သြော်...ဒါနဲ့စကားမစပ် (ဝတ္ထုတိုများ) - သုမောင် (အပိုင်း-၁)

မာတိကာ

- ကျေးဇူးစကား ..... ၇
၁။ ဘာသာစကားအချင်းချင်း
ရောယှက်ဆက်နွယ်ခြင်း ..... ၁၀
၂။ လူငယ်တွေကို လုံးဝလျှော့မတွက်နဲ့ ..... ၂၄
၃။ ပညာရှင်မဟုတ်ဘူးဆိုတဲ့ ပါရမီရှင် ..... ၄၀
၎။ ရွှေတိုင်ညွန့်လည်း ကော်ပီလုပ်ခဲ့ဖူးပါတယ် ..... ၄၇
၅။ မြန်မာသံသီချင်းတွေနဲ့ ကျွန်တော့ရဲ့ကံ ..... ၅၆
၆။ တောသူတောင်သားတွေရဲ့ အသည်းပန်းဦး ..... ၆၆
၇။ ကျွန်တော့်ရဲ့ ပထမဦးဆုံး ကက်ဆက်ခွေ
ပန်းတွေနဲ့ဝေ ..... ၇၄
၈။ နိုင်ငံတကာ စာပေပညာရှင်တွေ ထကကြတဲ့
မြနန္ဒာ ..... ၈၉
၉။ မြန်မာ့ဂန္ထဝင်အနုပညာ
အဆင့်မြှင့်ဖို့ လိုပြီဗျာ ..... ၉၆
၁၀။ စိတ်နာတယ်ဆိုတာ ကြိုးစားဖို့
တွန်းအားဖြစ်စေရမယ် ..... ၁၁၀
၁၁။ ရွှေမန်းတင်မောင်က
သူ့ပရိသတ်ကို ထိုင်ကန်တော့တယ် ..... ၁၃၀
                                "... ကိုဝင်းဦးက ရွှံ့ဗွက်ထဲဆင်း
                           ပြီးတော့ တီးလုံးမပါဘဲနဲ့ သီချင်းဆိုပြတယ်။
                        ပရိသတ်က သဘောကျတယ်။ နောက်တစ်ခါ
                        ဂန္ထဝင်အဆိုတော်ကြီး ဦးသိန်းတန်က သီချင်း
                       မဆိုနိုင်တဲ့အခါကျတော့ စင်ပေါ် မျက်နှထွက်
                       ပြတာ ပရိသတ်က သဘောကျတယ်။ ကျေနပ်
                           ကြတယ်။ သုမောင်ကြီးကျတော့ ..."

ကျေးဇူးစကား

၂၀၁၀ ပြည့်နှစ်၏ နွေဦးနုနုတစ်ရက်မှာ ဆရာသုမောင်နှင့် တွေ့ဆုံဖြစ်ခဲ့သည်။ နမောတဿအမွှန်းနှင့် အခြေခံဗုဒ္ဓယဉ်ကျေးမှုဆောင်းပါးများ စာအုပ် စီစဉ်ရန်ကိစ္စနှင့် တွေ့ဆုံခဲ့ခြင်းဖြစ်သည်။ ဆရာ့အိမ်အနီး သာဓုခြံထောင့်ရှိ ဆရာ့ညီ မောင်ရူပ၏လက်ဖက်ရည်ဆိုင်၊ ဆရာထိုင်နေကျ စားပွဲလေးမှာ ဖြစ်သည်။
ထိုစဉ်က မန္တလေး FM ရေဒီယိုအစီအစဉ်တွင် ဆရာသုမောင်၏ သြော်… ဒါနဲ့စကားမစပ် ဟောပြောချက်များကို အပတ်စဉ် ထုတ်လွှင့်နေချိန် ဖြစ်သည်။ ထိုအစီအစဉ်ကို အားလပ်သည့်အချိန်နှင့် ကြုံတိုင်း ထုံ့ပိုင်းထုံ့ပိုင်း နားထောင်ဖြစ်ခဲ့သည်။ နှစ်ခြိုက်မိသည်။ ထို အစီအစဉ်ဟောပြောချက်များကို စာအုပ်အဖြစ် စီစဉ်လျှင် ကောင်းမှာပဲဟု စိတ်ကူးပေါ်မိသည်။ ဆရာသုမောင် စာရေးလျှင် စကားပြောဟန်ဖြင့် လွတ်လပ် ပေါ့ပါးသွက်လက်စွာ ရေးလေ့ရှိသည်ကို သတိပြုမိသဖြင့် ဆရာ့ဟောပြောချက်များကို စာအုပ်အဖြစ် ပြောင်းလဲဖန်တီးရန် အခက်အခဲ မရှိနိုင်ဟု ယုံကြည်ယူဆခဲ့သည်။
ယင်းစိတ်ကူးကို ဆရာနှင့်တွေ့ဆုံစဉ် ထုတ်ဖော်မိသည်။ သြော်… ဒါနဲ့ စကားမစပ် ရေဒီယိုဟောပြောချက်များကို စာအုပ်အဖြစ် ဖန်တီးလိုကြောင်း ပြောပြတော့ ဝမ်းသာအားရ လက်ခံခဲ့သည်။ “မှတ်တမ်းကျန်သွားတာပေါ့” ဟု ကျေနပ် နှစ်သက်စွာ ဆိုခဲ့သည်။ နောက်ရက်တွင် ဟောပြောချက်အခွေများကို ပေးပါတော့သည်။ သို့ဖြင့် ဟောပြောချက်များကို စာအုပ်အဖြစ် စီစဉ်ဖြစ်ခဲ့သည်။ စာအုပ် ထွက်ခါနီးတွင် အမှာစာ ရေးပေးမည်ဟု ဆရာသုမောင်မှ ပြောခဲ့သည်။
သို့သော် ဆရာသုမောင် အမှာ ရေးမသွားနိုင်ခဲ့ရှာပါ။ စာအုပ်စီစဉ်နေစဉ် ၂၀၁၀ ပြည့်နှစ်၊ မေလတွင် ဆရာ ကွယ်လွန်သွားခဲ့သည်။ သြော်… ဒါနဲ့ စကားမစပ် ကို အမှာ အနားသတ်မသွားနိုင်ခဲ့တော့ပါ။ ဆရာ့ကဲ့သို့ ရုပ်ရှင်၊ ဂီတ၊ စာပေပညာရှင်တစ်ဦး ကွယ်လွန်သွားခဲ့ရသည့်အတွက် ဆရာ့ ပရိသတ်တစ်ဦးအနေဖြင့်ရော၊ ရင်းနှီးသူ မိတ်ဆွေတစ်ဦးအနေဖြင့်ပါ ဝမ်းနည်းမိပါသည်။
ဆရာ ကွယ်လွန်သွားသော်လည်း ဆရာနှင့် စီစဉ်ခဲ့သည်ကို ဆရာ့ဇနီး အစ်မဒေါ်အေးဘုံနှင့် (ကို)ဖိုးသောကြာတို့က ဆက်လက်လုပ်ဆောင်ရန် ခွင့်ပြုခဲ့သဖြင့် စာအုပ်အဖြစ် ထွက်ပေါ်လာခဲ့ပါပြီ။ ဆရာသုမောင်ကို ချစ်ခင်မြတ်နိုး လေးစားတန်ဖိုးထားသော ပရိသတ်ထံသို့ ဆရာ့စာအုပ်ကို ပို့ဆောင်နိုင်ခဲ့ပြီဖြစ်သည်။ သို့အတွက် စာအုပ်အဖြစ် စီစဉ် ထုတ်လုပ်နိုင်ရန် ခွင့်ပြုပေးခဲ့သည် အစ်မဒေါ်အေးဘုံ၊ (ကို)ဖိုးသောကြာနှင့် မိသားစုကို လှိုက်လှဲစွာ ကျေးဇူးတင်ရပါသည်။
ယခင်က ထုံ့ပိုင်းထုံ့ပိုင်း နားထောင်ခဲ့ရသည့် ဟောပြောချက်များကို စာအုပ်အဖြစ် စီစဉ်တော့ တစ်ဆက် တစ်စပ်တည်း ဖတ်ရသည်။ ယင်းသို့ ဖတ်ရှုရသောအခါ စာအုပ်အဖြစ် ဖန်တီးခွင့်ရသည်ကို ကျေနပ် အားရမိသည်။ ဆရာ့ကိုလည်း ပိုပြီး နှမြောတသ လွမ်းမောရပါသည်။
ဆရာ့ဘဝ တစ်သက်တာ ဖြတ်သန်းမှုတွင် ကြုံတွေ့ခဲ့ရသည့် ဂီတ၊ ရုပ်ရှင်၊ စာပေ နယ်ပယ်ကို အဓိကထားပြီး ဘဝအတွေ့အကြုံများ၊ ဆင်ခြင်တွေးဆဖွယ်ရာများ၊ သတိပြုဖွယ်ရာများကို လူငယ်များအတွက် လမ်းညွှန်၊ လူကြီးများအတွက် မျှဝေခြင်းဖြင့် အတွေးစများ ပေးထားခဲ့ပါသည်။ ဆရာ့ကို ချစ်ခင်မြတ်နိုး လေးစားတန်ဖိုးထားသော ဆရာ့ပရိသတ် ကျေနပ်နှစ်သိမ့်စွာ အလွမ်းဖြေနိုင်လိမ့်မည်ဟု မျှော်လင့်မိပါသည်။
စာဖတ်သူများ၏ ကျေးဇူးအထူးကို ဦးခိုက်လျက် …

ဘာသာစကားအချင်းချင်း ရောယှက်ဆက်နွှယ်ခြင်း

သြော်… ဒါနဲ့စကားမစပ်၊ အင်း ‘သြော်… ဒါနဲ့စကားမစပ်’ ဆိုတာ ကြားလိုက်တာနဲ့ ‘အဲ… သုမောင်ကြီး လူလည်ကျတော့မယ်’လို့ ထင်စရာရှိတယ်။ သို့သော် အဲသလို မဟုတ်သေးဘူး။ စကားမစပ် ဆိုတာဟာ ပြောနေကြတဲ့ စကားဝိုင်းထဲကို အလိုက်သင့်ဝင်တဲ့အခါမှာ ကိုယ်က ရိုရိုကျိုးကျိုးလေး ပြောတဲ့စကား။ အင်္ဂလိပ်မှာ ရှိတယ်၊ by the way နော်။ သူက ရှင်းတယ်၊ ဒီလမ်းကြောင်းထဲကို ဝင်ပြောတာ။ မြန်မာကကျတော့ ဒီလမ်းကြောင်းထဲကိုပဲ ပြောနေတဲ့စကားမှာ ဘေးက ဝင်တဲ့အခါ အောက်ကျို့ပြီးတော့ ‘သြော်… ဒါနဲ့ စကားမစပ်နော်’၊ ဘာရယ် မဟုတ်ပါဘူးဆိုတဲ့ သဘောလေးပါတယ်။ ဒါ မြန်မာ့ယဉ်ကျေးမှုနဲ့ ဆိုင်တယ်နော်။ အဲဒီတော့ စောစောက ပြောသလိုပေါ့လေ။ အင်္ဂလိပ်က by the way အနောက်နိုင်ငံပေါ့လေ။ သူတို့က ရိုးရှင်းတယ်။ ဗြောင်ကျတယ်။
အဲဒီမှာ ဗဟုသုတလေး ပြောပြပါဥိးမယ်။ ကျွန်တော်တို့ မြန်မာတွေကပေါ့နော်။ သိုင်းကျူးတို့၊ ဆောရီးတို့ တွင်တွင်သုံးတယ်။ အင်္ဂလိပ်လိုလည်း ပြောတယ်၊ မြန်မာလိုလည်းပြောတယ်။ ကျေးဇူးပါပဲ၊ မတော်လို့ပါနော်၊ တွင်တွင်သုံးတယ်။ မလိုအပ်တဲ့နေရာမှာတောင် သုံးတယ်။ ဆိုပါစို့၊ ရုံးပြင်ကနား တစ်နေရာရာသွားတယ်။ ကိုယ် စကားပြောရမယ့်လူ စားပွဲနားရောက်တယ်။ ကုလားထိုင်ရှေ့ ဝင်ထိုင်တယ်။ ဟိုက လက်ပြလိုက်တယ်။ ထိုင်ပါဆိုရင် ကျေးဇူးတင်ပါတယ်။ ကြည့်နော်။ ဒီနေရာမှာထိုင်ပြီး အလုပ်စကားပြောရမှာပဲ၊ ထိုင်ပါဆိုတော့ အဲဒါကိုပဲ ကျေးဇူးတင်ပါတယ်ဆိုတဲ့ စကားလေး သုံးလိုက်တယ်။
ဘတ်စ်ကားပေါ်မှာ တစ်ယောက်ခြေထောက် တစ်ယောက်နင်း၊ တိုးတက် လုတက်နေတာ ကြားထဲမှာလည်း တစ်ခါထိ တစ်ခါ ဆေရီးလို့ လုပ်တာပဲ။ ကျွန်တော်တို့ မြန်မာက ဒါ ယဉ်ကျေးတဲ့သဘော၊ သိမ်မွေ့တဲ့ သဘောကို ပြတာ။
ဒါပေမဲ့ ကျွန်တော် အမေရိကန်နိုင်ငံကို ရောက်တုန်းက တစ်နေ့မှာ အမေရိကန်မိတ်ဆွေတစ်ယောက်နဲ့ လမ်းလျှောက်သွားတယ်။ ကော်ဖီဆိုင်ကို သွားတယ်။ သွားနေရင်းနဲ့ ဘာသွားတွေ့လဲဆိုတော့ မျက်နှာချင်းဆိုင်မှာ အဘွားအိုကြီးတစ်ယောက် အသက် ၇၀ လောက် ရှိမယ်။ ခွေးလေးက ရှေ့က လမ်းကြောင်းပေးလာတယ်။ သူ မျက်စိမမြင်ဘူး ဆိုတာ သိသာပါတယ်။ မျက်နှာချင်းဆိုင်လာနေရာကနေ ကျွန်တော်တို့ရဲ့ ရှေ့ခပ်လှမ်းလှမ်းမှာ မြက်ခင်းလေးရှိတယ်။ အဲဒီမြက်ခင်းလေးမှာ ရေပန်းလေးက အော်တိုမစ်တစ် လည်နေတယ်။
ခွေး ဆိုတဲ့သတ္တဝါကလည်း ရေပန်းတွေ့တော့ သူ့ပန်းစရာ နေရာလို့ထင်လား မသိဘူးဗျ။ ဆတ်ဆိုပြေးပြီးတော့ ရေပန်းကို ငေါက်ခနဲပန်းလိုက်တော့တာကိုး။ ငေါက်ခနဲ သူပန်းလိုက်တဲ့အခါမှာ သူဆွဲလိုက်တဲ့အရှိန်နဲ့ ဒီအဘွားအိုကြီးက ယိုင်သွားတယ်။
အဲဒီအချိန်မှာ ကျွန်တော်က ဒီအဘွားအိုကြီးကို ပြေးပြီးတော့ လက်တစ်ဖက်နဲ့ ထိန်းတယ်။ ပါးစပ်ကလည်း မြန်မာလိုပဲ ထွက်သွားတယ်။ ‘အမေ အမေ’ ဆိုပြီးတော့ပေါ့။ ကျွန်တော်တို့ ကူညီနေကျအတိုင်း ကျွန်တော်တို့ ယဉ်ကျေးမှုအတိုင်း ကူညီလိုက်တယ်။ သွားဆွဲလိုက်တဲ့အခါ ကျွန်တော့်ရဲ့ ကျန်နေတဲ့ လက်တစ်ဖက်ကို စောစောက ပြောတဲ့ ကျွန်တော့်ရဲ့အဖော် ဂျင်မ်တဲ့၊ သူက စာရေးသင်နေတဲ့၊ ဝတ္တုရေးသင်နေတဲ့ တက္ကသိုလ်ကျောင်းသားလေ။ ဂျင်မ်က နိုးနိုးနိုး ဆိုပြီး ကျွန်တော့်လက်တစ်ဖက်ကို ဆွဲတယ်။
“ဘာဖြစ်လို့တုံး၊ ငါကူညီနေတာ”
လို့ ဆိုတော့ -
“အရမ်းကူညီလို့ မရဘူး” တဲ့။
ဒီဥစ္စာကတဲ့၊
“သူ့မှာမျက်စိပါတယ်” တဲ့။
“သြော်… မင်းကလည်း၊ သူ့မှာ မျက်စိကန်းနေတာကို”
ဆိုတော့ -
“မဟုတ်ဘူး” တဲ့။
“သူ့ရဲ့ခွေးက သူ့မျက်စိ” တဲ့။
“ဆရာသွားပြီး သူ့ကိုဆွဲလိုက်တာ သူ့ရဲ့သိက္ခာကို စော်ကားတာ။ သူ့မှာ မျက်စိရှိတယ်။ သူ့ရဲ့ လူမှုသိက္ခာကို စော်ကားလိုက်တာပဲ”
ဆိုပြီး လက်ကိုဆွဲထားတယ်။ ဒါပေမယ့် ကံကောင်းတယ်နော်။ အဲ… ကံကောင်းချင်တော့ဆိုတာက ပြီးမှ သိတာနော်။ အဲဒီလိုလည်း လက်တစ်ဖက်နဲ့ အဘွားကြီးကို မိရော၊ အဘွားကြီးက -
“သိုင်းကျူး သိုင်းကျူး” တဲ့။
နှစ်လုံးဆင့်ပြောတယ်။ အဲဒီမှာ စောစောကပြောတဲ့ ဂျင်မ်ဆိုတဲ့ ကျောင်းသားက ဘာပြောလဲဆိုတော့ -
“ဆရာ တော်တော်ကံကောင်းတယ်နော်၊ ဘုရားသခင်က အကာအကွယ်ပေးလိုက်တာ၊ နို့မို့ဆိုရင် သူ့စော်ကားတယ်ဆိုပြီး သူက ဆရာ့ကို တရားစွဲချင်စွဲမှာ” တဲ့။
ကြည့်နော်၊ သူတို့ဆီက ပြောပြောနေတဲ့ သိုင်းကျူးရယ်၊ ဆောရီးရယ်ဆိုတာ တစ်ခုခု ထိမိခိုက်မိလို့ ဆောရီးမပြောဘူး။ သိပ် အရေးကြီးမှ သူတို့ ဒါကိုသုံးတယ်။ ဆိုလိုတာကတော့ သူတို့ အနောက်တိုင်းက တိကျတယ်၊ ပြတ်သားတယ်။ ကျွန်တော်တို့ရဲ့ အရှေ့တိုင်းက မတိကျ၊ မပြတ်သားဘူးတော့ မဟုတ်ဘူးပေါ့လေ။ ယဉ်ကျေးမှုအရ ရိုရိုကျိုးကျိုးလေး ပြောတတ်ဆိုတတ်တာကို ပြောချင်တာပါ။
ဒီအစဉ်အစဉ်ရဲ့ ခေါင်းစဉ်ကို မူလတုန်းက ကွမ်းစကား လို့ ပေးမလို့။ ဘာကြောင့်လဲဆိုတော့ သုမောင်ကြီးက ကွမ်းစကားဆိုပြီး စာတွေရေးတယ်။ သဘောကတော့ ကွမ်းစားသလိုပဲ၊ အရည်မရ အဖတ်မရ။ သို့သော် ကွမ်းစားတဲ့လူတွေ သိတယ်။ ကွမ်းစားရင် အရသာလေးတစ်ခု ရှိတယ်။ အဲဒါလေးကို အခြေခံပြီးတော့ ကျွန်တော်က ကွမ်းစကားဆိုပြီးတော့ရေးတယ်။
ရေးတဲ့အခါမှာ ကိုယ့်အကြောင်း၊ ကိုယ့်မိသားစုအကြောင်း၊ ကိုယ့်မိန်းမ၊ ကိုယ့်ကလေးတွေအကြောင်း၊ အစ်ကိုတွေအကြောင်း၊ အဖေအကြောင်း၊ အမေအကြောင့် စသဖြင့်ရေးတဲ့အခါကျတော့ ပြောရရင် ပရိသတ်အဖို့ နည်းနည်းဘောင်ကျဉ်းတယ်။ စကားမစပ်ကျတော့ ဘောင်ကျယ်သွားပြီ။ ပြောချင်တဲ့ အကြောင်းအရာကို ပြောလို့ရတယ်။ သူများပြောနေတဲ့ ဘယ်အကြောင်းအရာမဆိုကိုလည်း ဝင်ပြောလို့ရတယ် နော်။
ဒါကြောင့် စကားမစပ်လို့ နာမည်ပေးရတာပါ။ စကားမစပ် ပြောပြလိုက်ဦးမယ်။ ဟိုးအရင် ဦးသုမောင်ကြီးတို့ ငယ်ငယ်ကရှိတယ်။ မြန်မာ့အသံဦးသန်းတဲ့။ သူက ဘယ်သူလဲဆိုရင် မြန်မာ့အသံကပဲ၊ အစ်မကြီး ဒေါ်တင်တင်မြရဲ့ အဖေ။
 သူက ဘာလုပ်ခဲ့သလဲဆိုရင် ‘ရွှေမောင်းသံ’ ဆိုပြီး လုပ်ခဲ့တယ်။ ရွှေမောင်းသံ ‘ဒူ’ ဆိုပြီးတော့ ကောင်းနိုးရာရာလေးတွေ ပြောပြီးတော့ ရွှေမောင်းသံဆိုပြီး လုပ်ခဲ့တယ်။
တစ်ခါ ကမ္ဘာ့ဂီတဆိုပြီးတော့လည်း ဦးသန်းမြင့်က လုပ်ခဲ့သေးတယ်။ ဦးသန်းမြင့်ကလည်း ကမ္ဘာ့ဂီတသာပြောတာ၊ မြန်မာ့ဂီတတစ်ခုတလေလေးတောင် သူက တီးတတ်တာ မဟုတ်ဘူးဗျ။ ဒါပေမယ့် မှတ် ဉာဏ်နဲ့ လေ့လာမှုအား အလွန်ကောင်းခဲ့တာကြောင့် ဦးသန်းမြင့်ကြီးရဲ့ ကမ္ဘာ့ဂီတဟာ ဒီကနေ့အထိ ပရိသတ် စွဲစွဲလမ်းလမ်း ရှိခဲ့တယ်။
နောက်တစ်ယောက် ရှိပါသေးတယ်။ ဆရာကြီး ဦးဂုဏ်ဘဏ်၊ ဦးဂုဏ်ဘဏ်ဆိုလည်း ဒီလိုပဲ၊ ယဉ်ကျေးမှုလေးတွေ၊ ရိုးရာလေးတွေကို ပြောတယ်။ နောက်စကားပုံတွေ၊ ဇာတ်စကားတွေပြောတယ်။ အဲဒီမှာလည်း ထူးခြားတာ တစ်ခုရှိတယ်။ ဘာလဲဆိုတော့ ဦဂုဏ်ဘဏ်ဟာ မျက်စိလုံးဝ မမြင်ဘူး။
ကဲ၊ စကားမစပ် ပြောလိုက်ဦးမယ်။ ခုနက ပြောတယ်နော်၊ by the way အင်္ဂလိပ်က ရှင်းတယ်။ ဒီလမ်းကြောင်းကို ဝင်ပြောတာ ရှင်းတယ်။ မြန်မာကတော့ ယဉ်ကျေးမှုအရ အောက်ကျို့တဲ့သဘောလေးနဲ့ ‘သြော်… ဒါနဲ့ စကားမစပ်’ ဆိုပြီး ဝင်ပြောရတာ။ ဆိုတော့ အင်္ဂလိပ် - မြန်မာမှာ အသံလှယ်တာလေး သွားသတိရတယ်။ တချို့အသံလှယ်တာတွေက တိုက်ရိုက် အသံလှယ်ရတယ်။ ဥပမာ ဒီနေ့ကလေးတွေ မစိမ်းပါဘူး။ ကျွန်ပျူတာ ဆိုတဲ့စကားလုံး၊ ကွန်ပျူတာကို တခြားလုပ်နိုင်တဲ့ အင်အားနဲ့အမျှ တခြားစကားလုံး၊ မြန်မာလို ဘာသာပြန်မယ်ဆိုရင် စာအုပ်တစ်အုပ်မက၊ နှစ်အုပ်မက အများကြီး ပြန်ယူရလိမ့်မယ်။ အခု ‘ကွန်ပျူတာ’ဆိုတော့ ရှင်းရောနော်။ အားလုံးသိတယ်၊ ကွန်ပျူတာ။
အဲဒီလိုပဲ၊ နာရီကြည့်တဲ့အခါ မိနစ်၊ စက္ကန့်။ မော်တော်ကားနော် ဒါ အင်္ဂလိပ်စကား တိုက်ရိုက်ယူထားတာ။ ပြီးတော့ ဂီယာဆိုပါစို့၊ ဂီယာကို ‘အလိုကသင့်ဖြစ်စေရန် အရှိန်ပြောင်းလဲပေးသော ရှေ့တိုးနောက်ငင်ပြုလုပ်ရသော ကိရိယာ’ ဆိုရင် ရှုပ်တယ်။ ဂီယာဟာ ဂီယာပဲ၊ ပြီးပြီ။ ဘိုင်စကုပ်၊ ဘိုင်အိုစကုပ်ကနေလာတာ ဘိုင်စကုပ်။ ဒါလည်း တိုက်ရိုက် အသံဖလှယ်တာ။ ဆိုတော့ အဲဒီလို တိုက်ရိုက်အသံဖလှယ်တာတွေ ရှိသလို မြန်မာသံဝဲတဲ့ တိုက်ရိုက်စကားဆိုတာလည်း ရှိတယ်။ မြန်မာမှုပြုလိုက်တဲ့စကား၊ အင်္ဂလိပ်သံတော့ ဝဲသွားတယ်။ မြန်မာလိုတော့ နားချောတယ်။ ဥပမာ ဆာဗဲလ်လင့် - လူဆိုးထိန်း၊ ဆားပုလင်းပေါ့။ မြန်မာတွေ နားချောတယ်။
Deputy ဆိုရင် သပြုသီးဆိုပြီး မြန်မာသံဝဲသွားတယ်။ ရယ်စရာလေးတွေလည်း ရှိသေးတယ်။ ဘောလုံးမှာဆိုရင် ပင်နယ်တီကို ပန္နဲသီးဆိုပြီး စာရေးဆရာကုသက ထွင်တယ်၊ ရေးတယ်။ ရယ်လည်း ရယ်ရတယ်၊ နားလည်း ချောတယ်။ စကားမစပ် ပြောလိုက်ဦးမယ် သိလား။ ဟို ဘကြီးတော်ဘုရား လက်ထက်တုန်းက အင်္ဂလိပ်သံအမတ်တစ်ယောက် အင်းဝနေပြည်တော်ကို ရောက်လာတယ်။
သူ့နာမည် အင်္ဂလိပ်လို မေဂျာဘာနေး၊ ဒါပေမဲ့လို့ မေဂျာဘာနေးကို မြန်မာတွေက မယ်ဇယ်ဘာရဏီလို့ အသံထွက်တယ်။ ဒီလိုပဲ အသံဖလှယ်ပြီး မြန်မာဆန်အောင် လုပ်ထားတာတွေ အများကြီးပဲရှိတယ်။ တစ်ချို့ကျတော့ တိုက်ရိုက် ဘာသာပြန်တယ်။ ဒါလည်း ပညာတစ်ခုပဲ။ ဆိုပါစို့၊ ဖိုတို၊ အင်္ဂလိပ် ဖိုတို (Photo) ကို မြန်မာက ဓာတ်ပုံ၊ ဖိုတိုဆိုတာ အများမျက်စိထဲ မြင်အောင်ပြောရင် ရုပ်ပုံ၊ အရုပ်တစ်ခုပေါ့။ အဲဒီအရုပ်ကို ဓာတ်ပစ္စည်း၊ လောကဓာတ်နည်းနဲ့ ဖန်တီးထားတာဆိုတော့ ဓာတ်ပုံလို့ ပြောလိုက်ကြတယ်။
နောက်တစ်ခါရှိတယ်။ အင်္ဂလိပ်မှာ Film ဖလင်၊ ရုပ်ရှင်။ အရုပ်ကလေးတွေ ငြိမ်နေတာမဟုတ်ဘူး၊ အရှင်လှုပ်ရှားနေတာ။ ဖိုတိုက အရုပ်ကလေးတွေ ငြိမ်နေတယ်။ အရုပ်ကလေးတွေ လှုပ်လာတဲ့အခါကျတော့ ရှင်လာတဲ့အခါကျတော့ ရုပ်ရှင်၊ ဒီလိုခေါ်လိုက်တယ်။ ပြီးတော့ ဘိုင်အိုစကုပ်ကိုကျတော့ တိုက်ရိုက် ဘာသာပြန်လိုက်တယ်။ ဘိုင်စကုပ်လို့ ခေါ်လိုက်တယ်။ မြန်မာမှုပြုတဲ့အခါကျတော့ ရုပ်ရှင်လို့ ပြုလိုက်တယ်။
နောက်တစ်ခါရှိသေးတယ်။ အနီးအနားတင် စက်ဘီး။ ဘိုင်စကယ်ကို စက်ဘီးလို့ ခေါ်လိုက်တယ်။ မြန်မာလို အနီးစပ်ဆုံးဆိုရင် စက်နဲ့သွားတဲ့ ဘီးမို့လို့ စက်ဘီးလို့ခေါ်လိုက်တယ်။ နွားလှည်းက နွားနဲ့သွားတာ၊ ကျွဲလှည်းက ကျွဲနဲ့သွားတာ။ မြင်းလှည်းက မြင်းနဲ့ပေါ့လေ။ သို့သော်လည်း စက်ဘီးကျတော့ လူက စက်နဲ့လှုပ်ပြီး နင်းပြီးသွားရတဲ့အတွက်ကြောင့် စက်ဘီးလို့ခေါ်လိုက်တယ်။
နောက်တစ်ခါ အနီးစပ်ဆုံး ထပ်ပြောရရင် ဒီကနေ့ အားလုံးသိတဲ့ ကိစ္စ ဂလိုဘယ်လိုက်ဇေးရှင်း။ ဂလိုဘယ်လိုက်ဇေးရှင်းကို မြန်မာမှုပြုကြတယ်။ တချို့ကလည်း မပြုကြဘူး။ နားလည်ပြီးသားကိစ္စမို့လို့ ကွန်ပျူတာလိုပဲ ‘ဂလိုဘယ်လိုက်ဇေးရှင်း’ ပဲ တိုက်ရိုက် ပြောတယ်။ တချို့ကျတော့ မြန်မာမှုပြုတယ်။ ပညာရှင်တွေ ပြုကြတာပါ။
အဲဒီ ဂလိုဘယ်လိုက်ဇေးရှင်းကို တချို့က ကမ္ဘာပြုမှု၊ တချို့က ကမ္ဘာပြားသွားပြီလို့ပြောတယ်။ အဲဒီနေရာမှာပဲ စကားမစပ် ပြောလိုက်ချင်တာကတော့ ဒီသုမောင်ကြီးကတော့ ဂလိုဘယ်လိုက်ဇေးရှင်းကြီးကို ‘ချက်ချင်းသိ’ လို့ ဘာသာပြန်ထားတယ်။ ခုထိတော့ သိပ်မတွင်ကျယ်သေးဘူး။ ချက်ချင်းသိ၊ အဖြစ်အပျက်မှန်သမျှ ဖျတ်ခနဲသိ၊ ထပ်ခနဲသိ၊ ချက်ချင်းသိနော်။
အဲ၊ အဲဒီလိုဘာသာပြန်လိုက်တဲ့အထဲမှာ ရယ်စရာလေးတွေ ညှပ်ပြောရဦးမယ်နော်။ စကားမစပ်ပေါ့၊ Cross of Iron ဆိုတာ ဂျိမ်းကိုဘန်းရဲ့ စစ်ကားတစ်ကား။
ပြောချင်တာက ဘာလဲဆိုတော့ သူရဲကောင်းတံဆိပ် ပေးတာ။ သံမဏိ ကြက်ခြေခတ်ကလေးပေါ့။ သူရဲကောင်းတွေကို ဂုဏ်ပြုတဲ့ သူရဲကောင်းတံဆိပ်။ အဲဒါကို ရန်ကုန်လိုနေရာမျိုးနဲ့ မန္တလေးလိုနေရာမျိုးကတော့ Cross of Iron ပဲပေါ့။ ဒါ ဘိုင်စကုပ်ပေါ့လေ။ နယ်က တောကတော့ ဘိုင်စကုပ်ဆိုရင် မောင်းလေးထုပြီး ‘နောင်နောင်နောင်’ နဲ့ အထဲက မင်းသားမင်းသမီးတွေလို အဝတ်အစားဝတ်ပြီးတော့ ဘိုင်စကုပ် ဖြစ်ကြောင်း မြင်းလှည်းနဲ့၊ နွားလှည်းနဲ့ ကြော်ငြာလှည့်ရတာပေါ့။
အဲဒီမှာ ဆိုင်းဘုတ် ဘာတပ်ထားသလဲဆိုတော့ ကျွန်တော် အဲဒီတောဘက်ရောက်တုန်း ဖျတ်ခနဲတွေ့လိုက်တာ Cross of Iron အင်္ဂလိပ်စာတန်း၊ အဲဒီအောက်ကမှ ‘လမ်းဆုံ လမ်းခွ အရမ်းချ’ တဲ့၊ အဲသလို ကြော်ငြာရတာလေ။ ဟာသလေး ဖြစ်သွားတာပေါ့။ အဲဒီလို မြန်မာမှုပြုတာလေးတွေ ရှိတာပေါ့လေ။ ဒီနေရာမှာ ကြားဖြတ်ပြောရဦးမယ်။ စကားမစပ်ပေါ့။ ဒီမြန်မာမှု ပြုတယ်၊ အထူးသဖြင့် မြန်မာတွေက နိုင်ငံခြားအသံထွက်ကို ယူတဲ့အခါမှာ သိပ်ပီတယ်ဆိုတာ သွားတွေ့တယ်။

ကျွန်တော် အနိုင်နိုင်ငံရောက်ဖူးပါတယ်။ အနိုင်နိုင်ငံရောက်ဖူးတော့ အနိုင်နိုင်ငံက လူတွေနဲ့ တွေ့ရတယ်။ စကားပြောရတယ်။ သီချင်းဆိုတာ နားထောင်ဖူးတယ်။ ကိုယ်လည်း ဆိုပြတယ်။ ဒါပေမဲ့လေ သူတို့နိုင်ငံသားတွေ တော်တော်များများက မြန်မာစကား မပီကြဘူး။ အင်္ဂလိပ်စကားလည်း မပီဘူး။ သူတို့ ပင်ကိုအသံထွက်နဲ့ထွက်တယ်။ မြန်မာလူမျိုးတွေက တော်တော်ထူးဆန်းတယ်။ ကုလားလိုပြောလည်း ပီတယ်။ တရုတ်လိုပြောလည်း ပီတယ်။ အခု နောက်ဆုံးပေါ် ကိုရီးယားလိုပြောလည်း ပီတာပဲ။
ပြောလိုက်ဦးမယ် စကားမစပ်။ ကျွန်တော့်သမီးလေးက ကိုရီးယားဘာသာနဲ့ ဘွဲ့ရတာ။ သမီးလေးက အသားကလည်းဖြူတယ်။ နှုတ်ခမ်းကလည်း ထော်တော်တော်။ သူ့ကို ကိုရီးယားမလေးပဲ ထင်နေတယ်။ အဲဒါ ဘာကြောင့်လဲ ဆိုတာကို သုမောင်ကြီးက အငြိမ်မနေဘူး။ လိုက်လေ့လာတာ၊ လေ့လာတော့ ဘာသွားတွေ့လဲဆိုရင် မြန်မာစကား၊ မြန်မာစကားမှာက စကားလုံးတစ်လုံးကို ပြောတဲ့အခါမှာ မယုံရင် ကိုယ့်ဘာသာကိုယ် စမ်းကြည့်လိုက်၊ ဆိုပါစို့ ‘ပြော၊ ပြော’ ပါးစပ်ကလေးကိုပိတ်တယ်။ ပြီးတော့ လေမှုတ်ထုတ်တယ်၊ ပြော ပြော နော်။ ဒါပေမဲ့ အချသံလေးက လျှာရော၊ အာရော၊ သွားရော၊ နှုတ်ခမ်းရော မထိဘူး။ ဟော ကြည့်၊ ထိ၊ လျှာနဲ့ အာနဲ့ ထိ၊ ထ၊ ထိ၊ ထ သံ ထွက်တယ်။
သို့သော် ထိရဲ့အဆုံးကို ကြည့်လိုက်၊ အာနဲ့လျှာနဲ့ မထိတော့ဘူး။ ဆိုပါစို့ အင်္ဂလိပ်အသံမယ် အက်ဆ်ဆိုတဲ့ ဆ သံ၊ မြန်မာက ဆ လည်း စ ပဲ၊ အစလေးသာ ဆ သံလေးထွက်တယ်၊ ဆုံးတော့ အာမထိလျှာမထိ ဆုံးသွားတယ်။ ဒီဟာက သေသေချာချာစဉ်းစားရင် မြန်မာတွေ နိုင်ငံခြားစကားကို ဘာကြောင့် ပီအောင်သုံးနိုင်တယ်၊ ပြောနိုင်တယ်ဆိုတဲ့ အခြေခံကို သွားပြီးတော့မြင်မိတယ်။ အဲ… စကားမစပ် ပြောရဦးမယ်၊ ဒီကနေ့ခေတ်မှာ ကိုရီးယားလည်း သူ့ယဉ်ကျေးမှုနဲ့သူ နယ်ချဲ့တာ၊ နယ်ချဲ့နေတယ်။
ညဆိုရင် မြန်မာပြည်က တိုင်းရင်းသားတွေအကုန်လုံး ညနေခြောက်နာရီထိုးတာနဲ့ တီဗွီရှေ့မှာ ငုတ်တုတ် အကုန်လုံး ထိုင်နေကြရတယ်။ ကိုယ့်ယောက်ျား ထမင်းဟင်း ခူးခပ်ကျွေးရမယ်ဆိုတာတောင် မေ့နေတယ်။ အဲဒါ ယဉ်ကျေးမှုနဲ့ နယ်ချဲ့တာပါ။ ဒီအတွက် အပြစ်ယူနေလို့တော့မရဘူး။ ကိုယ်လည်း တတ်နိုင်ရင် သူတို့ကို နယ်ပြန်ချဲ့ရမယ်နော်။ ကရင်ဒုံးနဲ့ နယ်ပြန်ချဲ့လို့ရတယ်။
ကရင်ဒုံး ‘ဟေး ဟေး’ ဆိုပြီး၊ ဖြောင်းဖြောင်းဖြောင်း ဝါးတွေရိုက်ပြီး ကရင်ဒုံးယိမ်းနဲ့ နယ်ချဲ့ရင် အနောက်နိုင်ငံတွေက လက်ခံကြမှာပဲနော်။ တခြားမကြည့်နဲ့၊ ရက်ပ် Rap၊ ရက်ပ်က ဘယ်မှာ သွားတွေ့ရသလဲဆိုရင် သေသေချာချာ ပြန်နားထောင်ကြည့်၊ ဟိုးရှေးတုန်းက မြန်မာတွေဆိုတဲ့ နတ်ချင်းမှာ သွားတွေ့ရတယ်။
“မရှက်ဘူးလား၊ မကြောက်ဘူးလား၊ သောက်ခါကျူးတဲ့ မင်းညီနောင်၊ ရွှေပြုံးသူရာမောင်၊
ရှက်တတ်ရင် သောက်ပါရိုးလား၊ ကြောက်တတ်ရင် သောက်ပါရိုးလား၊ ပုဆိုးစွန်တောင် သက်တံကွေးတယ်၊ ဘိုးတော်ရဲ့မြေး”
ဒါ ရက်ပ်ပဲ၊ အဲသလို ကိုယ့်ဟာကိုယ် ယူတတ်လို့ရှိရင် ဒါ ကမ္ဘာကျော်အောင် လုပ်လို့ရတယ်။ ဒီကမြန်မာလူမျိုးက ခုနပြောသလိုပေါ့နော်၊ သူများအကြောင်းထဲ ဝင်ပြောရတာတောင်မှ ‘သြော်… ဒါနဲ့ စကားမစပ်’ ဆိုပြီး ရိုရိုကျိုးကျိုး ပြောတတ်ကြတယ်ဆိုတော့ နယ်ချဲ့ဖို့နည်းနည်း ခက်တယ်။
အင်္ဂလိပ်ခေတ်က အင်္ဂလိပ်နည်းနဲ့ပေါ့၊ ဂျပန်ခေတ်ကျတော့လည်း ဂျပန်နည်းနဲ့ပေါ့။ အင်္ဂလိပ်ခေတ်၊ ဂျပန်ခေတ်ကတော့ လက်နက်နဲ့ပေါ့။ ခုခေတ်ကျတော့လည်း ကိုရီးယားက သူ့ ယဉ်ကျေးမှုနည်းနဲ့ပေါ့၊ နယ်ချဲ့ကြတာလေ။ ဆိုတော့ကာ ပြောချင်တာက ဒီကနေ့ခေတ်မှာ ဖြစ်နေတာက၊ ခေတ်စားနေတာက အင်္ဂလိပ်စာနဲ့ အင်္ဂလိပ်စကား။ ဘယ်နိုင်ငံသွားသွား အင်္ဂလိပ်စာ၊ အင်္ဂလိပ်စကားမတတ်လို့မရဘူးဆိုတာ ဖြစ်နေတယ်။ ဖြစ်နေတော့ကာ လူငယ်တွေကလည်း ကြိုးစားကြတယ်။ စောစောက ပြောခဲ့တယ်နော်။ မြန်မာစကား အပီအသပြောနိုင်ရင် နိုင်ငံခြားစကားကို အပီပြောနိုင်တယ်။
ဒီလိုပဲ၊ ကိုယ့်မြန်မာစကားကို ပီပီသသထွက်နိုင်လို့ရှိရင် အင်္ဂလိပ်စကားက လွယ်တယ်။ ဥပမာ တစ်ခုပြောပြမယ်။ ဘာသာပြန်တယ်။ စာရေးဆရာတွေ ဘာသာပြန်ကြတယ်။ နောက် အဆိုတော်တွေ သီချင်းဘာသာပြန်ကြတယ်။ အဲဒီနေရာမှာ ကြည့်နော် ဘာသာပြန်တာ။ အင်္ဂလိပ်က He goes သူ သွားတယ်။ ဒီလိုလုပ်လို့မရဘူး။ မြန်မာလိုလည်း ကျွမ်းရမယ်။ အင်္ဂလိပ်က ရေးထားတယ်။ ‘ခံရတုန်း ငြိမ်ခံနေပြီး မိမိအား နှိပ်စက်သူ ပြန်ထွက်သွားမှ ဝုန်းဒိုင်းကြဲလျက် အိမ်မှာ အော်ကျယ်အော်ကျယ် လုပ်တတ်တဲ့သူ’… အဲဒီလို အင်္ဂလိပ်လို အရှည်ကြီး ရေးထားတယ်။ မြန်မာလို ပြန်ရင် လွယ်လွယ်လေး တစ်ခွန်းတည်းပဲ။ ‘သူခိုးပြေးမှ ထိုးကွင်းထ’ အဲဒါပဲ။ အဲဒါ ဘာသာပြန်ပဲ၊ ဒီ့ထက် ထိုရောက်တဲ့ ဘာသာပြန် မရှိဘူး။
အင်္ဂလိပ်စာကို ကျွမ်းသလို မြန်မာစာကိုလည်း ကျွမ်းမှ ဘာသာပြန်လို့ရမယ်။ ဒါက စကားမစပ်ကလေး ပြောတာ။ ဆိုတော့ စောစောကပြောတဲ့ အာ၊ လျှာ၊ သွား၊ နှာခေါင်း၊ နှုတ်ခမ်း၊ လည်ပင်း၊ ရင်ဘတ်စသဖြင့် အစုံထွက်တဲ့ မြန်မာစကားကို ပီအောင် လုပ်နိုင်ရင် အင်္ဂလိပ်စကားမှာ ပိုပြီးတော့ အသံထွက် ပီလာမယ်ဆိုတာကို ဒီသုမောင်ကြီးက အာမခံတယ်။ သေချာတယ်။ ဒါက သားတို့၊ သမီးတို့ စတဲ့ လူငယ်တွေကို ပြောချင်တာ။ ဒီစကားတွေလည်း ဆက်ပြောလာလို့ရှိရင် လူငယ်တွေအတွက်ပဲ ဖြစ်ဖို့ များတယ်။

လူငယ်တွေကိုဦးသုမောင်ကချစ်တယ်။ ကြောက်တယ်။ အေးရိုသေလို့တော့ မရဘူးဗျား။ ကျုပ်တို့လူမျိုးကလေလူငယ်ကိုရိုသေခွင့်မပေးဘူး။ ဘုန်းကြီးဝတ်တာကလွဲရင်ပေါ့။ လူငယ်ကိုအထက်စီးနဲ့ပဲပြောရမယ်။ ဒါကယဉ်ကျေးမှုတစ်ခုဖြစ်နေတယ်။ အမှန်ကတော့ လူငယ်တွေကိုရိုသေနိုင်ရင်တောင် ပိုကောင်းတယ်လို့ သိလား။
ဆိုတော့ကာလူငယ်တွေကိုရှေ့လျှောက်ပြောမယ့်အထဲမှာဘာပါလာသလဲဆိုရင် ဆိုပါစို့၊ ခုနကပြောတဲ့ အင်္ဂလိပ်စကား၊ အင်္ဂလိပ်စကားကိုကမ္ဘာသုံး၊ ကမ္ဘာပြုမှုမှာအသုံးချတဲ့အခါမှာကိုယ်ကဘယ်လောက်အထိ ကျွမ်းရမလဲဆိုတော့ မြန်မာစာ မြန်မာစကားကို ကျွမ်းရမယ်။ ကျွမ်းရမယ့်အပြင် စကားကအစကလေးထွက်လာပြီ၊ ဒါလည်းစကားမစပ်ပဲပေါ့လေ။
ဒီနေ့ကလေးတွေ ကျွန်တော် သတိထားကြည့်မိတယ်။ အသံထွက် ကစ္စ။ ကိုယ့်အိမ်ကသားသမီးတွေလည်းပါတယ်။ သားသမီးတွေဆိုတော့ ဟိုကောင်မလေး၊ ကိုရီးယားမလေးတော့ မပါဘူး။ သူက မြန်မာလိုတော်တော်ပီတဲ့ကောင်မ။ အဲ… အကြီးမအပါအဝင် အကုန်လုံးကတော့လေ၊ ဆိုပါစို့ ကကြီးရေပသတ် ‘ကပ်’ ကို ‘ကတ်’လို့ ထွက်တယ်။ အဲသလိုလွဲတာတွေ တွေ့ရတယ်။ ဒါဟာနောင်အစဉ်အလာမှာမကောင်းဘူးနော်၊ မကောင်းဘူး။
ဒီလိုပြောတဲ့အတွက်ကြောင့် မြန်မာစကားယိမ်းသွားနိုင်တယ်။ ယိမ်းသွားလို့ရှိရင် စောစောကပြောတဲ့ နိုင်ငံခြားစကား မြန်မာမှုပြုတဲ့အခါ လွဲသွားနိုင်တယ်။ ကပ်ကိုကတ် ထွက်တယ်။ နောက်တစ်ခါ စာစကားအသံနဲ့ စကားပြောကြတယ်။ ခေတ်စားတာလား၊ ဘာလားတော့ မသိဘူးပေါ့လေ။ လာခဲ့၊ လာဂဲ့၊ ဂဲ့သံထွက်ရမှာကိုလာခဲ့လို့ အသံထွက်တယ်။ ‘လှေကားပေါ်ကဆင်းလာဂဲ့’ တဲ့၊ အသံထွက်တယ်။ မင်းသမီးတွေ၊ ရုပ်ရှင်မင်းသမီးတွေလည်းပါတယ်နော်။ အဆိုတော်တွေလည်းပါတယ်။ ‘လှေခါးပေါ်ကဆင်းလာခဲ့’ အဲသလိုထွက်တယ်။
ဒါကတစ်ချိန်မှာ တော်တော်ကြောက်စရာကောင်းတဲ့ မြန်မာမှုပြုတဲ့ကိစ္စ။ ဒါပေမဲ့ တစ်ခုတော့ ရှိတယ်။
ဦးသုမောင်ကြီးကလေတစ်ဖက်သတ် အပြစ်မတင်တတ်ဘူး။ နှစ်ဘက်ကြည့်တယ်။ ဟောရှိပြန်ရော မြန်ဂလိရ်ှလား၊ ဘားဂလိရ်ှလားပဲ။ အင်တာနက်မှာတစ်ယောက်နဲ့တစ်ယောက် စာပေးစာယူလုပ်တဲ့အခါကျတော့ စာလုံးကအင်္ဂလိပ်လိုပဲရှိတဲ့ဟာကိုအင်တာနက်ထဲမှာ မြန်မာစာလုံးကမပေါ်သေးဘူးဆိုတော့ သူတို့ တစ်ယောက်နဲ့တစ်ယောက် မြန်မာလိုရိုက်ပြီးအားရပါးရပြောချင်တဲ့အခါကျတော့ ဟိုမှာလည်းစာရိုက်ရတာအင်္ဂလိပ်လို။ တစ်ခါ အင်္ဂလိပ်လိုကလည်းမကျွမ်းတော့ ဟောသူတို့ဘာသာသူတို့ဦးနှောက်နဲ့ သူတို့ တီထွင်လိုက်တယ်။ လာဆိုရင် larဆိုပြီး မြန်မာအသံထွက်အတိုင်းအင်္ဂလိပ်လိုရိုက်တာပေါ့၊ ဒါတော့ ဦးသုမောင်ကချီးကျူးပြန်ရောဗျာ။
ဟုတ်တယ်၊ ဒီလိုတီထွင်မှပဲဂလိုဘယ်လိုက်ဇေးရှင်းထဲဝင်မှာကိုး။ ချက်ချင်းသိအောင် လုပ်ရမယ်လေ။ အင်္ဂလိပ်လိုရိုက်နေလို့ရှိရင် ကိုယ်ကဘယ်လောက်ကျွမ်းကျွမ်းဟိုကဖတ်တဲ့သူနားမလည်ရင် ဒုက္ခရောက်မှာကိုး။ ဆိုတော့ကာ မြန်မာအသံကိုပဲအင်္ဂလိပ်အသံထွက်နဲ့ ထပ်တူပြုတာ၊ အဲဒါကျတော့ လက်ခံတယ်။
အဲ… စကားမစပ် ပြောရဦးမယ် သိလား၊ ခုနပြောတဲ့ ဘာသာပြန် ကိစ္စ။ ဘာလေးတစ်ခုသွားတွေ့လဲဆိုတော့ ဗဟုသုတလည်းရနိုင်ပါတယ်။ မြန်မာစကားတော်တော်များများကပါဠိကနေလာတာနော်။ ဆိုပါစို့ မေတ္တာ၊ အဲဒါလေးကလေအဆိုတော်တွေ တော်တော်မှားကြတယ် သိလား။ မေတ္တာမှာ မြစ်ကိုယရစ်သံနဲ့ ထွက်ကြတယ်။ အမှန်ကဘုန်းကြီး၊ စာတတ်ပေတတ် ပုဂ္ဂိုလ်တွေ အသံထွက်ရင် နားထောင်ကြည့်။ မေတ္တာ-မစ်တာ၊ ယရစ်သံမပါဘူး။ မစ်တာပဲထွက်တယ်။ ဒါပေမဲ့ ကိစ္စတော့ မရှိပါဘူး။ အားလုံးက မြစ်တာဖြစ်နေတော့ ‘မြစ်တာ’ ပဲပေါ့။
မေတ္တာ၊ ကရုဏာ၊ မုဒိတာ၊ ဥပေက္ခာဆိုတဲ့ ဗြဟ္မစိုရ်တရားစကားလုံးလေးလုံးကလည်း ပါဠိက ဆင်းသက်လာပေမယ့် မြန်မာစကားဖြစ်နေတယ်။ ဆင်းသက်လာတာရှိသေးတယ် သစ္စာ။ ဒါလည်းပါဠိစကားပဲ။ နောက်တစ်ခါ မင်္ဂလာ၊ မင်္ဂလဆိုတဲ့ ပါဠိကနေဆင်းသက်လာတာပါ။ ဟော… အဲဒီကနေတစ်ဆင့်ထပ်ပြီးတော့ကြည့်ရင် ပါဠိကနေ မြန်မာ၊ မြန်မာကနေအင်္ဂလိပ်၊ အဲဒီလိုလည်နေတာကိုအင်္ဂလိပ်၊ ပါဠိ၊ ပြင်သစ်၊ လက်တင် စတာတွေမှာသွားပြီးချိတ်မိနေတာကိုပါ သွားတွေ့ရတယ်။
ဒီဟာလေးကိုလေသေသေချာချာလေ့လာမယ်။ သေသေချာချာလေ့လာမယ်ဆိုလို့ စာအုပ်စာတမ်းကြီးတွေ လှန်နေစရာမလိုပါဘူးဗျာနော်။ ပြောရင်းဆိုရင်းဖျတ်ခနဲဖျတ်ခနဲဓတ်ပုံရိုက်သလိုတွေ့လာတာတွေ ရှိပါတယ်။ ဥပမာတစ်ခုပြောပြမယ်။ ကျွန်တော်တို့ အမေကိုအမေလို့၊ မေမေလို့ ခေါ်တယ်၊ မိခင်လို့သုံးတယ်။ အင်္ဂလိပ်မှာကြည့်… မားသား..၊ မန်း (Mum) ဆိုပြီးသုံးတယ်။ မန်းဘာညာဆိုတာတော့ အမေရိကန် ဝဲတာပေါ့လေ။ တိတိကျကျကတော့ မားသားလို့ အသံထွက် သုံးပါတယ်။ ကောင်းပြီ၊ အဲဒီမားသား၊ ပါဠိမှာရှာကြည့် ခင်ဗျားတို့ တွေ့တယ်ဗျား၊ တွေ့တယ်။ မာတာတဲ့၊ မာတာနဲ့ မားသားသွားတူတာတွေ့မယ်။
ဒီလိုဆိုကတ်သီးကတ်သတ် ပြောကြကြေးဆိုရင် ပါဠိကမာတာတာ၊ တ သံထွက်တာပဲ။ အင်္ဂလိပ်ကသာ၊ သ သံထွက်တာပဲ။ တနဲ့ သနဲ့ မကွားဘူးလား။ ဟောဗျာ… မြန်မာမှာရှိပါတယ်ဗျ။ အောက်အရပ်ကတသံတွေကိုအထက်အရပ်မှာစသံသုံးတယ်။ ရှိသေးတယ်။ ဆိုပါစို့။ အညာကျေးလက်ပိုင်းတွေမှာဆိုရင်ပေါ့။ အထူးသဖြင့် မြင်းခြံတို့၊ ပုခုက္ကူတို့ဘက်မှာဆိုရင် ရေတွင်းကိုရေသွင်းလို့ ထွက်တယ်။ တသံထွက်တာတွေကိုလည်းသသံထွက်တယ်ပေါ့လေ။
ထူးထူးခြားခြားရှိသေးတယ်ဗျ။ class အခန်း၊ အတန်း၊ အဆင့်အတန်း၊ လူစု၊ လူတွေစုစည်းတာ one class ဆိုတာရှိတယ်။ ဟောရှာကြည့်။ အဲဒါ ပါဠိမှာရှိတယ်ဗျ၊ ကလာပ်စည်းတဲ့။ ကြည့်နော် ကလာပ်စည်းတဲ့။ အင်္ဂလိပ်စကား class နဲ့ သွားတူနေတယ်။ အဲဒီလိုသာရှာမယ်ဆိုရင် ပါဠိနဲ့ အင်္ဂလိပ်ဟာလည်းတစ်ချိန်တုန်းကအရောရောအယှက်ယှက် ရှိနေတယ်ဆိုတဲ့ ဗဟုသုတသေးသေးလေးကိုရနိုင်ပါတယ်။
ဒီကနေ့လူငယ်တွေဟာစာကျက်ရင်းနားကြပ်ကလေးနဲ့ သီချင်းနားထောင်နေတာဗျ။ စည်းချက်ဝါးချက်ကလေးလိုက်နေပေမယ့် သင်္ချာတွက်ချင်တွက်နေတာဗျ။ သဘောကတော့လေ၊ ပညာရှာရင်းနဲ့ ပျော်စရာကောင်းတဲ့ စိတ်ခံစားမှု Emotion ပေါ့နော်၊ လုပ်တတ်ကြဖို့လိုတယ်။ ဆိုတော့ စောစောကပြောတဲ့ မာသာ-မာတာ၊ ကလပ်-ကလာပ်စည်းဆိုတာတွေကို အပျော်သဘောရှာကြည့်ရင်းနဲ့ ပညာရအောင်ယူနိုင်ရင် အများကြီးအကျိုးရှိမယ်လို့ ထင်တယ်လေ။
ဒီတစ်ပတ်တော့ ဒီလောက်ပဲကောင်းမယ်ထင်တယ်။ ရှေ့အပတ် ဆက်ပြီးတော့ ‘သြော်… ဒါနဲ့စကားမစပ်’ ဆိုတာလေးကို ပြောကြည့်ကြသေးတာပေါ့။

                                           ******

လူငယ်တွေကို လုံးဝလျှော့မတွက်နဲ့

သြော်… ဒါနဲ့စကားမစပ်၊ အဲ လူဆိုတာကလေ၊ ဦးသုမောင်ကြီးတို့လို မိုက်ကရိုဖုန်းဖက်ပြီး မွေးလာတဲ့တိုင်အောင် မိုက်ကရိုဖုန်းရှေ့ရောက်တာနဲ့ စကားက များချင်ကြတယ်။ ဥပမာပေါ့၊ လမ်းဘေးမှာ အလှူခံ၊ မိုက်ကရိုဖုန်းတစ်လုံးနဲ့၊ သေသေချာချာ သတိထားကြည့်၊ နောက်ကလူက ပြောမယ်၊ ရှေ့လူက ပြောမယ်နဲ့ မိုက်ကရိုဖုန်းကို လုတာဗျာ။ လင်မယားနှစ်ယောက်၊ လင်ကပြောမယ်၊ မယားကပြောမယ်နဲ့ လုနေကြတာဗျား။ ထမင်း ထ မစားရဲဘူး။ မိုက်ကရိုဖုန်း သူများလက် ပါသွားမှာစိုးလို့။ အဲသလိုဖြစ်တတ်တာ။ သုမောင်ကြီးလည်း အဲဒီလို ဖြစ်တာပဲ။

ဘယ်မှာ သွားတွေ့သလဲဆိုတော့ ပြီးခဲ့တဲ့အပတ်က ပြောခဲ့တဲ့စကားတွေမှာ ကိုယ်တစ်ဦးတည်း လုပြောတဲ့အကြောင်းတွေ၊ အသံတွေ သွားတွေ့တယ်။ အမှန်က သောတရှင် ပရိသတ်အများကြီးကို ဒီ ၁၅ မိနစ်လောက် အချိန်ကလေးအတွင်းမှာ လိုရင်းရောက်အောင် ပြောရမှာ။ ပြောချင်တာတွေ များနေတယ်။ စကားတွေက ဟိုရောက်ဒီရောက်နဲ့၊ လူလည်ကျတယ် အပြောခံရတာပေါ့။

သြော်… ဒါနဲ့စကားမစပ် စကားတွေက ဟိုရောက်လိုက် ဒီရောက်လိုက်နဲ့ပေါ့။ နောက်နောင်ဆက်ပြောရင် အကြောင်းအရာတစ်ခုကို ကျစ်ကျစ်လျစ်လျစ်နဲ့ သိပ်သိပ်သည်းသည်းပြောဖို့ ကြိုးစားပါမယ်။ ဒါကို ကြိုတင်ပြီးတော့ ဝန်ခံပါတယ်။ အခု ပထမဦးဆုံးအကြိမ်မှာတော့ မိုက်ကရိုဖုန်းရှေ့ရောက်ရင် ပြောချင်တာတွေက များသွားတာလည်းပါတယ်။ မိုက်ကရိုဖုန်းရှေ့ ရောက်သွားတဲ့အတွက်ကြောင့် ပရိသတ်ကို ထိတ်လန့်တာ၊ မိုက်ကရိုဖုန်း ကြောက်လန့်တာပေါ့။ အဲဒါလည်းပါတယ်။

နောက်တစ်ချက်က ပထမဦးဆုံး စပြောတဲ့ကဏ္ဍဆိုတော့ နိဒါန်းသွယ်ရမယ်။ ရှေ့လျှောက် ဘာလေးပြောရင် ကောင်းမလဲဆိုတာ နိဒါန်းသွယ်ရမယ်။ ပြန်နားထောင်တဲ့အခါကျတော့ ဘာနဲ့ သွားတူသလဲဆိုရင် လူငယ်တွေနဲ့ ပရိသတ်ကို ပြောချင်လွန်းအားကြီးတယ်ဆိုတဲ့ အချက်ကို သွားတွေ့တယ်။

ကျွန်တော်က ပြီးခဲ့တဲ့အပတ်က ပြောခဲ့တယ်။ လူငယ်တွေကို ချစ်တယ်၊ ကြောက်တယ်။ ဒါပေမဲ့ ယဉ်ကျေးမှုအရ ရိုသေလို့မရဘူး။ ဒါပေမဲ့ လူငယ်တွေကို လေးစားရမယ်။ ဒီနေရာမှာ လူကြီးသူမတစ်ယောက်လုပ်နေတဲ့ ဦးသုမောင် လူငယ်ကို ဘာလို့ကြောက်ရတာလဲ၊ ဒါကို ပြန်စဉ်းစားလို့ရှိရင် အသားလွတ်ကြောက်တာ မဟုတ်ဘူး။ လူငယ်တွေရဲ့ ဖျတ်ခနဲ ဖျတ်ခနဲ ပေါ်လာတဲ့ လူငယ်တွေရဲ့ စရိုက်သဘာဝကို လူကြီးတွေအဖို့ တော်တော် ထိတ်လန့် ကြောက်ရွံ့စရာကောင်းတဲ့ အချက်ရှိတယ်။

ဥပမာ- ရှင်းရှင်းလေးတစ်ခု ပြောပြမယ်။ ကိုယ်ကသာ လူငယ်တွေ ကောင်းပါစေ၊ လူငယ်တွေအတွက် ဆိုပြီးတော့ မသိမသာ ဆရာလုပ်တာ ပေါ့လေ။ ဆရာလုပ်တာရှိပေမယ်လို့ လူငယ်တွေ တစ်ချက်တစ်ချက် ပြန်ထောက်တဲ့ကိစ္စ၊ သိပ်ကောင်းတယ်ဗျ။

ဥပမာ ရှင်းရှင်းလေးတစ်ခုပဲ ပြောပြမယ်။ ဟိုးတစ်လောက နာဂစ်ဖြစ်တဲ့ ကျွန်တော်တို့အိမ်က အိမ်အမိုး ကျောက်ပြားတွေ သစ်ကိုင်း ကျိုးကျပြီး ပဲ့ကြွေကုန်တယ်။ သွပ်ပြားတွေက လွင့်စဉ်ထွက်ကုန်ပေမယ့် ပြီးတော့ ပြန်ကောက်လို့ရတယ်၊ ပြန်မိုးလို့ရတယ်ဆိုပေမယ့် ကျောက်ပြားအမိုးတွေက မရတော့ဘူးလေ။

နောက်တစ်ခါ အိမ်ရှေ့က လက်တစ်ဖက်သာသာရှိတဲ့ မန်ကျည်းပင်ကြီးက ကျွတ်ထွက်ပြီးတော့ ခြံစည်းရိုးပေါ် လဲကျတယ်။ လဲကျပြီးတော့ အိမ်ကကားလည်း အပြင်ထွက်လို့မရ၊ ကားတင်မကပါဘူး၊ လူတွေလည်း အပြင်ထွက်လို့ မရတော့ပါဘူး။ နောက် တစ်ဖက်ရပ်ကွက်က ကားတွေလည်း ထွက်လို့မရတော့ဘူး။ ပိတ်ဆို့ကုန်တယ်။ အဲဒီတော့ ဘာလုပ်ရသလဲဆိုရင် ဒီမန်ကျည်းပင်ပိုင်ရှင်က ကိုသုမောင်ကိုး၊ တာဝန်အရှိဆုံးပေါ့။ သူဘာသာသူ လေတိုက်လို့ပဲဖြစ်ဖြစ်၊ ဘာပဲဖြစ်ဖြစ် သစ်ပင်ပိုင်ရှင်ကိုသုမောင်မှာ တာဝန်ရှိနေတယ်။ အိမ်မှာကလည်း ယောက်ျားသားဆိုလို့ ကိုသုမောင်တစ်ယောက်ပဲ ရှိတာ။ သားတွေကလည်း အလုပ်နဲ့အကိုင်နဲ့ အပြင်သွားနေကြတဲ့အချိန်ဆိုတော့ ရပ်ကွက်ကို အရပ်ကူပါ လူဝိုင်းပါ ဆိုပြီး အကူအညီတောင်းရတယ်။

အကူအညီတောင်းတော့ ရပ်ကွက်က လူငယ် အများစု ထွက်လာတယ်။ ဝိုင်းကူကြတယ်။ ချက်ချင်းပဲ သစ်ပင်ကို ဖြတ်တောက်၊ လမ်းကို ရှင်းကြ၊ ဖယ်ကြနဲ့ လူကြီးတွေလည်း ပါကြတယ်။ လူငယ်တွေကတော့ ဉာဏ်စွမ်းအားရော၊ ကိုယ်စွမ်းအားရော ရှိတယ်ဆိုတော့ သူတို့ ဝိုင်းကူတဲ့အတွက် အကကျိုးရှိတယ်ပေါ့။ အဲဒီလို ဖြစ်တဲ့အခါမှာ သြော်… ဒီလူငယ်လေးတွေဟာ အရင်တွေ့နေကျ လက်ဖက်ရည်ဆိုင်မှာ တွေ့တယ်၊ ဘီယာဆိုင်မှာ တွေ့တယ်ပေါ့။ ပေါ့ပေါ့ပဲ သဘောထားလိုက်မိတယ်။

ဒီလို နာဂစ်ဖြစ်လိုက်တဲ့အခါကျတော့ ဒီလူငယ်တွေရဲ့ စိတ်ဓာတ်ဟာ တကယ့်မြန်မာ့စိတ်ဓာတ်ပေါ်လာတယ်။ ဝိုင်းကူကြတယ်။ ဒါလေးကို ကျွန်တော်က ဆောင်းပါးတစ်ပုဒ်ရေးပြီး ဂုဏ်ပြုတယ်။ ကျွန်တော်မှ မဟုတ်ပါဘူး။ စာရေးဆရာတွေ တော်တော်များများ နာဂစ်နဲ့ပတ်သက်ပြီး ရေးကြတဲ့အခါ လူငယ်တွေအကြောင်း ရေးကြတာများတယ်။ လူငယ်တွေ တော်လိုက်ကြတာ၊ ဒီလိုချီးကျူးတာ။ အခု ကျွန်တော်ပြန်ပြောပြနေတဲ့ အခြေအနေနဲ့တင် လူငယ်တွေ တော်ကြတယ်။ မုန်တိုင်းကျပြီ၊ အရေးကြုံပြီဆိုတော့ လူငယ်တွေ ဝိုင်းဝန်းကြတယ်။ ကျွန်တော်တို့က ဆောင်းပါးနဲ့ ဂုဏ်ပြုရတယ်။ မှန်ပါတယ်၊ ဒါ ဂုဏ်ပြုရမယ့်ကိစ္စ၊ လူငယ်တွေဘက်က လုပ်တာမှန်သလို လူကြီးတွေကက ဂုဏ်ပြုရတာလည်း မှန်ပါတယ်။

သို့သော် လောကကြီးမှာ တွေးထောင့်၊ တွေးတဲ့ထောင့် သိပ်အရေးကြီးတယ်။ အဲ… ခုနကပြောတဲ့ ဥပမာနဲ့ပြောရရင် ကျွန်တော့်ခြံ သစ်ပင်ရှင်းတာ၊ ကျောက်ပြားအမိုးတွေ ဝိုင်းဝန်းဖာထေးပေးတာ စသဖြင့် လူငယ်တွေက ကူညီကြလို့ ကျွန်တော်က ချီးမွမ်းတဲ့ဆောင်းပါးတစ်ပုဒ် ရေးလိုက်တယ်။ ရေးလိုက်တော့ နံပါတ်တစ် ရက်စပွန်း (Respond) တုံ့ပြန်မှုက ဘာလဲဆိုရင် သူတို့အနေနဲ့ ဝမ်းသာကြတယ်။ သူတို့အကြောင်းလေး ကောင်းတာရေးလို့တဲ့၊ ဒီဂျာနယ်လေးတကိုင်ကိုင်နဲ့ လျှောက်ကြွားတယ်။ ‘တို့အကြောင်းပါတယ်၊ တို့အကြောင်းပါတယ်’။ ဒါက သမားရိုးကျတွေးတဲ့ အတွေးထောင့်က တွေးတဲ့လူငယ်။

နောက်တစ်မျိုးကျတော့ သနားစရာလည်း ကောင်းတယ်၊ အဲ ဦးသုမောင်ကြီးကလေတဲ့ အဲဒီသစ်ပင်ကြီးဖြတ်ဖို့ လွှစက်မှ နိုင်မယ်ဆိုလို့ လွှစက်သွားငှားတာ သမီးသူငယ်ချင်းကားနဲ့ သွားငှားတာတဲ့၊ သူ့အကြောင်းတော့ ဘာလို့ ထည့်မရေးတာတုံးတဲ့။ ဟောကြည့်၊ ဘယ်လောက် ချစ်စရာကောင်းလဲလို့။ ဒီဆောင်းပါးထဲမှာ သူလည်း ပါချင်တာကိုး။

နောက်တစ်ယောက်ကတော့ မျက်စိထဲမြင်အောင် ပြောရဦးမယ်ဗျ။ အဲဒီတစ်ယောက်က နားသန်သီးနဲ့၊ အင်္ကျီမှာလည်း ချိန်းကြိုးနဲ့၊ လက်မှာလည်း လက်ကောက်နဲ့ဗျ။ ဟန်းဖုန်းတိုးလိုးတန်းလန်းနဲ့။ အဲဒီလူငယ်လေးတစ်ယောက်က အဲဒီဆောင်းပါး ပါပြီးတဲ့ရက်က လက်ဖက်ရည်ဆိုင်တစ်ဆိုင်မှာ ဆုံတယ်။ ဆုံတော့ သူက -

“ဘဘ၊ စကားနည်းနည်း ပြောလို့ရမလား”တဲ့။
“ရပါတယ်ကွာ၊ ပြောပါကွာ” လို့ဆိုတော့ -
“ဘဘဆောင်းပါးလေး ဖတ်ပြီးပြီ၊ ကောင်းတယ်”တဲ့။
“အေး၊ ကောင်းတယ်ဆိုတော့ ဝမ်းသာတာပေါ့ကွာ”
လို့။ သူက ဘာထောက်ပြန်သလဲဆိုတော့ -
“ဘဘရယ်” တဲ့။
“ဘဘ သတိမထားမိလို့ပါ၊ နာဂစ်မုန်တိုင်းကျမှ ကျွန်တော် ကူညီတာမဟုတ်ပါဘူး။ နာဂစ်ရယ် ဘာရယ် မရှိခင်ကတည်းက ဘဘတိုခြံမှာ အကူအညီလိုအပ်ရင် ကျွန်တော် ကူညီနေကျပါ” တဲ့။
 ဟာ၊ ထိတယ်။ ကျွန်တော် မစဉ်းစားတဲ့ထောင့်ကနေ သူ ပြောသွားတာ။ ဟုတ်တယ်၊ သူ့ကို သတိထားကြည့်လိုက်တော့ အဖိတ်နေ့လို နေ့မျိုးဆိုရင် ဝတ်ဖြူစင်ကြယ်နဲ့ ဒီနားသန်သီးတွေဖြုတ်ပြီး ဆွမ်းဆန်စိမ်း အလှူခံလိုက်ခံနေတဲ့ သူငယ်ကိုးဗျ။ ကြည့်နော် သူ့မှာ လူမှုရေးစိတ်ဓာတ် အမြဲတမ်းရှိတယ်။ နာဂစ်ပေါ်လာမှ ရှိတာမဟုတ်ဘူး။ ဒီတွေးထောင့်လေးကို ကျွန်တော် မတွေးမိဘူး။ အမှန်တော့ ဒါဟာ ကတ်သီးကတ်သတ် ဂုဏ်ယူတဲ့ကိစ္စမျိုးမဟုတ်ပါဘူး။ စိတ်ရင်းကတော့ ဒီအတိုင်းပါပဲ။ လူငယ်တိုင်း အားလုံး ဒီလို ဖြစ်ချင်မှ ဖြစ်မယ်လေ။ အဲ ဒီလူငယ်တွေလည်း ရှိပါလားဆိုတာ ကျွန်တော်တို့ စာရေးဆရာတွေဟာ သတိထားရမယ်ဆိုတာ ကျွန်တော် သိသွားတယ်။ ဒါလေး ပြောချင်တာပါ၊ ဒါကြောင့် လူငယ်တွေကို ကြောက်တယ်လို့ ပြောတာ။

နောက်တစ်ချက်က ဒီနေ့ ပြောပြောနေတဲ့ ဂျင်နရေးရှင်းဂက်ပ် (Generation Gap) မျိုးဆက်ကွာဟမှု၊ အဲဒါ လူငယ်နဲ့ လူကြီးပြဿနာလို့ ကမ္ဘာမှာ ခေါင်းပေါ်တင်ထားရတဲ့ကိစ္စ။ ဟုတ်လည်းဟုတ်တယ်၊ ဒုတိယ ကမ္ဘာစစ်အပြီးမှာ X Generation ပေါ်လာဖူးတယ်။ နောက်အနှစ် ၂၀-၃၀ မှာ Y Generation ပေါ်လာတယ်။ Y Generation နဲ့ ကပ်ပြီးတော့ Z Generation ဆိုတာ ထပ်ပေါ်လာတယ်။

Generation ကွာဟချက်၊ အဓိက ကတော့လေ အသက်ပေါ့။ အသက်ကွာဟချက်ကြောင့် လူငယ်နဲ့ လူကြီးဟာ တဖြည်းဖြည်း အဟ ကွာလာတယ်လို့ ပြောတယ်။ ကျွန်တော်ကတော့ လူငယ်တွေကို ချစ်တဲ့သူ၊ လူငယ်တွေကို ကြောက်တဲ့သူဆိုတော့ အဲဒီကွာဟချက် သိပ်မရှိဘူးလို့ မြင်တယ်။

ဘာကြောင့်လဲဆိုတော့ တစ်ခါကဗျ၊ ကျွန်တော် မြို့ထဲသွားတယ်။ မီးပွိုင့်မှာ မီးနီပြီး ကားတွေ ရပ်စောင့်ရတယ်။ အဲဒီအချိန်မှာ ဘေးက ဆလွန်းကားလေးတစ်စီးမှာ တရုတ်ကပြားတွေပဲ၊ လင်မယားနှစ်ယောက် ကလေးလေးနဲ့။ ကလေးလေးက တစ်နှစ်ခွဲ၊ နှစ်နှစ်လောက်ပဲ ရှိဦးမယ်။ အဲဒါ သူလေးက ကားထဲကနေလှမ်းပြီးတော့ ‘အေအေအီး၊ အေအေအီး’ ဆိုပြီး အော်နေတယ်။

ကျွန်တော်က ဖျတ်ဆိုကြည့်လိုက်ပြီး ကလေးလေးက ကျွန်တော့်ကို လက်ညှိုးထိုးပြီး ‘အေ အေ အီး၊ အေအေအီး’ ဆိုပြီး မပီကလာပီကလာနဲ့ ပြောတယ်။ ကျွန်တော်က ဟေ့… ဘာတုံးဆိုပြီး မေးတော့။ ‘သြော်တဲ့ မဟုတ်ဘူး။ ဖေဖေကြီး၊ ဖေဖေကြီး’ ဆိုပြီး သီချင်းလုပ်ဆိုနေတာလို့ သူတို့က ပြောတယ်။
အဲဒီမှာ ကျွန်တော် သွားတွေးမိတယ်။ ဒီကလေးနဲ့ ကျွန်တော်ဟာ X Generation ကနေ Y Generation အထိ တန်းကူးသွားပါလားလို့ တွေးမိတယ်။ အဘိုးအရွယ်နဲ့ မြေးအရွယ် ဆက်သွယ်မှုပေါ့လေ။ ကျွန်တော်က ချိုပြုံးနဲ့ ‘ဖေဖေ မေမေ ချစ်လား’ ဆိုတဲ့ ဗီစီဒီ တစ်ခွေထုတ်ဖူးတော့ ဒီကလေး ညအိပ်ရာဝင်ခါနီး ‘ဖေဖေကြီးကို ချစ်တယ်’ ဆိုတဲ့ သီချင်း နားထောင်ပြီးမှ အိပ်ပုံရတယ်။ ဒီမှာ အခွေထဲက ကျွန်တော့်ပုံကို ဒီကလေး မြင်ဖူးထားပုံရတယ်။ ဒီတော့ ကျွန်တော့်ကိုမြင်ပြီး ‘အေအေအီး အေအေအီး’ ဆိုပြီး သီချင်းဆိုတာ ဖြစ်လိမ့်မယ်။

သြော် ဒါကြောင့်မို့လို့ ဒီအဘိုးအရွယ်နဲ့ မြေးအရွယ် Generation သိပ်မကွာလှပါလားဆိုတာ သွားတွေ့ရတယ်။ ကျွန်တော်တို့မြန်မာလူမျိုးက တော်တော်ခက်တယ်ဗျ။ အသက် ၅၀ ကျော်လာတာနဲ့ သူ့ကိုယ်သူ အသုံးမကျတော့တဲ့ အဘိုးကြီးဖြစ်ပြီ၊ အဘွားကြီးဖြစ်ပြီဆိုပြီး သဘောထားနေကြတာ။
အနောက်နိုင်ငံတွေမှာ အသက် ၆၀ လောက်အထိ ဟာ Happy ပဲ။ လူငယ်တွေနဲ့ ပေါင်းပြီး သူတို့အသက်ကို သူတို့ သိပ် ဂရုစိုက်ကြတာ မဟုတ်ဘူး။ ကျွန်တော်တို့ မြန်မာလူမျိုးကတော့ ၅၀ ကျော်တာနဲ့ ဘုရားရိပ်၊ တရားရိပ်ဆိုပြီး လုပ်ချင်ကြတာ။ စကားပုံတောင်ရှိတာပဲ၊ မြန်မာအို ကျောင်းကြို ကျောင်းကြား၊ ကရင်အို ချောင်းကြို ချောင်းကြား တဲ့။ ကိုယ့်ကိုယ်ကိုယ် တစ်ခါတည်း သိမ်ငယ်ပစ်လိုက်တယ်။

ကြည့်နော်၊ ကျွန်တော် စောစောကပြောသလို ကိုယ့်မြေးအရွယ် ကလေးက ကျွန်တော့်ကိုမြင်ပြီး အေအေအီး အေအေအီးဆိုပြီး နှုတ်ဆက်သွားတာ၊ ကျွန်တော်တော့ အားတက်သွားတယ်။ သဘောရိုးရိုးပြောရရင် ငါ့ ပရိသတ်ရှိသေးတယ်ဟ ဆိုပြီးပေါ့။ ငါ့မြေးအရွယ် ပရိသတ်တွေ ဖေဖေကြီးသီချင်းကြိုက်တုန်းကွ၊ ဒီလိုလေး ဖြစ်မိတယ်။ ဖြစ်မိတော့ ပိုပြီး လှပတယ်။

လှပတဲ့အချက်ကလေးက ဘာလဲဆိုတော့ ကျွန်တော်က စောစောက မြေးအရွယ်သားကလေးကို ဒီဘက်ကားပေါ်ကလှမ်းပြီးတော့ ဖလိုင်းကစ် (fly kiss) လုပ်တယ်။ ဖလိုင်းကစ် ပြွတ်ခနဲလုပ်လိုက်တော့ ဒီမြေးအရွယ်ကလေးက ဘာပြန်လုပ်တယ် ထင်သလဲ။ ဖလိုင်းကစ် ပြန်မလုပ်ဘူးဗျား၊ လက်ကလေးနှစ်ဘက်ယှက်ပြီးတော့ ဦးတော် လုပ်တယ်။

ကြည့်နော်၊ ဦးတော်ဆိုတော့ ရှိခိုးတာပေါ့။ ရှိခိုးတယ်ဆိုတာ ကျွန်တော်တို့ မြန်မာ့ယဉ်ကျေးမှု။ ဘာသာရေးအဆုံးအမတွေမှာ အရေးအကြီးဆုံးအချက်။ ဒီဦးတော်ဆိုတာ လူကြီးသူမတွေလုပ်ရတဲ့ ဘုရားရှိခိုးတဲ့အလုပ်၊ နော်… ဒီအလုပ်ကို ကျွန်တော့်မြေးအရွယ် ဖေဖေကြီးကို ချစ်တယ်ဆိုတဲ့ ပရိသတ် မြေးကလေးက ဦးတော် လှမ်းလုပ်တယ်။ ကျွန်တော် အဘိုးကြီးက ဖလိုင်းကစ်လုပ်တယ်။

ဒီနေရာမှာ အဘိုးကြီးကျွန်တော်သည် ကလေးတစ်ယောက်ရဲ့စိတ်နဲ့ ဖလိုင်းကစ်လုပ်တယ်။ ကလေးလေးသည် လူကြီးတစ်ယောက်ရဲ့စိတ်နဲ့ ဦးတော်လုပ်တယ်။ စိတ်ချင်း crossing ဆက်နွှယ်သွားတယ်။ ဒါဟာ Generation Gap ကို ဖျောက်ဖျက်ပစ်တာ။ ဒါကြောင့်မို့လို့ လူငယ်တွေကို ကြောက်တယ်လို့ ပြောရတာပါ။ ၂၀ ဝန်းကျင် လူငယ်တွေကို ပြောတာ မဟုတ်ဘူး။ ဟိုး… ကျွန်တော့်မြေးအရွယ် ကလေးတွေကို ကျွန်တော်က လူငယ်လို့သတ်မှတ်ပြီး ကြောက်တယ်လို့ ပြောတာ။

 ကဲ... စကားမစပ် ပြောရဦးမယ်၊ လူငယ်တွေဟာ ဒီနေ့ သိပ်သိချင်တတ်ချင်ကြတယ်။ ဒါကြောင့်မို့လို့လည်း ကျွန်တော်က ဂလိုဘယ်လိုက်ဇေးရှင်းကို ချက်ချင်းသိဆိုပြီး ဘာသာပြန်တာ။ သိချင်ကြတယ်၊ လူငယ်တစ်ယောက် လက်ဖက်ရည်ဆိုင်ကိုလာပြီး ကျွန်တော့်ကို လာမေးတယ်။ ဦးဗလတဲ့၊ ဦးဗလဆိုတာ ကျွန်တော့်ကို ချစ်စနိုးခေါ်တာ။

"စကြာမင်းဆိုတာ ဘာလဲ" တဲ့။

"စကြာမင်းဆိုတာ ရှင်ဘုရင်တွေအားလုံးထက် ရှင်ဘုရင်ပေါ့ကွာ"
လို့ အလွယ်ဖြေလိုက်တယ်။

"စကြာမင်း ရှိသလား"

"အေး... အရင်တုန်းကတော့ ရှိတယ်လို့ ကြားတာပဲ၊ တို့ ဘိုးဘွားတွေလက်ထက်ကပြောတာ ကြားဖူးတာပေါ့" လို့။

"စကြာမင်းက တစ်ကမ္ဘာလုံးကို ပိုင်တာပေါ့နော်" တဲ့၊

"အေး... ဟုတ်တယ်" လို့။

"ဒါဆိုရင် ဟစ်တလာက စကြာမင်းလား" တဲ့။

ဟော... သူ့မေးခွန်းက တော်တော်ကြောက်စရာကောင်းတယ်။ ဟစ်တလာက စကြာမင်းလား တဲ့။ သူကတော့ တစ်ကမ္ဘာလုံးကို အုပ်စိုးဖို့ ကြိုးစားတာပဲ၊ မင်းက ဘာကို ကြည့်ပြောတာလဲဆိုတော့ သူ့ရဲ့အလံ၊ နာဇီစကြာအလံကို ကြည့်ပြီး မေးတာပါ။ သူမေးတာ ပေါ့ပေါ့လေး မဟုတ်တော့ဘူး၊ ခက်လာပြီ။ ဒီစကြာ ဆိုတဲ့ ပါဠိ စကြာ။ မြန်မာလို သုံးတဲ့ စကြာဆိုတဲ့စကားနဲ့ ဂျာမနီ နာဇီအလံ စကြာနဲ့ ထပ်တူပြုပြီး မေးတဲ့ကိစ္စ။

အဲဒီမှာ ကျွန်တော် တော်တော် ရှင်းလိုက်ရတယ်။ တကယ်တမ်း ပြောရရင် ကျွန်တော်လည်း မရှင်းတတ်ဘူး။ ကျွန်တော်က ဘာလုပ်ရလဲဆိုရင် ပြီးခဲ့တဲ့အပတ်က ပြောခဲ့တဲ့ ပါဠိဟာ အင်္ဂလိပ်တို့၊ ဂျာမန်တို့၊ ပြင်သစ်၊ လက်တင်တို့နဲ့ ဆက်နွှယ်နေတဲ့အကြောင်း ဒါလေး ပြန်ကိုင်ရတယ်။

ဘာလဲဆိုတော့ ပါဠိရဲ့ စကြာစကားနဲ့ ဂျာမန်ရဲ့ စကြာတံဆိပ် သွားတူနေသလားမသိဘူးဆိုပြီး ဒီလူငယ်ကို ရှင်းရတယ်။ ဖြစ်နိုင်ခြေ ရှိတယ်။ ပါဠိရဲ့စကြာကို ဂျာမန်တွေက စကြာတံဆိပ်တပ်တာ ဖြစ်နိုင်တယ်လို့ ရှင်းရတယ်။ တကယ်က ဒါ ပညာရှင်တွေ ရှင်းရမယ့်ကိစ္စ။ နောက်တစ်ချက်၊ ဒါကတော့ ကျွန်တော် အမေရိကားမှာ ကြုံလာတာဗျ။ ပြီးခဲ့တဲ့အပတ်က ပြောခဲ့တဲ့အထဲမှာပါတဲ့ စာရေးဆရာတက္ကသိုလ် တက်နေတဲ့ လူငယ်လေး ဂျင်မ်ဆိုတာ။ သူက ကျွန်တော့်ကို သူ့အိမ် ခေါ်သွားတယ်။

"လမ်းလျှောက်ရအောင် ဆရာ" တဲ့။

"အေးကွာ လျှောက်ရအောင်"

ဆိုပြီး ၄၅ မိနစ်လောက် လျှောက်လိုက်တာ သူ့အိမ် ရောက်သွားတယ်။

သူ့အိမ်လေးက ကျောက်တုံး၊ ကျောက်ခဲတွေ၊ သံတိုသံစတွေနဲ့ လူငယ်ဆိုတော့ဗျာ တွေ့ကရာပစ္စည်းတွေနဲ့ သူ့အိမ်ကို ကားဂိုဒေါင်လို ဆောက်ထားတာ။ အာ အေး... ကြိုက်တယ်ကွာလို့၊ ကောင်းသားပဲ မင်းအိမ်လေးက လို့၊ ကိုယ့်ဟာကိုယ်လုပ်တာဆိုတော့ ကောင်းတာပေါ့လို့။ အဲဒါဆိုရင် ဆရာရယ်တဲ့၊ ကျွန်တော့်အိမ်လေးအကြောင်းကို မြန်မာစာနဲ့ တစ်မျက်နှာလောက် ရေးပေးစမ်းပါတဲ့။ အေးပါကွာလို့၊ မင်း မြန်မာစာ တတ်လို့လား ဆိုတော့၊ မတတ်ဘူးတဲ့၊ ကျွန်တော် အမှတ်တရ သိမ်းထားချင်လို့တဲ့။

ကျွန်တော်က ဗလာစာရွက်နဲ့ ဘောလ်ပင်ယူပြီး သူ့အိမ်လေးအကြောင်းကို စာစီစာကုံးရေးပေးတယ်။ ရေးတဲ့အခါမှာ ဒီကောင် မတ်တတ်ရပ်ပြီး ဘေးက လာကြည့်နေတယ်။ သူ ဘာမှမသိဘူးနော်။ မြန်မာစာ မတတ်ဘူး။ ကလည်း မသိဘူး၊ ဝလုံးလည်း မသိဘူး။ ဒီမှာ လူငယ်တွေအပြင် လူကြီးတွေလည်း ပါပါတယ်လေ။ သတိထားဖို့ပေါ်လာတယ်။ သူတို့လူမျိုးသည် ပညာရပ်တစ်ခုကို ရေဆုံးရေဖျား လိုက်တယ်ဆိုတဲ့ အချက် သွားတွေ့တယ်။

ဘာလဲဆိုတော့ ကျွန်တော်ကတော့ ရေးရိုးရေးစဉ်ပဲလေ။ မြန်မာစာ မြန်မာအက္ခရာတွေနဲ့ အိမ်လေးအကြောင်း သီကုံးဖွဲ့နွဲ့ ရေးသားတာပေါ့။ သူကတော့ ဘာမှ အဓိပ္ပါယ်မသိဘူးနော်။ ဘေးက မတ်တတ်ရပ်ကြည့်နေခဲ့တာ။ ပြီးတော့ သိုင်းကျူးဆိုပြီး ကျွန်တော့်စာရွက်ကလေးကို လေးလေးစားစားယူပြီး၊ သေသေသပ်သပ်ခေါက်ပြီးတော့ သူ့ခုတင် ခေါင်းရင်းမှာ ထားတယ်။ ပြီးတော့ ကျွန်တော်တို့ လက်ဖက်ရည်သောက်ပြီး ကျွန်တော်တို့ တည်းတဲ့ ဧည့်ရိပ်သာအဆောင်ကို ပြန်ကြတာပေါ့လေ။

ဒီကောင်လေးက ကျွန်တော်နဲ့ အတူအိပ်တယ်။ တကယ့်ကို သိပ်ယဉ်ကျေးတဲ့ကလေးဗျာ။ မေရိကန်သာဆိုတယ်၊ အရှေ့တိုင်းသားလေး ကျနေတာပဲ။ ပျော့ပျော့နွဲ့နွဲ့လေး။ အဲဒါ အားရင်မေးတော့တာပဲ။ စာပေနဲ့ ပတ်သက်တာ၊ ဝတ္တုတိုနဲ့ ပတ်သက်တဲ့ မေးခွန်းတွေ မေးတော့တာပဲ။ အဲဒီတစ်ညကတော့ ကျွန်တော် တီဗွီထိုင်ကြည့်အပြီး တီဗွီပိတ်ပြီလည်းဆိုရော သူက ဘာမေးလဲဆိုတော့ -

"ဆရာ မြန်မာအက္ခရာဟာ ဘာကြောင့် အဝိုင်းတွေချည်းပဲ ဖြစ်နေတာလဲ" တဲ့။

ကြည့်နော်၊ ကျွန်တော်တို့ စာရေးဆရာကိုယ်တိုင် ဒီကစ္စ သေသေချာချာ မစဉ်းစားခဲ့ဘူး။ ဖတ်တဲ့သူဆို ဝေးရော။ ကျွန်တော် မေးမယ်၊ လူကြီးရော လူငယ်ရောကိုပါ။ အဲဒီ မြန်မာအက္ခရာတွေဟာ ဘာကြောင့် အဝိုင်းချည်းပဲ ဖြစ်နေတာလဲလို့ တစ်ခါတလေများ စဉ်းစားမိဖူးသလားဗျာ။

ကျွန်တော်ထင်တယ်၊ အများက စဉ်းစားမိဖူးမှာ မဟုတ်ဘူးဗျ။ ကြည့်နော် သူမေးတာ၊ သူက အမေရိကန်ကျောင်းသား၊ မြန်မာစာကို တစ်လုံးမှ မသိဘူး။ ကျွန်တော်ရေးတဲ့ လက်ရေးကိုကြည့်ပြီး မေးတာ၊ တရုတ်စာမှာလည်း အချောင်းတွေ၊ တုတ်တွေ ပါတာပဲ၊ ကုလားစာမှာလည်း အချောင်းတွေပါတာပဲ၊ အင်္ဂလိပ်မှာဆို O အို တစ်လုံးတည်း အဝိုင်းပါတယ်။ မြန်မာစာအကုန်လုံး အဝိုင်းနော်တဲ့။ ဟုတ်ပါ့ဗျာ၊ ဗျည်း ၃၃လုံးကို ကြည့်ကြည့်ပါ၊ အကုန်အဝိုင်းချည်းပါပဲ။ အဲဒါ ဘကြောင့်လဲလို့ မေးတယ်ဗျာ။ ကျွန်တော်လည်း ဘာသာဗေဒပညာရှင် မဟုတ်ဘူးဗျ။ ဘယ်လိုဖြေကြမတုံး၊ ကျွန်တော်က ပညာရှင်မဟုတ်တော့ မရှင်းနိုင်ဘူး။ သို့သော် ကိုယ်က ဆရာဆိုတော့လည်း ရိုးရိုးသားသား ဝန်ခံရရင် ဖြီးရတာပေါ့။

ပေထက်အက္ခရာတင်တဲ့ကိစ္စလည်း မဟုတ်တော့ ဘယ်လိုဖြေရတုံးဆိုရင် အေး... မင်း နေနဲ့လ တွေ့ဖူးသလား၊ တွေ့ဖူးပါတယ်။ ဒီတော့ နေက ဘာလဲကကွ၊ အ၀ိုင်း၊ လကကော ဘာလဲကွ၊ အ၀ိုင်း၊ တို့ကမ္ဘာကြီးကကော ဘာလဲကွ၊ အ၀ိုင်း၊ အေး အဲဒါကြောင့် တို့စာလုံးတွေဟာ အ၀ိုင်းချည်းပဲကွလို့ ဖြီးရတာပေါ့။

ကိုယ်က ဆရာဆိုပြီး သူက တပည့်ခံနေတော့ အပေါ်စီးကနေ ဖြီးရတာ။ အမှန်တော့ ဟုတ်သလား၊ မဟုတ်သလား ကျွန်တော်လည်း မသိဘူးဗျ။ ပညာရှင်တွေမှ သိမယ့်ကိစ္စ၊ ဒီထက်အကျပ်ရိုက်တဲ့ကိစ္စ ရှိသေးတယ်။ ဘာလဲဆိုတော့ -

"ကောင်းပြီ၊ အ၀ိုင်းက နေနဲ့လကိုယူပြီး ရေးတာဆိုရင် ဘာကြောင့် လက်ယာရစ်ချည်း ရေးရတာလဲ။ အဲဒါကျတော့ ဘာလို့လဲ" တဲ့။

သေပြီ၊ အဲဒါကျတော့ ဖြေကို မဖြေနိုင်တော့ဘူး။ အဲဒါနဲ့ -

"တို့က ကွာလို့၊ နာရီရှိတယ်မဟုတ်လား နာရီ၊ နာရီက လက်ယာရစ်သွားတာပဲလို့ အဲဒီတော့ တို့စာလုံးတွေလည်း လက်ယာရစ်ရေးတာပေါ့ကွာ"

လို့ ပေါ့ပေ့ါလေး ပြန်ဖြေလိုက်တယ်။ အဲဒါမှာ ဂျင်မ်က ထပ်ပြီး ရစ်ပြန်ရော။

"အာ... ဆရာပြောတော့ နေနဲ့လနဲ့ ကမ္ဘာနဲ့ယှဉ်ပြီးတော့ ပြောတယ်။ အဲဒါတွေက ကမ္ဘာကြီးက လက်ဝဲရစ် လည်နေကြတာလေ၊ ဆရာတို့ စာကျတော့ ဘာဖြစ်လို့ လက်ယာရစ်ရေးကြတာလဲ" တဲ့။

သေရောဗျာ၊ ဟာကွာ.. မင်းကလည်း စကြ၀ဠာကြီးက ပြောင်းပြန်လည်နေတာပဲ၊ ဘာညာနဲ့ လုပ်ရတာပေါ့၊ ဟုတ်တယ် မဟုတ်တယ် ကျွန်တော်တို့လည်း မသိဘူးလေ။ ဆိုလိုတာက လူငယ်တွေကို ချဉ်းကပ်ရတာ ခက်တယ်လို့ ဆိုချင်တာပါ။

နောက်တစ်ခု၊ လူငယ်တွေနဲ့ ပတ်သက်လို့ စင်ကာပူလူမျိုး၊ ပြင်သစ်နိုင်ငံသား ခံယူထားတဲ့ ပန်းချီပညာရှင်ကောင်မလေး ရင်န်ကာတဲ့။ အသက် ၂၆ နှစ်ပဲ ရှိသေးတယ်။ ကျွန်တော့ဆီလာတယ်။ လာတဲ့ အကြောင်းက ဘာလဲဆိုတော့ ပန်းချီအောင်စိုးရဲ့ ပန်းချီကားတွေနဲ့ ပန်းချီအောင်စိုးရဲ့ ဘ၀ကို ကျမ်းပြုဖို့။ အသက် ၂၆ နှစ်နော်၊ ၂၆ နှစ်၊ သူကိုင်လိုက်တာက သေးသေးမွှားမွှား မဟုတ်ဘူး။ ပန်းချီအောင်စိုး။ ပန်းချီအောင်စိုးဆိုတာ ရိုးရာကနေ မော်ဒန်အထိ ကူးလူးဆက်ဆံ ဆက်သွယ်ပြီး ရေးခဲ့တဲ့ ပန်းချီဆရာကြီး။

အဲဒီ ဆရာကြီးရဲ့ ဘ၀နဲ့ပန်းချီကို ကျမ်းပြုဖို့၊ တော်ရုံတန်ရုံကိစ္စ မဟုတ်ဘူး။ ကျွန်တော့်ဆီကို ရောက်လာတော့ မြန်မာပြည်မှာ ဒီကိစ္စအတွက်ကို လုပ်နေတာ လေးနှစ်ရှိသွားပြီတဲ့။ ဆိုလိုတာက သူဟာ အကြီးကြီးကို လုပ်နေပေမယ့် အသေးလေးတွေကို မေ့မထားဘူးဆိုတာ ပြောချင်လို့ပါ။ သူက ပန်းချီအောင်စိုးအကြောင်းမေးဖို့ ပန်းချီအောင်စိုးရဲ့ဇနီး အန်တီမာ့ဆီသွားတယ်။ အန်တီမာက ပန်းချီအောင်စိုးအကြောင်းကို သုမောင်တို့က ပိုသိတယ်။ သူတို့က ပူးကပ်ပေါင်းနေကြတာ။ သူတို့ဆီ သွားမေးဆိုပြီး ပန်းချီအောင်စိုးမိန်းမက လိုက်ပို့တော့ ကျွန်တော့်ဆီ ရောက်လာတယ်။

သူက ကျွန်တော့်ကို ပန်းချီအောင်စိုး ငယ်ငယ်တုန်းက အကြောင်းတွေ လျှောက်မေးရင်း -

"ရှင် ပန်းချီဆွဲတယ်ဆို" တဲ့။

"အေး... ပန်းချီဆွဲတယ်တော့ မဟုတ်ပါဘူးလို့၊ အရုပ်ကလေးတွေ ရေးတာပါ။ ငါ ပန်းချီဆရာ မဟုတ်ပါဘူး" လို့။

"ကြည့်ချင်တယ်" တဲ့။

ကြည့်ချင်တော့ ထုတ်ပြလိုက်တယ်။ ဖြစ်ချင်တော့ ကျွန်တော်ဆွဲထားတဲ့ ပန်းချီဆိုပါတော့လေ။ အရုပ်တွေက တစ်ပုံက မိန်းမရဲ့အပေါ်ပိုင်း၊ တစ်ပုံက မိန်းမရဲ့ ခါးအလယ်ပိုင်း၊ နောက်တစ်ပုံက မိန်းမရဲ့ အောက်ပိုင်း။ အဲဒီပုံလေ၊ မော်ဒန်ပုံပေါ့လေ။

ဒါနဲ့ ကောင်မလေးက တအံ့တသြကြည့်ပြီး -

"ဟား... အောင်စိုး လက်ကျ၊ တွေ့ပြီ အောင်စိုးလက်ကျပဲ" တဲ့။
အေး... အောင်စိုးလက်ကျ မဟုတ်ပါဘူးကွာ။ အောင်စိုးလက်ကျ ဖြစ်ဖို့နေနေသာသာ ငါက ရိုးရိုးပန်းချီဆရာတောင် မဟုတ်ပါဘူးလို့ ပြောရတယ်။ သူက ကျွန်တော့်ပုံတွေ ကြည့်ပြောတာနော်။ ကျွန်တော့်ပန်းချီကား သုံးချပ်။ သူက လက်နဲ့ထောက်ပြီးပြတာ။ ပထမပုံမှာ အပေါ်ပိုင်း မိန်းမပုံမှာ ချိုင်းကြားမှာ မှဲ့ထည့်ထားတာ ဟောဒီမှာ မှဲ့တဲ့။ နောက်တစ်ပုံက အလယ်ပိုင်း ဗိုက်သားမှာ မှဲ့ထည့်ထားတာ ဟောဒီမှာ မှဲ့တဲ့။

နောက်တစ်ပုံက ပန်းသည်မလေးခြေထောက်မှာ ခြေသလုံးမှာ မှဲ့လေးနဲ့ ဟောဒီမှာ မှဲ့တဲ့။ ကိုယ့်ဟာကိုယ်တောင် ဘာကြောင့် မှဲ့ထည့်မိမှန်းတောင် မသိပါဘူး။ မှဲ့ဝါသနာပါလို့ ထည့်လိုက်တာ။ သူက ဟောဒါ အောင်စိုး၊ ဟောဒါ အောင်စိုး ဆိုပြီး လုပ်တယ်။

"အောင်စိုးနဲ့ မှဲ့နဲ့ ဘာဆိုင်လို့တုန်း ရင်န်ကာရဲ့"

လို့ဆိုတော့ သူက ဘာလုပ်တယ်ထင်သလဲ။ ဆတ်ဆို ပန်းချီအောင်စိုးရဲ့ဇနီး အန်တီမာရဲ့ အင်္ကျီအပေါ်ဆုံး ကြယ်သီးနှစ်လုံးကို ဆွဲဖြုတ်လိုက်တယ်။ ဖွင့်တော့ ရင်ဘတ်လေး ဟောင်းလောင်းပွင့်သွားတာပေါ့။ ဟောဒီမှာ တွေ့သလားလို့ သူကပြတော့မှ ဟုတ်ပါ့ဗျား၊ အန်တီမာရဲ့ ရင်ညွန့်မှာ မှဲ့နဲ့ဗျ။

သြော်... ကြည့်စမ်း၊ လူငယ်နော်၊ အသက် ၂၆ နှစ်အရွယ် ဒီကောင်မလေးက အောင်စိုးပန်းချီကားတွေမှာ မှဲ့ပါတယ်။ အဲဒါကြောင့်မို့လို့ အောင်စိုးရဲ့မိန်းမမှာလည်း မှဲ့ပါရမယ်ဆိုပြီး တွက်ထားပုံရတယ်။

ပြီးတော့ -

"ကိုသုမောင် ဇနီးမှာကော မှဲ့ရှိလား" တဲ့။

"အေး... အရင်တုန်းက ကျောကုန်းမှာ ရှိတယ်။ ခုတော့ ခွဲစိတ်လိုက်လို့ မရှိတော့ဘူး" လို့၊

"အဲဒါကြောင့် ဒီကားတွေမှာ မှဲ့ပါနေတာ၊ ဒါ အောင်စိုး လက်ကျပဲ" တဲ့။

ပြောချင်တာက မှဲ့လေးတစ်လုံးတောင် အလွတ်မပေးဘဲ အောင်စိုးရဲ့ဘ၀မှာ ဆွဲထည့်ပြီး လေ့လာတယ်ဆိုတာ ပြောချင်တာပါ။ ရယ်စရာပြောပြဦးမယ်၊ အဲဒါမှာ လင်းဝဏ္ဏဆိုတဲ့ ပန်းချီဆရာ တစ်ယောက်လည်း ပါတယ်။ ပန်းချီအောင်စိုး လက်ရာမျိုးရေးတဲ့ တပည့်တစ်ဦးပေါ့။ သူက ၀င်ဝင်ပြီး ပြောတယ်။

ပန်းချီအောင်စိုးက အိန္ဒိယကို သွားပြီး ပညာသင်တော့ ဟိုမှာ ကုလားမလေးတစ်ယောက်နဲ့ ကြိုက်ခဲ့ဖူးတယ်တဲ့။ ပန်းချီအောင်စိုး မိန်းမ ရှေ့တင် သူက ရယ်မောကာ ပြောတာကိုး။ အဲဒီ ကုလားမလေးနေတဲ့ အိမ်ကိုတဲ့ ပန်းချီအောင်စိုးက စကတ်ခ်ျ (sketch) ပုံကြမ်းခြစ်ထားတဲ့ ပန်းချီကားလေး ငါ့မှာရှိတယ်။ သူမသေခင် ငါ့ကို လက်ဆောင်ပေးထားတာ ရှိတယ်တဲ့။ အဲဒါ နင်ကြည့်မလားတဲ့။ ဆိုတော့ကာ အဲဒီကောင်မလေးက ဟားဟားဟားဆိုပြီး ထရယ်တယ်။ ရယ်ပြီးတော့ -

"ကိုလင်းဝဏ္ဏ ကျွန်မပြောပြမယ်၊ အဲဒီ ပန်းချီကားကို ကြည့်စရာမလိုဘူး၊ ကျွန်မ အိန္ဒိယကို သွားပြီးပြီ၊ အဲဒီအိမ်ကိုလည်း လိုက်ရှာပြီးတော့ ကြည့်ခဲ့ပြီးပြီ၊ ကုလားမကြီးကိုလည်း တွေ့ခဲ့ပြီးပြီ။ အဘွားကြီးက ခုထိ ချောတုန်းပဲ" တဲ့။

ဟောဗျာ၊ ရယ်စရာလေးဆိုပေမယ့် ဘယ်လောက်အထိ ရောက်သလဲ။ အောင်စိုးအကြောင်းသိဖို့ အောင်စိုးရည်းစားရှိတဲ့ အိန္ဒိယအထိသွားပြီး ကြည့်တာ၊ ဒီအိမ်ကိုလည်း ဓာတ်ပုံရိုက်ခဲ့တယ်။ အောင်စိုးရည်းစား ခုတော့ အဘွားကြီး၊ ကုလားမကြီးကိုလည်း တွေ့ပြီးတော့ စကားတွေပြောခဲ့တယ်။ အောင်စိုးအကြောင်း ကျမ်းပြုဖို့ ဘယ်လောက် လေ့လာခဲ့သလဲ။ ကျွန်တော်က ယှဉ်ပြောတာ မဟုတ်ပါဘူး။ ကျွန်တော်တို့ မြန်မာလူငယ်တွေလည်း မော်ဒယ်လ်သင်တန်းတက်ပြီး မော်ဒယ်လုပ်စားဖို့ပဲ ဖြစ်ဖြစ်ပေါ့။

နောက်ဆုံး ပြောဦးမယ်၊ စားသောက်ဆိုင်မှာ စားပွဲထိုး လုပ်တာပဲ ဖြစ်ဖြစ်ပေါ့။ အန္တရာယ်ရှိပါတယ်ဆိုတဲ့ စီးကရက်ပရိုမိုးရှင်း လိုက်လုပ်နေတဲ့ မိန်းကလေးပဲ ဖြစ်ပါစေ။ အောက်ဆုံးအလွှာက မိန်းကလေးပဲ ဖြစ်ပါစေ။ ကိုယ် လုပ်ရမယ့်အလုပ်ကို ထောင့်စေ့အောင်၊ အကွက်စေ့အောင် ကြည့်တတ်ဖို့၊ မြင်တတ်ဖို့ ကြိုးစားကြပါ။ ဒါကို ကျွန်တော်က မရဲတရဲ တိုက်တွန်းတာပါ။ မရဲတရဲဆိုလို့ ဘာကြောင့် ဒီစကားကို ပြောရသလဲဆိုရင် ခုနကပြောသလို လူငယ်တွေကို ကြောက်လို့။

ကဲ... ဒီအပတ်လည်း နည်းနည်းပါးပါးတော့ ရောရောယှက်ယှက် ကလေး ပါဦးမှာပဲနော်။ ရှေ့အပတ်ကျရင်တော့ အခန်းကဏ္ဍလေးတွေ သီးသန့်ထုတ်ပြီးတော့ တစ်ပတ်ကိုတစ်ကြိမ် အကြောင်းအရာတစ်ခု ဦးတည်ပြီးတော့ ပြောနိုင်အောင် ကြိုးစားပါ့မယ်။

အားလုံး ကျန်းမာချမ်းသာကြပါစေ။

-------- X ----- X ----------
credit to mmcyber (Du Du)