လူတိုင်းအတွက် ပညာရေး

ကုလသမဂ္ဂ အဖွဲ့အစည်းများ၏ လုပ်ငန်းသဘာဝမှာ လုပ်ငန်းစဉ်တစ်ရပ်ကို ပုံစံဖော်၍ လမ်းကြောင်းပေါ်တင်ပေးခြင်းသာ ပြုလုပ် ပါသည်။ လမ်းကြောင်းပေါ်သို့ ရောက်ရှိ၍ လုပ်ငန်းအရှိန် အဟုန်ရရှိလာသည်နှင့် အဆိုပါကုလ သမဂ္ဂအဖွဲ့အစည်းသည် ထိုလုပ်ငန်းကို သက်ဆိုင်ရာဌာနသို့ လွှဲပြောင်းပေးပါသည်။
သက်ဆိုင်ရာဌာနမှ ထိုလုပ်ငန်းကို ရေရှည်တည်တံ့၍ ပိုမိုတိုးတက်လာစေရန် ဆက်လက်ဆောင်ရွက်ရပါသည်။
စာရေးသူသည် တောင်ငူမြို့ရှိ အဆိုပါ ကုလသမဂ္ဂအဖွဲ့ ဦးစီးသည့် ကျောင်း ပြင်ပ ပညာရေးညကျောင်းသို့ သွားရောက် လေ့လာ ဖူးပါသည်။
ကလေးများသည် သင်ကြားမှုကို စိတ်ပါဝင်စားစွာ နာယူလျက်ရှိကြပြီး UNICEF မှ ခန့်အပ်ထားသော မြန်မာလူမျိုး ဆရာ၊ ဆရာမ များသည်လည်း လစာငွေကောင်းကောင်း ရရှိထားကြသဖြင့် ကြိုးစား သင်ကြားပေးနေကြပါသည်။
ပညာရေး ဌာနသို့ လွှဲပြောင်းပေးသည့်အခါ လက်ရှိ အရှိန်အဟုန်ကို ဆက်လက်ထိန်းသိမ်း တိုးချဲ့နိုင်ရန် အရေးကြီးပါသည်။
နိုင်ငံတော်အစိုးရသည် အစစအရာရာ ကိစ္စအ၀၀အတွက် ငွေကုန်ကြေးကျကို တာဝန်မယူနိုင်ပါ။
'လူတိုင်းအတွက် ပညာရေး' ကို အမှန်တကယ် အကောင်အထည်ဖော်မည်ဆိုလျှင် ပညာရေးဝန်ကြီးဌာနက နိုင်ငံတော် အစိုးရထံမှ မူဝါဒတောင်းခံပြီး စီးပွားရေး လုပ်ငန်းရှင်ကြီးများ၊ စိန်ပေါကျောင်း သားဟောင်းများအသင်းကဲ့သို့ အသင်း အဖွဲ့အစည်းများ ညှိနှိုင်း၍ ကူညီ ထောက်ပံ့ငွေရရှိရေး စီမံဆောင်ရွက်သင့်ပါသည်။
ယခု ဤဆောင်းပါးတွင် ဖော်ပြထားသော သာဓကများမှာ စာရေးသူကိုယ်တိုင် ကြုံတွေ့ခဲ့သော ဖြစ်စဉ်အမှန်များ ဖြစ်ပါသည်။
သစ်တောရေးရာဌာန၏ ရွေ့လျား သစ်စခန်းများရှိ လုပ်သားများ၏ ကလေးငယ်များ၊ ရွေ့လျားတောင်ယာစခန်းများရှိ ရွာသားများ၏ ကလေးငယ်များ ပညာရေးဖွံ့ဖြိုးတိုးတက်မှုအတွက်ကို ရည်စူး၍ ရွေ့လျားကျောင်း (Mobile School) ဟူ၍ တီထွင်လှုပ်ရှားခဲ့ဖူးပါ သည်။
ရေရှည်မတည်တံ့ဘဲ ၀န်ကြီးဌာန တာဝန်အလွှဲအပြောင်းနှင့်အတူ ပျောက်ကွယ်သွားပါသည်။
ဤတာဝန်ကို ထမ်း ဆောင်ခဲ့ကြသော ဆရာများအနေဖြင့်လည်း ထူးခြားအခွင့်အရေး ပံ့ပိုးမှုမရရှိဘဲ တောထဲတောင်ထဲ၊ မိုးထဲရေထဲ မိမိထမင်း မိမိချက်၍ ခြေလျင်လိုက်နေရသောကြောင့် တက်ကြွမှုမရှိပါ။
အမှန်တကယ် ရေရှည်အတွက် ဆောင်ရွက်မည်ဆိုလျှင် အသေးစိတ်စီမံချက် ချမှတ် အကောင်အထည်ဖော် ဆောင်ရွက်သင့်ပါသည်။
ဤဆောင်းပါးသည် ကလေးနှင့် လူငယ်များ၏ ပညာရေးကို အဓိကထား ဖော်ပြနေပါသည်။
'လူတိုင်းအတွက် ပညာရေး'ဟု ဆိုလျှင် လူလတ်၊ လူကြီး၊ သက်ကြီးရွယ်အိုများနှင့်လည်း သက်ဆိုင်ပါသည်။
သက်ကြီးရွယ်အိုများ စိတ်အားမငယ်စေရန် တရုတ်ပြည်သူ့ သမ္မတနိုင်ငံတွင် သက်ကြီးရွယ်အိုများ၏ ၀ါသနာအလျောက် ပန်းချီပညာ၊ ဇာထိုးပန်းထိုးပညာ၊ စစ်တုရင်ပညာ၊ ယိမ်းကသကဲ့သို့ စုပေါင်းပြီး ဖြည်းညင်းစွာ လှုပ်ရှားရသည်။
'တိုက်ချိ'သိုင်းပညာများကို စုစည်းသင်ကြားပေးပါသည်။
'မြန်မာ့အားကစား ကမ္ဘာကိုလွှမ်းစေရမည်'ဟု ခေါင်းစဉ်လှလှတပ်လိုက်ရုံဖြင့် ကိစ္စတစ်ခုမှာ ပြီးစီးမသွားပါ။
'လူတိုင်းအတွက် ပညာရေး'ဟု ဆိုရာ၌ ပညာရေးဟူသောကိစ္စသည် လွယ်မယောင်နှင့် ခက်၊ တိမ်မယောင်နှင့် နက်ပါသည်။
တာဝန်ရှိပုဂ္ဂိုလ်များကပင်လျှင် ဘွဲ့ရလျှင် စာသင်တတ်သည်။
စာသင်တာ ဘာခက်လို့လဲဟူသော စကားကို ပြောဆိုတတ်ကြပါသည်။
ဤစကားအတိုင်းလည်း မြန်မာနိုင်ငံတွင် ကျင့်သုံးခဲ့၊ အချို့နေရာများတွင် ကျင့်သုံး ဆဲဖြစ်ပါသည်။
စာသင်တာ စာအုပ်ဖတ် ပြ၊ ရှင်းလင်းပြ၊ ရေးခိုင်း၊ အလွတ်ကျက် ခိုင်း၊ ဖြေခိုင်း ဟူ၍ သဘောပေါက်ကြပါသည်။
ဒါသင်၊ ဒါမေး၊ ဒါဖြေများ ဖြစ်ပါသည်။
လွယ်မယောင်နှင့်ခက် ဆိုသောစကားကို ရှင်းလင်းပါမည်။
'ပညာ'၏ ပထမအဆင့်မှာ 'သညာ' ဖြစ်ပါသည်။ 'အမှတ်သညာ'ကို ဆိုလိုပါသည်။
'က၊ ခ၊ ဂ' "A, B, C, D" ကို အလွတ် ရအောင် ကျက်မှတ်ရပါသည်။
အလီ များကို အလွတ်ရအောင် ကျက်မှတ်ရပါသည်။
တစ်ပေမှာ ၁၂ လက်မ၊ တစ်ကိုက်မှာ သုံးပေ၊ တစ်မိုင်မှာ ၁,၇၆၀ ကိုက်၊ တစ်ပေါင်မှာ ၁၆ အောင်စ တို့ကို အလွတ်ကျက်မှတ်ရ ပါသည်။
အတန်းရလာသောအခါ သီအိုရမ်များ၊ ဓာတ်ငွေ့ ထုတ်ဖော်ပုံများ၊ ချားလ်စ်နိယာမ၊ ဘွိုင်းလ်စ်နိယာမများကို အလွတ်ကျက် မှတ်ရ ပါသည်။
ထိုအမှတ်သညာဖြင့် အလွတ်ကျက်မှတ်ထားသော အချက်အလက်များကို မေးခွန်းအတွက် အဖြေနှင့် ပုစ္ဆာများတွင် အံဝင်ခွင်ကျ အသုံးပြုတတ်ပါမှ 'ပညာ' ဖြစ်ပါသည်။ 'တိမ်မယောင်နှင့် နက်' ဆိုသည်မှာ ပညာတွင် ဆက်စပ်တွေးခေါ်မှုကို အဓိကထားပါသည်။
ဒါကျက်၊ ဒါမေး၊ ဒါဖြေသည် သညာအဆင့်သာ ရှိပါသည်။
ကလေးများ၊ လူငယ်ကျောင်း သားကျောင်းသူများ တွေးခေါ်တတ်လာ စေရန် ဆရာ၊ ဆရာမများမှ တွေးခေါ်ရန် လမ်းစများကို ဖွင့်ပေးရပါမည်။
အတွေး အခေါ်များ လမ်းလွဲလိုက်မသွားစေရန်လည်း ထိန်းကျောင်းပေးရပါမည်။ မှန်ကန်သောကောက်ချက် ဆွဲယူတတ် စေရန်လည်း သင်ပေးရပါမည်။
ပညာသင်ကြားပေးသည့် ကျောင်း၊ တက္ကသိုလ် ဆိုသည်မှာလည်း ပညာ တတ်ရန် တစ်ခုတည်းအတွက်သာ မဟုတ်ဘဲ အားကစား၊ ကိုယ်ကျင့်တရား၊ ပေါင်းသင်းဆက်ဆံရေး၊ ဘာသာရေး၊ တစ်ကိုယ်ရေသန့်ရှင်း သပ်ရပ်မှု၊ စက်မှု လက်မှု အတတ်ပညာ၊ သုခုမ အနုပညာ စသည့် ပညာရပ်အားလုံးကို လေ့ကျင့် ပြုစု ပျိုးထောင်ပေးရာဌာန ဖြစ်ပါသည်။
သို့ဖြစ်၍ လုပ်ငန်းသဘာဝဆိုတာ တိမ်မယောင်နှင့် နက်ပါသည်။
နိဂုံးချုပ်အနေဖြင့် တင်ပြလိုသည်မှာ 'လူတိုင်းအတွက် ပညာရေး'ဆိုသည့် ဆောင်ပုဒ်သည် အလွန်တရာမှပင် ကျယ်ဝန်းလှပါသည်။
ဘက်စုံထောင့်စုံအောင် ဆောင်ရွက်မည်ဆိုလျှင် အတော်ပင် ကြိုးစားဆောင်ရွက်ရမည့် အနေအထားဖြစ်ပါသည်။
လူကြီးမှ လာရောက်စစ်ဆေး မေးမြန်းစဉ် ရှင်းလင်း ပြသရုံသက်သက်မျှသာဆိုလျှင်တော့ လွယ်ကူပါသည်။
ဤသို့ဆိုသော် နိုင်ငံတော်၏ လူသားအရင်းအမြစ်တွင် လွန်စွာမှပင် ရေရှည်အတွက် နစ်နာလှပါသည်။
သို့ဖြစ်၍ နိုင်ငံတော်၏မျက်နှာကို ထောက်ထားပြီး 'လူတိုင်းအတွက် ပညာရေး'ကို အမှန်တကယ် ကြိုးစား အကောင်အထည် ဖော်ဆောင်သင့်ပါကြောင်း တင်ပြလိုက်ရပါသည်။