တတ်နိုင်သလောက်နဲ့တင် မလုံလောက်ပါဘူး....

တတ်နိုင်သလောက်နဲ့တင် မလုံလောက်ပါဘူး....

အမေရိကန် Seattle က နာမည်ကြီး ဘုရားကျောင်းတစ်ခုမှာ လူအများ
လေးစားကြည်ညိုတဲ့ Dell Taylorဆိုတဲ့ ဖာသာတစ်ဦးရှိတယ်။ တစ်နေ့မှာ
ဘုရားကျောင်းက ကျောင်းသားတွေကို ဖာသာက ပုံပြင်တစ်ပုဒ်ပြောပြခဲ့တယ်။

ပုံပြင်က တစ်ခုသောဆောင်းရာသီမှာ မုဆိုးတစ်ဦးက အမဲလိုက်ခွေးနဲ့
တောလိုက်ထွက်ခဲ့တယ်။ တောအုပ်တစ်နေရာမှာ ယုန်တစ်ကောင်ကိုတွေ့တာနဲ့ မုဆိုးက
သေနတ်နဲ့ပစ်လိုက်တာ ပေါင်ကိုမှန်သွားပေမယ့် ယုန်ထွက်ပြေးသွားခဲ့တယ်။
အမဲလိုက်ခွေးက ဒဏ်ရာရတဲ့ယုန်ကို လိုက်ခဲ့ပေမယ့် မမိခဲ့ဘူး။ ဒါကိုမုဆိုးက
ခွေးကို အသုံးမကျတဲ့ခွေး၊ ဒဏ်ရာရတဲ့ ယုန်ကိုတောင်
အမီမလိုက်နိုင်တဲ့ခွေးဆိုပြီး အပြစ်တင်ခဲ့တယ်။

သခင်ရဲ့ အပြစ်စကားကို ကြားတော့ ခွေးက တတ်နိုင်သလောက်ကြိုးစားခဲ့တာတောင်
အပြစ်တင်ခံရတယ်ဆိုပြီး စိတ်မကောင်းခဲ့ဘူး။

သေနတ်ဒဏ်ရာနဲ့ ထွက်ပြေးခဲ့တဲ့ ယုန်ကို အပေါင်းဖော်တွေ တွေ့တော့ တအံ့တသြ
ဝိုင်းမေးကြတယ်။

"ဒဏ်ရာရနေတာတောင် ဒီလောက်ဒေါသကြီးတဲ့ ခွေးလက်ထဲကနေ ဘယ်လို လွတ်ခဲ့သလဲ?"

"ခွေးက တတ်နိုင်သလောက် ပြေးတယ်။ ကျွန်တော်က အစွမ်းကုန်အားသုံးပြီး
ပြေးခဲ့တယ်။ ကျွန်တော့်ကို သူမမိခဲ့လို့ အဆူအဆဲပဲ ခံရမယ်။ တကယ်လို့
ကျွန်တော်သာ အားကုန်မပြေးခဲ့ရင် အသက်တောင် ရှင်နိုင်တော့မှာမဟုတ်ဘူး"

ပုံပြောပြီးတာနဲ့ ဖာသာ Taylor က အတန်းအားလုံးကို Matthew Bible
ကျမ်းစာထဲက အခန်း ၅ မှ ၇ ထိ အလွတ်ဆိုနိုင်သူကို Seattle က Space Needle
မှာ ညစာစားပွဲ ကျင်းပပေးမယ်လို့ ပြောခဲ့တယ်။

Matthew Bible ကျမ်းစာရဲ့ အခန်း ၅ ကနေ အခန်း ၇ထိက စာလုံးပေါင်း
သောင်းဂဏန်းထိရှိပြီး ရွတ်ဆိုရတာလည်း အင်မတန်ခက်ပါတယ်။ ကျမ်းစာတွေကို
အလွတ်ရဖို့ဆိုတာ အလွန်ခက်ခဲပေမယ့် ငွေကုန်ကြေးကျမလိုဘဲ တက်ရောက်ခွင့်ရတဲ့
ညစာစားပွဲကို လူတိုင်းတက်ရောက်ချင်ခဲ့ကြတယ်။ ဒါပေမယ့် လူတော်တော်များများ
နောက်ဆုတ် လက်လွတ်ခဲ့ကြပါတယ်။

ဒီလိုနဲ့ ရက်မကြာခင်မှာ (၁၁)နှစ်အရွယ်ရှိတဲ့ သင်တန်းသားတစ်ဦးက
ဖာသာရှေ့မှာ ရင်ကော့ပြီး ကျမ်းစာအားလုံးကို တစ်လုံးမကျန် အမှားအယွင်းမရှိ
အလွတ်ရွတ်ဆိုနိုင်ခဲ့တယ်။ အရွယ်ရောက်သူတောင် အလွတ်ဆိုဖို့ ခက်ခဲတဲ့စာကို
ကလေးငယ်တစ်ယောက် ဆိုနိုင်ခဲ့တဲ့အတွက် ဖာသာအရမ်း အံ့သြခဲ့မိတယ်။ လူငယ်ရဲ့
မှတ်ဥာဏ်ကောင်းတဲ့ ဦးနှောက်ကို ချီးကျူးမိတဲ့အပြင် ကလေးငယ်ကို ဖာသာ
တအံ့တသြမေးခဲ့တယ်။

"ဒီလောက်ရှည်တဲ့ စာတွေကို ဘယ်လိုအလွတ်ဆိုနိုင်ခဲ့သလဲ?"

"ကျွန်တော် အစွမ်းကုန်ကြိုးစားခဲ့ပါတယ်"လို့ လူငယ်က မဆိုင်းမတွ ပြန်ဖြေခဲ့တယ်။

နောင်(၁၆)နှစ်မှာ အဲဒီကလေးငယ်ဟာ ကမ္ဘာကျော် Softwareကုမ္ပဏီပိုင်ရှင်တစ်ဦး
ဖြစ်လာခဲ့တယ်။ အဲဒီကလေးငယ်က Bill Gates ပဲဖြစ်ပါတယ်။

လူတိုင်းမှာ ဖြစ်နိုင်၊ လုပ်နိုင်တဲ့ စွမ်းအား(Potential)တွေ ရှိကြတယ်။
စိတ်ပညာရှင်တွေရဲ့ လေ့လာဆန်းစစ်ချက်အရ သာမန်လူတစ်ဦးဟာ သူ့ရဲ့ဖြစ်နိုင်၊
လုပ်နိုင်တဲ့စွမ်းအင်ကို ၂ ကနေ ၈ အထိပဲ အသုံးပြုကြတယ်။ အက်ဒီဆင်လို
သိပ္ပံပညာရှင်တစ်ဦးတောင် ၁၂ထိပဲ အသုံးပြုခဲ့တယ်။ တကယ်လို့ လူတစ်ဦးရဲ့
လုပ်နိုင်တဲ့စွမ်းအင်က ၅ဝထိအသုံးပြုခဲ့ရင် အဲဒီလူဟာ
ဖတ်စာအုပ်အအုပ်(၄ဝဝ)ကို အလွတ်ဆိုနိုင်သလို တက္ကသိုလ်ပေါင်းများစွာကိုလည်း
တက်ရောက်နိုင်ပါတယ်။ နောက်ပြီး ဘာသာစကား (၂ဝ)မျိုးလောက်
တတ်နိုင်ပါသေးတယ်။

ဒါကြောင့် ကျွန်တော်တို့ရဲ့ လုပ်နိုင်တဲ့စွမ်းအင်(၉ဝ)က အိပ်မောကျနေတဲ့
အနေအထားမှာ ရှိနေပါတယ်။ သူတစ်ပါးထက် ထူးချွန်ချင်တယ်၊ ဖောက်ထွက်ချင်တယ်၊
ထီထွင်ချင်တယ်ဆိုရင် တတ်နိုင်သလောက်နဲ့ မလုံလောက်သေးပါဘူး။
အစွမ်းကုန်ကြိုးစားဖို့လည်း လိုပါသေးတယ်။

ဖိနပ်တိုက်ခဲ့တဲ့ ဆင်းရဲသား ကောင်လေးဟာ ဘယ်သူလဲ...???

ဖိနပ်တိုက်ခဲ့တဲ့ ဆင်းရဲသား ကောင်လေးဟာ ဘယ်သူလဲ...???

၁၉၄၅ ခုနှစ် အောက်တိုဘာ ၂၇ ရက်နေ့မှာ ဆင်းရဲသား လယ်သမား မိသားစုဟာ ကောင်လေး တစ်ယောက်ကို မွေးဖွားခဲ့ပါတယ်..။ ဆင်းရဲလွန်းတာကြောင့် ကောင်လေးဟာ ၄ နှစ်သား အရွယ်ကတည်းက လမ်းပေါ်မှာ မြေပဲဆံလိုက်ရောင်းခဲ့ရတယ်..။ ဒါတောင် အစားနပ်မှန်မှန် သူမစားခဲ့ရသလို အ၀တ်အထည် လုံလုံလောက်လောက်လည်း မ၀တ်ဆင်ခဲ့ရပါဘူး..။ ကျောင်းစ တက်စ အရွယ်မှာ ကောင်လေးဟာ ကျောင်းအားလပ်ချိန်တိုင်းအဖော်သူငယ်ချင်းနှစ်ယောက်နဲ့ ဖိနပ်လိုက်တိုက်ခဲ့ပါတယ်..။အကယ်၍ ဖိနပ်တိုက်တဲ့သူ မရှိရင် သူတို့အငတ်ခံနေကြရပါတယ်...။

ကောင်လေး ၁၂ နှစ်အရွယ်ရောက်စဉ်... တစ်ညမှာ ပင်းမင်းဆိုင်က သူဌေးတစ်ဦး ဖိနပ်လာတိုက် ပါတယ်...။ ကောင်လေး နဲ့ အဖော်တွေဟာ သူ့ထက်ငါ ဖိနပ်တိုက်ရဖို့ သူဌေးဆီ ၀ိုင်းအုံသွားခဲ့ကြတယ်..။ ကောင်လေး ၃ယောက်ရဲ့ တောင့်တနေတဲ့ မျက်ဝန်းအစုံကိုကြည့်ပြီး သူဌေးဆုံးဖြတ်ရခက်နေပါတယ်...။ နောက်ဆုံးတော့ သူဌေးက အကြွေစေ့ ၂ စေ့ ကိုထုတ်ပြီး “ဖိနပ်တိုက်ခ ၂ ကျပ်ပေးမယ်... ဘယ်သူဖိနပ်တိုက်ပေးမလဲ...” ဆိုပြီးမေးပါတယ်...။ ဖိနပ် တစ်ခါတိုက်မှ ပြား ၂၀ ပဲရတာ အခု ၁၀ ဆလောက် ပိုရမယ်ဆိုတော့ ကောင်လေး ၃ ယောက်ရဲ့ မျက်ဝန်းတွေဟာ အရောင်တွေလင်းလက် သွားတော့တာပေါ့....။ တစ်ယောက်က “ကျနော်တိုက်ပါရစေ.. မနက်ကတည်းက အစာမစားရသေးပါဘူး...၊ စားဖို့ ပိုက်ဆံမှ မရရင် ကျနော် ဆာပြီးသေသွားနိုင်တယ်....” ဆိုပြီး ပြောလေရာ... နောက်တစ်ယောက်ကလည်း “ကျနော်တို့အိမ်မှာ အစာပြတ်နေတာ ၃ ရက်ရှိသွားပါပြီ...၊ အမေကလည်း နေမကောင်းဘူး..၊ အိမ်အတွက်ကျနော်စားစရာဝယ်ပြန်ပေးရမှာ..၊ ဒီလိုမှ မဟုတ်ရင် ညအိမ်ပြန်ရောက်ရင် ကျနော်အရိုက်ခံရတော့မယ်...” ဆိုပြီးပြောရှာပါတယ်...။ ဒီအချိန်မှာ နောက်ဆုံး ကျန်နေတဲ့ ကောင်လေးက သူဌေးလက်ထဲက ပိုက်ဆံကိုကြည့်ပြီး ခဏစဉ်းစားတယ်..ပြီးတော့.... “တကယ်လို့ ဒီပိုက်ဆံ ၂ ကျပ် ကျနော်ရခဲ့မယ်ဆိုရင် သူတို့နှစ်ယောက်ကို တစ်ယောက် တစ်ကျပ် ပေးလိုက်ပါ့မယ်...” လို့ပြောတော့ သူဌေး နဲ့ ကျန်အဖော် နှစ်ယောက် အံ့အားသင့်သွားကြပါတယ်...။ “သူတို့က ကျနော့်ရဲ့အကောင်းဆုံးသူငယ်ချင်းတွေပါ..၊ သူတို့တကယ်ဆာနေကြတာပါ...၊ ကျနော်ကတော့ နေ့လည်တုန်းက မြေပဲဆံလေး နည်းနည်းစားထားရတော့ ဖိနပ်တိုက်ဖို့ အားရှိနေပါသေးတယ်..၊ သူဌေးဖိနပ်ကို ကျနော်တိုက်ပါရစေ...၊ သူဌေးကျေနပ်စေရပါ့မယ်....” ကောင်လေးရဲ့စကားကြောင့် သူဌေးခံစားသွားရတယ်...။ ကောင်လေးကို ဖိနပ်တိုက်စေခဲ့ပြီး ငွေ ၂ ကျပ်ကိုပေးလိုက်တယ်..။ ကောင်လေးက ဘာမှမပြောဘဲ သူ့အဖော် နှစ်ယောက်ကို ချက်ချင်းခွဲပေးလိုက်တယ်...။

ရက်အနည်းငယ်အကြာမှာတော့ သူဌေးက ကောင်လေးကိုရှာပြီး ကျောင်းအားလပ်ချိန်တိုင်းမှာ သူ့ပင်းမင်းဆိုင်မှာ အလုပ်ဝင်စေပါတယ်...။ ညစာထမင်းပါကျွေးခဲ့တယ်..။ လုပ်အားခနည်းပေမယ့် ဖိနပ်လိုက်တိုက်တာထက်စာရင် ပိုအဆင်ပြေခဲ့ပါတယ်...။ ဒါဟာ ကိုယ့်ထက်နွမ်းပါးတဲ့သူကို ကူညီလို့ ရလာတဲ့ အခွင့်အရေးဆိုတာကောင်လေးသိတယ်...။ ဒါကြောင့် နောင်တွေမှာလည်း အခက်အခဲရှိသူတိုင်းကို သူတတ်စွမ်းသလောက် ကူညီခဲ့ပါတယ်...။ နောက်တော့ ကောင်လေး ဟာ ကျောင်းရပ်နားပြီး အလုပ်ရုံမှာ အလုပ်သမားဝင်လုပ်ခဲ့ပါတယ်...။ အလုပ်သမားတွေအတွက် အလုပ်သမားအခွင့်အရေးရဖို့ သူတောင်းဆိုခဲ့တယ်...။ အသက် ၂၁ နှစ်အရွယ်မှာ အလုပ်သမား အသင်းထဲ သူဝင်ခဲ့တယ်...။ အသက် ၄၅ နှစ်မှာ အလုပ်သမားပါတီကို သူတည်ထောင်ခဲ့တယ်...။ ၂၀၀၂ ခုနှစ် အောက်တိုဘာလမှာ “ဒီနိုင်ငံမှာ ရှိတဲ့လူတွေအားလုံး တစ်နေ့ကိုထမင်းသုံးနပ် မှန်မှန်စားစေရမယ်...” ဆိုပြီး သူရွေးကောက်ပွဲဝင်ခဲ့တယ်...။ ပြည်သူအများရဲ့ ထောက်ခံမှုကို ရရှိခဲ့ပြီး အဲ့ဒီနိုင်ငံရဲ့ ၃၅ ဦးမြောက် သမ္မတဖြစ်လာခဲ့တယ်...။ အဲ့ဒီနိုင်ငံရဲ့သမိုင်းမှာ ပထမဆုံး အလုပ်သမားကနေ သမ္မတဖြစ်လာခဲ့သူအဖြစ် မှတ်တမ်းဝင်ခဲ့ပါတယ်...။ ၂၀၀၆ ခုနှစ်မှာ ဒုတိယအကြိမ် သမ္မတအဖြစ်ပြန်လည်အရွေးခံခဲ့ရပြီး သူသမ္မတသက်တမ်း ၈ နှစ်အတွင်းမှာ သူပြောခဲ့တဲ့အတိုင်း လက်တွေ့အကောင်အထည်ဖော်ခဲ့တယ်...။ တစ်နိုင်ငံလုံမှာရှိတဲ့ ၉၃% ကလေးငယ်တွေနဲ့ ၈၃% အရွယ်ရောက်ပြီးသူတွေကို တစ်န့သုံးနပ်မှန်စေခဲ့တဲ့အပြင် သူ့ရဲ့ဦးဆောင်မှုအောက်မှာ “မြက်ကိုစားခဲ့တဲ့ ဒိုင်နိုဆော ဘ၀ကနေ အမေရိကတိုက်ရဲ့ ခြင်္သေ့” အဖြစ် တကမ္ဘာလုံးရဲ့ ၁၀ နိုင်ငံမြောက် စီးပွားရေးနိုင်ငံကြီးဖြစ်စေခဲ့တယ်...။

သူကတော့ တခြားလူမဟုတ်ပါဘူး...။ ၂၀၁၀ ခုနှစ်ကုန်ပိုင်းမှာ သမ္မတအဖြစ် ရပ်နားခဲ့တဲ့ ဘရာဇီးနိုင်ငံရဲ့ သမ္မတဟောင်း Luiz Inacio Lula da Silva ပဲဖြစ်ပါတယ်...။

ဒါကြောင့် ဘယ်လိုဘ၀ ဘယ်လိုအခြေအနေမျိုးမှာပဲဖြစ်နေပါစေ... ကိုယ့်ကိုယ်ကို ဘယ်တော့မှ ဇွဲမလျှော့ပါနဲ့...။ လူတိုင်းမှာ အောင်မြင်မှုပန်းတိုင်ဆိုတာ ရှိနေပြီးသားပါ...။ အဲ့ဒီပန်းတိုင်ကိုရောက်အောင် သွားဖို့ကြိုးစားရမှာကသာ မိမိတာဝန်ဖြစ်ပါတယ်....။

(လင်းညှို့သွေး ရေးသော “ကြိုး”စာအုပ်မှ ထုတ်နုတ်ပြီး စိတ်ဓါတ်ခွန်အားဖြစ်လိုဖြစ်ငြား ရည်ရွယ်၍ ဝေမျှပေးလိုက်ပါသည်...,,ခင်မင်စွာဖြင့်...,,နေမျိုး)

ဖခင်တစ်ဦးရဲ့ အသိပေးချက် ၁၈ချက် - ကလေးအဖေတွေဖတ်ဖို့ပါ

ဖခင်တစ်ဦးရဲ့ အသိပေးချက် ၁၈ချက်

ကလေးကို သာမန်လူတစ်ယောက်ဖြစ်အောင် ပြုစုပျိုးထောင်နည်း

(၁) သင့်မှာရှိတဲ့အိပ်မက်တော်တော်များများကို သင်အကောင်အထည်ဖော်ဖြစ်ချင်မှ ဖော်ဖြစ်ခဲ့မယ်။ သင့်စိတ်ကူးအိပ်မက်တွေ အကောင်အထည်ဖြစ်မြောက်ဖို့ ကလေးကိုအစားထိုး မခိုင်းစေပါနဲ့။ ဒါဟာ သင့်စိတ်ကူးအိပ်မက်ပါ... ကလေးရဲ့စိတ်ကူးအိပ်မက်မဟုတ်ပါဘူး။

(၂) ကလေးနဲ့စကားပြောတဲ့အခါ ထိုင်ချပြီးမှ ပြောပါ။

(၃) ကလေးတွေ ဆော့ကစားတဲ့အခါ သူတို့အချင်းချင်းကြားက ပြဿနာ/အခက်အခဲကို သူတို့ကိုယ်တိုင် ဖြေရှင်းပါစေ။



(၄) ကလေးနဲ့ စိတ်ရှည်လက်ရှည်ဆော့ကစားပါ။သူ့ရဲ့ကစားနည်းက ဘယ်လောက်ပဲ ပျင်းရိငြီးငွေ့စရာကောင်းနေနေပေါ့။

(၅) ပုံပြင်စာအုပ်တစ်အုပ်ကို ကလေးတစ်လှည့်၊ သင်တစ်လှည့်အတူ ဖတ်ရှုပါ။

(၆) လစဉ်လတိုင်း ကလေးနဲ့အတူ စာအုပ်ဆိုင်တစ်ခါပတ်ပါ။ တစ်ခါပတ်ရင် နှစ်နာရီအထက်ကြာပါစေ။

(၇) ကြိုးစားအားထုတ်မှုရှိမှ ဒါမှမဟုတ် မျှော်လင့်စောင့်စားတာမျိုးရှိမှ ဂုဏ်ပြုချီးမြှင့်တာလုပ်ပါ။ ဒါမှ တန်ဖိုးထားမြတ်နိုးတတ်မှုကို သူသင်ယူနိုင်လိမ့်မယ်။

(၈) ချီးကျူးတဲ့အပြင် အပြစ်ပေးတာမျိုးလည်း ရှိရတယ်။ မှတ်ထားရမှာက အပြစ်ပေးတယ်ဆိုတာ တုတ်၊ လက် ပါရမယ့် အပြစ်ပေးမျိုးမဟုတ်ပါ။

(၉) ငိုယိုဂျီကျတဲ့အခါ၊ မစားချင်၊ မလုပ်ချင်တာကို ငိုယိုငြင်းဆန်တဲ့အခါ အပေးအယူလုပ်ညှိတာမျိုး မလုပ်မိစေနဲ့။

(၁ဝ) ကလေးကြီးပြင်းလေး ချွတ်ယွင်းချက်တွေကို သင်တွေ့လေ.... ဒီလိုအချိန်မျိုးမှာ သူ့ကိုမွေးဖွားကာစအကြည့်မျိုးနဲ့ သူ့ကိုနှစ်သက်ဖို့ မမေ့ပါနဲ့။ များများအားပေးပါ၊ "နင် တုံးလှချည်လား! တခြားလူတောင်တတ်တယ်.. နင် ဘာလို့မတတ်ရတာလဲ"ဆိုတဲ့စကားမျိုးကို ဘယ်တော့မှ မပြောပါနဲ့။

(၁၁) ကွန်ပြူတာကစားမှာကို မကြောက်ပါနဲ့။ တီဗီစွဲတဲ့ကလေးတွေ ကွန်ပြူတာစွဲတဲ့ကလေးထက်များတယ်။ ကလေးကို တီဗီအနားက ခွာပါစေ။ ခေတ်နဲ့အညီ စီးမျောပါစေ။ လမ်းညွှန်သင်ပြသူလုပ်ပါ၊ တားမြစ်သူမဖြစ်ပါစေနဲ့။

(၁၂) မူလတန်းကစ ကလေးကို အိမ်မှုကိစ္စတွေ ခွဲဝေလုပ်ခိုင်းပါ။ ၃နှစ်အရွယ်ကစ လုပ်ခိုင်းနိုင်ပါတယ်။ ဥပမာ- ကစားစရာအရုပ်တွေ သိမ်းဆည်းတာ၊ သုတ်သင်တာ

(၁၃) စစချင်းမှာ ကလေးတွေရဲ့ ရမှတ် ရလဒ်ကို သိပ်အလေးမထားပါနဲ့။ သူ ကျောင်းနေပျော်မပျော်ဆိုတာကို ဦးစားပေး ဂရုစိုက်ပါ။

(၁၄) ဟိုသင်တန်း၊ ဒီကျူရှင်တွေနဲ့ ကလေးရဲ့နေ့စဉ်ဘဝကို သင်တန်း၊ ကျူရှင်တွေကြားမှာပဲ မနစ်ထားစေပါနဲ့။ ကလေးဘဝ၊ ကလေးသဘာဝ လွတ်လွတ်လပ်လပ်၊ ကျန်းကျန်းမာမာ၊ ကောင်းမွန်တဲ့အကျင့်တွေနဲ့ ရှင်သန်ကြီးပြင်းပါစေ။

(၁၅) စစ်တုရင်ကစားတာ၊ ရေကူးတာ၊ စက်ဘီးစီးတာ၊ သီချင်းဆိုတာ ဒါတွေဟာ လူတိုင်းနှစ်သက်တဲ့ ကစားနည်းတွေပါ။ ကလေးကို အချိန်စောပြီးသင်ပေးလို့ရပါတယ်။

(၁၆) ဘဝတစ်သက်တာအသုံးဝင်မယ့် စိတ်ဝင်စားဖွယ်အရာကို သင်ပေးပါ။ ဥပမာ- ပန်းချီ၊ ဂီတ၊ စာပေ၊ လက်မှုပညာ... ကျောင်းတက်၊ အတန်းတက်၊ ကျူရှင်တက်ဆိုတာချည်းပဲ မခိုင်းစေပါနဲ့။

(၁၇) လူအများနဲ့ကစားနိုင်တဲ့ ကစားနည်းမှာ ပါဝင်ပါစေ။ ကြက်တောင်၊ ဘတ်စကက်ဘော၊ ဘောလုံး၊ ပင်ပေါင်..ငယ်ရွယ်စဉ်ကတည်းကကျန်းမာရေးလိုက်စားတဲ့အကျင့်ရှိပါစေ။

(၁၈) ကလေးကိုချစ်ရင် ကလေးရဲ့ ဖေဖေ(မေမေ)ကိုလည်း ချစ်ပါ။ သူ့ ဘိုးဘိုး၊ ဘွားဘွားတွေကိုလည်းချစ်ပါ။ ဒါမှ နောက်တစ်ချိန်မှာ သူ့မိသားစုနဲ့ သူ့ကလေးကိုချစ်တတ်ဖို့ သူ သင်ယူ၊ မှတ်သားပါလိမ့်မယ်။

မောင်မောင်ချေ(ဓညဝတီ)

ဇီတာ - အရိုး (အပိုင်း-၅) နောက်ဆုံးအပိုင်းလေးပါ

"ဟိတ် ကောင်မလေး ဘာတွေငေးနေလဲ၊ ရေကန်ဘေးမှာ နေပူကပူနဲ့၊ မတ်တတ်ကြီး"

"နာနားကို သတိရလို့ ကိုကို"

"လာပါ၊ ထီးအောက် သွားထိုင်ရအောင်၊ ကဲ ပြော ဘာဖြစ်လဲ"

"ဒီတစ်ရက်နှစ်ရက် မေနိုး နာနားကို အရမ်းသတိရနေတယ် ကိုကို၊ ဘယ်လိုဖြစ်မှန်း မသိဘူး၊ အိပ်မက်လည်း ခဏ ခဏမက်တယ်"

"ဘယ်လိုဖြစ်လို့လဲ မေနိုး၊ contact ရှိနေတာပဲ မဟုတ်လား၊ video call မရဘူးလား၊ နာနား နေမကောင်းလို့လား"

"နေကောင်းပါတယ်ကိုကို၊ contact လည်း မပြတ်ပါဘူး၊ နာနားက first semester ဖြေနေတယ်၊ သူ့အပြောပေါ့၊ အဲဒါပြီးရင် သူက ဒီကို အရမ်းလာချင်နေတာ"

"ဟင် သူ လာမယ့် အချိန်ကျ အန်ကယ်ဂျော့ရ်ှတို့က ပြန်ပြီဥစ္စာ"

"မဟုတ်ဘူး ကိုကို၊ အဓိကက ကိုကိုတို့နဲ့ သူက အရမ်းတွေ့ချင်နေတာ၊ သူ သူက ..."

"ဘာဖြစ်လဲ နာနားက ဘာပြောလို့လဲ"

"မနက်က ဖုန်းထဲမှာ မေနိုးကို ပြောတယ် ကိုကို၊ ဒီ ဒီက မေနိုးတို့ကို သူ မြင် မြင်နေရတာ ခဏခဏပဲတဲ့ ကိုကို၊ မေနိုးတို့ ပတ်ဝန်းကျင်ကို သူ သိနေတယ်၊ currently နော် ကိုကို"

"ဟင်"

"သူ မေနိုးတို့ကို သိပ်တွေ့ချင်နေတယ်"

Name

Unlike the other Greek letters, this letter did not take its name fromthe Phoenician letter from which it was derived,it was given a new name on the pattern of beta,eta and theta.

The word zeta is the ancestor of zed(UK) or zee(US), the name of the Latin letter Z.In other languages (eg.ltalian and icelandic),the name zeta is used to refer to the Roman letter Z as well as the Greek letter.

"ဟ အာ ... လန့်တောင်သွားတယ်၊ ဇော်ဝါး မင်း ဘယ်တုန်းက ရောက်နေတာတုံး"

"ဟား ဟား မင်းလန့်သွားအောင် ငါ ဒီနားကပ် ရပ်နေတာဟ၊ ခုနကလေးတင်ရောက်တာ"

"ထူးထူးဆန်းဆန်း ဘာလာလုပ်တာတုံး"

"ငါ့ကိစ္စလည်း မဟုတ်ဘူး၊ မင်းကိစ္စလည်း မဟုတ်ဘူး"

"ဟေ့ကောင် ဘာလဲ၊ ရှင်းရှင်း ပြောစမ်း"

"ရှင်းရှင်းပြောရရင် Mr.Zeta နဲ့ Mrs. Cristine တို့ရဲ့ ကိစ္စကွ"

"ဘာဖြစ်တယ်"

"ရဲသင် ဒီနေ့ ဘာနေ့လဲ"

"လေးရက်နေ့လေ"

"လာမယ့် ဆယ့်သုံးရက်နေ့ မင်း အားအောင်လုပ်ထားကွာ၊ ငါ မျက်ရှုကိုလည်း ပြောထားပြီးပြီ"

"ဆယ့်သုံးရက်နေ့၊ ဆယ့်သုံးရက်နေ့ဆိုတော့ ဟ ... မင်းဟာ thirteen friday ကြီး ဘာကိစ္စရှိလို့လဲ"

"မင်း မေ့သွားပြီလား၊ မင်းက လူကြီးမှတ်နေတဲ့ ငါ့ဆရာမ ခရစ္စတင်း လေကွာ၊ အဲဒါ ရန်ကုန်ရောက်နေတယ်၊ မင်းရဲ့ ဇီတာပရောဂျက်ကြီးနဲ့ ပေးတွေ့မလို့"

"ဟိုက်"



The letter Z represents the voiced alveolar fricative /z/ in Modern Greek.

The Sound represented by zeta in Classical Greek is disputed.See Ancient Greek phonology and Pronunciation of Ancient Greek in teaching.
......................................................................
....................................... ...............................
....................................... ...............................

"နင် ငါ လန့်ပြီး တမင်သက်သက် အရှက်ကွဲအောင် ..."

"ဖုတ်ထီးကောင်"

"လာ မိန်းမ သွားမယ်၊ ရော့ ချိုကြီး ငါ့ကားမောင်းခဲ့ဟ"

"ပုဏ္ဏား ... မင်းကို ပုဏ္ဏား ဆိုတဲ့နာမည် ဘယ်သူစခေါ်တာလဲ"

"ရော့ နင့်ပုတီး၊ ရစ်လုံးက ...."

"နေဦးအဖေ၊ ဘာမှမမြင်တော့ဘူး ဆိုတော့ ..."

"ရဲသင်ရံ"

"ပုဏ္ဏား နင် နင်ဟာ သစ္စာဖောက်"

"ဇီတာလေကွာ၊ ဇက် အီး တီ အေ ဇီတာ"

"ပုဏ္ဏား မင်းက ဆင်လား"

"တစ်ခုခုနဲ့ ဖျက်လို့ရလား ကိုကို"

မှန်ထဲတွင် ပေါ်နေသောပုံရိပ်မှာ ...

"ကိုကို မေနိုးကို ချစ်လား"

"ပုဏ္ဏားရေ"

"ဟဲ လွှတ်စမ်း၊ ဆိုင်က ကောင်မလေးတွေ ..."

"အိုး ဘယ်အချိန်တုန်းကတည်းက ...."

"ပုဏ္ဏား ငါ့လက်မောင်းကို လာကိုင်တာနဲ့ ငါ ပြန်သိတာ"

"ဘာလို့ အဲလောက်လန့်နေတာလဲ မေနိုးရဲ့၊ မမ မှတ်မိသလောက်"

"တချို့လူတွေနဲ့ တချို့ကိစ္စတွေကို သူသိနေတယ်"

"ငါ ကြောက်လာရင်ရော"

Numeral
Zeta has the numerical value 7 rather than 6 because the letter digamma (also called 'stigma' as a Greek numeral) was originally in the sixth position in the alphabet.

အဆုံးသတ်ခြင်း တစ်ခုခုဆီကို ရောက်ကိုရောက်လိမ့်မည်ဟူသော အကြောင်းအရာတစ်ခုကို သူ သိထားခဲ့ပြီသည်မှာ ကြာခဲ့ပြီဖြစ်၏။ သို့သော် သူ ဘယ်သူ့ကိုမှ မပြောပြခဲ့ပါ။ ပြောပြရန်မလိုဟု သူ ယူဆသောကြောင့် ဖြစ်လေသည်။

မည်သည့်ကိစ္စမျိုးတွင်မှ ဆိတ်ကွယ်ရာဟူသည် မရှိကြောင်း သူ ရာနှုန်းပြည့် ယုံကြည်ထားပါသည်။ နံရံများတွင် နားတွေရှိပါ၏။ ထို့အတူ ဝတ္တုပစ္စည်းများ အားလုံးတွင်လည်း နားတွေရှိနိုင်ကြောင်း သူ တစ်စွန်းတစ်စ ရှာဖွေမိခဲ့ပြီပါပြီ။

လူတစ်ယောက်၏ လျှို့ဝှက်ချက်ဟူသည် ဤကမ္ဘာတွင် ဘယ်တုန်းကမျှ မရှိခဲ့ပါ။ အဘယ်ကြောင့်ဟူမူ လူကိုယ်တိုင်သည် မည်သည်ကိုမျှ ကြာကြာ လျှို့ဝှက်ထားနိုင်စွမ်း မရှိသောကြောင့် ဖြစ်ပါ၏။ အခြားသော တစ်ဖက်ကဆိုရလျှင် လူသည် တစ်စုံတစ်ရာကို လျှို့ဝှက်နိုင်စွမ်းမရှိလောက်အောင် ချည့်နဲ့လှသော သတ္တဝါဖြစ်နေသောကြောင့် ဖြစ်ကြောင်း သူ တစ်စွန်းတစ်စ သိရှိခွင့်ရခဲ့သောကြောင့် ဖြစ်ပါ၏။

"ဘာလဲ" ဟူသောကိစ္စကို သူ သတိထားခဲ့မိပါ၏။ ထို့နောက် "ဘာကြောင့်လဲ" ဟူသောကိစ္စကို သူ အစဉ်မပြတ် လိုက်ခဲ့မိပြန်ပါ၏။ တစ်စွန်းတစ်စပါ။ တစ်စွန်းတစ်စ သက်သက်ပါ။ သူ တို့ထိမိခဲ့ပါသည်။ သူသည် ထိုအဝန်းအဝိုင်းထဲက မဟုတ်ပါ။ ထို့အပြင် ထိုအဝန်းအဝိုင်းကို သိရှိရုံသာ သိရှိခွင့်ရ၍ ဝင်ရောက် ပတ်သက်နိုင်လောက်အောင် အင်အားကောင်းသူ တစ်ယောက် မဟုတ်ခဲ့ပါ။ ဤသည်ကို သူ သိရှိလိုက်ပြီးချိန်တွင် သူသည် လောကကို မဲ့ပြုံး ပြုံးပြနိုင်လောက်ရုံကလေးသာ တတ်နိုင်ခဲ့လေ၏။ သူသည် "လူ" သက်သက်လောကတွင် "တော်" သောသူတစ်ယောက်ဖြစ်ကြောင်း လူသက်သက်လောကမှ လူတိုင်းက ချွင်းချက်မရှိထောက်ခံပါလိမ့်မည်။ သို့သော် ....

လူသက်သက်မဟုတ်သော လောကတွင် သူသည် ဘာမှမဟုတ်သော သာမညောင်ည အသေးအဖွဲသာ ဖြစ်ကြောင်း သူ ရှာဖွေတွေ့ရှိခဲ့ပါ၏။ ကမ္ဘာပေါ်တွင် ဘာသာရပ်တစ်ခုအဖြစ် ပြဋ္ဌာန်းထားခြင်း မရှိသော ကိစ္စရပ်တစ်ခုကို သူ လိုက်စားခဲ့၏။ ထိုကိစ္စရပ်သည် သူ့ကို ညှို့ယူသွားခဲ့လေသည်။ မသိခြင်းပေါင်းများစွာကို သူ ကြုံတွေ့ရ၏။ အကြိမ်ကြိမ် မေးမြန်းခဲ့၏။ သူသည် ဘာနည်း။ နောက်ဆုံး သူသည် ဘာမှမဟုတ်သော "သူ" သက်သက်သာဖြစ်ကြောင်း တွေ့ရ၏။ လောကသည် ဆန်းကြယ်လှလေစွ။ တစ်နေရာထဲတွင်ပင် လောကသုံးလေးမျိုး ရောထွေးနေ၏။ သို့သော် တစ်ခုကိုတစ်ခု မမြင်ရ။ မကြားရ။ ပတ်သက်မှုတွေကတော့ တစ်ခါတစ်ရံ လိုအပ်စွာ ကြုံတတ်ကြရ၏။

ပတ်သက်ခြင်းများ ဖြစ်ဖွား ကြုံကြိုက်သောအခါများတွင်လည်း ဤပတ်သက်ခြင်းများသည် ကောင်းခြင်းဖြစ်စေ ဆိုးခြင်းဖြစ်စေ သတ်မှတ်၍ မရ။ ပတ်သက်မိခြင်းများသည် ပတ်သက်မိခြင်းများ သက်သက်သာ ဖြစ်၏။ ရှုထောင့်တစ်နေရာအဖို့ ကောင်းခြင်းလည်း ဖြစ်မည်၊ ဆိုးခြင်းလည်း ဖြစ်နိုင်၏။ ဖြစ်နေခြင်းများသည် ဖြစ်နေခြင်းများသာ ဖြစ်၏။ ယခုအချိန်တွင် သူ၏ စိတ်များ ငြိမ်သက်နေလေသည်။

ကောင်းကင်ထက်မှ လရောင်သည် ရေကူးကန်ပတ်လည်တွင် ထွန်း၍ထားသော မီးတိုင်ရှည်များ၏ အလင်းရောင်ကို ကျော်လွှားထိုးဖောက်ဝင်ရောက်လာနိုင်စွမ်း မရှိခဲ့ပါ။ သူသည် အိမ်တံစက်မြိတ်နားရှိ ကုန်းမြင့်မြက်ခင်း တစ်နေရာပေါ်မှနေ၍ ရေကူးကန်ကို လှမ်းကြည့်နေမိလေသည်။ အချိန်မှာ ည ဆယ်နာရီခန့် ရှိပေပြီ။ သူ့ဘေး မြေပြင်ပေါ်တွင် ဖောက်ပြီးခါစ ဝိုင်အနီတစ်ပုလင်း ရှိ၏။ သူ့ရှေ့တွင်တော့ ငှဲ့ထားပြီး ဝိုင်တစ်ခွက် ရှိလေသည်။

သူ့စိတ်များမှာ ဟာလာဟင်းလင်း ဖြစ်လျက်။ ဝိုင်ခွက်ကို ရုတ်တရက် တစ်ရှိန်ထိုး မော့သောက်ပစ်လိုက်ကာ ပြန်ချထားလိုက်၏။ အခုတော့ ခွက်ထဲတွင် ဘာမှမရှိတော့။ လွန်ခဲ့သော အခိုက်အတန့် ခဏက ထိုခွက်သည် ဝိုင်အနီများ ထည့်ထားသော ဝိုင်ခွက်တစ်ခ်ွက ဖြစ်ခဲ့၏။ အခုတော့ ဗလာဟင်းလင်း။ ဤခွက်အတွင်း အဖြူရောင်နွားနို့အချို့ ရှိလာခဲ့လျှင် ဤခွက်သည် နို့ခွက်ဖြစ်လာနိုင်မလား။ သို့မဟုတ် လက်ဖက်ရည်များ ကော်ဖီများဖြစ်စေ အရောင်အမျိုးမျိုးရှိသော အအေးများဖြစ်စေ၊ ပယင်းရောင် မူးယစ်ရီဝေတတ်စေသော အရည်များဖြစ်စေ၊ အမျိုးမျိုး ပြောင်းထည့်ကြည့်ပါက ဤခွက်သည် လက်ဖက်ရည် ကော်ဖီခွက်၊ အအေးခွက်၊ အရက်ခွက် ဖြစ်သွားနိုင်မည်လား။ သူ တစ်ချက် ပြုံးလိုက်မိ၏။

နဂိုကတည်းက ပုံစံ အဆင်းသဏ္ဌာန်အရ ဝိုင်သာထည့်ရန် ပြုလုပ်ထားသော ခွက်လွတ်တစ်လုံးအတွက် ဘာထည့်ထားထား ဝိုင်ခွက်ထဲတွင် တစ်စုံတစ်ရာ ထည့်ထားခြင်းသာ ဖြစ်ပါ၏။ ဝိုင်ခွက်အဖို့ မည်မျှ လွတ်နေစေကာမူ ရေနွေးကြမ်းခွက်တစ်ခွက် ဖြစ်လာမည် မဟုတ်ပါ။ သူ ခွက်ထဲသို့ ဝိုင်နီများသာ ထပ်မံ ဖြည့်တင်းထားလိုက်၏။ ရုတ်တရက် သင်းပျံ့သော ရနံ့တစ်ခု သူ ရလိုက်လေသည်။

"ပုဏ္ဏား"

တိုးတိတ်ညင်သာသော ခေါ်သံတစ်ခုနှင့်အတူ နွေးထွေးသော လက်တစ်ဖက်က သူ့ပခုံးကို ထိကိုင်လာ၏။ သူ လှည့်ကြည့်မိသောအခါ ဘာတစ်ခုမှ မွမ်းမံခြယ်သထားခြင်း မရှိသော လှပတည်ငြိမ်သည့် မျက်နှာလေးတစ်ခု။ သူ ရေကန်ဘက်ဆီသို့ မျက်နှာပြန်လွှဲလိုက်ချိန်တွင် သူ့ဘေး၌ ညင်သာစွာ ဝင်ထိုင်လေသည်။ စကားဆက်မဆိုဖြစ်ကြ။ လသည် သူ့ခရီး သူနှင်၍ နေလေ၏။ လေညင်းအချို့ တိုက်ခတ်လာပြီးချိန်၌

"ပုဏ္ဏား နင် တစ်ခုခု သိထားတယ် မဟုတ်လား"

ဖြေသံ ဆွံ့အလျက်။ မေးသံသာဆက်၍ တိုးညင်းထွက်ပေါ်လာခဲ့၏။

"ပုဏ္ဏား ... နင် ငါ့ကို သိသလို ငါ နင့်ကို သိတယ်လေ၊ ဘာဖြစ်လို့ ဖုံးကွယ်ထားချင်နေတာလဲ၊ နင် ငါ့ကို မယုံဘူးလား ပုဏ္ဏား၊ နင် ဘာဖြစ်နေတာလဲ"

အမေးများသာ လှုပ်ရှားဆူပွက်ခဲ့လေသည်။ သူကမူ ရေကန်ဘက်သို့သာ ငေးလျက်။ ထိခိုက်မှု တစ်စုံတစ်ရာ မရှိခဲ့သည်မှာ အချိန်ကြာမြင့်ခဲ့ပြီဖြစ်၍ ရေကန်မျက်နှာပြင်မှာ ငြိမ်သက်နေလေသည်။ ထို့အတူ သူ့မျက်နှာသည်လည်း ငြိမ်သက်လျက်။ ရုတ်တရက် သူမသည် သူ့ရှေ့မှ ဝိုင်ခွက်ကိုယူကာ တစ်ရှိန်ထိုး မော့ချလိုက်၏။ သူ လှုပ်လှုပ်ရှားရှား ဖြစ်သွားလေသည်။

"မျက်ရှု ... နင် ဘာလုပ်တာလဲ"

ယခုအချိန်တွင်တော့ မေးသူက သူ ပြန်ဖြစ်နေခဲ့လေ၏။ အလန့်တကြားလည်း လှည့်ကြည့်လိုက်မိ၏။ သူကို ပြန်လည် ရင်ဆိုင်နေသော မျက်ဝန်းနက်နက် ကြည်ကြည်လေးများက တည်တည်ငြိမ်ငြိမ်။ မျက်နှာလေးက မခိုးမခန့် ပြုံးလျက်။

"ဘာလဲ နင်လုပ်ခါနီး အလုပ်တစ်ခုကို ငါ လုပ်လိုက်လို့ မဟုတ်လား၊ နင့်စိတ်ထဲမှာ ဒီခွက်ကို ကောက်ကိုင်လိုက်ဖို့ ဆုံးဖြတ်လိုက်ခဲ့တယ် မဟုတ်လား"

သူ သက်ပြင်းတစ်ချက် ချမိ၏။

"တချို့တွေက jumper လို့ ခေါ်ကြတယ်၊ တချို့ကတော့ connector တဲ့၊ တချို့ကျပြန်တော့ existance တည်ရှိနေခြင်းသက်သက်လို့ အဓိပ္ပာယ် ဖွင့်ချင်ကြတယ်၊ သဘောကတော့ဟာ နင် နားလည်လွယ်အောင် လူအနေနဲ့ ပြောရရင် မောင်ဖြူနဲ့ မောင်မဲဟာ အချိန်ကာလတစ်ခု တိုင်တဲ့အခါ သူတို့ချင်း ပတ်သက်ကြရပြီး တစ်စုံတစ်ရာ ဖြစ်ပွားလိမ့်မယ်ဆိုတာ သူတို့ သိကြတယ်၊ ဒါပေမဲ့ သူတို့ချင်း တိုက်ရိုက်ပတ်သက်လို့ မရဘူးဆိုတာလည်း သိကြတယ်၊ ဘာလို့လဲဆိုတော့ သူတို့ကို မိတ်ဆက်ပေးမယ့် ကြားခံ မီဒီယာတစ်ယောက် လိုတာကိုး၊ အဲဒီတစ်ယောက်ကို မောင်နီလို့ပဲ ထားပေါ့ဟာ၊ မောင်နီဟာ မောင်ဖြူနဲ့ရော မောင်မဲနဲ့ပါ ကာလအတော်ကြာ တောက်လျှောက် သိလာခဲ့တယ်၊ မောင်ဖြူနဲ့ မောင်မဲဟာ သူတို့ချင်းသိဖို့ မောင်နီတစ်ယောက်ထဲကြောင့်သာ ဖြစ်နိုင်လိမ့်မယ်ဆိုတာ ရိပ်မိပေမဲ့ မောင်နီကတော့ မသိဘူး၊  ဝေဝါးနေတယ်၊ မောင်ဖြူကို မောင်စိမ်းနဲ့ပဲ ပတ်သက်ခွင့် ပေးရမလို၊ မောင်ညိုနဲ့ပဲ ပတ်သက်ပေးရမလို ဖြစ်နေတယ်၊ ဒါပေမဲ့ အရာအားလုံးဟာ စနစ်တကျ ဖြစ်နေခဲ့တာဆိုတော့ နောက်ဆုံး မောင်နီဟာ မောင်ဖြူနဲ့ မောင်မဲကို ဆက်ပေးလိုက်မိတယ်၊ အဲဒီအချိန်ကစပြီး သူ့တာဝန် အခန်းကဏ္ဍဟာ ပြီးဆုံးသွားပြီ၊ မောင်နီ ဖြစ်လာခဲ့ရတာက မောင်ဖြူနဲ့မောင်မဲကို ဆက်သွယ်ပေးဖို့လေ၊ မောင်နီဟာ connector ပဲ၊ မောင်မဲနဲ့ မောင်ဖြူ ဆက်သွယ်မိဖို့အတွက် တည်ရှိနေရတဲ့ existance သက်သက်ပဲ၊ ဒါက ရိုးရှင်းတဲ့ အဖြစ်အပျက် တစ်ခုထဲအတွက်ကို ပြောတာနော်၊ တကယ်လို့ မောင်နီဟာ မောင်ဖြူနဲ့မောင်မဲကို ဆက်ပေးဖို့အတွက်ရော၊ မောင်ပြာနဲ့ မောင်စိမ်းကို ဆက်ပေးဖို့အတွက်ရော၊ မောင်စိမ်းနဲ့ မောင်မဲကို ဆက်ပေးဖို့အတွက်ရော လိုအပ်တယ် ဆိုရင်တော့ မောင်နီဟာ မောင်မဲနဲ့ မောင်ဖြူ တွေ့ကြုံ ဆက်သွယ်မိပြီးရုံနဲ့ သူဟာ မပြီးဆုံးသွားသေးဘူး၊ ကျန်တဲ့ မောင်ပြာနဲ့ မောင်စိမ်း ဆက်ပေးဖို့၊ မောင်စိမ်းနဲ့ မောင်မဲ ဆက်ပေးဖို့ သူဆက်ရှိနေရလိမ့်မယ်၊ အဲဒီ အခြေအနေမျိုးကျတော့ မောင်နီဟာ အရေးပါတဲ့ connector ဖြစ်လာရော၊ ဖြစ်သင့်တဲ့ ဖြစ်ရမယ့် connection တွေ အားလုံး ဖြစ်သွားဖို့ မောင်နီဟာ object တွေ matter တွေဖြစ်တဲ့ မောင်မဲ၊ မောင်ဖြူ၊ မောင်စိမ်း၊ မောင်ပြာတို့ ရှိနေကြတဲ့ place တွေဆီကို အမြန်လိုရင် အမြန်၊ အနှေးလိုရင် အနှေး သူ့ကိုယ်သူ သိသည်ဖြစ်စေ၊ မသိသည်ဖြစ်စေ ပြေးလွှားဆက်သွယ်နေရတယ်၊ အဲဒီလို ပြေးလွှားချိတ်ဆက်မိနေရခြင်းတွေကို လူသာမန် ဦးနှောက် အသိဉာဏ်လောက်နဲ့ မရဘူး၊ ဒါကြောင့် ထူးဆန်းတာတွေ ဖြစ်လာတယ်၊ အဲဒီလို connector မျိုးတွေကို jumper လို့ ခေါ်တယ်၊ အခု နင် ဒီကနေ ရေကန်ထဲကို ရောက်အောင်သွားဖို့ မြက်ခင်းပေါ်က တစ်ဆင့် လျှောက်သွားပြီးမှ ရောက်မှာ မဟုတ်လား၊ နင်ကတော့ ရေကန်ဆီ ရောက်သွားဖို့ပဲသိတော့ "မြက်ခင်းပေါ်မှတစ်ဆင့်" ဆိုတဲ့ကိစ္စကို မေ့ကောင်းမေ့သွားလိမ့်မယ်၊ တကယ်တော့ ဒီနေရာကနေ နင်ဟာ "မြက်ခင်းမှတစ်ဆင့်" သာ ရေကန်ဆီ ရောက်နိုင်တာ၊ နင်က တန်ခိုးရှင်မို့လို့ ပျံသွားနိုင်ရင်တောင် "လေထဲမှတစ်ဆင့်" သာ ရေကန်ဆီ ရောက်မှာလေ၊ via သီအိုရီလို့ အကြမ်းဖျင်း ငါပေးထားတယ်၊ ဘယ်လောက်နင်စွမ်းစွမ်း ဒီနေရာကနေ ဖြုတ်ခနဲ ပျောက်သွားပြီး ရေကန်ထဲမှာ ဖြုတ်ခနဲ ပေါ်လာခဲ့ရင်တောင် "ဤနေရာမှ ဖြုတ်ခနဲ ပျောက်သွားခြင်း" မှတစ်ဆင့် ရေကန်ထဲတွင် ပြန်ပေါ်လာခြင်းပဲ ဖြစ်တယ်၊ လောကမှာ တစ်ခုနဲ့တစ်ခု ချိတ်ဆက် ဖြစ်ပျက်ခြင်းတိုင်းမှာ "မှတစ်ဆင့်"ဆိုတာ ရှိတယ်။ conncetor လား၊ jumper လားပဲ ကွာလိမ့်မယ်။ ခုနကအတိုင်း ပြောရရင် မြက်ခင်းဟာ အငြိမ်သက်သက် ဖြစ်တဲ့အတွက် connector လို အကြမ်း ပြောလို့ရတယ်၊ လေကျတော့ အဲလို မဟုတ်ဘူးလေ၊ နင်အဖြစ်အပျက်မှာလည်း သူပါရသလို သူက အခြားအဖြစ်အပျက်တွေအတွက် ဆက်တိုက်သွားရဦးမှာ၊ အဲဒီ existance တွေနဲ့ ပတ်သက်တဲ့ ကိစ္စတွေအတွက် ငါ့ပရောဂျက်ကို ဇီတာလို့ ပေးခဲ့တာ"

သူမ နားလည်နိုင်ရဲ့လား။ သူကတော့ ဝိုင်တစ်ခွက် ထပ်ငှဲ့ကာ မော့ချလိုက်မိ၏။ တစ်ခါတစ်ရံကျ အသိတစ်ခုကို ရှင်းပြဖို့အတွက် မြောက်မြားလှစွာသော စကားလုံးများ လိုအပ်နေခြင်းကို သူ စိတ်ပျက်မိ၏။ ပတ်ဝန်းကျင်သည် အေးချမ်းစွာ တိတ်ဆိတ်နေလေသည်။ ဝိုင်တစ်ခွက် ထပ်ငှဲ့ကာ ရှေ့တွင် ချထားမိ၏။ တိုးတိုးသဲ့သဲ့ သက်ပြင်းချသံလေး တစ်ခုကို သူ ကြားလိုက်ရ၏။ သူ ဆက်ပြောမိ၏။

"နှစ်မျိုးနှစ်စားပဲ ရှိတယ် မျက်ရှု၊ object ဒါမှမဟုတ် matter တွေနဲ့ connection တွေ ... တစ်ခါတလေမှာ object တွေ matter တွေရဲ့ relationship ဟာ သိပ်အားကောင်းခဲ့ရင် သူတို့ရဲ့ connection တစ်ခု ဖြစ်ပေါ်တဲ့အချိန်မှာ ကြားခံ jumper တွေဟာ မှေးမှိန်ပျောက်ကွယ် သွားကြရလေ့ရှိတယ်၊ တစ်ခါတလေမှာ ကျတော့လည်း ....."

သူ စကားမဆက်ဖြစ်ပါ။ နူးညံ့နွေးထွေးသော လက်ချောင်းလေးနှစ်ချောင်းက သူ့နှုတ်ခမ်းများအား လာရောက် ဟန့်တားလိုက်သောကြောင့် ဖြစ်လေသည်။ သူ လှည့်ကြည့်မိတော့ စိုလဲနေသော မျက်ဝန်းလေးတစ်စုံ ကို ရင်ဆိုင်ရ၏။

"ပုဏ္ဏား"

သူ တစ်ချက်ပြုံးမိ၏။ မျက်ဝန်းလေးတစ်စုံမှ ပြန်ခွာကာ သူ အဝေးမှ အမှောင်ရိပ်များထဲ သူ ငေးကြည့်နေမိပြန်၏။

"နင်ငါ့ကို ဘာလို့ အဲဒီနာမည် ပေးခဲ့တယ်ဆိုတာ နင်နဲ့ငါနဲ့ နှစ်ယောက်ထဲပဲ သေချာသိခဲ့ကြတာပါ၊ နင် ငါ့ကို သေချာမသိခင်ကတည်းက ငါ နင့်ကို သေချာသိခဲ့ပြီးပါပြီ"

စောဒကတက်ချင်သလို အမူအရာလေးနှင့် နှုတ်ခမ်းလေးနှစ်လွှာ ပွင့်လာလေသည်။ သူ လက်ကာပြရင်း ဆက်ပြောဖြစ်၏။

"မဟုတ်ဘူး၊ အခု ငါတို့နေနေတဲ့ လောကနဲ့ ဘာမှမဆိုင်ဘူး၊ ငါက ငါ သိတန်သလောက် သိထားတဲ့ world ဘက်က ပြောနေတာ၊ ဟုတ်တယ် ငါဟာ လူတွေ အနေနဲ့ သာမန်ကြည့်ရင်တော့ နင့်ထက် powerful ဖြစ်တဲ့လူတစ်ယောက်ပါ၊ ဒါပေမဲ့ ...."

ခေတ္တ တိတ်ဆိတ်သွားပြန်၏။ တိတ်ဆိတ်သော ညအတွင်း ပိုးပုရစ်စီသံသဲ့သဲ့များကြားမှ သူ့လေသံ အေးအေးမှန်မှန် ပြန်ထွက်ပေါ်လာလေသည်။

"အခြားသော ဖြစ်စဉ် တစ်ခုမှာတော့ ငါဟာ object နဲ့ matter မဟုတ်ဘူး၊ ငါဟာ အင်အား အတန်အသင့်ပဲ ရှိတဲ့ jumper တစ်ယောက်ပဲ ဖြစ်တယ်၊ ငါဟာ ကြားခံပဲဖြစ်တယ်၊ အင်အားကောင်းတဲ့ နင်တို့ နာနားတို့ ဇော်ဝါး တို့တွေဟာ ငါကတစ်ဆင့် စီစဉ်ထားခဲ့တဲ့အတိုင်း ဖြတ်သန်းဖြစ်ပျက် သွားကြလိမ့်မယ်၊ ကြားခံတွေဟာ ဘက်လိုက်ခွင်မရှိဘူး၊ ဒါပေမဲ့ ငါက....."

တစ်ချက် လှည့်ကြည့်မိ၏။ မျက်ရည်တို့ဖြင့် စိုလဲနေသော မျက်နက်ဝန်းတစ်စုံကို သူ ရင်ဆိုင်ရလေသည်။

"ငါ နင့်ကို သနားတယ် မျက်ရှု၊ ဒီကိစ္စတွေကို ငါ အဆုံသတ်ခွင့်ပေးလိုက်တော့မယ်၊ နောက်တစ်ခုက အကြောင်းပေါင်းစုံတွေ တိုက်ဆိုင်ချိန် ရောက်လာပြီ၊ ခရစ္စတင်းဟာ အရမ်းအားကောင်းတဲ့ ဖြစ်စဉ် matter တစ်ခု ဖြစ်တယ်၊ နင်တို့ object တွေဟာ ငါကတစ်ဆင့် ခရစ္စတင်းကြောင့် တစ်စုံတစ်ရာ ဖြစ်ပျက်သွားလိမ့်မယ်၊ မနက်ဖြန်ကျရင် ငါတို့ အဲဒီကိစ္စတွေကို သိကြရတော့မယ်၊ အဲဒါတွေ ပြီးသွားရင် နင်တို့အားလုံး အေးချမ်းသွားကြတော့မှာပါ၊ နားမလည်နိုင်တဲ့ အဖြစ်အပျက်တွေ ကိစ္စတွေ ဘဝက ပျောက်ကွယ်သွားလိမ့်မယ်"

"နင်ကရော"

သူတိတ်ဆိတ်သွားခဲ့လေသည်။ ကောင်းကင်ကို မော့ကြည့်မိ၏။ အမှောင်ပြင်အကျယ်ကြီးထဲတွင် တစ်စနှစ်စ သေးကွေးလှစွာသော အလင်းစက်မှိတ်တုတ်လေး အချို့ကို ဖျော့တော့စွာ မြင်ရလေသည်။ သူ နှစ်ခြိုက်စွာ ပြုံးလိုက်၏။ အပြုံးနှင်အတူ သေသေချာချာ လှည့်ကြည့်ကာ ဖြေဖြစ်၏။

"ငါ မသိဘူး မျက်ရှု"

"ဖြန်း"
ပါးပြင်တစ်ဖက် ပူခနဲ ဖြစ်သွားသည်နှင့်အမျှ သူ အလွန်အမင်း အံ့အားသင့်သွား၏။ သူမသည် သူ့ကို အမှန်တကယ် ရိုက်ပစ်လိုက်ခဲ့သလား ဆိုသည်ကို သူ မယုံသလို ငေးကြည့်မိသောအခါ မျက်ရည်များ ပြည့်နေသော နာကျည်းမှုအပြည့်နှင့် မျက်နက်ဝန်းတစ်စုံ။ လှပသော နှုတ်ခမ်းတစ်စုံမှ တဆတ်ဆတ်တုန်ရင်း

"ရဲသင်ရံ"

သူ ပြန်မထူးဖြစ်ပါ။ သူ မထင်မှတ်ထားသည်များ ဆက်တိုက်ဖြစ်ပွားသွားခဲ့လေသည်။

သူမသည် သူ့ရှေ့မှ ဝိုင်ခွက်ကိုယူကာ တစ်ငုံ ငုံလိုက်၏။ ထို့နောက် သူ့နှုတ်ခမ်းတွင် နူးညံ့ပူနွေးသော အထိအတွေ့နှင့်အတူ အေးစက်သော ဝိုင်များက သူ့နှုတ်ခမ်းမှ တစ်ဆင့် လည်ချောင်းထဲသို့။ သူ့မျက်လုံးများကို မှိတ်ထားမိလိုက်လေသည်။ စက္ကန့် အနည်းငယ်မျှ သူ့စိတ်များ လွင့်ထွက်သွား၏။
"ပုဏ္ဏား"

တိုးညင်းလွန်းသော အနီးကပ် ခေါ်သံလေးတစ်ခုတွင် သူ သတိပြန်ဝင်လာခဲ့၏။ သူမသည် သူ့ရင်ခွင်တွင် မျက်နှာဝှက်လျက်။ ရှိုက်သံတစ်ဝက်ဖြင့် ...

"မပေးနိုင်ဘူး ပုဏ္ဏား၊ ငါ နင့်ကို ဘာအကြောင်းပြချက်မျိုးနဲ့မှ ဘယ်ကိုမှ မပေးနိုင်ဘူး၊ နင့်ကို ငါပိုင်တယ် ပုဏ္ဏား၊ နင့် နင့်ကို ငါပဲပိုင်တယ်၊ နင့်ကို ငါ ငါ အရမ်း ....."
သူ သက်ပြင်းချလိုက်မိခဲ့လေသလား။ တသိမ့်သိမ့် တုန်ခါနေသော ခန္ဓာကိုယ်လေးကို သူ အလိုက်သင့် ဖက်ထားမိလေသည်။ ရှိုက်သံတစ်ဝက်နှင့် ညည်းတွားသံလေးများက တိုးတိုးညင်းညင်း။

"ဘာလို့လဲ၊ ဘာလို့ ငါတို့မှာမှ လာဖြစ်ရတာလဲ၊ နင် နင် ... ဘာလို့ ငါ့ကို အားလုံး မပြောခဲ့တာလဲ၊ နင် ဘာလို့ ဒါကို ရွေးချယ်ခဲ့တာလဲ၊ ငါ ငါတို့ ထွက်သွားကြမယ်လေဟာ၊ နင် နင်ဘာမှ မလုပ်ပါနဲ့တော့၊ ငါ နေ နိုင်ပါတယ်၊ ငါ ငါ ခံနိုင်ရည်ရှိပါတယ်ဟာ ပုဏ္ဏား နင် နင် ...."
"မနက်ဖြန်ကျရင် အားလုံး ပြီးသွားပါလိမ့်မယ်ဟာ၊ ငါ မလုပ်ရင် နင်က ဒီဘဝအတွက် အသက်အန္တရယ်ရှိတဲ့ အခြေအနေအနားထိ ရောက်လာပြီလေ"

သူ့စိတ်ထဲမှသာ ရေရွက်ဖြစ်ခဲ့သော စကားများသာ ဖြစ်လေသည်။

စိမ်းဖန့်ဖန့် အလင်းရောင်လေးတစ်ခု ရသည်ဆိုရုံမျှသာရှိသော အခန်းတစ်ခုထဲတွင်။

လူသားလေးဦးသည် စားပွဲဝိုင်းတစ်ခုတွင် ဝိုင်းကာ ထိုင်လျက်။ စားပွဲပေါ်တွင် လက်များကို မှောက်ကာ တင်ထားရင်း လက်ချောင်းချင်း ထိဆက်ထားကြ၏။ အခန်းထဲတွင် အေးစိမ့် တိတ်ဆိတ်လွန်းနေ၏။

အလွန်တရာ စူးရှတောက်ပလွန်းသော မျက်လုံးများနှင့် အသက်သုံးဆယ်ကျော် အမျိုးသမီးသည် သူ့ရှေ့တည့်တည့်တွင် ခပ်မတ်မတ်ထိုင်နေသော လူငယ်ကို စိုက်ကြည့်လိုက်၏။ လူငယ်မှ လက်သန်းထိပ် ကလေးချင်း စားပွဲပေါ်တွင် ထိဆက်ထားသော သူ့ညာဘက်မှ လှပချောမောသည့် ကောင်မလေးတစ်ယောက်ကို တစ်ချက် လှည့်ကြည့်၏။ ကော်ငမလေးက ပြန်မကြည့်။ မျက်စိရှေ့တည့်တည့်တွင် ထိုင်နေသော မေးရိုးကားကားနှင့် လူငယ်ကိုသာ တည့်တည့် ကြည့်နေ၏။ မေရိုးကားကားနှင့် လူငယ်မှ သူ့ညာဘက်တွင် ထိုင်သော လူငယ်နှင့် သူ့ဘယ်ဘက်တွင် ထိုင်နေသော အမျိုးသမီးကို တစ်လှည့်စီကြည့်ကာ ခေါင်းညိတ်သည် ဆိုရုံလေး ညိတ်ပြလိုက်လေသည်။ ထိုနောက် သူတို့အားလုံး မျက်လုံးများကို မှိတ်လိုက် ကြလေသည်။ အခန်းသည် ပို၍ အေးစက်တိတ်ဆိတ်ကာ မည်းမှောင်သွားသလိုလို။

ပုံရိပ်များ။

မြင်ကွင်းများ။

နေရာများ။

အဖြစ်အပျက်များ။

အာရုံထဲတွင် အဆက်မပြတ် ပေါ်လာ၏။ အမျိုးသမီးရှေ့တည့်တည့်မှ လူငယ်မှာ တစ်ချက် လှုပ်ရှားသွား၏။ သို့သော် ခဏ အတွင်းမှာပင် ပြန်လည် ငြိမ်သက်သွားလေသည်။

သူသည် အလွန် လျင်မြန်သော အရှိန်အဟုတ်ဖြင့် ခရီးတစ်ခုကို သွားနေသလို ခံစားနေရ၏။

လူများ၊ နေရာများ၊ အဖြစ်အပျက်များ။

ကြီးမားသော ဖိစီးမှုတစ်ခုကို တဖြည်းဖြည်း ခံစားလာရ၏။

ကလေးငယ် တစ်ယောက်။

သူ့ကို လက်ပြ ဟန့်တားနေ၏။

ထိုနောက် သူ မသိသော တစ်ကြိမ်တစ်ခါမျှ မမြင်ဖူးသော လူတစ်ယောက်။

သူ့ကို စိန်းစိန်း စိုက်ကြည့်နေပြန်၏။

ဖိစီးမှုမှာ သူ့အပေါ် အလွန် ကြီးမားလာနေပြီ။

ပုံရိပ်များ။

မြင်ကွင်းများ။

နေရာများ။

အဖြစ်အပျက် ဆက်စပ်ပတ်သက်မှုများ။

ရုတ်တရက် သူ ဟာခနဲ့ ခံစားလိုက်ရ၏။

တစ်စုံတစ်ရာကို သဘောပေါက် သိရှိသွားသလို။

ဖိစိးမှုမှာလည်း အလွန့်အလွန် ကြီးမားနေခဲ့ပြီ။

ဖျတ်ခနဲ ....

အရာအားလုံးနှင့် လွင့်စင်ပြတ်တောက်သွားသလို ...


အလင်းပြင်

အဖြူရောင် အလင်းပြင်

သူဘာကိုမှ မသိတော့ပါ။

ကျမ်းတကာတို့၏ အပြင်ဘက်ထွက်ကာ ငါ ဆိုသည်

ဤမည်သောနေရာတွင် ထိုကြမ္မာသည် ရှိအံ့

ထိုကြမ္မာသည် ငါ၏အရာဖြစ်လျှင် ငါလာမည်

ငါသည်

နတ်ဘုရားတို့ ရေတွက်အပ်သော

ဆဋ္ဌမနေရာ

သတ္တမတန်ဖိုး

Zeta ဖြစ်သည် ...

"သူဟာ တို့ခန့်မှန်းထားတဲ့ အတိုင်းအတာထက် ပိုတတ်နိုင်ခဲ့တယ် ဇော်ဝါး"

"ဒါပေမဲ့ ခရစ္စတင်း ... သူ ..."

"မဟုတ်ဘူး သူ ခရီးထွက်သွားတာ"

"သူ ပြန်လာမယ် မဟုတ်လား ခရစ္စတင်း"

"အချိန်ကာလ တစ်ခု လိုအပ်လိမ့်မယ် မျက်ရှုလရောင်"

"ခရစ္စတင်း"

"............"

"တို့ကို သူနဲ့ လက်ထပ်ပေးပါ"

"မျက်ရှု ... နင်"

"မပြောနဲ့ ဇော်ဝါး၊ သူ ငါ့အတွက် ဘာတွေလုပ်ပေးသွားခဲ့တယ် ဆိုတာ နင်သိပြီးသားပါ၊ ငါ့ကို ကူညီပါ"

"..........."

"ဟုတ်ပါတယ်၊ Coma လို့ သတ်မှတ်ကြတာ မမှားပါဘူး၊ ဒါပေမဲ့ ကျွန်တော်စိတ်ထဲမှာတော့ Coma မဟုတ်ဘူးလို့ပဲ ယူဆတယ်"

"ဒါဆို ဘယ်လိုလုပ်ရမလဲ ဒေါက်တာ"

"မဟုတ်သေးဘူး ဦးဘုန်းရံ၊ အရမ်းလောလို့ရတဲ့ ကိစ္စမျိုး မဟုတ်ဘူး၊ ကျွန်တော်တို့ အချိန်ယူပြီ အဖြေရှာကြရလိမ့်မယ်"

"ဟင်း..."

"စိတ်အေးအေးထားပါ ဦးဘုန်းရံ၊ ကုထုံးတွေ မှားခဲ့လိုရှိရင် ခင်ဗျားသားအတွက် ပိုထိခိုက်သွားမှာစိုးလို့ ကျွန်တော်တို့ အချိန်ယူ စောင့်ကြည့်နေကြတာပါ"

"ဆရာ့ တစ်ဦးထဲအမြင်နဲ့ ဘယ်လိုယူဆသလဲ ဆရာ"

"ကျွန်တော့် အမြင်ကတော့"

"ပြောပါဆရာ ပွင့်ပွင့်လင်းလင်းသာ ပြောပါ၊ ဒီမှာရှိနေတဲ့ လူအားလုံးဟာ သူ့မိသားစုဝင်တွေပါပဲ"

"ဟုတ်ပါတယ် ဆရာ၊ ကျွန်တော်တို့တွေ အားလုံးဟာ သူ့အတွက် ညီအစ်ကို မောင်နှမတွေပါပဲ"

"ကျွန်တော့်အမြင်ကတော့ သူဟာ နှစ်နှစ်ခြိုက်ခြိုက် အိပ်မောကျနေတာဗျ"

"ဗျာ ဒီလောက် အကြာကြီး"

"အဲဒါက ထူးဆန်းတာပေါ့"

"ဘာတွေဖြစ်ပျက်သွားတယ်ဆိုတာ အခုအချိန်ထိ ငါ တွေးလို့ကို မရဘူး၊ လောကကြီးမှာ ဒါမျိုးကိစ္စတွေ ရှိသလား"

"သိပ်မတွေးနဲ့ ချိုကြီး၊ ဇော်ဝါးရော ဟိုအမျိုးသမီးရော ငါတို့ နားလည်နိုင်သလောက် အကြိမ်ကြိမ် ငါတို့ မေးခဲ့တိုင်း သေချာရှင်းပြခဲ့တာပဲ၊ ငါတို့မှ နားမလည်တာ"

"မဟုတ်သေးဘူး တင်မောင်ရာ၊ ငါ ခဏခဏ အစကနေ အဆုံးတွေး တွေးကြည့်တယ်၊ ဘာမှန်းမသိလို့ကို မကျေနပ်တာ"

"သိပ်မတွေးနဲ့ ရူးသွားမယ်၊ ဟိုမှာ မေနိုးတို့ ထွက်လာပြီဟ၊ လာ လာ သွားမယ်"

"နာနား ... ဒါ အန်ကယ်ရဲသင်လေ"

"ဘာလုပ်နေတာလဲ"

"အိပ်နေတာ နာနားရဲ့"

"တီတီမျက်ရှုက မနှိုးဘူးလား မမမေနိုး"

"............."

"နာနား နှိုးကြည့်မယ်လေ"

"............"

"တီတီမျက်ရှု ... နာနားကို ကိုင်ထား၊ ဟင့်အင်း မမက နာနားကို မကိုင်ထားရဘူးလေ"

"ဟဲ့ ဟဲ့"

"အန်ကယ်"

"......."

"အန် ကယ် ရဲ သင်"

"အိုး"

မျက်ခွံများ အနည်းငယ် လှုပ်ခတ်သွားသလို။

"သူ ကြားတယ် တီတီမျက်ရှု၊ မမ နာနားခေါ်တာ သူ ကြားတယ်"

"အန်ကယ် ... အန်ကယ် ရဲသင် ... နာနားလေ"


နှစ်နှစ်ခန့် ကြာသောအခါ









ရွှေတိဂုံစေတီတော်မြတ်ကြီး၏ ညဦးပိုင်းသည် လွန်စွာ အေးချမ်းလှ၍ ကျက်သရေ မင်္ဂလာအပေါင်းနှင့် ပြည့်စုံနေပေသည်။

ကုန်းတော် တစ်နေရာ၌ သန့်သန့်ပြန့်ပြန့် လူတစ်ယောက်သည် ခေါင်းလောင်းကြီးတစ်လုံးကို ကျောပေးကာ အေးအေးဆေးဆေး ထိုက်လျက် ဟိုသည် ကြည့်နေလေ၏။ ထိုခဏ၌

"ဒေါင် ... ဟောင် ... ဟောင်"

နောက်နားကပ်လျက်မှ ကျယ်စွာသော ခေါင်းလောင်းသံကြီး ရုတ်တရက် ပေါ်၍လာလေရာ ထိုသူသည် ခေါင်းမွေးများ ထောင်ထမတတ် အကြီးအကျယ် လန့်သွားကာ မတ်တတ် ထရပ်မိလေ၏။ ဒေါသလည်း လွန်စွာ ထွက်သွားသဖြင့် ခေါင်းလောင်းထိုးသိူကု ကြည့်ရာ

"ဟင်"

မြင့်မားသော အရပ်အမောင်းနှင့် ဥစ္စာစောင့်တမျှ လှပသော ကောင်မလေးတစ်ယောက်။ ကောင်မလေးမှာလည်း ထိုသူကို မြင်သော် မှတ်မိသွားပုံရ၏။

"သြော်"

ထိုခဏ၌ ခပ်ဖိုင့်ဖိုင့်လူငယ်တစ်ယောက် သူတို့နား ရောက်လာကာ ထိုလူကို မြင်သော်

"ဟာ ... ဟို ... ကိုဘယ်သူ မဟုတ်လား"

"သန်းနိုင်လေ"

"ဟာ ဟုတ်တယ် ကိုသန်းနိုင်၊ ခေါင်းလောင်းထိုးမလို့လား၊ မျက်ရှု ပေး ပေး နင့်လက်ထဲက တုတ်တံပေး"

"ဟဲ့ ဟဲ့ ချိုကြီး"

"ရော့ ကိုသန်းနိုင် တွေ့ရတာဝမ်းသာတယ်ဗျာ၊ ထိုး ထိုး၊ အားရပါးရသာထိုး"

ကိုသန်းနိုင်ဆိုသူမှာ ခေါင်းလောင်းထိုးတံကြီး ကိုင်ကာ ကြောင်လျက်သား ကျန်ခဲ့လေသည်။

ဥစ္စာစောင့်တမျှ လှပသော အရပ်မြင့်မြင့် ကောင်မလေးမှာ တစ်နေရာတွင်ရပ်ကာ သူတို့ကို ပြုံး၍ကြည့်နေသော ခပ်ဖြောင့်ဖြောင့် ကောင်လေးတစ်ယောက်နှင့် ပိန်ရှည်ရှည် ကောင်လေးတစ်ယောက်ဆီသို့ ထွက်သွားပြီဖြစ်၏။ ခပ်ဖိုင့်ဖိုင့် ကောင်လေးမှာလည်း ခပ်သုတ်သုတ် လိုက်သွားလေသည်။

လေးယောက်သား ရယ်ကာမောကာ ပြောဆိုနေကြစဉ် ခပ်ချောချော သွက်သွက်လက်လက် ကောင်မလေးတစ်ယောက် ထပ်ရောက်လာကာ ငါးယောက်သား စကား အလုအယက် ပြောဆိုကြရင်း အေးချမ်းစွာ ထွက်သွားကြလေသည်။

ကိုသန်းနိုင်ဆိုသူကား ခေါင်းလောင်းထိုးတံကြီး ကိုင်ကာ ထိုငါးယောက်ကို ငေးမော၍ ကျန်နေဆဲ။

ဥစ္စာစောင့်မလေးမှာ ခပ်ဖြောင့်ဖြောင့်ကောင်လေး လက်ကို လှမ်းတွဲလိုက်သည်ကိုသာ နောက်ဆုံး မြင်လိုက်ရလေသည်။

စိတ်ချမ်းသာကြပါစေ
အရိုး

---

ပြီးပါပြီ

       

ဇီတာ - အရိုး (အပိုင်း-၄)

လယ်ကွင်းတွေ။

သူတို့ထိုင်နေကြသော အဝေးပြေးကားလမ်းမဘေးတစ်ခုမှ မြင်နေရသော မျက်စိတဆုံး အစိမ်းရောင်လယ်ကွင်းတွေ။

လယ်ကွင်းတွေကို ပြချင်တာ မဟုတ်ဘူးတဲ့။

ရှင်သန်အောင် ကြိုးစားထွန်ယက်ရခြင်း။

ရှင်သန်လာခြင်း။

ကြီးထွား ရင့်မှည့်လာခြင်း။

တဖန် ပြန်လည် ရိတ်သိမ်းခြင်း။

ကြိုးစား ထွန်ယက်ရပြန်ခြင်း။

ရှင်သန်အောင် စိုက်ပျိုးပြန်ခြင်း။

နင် ဘာပြောချင်တာလဲ။ သံသရာလား။

ငါ ပြောချင်တာက ဘာကို အကြိမ်ကြိမ် မမောနိုင်မပန်းနိုင် မပြီးနိုင် မစီးနိုင် စိုက်ပျိုးလိုက် ရိတ်သိမ်းလိုက် လုပ်နေတာလဲ။ ဘာကြောင့်လဲ။

လိုအပ်လို့ပေါ့ဟ။ နင်ကလည်း။

လိုအပ်တယ်ဆိုတာ ဘယ်နေရာမှာလဲ။

အကျိုးရှိဖို့အတွက် အသုံးချရမယ့် နေရာမှာပေါ့။

ဟုတ်ပြီ။ အကျိုးရှိဖို့ အသုံးချရမယ့် နေရာပေါင်း များစွာအတွက် ဒီနေရာတွေ ရှိနေတာပေါ့။ အဲဒီလိုလား။

ငါ သိပ်မသိဘူးဟ။

လယ်သမားက တစ်နေရာက လာမယ်။ ကျွဲနွားတွေက တစ်နေရာက လာမယ်။ မျိုးစေ့က တစ်နေရာက လာမယ်။ ရေက တစ်နေရာက လာမယ်။ ရာသီဥတုက တစ်နေရာက လာမယ်။ ကံကြမ္မာက တစ်နေရာက လာမယ်။ Dimention တွေထဲက ပုံဖျက်ထွက်လာမယ့် ကြီးထွားရှင်သန်မှုက တစ်နေရာက လာမယ်။ လှုပ်ရှားမှုတွေက တစ်နေရာက လာမယ်။ ဒီနေရာမှာ အားလုံး လာဆုံကြတော့ ဖြစ်ပျက်မှုတစ်ခု ဖြစ်ပွားတယ်။

နေဦး နေဦး။ နင်ပြောတာတွေက ရုပ်ပိုင်းမှာ မြင်သာမြင်ရပေမဲ့ ကံကြမ္မာနဲ့ ရာသီဥတုက တစ်နေရာက လာတာတို့၊ Dimention တွေထဲက ပုံဖျက်ထွက်လာတဲ့ ကြီးထွားရှင်သန်မှုက တစ်နေရာက လာတာတို့ဆိုတာ ငါ သိပ်မရှင်းဘူး။

ဒီနေရာက အစက ဘာရှိလဲ။

ဘာမှမရှိဘူးလေဟာ။

ဘာမှမရှိတာတော့ မဟုတ်ဘူးလေဟာ။ မြေကြီးတော့ ရှိသေးတယ် မဟုတ်ဘူးလား။

အဲဒါ နင် ကတ်သက်ပြောတာပဲ။ ဘာမှန်းလဲ မသိဘူး။ ကဲ ... ဒီနေရာမှာ မြေကြီးပါမရှိသေးဘူး ဆိုရင်ရော။

ငါ ပြောချင်တာ အဲဒါလိုရင်းပဲ။ အာကာသ စကြဝဠာမှာရှိတဲ့ Space တစ်ခုရဲ့ ဖြစ်လာခြင်းနဲ့ ပြီးသွားခြင်းကို ပြောချင်တာ။ Space တစ်ခုမှာ ဒြပ်တစ်ခု ဖြစ်လာတယ်။ နင်ပြောသလို မြေကြီးပေါ့ဟာ။ အဲဒီမြေကြီးမှာ ငါပြောတဲ့ ခုနကဟာတွေ လာဆုံကြရတယ်။ စပါးရခြင်းဆိုတဲ့ Result တစ်ခု အသစ် ထွက်သွားတယ်။ မြေကြီး ဖြစ်လာခြင်းနဲ့ Result စပါးထွက်သွားခြင်းဆိုတဲ့ ကြားထဲမှာ အချိန် time တစ်ခုပါ အလိုအလျောက် တိုင်းတာလို့ရအောင် ရှိလာတယ်။

နင်က ကော့စ်အန်အဖက်ရဲ့ ဖို့ဒိုင်မင်းရှင်းကို လာပြောနေတာပဲ။

မဟုတ်ဘူး။ လုံးဝ မဟုတ်ဘူး။ ငါ ပြောချင်တာက ရလဒ်တစ်ခု အသစ်ထွက်ပေါ်လာဖို့အတွက် စကြဝဠာမှာ နေရာတစ်ခု လိုတယ်။ ရလဒ် အသစ်ထွက်လာဖို့အတွက် လိုအပ်တဲ့ ပါဝင်ကိစ္စတွေက အဲဒီနေရာမှာ လာစုရတယ်။ အဲလို ရလဒ်သစ်တစ်ခု ထွက်မလာသေးခင် လိုအပ်တဲ့ပါဝင်ကိစ္စတွေ လာ လာစုနေစဉ်မှာ သူတို့အတွက် ဘယ်လောက် ကြာတယ်ဆိုတဲ့ အချိန်ကာလအလျားဟာ အလိုအလျောက် ရှိလာတယ်။ ဒါပေမဲ့ နေရာနဲ့ အချိန် ရှိလာပြီဆိုတာနဲ့ ရလဒ်က unique ဖြစ်သွားတယ်။ ဒါဆို ဒါပေါ်မယ်၊ ဟိုဟာဆို ဟိုဟာပေါ်မယ်ပေါ့ကွာ။ ဒါဆိုဒါ ဟိုဟာဆိုဟိုဟာက သဘာဝ ဖြစ်လာမယ်။ သမားရိုးကျပေါ့။ သမားရိုးကျ မဟုတ်တော့ရင် normal မဟုတ်တော့ရင် စကြဝဠာနိယာမအရ အများစု majority က လက်မခံတော့ဘူး။ ဒါပေမဲ့ အများစု နိယာမဟာ၊ သူတို့မသိနိုင်တဲ့ သာမန်သမားရိုးကျ မဟုတ်တဲ့ ဖြစ်ပျက်မှုတွေဟာ သူတို့နဲ့ ဟန်ချက်ညီစွာ Equilibriam point တစ်ခုမှာ ရှိနေတယ်။ Blance ညီနေတယ် ဆိုတဲ့ဟာပဲ။ ကမ္ဘာပေါ်မှာ လူတတ်စွမ်းသိရှိနိုင်သမျှ အတတ်ပညာ အသိပညာတွေ အားလုံးဟာ အဲဒီ point က စဉ်ထွက်လာတဲ့ ကိစ္စအသေးအမွှားလေးတွေပဲ။

နင် ဘာပြောချင်တာလဲ။

လူက လွန်သောကိစ္စတွေကို ပြောချင်တာ။

မဖြစ်နိုင်ဘူး။

ငါတို့ ဖြစ်နေကြတယ်လေ။
နင်ရယ်၊ ငါရယ်၊ ငါ့အဖေ တွေ့ခဲ့ဖူးတဲ့ ဘုရားပေါ်ကလူ၊ မေနိုးနဲ့ သူ့မောင်လေး၊ ဇော်ဝါးနဲ့ သူ့ဆရာမ၊ တင်မောင်၊ ချိုကြီး ပြီးတော့ ငါတို့နဲ့ ပတ်သတ်နေတဲ့ နေရာတွေ။ နေရာတွေမှာ အဖြစ်အပျက်တွေ ခေတ်အဆက်ဆက် ဖြစ်ပျက်ခဲ့ဖူးတဲ့ အတွက် အဲဒီအဖြစ်အပျက်တွေရဲ့ အားနဲ့ နေရာတွေဟာ ဆွဲငင်မှုရှိတယ်ဆိုတာ၊ တစ်နည်းအားဖြင့် အသက်ရှိနိုင်တယ်ဆိုတာ သံသယဖြစ်စရာ ရှိတယ်။ နင် တစ်ခု စဉ်းစားကြည့်စမ်းဟာ။ ငါတို့ အားလုံးဟာ ဘာလို့ စနစ်တကျ လာပတ်သက်နေကြတာလဲ။ ပြီးတော့ ငါတို့ မသိတဲ့ကိစ္စတွေ လာ လာဖြစ်နေကြတာလဲ။ ဒါဟာ ဘာလဲ။

အဖြေမရှိပါ။
လယ်ကွင်းများကို ဖြတ်သန်းတိုက်ခတ်လာသော လေသည် သူတို့နှစ်ယောက်ကိုပါ တသုန်သုန် ဖြတ်သန်း တိုက်ခတ်လျက် ရှိ၏။

ဒီလေတွေ ဘယ်ကရောက်လာတာလဲ နင် သိလား။ အဲဒီအနံ့တွေ ဘယ်ကပါလာလဲရော နင်သိလား။ လယ်ကွင်းတွေက အနံ့တွေလေ။ ငါတို့ မြို့ပြမှာ မရနိုင်တဲ့ ရေနံ့ ရွှံ့နံ စပါးနံ့တွေလေ။

မျက်ရှု မဖြေနိုင်ပြန်ပါ။ တစ်စုံတစ်ရာကို ရိပ်မိသလိုက်သလို သူ့ကို အားကိုးတကြီး လှည့်ကြည့်မိ၏။

စကြဝဠာမှာ တိုက်ဆိုင်မှုဆိုတာ မရှိဘူး။ စနစ်တကျ ပြဋ္ဌာန်းထားမှုပဲ ရှိတယ်။

မယုံကြည်ပါ။ သို့သော် ချေပရန် စကားကင်းလျက်။

အခု ငါတို့နှစ်ယောက် လာထိုင်မိတဲ့နေရာမှာ ငါတို့ ဒီအချိန်ဒီနေရာမှာ ဒီလိုလာထိုင်ဖို့ တိုက်ဆိုင်မှုလို့ နင်တို့ယူဆတဲ့ ကိစ္စတစ်ခုအတွက် မြေကြီးက နဂိုထဲက စီစဉ်ဖြစ်ပေါ်ခဲ့တယ်။ ငါတို့ထိုင်ဖို့အတွက် မြက်တွေဟာ နဂိုကတည်းက ကြိုပေါက်နေခဲ့တာ။ ငါတို့ထိုင်တာနဲ့ တိုက်ဖို့ လေဟာ စောင့်နေခဲ့ပြီးသား။ ငါတို့ကြည်စရာ လယ်ကွင်းတွေ ကြိုခင်းပေးခဲ့ပြီးသား။ ငါတို့ရမယ့် ရနံ့တွေ ကြိုစီစဉ်ထားပြီးသား။ အရာအားလုံးဟာ အစီအစဉ်တကျ ရှိပြီးသား။

Butterfly Effect!

ထိတ်လန့်စွာ သူ အော်မိသည်။ သို့သော် သူကမူ ပြုံးရယ်၏။

ကမ္ဘာတစ်ဖက်ခြမ်းက လိပ်ပြာလေးတစ်ကောင် တောင်ပံတစ်ချက် ခတ်လိုက်ခြင်းဟာ နောက်ကမ္ဘာခြမ်းတစ်ခုက လေမုန်တိုင်းတစ်ခုနဲ့ ပတ်သက်မှုရှိတယ်ဆိုတဲ့ အယူအဆလား။ မှန်ကောင်းမှန်နိုင်ပါလိမ့်မယ်။ ဒါဆို နင် အခု လက်ခုပ်လေးတစ်ချက်လောက် ခပ်ဖြည်းဖြည်း တီးကြည့်ပါလား။ တစ်နေရာမှာ ပြင်းထန်တဲ့ ငလျင်ကြီး တစ်ခုခု လှုပ်သွားမလားလို့။ ကြာသမတေးဂြိုလ်ကြီးပေါ်မှာပဲ ဖြစ်ဖြစ်ပေါ့။ ဆက်စပ်ပတ်သက်မှုတွေပါ။ ဒီလိုသာဆို ငါတို့ ဘာမှမလုပ်ရဲတော့ဘဲ နေမှာပေါ့။ ငါ ပြောချင်တာက အဲဒီလို ဆက်စပ်ပတ်သက်မှုတွေ ပျက်တဲ့ဖြစ်စဉ်ကို ပြောချင်တာ။ ဇီတာ ဆိုတာ အဲဒီ သင်္ကေတပဲ။ ဖြစ်စဉ်အားလုံးမှာ အခြေခံဆက်သွယ်ပေးမှု တစ်ခုရှိတယ်။ အဲဒီဆက်သွယ်ပေးမှုဟာ သင့်တင့်တဲ့ အချိန်မတန်ဘဲ ပျောက်ပျက်သွားခဲ့ရင် အဲဒီဖြစ်စဉ်ဟာ အချိန်မတန်ဘဲ ကတိမ်းကပါးဖြစ်သွားပြီး အခြားဖြစ်စဉ်ကို ဝင်ရောက်ပတ်သက်မှုတွေ ဖြစ်လာတတ်တယ်။ အဲဒီ ဖြစ်စဉ်ကို လေ့လာလိုက်စားပြီး ပြောင်းလဲပေးဖို့အတွက် ဇီတာသီအိုရီ လိုတယ်။


ဘာလို့ မြို့ပြင်လယ်ကွင်းဘေးမှာ အရာအားလုံး လေးနက်နေပါသနည်း။


နင်သိထားသမျှ ငါ့ကို အကုန်ပြောပြမှ ဖြစ်မယ်ဟ။ နင် ခံစားမိသမျှ နင် စိတ်ထဲ တွေးမိသမျှတွေပေါ့။ ငါကလည်း နင့်ကို အားလုံးပြောပြဖို့ ခေါ်လာတာ။

ငါ ဘာမှမသိဘူး။ တစ်ခါတစ်လေ ငါ ကြောက်တယ်။ ဘာကိုမှန်းလဲ မသိဘူး။

ငါလည်း ဘာမှတော့ သိပ်မသိပါဘူး။ ဒါပေမယ့် ငါတို့ထက်ပိုသိတဲ့ လူတစ်ယောက် ရောက်လာလိမ့်မယ်လို့ ငါ ထင်နေတယ်။ သူနဲ့ တွေ့ပြီးရင် ငါတို့ တစ်ခုခု ဖြစ်ကြလိမ့်မယ်လို့လည်း ငါ ထင်နေတယ်။ ငါ နင့်ကို အကုန်ပြောပြထားမှ ဖြစ်မယ်လို့လည်း ငါ့စိတ်ထဲ ဘာကြောင့်မှန်းမသိ အသိပေးခံရသလို ဖြစ်နေတယ်။ စိတ်ရှည်ရှည် နားထောင်ပေးဟာ။

ဒီလိုဟ ...............
.........................
.........................
........................။

များပြားလှပါ၏။ ကျယ်ဝန်းလှပါ၏။ တစ်စုံတစ်ရာကို ပိုပြီးသိလာသလို ခံစားလာရသည်နှင့် တစ်ပြိုင်နက် တစ်စုံတစ်ရာမှပို၍ ဝေးကွာသွားသလိုလည်း ခံစားနေရ၏။ ထူးဆန်းမှုပေါင်းများစွာ၊ တိုက်ဆိုင်မှုပေါင်းများစွာ၊ များပြားလှသော လေ့လာတွေ့ရှိ မှတ်တမ်းတင်ထားမှုများ။ ဤကိစ္စများတွင် သူ မည်မျှ အာရုံစူးစိုက်ထားခဲ့လေသလဲ။ သူက ဘာလဲ။ မိမိကရော ဘာလဲ။ အခြားသူတွေကရော ...။ အတွေးတွေ အတွေးတွေ။


'နေဝင်တော့မယ်ဟ၊ ပြန်ကြရင်ကောင်းမယ်'


ကာလကြာမြင့်စွာ တိတ်ဆိတ်သွားခဲ့ကြပြီးနောက် ကိုယ့်အတွေးနှင့် ကိုယ်စီ မည်မျှ မျောလွင့်သွားခဲ့ကြသနည်း။ သူ့စကားသံကြားမှ သတိဝင်လာ၏။ အိုး ... ဘယ်အချိန်တုန်းကတည်းက အတူယှဉ်ထိုင်ရင်းမှ သူ့ပခုံးပေါ် ခေါင်းမှီထားခဲ့လေသနည်း။

ထိုနေ့တစ်နေ့က မျက်ရှုလရောင်တစ်ယောက် မသိနားမလည်မှုများနှင့်အတူ ရှက်ခြင်းများစွာဖြင့် ကုန်လွန်လိုက်ရလေသည်။


လူတွေဟာ

သိပ်သေးကွေးပါတယ်

သိပ်အားနည်းပါတယ်

မသိနားမလည်တာတွေလည်း

သိပ်ပြီးများလွန်းတယ်

နေရာယူနိုင်မှု

သိပ်ကျဉ်းတယ်

အချိန်ရရှိမှုလည်း

သိပ်နည်းနေပြန်ရော

လူတွေဟာ

သူ့အစွမ်းအစတွေ ဘယ်လောက်ရှိမှန်း

သူတို့ကိုယ်သူတို့ မသိနိုင်ခင်မှာ

ပြီးဆုံးအောင်

မရှာဖွေရသေးခင်မှာ

သေဆုံးသွားတတ်မြဲ

စကြဝဠာထဲ

လူဆိုတာ သိပ်သေးဖွဲလွန်းတယ်။
ဘယ်သူက ထအကြံရ၍ ဘယ်သူက လိုက်မြှောက်လိုက်ကြသည်မသိ။ ဘယ်သူမှလည်း အားကြတာမဟုတ်ပါဘဲနှင့် ချောင်းသာနှစ်ညအိပ်သွားရန် စီစဉ်ဖြစ်ကြလေ၏။

သေချာတာကတော့ မြို့ပြကြီး၏ နိစ္စဓူဝများကို ငြီးငွေ့နေကြတာနှင့်လည်း အားလုံး လာတိုက်ဆိုင်နေကြပုံရ၏။ ဘယ်မှမှ မငြင်းကြ။ ရုတ်တရက် ကြား ကြားခြင်းကတော့ အားလုံးတစ်ခါခါ ဖြစ်ကြသေး၏။ မအားပါဘူးဆိုမှ ဘယ်သူက ဒီကိစ္စထရှည်တာတုံးဟု တစ်ယောက်ကို တစ်ယောက် လွဲချကြသေး၏။ အမှန်တော့ အားလုံး စိတ်ပါကြသည်သာ ဖြစ်၏။ ခရီးသွားချင်နေကြသည်မှာတော့ အားလုံးအတူတူ။ နောက်ဆုံး ဇော်ဝါး ကနေဒါမှ ပြန်ရောက်လာခြင်းကို လွှဲချလိုက်ကြ၏။ သင်း ပြန်ရောက် လာပြီး ဆတ်ဆော့သဖြင့်သာ အားလုံးမအားသည့်ကြားမှ အားနာပါးနာ သွားကြရပုံမျိုး ဖမ်းကြ၏။ ဘယ်သူမှ မနေခဲ့ကြခြင်းကိုက ဘယ်လောက် လျှောက်ပြောနေနေ သူငယ်ချင်းများစု၍ ခရီးထွက်ချင်နေကြသည်က ထင်ရှား၏။ ဇော်ဝါးကလည်း ထိုသည်ကို သိ၏။ သူပင် တရားခံအဖြစ် ခံလိုက်လေသည်။ ဟိုလူ့ ဖုန်းဆက်လိုက်၊ ဒီလူ့ ဖုန်းဆက်လိုက်နှင့်ပင် လိုက်စီစဉ်နေလိုက်သေး၏။ အမှန်တော့ သူ စီစဉ်စရာ အထွေအထူး လိုလှသည်မဟုတ်။ tour လုပ်ငန်းလုပ်နေသော ရဲသင်ရံနှင့် တပည့်တပန်း ပေါများလှသော တင်မောင် ပါလာသည်နှင့်ပင် အဆင်အတော်ပြေနေပြီ ဖြစ်၏။ ဇော်ဝါး တာဝန်ကား မင်း လုပ်လို့ အလုပ်တွေပျက်တယ် ဟူသော သိပ်မညည်းချင်းဘဲ ညည်းကြသည့်ဒဏ် ခံရုံသာ ရှိ၏။

ရဲသင်ရံ၊ မေနိုးနှင့် ချိုကြီးတို့မှ နေရေးထိုင်ရေး၊ စားရေးသောက်ရေး အကုန်စီစဉ်ကြ၏။ သူတို့လုပ်နေကျကိုး။ တင်မောင်မှ တစ်ယောက်တစ်ပေါက် ယူသွားချင်ကြသော ပစ္စည်းပစ္စယများ အားလုံးကို lite truck တစ်စီးပေါ် စုတင်ကာ သူ့တပည့်နှစ်ယောက်နှင့် အရင်လွှတ်လိုက်၏။ သူ ဝယ်သိမ်းထားသည့် banana boat တွေရော၊ မီးပုံပွဲလုပ်ဖို့ ပစ္စည်း ပစ္စယတွေရော၊ ခွင့်ပြုလျှင်လွှတ်ရန် မီးရှုးမီးပန်းတွေရော၊ စက်ဘီးတွေရော၊ နောက်ဆုံး စွန်လွှတ်ရန် ပစ္စည်းများမှအစ ငါးမျှားတံနှင့် ဗာဟီရ စုံစီနဖာ အားလုံးပါ၏။ သူတို့အားလုံးကတော့ တင်မောင်၏ ပူပူနွေးနွေး အရှုံးပေါ်ထားသော super custom ကြီးနှင့် လစ်ရန် ကြံကြ၏။ ဒရိုင်ဘာ မခေါ်။ တင်မောင်မှ သူ့ကားသူ ကိုယ်တိုင်မောင်းမည် အဆိုတင်သွင်း၏။ သူစိမ်းလူမပါဘဲ သူတို့ချည်းသွားရမှာ ပိုအကြိုက်တွေ့သဖြင့် ကန့်ကွက်မဲမရှိ အားလုံး ထောက်ခံကြလေ၏။

မျက်ရှုလရောင်ကို သွားဝိုင်းခေါ်ကြ၏။ ပထမ အင်တင်တင် ဖြစ်နေသေးသော်လည်း မိန်းကလေးအဖော် မေနိုးပါသည်က တစ်ကြောင်း၊ တစ်သက်လုံးပေါင်းသင်းလာသည့် အကောင်တွေနှင့် သွားရမှာ ဖြစ်သည်က တစ်ကြောင်း၊ နောက်ဆုံး သူ ကိုယ်တိုင်လည်း မြို့ပြကြီးကို ခေတ္တ ရှောင်ရှားနေလိုသည်က တစ်ကြောင်းတို့ကြောင့် ပါလာလေတော့၏။ အန်ကယ်ဖရက်ဒီကြီးက သူပါလိုက်မည် လုပ်နေသေးသဖြင့် အမျိုးမျိုး ရှောင်ကွင်းနေကြသေး၏။ နောက်ဆုံး စကားတတ်လှသော ဇော်ဝါး ဘာသွားပြောလိုက်သည် မသိ။ သူမလိုက်တော့ဘဲ သူ့တူမကိုသာ စိတ်ချလက်ချ ထည့်လိုက်လေတော့မှ သက်ပြင်းချကြရကုန်၏။

ရဲသင်ရံ၊ မေနိုးနှင့် တင်မောင်တို့ ပူးပေါင်း၍ မနက်အစောကြီး အတင်းလိုက်နှိုး၏။ ဇော်ဝါးက ခရီးအမျိုးမျိုး သွားနေကျ လူစားဖြစ်၍ အဆင်သင့် တွေ့၏။ ခေါ်တင်သွားကြပြီး ချိုကြီးဆီ သွား၏။ အီးအီးအဲအဲ အပျင်းကြီးနေကာ တမင်ပေ၍မထဘဲ နေ နေသဖြင့် အတင်းနှိုးကာခေါ်လာရ၏။ အိမ်ချင်းကပ်လျက် ဖြစ်သော်လည်း ရဲသင်ရံမှ မျက်ရှုလရောင်အား မိန်းကလေးမို့ ပြင်ပြင်ဆင်ဆင် အချိန်ပိုရအောင် နောက်ဆုံးမှ တစ်ခါပြန်လာဝင်ခေါ်၏။ သို့သော် မျက်ရှုလရောင်မှာ အဆင်သင့်စောင့်နေသည်ကို တွေ့ကြရ၏။ အားလုံးစုံ၍ ရန်ကုန်က စထွက်တော့ မနက်လေးနာရီခွဲပြီ။ ထိုသို့ဖြင့် ...

"ဟေ့ကောင်  တင်မောင်၊ မင်း ကိုယ့်လားကိုယ်စီး ခန္တီးရောက်ရောက်လုပ်ဖို့ မစဉ်းစားနဲ့၊ ဖြည်းဖြည်းမောင်း၊ မင်းအကြောင်း ငါသိတယ်၊ မြို့ပြင်ထွက်တာနဲ့ သောက်ရမ်းလုပ်မယ့်ကောင်"

"ချိုကြီး ငါ ဘယ်လောက်မောင်းနေလို့လဲ၊ ရှစ်ဆယ်တောင် မရှိဘူး၊ နေစမ်းပါဦး၊ ခါတိုင်း ခရီးသွားရင် လူတိုင်းပြောတယ်၊ မင်းဟာ နောက်ခန်းတစ်ချောင်ချောင်မှာ ပြိတ္တာကြီး အရက်မူးနေသလို သေအောင်အိပ်ပြီး လိုက်နေကျဆိုကွ၊ အခု ဘာကိစ္စ ခေါင်းခန်းမှာ ငါ့ဘေးလာထိုင်ပြီး ပြူးတူးပြဲတဲ ဖြစ်နေတာတုံး"

"မင်း မောင်းတာ စိတ်မချလို့ကွ"

"အောင်မာ၊ ဝပ်ရှော့ပိုင်ရှင်မောင်းတာကိုများ၊ မင်းက ကားအကြောင်း ဘယ်လောက်သိလို့လဲ"

"ဟေ့ကောင်တွေ နားညည်းတယ်ကွာ၊ ဒီမှာ အားလုံး ပြန်မှိန်းနေကြတာကို"

"ဘယ်သူကမှ ဘာမှမပြောတာကို မင်းက ဘာကိစ္စ လာဟောင်နေရတာတုံး"

"ဟ မင်းတို့နှစ်ကောင်ဟာ ကားစထွက်ကတည်းက အယ်လ်တန်ဂျွန်ဟာ ယောက်ျားကြီးပါ အခြောက်ကြီးပါနဲ့ ငြင်းခဲ့ကြပြီးပြီ၊ အခုလည်း နောက်တစ်မျိုး ထပ်ငြင်းကြဖို့ လုပ်နေကြပြန်ပြီ၊ နားညည်းတယ်ကွ၊ သည်းမခံနိုင်တော့ဘူး"

"ဇော်ဝါး ... မင်း လူတကာနဲ့ ခရီးသွားရင် သည်းခံခဲ့တာတွေ ငါတို့နဲ့ကျ အကြွေးလာဆပ်နေတာလား"

"မင်းတို့ဟာကလည်းကွာ"

"မဟုတ်ဘူး ရဲသင်၊ ငါပြောပြမယ်၊ မင်းတော့ ဘယ်လို အလုပ်တွဲလုပ်နေတယ် မသိဘူး၊ ဒီအကောင်ဟာ ငယ်ငယ်ကတည်းက သိပ်ပစိပစပ်များတဲ့ကောင်၊ ခုနက ကြည့်ပါလား၊ တင်မောင်က အယ်လ်တန်ဂျွန် ဘာကြီးဖြစ်ဖြစ် ငါနဲ့မဆိုင်ဘူးဆိုပြီး ပြီးသွားတာတောင် ဒီကောင်က မပြီးဘူး၊ မင်း သေချာမသိဘဲ လာငြင်းတာ ဘာညာနဲ့ ဆက်ချင်သေးတယ်၊ ချိုကြီးက မိန်းမပါးစပ်နဲ့ကောင်"

"ဇော်ဝါး နင်နော် ငါတို့ကို မစော်ကားနဲ့"

"ဟ မျက်ရှု၊ နင် အိပ်နေတာ မဟုတ်ဘူးလား"

"အိပ်လို့ရမလားဟဲ နင်တို့ ဒီလောက်ဆူညံနေတာ"

"နေပါစေ မပြောနဲ့ ဇော်ဝါး၊ ဒီအခြောက်မကြီး ငါ့လာငြင်းနေတာ ကောင်းတာ"

"တင်မောင် မင်း စော်ကားလှချည်လား၊ ဟေ့ကောင်တွေ မင်းတို့ တွေ့တယ်နော်၊ ဘယ်သူအရင် ရန်စလဲဆိုတာ၊ ငါ့ကို ကြည့်စမ်း တင်မောင် ဘယ်နေရာ ခြောက်နေတဲ့ရုပ် ပေါက်နေသလဲ"

"မင်း သောက်ရုပ်ကြီးများကွာ၊ ပိုက်ဆံရမယ်ဆိုတောင် မကြည့်ဘူး၊ အခု ငါ ကားမောင်းနေတာ ပိုတောင် မကြည့်သေး၊ မင်းက ရုပ်ကခြောက်တာ မဟုတ်ဘူး၊ စိတ်က တိတ်တိတ်ပုန်း ခြောက်နေတာ၊ ဒါကြောင့် မင်း အယ်လ်တန်ဂျွန်က အခြောက်ကြီးပါလို့ အတင်း သက်သေထူချင်နေတာ"

"ဟာကွာ အစက ပြန်စကြပြန်ပြီ၊ ငါ ပြောတယ် ဇော်ဝါး ... မင်း သွားပြန်မစပါနဲပဆို"

"မဟုတ်ဘူး ရဲသင် ... ငါက ခရီးသွားရင် အိပ်တတ်တဲ့ကောင်ကွ၊ ဒီကောင်တွေ အလကားနေရင်း အဓိပ္ပာယ်မရှိတာ အော်ကြီးဟစ်ကျယ် ငြင်းနေလို့ဟ"

"နင်တို့ကလည်းဟာ ငါ့ဘေးက မေနိုးပဲ ကောင်းတယ်၊ နင်တို့ ဒီလောက်ဆူနေတာတောင် အိပ်ပျော်သွားပြီ"

"နင် မကျေနပ်ရင် နင်လည်း အိပ်လေ"

"အိပ်မရလို့ပေါ့ဟဲ့၊ နင်တို့ အသံပြဲကြီးတွေနဲ့ ဒီလောက် အော်ဟစ်ငြင်းခုန်နေကြတာ၊ အစက ရှေ့ဆုံးက နှစ်ကောင်ထဲ ငြင်းနေတုန်းက ငါမှေးမှေး မှေးမှေး ဖြစ်သွားသေးတယ်၊ အခု နင်တို့ပါ ထပ်ပါလာလို့ ငါ ပြန်နိုးလာတာ"

"နေ နေ ... မင်းတို့အားလုံး အေးအေးသာနေ၊ ဒီအခြောက်မကြီးကိုသာ ငါနဲ့ ပေးငြင်းလိုက်"

"ဟေ့ကောင် မင်း လုပ်လာပြန်ပလား"

"တင်မောင်ရာ ... ဒီလောက်စကားများတဲ့ကောင်ကို သွားမစစမ်းပါနဲ့၊ မပြီးနိုင်မစီးနိုင် ရှိလွန်းလို့"

"မင်း မသိဘူး ရဲသင်၊ ဒီကောင် ငါ့လာငြင်းနေသရွေ့ ငါမောင်းရတာ အိပ်မငိုက်ဘူးလေကွာ၊ ကက်ဆက်တွေ ဒီဗီဒီတွေတောင် ဖွင့်စရာမလိုဘူး ဟား ဟား"

"သေနာကျက ငါ့ပါ အိပ်မရအောင် လာလုပ်နေတာကိုး"

"မင်းဘာလို့ ငါ့ဘေး လာထိုင်လဲ"

"တော်ပြီ ဟေ့ကောင် ... ငါအိပ်ပြီ"

"နေစမ်းပါဦး ချိုကြီးရာ၊ ငါ သတိရတာ နောက်တစ်ခု မင်းနဲ့ ဆွေးနွေးမလို့၊ အိုဘားမားက နဂိုတုန်းက လူဖြူတဲ့ကွ၊ သူ နိုင်ချေရှိလာတော့မှ အမေရိကန်သမိုင်းမှာ လူမည်းပထမဆုံးသမ္မတ ဖြစ်တယ်ဆိုတာ မှတ်တမ်းတင်နိုင်အောင် ပလတ်စတစ်ဆာဂျရီတွေ ဘာတွေ လျှောက်လုပ်ခဲ့တာကွ"

"ဟ အာ ... တင်မောင် မင်း လုပ်ပြီကွာ"

"အေးလေ၊ အမေရိကန်သမိုင်းကို သမ္မတထက် သူပိုသိတယ်လို့ ယူဆနေတဲ့ကောင်ကိုမှ"

"တင်မောင် ... နင်ဟာလေ"

"ဘာလဲ မျက်ရှု ... နင်က မဖြစ်နိုင်ဘူးတွေ ဘာတွေ ပြောမလို့လား၊ ဒါဆို နင်ပြော၊ ဟစ်တလာ ဘယ်မှာသေသွားသလဲ ကဲ"

"အား ... အားလုံး ခဏနေဦး"

"အေး ပြော ချိုကြီး"

"တင်မောင် ... မင်း လိုကောင်မျိုးသာ သမိုင်းဆရာဖြစ်ရင် နောင်လာနောက်သားတွေအတွက် အတော် ရင်လေးစရာကောင်းတယ်၊ လူဖြူကို လူမည်းလုပ်လို့ ရမလားကွ"

"မိုက်ကယ်ဂျက်ဆင်က မည်းရာက ဖြူမသွားလို့ မင်းကြီးတော်ကြီးလို ညိုတိုတိုကြီး ဖြစ်နေလို့လား"

"ဒီမှာဟေ့ကောင် ... အိုဘားမားဆိုတာက မြို့တော်ဝန်လား ဘာလားက စပြီး ..."

"လုပ်ကြပြန်ပြီကွာ"

မည်သို့ဆိုစေ မိုးလည်းလင်းလာပြီ ဖြစ်၍ မေနိုးမှလွဲပြီး အိပ်မရကြတော့။ ကားလေးမှာ တရိပ်ရိပ်ပြေးဆဲ ...။

ကီလိုတစ်ရာနီးပါး တင်မောင် ထုံးစံအတိုင်း နင်းနေပြီဖြစ်သည်ကို ချိုကြီး မေ့သွားပြီ။ အိုဘားမား ဖြူခြင်းမည်းခြင်းကိစ္စကို ငြင်းခုံလေ၏။ ကျန်သည့်သူများကလည်း အိပ်မရတော့သည့် အတူတူ အရေမရ အဖတ်မရ စဉ်းစားမိသမျှ လျှောက်ဝင်ငြင်းကြ၏။ ကားလေးထဲတွင် ဆူညံနေလေတော့၏။ မေနိုးကတော့ လေယာဉ် ဘယ်လောက်ဆူဆူ ဘာဖြစ်ဖြစ်တောင်မမှုဘဲ အိပ်ရေးမပျက်ခဲ့သူဖြစ်ရာ သူတို့လောက်တော့ မမှု၊ အားရပါးရ အိပ်ကာ ပါလာ၏။ ချိုကြီးမှလည်း တစ်ယောက်နှင့်အများ ဖြစ်နေသည်ကို အလျှော့မပေးဘဲ အိုဘားမားကို သူ့ယောက္ခမအလား ကာကွယ်လေ၏။ ထိုသို့ဖြင့် ....

ပန်းတနော် ရောက်လာကြလေသော် တင်မောင်မှ ဆူညံငြင်းခုံနေကြသော စကားဝိုင်းကို အတင်းအော်ဖြတ်ကာ ခဏနားကြမလားဟု မေး၏။ ကိုယ်မမောင်းရတိုင်း ယာဉ်မောင်းကို နှိပ်စက်လိုကြသည့်အလျောက် မရပ်နဲ့ မရပ်နဲ့ တစ်ခါတည်းရောက်အောင် ဆက်မောင်းဟု တညီတညွတ်တည်း ဝိုင်းအော်ကြ၏။ ထိုအသံကြောင့် မေနိုးပြန်၍ နိုးလာကာ တင်မောင့်ထံမှ ဒရိုင်ဘာတာဝန်ကို သူ မောင်းကြည့်ချင်သည်ဟုဆိုကာ အတင်းလုယူ၏။ တင်မောင်မှာ ဝမ်းသာအားရ တာဝန်လွှဲပေးကာ အားလုံး ဟားနေသည့်ကြားမှ ကားကို မေနိုးလက် အပ်ကာ ရဲသင်ရံနှင့် ဇော်ဝါးကြား အတင်းဝင်အိပ်လေ၏။ ကားမောင်းကျွမ်းကျင်သလောက် ကားမောင်းကြမ်းသော မေနိုးမှာ အသေမောင်းလေ၏။ ရှေ့ခန်းမှ ချိုကြီးမှာ ဘယ်သူ့ကိုမျှ မငြင်းအားတော့ဘဲ မျက်လုံးကြီးပြူးကာ ခါးပတ်တွေဘာတွေ ကောက်ပတ်၍ ဖြည်းဖြည်းဟဲ ဖြည်းဖြည်းဟဲ့ နှင့် လိုက်လေ၏။ နောက်ခန်းထဲမှ လူများကာ တင်မောင်ကို ဝိုင်းဝန်း၍ အတင်းထုရိုက် နှိုးကြသော်လည်း တင်မောင်မှာ ပေခံကာ မရရအောင် အိပ်လေရန် ကြံလေ၏။ ထိုသို့ဖြင့် ရုန်းရင်းဆန်ခတ် ဖြစ်လာကြရင်း ဥတိုချောင်းကူးတံတားအထိ ရောက်လာကြလေသည်။ ထိုအခါ ရဲသန်ရံမှာ ရုတ်တရက် သတိရ၍

"ဟေ့ကောင် ချိုကြီး ချိုကြီး"

"ဘာလဲဟ ... ဟဲ ဟဲ့ မေနိုး ဆိုင်ကယ် ဆိုင်ကယ်"

"လွတ်ပါတယ် ကိုချိုကြီးရဲ့"

"ချိုကြီး ငါတို့ ကိုအေးဝင်းကျော်ဆီ ခဏဝင်မယ်ဆို၊ မင်းပဲ ပေးစရာတစ်ခု ယူလာတယ်ဆို၊ အခု ဥတိုတောင် ရောက်နေပြီ"

"ဟ အေး ... ဒီကောင်မလေးကို ကားကြည့်ပေးနေတာနဲ့ မေ့သွားပြီဟ၊ ပုသိမ်မှာတုန်းက ငါ ပြောမလို့၊ အဝိုင်းကို သောက်ရမ်းကွေ့ချတာနဲ့ ငါ မေ့သွားတာဟ"

"မေနိုးမှ မသိတာ၊ ကိုကို့တို့က မေနိုးမှ မပြောထားတာကိုး"

"ဘယ်သူတုံးဟဲ့ ချိုကြီး"

"အာ မျက်ရှုကလည်း ... ဟိုတစ်ခါ နင်ပြောဖူးတဲ့ ကိုအေးဝင်းကျော်လေ"

"ဟင်"

တစ်မျိုးဖြစ်သွားသော မျက်ရှုကို ရဲသင်ရံ လှည့်ကြည့်လိုက်ပြီးနောက်

"ထားလိုက်ပါတော့ကွာ၊ အပြန်မှ ဝင်ရင်ဝင်တော့ပေါ့၊ ဒီတောင်ရောက်နေပြီ ဥစ္စာ၊ မေနိုး ရတယ်၊ ဆက်မောင်း ဆက်မောင်းလိုက်တော့"

အရှိန်လျှော့ထားသော မေနိုးမှာ တံတားကို ဖြတ်ပြီးနောက် အရှိန်ပြန်တင်လေ၏။ ချိုကြီးမှာ လန့်သွားပြီး

"ဟဲ ဖြည်းဖြည်းဟဲ့ ဖြည်းဖြည်း"

"အဲဒီ အခြောက်မကြီးဟာ သေတစ်နေ့ မွေးတစ်နေ့ အေးအေးစီးလိုက်လာတာ မဟုတ်ဘူး"

တင်မောင်က မကြားတကြား ပြောသော်လည်း အားလုံးကြားအောင် နဂိုကတည်းက ကျယ်ကျယ်ပြောခြင်း ဖြစ်၍ အားလုံးကြားကာ ဝါးခနဲ ဖြစ်ကြ၏။ ချိုကြီးမှ တင်မောင်အား ထောပနာလေသည်။

"ခွေးသား"

ထိုသို့ဖြင့် ....

ပင်လယ်ပြင်ကျယ်ကြီးကို တွေ့သော် အားလုံးပျော်သွားကြလေသည်။ ဆယ်ကျော်သက် အရွယ်များသို့ ပြန်ရောက်သွားသလို အားလုံး ပြန်ခံစားကြရ၏။ ကားမှ ဟိုတယ်ထဲ မရောက်သေး။ ဘာမှန်းမသိ တစ်ယောက်နှင့်တစ်ယောက် လက်ဝါးချင်း ရိုက်ကြ၏။ ဟိုတယ်ထဲသို့ ဝေါခနဲ ကားဝင်ရပ်လိုက်သော် တင်မောင် ကြိုလွှတ်ထားသော ချာတိတ်နှစ်ယောက်မှ အဆင်သင့် စောင်နေကြ၏။ အခြားသူများ မပြောနှင့်။ မေနိုးသည်ပင် ကားရပ်လိုက်ပြီသည်နှင့် တံခါးဖွင့်သင်းကာ တံခါးပင် ပြန်မပိတ်တော့ဘဲ ပင်လယ်ထဲ ဆင်းပြေးသွားကြသူများနောက် ပြေးလိုက်လေ၏။

အဝတ်လဲဖို့ ဘယ်သူမှ မစဉ်းစား။ ရေထဲ ဆင်းပြေးကြ၏။ တင်မောင်နှင့် ချိုကြီးမှ ဇော်ဝါးကို ရေထဲနှစ်ရန် ကြံကြ၏။ နဂိုကတည်းက သူတို့ထက် ရေကူးပိုကျင်လည်၍ သူတို့ထက် အတွေ့အကြုံပိုများသော ဇော်ဝါးမှာ နစ်ချင်ယောင်ဆောင်ကာ ရေငုပ်ပြီး ချိုကြီးခြေထောက်ကို ဆွဲလေ၏။ ရဲသင်ရံပါ ရောက်လာကာ ဇော်ဝါးကို ကူညီ၍ ချိုကြီးကို ပြန်နှစ်လေ၏။ တင်မောင်ကပါ ချိုကြီးကို သစ္စာဖောက်လေသော် သုံးယောက်တစ်ယောက် ဖြစ်၍ ချိုကြီး အနှစ်ခံရကာ ဝူးဝူးဝါးဝါး ဖြစ်လေ၏။ ချိုကြီး ပြန်ပေါ်လာလျှင် မျက်ရှုနှင့်မေနိုးမှာ သဲများဖြင့် ဝိုင်းပေါက်ကြ၏။ လွတ်လပ်စွာ ကလေးများ ပြန်ဖြစ်သွားကြလေပြီ။ ပင်လယ်သည် (သို့မဟုတ်) သဘာဝတရားသည် လူတို့အား အရောင် အစွန်းအထင်း မရှိသော အဖြူရောင်သတ္တဝါများအဖြစ် နဂိုအခြေအနေသို့ ပြန်ရောက်သွားစေခဲ့လေသည်။ ချောင်းသာသို့ သူတို့ ရောက်သွားကြသည်က နေ့ခင်းကြီး။ ချောမောလှပသည့် ကောင်မလေးနှစ်ယောက်နှင့် ကောင်လေး လေးယောက်တို့ ဝုန်းဒိုင်းကြဲ ရေထဲပြေးဆင်းသွားကြပြီး သောင်းကျန်းနေကြသည်ကို မြင်သူများ အံသြကြလေ၏။ ထိုအထဲတွင် ကြိုတင်ဘွတ်ကင် လုပ်ထားသော ဟိုတယ်ကြီးမှ ဝန်ထမ်းများနှင့် တင်မောင့်တပည့်လေး နှစ်ယောက်လည်း ပါ၏။ သူတို့သိထားသည်က ခပ်ငယ်ငယ် ပညာတတ်လုပ်ငန်းရှင်လေးတွေ ရောက်လာကြမည်ဟု။ အခု တွေ့ရသည်က ဆယ်တန်းအောင်ပြီးခါစ ကလေးလေးတွေလို။ သဘာဝရင်ခွင်တွင် လူသားသည် ကလေးလေးတွေမျှသာ ဖြစ်သည် ဟူသော အတွေးအခေါ်မျိုး သူတို့ မတွေးမိ။ ထိုသို့ဖြင့် ....

မေနိုးနှင့် မျက်ရှုလရောင်က တစ်ခန်း နေ၏။ ရဲသင်ရံတို့ လေးယောက်ကား တစ်ခန်းထဲတွင် လုံးထွေးနေကြ၏။ ဟိုတယ်မှာလည်း ရဲသင်ရံတို့နှင့် မကင်းရာမကင်းကြောင်း ဖြစ်လေရာ လိုတာပြည့်စုံအောင် စီစဉ်ပေးကြ၏။ အားလု့း တစ်ရေးတစ်မော အိပ်ကြပြီး ခြောက်နာရီခန့်လောက်တွင် ပြန်နိုးလာကြလေသည်။ တစ်ခန်းကို တစ်ခန်း ဖုန်းဆက်မေးကြပြီး ပင်လယ်ထဲ မဆင်းကြတော့ဘဲ ဟိုတယ်မှ ရေကူးကန်ထဲတွင်သာ ဆင်းဆော့ကြရန် ဆုံးဖြတ်ပြီး ရေကန်ဘေး ဆုံကြလေ၏။

ချိုကြီးမှာ နေ့လယ်က တစ်ခါ ပယ်ပယ်နယ်နယ် ခံထားလိုက်ရပြီး၍ ရေကူးကန်ထဲ မဆင်းတော့ဘူးဟု အကြောက်အကန် ငြင်းဆန်၏။ ဘယ်သူမှ ဘယ်လိုမှ ပြောမရ။ နောက်ဆုံး တင်မောင်မှ ချိုကြီးမဆင်းလျှင် သူလည်း မဆင်းတော့ဘဲ ကန်ဘေးတွင် ထိုင်ကာ တစ်ခါတလေအဖြစ် အပျင်းပြေ ဘီယာသောက်ကြရန် ကြံစည်ကြ၏။

ထိုသို့ဖြင့် လေးယောက်က ရေကန်ထဲ ရောက်သွားပြီး နှစ်ကောင်က ကန်ပေါင်တွင်ထိုင်ပြီး ဘီယာတစ်လုံးသာမှာကာ ဆေးသောက်သလို ရှုံမဲ့သောက်ကြရင်း အမြည်းပေါင်းများစွာ တစ်မျိုးပြီးတစ်မျိုး မှာကာ ခွစားကြလေ၏။ ဇော်ဝါးမှာ လူစုံနှင့် ပေါင်းသင်းနေသူဖြစ်၍ အနည်းငယ် သောက်တတ်သည့်အလျောက် ရေထဲဆော့လိုက် ဟိုကောင်တွေခွက်များမှ တစ်ငုံစီ ငုံကာ အမြည်းနှိုက်စားပြီး ပြန်ဆင်းဆော့လိုက် လုပ်နေ၏။ ခဏကြာသော် ရဲသင်ရံ အကြံနှင့် တစ်ဖက်ကို နှစ်ယောက်စီခွဲကာ ကန်တစ်ဖက် တစ်ချက်စီတွင် နေစေလျက် ကန်လယ်တည့်တည့်ကို တင်မောင်တို့မှ ကျောက်စရစ်ခဲလေး တစ်ခဲ ပစ်ချပေးစေပြီး ရေပြိုင်ငုပ်၍ ရှာကြရန် လုပ်ကြလေ၏။ ရဲသင်ရံနှင့် ဇော်ဝါးမှာ မတိမ်းမယိမ်း ဖြစ်သော်လည်း မေနိုးမှာ မျက်ရှုထက် ရေငုပ်ပိုကျင်လည်လေရာ နှစ်ပွဲမျှ ကစားပြီးသော် ရဲသင်ရံတို့ချည်း ရှုံး၍နေ၏။ ထိုသို့ဖြင့် တတိယပွဲ စ၏။ ရဲသင်ရံတို့က ကန်၏ ရေနက်သည့်ဘက်ခြမ်းတွင် ကျလေသည်။ တင်မောင်မှ ကျောက်ခဲချပေးလိုက်ရာ အလုအယက် ငုပ်လိုက် အသက်တက်ရှုလိုက်နှင့် ရှိကြလေ၏။ ထိုစဉ် မျက်ရှုစိတ်ထဲ တစ်မျိုး ဖြစ်လာ၏။ သူတို့လေးယောက် ကစားနေကြသည်ကို တစ်စုံတစ်ယောက်သည် တစ်နေရာရာမှ ကြည့်နေ သလိုလို ထင်လာ၏။ ထိုအထင်မှာ တဖြည်းဖြည်း သေချာလာလေသည်။ ရေပေါ်ပြန်တက်ကာ ရေကူးကန် ပတ်ပတ်လည်ကို ကြည့်၏။ တင်မောင်နှင့် ချိုကြီးမှလွဲ၍ ဘယ်သူမှမရှိ။ ရေကူးကန်ထဲတွင်လည်း သူတို့ လေးယောက်သာ ရှိ၏။ မျက်ရှု ဇဝေဇဝါ ဖြစ်သွား၏။ သူ ခံစားနေရသည်ကတော့ သေချာလွန်းနေသည်။ သေချာပေါက် တစ်စုံတစ်ယောက် ရှိနေသည်။ သူတို့ကို ကြည့်နေသည်။

ဒါဆိုရင် ....

မျက်ရှု ရေအောက်သို့ ငုပ်ဆင်းလိုက်၏။ တိုက်တိုက်ဆိုင်ဆိုင် ရံသင်ရံတို့ သုံးယောက်လုံး အသက်တက်ရှုနေချိန်ဖြစ်၍ ရေအောက်မှ သူတို့ခြေထောက်တွေသာ မြင်နေရ၏။ မျက်ရှု ကန်အောက်ခြေ ကြမ်းနားအထိ ထပ်ငုပ်ကာ ရေအောက်တွင် လှည့်ပတ်ကြည့်မိ၏။ ရေကန်အောက်တွင် မီးလုံးများ ထွန်းထားသဖြင့် ကောင်းကောင်း မြင်နေရ၏။ သို့သော် ရေကူးကန်၏ ရေနက်ပိုင်း ထောင့်တစ်ခုတွင်ရှိသော မီးလုံးတစ်လုံးမှာ မီးလုံး အားနည်းနေသလိုလို တစ်စုံတစ်ရာနှင့် ကွယ်နေသလိုလို ဖြစ်နေကြောင်း မျက်ရှု သတိထားမိလိုက်သဖြင့် ထိုနေရာသို့ ငုပ်ရင်း ကူးသွားလိုက်၏။ သွားနေရင်းမှ စိတ်ထဲမှ ခံစားမှုသည် ပို၍ သေချာလာသလို ကျောရိုးထဲစိမ့်ခနဲ ဖြစ်သွားကာ မျက်ရှု ရေအောက်တွင် ကြက်သီးထသွား၏။ ထိုနေရာနှင့် တဖြည်းဖြည်း နီးလာပြီ။

"ဟင်"

အသွင်သဏ္ဌာန်တစ်ခု။ မျက်ရှုမှာ ထိုသဏ္ဌာန်ကိုသာ မျက်ခြေမပြတ် စိုက်ကြည့်နေမိတော့၏။ ကြောက်ရွံ့ခြင်း မဖြစ်သလို စိတ်ထဲတွင် ဘာမှ မခံစားရတော့။ ဘာခံစားချက်မှ မရှိတော့။ အရာအားလုံး ဟာလာဟင်းလင်း။ မျက်ရှု အဆုတ်ထဲမှ လေကျန်များ တဖြည်းဖြည်း ထွက်၍သွားနေသည်ကိုပင် သတိမရတော့။

ပြန်ငုပ်လာကြသော သုံးယောက်အနက်မှ မျက်ရှုကို ဇော်ဝါးက ဦးစွာဖြင်၍ ရဲသင်ရံကို လက်ညှိုးထိုးပြလေရာ သုံးယောက်လုံး မြင်သွားကြလေသည်။ သုံးယောက်လုံး ထိတ်လန့်သွားကြလေ၏။ သူတို့ မြင်ရသည်ကား ....

သူတို့ကို ကျောပေးလျက် ရေကန်ထောင့်တစ်နေရာတွင် မည်သည့် လှုပ်ရှားမှုမျှ မရှိဘဲ လက်နှစ်ဖက်ဘေးချ၍ ရေအောက်ကြမ်းပြင်ပေါ်တွင် မတ်တတ်ကလေးရပ်ကာ ငြိမ်သက်စွာ တစ်နေရာကို စိုက်ကြည့်နေသော မျက်ရှုလရောင်။ ဆံနွယ်များက ရေအောက်တွင် ပျံဝဲလျက်။ နှာခေါင်းမှ လေပလုံစီလေးများ တက်လျက်။

ပထမဆုံး သတိဝင်လာသူမှာ ရဲသင်ရံ။ ငါးတစ်ကောင်လို မျက်ရှုလရောင် ရှိရာသို့ လျှောခနဲ ရောက်သွား၏။ ချက်ချင်း ကပ်လိုက်လာသူက ရေသူမလေးတစ်ယောက်လို ကျင်လည်လှသည့် မေနိုး။ ဇော်ဝါးမှာ တွေဝေ အံ့သြနေ၍ နောက်ကျလေ၏။ အရာအားလုံး လျင်မြန်စွာ ဖြစ်ပျက်သွားလေသည်။

ရဲသင်ရံမှ မျက်ရှုလက်မောင်း တစ်ဖက်ကို တင်းကြပ်စွာ ဆုပ်ကိုင်ကာ ရေပေါ်ကူး၍ တက်လိုက်ချိန်မှာပင် မေနိုးမှာ ရေအောက်ကြမ်းပြင်နားထိ ကပ်ငုပ်သွားပြီး မျက်ရှုပေါင်နှစ်ဖက်ကို မြဲမြံစွာ ဖက်လိုက်ကာ ကြမ်းပြင်ကို စုံကန်၍ ကြမ်းကန်အားနှင့်အတူတူ သူပါ လျှောခနဲ တက်လိုက်သွား၏။ နောက်ဆုံးရောက်လာသော ဇော်ဝါးက မေနိုး ခြေဖဝါးနှစ်ဖက်ကို ထပ်၍ အားနှင့် ပင့်တင်ပေးလိုက်လေသည်။

ရေမျက်နှာပြင်ပေါ်သို့ သုံးယောက်လုံး ဘွားခနဲ ပေါ်လာကြ၏။ ထိုအချိန်တွင် မျက်ရှုလရောင်မှာ သတိဝင်လာနေပြီဖြစ်၍ အနီးဆုံး ကန်ပေါင်ဘက်သို့ ခတ်သွားကာ ကန်ပေါင်ကို တွယ်ထားလိုက်လေသည်။ ဇော်ဝါးမှာ မျက်ရှုဘေးမှ ချက်ချင်း ဘွားခနဲ ပေါ်လာ၏။ ရေအောက်မှ ကပ်လိုက် လာသည်ကိုး။ ရဲသင်ရံနှင့် မေနိုး ရောက်လာချိန်တွင်တော့ လေးယောက်လုံး တစ်ယောက်မျက်နှာ တစ်ယောက် ကြည့်မိကြ၍ တိုင်ပင်ထားကြသည့်အလား ကန်ပေါင်ပေါ်သို့ ပြိုင်တူတက်လိုက်ကြကာ အခန်းများရှိရာသို့ ပြန်သွားကြလေတော့၏။ ဤသည်ကို ကန်ပေါင်တစ်ဖက်တွင် ငြင်းခုံစကားများနေကြသော တင်မောင်တို့နှစ်ယောက်ပင် မသိလိုက်။

ထိုသို့ဖြင် ....

ညကိုးနာရီခန့် ရှိပြီ။ ကမ်းခြေတွင် ဘယ်သူမှ သိပ်မရှိတော့။ သူတို့ ခြောက်ယောက်မှာ တင်မောင့် တပည့်လေးနှစ်ဦး ဖိုပေးထားသော မီးပုံကိုဝိုင်းကာ သဲပေါ်တွင်ပင် ခြေပစ်လက်ပစ် ထိုင်နေကြသည်။ အားလုံး အတွေးကိုယ်စီနှင့် မီးပုံကိုသာ စိုက်ကြည့်နေကြ၏။ ပင်လယ်ဘက်မှ လေတဟူးဟူး တိုက်ခတ်နေလေသည်။ လှိုင်းသံများက တဝုန်းဝုန်းနှင့်။ ဇော်ဝါးမှ သစ်ကိုင်းခြောက်လေးတစ်ခုကို မီးပုံထဲ ပစ်ထည့်လိုက်ရင်းမှ

"ငါတော့ တော်တော့်ကို အံ့သြနေတာ၊ လူတစ်ယောက်ဟာ ရေအောက်မှ အဲလိုပုံစံနဲ့ နေလို့ကိုမရဘူး ထင်တယ်၊ တစ်သက်နဲ့တစ်ကိုယ် တစ်ခါမှ မမြင်ဖူးဘူး၊ မင်းတို့ သိပါတယ်၊ ရွယ်တူချင်းအတူတူ ငါက မင်းတို့ထက် နေရာစုံမှာ လူစုံ ပိုပေါင်းလာတာ၊ ရေကျွမ်းတဲ့လူတွေ အများကြီး ငါတွေ့ဖူးတယ်၊ ဒါပေမဲ့ ရေအောက်မှာ အဲလိုနေပြနိုင်တဲ့လူ တစ်ခါမှ မမြင်ဖူးဘူး၊ အဲဒါကြောင့် ငါ ကြောင်နေပြီး နည်းနည်း နောက်ကျသွားတာ၊ တည့်တည့်မတ်မတ်ကြီးကွာ ငါ့နှယ်"

"ကိုဇော်ဝါးကလည်း ကိုဇော်ဝါး မမြင်လိုက်လို့၊ မေနိုးက ကိုကို့ကို အံ့သြသွားတာ၊ မမကိုလည်း မြင်ရော သူ့ကိုယ်သူ ဘယ်လိုလုပ်လိုက်လဲ မသိဘူး၊ လက်နှစ်ချောင်းကို ပေါင်မှာကပ် ခြေထောက်နှစ်ချောင်း စိပြီး တစ်ချက်သာသာလေးပဲ တွန်းလိုက်ရုံနဲ့ လျှောခနဲ မမဆီ ချက်ချင်းထွက်သွားတာ အရမ်းမြန်တာပဲ၊ အမှန်မှာ ကိုကိုတို့ နှစ်ယောက်လုံးက နောက်ကျရမှာ၊ မေနိုးက မမကို မြင်လိုက်တာနဲ့ တစ်ခုခုပဲဆိုတာ ချက်ချင်းသိပြီး ချက်ချင်း စကူးနေပြီ၊ ကိုကိုတို့က ကြောင်နေသေးတာ၊ ဒါပေမဲ့ မမဆီကျ ကိုကိုက အရင်ရောက်သွားတယ်၊ လျှောခနဲပဲ"

"အဲဒါ ငါးရှဥ့်ကူးဖြစ်မှာပေါ့"

"ချိုကြီး ... အကောင်းပြေနေတာကို မင်းက တစ်မျိုး"

"ငါ အကောင်းပြောနေတာဟ၊ မင်းက ငါတို့ထဲမှာ ရေအကျွမ်းဆုံးပါ တင်မောင်ရာ၊ တပ်ထဲမှာတောင် လူကယ်တဲ့နည်းတွေဘာတွေ သွားသင်ထားတဲ့ကောင် မဟုတ်လား၊ ငါးရှဥ့်ကူးလည်း ရှိချင်ရှိမှာပေါ့"

"ကြံကြံဖန်ဖန်ဟယ် ချိုကြီးရယ်"

လက်မောင်းလေးတစ်ဖက်ကို ပွတ်ရင်း မျက်ရှုက ဝင်ပြော၏။ ရဲသင်မှ မျက်ရှုကို လှမ်းကြည့်ရင်း

"နင့်လက်က တော်တော် နာနေလား"

"နာတာပေါ့ဟဲ၊ နင့်အားကြီးနဲ့ အတင်းညှစ်ပြီး ဆောင့်ဆွဲခေါ်သွားတာကို"

ဇော်ဝါးမှ ဝင်ပြော၏။

"နေပါဦးကွ မေနိုးပြောတာ ဟုတ်တယ်၊ ငါတို့ရှိနေတဲ့ နေရာနဲ့ မျက်ရှုရှိနေတဲ့နေရာ ပြောမယ်ဆို ကန်သုံးပုံတစ်ပုံ နီးပါးလောက်တောင် ရှိချင်ရှိမှာ၊ မင်းက ရွှတ်ခနဲ ချက်ချင်းရောက်သွားတာ ဘယ်လိုဖြစ်တာလဲ ရဲသင်"

"ငါလည်း မသိဘူးလေ၊ ကိုယ်ထဲက တစ်ခုခု ဆောင့်တွန်းလိုက်သလိုမျိုးပဲ"

ချိုကြီးမှ မျက်ရှုကို လှမ်းမေး၏။

"နင် လုံးလုံး ရေမမွမ်းဘူးလား"

"မမွမ်းဘူးဟ၊ ဘာမှကို မဖြစ်တာ၊ အဲဒီတုန်းက ငါ ခံစားရတာက ဟာလာဟင်းလင်းကြီးဟ၊ အေးချမ်းနေတာ"

"တော်တော် ထူးဆန်းတယ်၊ နင် ဘယ်တော့မှ ပြန်သိလဲ"

"ပုဏ္ဏား ငါ့လက်မောင်း လာကိုင်တာနဲ့ ငါ ပြန်သိတာ"

မေနိုးမှ ဝင်ပြော၏။

"ကိုဇော်ဝါးကြီးက အကျင့်ကိုမကောင်းဘူး၊ မေနိုးကို တွန်းတင်တုန်းက ခြေဖဝါးကို ကလိထိုးလွှတ်လိုက်သေးတယ်"

"ဘုရားစူးရစေရဲ့ လက်မနဲ့ မတော်တဆ ကုတ်မိတာပါဆို နင်ကလည်း ဒါပဲပြဿနာရှာနေ"

"မင်းတို့ ပြန်ပြောပုံအရဆို တော်တော် သေသေသပ်သပ်နဲ့ စနစ်တကျ ရှိမှာကွ၊ ငါ မမြင်လိုက်ရတာ နာတာပဲ"

"လုပ်မနေနဲ့ တင်မောင်၊ မင်း ရှိနေလည်း အံ့သြလွန်းလို့ ငါ့လိုကြောင်ပြီး ကျန်ခဲ့မှာပဲ၊ နေစမ်းပါဦး မေနိုး ... ညည်း ငါ အခုမှ သတိရတယ်၊ ညည်း ကြမ်းအထိ ငုပ်ဆင်းသွားပြီး မျက်ရှုခြေထောက်ကို ဖက်ပြီး ကန်တက်သွားတာ တော်တော် ကြည့်လို့ ကောင်းတယ်၊ ညည်း ဘယ်လိုလုပ် စိတ်ကူးရလဲ"

"ကိုဇော်ဝါးကလည်း ... မေနိုးတို့ကျောင်းမှာ ရေပေါ်ပန်းဖွားကတဲ့ training ရှိတယ်လေ၊ ဒီလိုပဲ တစ်ယောက်ကိုတစ်ယောက် မြှောက် မြှောက်တင် တင်ပေးနေရတာ အကျင့်တောင်ပါလို့ ရိုးနေပြီ၊ လူညီလို့ သုံးလေးယောက် ဆင့်လိုက်ရင် ရေပေါ်လွတ်ပြီး အမြင့်ကြီးတောင် ပစ်ပေးနိုင်သေးတယ်"

"ဘာလို့ ခြေကျင်းဝတ်တို့ ခြေသလုံးတိုပက မဖက်ဘဲ ပေါင်ကဖက်ပြီး ကန်တက်တာလဲ"

"ခြေသလုံးကဖက်ပြီး ကန်ပေးရင် ဒူးခေါင်းနှစ်ဖက်ကို စိတ်မချရဘူးလေ အစ်ကိုရဲ့၊ ရေထဲမှာက ဒူးတွေ ရေဖိအားနဲ့ ကွေးသွားတတ်တယ်၊ ကွေးသွားရင် တွန်းတင်တဲ့အရှိန် လျော့သွားရော၊ မြန်မြန်ထိုးတက်မသွားတော့ဘူးလေ၊ ခြေကျင်းဝတ်ဆို ပိုဆိုးတာပေါ့၊ ခါးကတော့ သေချာတယ်လေ၊ အဲဒါကြောင့် ပေါင်ကဖက်ပြီး ကန်တက်တာ"

"ညည်းကတော့ အတတ်ကို စုံပါတယ်ဟာ"

မျက်ရှုမှ ဝင်ပြော၏။

"ဘာပဲဖြစ်ဖြစ်ဟာ ငါကတော့ နင်တို့အားလုံးကို အရမ်း ကျေးဇူးတင်ပါတယ်၊ နင်တို့နဲ့ နေ နေရရင် ငါ ငါ့မိသားစုနဲ့ နေ နေရသလို အရမ်း လုံခြုံတယ်လို့ ခံစားရတယ်"

တင်မောင်မှ ဝင်ပြော၏။

"ငါတို့က နင့်မိသားစုပဲလေဟာ၊ ငါက အဘိုး၊ ဟိုကောင် ရဲသင်ရံနဲ့ ဇော်ဝါးက ငါ့သားတွေ၊ နင်က ဇော်ဝါးသမီး၊ မေနိုးက ရဲသင်သမီး"

"ဒါဆို ချိုကြီးကရော"

"ချိုကြီးက ငါ့မြစ်လုပ်ရင်လုပ်၊ မလုပ်ရင် ငါ့မိန်းမ အဘွားကြီးကွာ၊ အငြင်းသန်တဲ့ ပစိပစပ်များတဲ့ စပ်စုတဲ့ အဘွားကြီး၊ အဘွားကြီးမှ အခြောက်အဘွားကြီး"

"မိုက်ရိုင်းလှချည်လား"

ဝါးခနဲ ရယ်ဖြစ်ကြလေ၏။ ရယ်နေကြရင်းမှ မေနိုးက ရုတ်တရက် သတိရကာ

"နေဦး နေဦး တစ်ခုမေ့နေတယ်၊ မမက မယ်မယ်ရရ မမြင်ရဘူးဆိုပေမဲ့ မမ မြင်ရတာတော့ အခုပြောပြ၊ ထမင်းစားတုန်း မေးတုန်းက ညမှ အေးအေးဆေးဆေး သေချာပြောပြမယ်ဆို"

"ဟ အေး ဟုတ်တယ်"

"အေး အေး မျက်ရှု လုပ်စမ်းပါဦး၊ နင် ဘာတွေကြည့်နေတာလဲ"

မျက်ရှုမှ

"ဒီလိုဟ"

ကစားနေကြရာမှ သူ စခံစားလာရပုံမှစ၍ သဏ္ဌာန်တစ်ခုနား ရောက်သွားသည်အထိ အသေးစိတ် ပြောပြလေ၏။ အားလုံး စိတ်ဝင်တစား နားထောင်ကြလေ၏။ ဝိုင်း၍လည်း စကားထောက်ပေးကြ၏။

"အနားရောက်တော့"

"အနားရောက်တော့ ငါ မြင်ရတာက ပြတင်းပေါက်လေးတစ်ခုလိုလို၊ ဘာလိုလိုဟ၊ သိပ်မသဲကွဲဘူး၊ ပြတင်းပေါက်မှာ Dream Catcher လေးလိုလို ဘာလိုလိုလေး လှုပ်နေတဲ့ ဝိုးတိုးဝါးတားဟာလေး တစ်ခုလည်းရှိတယ် ထင်တယ်ဟ"

"ဟင် ... နောက် နောက်တော့ရော မမ"

"နောက်တော့ မြင်ရသလိုလိုရှိတာက မမက ပြတင်းပေါက် အထဲကနေ အပြင်ကို မြင်ရသလိုမျိုး မဟုတ်ဘူး မေနိုးရဲ့၊ ပြတင်းပေါက် အပြင်ကနေ အိမ်ထဲကို မြင်ရသလိုမျိုး၊ ချာတိတ်လေးတစ်ယောက်လိုလို မေနိုးရဲ့၊ မျက်နှာလေးတော့ မသဲကွဲဘူး၊ မျက်လုံးနဲ့ ဆံပင်လေးတော့ သဲကွဲတယ်၊ ဆံပင်နက်နက် အုပ်အုပ်စင်းစင်းလေးတွေနဲ့ မျက်လုံးညိုညိုလေးတွေ မမကို ကြည့်နေသလို၊ သူက ပြတင်းပေါက်လေးကနေပြီး မေးလေးနှစ်ဖက်ထောက်ပြီး ငေးနေသလိုလို"

"ဘုရားရေ ..."

"ဘာလို့ အဲလောက်လန့်နေတာလဲ မေနိုးရဲ့၊ မမ မှတ်မိသလောက် သူ ဝတ်ထားတဲ့ ဆွယ်တာလေးက ..."

"အပြာရင့်ရောင် သိုးမွေးလက်ရှည်လေး၊ လည်ပင်းကို ခေါက်ထားတဲ့ turtle neck လေး မဟုတ်လား၊ မျက်နှာလေးက ပြုံးပြီး ကဗျာတွေ ရွတ်နေတာလေ၊ တစ်ခါတစ်ခါ မမီမကမ်းလေးနဲ့ ပြတင်းပေါက်အပေါ်မှာ ချိတ်ထားတဲ့ Dream Catcher လေးကို လှမ်းလှမ်းပုတ်ပြီး ဆော့သေးတယ်"

"ဟင် မေနိုး .... ဘယ်လိုလုပ်သိလဲ"

နှစ်ယောက်လုံး ထိတ်လန့်စွာ မတ်တတ်ထရပ်လိုက်ကြသဖြင့် အားလုံး ပြူးတူးပြဲတဲ ထရပ်ကြလေသည်။

"ဘာ ဘာတွေလဲ"

မျက်ရှုနှင့်မေနိုးမှာ အံ့သြလွန်းစွာ တစ်ယောက်ကိုတစ်ယောက် ကြည့်နေကြလေ၏။

"ဘယ်လိုလုပ်သိလဲ မေနိ်ုး၊ ဟင် ... ဘယ်လိုလုပ်သိလဲဟင်၊ မမထက်ပိုအသေးစိတ် ဘာလို့ သိနေတာလဲ"

မေနိုး ပြန်မဖြေ။ ရဲသင်ရံဘက်ကိုသာ လှည့်၍

"ကိုကို"

ရဲသင်ရံမှ မေနိုးကို စူးစိုက်စွာ တစ်ချက်ကြည့်ပြီး မျက်ရှုဘက် လှည့်ကာ

"မျက်ရှု ... အဲဒါ နာနားပဲ၊ အဲဒါ မေနိုးမောင်လေးပဲ၊ မေနိုး ပြောပြဖူးလို့ သူ အဲဒီ ပြတင်းပေါက်လေးမှာ ထိုင်နေတတ်တာရယ်၊ ဆွယ်တာလေးက သူ သိပ်ကြိုက်တဲ့ ဆွယ်တာလေးဆိုတာရယ်"

"Dream Catcher လေးက ချာတိတ် subject တစ်ခုမှာ A+ ရတုန်းက မေနိုး ဝယ်ပြီး ချိတ်ပေးထားတာဆိုတာရယ်"

အားလုံး ဇော်ဝါးကို လှည့်ကြည့်မိကြ၏။ အံ့အားသင့်လွန်းစွာ။ မေနိုးမှာ အံ့သြလွန်းသဖြင့် ဘာသံမှမထွက်တော့။ မျက်ရှုမှာလည်း

"ဇော်ဝါး ... နင် ... "

ဇော်ဝါး သက်ပြင်းတစ်ခုကို မှုတ်ထုတ်ကာ ခြေပစ်လက်ပစ် ပြန်ထိုင်ချလိုက်ရင်း

"ရဲသင် ရန်ကုန်ပြန်ရောက်ရင်တော့ ဒီကိစ္စတွေနဲ့ ပတ်သတ်ပြီး တစ်ခုခု သေချာစီစဉ်မှ ဖြစ်တော့မယ် ထင်တယ်"

အားလုံး ငြိမ်သက်စွာ ပြန်ထိုင်ကြ၍ အတွေးကိုယ်စီနှင့် တိတ်ဆိတ်သွားကြလေတော့၏။ အတော်ကြီးကြာမှ ချိုကြီးက ဘယ်သူ့ကိုမှ မကြည့်ဘဲ မီးစွယ်ကျိုးစဖြစ်နေပြီ ဖြစ်သော မီးပုံကိုကြည့်ရင်း

"ဘာပဲဖြစ်ဖြစ် နောက်နေ့တွေမှာတော့ ငါတို့ ရေဆော့ရင်း အားလုံး တူတူဆော့မယ်၊ ငါတို့ကို တင်မောင့်ချာတိတ်နှစ်ယောက်ကို အမြဲ စောင့်ကြည့်ခိုင်းထားရမယ်၊ အမြဲတမ်း တစ်ယောက်ကို တစ်ယောက် သတိထားနေရမယ်၊ တစ်ယောက်ထဲ ဖောက်ပြီး ဘာမှ လုပ်ခွင့်သွားခွင့် မရှိဘူး၊ နင်တို့ မိန်းကလေးနှစ်ယောက်အခန်းကို ငါ သတိရတိုင်း ဖုန်းဆက်ပြီး check လုပ်မယ်၊ အချိန် တော်တော်များများတော့ အားလုံးတူတူ ရှိနေအောင် ကြိုးစားပြီး တတ်နိုင်သလောက် ခရီးထွက်လာတုန်းလေး ပျော်ပျော်နေကြမယ်၊ အဲဒါ အခု ငါ ထုတ်လိုက်တဲ့ စည်းကမ်းပဲ၊ ငါတို့က တခြားလူတွေလို မဟုတ်ဘူး၊ စည်းကမ်းဖောက်ဖျက်ရင် ဘာတွေမှန်း မသိတာတွေ လျှောက်ဖြစ်ကုန်လိမ့်မယ်၊ ငါ ပြောတာ ဘယ်လိုသဘောရလဲ"

အားလုံး ချိုကြီးကို ကြည့်မိကြ၏။ ချိုကြီးကတော့ ဘယ်သူ့ကိုမှ မကြည့်။ စေ့စေ့ပိတ်ထားသော နှုတ်ခမ်းများနှင့် စူးစူးစိုက်စိုက် ကြည့်နေလေသည်။ ပြီးမှ တဖြည်းဖြည်း မော့လာကာ လူတိုင်းကို သေချာကြည့်ရင်း

"ဘာတွေဖြစ်နေတယ်ဆိုတာ ငါ မသိဘူး၊ ငါ သိတာက အခု ဒီမှာ ရှိနေတဲ့ ငါတို့အားလုံး တတ်နိုင်သလောက် ဘာမှ တစ်စုံတစ်ရာ ထိခိုက်မှု မဖြစ်အောင် ငါ တတ်နိုင်သလောက် ကာကွယ်သွားမယ် ဒါပဲ"

အားလုံး မျက်နှာအရောင်များ ပြောင်းသွားကြ၏။ ကပ်၍ထိုင်နေသော ရဲသင်ရံမှ ချိုကြီးပခုံးကို လေးလေးစားစားပုတ်၍

"မင်း တော်တယ် ချိုကြီး၊ အဲဒါ မင်းအစစ်ပဲ၊ မင်းကို သူငယ်ချင်းတော်ရတာ ငါ ဝမ်းသာပါတယ်၊ မင်း စည်းကမ်းတွေကို ငါတို့ တသွေမတိမ်း လိုက်နာမှာပါ၊ စိတ်ချပါ၊ မင်းဘယ်လောက် ငါတို့ကို ချစ်တယ်ဆိုတာ ငါတို့ သိပါတယ်"

ဇော်ဝါးမှ

"သိပ်ကောင်းတယ် ချိုကြီး၊ မင်းပြောတာ ဟုတ်တယ်၊ ငါတို့ နေသင့်တဲ့ အရပ်မှာနေပြီး လုပ်သင့်တာကို စနစ်တကျ လုပ်ကြတာပေါ့ကွာ"

ငြိမ်သွားကြပြန်၏။ ရုတ်တရက် တင်မောင်မှ ထ၍

"ဒီလိုကျပြန်တော့လည်း ငါ့မိန်းမ အခြောက်အဘွားကြီးက သတ္တိတွေရှိနေပြန်ရော၊ တော်နေပြန်ရောဟ"

"ခွေးမသားက တစ်မျိုး"

တင်မောင်မှာ ပြောပြီးသည်နှင့် သောင်ပြင်တစ်လျှောက် ထပြေးလေရာ ချိုကြီးထလိုက်သဖြင့် အားလုံး ပြေးကြလွှားကြ ဖြစ်ကြရင်း ဆူညံနေကြပြန်လေတော့၏။

ပြဿနာကို ပျော်ရွှင်စွာ တည့်တည့် ရင်ဆိုင်ဖြေရှင်းတတ်ကြခြင်းသည် လူငယ်များ၏ ထက်မြက်သော အလေ့အထတစ်ခုပေပဲလား။ ပင်လယ်ကြီးကတော့ လှိုင်းများ တဝုန်းဝုန်းနှင့် အားပေးနေသယောင်။

ထိုသို့ဖြင့် ....

နောက်ရက်များတွင်တော့ ထူးခြားမှုမရှိ။ ပျော်၍သာ နေကြလေသည်။ ချိုကြီးစည်းကမ်းအတိုင်း နေကြ၏။ အန္တရယ် တစ်စုံတစ်ရာ မတွေ့ကြ။ တင်မောင်မှာ banana boat ကြီး ယူလာသော်ငြား ဆွဲပေးမည့် မော်တော်မရှိသဖြင့် ဘာမှလုပ်မရ ဖြစ်လေ၏။ သို့သော် ဘယ်သူကမှ အပြစ်မပြောကြ။ ဘဝတွင် ခဏတာ ရရှိတာ အချိန်လေးများကို စိတ်ချမ်းသာစွာ ဖြတ်သန်းသွားကြရန် သူတို့ ဆုံးဖြတ်ထားခဲ့ကြပြီ ဖြစ်လေသည်။
ကုန်းမြေနှင့် ရေပြင်၏ အစပ်တွင် သူတို့ ပျော်ရွှင်နေကြလေသည်။

တစ်နည်းအားဖြင့် ကုန်းနှင့်ရေ၏ အစပ်တွင် သူတို့ ပျော်ရွှင်နေခဲ့ကြပါသည်။

တစ်နည်းအားဖြင့် နယ်နိမိတ်နှစ်ခု၏ အစပ်တွင် သူတို့ ပျော်ရွှင်နေခဲ့ဖူးကြပါသည်။

ထိုသို့ဖြင့် ...

သူတို့တွင် မျှော်လင့်ခြင်းများ ရှိနေခဲ့ကြလေသည်။

ထိုသို့ဖြင့် ...

သူတို့တွင် အချင်းချင်း စိတ်ချယုံကြည်မှုများ ရှိခဲ့ကြ၏။

ထိုသို့ဖြင့် ...

သူတို့တွင် မသိနားမလည်ခြင်းများ ရှိခဲ့ကြ၏။

ထိုသို့ဖြင့် ...

ပြင်ဆင်ထားခဲ့ပြီးလေသော စိတ်ဓါတ်များလည်း ရှိနှင့်ခဲ့ကြ၏။

ထိုသို့ဖြင့် ...

ဘယ်အညှိုးတွေကြောင့်

မိုးတွေ ခေါင်နေခဲ့တာလဲ

ဒီနေရာဟာ

ကမ္ဘာမြေရဲ့ အဖွင့်အပိတ် မြက်ခင်း

ရှင်းရှင်းလင်းလင်း

ထင်းထင်းမြင်သာ

လာ

ဒီနေရာမှာ

မြေပြင်အမြင့် ခြောက်လက်မနေရာကတောင်

မိုးတွေရွာချချင် ရွာချခွင့်ရှိတယ်



"ဟိုကောင်တွေနဲ့ တွေ့သေးလား တင်မောင်"

"မတွေ့ဘူး၊ ပြန်ရောက်ပြီးကတည်းက အရင်ဆုံးပြန်တွေ့တာ မင်းပဲ အခြောက်မကြီးရဲ့၊ ဖုန်းတော့ ရတယ်"

"ဟေ့ကောင် စကားကို ကောင်းကောင်း ပြောစမ်း၊ ငါက စိတ်ပူလို့ မေးတာ၊ မဟုတ်မဟတ်တွေ ထပ်ဖြစ်မှာ စိုးလို့"

"မင်း ဖုန်းတွေရနေတာပဲ မဟုတ်လား"

"အေး"

"ဒါဆိုလည်း ပြီးတာပဲလေကွာ၊ ပြော မင်းကား ဘာလုပ်မှာလဲ"

"ရေးဆေးမယ်၊ အောက်ပိုင်းဆီဖြန်းမယ်၊ အလိုင်းမင်းချိန်မယ်၊ အောက်ပိုင်းစစ်မယ်"

"အနည်းဆုံး ငါးသောင်းပဲ ဟေ့ကောင်"

"တင်မောင် မင်း အချင်းချင်းတောင် လောဘကြီးလှချည်လား"

"ငါ လောဘကြီးတာ မဟုတ်ဘူး၊ မင်းကိုယ်ကြီးနဲ့ မညှာမတာ တက်ထိုက်ပြီး ကျွဲခိုင်းနွားခိုင်း ခိုင်းထားတဲ့ မင်းကားက မစ္စည်းဖိုးတင် အဲလောက်ကျမှာ၊ ငါ မြင်ရုံနဲ့ သိတယ်"

"အောင်မာ"


"ပန်းတစ်စည်းလောက် ခင်ဗျာ"

"ဟုတ် ဘယ်ထဲက ... ဟဲ့ အံမာ ဇော်ဝါး သရဲလာခြောက်တာလား"

"ဟဲ ဟဲ မဟုတ်ဘူးဟ"

"ဘာလဲ ငါ့ကို မုန့်လာဝယ်ကျွေးတာလား"

"ကျွေးဆိုလည်း ကျွေးရတာပေါ့ဟာ၊ မျက်ရှု ငါ နင့်ကို စကားပြောစရာ ရှိလို့ဟ"

"အမယ် ထူးထူးဆန်းဆန်း ဘာလဲ ဇော်ဝါး နင် ငါ့ကို ရည်းစားစကား လာပြောတာလား ဟား ဟား"

"ငါကတော့ နင့်ကို တစ်သက်လုံး ရည်းစားစကား ပြောမှာ မဟုတ်ဘူး၊ တခြားတစ်ယောက် ပြောလိမ့်မယ်၊ ငါ ပြောချင်တာက နင်တို့ဖြစ်ဖြစ်နေတဲ့ ကိစ္စနဲ့ ဆိုင်လို့"

"ဟင်"

"အေး၊ ငါ ဟိုကောင်တွေကိုတော့ ပြောသင့်သလောက် ပြောပြပြီးပြီ၊ ဒီလိုဟ ငါ့မှာ ဆရာမတစ်ယောက် ရှိတယ်ဟ၊ သူက နင်တို့ ကိစ္စတွေကို ဖြေရှင်းကောင်း ဖြေရှင်းပေးနိုင်လိမ့်မယ်၊ အဲဒါဟာ သူက ...."

"နေ ... နေဦး ဇော်ဝါး"

"ဘာလဲဟ"

"ငါတို့ အေးအေးဆေးဆေး တစ်နေရာရာ သွားပြောကြရင် ကောင်းမယ် ထင်တယ်"

"ပိုကောင်းတာပေါ့ သူငယ်ချင်း"

“သင့်ဘဝကိုမပြောင်းတဲ့ အသက်မွေးဝမ်းကျောင်းမှာ သင့်ဘဝကိုမရောင်းပါနဲ့"

အထူးသဖြင့် အခုလို နိုင်ငံရပ်ခြား တိုင်းတပါးမှာ မိဝေးဖဝေး၊ ဆွေဝေးမျိုးဝေး၊ တချို့ လင်ဝေး၊ မယားဝေး၊ သားဝေး၊ သမီးဝေး လာရောက်လုပ်ကိုင် ဝင်ငွေရှာနေသူတွေအနေနဲ့ ကျွန်တော်တို့ရဲ့ အတတ်ပညာတွေ၊ ခွန်အားတွေ၊ ကျွန်တော်တို့ရဲ့ အနုပျိုဆုံး၊ အသန်စွမ်း၊ အကောင်းဆုံးအချိန်တွေစတဲ့ ကျွန်တော်တို့ရဲ့ ဘဝတွေကိုတင် ကျွန်တော်တို့အသက်မွေးဝမ်းကျောင်းအတွက်ကျွန်တော်တို့ရောင်းချထားကြတာဟာ မဟုတ်ပါဘူး။ အမေ့အိမ်ရဲ့အဝေးမှာ အမေ့အိမ်ကိုငေးနေတဲ့ သားအတွက်၊ သမီးအတွက် ပူပင်သောက စိတ်မချတဲ့ မိခင်တစ်ယောက်ရဲ့ ဗျာပါဒတွေ၊၊ ဖခင်တစ်ယောက်ရဲ့ လူမသိ၊ သူမသိ တရိရိလွမ်းဆွတ်တမ်းတသတိရမှုတွေ၊ အိုကြီးအိုမမှ သားသမီးရဲ့အနီးကပ်ပြုစုမှုမခံရ ကသီလင်တနိုင်နေကြတာတွေ၊ ကိုယ့်သမီး၊ ကိုယ့်သားကို ခွဲထားခဲ့ရတဲ့သူတွေအတွက်ဆိုရင် မိဘရဲ့ အနီးကပ်ပြုစုယုယကြင်နာမှု ငတ်မွတ်ရှာတဲ့ ကလေးတစ်ယောက်ရဲ့ စိတ်အလိုမကျမှု၊ စိတ်အလို မပြည့်ဝမှု စတဲ့ တစ်သက်လုံးစာ သေရာပါသွားတော့မယ့် စိတ်ဒဏ်ရာတွေ၊ (ကျန်နေခဲ့ရတဲ့ ကလေးတင်မဟုတ်ပါဘူး။ ဝေးနေကြရတဲ့ လူကြီးတွေ၊ ခုလို ရပ်ဝေမြေခြား တိုင်းတစ်ပါးမှာ ရောက်နေကြတဲ့ ကျွန်တော့်ပတ်ဝန်းကျင်က မိတ်ဆွေတော်တော်များများခမျာ စိတ်ကျန်းမာရေး ဒေါင်ဒေါင်မမြည်ကြရှာပါဘူး)၊ ဒါ့အပြင် နိုင်ငံတော်ရဲ့ လုပ်အားဆုံးရှုံးမှုတွေ၊ ဦးနှောက်ယိုစီးမှုတွေ စတဲ့ စတဲ့ အရာတွေကိုပါ ရောင်းချထားကြရတာပါ။ ကျွန်တော်တို့ အသက်ရှင်ရပ်တည်နိုင်ရုံ၊ စားဝတ်နေရေးချောင်လည်စေရုံမျှသာ အထောက်အပံ့ဖြစ်စေပြီး ကျွန်တော်တို့ရဲ့ ဘဝကို သူမတူ တစ်မူထူးအောင် ပြောင်းလဲစေနိုင်စွမ်းမရှိတဲ့ အဲဒီလို အသက်မွေးဝမ်းကျောင်းအတွက် ကိုယ့်ဘဝ(အထူးသဖြင့် ဘဝရဲ့ဆီဦးထောပတ်ကာလ) နဲ့တကွ စောစောကပြောခဲ့တဲ့ ဘဝနဲ့ နောက်ဆက်တွဲ အခြားလူတွေရဲ့ဘဝတွေကိုပါ ဒွန်တွဲ ရောင်းချထားကြရတာ ထိုက်တန်ပါရဲ့လား။

"လူအမြောက်အမြားဟာ (၂၅) နှစ်သားမှာ သေဆုံးသွားကြပြီး အသက် (၇၅) နှစ် မပြည့်မချင်း ဂူမသွင်း မြေမမြှုပ်ကြဘူး" တဲ့။ ခြောက်ခြားတုန်လှုပ်ဖွယ် အမှန်တရားကို Benjamin Franklin ပြောကြားခဲ့ပါတယ်။ 

လူသားမှာ အရေးအကြီးဆုံးတရားဟာ သစ္စာတရားပါ။ အဲဒီအရေးအကြီးဆုံးသော သစ္စာတရားတကာ သစ္စာတရားတွေအနက်မှာ မိမိကိုယ်ကိုယ် သစ္စာရှိမှုဟာ အရေးအကြီးဆုံးပါ။ ဘာဖြစ်လို့လဲ။ မိမိကိုယ်ကိုယ်မှ သစ္စာမရှိတဲ့သူတစ်ယောက်ဟာ သူတစ်ပါးအပေါ်မှာ သစ္စာစောင့်သိဖို့ဆိုတာ ဘယ်လိုမှ မဖြစ်နိုင်ပါဘူး။ ကုိုယ့်ကိုယ့်ကိုယ် သစ္စာရှိတယ်ဆိုတာ ဘာလဲ။ ...။ ကိုယ့်ရဲ့ ယုံကြည်မှုတွေ၊ ကိုယ့်ရဲ့တန်ဖိုးတွေ၊ ကိုယ့်ရဲ့အိပ်မက်တွေ၊ ကိုယ်ရဲ့ဝါသနာတွေ၊ ကိုယ့်ရဲ့ဖြစ်နိုင်စွမ်းတွေ အပေါ်မှာ သစ္စာရှိတာဟာ ကိုယ့်ကိုယ့်ကိုယ် သစ္စာရှိတာပါပဲ။

ပိတုန်းတွေဟာ သူ့ခန္ဓာကိုယ်ဖွဲ့စည်းပုံအရ ပျံလို့ရစရာအကြောင်းမရှိပါဘူးတဲ့။ ဒါပေမယ့် သူတို့ဟာ ပျံလို့မရဘူးဆိုတာကို မသိခဲ့တဲ့အတွက်၊ တစ်နည်းအားဖြင့် သူ့တို့ခန္ဓာဗေဒရဲ့အားနည်းချက်ကို မသိဘဲ ပျံနိုင်တယ်လို့ပဲ ယုံကြည်တဲ့အတွက် ဒီကနေ့ ကမ္ဘာနဲ့အဝှမ်းက ပိတုန်းတွေဟာ ပျံသန်းနေကြပါတယ်။ 

မျက်မှောက်ခေတ် သတ္တဝါတွေထဲမှာ ခွန်အားအကြီးဆုံးဆိုတဲ့ ဆင်၊ ဧရာမသစ်ပင်ကြီးတွေကိုပါ တွန်းလှဲနိုင်တဲ့ဆင်ဟာ သူ့ခွန်အားနဲ့ယှဉ်လိုက်ရင် အင်မတန်သေးငယ်တဲ့သံကြိုးလေးမှာ မရုန်းကန်ဘဲ ငြိမ်ခံနေတာ မလွတ်မြောက်ချင်လို့တော့ မဟုတ်လောက်ဘူး။ အဲဒီသံကြိုးလေးဟာ သူရုန်းလိုက်ရင် ပြတ်သွားမယ်ဆိုတာ သူမသိလို့ပါတဲ့။ တစ်နည်းအားဖြင့် အဲဒီသံကြိုးလေးကို သူမဖြတ်တောက်နိုင်ဘူး၊ မလွတ်မြောက်နိုင်ဘူးလို့ ယုံကြည်နေလို့ပါ။ ပိတုန်းတွေရဲ့ အဖြစ်နဲ့ ဆင်တွေရဲ့အဖြစ် ဒါတွေဟာ ကိုယ့်ယုံကြည်မှုကြောင့် ကိုယ်ဖြစ်ကြတာတွေချည်းပါပဲ။ 


Goethe က ပြောတယ်။ လူတစ်ယောက်ကို သူဖြစ်ရှိနေတဲ့ အတိုင်းဆက်ဆံရင် သူဟာ အဲဒီ သူဖြစ်ရှိနေတဲ့ အနေအထားမှာပဲ ရပ်တန့်ကြွင်းကျန်နေလိမ့်မယ်တဲ့။ သူ့ကို သူဖြစ်ရှိနေတဲ့ အနေအထားအတိုင်း မဆက်ဆံဘဲ သူဖြစ်ရှိသင့်တဲ့၊ သူရောက်ရှိနိုင်တဲ့ အနေအထားအတိုင်း ပြောဆိုဆက်ဆံပေးလိုက်ရင် အဲဒီလူဟာ သူဖြစ်ရှိသင့်တဲ့၊ သူရောက်ရှိနိုင်တဲ့ အခြေအနေ၊ ဘဝအနေထားကို ရောက်လာလိမ့်မယ်တဲ့။ 

ကျွန်တော်တို့ ကိုယ်စီကိုယ်ငှ ဖြတ်သန်းလာကြတဲ့ ကိုယ့်ဘဝကို ပြန်ကြည့်ပါ။ လူတစ်ယောက်ယောက်ရဲ့ ကိုယ့်အပေါ်ယုံကြည်မှု၊ အားထားမှု၊ အထင်ကြီးမှုစတဲ့ အထင်အမြင်၊ ဆက်ဆံမှုတစ်ခုခုကြောင့် ကိုယ့်ဘဝပြောင်းလဲခဲ့တာမျိုးတွေရှိခဲ့သလား။ ကျွန်တော်မှာတော့ ရှိခဲ့ပါတယ်။ ဒီကမိတ်ဆွေတွေမှာလည်း ရှိကြမယ်ဆိုတာ ယုံကြည်ပါတယ်။ ဒါကြောင့် သူတစ်ပါးကို ကူညီချင်တယ်။ အများအကျိုးဆောင်ချင်တယ်ဆိုရင် အထွေအထူး ဝေးဝေးလံလံ စဉ်းစားနေစရာ မလိုပါဘူး။ ပစ္စည်းဥစ္စာတွေ လှူနေတန်းနေ၊ ပေးကမ်းထောက်ပံ့နေမှ မဟုတ်ပါဘူး။ လှူတန်းပေးကမ်းထောက်ပံ့နေတာလည်း ကောင်းပါတယ်။ လိုအပ်ပါတယ်။ အလွယ်အကူဆုံးနဲ့ အထိရောက်ဆုံးဖြစ်ပြီး တကယ့်ဘဝတွေကိုပြောင်းစေတဲ့ ကူညီမှုကတော့ ကိုယ်နဲ့ဆုံတွေ့၊ ဆက်ဆံသမျှ တစ်ဦးချင်းတစ်ယောက်ချင်းစီတိုင်းကို သူတို့ကိုယ်စီကိုယ်ငှ ဖြစ်ရှိနေကြတဲ့အတိုင်း မဆက်ဆံဘဲ၊ သူတို့ ဖြစ်သင့်ဖြစ်ထိုက်တဲ့၊ ဖြစ်လာနိုင်တဲ့အတိုင်း အသိအမှတ်ပြုဆက်ဆံပေးနေတာပါပဲ။ အထူးသဖြင့် မိဘတွေ၊ ဆရာတွေဟာ ကိုယ့်သားသမီးတွေ၊ ကိုယ့်ကျောင်းသားတွေကို အဲဒီလို ဆက်ဆံနိုင်ဖို့ အသိစိတ်ရှိရှိ မြင့်မားတဲ့သတိတရားနဲ့ ကြိုးစားလေ့ကျင့်ဆက်ဆံသွားကြဖို့ ဒီနေရာကနေ တိုက်တွန်းလိုပါတယ်။ 

ထားတော့ သူတစ်ပါးကို ဘယ်လိုဆက်ဆံမလဲဆိုတာ။ ဒီကေနေ့ ဒီနေရာမှာ ကျွန်တော်အဓိက ပြောချင်တာက ကိုယ့်ကိုယ်ကိုယ် ဘယ်လိုဆက်ဆံမလဲပဲ။ စောစောကပြောခဲ့တဲ့အတိုင်းပဲကိုယ့်ကိုယ့်ကိုယ် လက်ရှိဖြစ်ရှိနေတဲ့အတိုင်း မဆက်ဆံဘဲ၊ ကိုယ်တကယ် ဖြစ်ရှိသင့်၊ ရောက်ရှိသင့်တဲ့အတိုင်း၊ ကိုယ်တကယ် ဖြစ်ရှိနိုင်၊ ရောက်ရှိနိုင်တဲ့အတိုင်း၊ ကိုယ်တကယ် ဖြစ်ချင်၊ ရောက်ချင်တဲ့အတိုင်း ကိုယ်ကိုယ်တိုင်က ကိုယ့်ကိုယ်ကိုယ် အသိအမှတ်ပြု ပြောဆိုဆက်ဆံရပါမယ်။ 

တကယ်တော့ ကျွန်တော်တို့ တစ်ဦးချင်း၊ တစ်ယောက်ချင်းစီတိုင်းဟာ မြို့မငြိမ်းပဲ၊ ပေါ်ဦးသက်ပဲ၊ Leonardo da Vinci ပဲ၊ Beethoven ပဲ၊ Vincent van Gogh ပဲ။ ဒါပေမယ့် ဘာဖြစ်လို့ ကျွန်တော်တို့တော်တော်များများဟာ ဒီကနေ့ မြို့မငြိမ်းမဖြစ်ဘဲ၊ ပေါ်ဦးသက်မဖြစ်ဘဲ သူလိုကိုယ်လို သာမြင်ညောင်ညဖြစ်နေကြသလဲ။ ကျွန်တော်တို့ မိဘတွေက၊ ကျွန်တော်တို့ ပတ်ဝန်းကျင်က ကျွန်တော်တို့ကို မြို့မငြိမ်းမှန်းမသိခဲ့လို့၊ ပေါ်ဦးသက်မှန်း မသိခဲ့လို့၊ မြို့မငြိမ်းအဖြစ် မဆက်ဆံခဲ့လို့၊ ပေါ်ဦးသက်အဖြစ် မဆက်ဆံခဲ့လို့ပါပဲ၊ အထူးသဖြင့် ကျွန်တော်တို့ကိုယ်တိုင်က ကိုယ့်ကိုယ်ကို မြို့မငြိမ်းမှန်း၊ ပေါ်ဦးသက်မှန်း မသိခဲ့ဘဲ သူလိုကိုယ်လို သာမြင်ညောင်ညလို့ သိမှတ်ယုံကြည်လက်ခံ ကျင့်ကြံနေထိုင်ခဲ့လို့ပါပဲ။

ကျွန်တော်တို့ ကိုယ်စီကိုယ်ငှ ဒီကနေ့ ရောက်ရှိနေကြတဲ့ ဘဝအနေအထားဟာ ကျွန်တော်တို့ ကိုယ်စီကိုယ်ငှရဲ့ စိတ်ထားနဲ့ ထိုက်တန်တဲ့အနေအထား၊ သဟဇာတဖြစ်တဲ့အနေအထား၊ သပ္ပာယမျှတဲ့ အနေအထားပါပဲ။

အဲဒီတော့ ဒီကနေ့ ကိုယ်ရောက်နေတဲ့ ဘဝအနေအထားကို ကိုယ်ကျေနပ်အားရရဲ့လား။ ကိုယ်စိတ်တိုင်းကျ ဖြစ်ရဲ့လား။ “ဟုတ်တယ် ဒါ ငါလိုချင်တဲ့ ဘဝပဲ။ ငါ တစ်သက်လုံး ကြိုးပမ်းရုန်းကန်တည်ဆောက်လာတာ ဒီဘဝမျိုးအတွက်ပဲ။ ငါ ကြိုးပမ်းအားထုတ်ခဲ့ရတာတွေဟာ တကယ့်ကို ထိုက်တန်တယ်။” လို့ ခံစားရသလား။ 

ကျေနပ်အားရတယ်။ စိတ်တိုင်းကျတယ်။ ထိုက်တန်တယ်လို့ ခံစားနေရတယ်ဆိုရင် ကျွန်တော်လည်း ဆက်ပြောစရာမလိုတော့ဘူး။ ဒီက မိတ်ဆွေတွေလည်း ဆက်နားထောင်နေစရာ မလိုတော့ဘူး။ 

အကယ်၍ ကိုယ်ရောက်ရှိနေတဲ့ ဘဝ၊ ကိုယ်ဖြစ်ရှိနေတဲ့ အနေအထားကို မကျေနပ်ဘူး၊ စိတ်တိုင်းမကျဘူးဆိုရင်တော့ဒီဘဝကို ပြောင်းလဲအောင် လုပ်ကြရမယ်။ စောစောက ပြောခဲ့တယ်။ ကျွန်တော်တို့ကိုယ်စီကိုယ်ငှဟာ ကိုယ့်စိတ်နဲ့ ထိုက်တန်တဲ့ဘဝ၊ ကိုယ့်ဘဝအမြင်၊ ကိုယ့်လောကအမြင်နဲ့ ထိုက်တန်တဲ့၊ ဆီလျော်တဲ့ဘဝမှာ ရောက်၊ ရှိနေကြတာဖြစ်တယ်။ ဒါကြောင့် ဘဝပြောင်းဖို့ဆိုရင် စိတ်ပြောင်းမှဖြစ်မယ်။ ဘဝအမြင်ပြောင်းမှ ဖြစ်မယ်။ လောကအမြင်ပြောင်းမှဖြစ်မယ်။ 

ဒီကနေ့ ကျွန်တော်တို့ ရရှိထားတဲ့ဘဝ၊ ရောက်ရှိနေတဲ့ဘဝဆိုတာ တကယ်တော့ မနေ့ မနေ့တွေက ကျွန်တော်တို့ ရွေးချယ်ခဲ့တာတွေရဲ့ အကျိုးဆက်ရလဒ်တွေပဲ။ သံသရာကို ယုံကြည်တဲ့သူတွေ အနေနဲ့ဆို ဒီဘဝဒီခန္ဓာဆိုတာ ဟိုး အတိတ် ဘဝဘဝများစွာမှာ ကိုယ်ရွေးချယ်ပြုလုပ်ခဲ့တာတွေ၊ ကိုယ်ရွေးချယ်ပြောဆိုခဲ့တာတွေ၊ ကိုယ်ရွေးချယ်တွေးတောခဲ့တာတွေရဲ့ အကျိုးဆက်ရလဒ်ပေါ့။ ဒါဆို ဒီကနေ့ ကိုယ်ရောက်နေတဲ့၊ ကိုယ်ရတဲ့ ဘဝကို မကြိုက်ဘူး၊ မနှစ်သက်ဘူး၊ ဒီထက်ကောင်းတဲ့ဘဝကို ရချင်၊ ရောက်ချင်တယ်ဆိုရင် ဒီထက်ကောင်းတဲ့ ရွေးချယ်ချက်တွေလုပ်မှဖြစ်မယ်။ ဒီထက်ကောင်းတဲ့ အတွေးတွေကို ရွေးချယ်တွေးတောရမယ်။ ဒီထက်ကောင်းတဲ့ အပြောတွေကို ရွေးချယ်ပြောရမယ်။ ဒီထက်ကောင်းတဲ့ လုပ်ဆောင်ချက်တွေကို ရွေးချယ်လုပ်ဆောင်ရမယ်။ 

Albert Einstein က ပြောတယ်။ လုပ်ရိုးလုပ်စဉ် လုပ်လေ့လုပ်ထရှိတဲ့အရာကို ထပ်ခါတလဲလဲ ပြန်လုပ်နေရင်း မတူထူးခြားတဲ့ ရလဒ်ကို မျှော်လင့်တာဟာ သွပ်သွပ်ခါရူးသွပ်မိုက်မဲမှုပဲတဲ့။ မတူကွဲပြားတဲ့ရလဒ်၊ မတူကွဲပြားတဲ့ဘဝကို လိုချင်တယ်ဆိုရင် တွေးရိုးတွေးစဉ်၊ မြင်ရိုးမြင်စဉ်၊ ထင်ရိုးထင်စဉ် (ထင်တာက မြင်တာထက်ပိုဆိုးတယ်နော်)၊ လုပ်ရိုးလုပ်စဉ်တွေနဲ့ မတူကွဲပြားတဲ့ တွေးတောမှုကို တွေးတောရမယ်။ မတူကွဲပြားတဲ့ လုပ်ဆောင်မှုကို လုပ်ဆောင်ရမယ်။ 

ဒီကနေ့ ကျွန်တော်တို့ လောကကိုမြင်ပုံတွေ၊၊ ဘဝကိုမြင်ပုံတွေ၊ ကျွန်တော်တို့ရဲ့ သက်ဝင်ယုံကြည်မှုတွေ၊ အပြုအမူတွေ၊ အလေ့အထတွေဟာ ကျွန်တော်တို့ ကိုယ်တိုင်ရွေးချယ်ထားတာတွေချည်း ရာနှုန်းပြည့်မဟုတ်ပါဘူး။ ကျွန်တော်တို့ ငယ်စဉ်ဘဝကြီးပြင်းခဲ့ပုံတွေ၊ ကျွန်တော်တို့ မိဘတွေက ကျွန်တော်တို့အပေါ် ဆက်ဆံခဲ့ပုံတွေ၊ ကျွန်တော်တို့တက်ခဲ့တဲ့ကျောင်း၊ ကျွန်တော်တို့ပေါင်းခဲ့တဲ့ မိတ်ဆွေတွေ၊ ကျွန်တော်တို့ဖတ်ခဲ့တဲ့စာတွေ၊ ကျွန်တော်တို့ပတ်ဝန်းကျင်က လက်ခံကျင့်သုံးတဲ့ ယဉ်ကျေးမှုဓလေ့ထုံးတမ်းစဉ်လာတွေ၊ ကျွန်တော်တို့ကိုးကွယ်ယုံကြည်တဲ့ ဘာသာတရားရဲ့ အဆုံးအမ၊ စည်းမျဉ်းစည်းကမ်းတွေ စသဖြင့် စသဖြင့်သော အရာတွေက လွှမ်းမိုးပုံသွင်းခြင်းက အဓိက အကြောင်းရင်းဖြစ်နေတာ ငြင်းလို့မရဘူး။ ဒါကြောင့် ကျွန်တော်တို့ ဘဝပြောင်းဖို့ဆိုရင် ဘဝအမြင်ပြောင်းဖို့လိုတယ်။ ဘဝအမြင်ပြောင်းဖို့ဆိုရင် အပေါင်းအသင်း၊ ပတ်ဝန်းကျင်ပြောင်းဖို့ပါလိုတယ်။ လက်ရှိ ကိုယ်ပေါင်းနေတဲ့ အပေါင်းအသင်း၊ ကိုယ်ကျင်လည်နေတဲ့ ပတ်ဝန်းကျင်ဟာ ကိုယ်ပြောင်းလဲချင်တဲ့ ဘဝကို ရောက်ရှိဖို့အတွက် လိုအပ်တဲ့ ဘဝအမြင်ပြောင်းလဲဖို့မှာ အထောက်အကူဖြစ်ရဲ့လား။ အထောက်အကူမဖြစ်တာထက် အနှောင့်အယှက်အဟန့်အတား အပိတ်အပင်ဖြစ်နေရင်တော့ အဲဒီပတ်ဝန်းကျင်ကနေပါ ပြောင်းမှဖြစ်မယ်။ 

“ပျမ်းမျှနိယာမ” မှာ Jim Rohn ကပြောထားတယ်။ လူတစ်ယောက်ရဲ့ စိတ်နေစိတ်ထား၊ စာရိတ္တ၊ ဘဝအမြင်၊ ဥစ္စာဓနကြွယ်ဝမှု စတာတွေဟာ သူ စွဲစွဲမြဲမြဲ တွဲလေ့ရှိတဲ့၊ ပေါင်းလေ့ရှိတဲ့ သူငယ်ချင်းမိတ်တွေ (၅) ယောက်ရဲ့ စိတ်နေစိတ်ထား၊ စာရိတ္တ၊ ဘဝအမြင်၊ ဥစ္စာဓနကြွယ်ဝမှုတွေ စုစုပေါင်းကို (၅) နဲ့ ပြန်စားတာနဲ့ အချိုးကျညီမျှတယ်တဲ့။ အတိအကျ မဟုတ်ရင်တောင် အဲဒီအနီးအနား ပတ်ဝန်းကျင်မှာပဲ ရှိနေမှာ သေချာပါတယ်။ “မုဆိုးနားနီး မုဆိုး၊ တံငါနားနီး တံငါ” လို့လည်း ဆိုရိုးရှိတာကိုး။ 

John F. Kennedy က ပြောပါတယ်။ “မမေးနဲ့” တဲ့။ 
မင်းနိုင်ငံက မင်းကို ဘာလုပ်ပေးမလဲ။ 
“မမေးနဲ့” တဲ့။ မင်းမိဘက မင်းကို ဘာလုပ်ပေးမလဲ။ 
“မမေးနဲ့” တဲ့။ 
မင်းပတ်ဝန်းကျင် အသိုင်းအဝိုင်းက မင်းကို ဘာလုပ်ပေးမလဲ။ “မမေးနဲ့” တဲ့။ 
မင်းက မင်းနိုင်ငံ၊ မင်းမိဘ၊ မင်းပတ်ဝန်းကျင် အသိုင်းအဝိုင်းကို ဘာလုပ်ပေးမလဲ။ 
“အဲဒါကို ပဲ မင်း မေးပါ” တဲ့။ 

“လောကမှာ ကိုယ်မြင်ချင်တဲ့ အပြောင်းအလဲ ကိုယ်ကိုယ်တိုင်ပဲ ဖြစ်စေပါ” လို့ Mahatma Gandhi က တိုက်တွန်းပါတယ်။


* *
အသံဖမ်းယူထားတဲ့ မိတ်ဆွေတစ်ယောက်က အသံဖိုင်ပေးပို့လာတာရယ်၊ ဒီကနေ့ ဧပြီလ (၂၇) ရက် အမေ့မွေးနေ့မှာ အမှတ်တရ တစ်ခုခုလုပ်ချင်တာရယ်ကြောင့် စာပြန်စီဖြစ်သွားတာပါ။ အစ၊ အဆုံးတော့ မဟုတ်သော်ငြား အမေ့မွေးနေ့အား ဤစာများဖြင့် ပူဇော်ပါသည်။
ညီငယ် Htet Wint အတွက် မွေးနေ့လက်ဆောင်အဖြစ်လည်း ရည်ရွယ်ပါတယ်။


"All that I am, or hope to be, I owe to my angel mother."
~ Abraham Lincoln

credit to orginal uploader