ရွက်ခြင်းဖြင့် အခြေအနေများ ပိုမို၍ ရှင်းလင်းသွားစေမည်၊ ထကြွပုန် ကန်မှု ဖြစ်ပေါ်စေမည့် အလားအလာကိုလည်း ဖယ်ရှားနိုင်မည်။ ဗိုလ်ချုပ်အောင်ဆန်းကို လူထုက မကြာမီ မေ့ ပျောက်သွားမည်ဖြစ်သဖြင့် ပြဿနာများစွာလည်း ရှိမည်မဟုတ်ဟု ထောက်ပြကြသည်။ဤအချက်များကို ရဲမင်းကြီးက သဘောမတူပါ။ စစ်အတွင်းပြစ်မှုများနှင့်ပတ်သက်၍ အထွေထွေလွတ်ငြိမ်းချမ်း သာခွင့် ပေးရန်ရှိနေကြောင်း၊ ဖဆပလနှင့် ပြည်သူ့ရဲဘော်အဖွဲ့၏ ခေါင်းဆောင်ဖြစ်သူကို ဖမ်းဆီးခြင်းသည် ပုန်ကန်တော်လှန်မှုကို တားဆီးသည်ထက်၊ ထကြွရန်လှုံ့ဆော်လိုက်သကဲ့သို့သာ ဖြစ်သွားနိုင်ကြောင်း တင်ပြ ပါသည်။

မြန်မာနိုင်ငံ စစ်ဌာနချုပ်သေနာပတိကလည်း ရဲမင်းကြီး၏အမြင်ကို ထောက်ခံကာ ဗိုလ်ချုပ်အောင် ဆန်းသည် အသိတရားနှင့် ပြည့်စုံသူဖြစ်သဖြင့် ပုန်ကန်ထကြွမှုတရပ်ကို စတင်မည်သူဟု မထင်ကြောင်း တင် ပြပါသည်။ ထို့အပြင် သခင်ထွန်းအုပ်၏ ပြောကြားချက်များအပေါ် မူတည်၍ ဆောင်ရွက်သင့်မသင့်ကလည်း ဆင်ခြင်ဖွယ်ရာဖြစ်နေ၏။၎င်း၏ ရည်ရွယ်ချက်များသည် သံသယမကင်းဖွယ်ဖြစ်သည့်အပြင် ဂျပန်ခေတ်အတွင်း တာဝန်ဝတ္တရားမရှိပါ ဘဲနှင့် ၎င်းဆောင်ရွက်ခဲ့သော ကြမ်းတမ်းသည့် လုပ်ရပ်များအကြောင်းကို ဂုဏ်ဝင့်စွာ ရေးသားထုတ်ဝေထား သော စာအုပ်ကလည်း ရှိနေသေးသည်။ ဒေါ်မန်ဆမစ်သည် သခင်ထွန်းအုပ်၏ စွပ်စွဲချက်များကို ဗိုလ်ချုပ် အောင်ဆန်းနှင့် ဆွေးနွေးရန် ဆုံးဖြတ်လိုက်၏။ ဗိုလ်ချုပ်အောင်ဆန်းသည် ဤအမှုနှင့်ပတ်သက်၍ လုံးဝတာ ၀န်ယူကာ စစ်ခုံရုံးတွေ့ရှိချက်အရ သေဒဏ်အပြစ်ပေးခဲ့ရကြောင်း ရှင်းပြပါသည်။

ဘုရင်ခံလည်း တဖန် မဝေခွဲ နိုင် ဖြစ်ရပြန်သည်။ တဖက်တွင် ဗိုလ်ချုပ်အောင်ဆန်း၏ ဖြောင့်မတ်မှုနှင့် စိတ်သတ္တိတို့ကို များစွာလေးစားမိ ၏။ တဖက်တွင်ကား သူ့အုပ်ချုပ်ရေး၏ အဓိကအတိုက်အခံဖြစ်နေသူကို လူသတ်မှုစွဲချက်တင်ကာ ဖယ်ရှားနိုင် လိုက်ပါက နိုင်ငံရေးအကျိုးအမြတ် မည်မျှထုတ်နိုင်မည်ကိုလည်း တွေးမိ၏။ဤကိစ္စနှင့်ပတ်သက်၍ ၀ှိုက်ဟော(လန်ဒန်)အစိုးရက မိမိတို့သာဆုံးဖြတ်ရန် အာဏာရှိသည်ဟု ကန့်သတ် ချက်ထားခြင်းမှာ ကံကောင်းသည်ဟူ၍ပင် ပြောရမည်ကဲ့သို့ဖြစ်ပါသည်။ ၁၉၄၆ ခုနှစ် ဧပြီလ၊ ဒေါ်မန်ဆမစ် စင်္ကာပူသို့ အလည်အပတ်ရောက်စဉ် ဗိုလ်ချုပ်အောင်ဆန်းကို ဖမ်းဆီးရန် ညွှန်ကြားသော သံကြိုးစာရောက် လာ၏။ ဘုရင်ခံလည်း ညွှန်ကြားချက်အရ ဆောင်ရွက်ရန် ချက်ချင်းပင် ရန်ကုန်သို့ ပြန်ခဲ့၏။ ၀ရမ်းမထုတ်မီ လေးတွင် အမိန့်ပယ်ဖျက်လိုက်ကြောင်း သံကြိုးနောက်တစောင် ရောက်လာလေသည်။ ဤကိစ္စသည် အုပ်ချုပ် ရေး၏ မရေရာလှသောသြဇာကို ပိုမို၍ ယိုယွင်းလာစေသည်။

အုပ်ချုပ်သူများ၏ ခြေလှမ်းအားလုံးကို ဖဆပလ သည် အစိုးရဌာနများအတွင်းရှိ ၎င်းတို့အား ထောက်ခံသူများထံမှတဆင့် သိနေ၏။ဗြိတိသျှတို့သည် ဗိုလ်ချုပ်ကို ဖယ်ရှားလိုသော်လည်း မထိဝံ့ဟူသောသတင်းသည် ပြန့်နှံ့သွား၏။ ဒေါ်မန်ဆမစ် လည်း အခြေအနေကို ထိန်းသိမ်းနိုင်ရန် ကြိုးစားပါသည်။ စက္ကူဖြူစီမံကိန်းကို လက်တွေ့အကောင်အထည်ဖော် ၍ရမည်မဟုတ်ကြောင်း လန်ဒန်အစိုးရကို ၀န်ခံအသိပေးပြီး ဖဆပလ လက်ခံနိုင်မည့် ကမ်းလှမ်းချက်အသစ် များကို တင်ပြလေသည်။ သို့သော် အချိန်ကား နှောင်းခဲ့လေပြီ။ ၁၉၄၆ ခုနှစ် ဇွန်လတွင် ပူပင်သောကများနေ သော ဘုရင်ခံကြီး ၀မ်းကိုက်ရောဂါစွဲကပ်သောကြောင့် အင်္ဂလန်သို့ ပြန်ရပါသည်။ ဇူလိုင်လမတိုင်မီ အတ္တလီ သည် ဒေါ်မန်ဆမစ်နေရာတွင် ဗိုလ်ချုပ်ရန်ဆ့်ကို ခန့်အပ်ရန် ဆုံးဖြတ်လိုက်၏။ ရန်ဆ့်အား ရွေးချယ်ခြင်းကား သင့်လျော်လှပါသည်။ သူသည် စစ်အုပ်ချုပ်ရေး အကြီးအကဲအဖြစ် တာဝန်ထမ်းဆောင်စဉ်က မြန်မာပြည်အ ခြေအနေကို ကောင်းစွာသိနိုင်ခဲ့ပြီး ဗိုလ်ချုပ်အောင်ဆန်းအပါအ၀င် ဖဆပလခေါင်းဆောင်များနှင့် သင့်မြတ်သူ ဖြစ်၏။

အောင်ဆန်း ၆ အားဆက်လက်ဖတ်ရှုရန်
Kyaw Naing
29/1/2014