သေမင်းနိုင်ငံမှာသုံးတဲ့ ပိုက်ဆံ - မင်းခိုက်စိုးစန်

နိဒါန်း

   ‘ထပ်တူကျအမှား’ ဆိုတဲ့ သဘောတရားအကြောင်း နည်းနည်းပြောပြချင်ပါတယ်။
   အဲဒါ…ဘာမှ ထွေထွေထူးထူးတော့ မဟုတ်ဘူး။ ခင်ဗျားလည်း ကြုံဖူးတယ်။ ကျွန်တော်လည်း ကြုံဖူးတယ်။ လူတော်တော်များများလည်း စိတ်ထဲမှာ (အမှတ်တမဲ့လိုလို) ခံစားဖူးလိမ့်မယ်။
   ကိုယ်နဲ့မှ တည့်တည့်တိုးတတ်တဲ့ ကတ်သီးကတ်သတ် လွဲချော်မှုတွေလေ…။
   ဥပမာဆိုကြပါစို့…

   ‘ညှပ်ထားမိတဲ့ဆံပင်ပုံစံကို မကြိုက်ကာမှ ဒီတစ်လအဖို့ ဆံပင်ပြန်ရှည်တာက နှေးကွေးလွန်းနေတယ်’
   ‘သီချင်းစီဒီခွေမှာ ခြစ်ရာပါလို့ ထစ်နေပြီဆိုရင် အဲဒီနေရာဟာ ကိုယ်အကြိုက်ဆုံး သီချင်းစာသားနေရာ ဖြစ်နေပါလေရော’
   ‘အိမ်အပြင်ဘက်ကနေ တံခါးဖွင့်ဖို့ သော့တွဲကို စမ်းနေတဲ့အချိန်ဆို အိမ်ထဲက တယ်လီဖုန်းက ‘တတီတီ…’ မြည်ပြီ။ ကမန်းကတန်း တံခါးဖွင့်ပြီး ဖုန်းကိုလည်း ပြေးကိုင်လိုက်ရော ဟိုဘက်က ဆက်နေတဲ့သူက ဖုန်းကို ချသွားရော’
   ‘ဘယ်သူနဲ့မှ မတွေ့ချင်လို့ ပုန်းလျှိုးကွယ်လျှိုးသွားတဲ့အခါတိုင်း အသိမိတ်ဆွေ တစ်ယောက်မဟုတ် တစ်ယောက်နဲ့ အမြဲဆုံတယ်…’
   အဲဒါမျိုးတွေပါပဲ…။အဲဒီလို အဖြစ်အပျက်မျိုးတွေကို စာရေးဆရာ အာသာဘလော့ခ်ျ (Arthur Bloch) က ထပ်တူကျအမှားလို့ နာမည်ပေးထားတာပါ။
   ကျွန်တော်နဲ့ သူငယ်ချင်းတစ်စုကတော့ ပေါက်ကရလေးဆယ်တွေကို အမြဲတမ်း ရှာရှာဖွေဖွေ လုပ်ကြလွန်းလို့လား မသိဘူး၊ သူများတွေထက်ပိုပြီး ထပ်တူကျအမှားတွေနဲ့ ကြုံရသလိုပဲ။
   ကြုံခဲ့သမျှ ရှာရှာဖွေဖွေ ကိုးရိုးကားရားတွေထဲမှာ အမှတ်တရအဖြစ်ဆုံးကတော့ တစ်ထောင့်ကိုးရာရှစ်ဆယ့်ခြောက်၊ ရှစ်ဆယ့်ခုနစ်လောက်တုန်းက ရပ်ကွက်လေးတစ်ခုထဲမှာ ကျွန်တော်တို့သူငယ်ချင်းတွေ စုပြီး အိမ်ငှားနေခဲ့ကြတုန်းက အဖြစ်အပျက်တွေပါပဲ။
   ရန်ကုန်မြို့နဲ့ မိုင်နှစ်ဆယ်သာသာလောက်ပဲ ဝေးတဲ့ တောမကျ၊ မြို့မကျ လက်လုပ်လက်စား ရပ်ကွက်လေးတစ်ခုပါ။
   အဲဒီရပ်ကွက်လေးထဲမှာနေတဲ့ လူတွေက ရယ်ရတယ်။ ချစ်စရာကောင်းတယ်။ ထပ်တူကျအမှား တစ်ခုမဟုတ်တစ်ခုနဲ့ ရှင်သန်နေကြတယ်။
   အဲဒီရပ်ကွက်လေးထဲမှာ ဖြစ်ပျက်နေတဲ့ ‘ထပ်တူကျအလွဲ’ တွေကိုသာ တန်းစီပြီး ရေးပြရမယ်ဆိုရင် အာသာဘလော့ခ်ျရဲ့ ‘မာဖီ၏နိယာမ’ ဆိုတဲ့ စာအုပ်မျိုး သုံးလေးအုပ်လောက်ရမယ် ထင်ပါရဲ့။
   ‘မာဖီ၏နိယာမ’ စာအုပ်ထဲမှာပါတဲ့ အလွဲတွေကို နည်းနည်းထပ်ပြီး ပြောပြရဦးမယ်။ ကြည့်လေ…
   ‘တစ်နေ့လုံး ဇယ်ဆက်သလို အလုပ်လုပ်နေရာက တစ်ကြိမ်လေးပဲ နားဖို့ ထိုင်မိပါတယ်။ တိုက်တိုက်ဆိုင်ဆိုင်ကို (တစ်နေ့လုံးမှ တစ်ခါပဲလာစစ်တဲ့) ကိုယ့်အထက်လူကြီးနဲ့ တည့်တည့်တိုးပါလေရော’
   ‘ပစ္စည်းအသစ်တစ်ခု ဝယ်ပြီးပြီဆိုတာနဲ့ ပျောက်နေတဲ့ ပုံစံတူပစ္စည်းကို ချက်ချင်းပဲ ပြန်ရှာတွေ့ရတတ်တယ်’
   ‘သင့်လက်နှစ်ဖက်မှာ စက်ဆီတွေ အညစ်အကြေးတွေ ပေကျံနေတဲ့ အချိန်နဲ့ ကွက်တိပဲ၊ သင့်နှာခေါင်းဟာ ယားယံပြီး ကုတ်ချင်လာတတ်တယ်’
   ‘ရုပ်ရှင်ရုံထဲရောက်လို့ သင်လက်မှတ်ဝယ်ထားတဲ့ ထိုင်ခုံနေရာမှာ ထိုင်ချလိုက်ပြီဆိုရင် သင့်ရှေ့တည့်တည့်က ခုံမှာ အရပ်ရှည်တဲ့ လူတစ်ယောက်အမြဲ နေရာယူထားလေ့ရှိတယ်’
   ‘ဒီနေ့ စာမကျက်လာမိပါဘူးဆိုမှ အတန်းထဲမှာ စာမေးဖို့ ဆရာမရဲ့ မျက်စိကျခြင်းကို ခံရသူက ကိုယ်ပဲဖြစ်နေတတ်တယ်’
   ‘ဆီးစစ်ဖို့အတွက် ဆီးနမူနာ အတောင်းခံရတဲ့သူက ခုနကလေးတင် ဆီးသွားထားပြီးကာစ လူ ဖြစ်နေတတ်တယ်’
   ‘လူနှစ်ယောက် အတူတူထိုင်နေကြတဲ့အထဲမှာမှ ခြင်က ကိုယ့်တစ်ယောက်တည်းကိုပဲ ရွေးပြီး ကိုက်တယ်’
   ‘သွေးသွင်းဖို့ အရေးတကြီး လိုအပ်နေပြီဆိုရင် အဲဒီသွေးဟာ အမြဲတမ်းရှားပါးနေတယ်’
   ‘ဖုန်းနံပါတ်မှားလှည့်မိတဲ့အခါတိုင်း ဖုန်းလိုင်း မအားတာနဲ့ ဘယ်တော့မှ မကြုံဘူး’

   သြော်…ကျွန်တော် စွဲစွဲမြဲမြဲမှတ်မိနေတဲ့ ထပ်တူကျ အလွဲတစ်ခု ရှိပါသေးတယ်။
   အဲဒါက ဘာလဲဆိုတော့…

   ‘စာရွက်စာတမ်းတစ်ခုခုကို သတ်သတ်မှတ်မှတ် ဖိုင်တွဲထားလိုက်ရင် အဲဒါကို နောက်တစ်ကြိမ် သုံးစရာကိစ္စ ဘယ်တော့မှ မပေါ်ဘူး။ ဖိုင်မတွဲဘဲ အမှတ်တမဲ့ထားမိတဲ့ စာရွက်စာတမ်းဆိုရင်တော့ တစ်ချိန်ချိန်မှာ အရေးတကြီးပြန်ရှာဖို့ လိုအပ်လာလိမ့်မယ်။ ဒါပေမဲ့ အဲဒီစာရွက်ကို ဘယ်နားထားမိမှန်း သိတော့မှာမဟုတ်ဘူး’…တဲ့။

အဲဒီရပ်ကွက်ကလေးဟာ ၂၀ ရာစုနှောင်းပိုင်းရဲ့ စာရွက်စာတမ်းတစ်ခု ဖြစ်ခဲ့ပါတယ်။
အဲဒါကို ဖိုင်တွဲပြီးသိမ်းဖို့ မသိမ်းဖို့ ဆုံးဖြတ်ခဲ့ကြသူတွေကတော့ ကျွန်တော်တို့အုပ်စုပါပဲ။

အခန်း (၁)

   ‘ကျွန်တော်တို့အုပ်စု’ လို့ ဆိုတဲ့အထဲမှာ…
   ကျွန်တော်ပါတယ်…၊
   ပန်းချီဆရာပေါက်စတစ်ယောက် ပါတယ်။ (အခုတော့ မဂ္ဂဇင်းတွေမှာ သရုပ်ဖော်ပုံတွေဆွဲနေတဲ့ ‘ခေတ်ဘုန်းမို’ ပေါ့)
   နောက်…ဂစ်တာ တဒေါင်ဒေါင် တဒင်ဒင်တီးပြီး သီချင်းရေးဖို့ ကြိုးစားနေတဲ့ မြန်မာစာဆရာ အလောင်းအလျာလေးတစ်ယောက် ပါတယ်။ (သူကတော့ ၂၀၀၀ ပြည့်နှစ်ဝန်းကျင်ကာလမှာ အင်မတန်နာမည်ကြီးတဲ့ ကျုရှင်ဆရာ ဦးဆင့်သူ ဖြစ်လာပြီး ငယ်ငယ်ရွယ်ရွယ်နဲ့ အောင်မြင်နေစဉ်မှာပဲ ကွယ်လွန်ဆုံးပါးသွားခဲ့တယ်။ သူ့တစ်သက်တာလုံးမှာ ‘ပစ်တိုင်းထောင်လေးပုတိုတို..’ ဆိုတဲ့ သားချော့သီချင်းလေးတစ်ပုဒ်ကိုပဲ အပြီးသတ် ရေးဖွဲ့သွားခဲ့လေရဲ့)
   ကျွန်တော်တို့ ဝါသနာပါတဲ့ အနုပညာအလုပ်တွေကိုလုပ်ဖို့ ရန်ကုန်မြို့နဲ့ နီးနီးနားနားမှာနေမှ ဖြစ်မယ်လေ။ အဲ…ပြီးတော့ အိမ်လခလည်း ဈေးသက်သာဦးမှ ဖြစ်မှာ။
   အိမ်တစ်လုံးတည်းကို အခန်းကန့်ထားပြီး ငှားစားတဲ့နေရာမျိုးမှာလည်း နေလို့ ဘယ်ဖြစ်မှာလဲ။ ကျွန်တော်တို့က နေ့ရောညပါ အချိန်မရွေး ဒေါင်ဒေါင်ဒင်ဒင် ဝူးဝူးဝါးဝါးနဲ့…။
   နောက်ပြီး ကျွန်တော်တို့အုပ်စုက ဘာမှန်းမသိတဲ့ ရုတ်ရုတ်သဲသဲကိစ္စတွေ မျက်စိနောက်စရာကောင်းတဲ့ ကိစ္စတွေကို တစ်ခုမဟုတ်တစ်ခု ကြံဖန်ပြီး လုပ်နေကြတာကိုး။
   ဒါကြောင့်…တောမကျ မြို့မကျ ဟောဒီရပ်ကွက်လေးထဲမှာ ပျဉ်ထောင်အိမ်ယိုင်နဲ့နဲ့လေးတစ်လုံးကို ငှားပြီး လာနေကြတာပေါ့။
   ကျွန်တော်တို့အုပ်စုထဲမှာ အနုပညာအလုပ်နဲ့လည်း ဘာမှမပတ်သက်၊ အနုပညာကို ဝါသနာလည်းမပါတဲ့ အလုပ်မရှိ အကိုင်မရှိ အူကြောင်ကြောင်ငနဲတစ်ယောက်လည်း ပါသေးတယ်။
   သူ့နာမည်က ဖိုးစော…တဲ့။

   ဖိုးစောရဲ့ ပါရမီဓာတ်ခံကလည်း တစ်မျိုးပဲ။ ဘယ်လူစုလူဝေးထဲကို မဆို ဒီကောင့်ကိုသာ ထည့်ပေးလိုက်။
   ရှုပ်ရှုပ်ယှက်ယှက်တစ်ခုခုတော့ ဖြစ်ပြီးသားပဲ။
   လူစုလူဝေးနဲ့လည်း ဖြစ်တယ်။ နှစ်ယောက်ချင်း သုံးယောက်ချင်းလည်း ဖြစ်တယ်။
   သူ့တစ်ယောက်တည်းနေရင်တောင် သူ့အတွေးနဲ့သူ ရှုပ်ရှုပ်ယှက်ယှက်ဖြစ်နေတတ်တဲ့ကောင်။
   ဖိုးစောရဲ့ အတွေးအခေါ်တွေကလည်း အံ့မခန်းပဲ။ နက်နဲတဲ့ နေရာမှာ လက်ဖျားခါလောက်တယ်။
  
   တစ်ခါက ကျွန်တော့်ကို လာမေးတာပဲကြည့်…။
   ဖိုးစောက…
   “ကျော်စိုးရေ…”
   “ဟေ…ဘာဖြစ်ရပြန်ပြီလဲ ဖိုးစော”
   “ငါ…တစ်ခုစဉ်းစားနေတာကွ၊ မြတ်စွာဘုရားရဲ့ သွေးအမျိုးအစားဟာ A လား၊ B လား၊ AB လား ဒါမှမဟုတ် O သွေးလားဆိုတာ”
   ကဲ…သူ့အတွေးအခေါ်က။
   ကျွန်တော်က…
   “ဟာ…ဖိုးစောရာ၊ မင်းမို့လို့ ကြံကြီးစည်ရာကွာ၊ မြတ်စွာဘုရားပွင့်တဲ့ လွန်ခဲ့တဲ့ နှစ်ပေါင်းနှစ်ထောင့်ငါးရာကျော်တုန်းက သွေးအုပ်စုခွဲတဲ့ ပညာမှ မပေါ်သေးတဲ့ဥစ္စာ…”
   ဖိုးစောက စိတ်ပျက်သလို ‘ကျွတ်’ ခနဲ စုတ်သပ်လိုက်ပြီး ခေါင်းကုတ်လိုက် ဖင်ကုတ်လိုက်လုပ်ရင်း…
   “မဟုတ်ဘူးလေကွာ၊ ငါ စဉ်းစားနေတာက မြတ်စွာဘုရားဆိုတာ အင်မတန် ထူးခြားမြင့်မြတ်တဲ့ ပုဂ္ဂိုလ်ကြီးမဟုတ်လား။ အဲဒီလို ပုဂ္ဂိုလ်ထူး ပုဂ္ဂိုလ်မြတ်ကြီးရဲ့ ခန္ဓာကိုယ်ထဲမှာ စီးဆင်းနေတဲ့ သွေးတွေဟာ လူသာမန်တွေရဲ့ ကိုယ်ထဲကသွေးတွေနဲ့ အမျိုးအစားချင်း တူနိုင်သလားဆိုတာကို ငါ စဉ်းစားနေတာကွ။ အေးလေ…ဒါတွေ မင်းဘယ်နားလည်နိုင်ပါ့မလဲ ကျော်စိုးရာ၊ လောကီလောကုတ္တရာ ပြည့်စုံတဲ့ ပညာရှိကြီးတွေကို ရှာပြီးမေးရဦးတော့မှာပဲ”
   ကျွန်တော်ကတော့ လောကီလောကုတ္တရာ မပြည့်စုံတဲ့ ငတုံးကြီးဖြစ်သွားတာပေါ့ဗျာ။ ကိုယ့်ဘာသာကိုယ် နေရင်းထိုင်ရင်းကြီးကို ငုတ်တုတ် ညံ့သွားတော့တာ။ ကျွန်တော့်ဘဝနှယ် ဆိုးလိုက်ပုံ။
   ဖိုးစောကတော့ ကော့လန်ကော့လန်နဲ့ လစ်သွားလေရဲ့။

တစ်ခါကကျတော့ ကိုဆင့်သူကို သွားပြီးမေးတာ။ (အဲဒီတုန်းက ကိုဆင့်သူက မြန်မာစာဌာနမှာ ကျူတာဖြစ်နေပြီလား၊ မဖြစ်သေးဘူးလားတောင် မမှတ်မိတော့ဘူး)
   ဖိုးစောက မေးစေ့က မုတ်ဆိတ်မွေး ကျိုးတိုးကျဲတဲကို ပွတ်ရင်း…
   “ဗျို့…ကိုဆင့်”
   အိမ်နံရံကို မှီရင်း ခြေဆင်းပြီး ဂစ်တာလက်ကွက် စမ်းနေတဲ့ ကိုဆင့်သူက မျက်ခုံးတွေပင့်သွားတယ်။
   “ဟင်…ဘာလဲဟင်၊ ဖိုးစော…ဘာလဲ”
   ကိုဆင့်သူကလည်း ဖိုးစောရဲ့ စူးရှထက်မြက်တဲ့ အတွေးအခေါ်တွေကို ခပ်လန့်လန့်ပဲ။
   ဖိုးစောက ( သုံးပင်နှစ်ခန်း အိမ်ခန်းကျဉ်းကျဉ်းလေးရဲ့) ခနော်နီ ခနော်နဲ့ ကြမ်းပြင်ပေါ်မှာ ခေါက်တုံ့ခေါက်ပြန်လျှောက်ရင်း…
   “ကိုဆင့်တို့ မြန်မာစာမှာ ဝါကျဆုံးတဲ့အခါ (သည်)…တို့၊ (၏)…တို့ ထည့်ရတယ်မဟုတ်လား။ ဟိုဗျာ…ဥပမာပြောရရင် ‘သူကျောင်းသို့သွားသည်’၊ ‘သူ အိပ်မက်မက်နေ၏’…စသဖြင့်ပေါ့ဗျာ”
   “အင်း…ဟုတ်…ဟုတ်တယ်လေ ဖိုးစောရဲ့၊ ဘာဖြစ်လို့လဲ”
   “အဲဒီ (သည်)နဲ့…(၏)နဲ့ အဓိပ္ပာယ်ချင်း ဘာကွာသလဲ…ကိုဆင့်”
   ဒီမေးခွန်းကြောင့် ကိုဆင့်သူ မျက်လုံးတွေ ပြာလတွတ် ပြာလတွတ် ဖြစ်သွားတယ်။ တော်တော်လေးတော့ ခွကျနေပြီ။
   ကိုဆင့်သူက အကျပ်အတည်းဖြစ်ရင် သူလုပ်နေကျ အမူအရာအတိုင်း နှုတ်ခမ်းထူထူလေးတွေကို ထော်ပြီး၊ စူပြီး မျက်တောင်လေး ပုတ်ခတ် ပုတ်ခတ်၊ အသံလေး အ,တီး အ,ထစ်နဲ့…
   “ဟဲ…ဟဲ…ဟို…သိပ်…မကွာပါဘူး ဖိုးစောရဲ့”
   ဖိုးစောက မျက်မှောင်ကြုတ်လိုက်လေရဲ့။ ပြီးတော့…
   “အဓိပ္ပာယ်ချင်းတူရင် ဘာလို့ အလုပ်ရှုပ်ခံပြီး စကားလုံးနှစ်လုံးတောင် ထားနေရသေးလဲဗျာ၊ တစ်လုံးကို ဖြုတ်ပစ်လိုက်ပါလား၊ ကျက်ရ မှတ်ရတာ သက်သာသွားတာပေါ့”
   “ဟေ…”
   ကိုဆင့်သူ မျက်လုံးပြူးသွားတယ်။ ဖိုးစောကတော့ ခပ်တည်တည်ပဲ ဆက်ပြီး…
   “ဟုတ်တယ်…ကျွန်တော်က နောင်လာမယ့် လူငယ်ကျောင်းသားလေးတွေအတွက် စေတနာနဲ့ အကြံပေးနေတာနော်၊ ကိုဆင့် မြန်မာစာပါမောက္ခဖြစ်တဲ့အခါကျရင် (၏) ဖြုတ်ပစ်လိုက်ဗျာ။ ကောက်ကောက်လိမ်လိမ်နဲ့ အကြည့်ရဆိုးတယ်။ ဖြုတ်ပစ်…သိလား”
   “ငါ့…ငါ့မှာ အဲ့လောက် အာဏာမရှိဘူးထင်ပါတယ်ကွာ”
   ကိုဆင့်သူကတော့ သူ့ဘဝကိုသူ အားငယ်လို့ပဲလား မသိဘူး၊ မဝံ့မရဲဖြေရှာတယ်။
   ဒါပေမဲ့…ဖိုးစောကတော့ မာရေကျောရေပဲ။
   “ဟာဗျာ…ဘာ အာဏာရှိစရာလိုလို့လဲ၊ မြန်မာစာကို တီထွင်ခဲ့တဲ့လူတွေကလည်း သူလိုကိုယ်လို လူတွေပဲဥစ္စာ။ သူတို့လုပ်ပုံကိုင်ပုံ နေရာမကျရင် ကိုယ်က ပြင်ရဲရမှာပေါ့”
   အဲသည်လို ‘ဟောက်’ သေးတာဗျ။
   အမယ်…။ သူ့ခံယူချက်နဲ့သူကတော့ ဟုတ်သလိုလို အရှိသား။ ကိုဆင့်သူကတော့ ဂစ်တာကိုတောင် ဆက်မတီးနိုင်တော့ဘူး။ မျက်လုံးကလေး ပေကလတ် ပေကလတ်လုပ်ပြီး ဖိုးစောကိုပဲ ငေးကြည့်နေရတယ်။ ဒါပဲ တတ်နိုင်တော့တယ် မဟုတ်လားဗျာ။

ပန်းချီဆရာကတော့ ရှင်းတယ်။
   ဖိုးစော ပြဿနာသယ်လာပြီဆိုရင် ဆဲလွှတ်တဲ့အခါ လွှတ်၊ ပါးစပ်ထဲ တွေ့ကရာပြောရင်ပြော၊ ဒါမှမဟုတ်ရင် သူ့ထက်ဦးအောင် ဦးနှောက်စားစရာတစ်ခုခုနဲ့ ကျပ်လွှတ်လိုက်တာပဲ။
   အိမ်ပေါ်မှာ နေရာက ကျယ်ကျယ်မရှိတော့ ပန်းချီဆွဲမယ်ဆိုရင် ခြံထောင့်က သရက်ပင်အောက်က ရေချိုးဖို့ တိုင်ကီပိုင်းတွေချထားတဲ့ နေရာမှာ သွားပြီးဆွဲရတယ်။
   ဖိုးစောကလည်း တကူးတကကို အဲဒီနားအထိ သွားပြီးရှုပ်တာ။
   “ဒီမှာ ကိုဘုန်းမို၊ ကျွန်တော် စဉ်းစားထားမိတာလေးတစ်ခု ရှိလို့ဗျ”
   ပန်းချီဆရာက သူ့ဟာနဲ့သူ ဆွဲလက်စဖြစ်နေတော့ ဖိုးစောကို အံကြိတ်ပြီး မျက်စောင်းထိုးကြည့်တယ်။ ဖိုးစောကတော့ စကားစမိပြီဆိုတာနဲ့ အရှိန်ရသွားပြီ။
   “ဒီလိုလေဗျာ…ကျွန်တော်က ဗုဒ္ဓဘာသာနဲ့ ရဟန်းဝတ်တယ်ဆိုပါစို့၊ ရဟန်းဝတ်နဲ့ ပါရာဇိကကံကျရင် ငရဲကြီးရောမဟုတ်လား၊ အဲဒီလိုဖြစ်ပြီဆိုတာနဲ့ ကျွန်တော်က အမြန်လူဝတ်လဲ၊ ခရစ်ယာန်ဘာသာထဲကို ပြောင်းသွားပြီး ဘုရားကျောင်းမှန်မှန်တက်နေရင် ယေရှုခရစ်တော်က ကျွန်တော့်ကို ကယ်မှာလားဟင်”
   ပြန်ဖြေတဲ့စကားသံကိုတော့ မကြားရဘူး။ စုတ်တံကို ခွက်ထဲ ဆောင့်ကြီးအောင့်ကြီး ပစ်ထည့်လိုက်ပြီး အလုံးလိုက် အခဲလိုက် တစ်တစ်ခွခွ ဆဲရေးလိုက်တဲ့ ပန်းချီဆရာရဲ့ ရေရွတ်သံကိုပဲ ကြားရတယ်။
   အဲဒါပဲ…။
   တစ်ခါတစ်ခါ…ပန်းချီဆရာက သူ့ပါးစပ်ထဲတွေ့ရာထင်သလို ရမ်းသန်းပြောလိုက်တော့လည်း ကိစ္စပြီးသွားတာပဲ။ တစ်ခါတလေကျပြန်တော့လည်း ပန်းချီဆရာက ဖိုးစောထက်ဦးအောင် ကျပ်တတ်တယ်။
   ပန်းချီဆရာက သူ့စုတ်တံတွေ၊ ဆေးခွက်တွေ၊ တာပင်တိုင်ဘူးတွေ၊ ဓာတ်ဆီ ရေနံဆီပုလင်းတွေနဲ့ အလုပ်ရှုပ်နေတုန်း သူ့အနားက ဖိုးစော ဖြတ်လျှောက်သွားတာမြင်တော့…
   “ဟေ့ကောင်…ဖိုးစော၊ လာပါဦးကွ”
   “ဘာလုပ်မလို့တုံး”
   ဖိုးစော ပြန်လှည့်လာတော့ ပန်းချီဆရာက လက်ထဲက ရေနံဆီပုလင်းကို ထောင်ပြပြီး…
   “ဒီထဲက အရည်က ဘာတုံးကွ၊ မင်းသိလား”
   ဖိုးစောက ပုလင်းဝကို အနံ့ခံကြည့်ပြီး…
   “ရေနံဆီလေဗျာ”
   ပန်းချီဆရာက ခပ်တည်တည်နဲ့ ခေါင်းတစ်ချက် ညိတ်ပြီး…
   “အေး…ရေနံဆီဆိုတာ ဘယ်ကဖြစ်လာတဲ့အရည်လဲကွ၊ အဲဒါ မင်းသိလား”
   အဲဒီမေးခွန်းကြောင့် ဖိုးစော ငိုင်ခနဲဖြစ်သွားတယ်။ သူ့အတွက်တော့ မဟာ့ မဟာ အခက်အခဲကြီးတစ်ခုပဲ။ ဒါကို ဘယ်လိုကျော်လွှားမလဲ။
   ပြီးတော့ သူ့ရဲ့ကြီးကျယ်ခမ်းနားလှတဲ့ ဗဟုသုတဟင်းလေးအိုးကြီးကို စိန်ခေါ်မှတ်ကျောက်တင်မယ့် စပယ်ရှယ်မေးခွန်းတော်ကြီး ဖြစ်နေပြီ။
   ကိုင်း…စဉ်းစားစမ်း။
   ရေနံဆီဆိုတာ ဘယ်ကရတဲ့ ဥစ္စာလဲ…။
   တွင်းထွက်သယံဇာတလား၊ ဓာတုဗေဒပစ္စည်းလား၊ စက်ရုံက ထုတ်တာလား…။
   ငနဲသား ခေါင်းတွေထူပူလာသည်။ အဖြေက မရဘူး။ မသိမသာ အံကိုကြိတ်ထားရင်း လည်ပင်းကြီးလိမ်ပြီး စောင်းကန်းစောင်းကန်းလုပ်နေတယ်။
   အတော်ကြာတော့မှ…
   “နေဦးဗျာ…ဒီအဖြေကို ကျွန်တော်ခေါင်းအေးအေးနဲ့ စဉ်းစားလိုက်ဦးမယ်။ တစ်ရက်နှစ်ရက်တော့ စောင့်”
   “အေးပါကွာ…အေးပါ”
   ပန်းချီဆရာက ပြုံးစိစိနဲ့ ပြန်ပြောလိုက်တယ်။






   အဲဒီအကြောင်းတွေက နောက်မှ ပန်းချီဆရာပြန်ပြောလို့ သိရတာပါ။ ကျွန်တော် သတိထားမိတာက ဖိုးစော အိမ်တွင်းအောင်းပြီး တစ်ခုခုကို အပြင်းအထန် စဉ်းစားခန်းဝင်နေတာ အတော်ကြာပြီဆိုတာကိုပဲ…။
   အဲဒီလို မဟုတ်ကဟုတ်က တစ်ခုခုကို တွေးလုံးထုတ်နေပြီဆိုရင် ဖိုးစောပုံစံက သိသာတယ်။ နံရံကို ကျောမှီ၊ ဒူးခေါင်းနှစ်လုံးကိုထောင်၊ ပြီးရင် အဲဒီထောင်ထားတဲ့ ဒူးခေါင်းနှစ်လုံးကို လက်နှစ်ဖက်နဲ့ ပိုက်ပြီး ခေါင်းကြီးမော့တော့မော့တော့ လုပ်နေပါလေရော။
   အဲဒီပုံစံအတိုင်း သူ့ကို လေး ငါး ခြောက်ရက် မြင်နေရတော့ ကျွန်တော်က…
   “ကိုဆင့်ရေ…ခုတလော ကျွန်တော်တို့ကောင်ကြီး ငြိမ်ချက်သားကောင်းနေပါလား”
   “ဟုတ်တယ်ဗျ…ဒီတစ်ချီတော့ တကယ့်ကို နက်နက်နဲနဲ စဉ်းစားနေပုံပဲ။ လေး ငါးရက်တောင် မကတော့ဘူး”
   ကျွန်တော်နဲ့ ကိုဆင့်သူတို့ နှစ်ယောက်သား ကျိတ်ကျိတ် ကျိတ်ကျိတ်ပြောနေတုန်း ပန်းချီဆရာက လေသံတိုးတိုးနဲ့ ဝင်ပြီး…
   “ကျွန်တော်သူ့ကို ငြိမ်ဆေးပေးထားတာပါဗျာ”
   “ဟင်…ဘယ်လို ငြိမ်ဆေးပေးထားတာလဲ”
   “ရေနံဆီကို ဘယ်ကရသလဲဆိုတာ စဉ်းစားခိုင်းထားတာပါဗျာ”
   လို့ ဆိုပြီး ပန်းချီဆရာက သူ ကျပ်ထားတဲ့ကိစ္စကို အစအဆုံး တစ်လုံးမကျန် ပြန်ပြောပြတော့တာပဲ။
   ကျွန်တော်တို့လည်း ရယ်ရအခက် မဲ့ရအခက်နဲ့ဗျာ။

   အဲ…နောက်နေ့နေ့လည်ခင်းလည်းကျရော…
   “ဝုန်း…”
   ဖိုးစောဟာ နံရံကိုမှီနေရာက ဝုန်းခနဲ ခုန်ထလိုက်ပြီးတော့…
   “သိပြီ…သိပြီ၊ ကျွန်တော် သိပြီဗျ”
   အသံပြဲကြီးနဲ့ စွတ်အော်နေတော့ ကျွန်တော်တို့သုံးယောက်စလုံးက…
   “ဟ…ဟ…ဘာဖြစ်တာတုံး”
   “ဘာသိတာလဲကွ၊ မင်းဟာက…”
   “အလန့်တကြားကွာ၊ ဘာမို့လို့လဲဟ”
   အသက်တောင်မရှူအားဘူးဗျာ၊ ဝိုင်းမေးလိုက်ရတာ။ ငနဲသားကတော့ ပြုံးဖြီးဖြီးကြီးလုပ်ရင်း…
   “ရေနံဆီကို ဘယ်ကရလဲဆိုတာ ကျွန်တော်သိပြီဗျ။ တကယ်တော့ ရေနံဆီဆိုတာ ရေနံကနေ ဖြစ်လာတာကိုး…ဟင်း…ဟင်း…ဟင်း…”
   သူ့ကိုယ်သူ ဂုဏ်ယူဝင့်ကြွားနေတဲ့ မျက်လုံးတွေကလည်း အရောင်တလက်လက်နဲ့ဗျာ၊ ခင်ဗျားတို့ မြင်စေချင်တယ်။ ကျွန်တော်နဲ့ ကိုဆင့်သူကလည်း သူ့ကို ကျောသပ် ရင်သပ်လုပ်ပြီး ဝိုင်းချီးကျူးကြတယ်။
   “တော်ပါပေတယ်ကွာ” တို့၊ “မင်းမို့လို့ စဉ်းစားနိုင်တာ” တို့ ပြောပြောပြီးတော့လေ။
   “မင်းမို့လို့ ဒီအဖြေကို ခုနှစ်ရက်တည်းနဲ့ စဉ်းစားလို့ရတာ။ ငါသာဆို တစ်လလောက် စဉ်းစားရင်တောင် ရမှာ မဟုတ်ဘူး”
   ကိုဆင့်သူ ပြောလိုက်တဲ့ ဒီတစ်ခွန်းကတော့ ‘ပင့်’ တာ နည်းနည်းလက်လွန်သွားတယ်ဗျ။ ဖိုးစော ရိပ်မိသွားပုံပဲ။
   ဒီကောင် မာန်တက်နေတာ နည်းနည်းအရှိန်တန့်သွားတယ်။
   ပန်းချီဆရာကတော့ ခပ်ပြုံးပြုံးနဲ့…
   “ဟုတ်ပါပြီကွာ၊ ရေနံဆီဆိုတာ ရေနံကဖြစ်တာ ထားပါတော့၊ ဒါဖြင့် ဓာတ်ဆီကကော ဘယ်ကနေဖြစ်တာလဲကွ”
   နောက်ထပ်မေးခွန်းတစ်ခုနဲ့ ထောင်ချောက်ဆင်လိုက်တော့ ဖိုးစော ဆိုတဲ့ မဟာပညာရှိကလည်း တည့်တည့်ပဲဝင်ချလာတယ်။
   “ဟား…သဘောတရားချင်း အတူတူပဲလေဗျာ၊ ရေနံဆီဟာ ရေနံကဖြစ်လာတာဆိုတော့ ဓာတ်ဆီဆိုတာ ‘ဓာတ်’က ဖြစ်တာပဲပေါ့ဗျ”
   ကြည့်စမ်း။ အပိုင်ပဲဆိုပြီး ပြောချလိုက်တာ။
   အဲသည်လို တော်ပုံ၊ ထက်မြက်ပုံတွေကိုပဲ ကျွန်တော်တို့မှာ လက်ဖျားတခါခါ ဖြစ်နေရတာကလားဗျာ။
   ပန်းချီဆရာကတော့ ခေါင်းကို တဖြည်းဖြည်းချင်းယမ်းခါပြီး…
   “မှားတယ်ကွ”
   “ဟင်…ဘာဖြစ်လို့လဲ”
   ဖိုးစောက ပြုးတူးပြဲတဲနဲ့မေးတော့ ပန်းချီဆရာက သူ့မျက်လုံးထဲကို တည့်တည့်စိုက်ကြည့်ပြီး…
   “မင်း မသေမချင်းမှတ်ထား၊ ‘ဓာတ်ဆီ’ဆိုတာ ‘ဓာတ်စံ’ကနေ ဖြစ်တာကွ”
   “သြော်…”
   ဖိုးစောမျက်လုံးတွေ အရောင် မှုန်မှိုင်းပြီး ဝမ်းနည်းရိပ်သမ်းသွားတယ်။ ‘ဓာတ်ဆီ’ နဲ့ ‘ဓာတ်စံ’ ဆိုတဲ့ လူရွှင်တော် လက်ဟောင်းကြီးနှစ်ယောက်ရဲ့ နာမည်ကို ကြားဖူးထားရဲ့သားနဲ့…
   “ဒီဓာတ်သဘောနှစ်ခု ဆက်စပ်တဲ့သဘာဝကို ဘာလို့များ ငါ မစဉ်းစားမိပါလိမ့်”
   လို့ သူ့ကိုယ်သူ မချင့်မရဲ ဖြစ်နေတဲ့ပုံပဲ။
   မယုံမရှိနဲ့ဗျ။ ပန်းချီဆရာ ပေါက်ကရပြောလိုက်တာကို ဒီကောင် တကယ် အဟုတ်မှတ်သွားတာ။
   ညကျတော့ သူ့သံသေတ္တာအဟောင်းလေးထဲမှာ သိမ်းထားတဲ့ လက်တစ်ဝါးလောက် မှတ်စုစာအုပ်လေးထုတ်ပြီး အသေအချာ ရေးမှတ်နေလေရဲ့။
   “ရေနံဆီကို ရေနံမှ ထုတ်ယူရရှိသည်၊
   ဓာတ်ဆီကို ဓာတ်စံမှ ထုတ်ယူရရှိသည်”
   …တဲ့ဗျာ။ ကဲ…ပြီးရော။
   သူ့မှတ်စုစာအုပ်လေးထဲမှာ အဲဒီလို ပေါက်တက်ကရတွေ အများကြီးပဲဗျ။ စုံနေအောင်ရေးထားတာ။
  
သူမရှိတဲ့အခိုက် ကျွန်တော်တို့သုံးယောက်သား ပျင်းပျင်းရှိပြီဆိုရင် သော့ပျက်နေတဲ့ သံသေတ္တာထဲမှာ သူဝှက်ထားတဲ့ အဲဒီမှတ်စုစာအုပ်လေးကို ရှာရှာဖွေဖွေ ခိုးဖတ်ပြီး တခွိခွိကျိတ်ရယ်ရသေးတာ။
အဲဒီစာအုပ်ထဲမှာ ကြံကြီးစည်ရာ ဖုန်းနံပါတ်တွေကိုလည်း (ဘယ်သူကပေးလို့ ဘယ်လိုရလာသလဲတော့ မပြောတတ်ဘူး) ရေးထားမှတ်ထားသေးတယ်ဗျ။
မှတ်မှတ်ရရ တစ်ခုဆိုရင်…
“သခင်ကိုယ်တော်မှိုင်းရဲ့ဦးလေး” ဖုန်းနံပါတ်…တဲ့ဗျာ။

ကဲ…စဉ်းစားကြည့်စမ်းပါဦး။
ဆရာကြီးသခင်ကိုယ်တော်မှိုင်းတောင်မှ အသက်အရွယ်အိုမင်းပြီး ကွယ်လွန်သွားတာတောင် ကြာပဲကြာလှပြီဥစ္စာ။
သခင်ကိုယ်တော်မှိုင်းရဲ့ဦးလေးဆိုတာ သက်ရှိထင်ရှား ရှိနိုင်ပါတော့မလား။ အဲဒီဖုန်းနံပါတ် မှန်တယ်ပဲထားပါဦးတော့။ ဆက်လိုက်ရင် ဟိုက ဖုန်းလာကိုင်မှာမို့လို့လား။
ကြံကြံဖန်ဖန်ဗျာ။ အဲဒီလိုဖုန်းနံပါတ်တွေကို ဘယ်လိုရည်ရွယ်ချက်နဲ့ ရေးမှတ်ထားသလဲ မပြောတတ်ဘူး။

တကယ်ပြောတာ။
ဖိုးစောဆိုတဲ့ကောင်က ရေရေလည်လည် ‘ဟား’ ရတယ်။

အခန်း(၂)

ကျွန်တော်တို့ ဒီရပ်ကွက်ထဲကို ပြောင်းလာပြီးပြီးချင်း ဖိုးစော သွားပြီး ပတ်ပတ်သက်သက် စလုပ်တာကတော့ ခေါင်းရင်းအိမ်က ‘အန်တီလှ’ ဆိုတဲ့ ဘွားတော်ကြီးပဲ။
ဘွားတော်ကြီးကဗျာ…အသက်ခြောက်ဆယ်ကျော်နေပါပြီ။ ခေါင်းတစ်ခုလုံးမှာလည်း ဆံပင်တွေ ဖြူလို့ ဖွေးလို့…။
ဒါပေမဲ့ အဲဒီဖြူကြောင်ကျားနေတဲ့ ဆံပင်တွေကို (အဲဒီတုန်းက ခေတ်စားတဲ့) ဒိုင်ယာနာ ကေလို့ခေါ်တဲ့ ပုံစံ ဆံပင်တိုကုပ်ဝဲလေးညှပ်ပြီး ပုံသွင်းထားတာဗျား။ စဉ်းစားသာကြည့်တော့။ ဘယ်လောက်တောင် လူရိုသေ ရှင်ရိုသေ မဖြစ်လိုက်တဲ့ ပုံဆိုးပန်းဆိုးကြီးလည်းဆိုတာ။
ပြီးတော့လည်း စကားပြောလိုက်ရင် သူ့ကိုယ်သူ ‘အလှကလေ’၊ ‘အလှ ပြောချင်တာက…’၊ ‘အလှအတွက်ဆိုရင်’ နဲ့ တစ်ချိန်လုံး ‘အလှ’ ချည်းပဲ လုပ်နေတာ။ သူ့ကိုယ်သူ ဆယ့်ခြောက်နှစ်သမီးကလေး ကျနေတာပဲ။
ကျွန်တော်တို့ကလည်း နားကြားပြင်ကတ်တာတစ်မျိုး၊ ရယ်ချင်တာတစ်မျိုးနဲ့ တော်တော်ကို အောင့်အည်းသည်းခံပြီး စကားပြောရတယ်။
ပန်းချီဆရာကတော့ စိတ်ပေါက်ပေါက်ရှိလာရင် ဘွားတော်ကြီး သူ့ကိုယ်သူ ‘အလှကလေ… အလှကလေ’ လုပ်လာပြီဆိုတာနဲ့ ရုပ်ရှင်မင်းသားဝင်းဦးရဲ့ သီချင်းစာသားတစ်ပိုဒ်ကို အော်အော်ဆိုပြီး ထ,ကတော့တာပဲ။
ကြားဖူးကြမှာပါ…။
“တကယ် မမောပန်းစေရန်ကိုကွယ် ပြော…ပြောပြမယ်…ကိုယ့်ဌာနေဝန်းကျင်မှာကွယ်…တကယ်ကို ‘အလှ’ ရှိတယ်”
ဆိုတဲ့ သီချင်းလေ။
တကယ်ပဲဗျာ။ စိတ်ကုန်တယ်။
ကိုယ်နဲ့မှ တည့်တည့်ကြီးတိုးတဲ့ ‘ထပ်တူကျအလွဲ’ ဆိုတာ အဲဒါမျိုးပေါ့။
ပြီးတော့ ဘွားတော်ကြီးက ဘာကြွားသလဲမမေးနဲ့။ ကြွားပြီးဟေ့ ဆိုရင်လည်း ‘အလုံးကြီး’ တွေချည်း ရွေးလွှတ်တာဗျ။
ပြောပြရဦးမယ်။ ကျွန်တော်တို့ပြောင်းလာခါစက ဗြုန်းဆို မပြောမဆို အိမ်ပေါ်တက်လာပြီး…
“မင်းတို့က ခေတ်ပညာတတ်တွေဆိုတော့ သိချင်တာလေးတစ်ခုရှိလို့ မေးရဦးမယ်၊ ဟိုလေ…အလှတို့အိမ်မှာသုံးနေတဲ့ ထမင်းပေါင်းအိုးက ပေါ်ဆန်းမွှေးတစ်မျိုးပဲ ထည့်ချက်လို့ရတာလား၊ ဧည့်မထတို့ ဘာတို့ရော ချက်လို့ရသလား…လို့၊ အဲဒါ လိုက်ကြည့်ပေးပါဦးကွယ်”
အဲဒါအကောင်းပြောတာမဟုတ်ဘူးဗျ။ သူ့အိမ်မှာ Rice Cooker လို့ခေါ်တဲ့ ခေတ်မီ ထမင်းပေါင်းအိုးစက်ရှိတယ်ဆိုတဲ့ အကြောင်းရယ်၊ သူဟာ ပေါ်ဆန်းမွှေးဆိုတဲ့ ဆန်အကောင်းကိုမှ အမြဲချက်စားနေသူ ဖြစ်တဲ့အကြောင်းရယ်…ကို အလုံးကြီး နှစ်လုံး တစ်ပြိုင်တည်း ပစ်ထည့်လိုက်တာ။
အဲဒီတုန်းက ၁၉၈၆-၁၉၈၇ ခုနှစ်ဆိုတော့ လူအများစုက သမဝါယမဆိုင်က ပေးတဲ့ ‘ဧည့်မထ’ တို့၊ ‘ငစိန်’ တို့ဆိုတဲ့ ဆန်ကြမ်းတွေပဲ စားနေရတာကိုး။
ပြီးတော့ Rice Cooker လို့ခေါ်တဲ့ ထမင်းပေါင်းအိုး ကိုလည်း ဒီလိုရပ်ကွက်ကလေးမှာ တော်ရုံတန်ရုံ ဝယ်နိုင် သုံးနိုင်ကြသေးတာ မဟုတ်ဘူးလေ။
အန်တီလှရဲ့သမီးအငယ်မက သင်္ဘောသားနဲ့ညားပြီး ရန်ကုန်က တာမွေမှာ နေတယ်ဆိုလား။ သမီး အကြီးမကတော့ အပျိုကြီးပါပဲ။ အသက်(၄၀) လောက်ရှိမယ်။ စက်ချုပ်ပြီး သူ့အမေကို ရှာဖွေကျွေးမွေးနေတာပေါ့။
ရန်ကုန်မှာနေတဲ့ သမက် သင်္ဘောသားက တစ်ခါတလေ ပို့ပို့ပေးတော့ အန်တီလှခမျာ ခေတ်ပေါ် နိုင်ငံခြားပစ္စည်းတွေ အသုံးအဆောင်တွေ ရ ရလာတတ်တယ်။ ဒါကိုပဲ ကြွားလို့မဆုံးဘူးဖြစ်နေတာ။
တစ်ခါကလည်း နေ့လည်နေ့ခင်းကြီး ကျွန်တော်နဲ့ ပန်းချီဆရာက ရန်ကုန်က မဂ္ဂဇင်းတိုက်တွေဆီသွားပြီး ပြန်လာကြတာ။ စာမူခတွေ ဘာတွေလည်း ရမလာခဲ့တော့ ကားမှတ်တိုင်ကနေ ရပ်ကွက်ထဲကို ဆိုက်ကားတောင် ငှားမစီးနိုင်ပါဘူး။ ခြေလျင်ပဲ သုတ်ရတော့တာပေါ့။
လမ်းထဲချိုးဝင်ပြီး အန်တီလှ အိမ်ရှေ့လည်းဖြတ်လျှောက် မိရော…
“ဟယ်…မင်းတို့နှယ်ကွယ် နေပူကြီးထဲ လမ်းလျှောက်ပြန်လာရသလား။ ပင်ပန်းမှာပေါ့ကွယ်။ လာ…လာ…အလှတို့ အိမ်မှာ ဝင်နားလိုက်ဦး”
ဟင်…သူနဲ့ ကျွန်တော်တို့နဲ့က ခြေရင်းခေါင်းရင်း ကပ်နေတဲ့ ဥစ္စာ။ နောက်ထပ် ခြေလှမ်း လေးငါးလှမ်း သွားလိုက်ရင် ကိုယ့်အိမ်ကိုယ် ပြန်ရောက်ပြီပဲဟာကို။ ဘာကိစ္စ သူ့အိမ်မှာ ခရီးတစ်ထောက်နားနေရဦးမှာလဲ။
ကျွန်တော်တို့က…
“နေပါစေ…အန်တီလှရယ်”
လို့ ပြောလည်း မရဘူး။ ဇွတ်ပဲ။ သူ့အိမ်မှာမှ ခဏတစ်ဖြုတ်ဝင်ပြီး မနားလိုက်ရင် ကျွန်တော်တို့ဟာ ချက်ချင်းလက်ငင်းကို နေပူဒဏ်သင့်ပြီး တုံးခနဲ လဲသေတော့မလောက်ကို ပြောပြီး အတင်းခေါ်တာ။
အဲ…အားနားပါးနာနဲ့ပဲ ဆိုပါတော့…။
ကျွန်တော်တို့နှစ်ယောက်သား သူ့အိမ်ရှေ့ခန်းကြမ်းပြင်ပေါ် ဝင်ထိုင်မိလိုက်ကြတယ်ဆိုရင်ပဲ အန်တီလှတစ်ယောက် စပြီး ဗွေဆိုးဖောက်တော့တာပဲ။
“မင်းတို့ နေပူထဲကလာတာဆိုတော့ ရေငတ်မှာပဲနော်၊ ရေအေးအေးလေးများ မသောက်ချင်ကြဘူးလား”
အင်း…လုပ်တော့ လုပ်လာပြန်ပဟ။
ကျွန်တော်တို့စိတ်ထဲက ကျိတ်ရေရွတ်ရင်း တစ်ယောက်မျက်နှာတစ်ယောက် ကြည့်မိကြတယ်။
ပန်းချီဆရာက တစ်ခုခုကို ဘုမပြောမိအောင် အသက်အောင့်ပြီး ပါးကြီးနှစ်ဖက်ကို ဖောင်းထားတယ်ဗျ။ တော်တော်ချုပ်တည်းထားတာ။
ကျွန်တော်တို့ဆီက ဘာစကားမှ ထွက်မလာတော့ အန်တီလှကပဲ မအောင့်နိုင် မအည်းနိုင်ဖြစ်လာပြီး…
“အို…ဟုတ်ပါတယ်လေ၊ နေပူထဲကလာတာဆိုတော့ ရေခဲရေအေးအေးလေးသောက်မှကို ဖြစ်တော့မယ်။ အလှတို့အိမ်မှာ ရေခဲရေအဆင်သင့်ရတယ်ကွဲ့၊ သမီးရေ မိသက်… ရေခဲရေနှစ်ခွက် ယူခဲ့ပါဦးကွယ်”
သေချာတယ်။ အန်တီလှအိမ်မှာ ရေခဲသေတ္တာရောက်နေပြီ။ ပန်းချီဆရာက မျက်လုံးပြူး မျက်ဆံပြူးနဲ့…
“နေပါစေ…နေပါစေ…အန်တီလှရယ်၊ မသောက်တော့ပါဘူး။ ဟိုကောင် ဖိုးစောကိုသာ ခေါ်တိုက်လိုက်ပါ၊ ဒီကောင်က ရေခဲရေ အရမ်းကြိုက်တာ အန်တီလှရဲ့၊ အဟုတ်…တကယ်…ဘုရားစူးရစေရဲ့”
“ဟင်…ဟုတ်လား…ဒါဆို မောင်ဖိုးစောကို ခေါ်တိုက်ဦးမှပဲ။ ဟင်း…ဟင်း…မနေ့ကပဲ ရန်ကုန်မှာနေတဲ့ သမက်က ရေခဲသေတ္တာတစ်လုံး ပို့လိုက်တယ်လေ။ အင်း…ကရင်က တော်ရှာပါတယ်ကွယ်”
အန်တီလှက သူ့သမတ်ကို ‘ကရင်’လို့ခေါ်တတ်တယ်။ ကရင်လူမျိုးမို့လို့လား၊ ငယ်နာမည် ကရင် မို့လို့လားတော့ ကျွန်တော်တို့မသိဘူး။
အန်တီလှရဲ့ သမက်ချီးမွမ်းခန်း မဟာအကြွားတော်ပုံ အစမှာတင် ကျွန်တော်တို့နှစ်ယောက် ကသောကမျော ထပြန်တယ်။ ဒါတောင်မလွတ်ဘူး။
နောက်ကနေ လှမ်းအော်ပြောလိုက်တဲ့ အန်တီလှရဲ့ စကားသံကို ကြားဖြစ်အောင် ကြားလိုက်ရသေးတယ်။
“မင်းတို့လည်း ကန်စွန်းရွက်တို့၊ ချဉ်ပေါင်ရွက်တို့ ဝယ်လာရင် ဒီအိမ်က ရေခဲသေတ္တာထဲမှာ လာထည့်ထားလို့ရတယ်…သိလား၊ အားမနာနဲ့နော်”
ခံလိုက်ရပုံများဗျာ။
‘ဟုတ်ကဲ့’ လို့တောင် ပြန်မပြောနိုင်တော့ဘူး။

အဲဒီလိုမျိုး…ကြွားပြီဆိုရင် ‘အလုံးကြီး’ တွေပဲ လွှတ်တတ်လွန်းလို့ အန်တီလှကို ရပ်ကွက်ထဲကလူတွေက…
“မော်ရီယာမင်း”
လို့ နာမည်ပြောင်ပေးထားကြတယ်။
သိတယ်မဟုတ်လား။ မော်ရီယာမင်း ဆိုတဲ့ အားဆေးက အကြောထဲသွင်းရတာလေ။
အကြောဆေးသွင်း၊ ဒရစ်ပုလင်းချိတ်တာကို ရပ်ထဲရွာထဲမှာက ‘အလုံးကြီး’ ချိတ်တယ်လို့ ခေါ်တာကိုး။

အန်တီလှကို ရပ်ကွက်ထဲကလူတွေ မေးငေါ့မယ်ဆိုရင်လည်း ငေါ့စရာပေါ့ဗျာ။ အန်တီလှက ဟိုကိစ္စဝင်ဖွ၊ ဒီကိစ္စဝင်ဖွနဲ့ ရှုပ်တာကိုး။
သူများကို တမင်ဒုက္ခပေးတာတော့မဟုတ်ဘူး။ အဲဒီလို ယုတ်မာတဲ့ ညစ်ပတ်တဲ့စိတ်တော့ အန်တီလှမှာမရှိတာ သေချာတယ်။
ဒါပေမဲ့ ခက်နေတာက…
လူကြားသူကြားထဲမှာ အထူအပါး နားမလည်တာ။ ပြောချင်ရာ စွတ်ပြော၊ လုပ်ချင်တာ စွတ်လုပ်တာ။
တလွဲလုပ်တဲ့နေရာမှာတော့ တကယ့်ကို ရွပ်ရွပ်ချွံချွံဗျ။
ကျွန်တော်တို့ ဒီကိုပြောင်းလာခါစတုန်းက ပန်းချီဆရာက အလှမွေးငါးကန် ခပ်သေးသေးတစ်ခု သယ်လာပြီး ‘ဖလားဝါးဟွန်း’ ငါးလေးတစ်ကောင် ထည့်မွေးထားတယ်။ သူ့ကြည့်ပြီး ပန်းချီဆွဲချင်လို့ ထင်ပါရဲ့။
ဒါပေမဲ့ မကြာပါဘူး။ မီးက ခဏခဏပျက်တော့ အောက်စီဂျင်မရတာနဲ့ ငါးလေး သေသွားရှာတယ်။
အဲဒီနေ့ကလည်း တစ်နေ့လယ်ခင်းလုံး ကျွန်တော်တို့က အပြင် သွားနေကြတာ။ ညနေပြန်ရောက်ပြီး ငါးလေးကို အစာကျွေးမယ်လုပ်တော့မှ ကန်ထဲမှာ ပေါလောလေးမျောပြီး သေနေတာကို တွေ့ရတာပဲ။
ပန်းချီဆရာဆိုတာ စုတ်တသပ်သပ်နဲ့ သူ့ကိုယ်သူ အပြစ်တင်လို့ကို မဆုံးဘူး။ ကျွန်တော်တို့လည်း တော်တော်ကြီးကို စိတ်မကောင်းဖြစ်တာပါ။
ဒါမျိုး ကြုံဖူးကြတဲ့သူတိုင်း ကျွန်တော်တို့ကို ကိုယ်ချင်းစာတတ်မှာပါဗျာ။
ကျွန်တော်တို့တွေအားလုံး ငိုင်နေကြတဲ့အချိန်မှာ အန်တီလှ တစ်ယောက် ကော့ပက်ကော့ပက်နဲ့ အိမ်ပေါ်တတ်လာတယ်။ မျက်စိပျက် မျက်နှာပျက် ဖြစ်နေကြတဲ့ ကျွန်တော်တို့ကို ကြည့်ပြီး…
“ဘာဖြစ်နေကြတာတုံးဟဲ့”
ကျွန်တော်က ကန်ထဲက ငါးအသေကောင်လေးကို ပိုက်နဲ့ခပ်ဆယ်လိုက်ပြီး…
“ရွှေငါးလေးသေသွားလို့ အန်တီလှရဲ့”
“ဟယ်…ဖြစ်မှဖြစ်ရလေဟယ်”
ပိုက်ထဲမှာပါလာတဲ့ ရွှေငါးအသေလေးကိုကြည့်ပြီး အန်တီလှ တော်တော်စိတ်ထိခိုက်သွားပုံပဲ။ သူက…
“သနားစရာကောင်းလိုက်တာနော်။ သူ့ခမျာ ကံဆိုးရှာတယ်ကွယ်”
ဒါ…အန်တီလှ တကယ်သနားလို့ တကယ်ကြေကွဲလို့ ပြောတာ။ ဟုတ်တယ်၊ ကျွန်တော်သိတယ်။ ဒါပေမဲ့ ချက်ချင်းပဲ သူဆက်ပြောတဲ့ စကားကိုကြည့်ဦး။
“ဒီကောင်လေးကို ချက်စားရင် ဘယ်လိုအရသာရှိမလဲ မသိဘူးနော်”
ကျွန်တော်တို့အားလုံး စိတ်ထဲမှာ ဖုသွားတယ်။ ကြည့်စမ်း…အကြံပက်စက်လိုက်ပုံ။
ကျွန်တော်က…
“ဟာ…အန်တီလှကလည်း ခုနကပဲ သနားစရာလေး ဘာလေး ပြောနေပြီးတော့ ချက်စားဖို့ စိတ်ကူးရက်သေးတယ်ဗျာ”
“ဟဲ့…ဘာဆိုင်လို့လဲ၊ သနားတာက သနားတာ သတ်သတ်၊ သူ့အရသာကို သိချင်တာက သတ်သတ်ပဲ ဥစ္စာ။ ဈေးထဲမှာ ဝယ်စားရတဲ့ ငါးတွေနဲ့ ဘာများကွာသလဲ သိချင်လို့ပါဟယ်”
အဲသည်လိုပြောပြီး ကျွန်တော့်မျက်နှာကို တစ်ချက်လှမ်း အကဲခတ်တယ်။ ပြီးတော့ မျက်စတစ်ချက်ပစ်ပြီး…
“ကဲ…ဘယ်နှယ့်တုန်း”…တဲ့။
သူ့ရဲ့ ‘ဘယ်နှယ့်တုန်း’ ဆိုတာကြီးက ချက်စားကြရအောင် အထာနဲ့ ညှိလိုက်တာမှန်း ကျွန်တော်ရိပ်မိတာပေါ့။ ဒါနဲ့…
“တော်ပါ…အန်တီလှရယ်”
ဆိုပြီး မနည်းချော့မော့လွှတ်လိုက်ရတယ်ဗျာ။

အန်တီလှနဲ့ လေပေးဖြောင့်တာကတော့ ကျွန်တော်တို့ကောင်ကြီး ဖိုးစောပဲ။ အန်တီလှကလည်း သူ့လေကြောမှာသာ ဒိုင်ခံမျောပါပေးမယ်ဆိုလို့ကတော့ ကြည်ဖြူပြီးသား၊ ရင်ဖွင့်ကြိုဆိုနေပြီးသား။
ကြည့်လေ။
အန်တီလှက သူ့ရဲ့ ဒိုင်ယာနာမင်းသမီးပုံစံညှပ်ထားတဲ့ ဆံတိုကုပ်ဝဲလေးကို သပ်ကာသပ်ကာနဲ့ (ဒိုင်ယာနာမင်းသမီးနဲ့တော့ ဘယ်တူမှာလဲဗျာ၊ သူက ဆံပင်တွေ ဖြူနေပြီပဲဥစ္စာ၊ ကြာဆံဖတ်တွေ ခေါင်းပေါ်ရွက်ထားတာနဲ့ပဲ တူတာပေါ့)
အိုက်တင်ကတော့ တစ်စက်မှ မလျော့ဘူး။
“ဟင်း…ဟင်း…ဒီမှာ မောင်ဖိုးစောရဲ့၊ အလှတို့ ငယ်ငယ်တုန်းကများ လမ်းဖြတ်လျှောက်သွားပလား ဆိုရင် ယောက်ျားတွေမှန်သမျှက လည်ပြန်ငေးကြည့်ရတာကွဲ့”
“ဟုတ်မယ်…ဟုတ်မယ်…ခုထိတောင် အန်တီလှရဲ့ ရုပ်ရည်နဲ့ဆို ကြိုက်တဲ့ယောက်ျားကို ခေါင်းခေါက်ယူလို့ရနေတုန်းပဲ”
ဒါက ဖိုးစောရဲ့ စကားထောက်။
အင်း…လိုက်လည်း လိုက်ဖက်ကြပါပေတယ်။ ဒီကောင်က အဲသည်လို စကားထောက်ပေးလေလေ ဟိုဘွားတော်ကြီးက ဖီလင်တွေတက်တက်ပြီး စွတ်တင်လေလေပေါ့ဗျာ။
“ဟင်း…ဟင်း…ဟင်း…ယောက်ျားများတော့ မလိုချင်တော့ပါဘူး မောင်ဖိုးစောရယ်၊ ငယ်ငယ်တုန်းကများဆို ယောက်ျားတွေကို ကိုယ်ပေါ်ပုရွက်ဆိတ်တွေတက်သလို သပ်သပ်ပြီး ချရတာကွဲ့”
“သြော်…လက်စသတ်တော့ အန်တီလှဆိုတာ ခေသူမဟုတ်ဘူးပဲနော”
အဲဒီမှာတင် ဘုန်းကြီးရူးနဲ့ လှေလူးတွေ့ကြတော့တာပဲ။





ကောင်းတဲ့တစ်ချက်တော့ ရှိတယ်။
အိမ်လခ ပေးရမယ့်ရက်လည်း နီးနေပြီ၊ ကျွန်တော်တို့လက်ထဲမှာလည်း ပိုက်ဆံပြတ်နေပြီဆိုရင် ပိုက်ဆံလွယ်လွယ်ကူကူချေးလို့ရမယ့် လူက အန်တီလှတစ်ယောက်ပဲ ရှိတယ်ဗျ။
အဲဒီအခါကျရင် ဖိုးစောကို ရှေ့တန်းတင်ပြီး အန်တီလှဆီမှာ ပိုက်ဆံသွားချေးခိုင်းရတော့တာပဲ။
ရယ်တော့ရယ်ရတယ်။
ဖိုးစောရော၊ အန်တီလှရော နှစ်ယောက်စလုံးက တွက်တဲ့ချက်တဲ့နေရာမှာ လည်လည်ဝယ်ဝယ်တွေ မဟုတ်လား။
ချာလပတ်ယမ်း နေကြတော့တာပဲ။
ဖိုးစောက…
“အန်တီလှ…ကျွန်တော်တို့ကို ပိုက်ဆံနှစ်ရာလောက် ချေးစမ်းပါဗျာ”
“ဟဲ့…နှစ်ရာတောင်၊ များလှချည်လားဟဲ့၊ ငါ့မှာ ဘယ်ရှိပါ့မလဲ”
ဟုတ်တယ်ဗျ။ အဲဒီအချိန်ကာလတုန်းက ပိုက်ဆံနှစ်ရာဆိုတာ တန်ဖိုးတော်တော်များတာ။ ရုံးစာရေးလစာတောင်မှ ၄၂၀ ကျပ်စကေးပဲရှိတာ။ အဲဒီလစာနဲ့ ချွေချွေတာတာစားရင် တစ်လစာစရိတ်တော့ အလျင်မီတယ်။
အမြင့်ဆုံး ထီဆုငွေမှ တစ်သိန်းထဲရယ်။ ဒါပေမဲ့ အဲဒီတစ်သိန်းနဲ့ဆို ဖင်မလီယာကားတို့ ဘာတို့ ဝယ်စီးနိုင်သေးတယ်လေ။
အဲဒီတော့ ပိုက်ဆံနှစ်ရာကို တစ်လုံးတစ်ခဲတည်းပေးဖို့ အန်တီလှ လက်တွန့်တာပေါ့။
ဖိုးစောကလည်း မရမက ကုပ်ကပ်ပြီး…
“အဲဒါဆိုလည်း တစ်ရာတော့ ချေးဗျာ”
ဟုတ်တယ်။ တစ်ရာတော့ ရမှဖြစ်မယ်။ ကျွန်တော်တို့ ငှားနေတဲ့ အိမ်လခက ၆၀ မဟုတ်လား။ ဒါနဲ့ အန်တီလှတစ်ယောက် ဖိုးစောကို မလွန်ဆန်သာတော့ဘူး။ လက်ကလေးတုန်တုန်ရီရီနဲ့ အိတ်ထဲက ပိုက်ဆံတွေကို ထုတ်ရေတော့ ၃၅ကျပ်တန်သုံးရွက် ထွက်လာတယ်။
အဲဒီခေတ်တုန်းက ၃၅ကျပ်တန်တို့၊ ၇၅ကျပ်တန်တို့၊ ၂၅ကျပ်တန်တို့ သုံးကြသေးတာဗျ။ အန်တီလှက ပိုက်ဆံတွေကို ဖိုးစောလက်ထဲ ထည့်ပေးပြီး…
“ငါးကျပ် ပြန်အမ်းဦး”
ဟုတ်တယ်လေ…။ ၃၅ကျပ်တန် သုံးရွက်ဆိုတော့ ၁၀၅ကျပ် ဖြစ်နေတာကိုး။ ဖိုးစောရဲ့ ပုဆိုးကြားမှာ လိမ်ညှပ်ထားတာက ဒီလအတွက် ကျွန်တော်တို့ရဲ့ နောက်ဆုံးလက်ကျန် ၁၀ကျပ်တန် တစ်ရွက်။
အဲဒီမှာတင် ဖိုးစောကော၊ အန်တီလှပါ သောက,ဗျာပါဒတွေ လှိုက်ဆူပြီး နှစ်ယောက်သား ခေါင်းချင်းဆိုင်မှိုင်တော့တာပဲ။
သူတို့ ဘာလုပ်ရမှန်းမသိကြတော့ဘူးလေ။
အန်တီလှကို ပေးရမှာက ငါးကျပ်၊ ဖိုးစောမှာ ရှိနေတာက တစ်ဆယ်။ ပိုနေတဲ့ ငါးကျပ်ကို ပြန်အမ်းစရာ ၅ ကျပ်တန်လည်း အန်တီလှမှာ မရှိဘူး။ သူတို့အတွက်တော့ ဒါဟာ ကမ္ဘာ့ဘောဂဗေဒပြဿနာကြီး တစ်ခုလောက်ကို ကြီးကျယ်နေတယ်။
ပန်းချီဆရာက ဝင်ပြီး ပြောင်ချော်ချော် နောက်တောက်တောက်နဲ့…
“ဒါများ လွယ်လွယ်လေးဗျာ၊ အန်တီလှက နောက်ထပ် ၃၅ကျပ်တန် သုံးရွက် ထပ်ပေးလိုက်ပေါ့ဗျာ၊ ဒါမှ အန်တီလှဘက်က နောက်ထပ်ရစရာ ငါးကျပ်အစွန်းထွက်လာမယ်လေ။ အဲဒီတော့မှ ဖိုးစောဆီက တစ်ဆယ်လုံးယူလိုက်၊ ပြီးရော”
အန်တီလှကော ဖိုးစောပါ မျက်နှာဝင်းခနဲ ဖြစ်သွားတယ်။ အန်တီလှက…
“အေး…ဟုတ်သားပဲ၊ လွယ်သားပဲ…ဟင်း…ဟင်း…ဗြုန်းခနဲဆိုတော့ မစဉ်းစားမိဘူးဖြစ်သွားတယ် …ဟဲ…ဟဲ။ ကဲ…ရော့…ရော့…”
အန်တီလှက နောက်ထပ် ၃၅ကျပ်တန် သုံးရွက်ကို ပိုက်ဆံအိတ်ထဲက ဖျိုးဖျိုးဖျတ်ဖျတ် ထုတ်ပေးပြီး ဖိုးစောလက်ထဲက တစ်ဆယ်တန်ကို ဆတ်ခနဲ ဆွဲယူလိုက်တယ်။





နောက်တစ်ရက်ကျတော့…
အန်တီလှတစ်ယောက် ကျွန်တော့်တို့အိမ်ပေါ်ကို စောင်းကန်းစောင်းကန်းနဲ့ တက်လာပြီး…
“မောင်ဖိုးစော…မနေ့က မင်း ပိုက်ဆံချေးသွားတာ တစ်ရာလား၊ နှစ်ရာလား ဟင်”
“တစ်ရာလေဗျာ…”
ဖိုးစောက မျက်လုံးပြူး၊ မျက်ဆန်ပြူးနဲ့ ပြန်ဟောက်တယ်။ အန်တီလှက…
“ဒါပေမဲ့ ငါက နောက်ထပ် သုံးဆယ့်ငါးကျပ်တန် (၃)ရွက် ထပ်ပေးရသေးတယ် မဟုတ်လား”
အဲဒီစကားကြောင့် ဖိုးစော တွေတွေကြီးဖြစ်သွားပြီး အသည်းအသန် ဦးနှောက်ထဲမှာ တွက်ရချက်ရတော့တာပဲ။
ပြီးတော့မှ အဖြေရသွားပြီး…
“ဟာ…ဘာဆိုင်လို့လဲဗျ၊ အဲဒါက ကျွန်တော့်တစ်ဆယ်တန်ကို ပြန်မအမ်းနိုင်လို့ အန်တီလှက နောက်ထပ် အလိုက်ပေးရတဲ့ဥစ္စာ”
“သြော်…အေး…အေး…ဟုတ်သား၊ ဟဲ…ဟဲ အသက်အရွယ်က ရလာတော့ နည်းနည်းမေ့တတ် လာတယ်ကွယ်၊ ဟင်း…ဟင်…ငယ်ငယ်တုန်းကတော့ ဒီလိုဘယ်ဟုတ်မလဲ၊ အတွက်အချက်မှာ ဂျောင်းဂျောင်းပြေးနေတာကွဲ့ မောင်ဖိုးစောရဲ့၊ သိလား”
“ကျွန်တော်လည်း ကျောင်းမှာတုန်းကဆို သချာင်္မှာ အမြဲတမ်း အမှတ်(၁၀၀)ရနေကျ အန်တီလှရဲ့၊ ခုထိတောင် (၅)အလီကို အလွတ်ရနေသေးတယ်”
သူတို့နှစ်ယောက် ပြောနေဆိုနေတာကို အခန်းထဲကနေ အတိုင်းသားကြားနေရတဲ့ ကျွန်တော်တို့မှာ အသံထွက်ပြီး မရယ်မိအောင် ခြုံတဲ့စောင်အနားစကို လုံးထွေးပြီး ပါးစပ်ထဲ ဆို့ထားရတယ်ဗျာ။

 

ဆက်ရန်.............