သဘာဝမင်းသားတစ်ယောက်
(၁)
ကျုပ်တို့ မင်္ဂလာရပ်ကွက်လေးမှာ ကျော်ဝေဆိုတာ ရှိတယ်။ အရူးပါ။ ဒါပေမဲ့ သွက်သွက်ခါအောင် ရူးနေတာတော့ မဟုတ်ဘူး။ သာမန်လူလို စွဲစွဲမြဲမြဲ အလုပ်မလုပ်တာရယ်၊ မိန်းမတွေကို စိတ်မဝင်စားတာကလွဲရင် သူ့ထမင်း တစ်လုပ်အတွက် ခိုင်းတဲ့အိမ်က ဗာဟီရကိစ္စဟူသမျှကို လုပ်ပေးတတ်တယ်။ ထင်းခွဲ၊ သစ်ပင်ချိုင်၊ အုန်းပင်တက်၊ ဝါးကပ်မိုး၊ ရေတွင်းဆယ်၊ ခိုင်းသမျှ အကုန်လုပ်ပေးတယ်။ အလုပ်ပြီးရင်တော့ ထမင်းကျွေး၊ ပြန်ရင်တော့ ပိုက်ဆံ ၅၀၊ ၁၀၀ တောင်းတယ်။ ပိုက်ဆံက ဘာလုပ်ဖို့လဲဆိုတော့ ညနေမှာ အရက်သောက်ဖို့။
ကျုပ်တို့ရပ်ကွက်အနောက်ဘက် ဥယျာဉ်သာရပ်ကွက်မှာလည်း အရူးတစ်ယောက်ရှိတယ်။ သူကတော့ တကယ့်အရူး။ ဘယ်က လာမှန်း မသိဘူး။ ရောက်နေတာ ၆ လလောက်ရှိပြီ။ တံတားနားက သရက်ပင်အောက်ရယ်၊ ဓမ္မာရုံနားက တံစက်မြိတ်အောက်မှာပဲ အနေများတယ်။ ဘောင်းဘီရှည် ဝတ်ထားတယ်။ ဂျင်းရှပ်အင်္ကျီ ဝတ်ထားတယ်။ ဒါပေမဲ့ မည်းညစ်နေတယ်။ ကားဝပ်ရှော့က ကောင်လေးတွေဝတ်တဲ့ အဝတ်လောက်တောင် အရောင်မရှိဘူး။ အနံ့အသက်ဆိုးတွေကလည်း ဝါးဆယ်ပြန်လောက်ကကို တထောင်းထောင်းနဲ့။ သရက်ပင်အောက်မှာ ထိုင်ပြီး ဟိုကြည့် ဒီကြည့်သာ လုပ်နေတတ်တယ်။ မျက်လုံးက လုံးဝအသက်မရှိဘူး။ တစ်ခါတစ်ရံ နှုတ်က တိုးတိုးလေး ပွစိ ပွစိ လုပ်တတ်တာပဲ ရှိတယ်။ ထိုင်လိုက်၊ ထလိုက်၊ ဟိုနားဒီနား လျှောက်လိုက်၊ အကြာကြီး ရပ်နေလိုက် လုပ်တတ်တယ်။ ထမင်းဟင်း စားရမှန်းလည်း မသိဘူး။ ဆာမှန်းလည်း သိပုံမရဘူး။ ဘယ်သူမှလည်း သူ့ကို အရေးလုပ်ပြီး ထမင်းမကျွေးကြဘူး။ အဲ ဒါပေမဲ့ ကလေးတွေနဲ့တော့ အလွန် အလွမ်းသင့်တယ်။
ကလေးတွေက …
“ကြောင်ကို ဘယ်လိုခေါ်လဲ” မေးရင်
“ကက်” လို့ ဖြေတယ်။
“စာလုံးပေါင်း ပြပါဦး” ဆိုရင်
“စီ-အေ-တီ-ကက်”
“စာအုပ်ဆိုရင်ရော”
“ဘုတ်စ် … ”
“နွား …”
“ကောင်း … ”
ကလေးတွေက သဘောကျပြီး တစ်ယောက်တစ်ပေါက် မေးတတ်တယ်။ ကြာရင်တော့ မဖြေတော့ဘူး။ နေရာက ထသွားတတ်တယ်။
“နာမည် ဘယ်သူလဲ” မေးရင် မျက်လုံးပြူးကြီးနဲ့ ကြည့်နေတတ်တယ်။ “ဘယ်မှာနေလဲ” ဆိုရင်လည်း ထို့အတူပဲ။
ကလေးတွေက မုန့်တွေဘာတွေ ကျွေးတတ်တယ်။ ဒီတော့လည်း စားရှာတယ်။ ကျောင်းဖွင့်တဲ့ ရက်ဆိုရင် ပိုစားရတယ်။ ကျောင်းပိတ်တဲ့ရက်ဆိုလည်း ကလေးတချို့က လမ်းသွားရင်း စားနေတဲ့မုန့်ကို တစ်ဝက်ပေးသွားကြတာပါပဲ။
အရပ်ရှည်ရှည် ထောင်ထောင်မောင်းမောင်း ကုလားဆင်လေးမို့ ရုပ်ရှင်မင်းသားကျော်ဆွေနဲ့ တူတယ်။ မင်္ဂလာရပ်ကွက်မှာလည်း အရူးကျော်ဝေရှိတော့ ကျော်ဝေ၊ ကျော်ဆွေဆိုပြီး ခေါ်လိုက်ကြတယ်။
* * *
(၂)
ကျော်ဝေက မင်္ဂလာရပ်ကွက်သားပါ။ အစ်ကိုနဲ့ ညီမရှိတယ်။ ကျော်ဝေက လူလွတ်။ အရပ်ပုပု၊ ပိန်ပိန်ပါးပါး။ အစ်ကိုနဲ့ ညီမကတော့ အိမ်ထောင်သည်တွေ။ သူ့အစ်ကို ကျော်အေးက …
“အလကား … ဒီကောင် မရူးဘူး … သက်သာချင်လို့ ရူးချင်ယောင် ဆောင်နေတာ” လို့ ပြောတတ်တယ်။ ပစ်ထားတယ်။ ကျော်အေးက မူးရင် သွေးဆိုးတော့ အစ်ကို့အိမ် ကျော်ဝေ မသွားရဲဘူး။ ညီမဖြစ်သူ မိဂျမ်းကတော့ ကလေးများတယ်။ ယောက်ျားကလည်း ကျပန်းဆိုတော့ သူတို့တောင် ထမင်းနပ်မမှန်ဘူး။ ဒါပေမဲ့ အစ်ကိုဆိုတဲ့ သံယောဇဉ်နဲ့မို့ လက်ထဲမှာ ပိုပိုလျှံလျှံလေးရှိရင် ကျွေးတတ်တယ်။ ပိုက်ဆံလေး ၅၀၊ ၁၀၀ ပေးတတ်တယ်။ ကျော်ဝေ ပြန်အိပ်ချင်တဲ့အခါ အိပ်ဖို့ အဖီတဲက ခုတင်မှာတော့ စောင်နဲ့ ခေါင်းအုံး အမြဲတမ်း ထားပေးထားတယ်။
ကျော်ဝေက အိမ်ရယ်လို့ မအိပ်ပါဘူး။ ကြုံတဲ့နေရာ အိပ်တာပါပဲ။ ရပ်ကွက်ထဲ နာရေးဖြစ်ပြီဆိုရင်တော့ သူ့အတွက် အိပ်စရာရော၊ စားစရာရော၊ အလုပ်ရော ရတော့တာပဲ။
ဘယ်သူသေသေ ကြားတဲ့နေရာကနေပြီး နာရေးအိမ်ကို အရောက်သွားတယ်။ အလောင်းကို ရေချိုးပေးတယ်၊ ပြင်ပေးတယ်။ အဲဒီအချိန်မှာတော့ သူက သူကြီးပဲ။
“ဟေ့ … ပြင်ပြီးရင် ဘယ်သူမှ မကိုင်ရဘူး”
ရေမွှေးမဆွတ်နဲ့၊ ပေါင်ဒါမဖြူးနဲ့၊ အမွှေးတိုင်မတင်နဲ့၊ အလောင်းအပုပ်မြန်လိမ့်မယ်နဲ့ အနားကပ်တဲ့သူကို သြဇာပေးနေတော့တာပဲ။
ကာယကံရှင်တွေကတော့ ကိုယ့်အပူနဲ့ကိုယ်မို့ လာသမျှ ဧည့်ခံနေရတယ်။ မေးသမျှ ဖြေနေရတယ်။ ချဖို့ စီစဉ်ရ၊ ဖိတ်ဖို့ စီစဉ်ရနဲ့ပေါ့။ ကျော်ဝေကတော့ ည ဖဲဝိုင်းမှာလည်း ရေနွေးလေးချပေး။ ဆေးလိပ်ကလေး ယူပေး။ ကွမ်းကလေးဝယ်ပေးနဲ့ နိုင်တဲ့သူဆီက ၁၀၀ စ၊ ၂၀၀ စ တောင်းတတ်တယ်။
ပိုက်ဆံရရင် ဘာလုပ်သလဲဆိုတော့ ဘေးပေါက် ဝင်ထိုးရော။ နည်းနည်းလေးနိုင်ရင် ဝိုင်းထဲဝင်ပြီး ဖဲရိုက်ရော။ မနက်လည်းလင်းရော ပိုက်ဆံလည်း ကုန်ရော။ ဒီတော့မှ ဖဲဝိုင်းဖြစ်ခဲ့တဲ့နေရာ ပုဆိုးခြုံ အိပ်ရော။
ရက်လည်ပြီးမှပဲ အဲဒီအိမ်က ပြန်တယ်။ အလှူမင်္ဂလာပွဲဆိုလည်း ပန်းကန်ဆေးတဲ့နေရာ အမြဲနေတယ်။ ပြီးရင်တော့ ထမင်းအဝစား။ အလှူရှင်ဆီ အရက်ဖိုးတောင်းပြီး ည မူးတော့တာပဲ။
အဲ … ခိုင်းမယ့်သူလည်း မရှိ၊ နာရေးလည်း မရှိ၊ သာရေးလည်း မရှိ၊ ညီမအိမ်ကလည်း အိုးမှောက်နေရတဲ့ အချိန်ဆိုရင် လက်ဖက်ရည်ဆိုင်၊ အရက်ဆိုင်မှာ ထိုင်နေတဲ့သူ နောက်ကြောသွားပြီး ဇက်ကြောတွေ နှိပ်ပေးတတ်တယ်။ ခြေသလုံးကြောတွေ လျှော့ပေးတတ်တယ်။ ကျော်ဝေက အနှိပ်ကောင်း။ အကြောပါတယ်။ အပူထွက်တယ်လို့ ပြောကြတာပဲ။ ဒါကိုတော့ ခိုင်းတိုင်းမလုပ်ဘူး။ ကျန်အလုပ်သာ လုပ်တာ။ ဒီလို ဘိုင်ပြတ်တဲ့အချိန်မှ လုပ်ပေးတာ။ သူ အကြောနှိပ်ပေးလို့ “နေကွာ” ဆိုရင် ဆက်လုပ်မပေးတော့ဘူး။ တခြားတစ်ယောက် ပြောင်းလုပ်ပေးတယ်။ ငြိမ်ခံရင်တော့ ဆက်နှိပ်ပေးတယ်။ နှိပ်ပေးပြီးရင်တော့ သဘောပေါက်။ အရက်ကလေး တိုက်လိုက်၊ ဒါမှမဟုတ် အရက်ဖိုးအတွက် ပိုက်ဆံလေး ပေးလိုက်ပေါ့။
ဒါကြောင့် ကျော်ဝေကို စိတ္တဇဖြစ်နေတဲ့ အရူးပါ။ အမြဲတမ်း မရူးတတ်ပေမယ့် တစ်ခါတစ်ခါ သွက်သွက်ခါအောင် ရူးတယ်။ ရူးတယ်ဆိုရင် ပုဆိုးမကပ်၊ အင်္ကျီမကပ်တော့ဘူး၊ အနားလာသူကိုလည်း ရန်လုပ်လွှတ်တယ်။ တွေ့ရာတွေ ရိုက်ခွဲ၊ ကောက်ပစ်တယ်။
ကျော်ဝေ ရူးပြီဆိုရင် နေပူကြီးထဲ တင်ပျဉ်ခွေထိုင်နေတော့တာပဲ။ နေကို မော့ကြည့်နေတော့တာပဲ။ ပါးစပ်ကလည်း တွေ့ကရာခြောက်သောင်း အော်ရွတ်နေတော့တာ။ ပါးစပ်ကလည်း ‘ဥုံ’ ဆိုပြီး ဂါထာလိုလို ဘာလိုလိုတွေကို ဌာန်နဲ့မာန်နဲ့ ရွတ်တတ်တယ်။ နောက်ပြီး …
“ငါက နေမင်းသား … သတ္တဝါတွေကို ကယ်တင်ဖို့ ရောက်လာတာ … အားလုံး ခစား … ခစား” ဆိုပြီး ကြည့်နေသူတွေကို ပြောတတ်တယ်။
ဒီလို ၃၊ ၄ ရက်ပြီးရင် ညောင်ပင်ကြီးအောက် အိပ်တော့တာပါပဲ။ ဒီအချိန်ကျမှ သူ့ယောက်ဖက ပုဆိုးတွေ၊ အင်္ကျီတွေ ဝတ်ပေး။ ဆောင်းခါဆိုရင်တော့ စောင်ခြုံပေးပေါ့။ အိပ်ရာက နိုးလာရင်တော့ ဘာမှမဖြစ်ခဲ့သလိုပဲ။ မေးကြည့်ရင်လည်း မသိဘူးတဲ့။
* * *
(၃)
မင်္ဂလာရပ်နဲ့ ဥယျာဉ်သာရပ်က ‘မြောင်းကျယ်လေး’ နဲ့ ‘အသားတံတား’ ရှည်ပဲ ခြားတယ်။
မင်္ဂလာရပ်က လူတွေ မြို့ထဲသွားချင်ရင် အသားတံတားကို ဖြတ်ပြီး ဥယျာဉ်သာရပ်ထဲက သွားရတယ်။ မူလတန်းကျောင်းကလည်း ဥယျာဉ်သာရပ်ထဲမှာပဲ ရှိတယ်။
ကျော်ဆွေက တံတားထိပ်က သရက်ပင်ကြီးအောက် အမြဲလိုလို ထိုင်တတ်သလို၊ ကျော်ဝေကလည်း မင်္ဂလာရပ် တံတားထိပ်က အရက်ဆိုင်ကို အမြဲရောက်တတ်တယ်။
ကျော်ဝေက မြှောက်ပေးတဲ့သူရှိရင် ကျော်ဆွေ့ကို ပြိုင်တတ်တယ်။ ကျော်ဆွေ့ဆီသွားပြီး “ဟေ့ကောင် … လာ ရေကူးပြိုင်ရအောင်” ဆိုပြီး အတင်းခေါ်တယ်။ ကျော်ဆွေက မလိုက်ဘူး၊ အတင်းရုန်းတယ်။ ရေကြောက်ပုံရတယ်။ ဒီနေရာရောက်တာ ကြာပေမယ့် ရေချိုးတာ ဘယ်သူမှ မမြင်ဖူးကြဘူး။ ကျော်ဆွေ အတင်းရုန်းတော့ ကျော်ဝေ တဟားဟားရယ်ပြီး …
“အလကားကောင် လူကြောက် … သတ္တိလည်း မရှိဘူး … ရေကူးတာ … ဘာခက်တာမှတ်လို့ … ကြည့်” ဆိုပြီး မှောက်လျက်ကူးလိုက်၊ ပက်လက်ကူးလိုက်၊ ရေငုပ်ပြလိုက်၊ တံတားပေါ်တက်ပြီး ဒိုင်ဗင်ထိုးပြလိုက်၊ ကျွမ်းထိုးပြလိုက်နဲ့ ပေါ့။
ကျော်ဆွေက ကျော်ဝေ့ကို ကြည့်မနေပါဘူး။ ပါးစပ်က ပွစိ ပွစိ လုပ်နေတာပါ။ တစ်ခါတစ်ရံ ကျော်ဝေက သစ်ပင်တက် ပြိုင်တယ်။ သရက်ပင်ပေါ် တက်လိုက် ဆင်းလိုက်ပေါ့။ တစ်ခါတစ်ရံ ‘ယိ … ယား’ ဆိုပြီး သိုင်းလိုလို၊ ဂျူဒိုလိုလိုနဲ့ လက်တွေ ကိုးရိုးကားရား လုပ်ပြတယ်။ ခြေတွေ ကန်ပြတယ်။
တစ်ခါတော့ ကျော်ဝေက ကျော်ဆွေကို ပြိုင်ဖို့ ရောက်လာတယ်။ ပါးစပ်တောင် မဟရသေးဘူး ကျော်ဆွေ ဆီးပြီး …
“ဟေ့လူ … မင်း လေယာဉ်မောင်းတတ်လား … ယူကေ ရောက်ဖူးလား … နယူယောက်ရောက်ဖူးလား … မင်း ဒီလိုပြောတတ်လား” ဆိုပြီး အင်္ဂလိပ်လိုတွေ ကျော်ဝေ့ကို ပြောတော့တာပေါ့။
ဒီတော့ ခါတိုင်း ပြိုင်တိုင်း နိုင်နေကျ ကျော်ဝေခမျာ အံ့သြပြီး နားထောင်နေတာပေါ့။ အစကတော့ အင်္ဂလိပ်စကား ဟုတ်တုတ်တုတ်ပါပဲ၊ နောက်တော့ အဖျားရှူးသွားတာပါပဲ။ လမ်းသွားတွေကလည်း ကျော်ဝေနဲ့ ကျော်ဆွေ့အဖြစ်ကိုကြည့်ပြီး ပြုံးရမလို၊ ရယ်ရမလို ဖြစ်ကုန်တာပေါ့။
* * *
(၄)
တစ်ရက်တော့ ထုံးစံအတိုင်း ကျော်ဝေ စိတ်ဖောက်တယ်။ နေပူကျဲကျဲမှာ တင်ပျဉ်ခွေထိုင်ပြီး နေကို မော့ကြည့်နေတယ်။ ပါးစပ်က တွေ့ကရာတွေ ရွတ်နေတယ်။ နောက် အသံက ပိုကျယ်ကျယ်လာပြီး နေရာကနေ ‘ဝုန်း’ ခနဲ ထတယ်။ လျှောက်ပြေးတယ်။ တံတားပေါ်ရောက်တော့ နေ့လယ်ကျောင်းဆင်းလာတဲ့ ကလေးတွေက ရှောင်ပြေးကြတယ်။ ကျော်ဝေက ကလေးတစ်ယောက်ကို ဖမ်းပြီး ရေမြောင်းထဲ လွှင့်ပစ်လိုက်တယ်။ နောက် တဟားဟား အော်ရယ်နေတယ်။
နေ့လယ်ဆိုတော့ လူသွားလူလာ မရှိဘူး။ ကျောင်းသားလေးတွေပဲ ရှိတယ်။
“ကယ်ကြပါဦး”
“နေမင်းသားက ဖိုးထူးကို ရေထဲပစ်ချလို့”
ကလေးတွေ ဝိုင်းအော်ကြတယ်။
ရေတွေက မြောင်းထဲ ပြည့်နေတယ်။ ကလေးက ရေထဲ နစ်ချည်ပေါ်ချည် ဖြစ်နေတယ်။ ဒီအချိန်မှာ သရက်ပင်အောက်က ကျော်ဆွေ ပြေးလာတယ်။ ရေထဲ ခုန်ဆင်းပြီး ကလေးကိုကယ်တယ်။ ရပ်ကွက်ထဲက လူတွေလည်း ကလေးတွေ အော်သံကြောင့် ပြေးလာကြတယ်။ ကျော်ဆွေက ကလေးကိုပွေ့ပြီး ကမ်းနားရောက်လာတယ်။ ကလေးကို ဖင်တွန်းပြီး ကမ်းပေါ်တင်တယ်။ ကလေးတွေက လက်ကိုဆွဲပြီး တင်ကြတယ်။ မြောင်းက ရေစီးနေတယ်။ ကျော်ဆွေက ရေထဲမြုပ်သွားတယ်။ လူတွေရောက်လာပြီး ကျော်ဆွေ့ကို ဆင်းဆယ်ကြတယ်။ ကျော်ဆွေက ရေမွန်းပြီး သတိမရဘူး။ ကျော်ဆွေနဲ့ ဖိုးထူးကို ဆေးရုံကြီး ပို့လိုက်ကြတယ်။ ဖိုးထူးက ကံကောင်းစွာနဲ့ မသေပေမယ့် ကျော်ဆွေကတော့ ကံဆိုးစွာနဲ့ သေသွားတယ်။
ကျော်ဝေလည်း သွက်သွက်ခါအောင် ရူးသွားတယ်။ ရပ်ကွက်ထဲက ပျောက်သွားလိုက်တာ ဘယ်ရောက်လို့ ဘယ်ပေါက်နေမှန်းတောင် မသိကြဘူး။ သေသလိုလိုတောင် ကြားရတယ်။
* * *
(၅)
ပျောက်သောသူ ရှာရင်တွေ့၊ သေသောသူ ကြာရင်မေ့ ဆိုသလို နေမင်းသား ကျော်ဝေကို မေ့မေ့ပျောက်ပျောက် ဖြစ်ကုန်ကြပါပြီ။ အနှစ် ၄၀ ကြာတော့ ကျော်ဝေဆိုတာ ကုန်စုံဆိုင်ပိုင်ရှင် ‘ဦးကျော်ဝေ’ လား၊ ဆိုက်ကားသမား ‘ကိုကျော်ဝေ’ လားလို့ ဖြစ်ကုန်ကြပြီ။
အဲ … ‘ကျော်ဆွေ’ အမည်ကျတော့ အခုချိန်ထိ လူတွေပါးစပ်ထဲ ရှိနေတုန်းပါ။
ဘာပြုလို့လဲဆိုတော့ ဖိုးထူးမိဘတွေက ‘သစ်သားတံတားလေး’ ကို ‘ကွန်ကရစ်အုတ်တံတား’ အဖြစ် ပြင်လိုက်ကြတယ်။ သူ့သား ဖိုးထူးရဲ့အသက်သခင် ‘ကျော်ဆွေ’ ကို ဂုဏ်ပြုတဲ့အနေနဲ့ ‘ကျော်ဆွေတံတား’ လို့ တံတားထိပ် ကျောက်စာမှာ ‘ကမ္ပည်းအက္ခရာ’ တင်ခဲ့တာကိုး။ ကျော်ဆွေ့အတွက်လည်း ရေစက်ချ အမျှဝေပေးခဲ့တယ်။
“ကျော်ဆွေဆိုတာ ဘယ်သူလဲ” မေးရင် …
စိတ်ရောဂါကု ဆရာဝန်ကြီး ဒေါက်တာဖိုးထူးက …
“အလွန် အကြင်နာတရားရှိတဲ့ သဘာဝမင်းသားတစ်ယောက်ပါဗျာ” လို့ မြိန်ရေရှက်ရေ ပြောတတ်ရှာတယ်။
ရွှေအမြုတေမဂ္ဂဇင်း၊ ဧပြီလ ၂၀၀၉။
* * * * *
သစ္စာအရောင်မသိသူ
(၁)
ညလယ်ရောက်မှ လျှပ်စီးတွေလက်၊ မိုးကြိုးတွေထစ်ပြီး ရုတ်တရက် မိုးက သဲသဲမဲမဲ ရွာချလိုက်သည်။
ဘကြီးမိုးသည် ကင်းတဲကဲလားနှစ်ခုကို ချလိုက်သည်။ သန်းမောင်ကတော့ ကင်းတဲပေါ်မှာ မူးမူးနဲ့ စန့်စန့်ကြီး အိပ်ပျော်နေသည်။ လျှပ်စစ်မီးကလည်း ပျက်သွားသည်။
သည်တော့ ရပ်ကွက်လေးမှာ မှောင်နှင့်မည်းမည်း ဖြစ်သွားသည်။
ရှေ့ကဲလားကို ချမည်အလုပ် မသီတာကို သွားသတိရမိသည်။ ကင်းတဲဘေးက ကွပ်ပျစ်ပေါ်မှာတော့ မရှိ။ ခပ်လှမ်းလှမ်းက ဗာဒံပင်အောက်ကြည့်လိုက်တော့ မှောင်နေ၍ ဘာမှမမြင်ရ။
မသီတာ ဆိုတာက စိတ်ဝေဒနာရှင်မလေး။ ဒီမင်္ဂလာရပ်ကွက်လေးကို ရောက်လာသည်မှာ တစ်လကျော်ကျော်လောက်ပဲရှိမည်။ အသက် ၂၀ နဲ့ ၃၀ အတွင်းရှိမည်။ ပိန်ပိန်ပါးပါး၊ ဖြူဖြူသန့်သန့်၊ အရပ်မြင့်မြင့်လေး ဖြစ်သည်။ ရောက်ခါစက တောင်ကြည့်မြောက်ကြည့်နဲ့ ထိတ်လန့်နေပုံရသည်။ မျက်လုံးတွေက လည်နေသည်။ ကားသံ၊ ဆိုင်ကယ်သံကြားလျှင် တုန်လှုပ်သွားသည်။ ဗာဒံပင် ပင်စည်နောက်ဖြစ်စေ၊ ကွပ်ပျစ်အောက်ဖြစ်စေ၊ တွေ့ရာ အကွယ်တစ်ခုခုမှာ ဝင်ပုန်းနေတတ်သည်။
ဘယ်ကလာသည် မသိ။ ကြောက်တတ်သည်မှ လွဲ၍ အေးသည်။ အခြားစိတ်ဝေဒနာရှင်တွေလို နှုတ်ကလည်းမကြမ်း၊ လက်ကလည်း မသရမ်းပေ။ ဘယ်သူ့ကိုမှလည်း ဒုက္ခမပေးပေ။ ဒါကြောင့် သူမကို ‘သီတာ’ လို့ ခေါ်ကြသည်။ သနားကြသည်။ စားစရာလေးတွေ ပေးကြသည်။ အထူးသဖြင့် ဒေါ်တင်တင်ကြီးက သီတာကို ပိုစောင့်ရှောက်သည်။ ထမင်းချိန်တန် ထမင်း၊ မုန့်ချိန်တန် မုန့် ကျွေးသည်။ ဒီတော့ မသီတာက ဒေါ်တင်တင်ကြီး တိုက်ရှေ့က ဗာဒံပင်အောက်မှာ အနေများသည်။ တစ်ခါတစ်ရံ ကင်းတဲနားက ကွပ်ပျစ်မှာနေသည်။ ဒေါ်တင်တင်ကြီးက ဖျာနဲ့ခေါင်းအုံး၊ စောင်ဟောင်းလေးတွေကို မသီတာအတွက် ထုတ်ပေးထားသည်။ ဗာဒံပင်နဲ့ ကင်းတဲက ဝါးဆယ်ပြန်လောက်ပဲ ဝေးမည်။
ဘကြီးမိုးကလည်း မသီတာကို မုန့်ပဲသရေစာများ ကျွေးမွေးတတ်ပါသည်။
“ဆရာကတော်ရယ် … မသီတာလေးက သနားပါတယ် … တိုက်ထဲ ခေါ်ထားပါလား”
ဘကြီးမိုးက ဆရာကတော် ဒေါ်တင်တင်ကြီးကို တိုက်တွန်းဖူးသည်။
“မဖြစ်ပါဘူး ကိုမိုးရယ် … ဗေဒင်က ဒီနှစ်အတွင်း အိမ်ထဲ လူအဝင်မခံနဲ့တဲ့ … အပူမီးတွေ့တတ်တယ်လို့ ဟောထားတယ် … ဒါကြောင့် မြနှင်းလေးတောင် တောပြန်လွှတ်ထားရတယ်”
ဆရာကတော့်စကားကြောင့် ဆရာ့အကြောင်းကို အတွင်းသိဖြစ်ခဲ့သော ဘကြီးမိုးတစ်ယောက် ရင်ထဲမှာ ကျိတ်ပြုံးမိသည်။
ဒေါ်တင်တင်ကြီး၏ခင်ပွန်း ဦးတိုင်းကျော်သည် ဘကြီးမိုး၏ ဆရာရင်းဖြစ်ခဲ့သည်။ ကျေးဇူးတွေ ဆပ်မကုန်နိုင်အောင်ရှိခဲ့သည်။ ဆရာဦးတိုင်းကျော်သည် ဌာနဆိုင်ရာအရာရှိကြီး ဖြစ်သည်။ အငြိမ်းစား ယူထားသည်။
မသီတာသည် ဗာဒံပင်အောက်တွင် အနေများသည်။ တစ်ခါတစ်ရံမှသာ ကင်းတဲနားက ကွပ်ပျစ်ပေါ်တွင် လာထိုင်တတ်သည်။
မိုးရွာတော့ မသီတာလေးခမျာ ဘယ်လိုအိပ်မလဲဟု တွေးလိုက်မိသည်။ ဆရာကတော်ရှိလျှင် အိမ်ထဲခေါ်သိပ်မှာ သေချာသည်။ ဆရာကတော်က ဆရာကန်တော့ပွဲအတွက် တောင်ကြီးမြို့ကို သွားနေသည်။
ဘကြီးမိုးသည် ထီးနဲ့ ဓာတ်မီးကိုယူကာ ကင်းတဲပေါ်က ဆင်းလိုက်သည်။
“ဘကြီးမိုး ဘယ်လဲ”
သန်းမောင်က ခေါင်းထောင်ပြီး အိပ်ချင်မူးတူးနဲ့ မေးသည်။
“သီတာလေးဆီပါကွာ”
ဘကြီးမိုးက တိုတိုပဲပြောပြီး ဗာဒံပင်ဘက် ထွက်ခဲ့သည်။ ဗာဒံပင်အောက်ကို လက်နှိပ်ဓာတ်မီးနှင့် ထိုးကြည့်တော့ ဖျာလေးသာ မိုးရေတွေရွှဲနစ်နေသည်။ မသီတာကိုမတွေ့ အနီးအနားများ သွားပြီး မိုးခိုလေသလားဟု တွေးပြီး လိုက်ရှာသည်။ မတွေ့။ အိမ်တွေဆီ မျှော်ကြည့်ပြန်သည်။ မှောင်နဲ့မည်းမည်း ဘာမျှမမြင်ရပေ။ စိတ်ပူသွားသည်။ ဗာဒံပင်အောက် ပြန်ရောက်လာသည်။ ဆရာဦးတိုင်းကျော်တိုက်ဆီ မျက်စိရောက်သွားသည်။ တိုက်အောက်တွင် မီးရောင်လေး တွေ့ရသည်။
ဘကြီးမိုး တွေခနဲ ဖြစ်သွားသည်။ တိုက်ကြီးဆီ ငေးကြည့်နေမိသည်။ ဆရာကတော်မရှိ။ ဆရာကရော မူးနေပြီလား။ လျှပ်စီးတွေ ဝင်းခနဲ လက်နေသည်။ မိုးကြိုးတွေက ထစ်ပြီးပစ်နေသည်။ မိုးက သဲသဲမဲမဲ ရွာချနေသည်။
ဘကြီးမိုး မျက်စိမှိတ်လိုက်သည်။ သက်ပြင်းရှည် ချလိုက်မိသည်။ လေးလံသော ခြေလှမ်းများနဲ့ ကင်းတဲလေးဆီ ပြန်သွားခဲ့သည်။
“ဘကြီးမိုးကလည်း မိုးကြိုးတွေပစ်လို့ ကြောက်ရတဲ့အထိ ကြာလိုက်တာဗျာ … သီတာ့ကို တွေ့ခဲ့လား” လို့ ကိုသန်းမောင်က ဆီးပြီး အပြစ်တင်သံနဲ့ မေးသည်။
* * *
(၂)
ဘကြီးမိုး နာမည်ရင်းက ဦးတင်မိုးပါ။ ယခင်က ဌာနဆိုင်ရာတစ်ခုတွင် ယာဉ်မောင်းဖြစ်သည်။ အသောက်အစား၊ အပျော်အပါး ကင်းပြီး အလုပ်ကြိုးစားသူ၊ ရိုးသားမှုနဲ့ တိုင်းဦးစီးမှူးအဆက်ဆက် လက်သုံးဖြစ်ခဲ့သည်။ ဆရာ ဦးတိုင်းကျော်ကျတော့ ပို၍ တပည့်ရင်းဖြစ်ခဲ့သည်။
ဆရာဦးတိုင်းကျော်က ဝဝဖိုင့်ဖိုင့်၊ ထောင်ထောင်မောင်းမောင်း ဖြစ်သည်။ ပျော်ပျော်ပါးပါး နေတတ်သည်။ ရုံးအားရက်တွင် ဂေါက်သီးကစားတတ်သည်။ မန္တလေးတောင်ဂေါက်ကွင်း၊ ရေတံခွန်တောင်ဂေါက်ကွင်းသာမက ပြင်ဦးလွင်ထိ တက်ပြီးလည်း ဂေါက်ကစားတတ်သည်။ အပေါင်းအသင်းတွေနဲ့ အဖျော်ယမကာလေးဟဲပြီး ပျော်တတ်သည်။
ဆရာကတော် ဒေါ်တင်တင်ကြီးက တောင်ကြီးတက္ကသိုလ်တွင် ပါမောက္ခအဖြစ် တာဝန်ထမ်းနေသည်။ ဆရာ့သားက ဂျပန်မှာ၊ ဆရာ့သမီးဆရာဝန်က ရန်ကုန်မှာ၊ ဒီတော့ ဆရာက လွတ်လပ်နေသည်။ ဆရာ့ရဲ့သွားရေး သောက်ရေးကို ဦးတင်မိုးက တာဝန်ယူရသည်။ ဆရာ့ရဲ့ စားရေးနှင့် အိမ်သန့်ရှင်းရေးကိုတော့ ဦးတင်မိုးဇနီး ဒေါ်နုက တာဝန်ယူပေးရသည်။
တစ်ခါတစ်ရံ သီချင်းကြိုက်သော ဆရာ့ကို ကာရာအိုကေဆိုင်တွေ ပို့ရသလို၊ အကြောတက်သည့်အခါ အနှိပ်ခန်းတွေ ပို့ရတတ်သည်။ ထိုအခါများတွင် ဆရာက …
“ကိုမိုး … နှုတ်လုံနော်” ဟု သတိပေးတတ်သည်။
ဦးတင်မိုးကလည်း …
“စိတ်ချပါဆရာ … တင်မိုးက ဆရာ့အပေါ် အမြဲသစ္စာရှိပါတယ်” ဟု ဖြေတတ်သည်။
ဦးတင်မိုး သက်ပြည့်ပင်စင်ယူတော့ ဦးတိုင်းကျော်က …
“ကိုတင်မိုး … ခင်ဗျား ပင်စင်ယူပြီးရင် ဘယ်မှာနေမှာလဲ … ကိုယ့်ရပ်ကိုယ့်မြို့ ပြန်မှာလား” ဟု မေးသည်။
ဦးတင်မိုးတွင် ကိုယ်ပိုင်အိမ်မရှိ။ လုပ်သက်တစ်လျှောက် တိုင်းရုံးထဲက ဝန်ထမ်းအိမ်ရာမှာပဲ နေခဲ့သည်။ သားသမီးသုံးယောက် ရှိသည်။ အားလုံး အိမ်ထောင်သည်တွေ။ သားကြီးမိသားစုက မြို့သစ်မှာ အိမ်ငှားနေသည်။ သမီးကတော့ ယောက္ခမအိမ် လိုက်နေသည်။ သားငယ်တို့ကတော့ ဦးတင်မိုးတို့နဲ့ပဲ နေသည်။
“ကျွန်တော်က ရွှေဘိုကပါ … မြို့ကထွက်လာတာ အနှစ်လေးဆယ် ကျော်ပြီဆိုတော့ ဇာတိနဲ့လည်း စိမ်းနေပါပြီ … သားသမီးတွေက မန္တလေးမှာ အခြေကျနေပြီဆိုတော့ ပင်စင်ယူပြီးရင် မြို့သစ်ဘက် အိမ်ငှားနေမလို့ စိတ်ကူးထားတယ် ဆရာ … ”
“ကျွန်တော် … မြို့အရှေ့ဘက်က မင်္ဂလာရပ်ကွက်မှာ ဝင်းကျယ်ကျယ် ဝယပြီး တိုက်ဆောက်ထားတယ်၊ ကိုမိုး အသိပဲလေ … ကျွန်တော်က ပင်စင်ရဖို့ ငါးနှစ်လောက် ကျန်သေးတယ် … ဒီကြားထဲ ရာထူးတိုး ပြောင်းစရာလည်း ရှိတယ် … ဒါကြောင့် ကိုတင်မိုးတို့မိသားစု ကျွန်တော့်တိုက်ကို စောင့်ပေးရင်း နေကြလေ”
ဆရာ့စကားကြောင့် ရေငတ်တုန်း ရေတွင်းထဲကျသလို ဖြစ်သွားရသည်။ “ကျေးဇူးပါဆရာ” လို့ အခါခါ ပြောမိသည်။ ပင်စင်ယူပြီးသာအခါ မင်္ဂလာရပ်ကွက်က ဆရာ့တိုက်ကို ပြောင်းလာကြသည်။
မင်္ဂလာရပ်ကွက်က မန္တလေးအရှေ့ဘက် မြို့ဆင်ခြေဖုံးဖြစ်သည်။ ဆရာ့လို အရာရှိကြီးတွေက ပင်စင်ယူပြီးရင် အေးအေးဆေးဆေး နေရန်အတွက် လမ်းမကျယ်ပေါ်တွင် ဝင်းကျယ်ကြီးတွေ ဝယ်ကာ တိုက်ဆောက်ထားကြသည်။ အလယ်အလတ်ဝန်ထမ်း၊ ကုန်သည်ပွဲစားနှင့် လက်လုပ်လက်စားများသည် အသင့်အတင့် မြေဝယ်ကာ အိမ်ဆောက်နေကြသည်။
ဆရာ့ဝင်းက ကျယ်သည်။ သရက်ပင်က အပင်သုံးဆယ်ကျော်သည်။ ဦးတင်မိုးက မြေကိုပြုပြင်ပြီး စားစရာအပင်လေးတွေ စိုက်သည်။ ဟင်းစားအတွက် မပူရ။ ဆရာ့ဆီပို့တော့ “ကျွန်တော်က ရောင်းစားရမှာလား” ဆိုပြီး ရယ်သည်။ သည်တော့ အိမ်နီးချင်းတွေကို ပေးသင့်သူပေး၊ ရောင်းသင့်သူရောင်းနှင့် အဆင်ပြေနေသည်။
တိုက်ကကျယ်တော့ သားကြီး မိသားစုနှင့် သမီးမိသားစုပါ လာနေကြသည်။ သားတွေ၊ သမီးတွေ၊ သမက်တွေ၊ ချွေးမတွေ၊ မြေးတွေနှင့် ပျော်စရာကောင်းလှသည်။
အနေကြာလာတော့ ရပ်ကွက်လေးနှင့် အသားကျလာသည်။ ရပ်ကွက်သာရေး၊ နာရေးလုပ်ငန်းများတွင် ဦးတင်မိုး ရှေ့တန်းက ပါလာသည်။ ရပ်ကွက်ဓမ္မာရုံလေး ဆောက်တော့လည်း ဦးတင်မိုးက အားကြိုးမာန်တက် ဆောင်ရွက်သည်။ အသောက်အစား၊ အပျော်အပါးကင်းသော ဦးတင်မိုးကို ရပ်ကွက်က ခင်တွယ်ကြသည်။ အားကိုးကြသည်။ ကြည်ညိုကြသည်။ ‘ဘကြီးမိုး’ ဟု လေးလေးစားစား ခေါ်ဝေါ်ကြသည်။
ဆရာဦးတိုင်းကျော် ပင်စင်ယူပြီးတော့ ပြောင်းလာကြသည်။ ပြောင်းလာသည် ဆိုသော်လည်း ဆရာနှင့် ဆရာကတော်တို့သာ ဖြစ်သည်။ အိမ်ဖော်မလေးတစ်ယောက် ပါသည်။
ဦးတိုင်းကျော်က ဘကြီးမိုးတို့အတွက် ဝင်းအနောက်ဘက်ထောင့်က ပေ ၄၀ x ၃၀ မြေကို ပေးသည်။ ၃ ပင် ၂ ခန်း ထရံကာ၊ သွပ်မိုး၊ ဒူးတုပ်အိမ်လေးလည်း ဆောက်ပေးသည်။ အဖီလေးတွေ ချလိုက်တော့ မိသားစုအားလုံးအတွက် နေလောက်ထိုင်လောက် ရှိပါသည်။
ဘကြီးမိုးက ဆရာ့ဝင်းထဲက သစ်ပင်များကို နေ့စဉ် ရေလောင်း ပေါင်းသင်ပေးသည်။ သားသမီးတွေကလည်း အားသည့်အချိန် ကူလုပ်ပေးသည်။ ဒေါ်နုကလည်း ဆရာကတော် လက်တိုလက်တောင်း ခိုင်းသမျှ လုပ်ပေးသည်။
မနှစ်က ဒေါ်နု ဆုံးသည်။ ဘကြီးမိုး တရားနှင့် ဖြေသော်လည်း မပြေ။ စိတ်လေနေသလို၊ ဟိုသွားဒီသွား ဖြစ်နေသည်။ ထို့ကြောင့် ဆရာက အလုပ်တစ်ခုခု လုပ်ဖို့ပြောသည်။ အဆင်ပြေချင်တော့ ကင်းတဲမှာ အလုပ်ရသည်။ ကင်းတဲက ဆရာ့တိုက်နှင့် မျက်စောင်းထိုး လမ်းဆုံမှာ ရှိသည်။
* * *
(၃)
နောက်နှစ်လခန့်ကြာတော့ မင်္ဂလာရပ်ကွက်လေးတွင် ရတနာပုံFC ဘောလုံးအသင်း ဗိုလ်စွဲသည့်သတင်းနှင့်အပြိုင် လူအများ စိတ်ဝင်စားသည့် သတင်းတစ်ခု ပေါ်လာသည်။
မသီတာကလေး ကိုယ်ဝန်ရှိနေပြီဆိုသော သတင်းပင် ဖြစ်သည်။
ဒေါ်တင်တင်ကြီးသည် နေ့တိုင်မြင်နေရသော မသီတာကို သနားပြီး ဆေးကုရန်အတွက် ဆရာဝန်ဆီ ခေါ်သွားရာမှ မသီတာတွင် ကိုယ်ဝန်ရှိနေကြောင်း သိရသည်။ သတင်းက ချက်ချင်း ပျံ့နှံ့သွားသည်။ ကြားရသူအပေါင်း မယုံချင်။ ကိုယ်တိုင်ပြေးကြည့်ကြမှ ဗိုက်လေးပေါ်တွင် ဘူးသီးလတ်လတ်လေးတစ်ခြမ်း ကပ်ထားသလို မြင်ရလို့ အံ့သြကုန်ကြသည်။
မသီတာကို သနားကြသလို၊ ယုတ်မာသွားသူကိုလည်း ရွံမုန်းကသည်။ အာကြမ်းသူများက ကိုင်တုတ်ကြသည်။ ရပ်ကွက်လူကြီးလည်း မနေသာ။ ကင်းတဲစောင့်များဖြစ်သည့် ဘကြီးမိုးနှင့် သန်းမောင်ကို ခေါ်မေးသည်။
နှစ်ယောက်စလုံးက “မသိပါဘူး” ဟုပဲ ဖြေသည်။
သို့ပေမယ့် ရပ်ကွက်က လက်မခံပေ။
“ဒင်းတို့ … ကင်းတဲနားမှာနေတာ ဒင်းတို့သိရမယ် … မသိရင် ဒင်းတို့ပေါ့” ဟု တွေးကြသည်။ ပြောကြသည်။ အထူးသဖြင့် သန်းမောင်ကို ထင်နေကြသည်။
ကင်းတဲနားဖြတ်သွားလျှင် …
“သေချင်းဆိုးတွေ … နှမချင်း သမီးချင်းမစာနာတဲ့ လူ့တိရစ္ဆာန်တွေ … ၊ အမှန်တရားပေါ်လို့ရှိရင် အမှုန့်ဖြစ်အောင် တစ်ရပ်ကွက်လုံးက ဝိုင်းကြိတ်ပစ်မယ် … ဟွန်း” ဆိုပြီး စောင်းပြောသွားတတ်ကြသည်။
ကင်းတဲဘက်လှည့်ပြီး “ထွီ … ထွမ်” လုပ်သွားတာက လူတိုင်းနီးပါးပါ။
“ဟေ့ … ကောင်မတွေ၊ စကားကြည့်ပြောကြနော် … သန်းမောင်က မဟုတ်ရင် မခံဘူး … အသက်ချင်းလဲပစ်မယ် … ဘာမှတ်သလဲ”
သန်းမောင်က လှမ်းကြိမ်းသည်။ ဘကြီးမိုးက …
“မင်းကလဲကွာ … မသိလို့ ပြောကြတာပါ” ဟု လေသံနဲ့ ပြောသည်။
“ဘာဗျ … ခင်ဗျားက ဟုတ်လို့ငြိမ်နေပေမယ့် ကျုပ်က မဟုတ်လို့ ငြိမ်မခံနိုင်ဘူး”
သန်းမောင်က ပြောပြောဆိုဆို ကင်းတဲပေါ်က ဆင်းကာ အရက်ဆိုင်ဘက် ထွက်သွားသည်။
အရက်မူးတော့ မိုးတစ်ညက ဘကြီးမိုး မသီတာရှိရာ ဗာဒံပင်အောက် သွားသည့်အကြောင်း ပိုပိုသာသာ ရှင်းပြနေသည်။
အားလုံး ပါးစပ်အဟောင်းသား ဖြစ်ကုန်ကြသည်။ မယုံချင်ကြပါ။ နောက်မှ …
“အေးလေ … ဇနီးဆုံးတာ တစ်နှစ်ကျော်တော့ သူလည်းလေ လောကီသားပေမို့ … ဟင်း ဟင်း … ဘကြီးမိုးခများ ကြီးမှ တစ်ခါတော့ မိုက်ရှာပေမပေါ့” ဟု အမူးသမားများက မှတ်ချက်ချကြသည်။
* * *
(၄)
အမူးသမားစကားက ပို၍ကားကာ တစ်ရပ်ကွက်လုံး ဟိုးလေးကျော်သွားသည်။ ဘကြီးမိုးကို မျက်နှာချင်းဆိုင်တွေ့လျှင် ဘီလူးသဘက်တွေ့သလို ရှောင်ကြသည်။ အမနာပစကားတွေနှင့် စောင်းမြောင်းကြသည်။ သားတွေ၊ သမီးတွေကလည်း မျက်နှာမကြည်၊ စကားမပြော ရှောင်နေကြသည်။
ရပ်ကွက်လူကြီးကလည်း ခေါ်ပြီး မေးပြန်သည်။
“သန်းမောင်ပြောတာ ဟုတ်လား”
“မဟုတ်ပါဘူး”
“ဒါဆို ဘယ်သူလဲ”
“မသိပါဘူး”
“မညာနဲ့နော် … တိုးတက်နေတဲ့ခေတ်ကြီးမှာ သွေးစစ်ကြည့်ရင် အဖြေကပေါ်မှာ”
ရပ်ကွက်လူကြီးက ခေတ်ပညာတတ်ပီပီ သွေးတိုးစမ်းမေးသည်။ ဘကြီးမိုး ခေါင်းငိုက်စိုက်ဖြစ်သွားသည်။ စဉ်းစားသည်။
“ကျွန်တော် မဟုတ်ရင်ရော”
“သန်းမောင်ကို စစ်မယ်”
“သန်းမောင် မဟုတ်ရင်ရော”
“ဒါဆို အနီးအနားက ယောက်ျားမှန်သမျှ စစ်မယ် … မဟုတ်သေးရင် တစ်ရပ်ကွက်လုံး ကျုပ်အပါအဝင် ယောက်ျားမှန်သမျှ စစ်မယ် … ဒါမှ အမှန်တရားပေါ်မှာ … ရပ်ကွက်သိက္ခာမကျမှာ”
ရပ်ကွက်လူကြီးက စိတ်ဆုံးဖြတ်ထားသည့် အလား။ ရဲရဲတင်းတင်း မာမာထန်ထန် ပြောသည်။
ဘကြီးမိုးက ခေါင်းကြီးငုံ့ပြီး စဉ်းစားနေသည်။
“စဉ်းစားပါ … သုံးရက်အချိန်ပေးမယ် … ကျုပ်ကတော့ ဥပဒေအရ လုပ်ရမှာပဲ”
ဘကြီးမိုး ခေါင်းငိုက်စိုက်ချပြီး လူကြီးအိမ်က ထွက်ခဲ့သည်။ ခြေဦးက ဆရာ့အိမ်ဘက် ရောက်သွားသည်။ ဆရာကတော်ကိုပဲ တွေ့ရသည်။ မျက်နှာက မကြည်။ ဆရာက ဆရာ့သမီးရှိရာ ရန်ကုန်ကို သွားနေသည်။ ဆရာကတော်က သူ့ကို အရင်ကလို ဟက်ဟက်ပက်ပက် စကားမပြော။
ဘကြီးမိုး ခေါင်းငိုက်စိုက်ချပြီး အိမ်ပြန်ခဲ့သည်။ အိမ်တွင် သားနှင့်သမီး မိသားစုများကို မတွေ့ရပေ။ သူတို့ပစ္စည်းတွေလည်း မရှိတော့။ ဘကြီးမိုးရင်ထဲ လှိုက်ဖိုကာ ငိုချင်သလို ဖြစ်သွားသည်။
“အဖေ မဟုတ်ပါဘူးကွယ်” ဟု ကုန်းပြီး အော်ဟစ်လိုက်ချင်သည်။
၃ ရက်အတွင်း အဖြေပေးရတော့မည်။ ဘယ်လိုအဖြေပေးရမလဲ။ အိမ်ပေါက်ဝတွင် ငူငူကြီးထိုင်နေမိသည်။ ဘယ်လောက်ကြာသည်မသိ။ နောက်ဆုံးတော့ သူ့အပေါ်ကောင်းခဲ့သည့် ဆရာ့အပေါ် သစ္စာရှိရမည်။ ဆရာ့အတွက် ပေးဆပ်သွားတော့မည်ဟု စိတ်ဆုံးဖြတ်လိုက်သည်။ သည်တော့ စိတ်က ပေါ့သွားသည်။
ဘကြီးမိုးသည် အရက်ဆိုင်ဘက် ထွက်ခဲ့သည်။ လူတွေက မျက်နှာအမျိုးမျိုးနှင့် ကြည့်နေကြသည်။
ဘကြီးမိုး အရက်ဆိုင်ထဲဝင်သွားတော့ အရက်သောက်နေသူတွေက အံ့သြစွာနှင့် ဝိုင်းကြည့်နေကြသည်။ တီးတိုးစကား ပြောကြသည်။ မျက်နှာလည်းပူ၊ ရင်လည်း ဆူသွားသည်။ စိတ်ကိုတင်းပြီး နီးရာစားပွဲမှာ ဝင်ထိုင်လိုက်သည်။
“ဟေ့ … အရက်ပေး”
အသံက တုန်ရီနေသည်။ အရက်သောက်သူတွေက ကွက်ကြည့် ကွက်ကြည့် ကြည့်နေကြသည်။ ဘယ်သူမှ မခေါ်မပြောကြ။ သည်အရက်သမားအားလုံး သည်ရပ်ကွက်ထဲကပါ။ ဘကြီးမိုးနှင့် သာရေးနာရေးမှာ တွေ့နေသူတွေ၊ ဘကြီးမိုးကို လေးစားကြသူတွေ၊ ဘကြီးမိုးက အမြဲဆုံးမစကား ပြောရသည့် သူတွေပါ။
အခုတော့ …
“ဒုန်း”
“ဟေ့ … ငါမှာတဲ့အရက် မရသေးဘူးလားကွ”
စားပွဲကို လက်သီးနှင့်ထုပြီး အော်ပြောလိုက်သည်။ သောက်နေသူတွေ ခေါင်းပြိုင်တူ လှည့်ကြည့်ကြသည်။ တစ်စားပွဲတည်းမှာ သောက်နေသူနှစ်ယောက်က စားပွဲပြောင်းသွားကြသည်။ စိတ်ထဲမှာ စပ်ဖျဉ်းဖျဉ်း ဖြစ်သွားသည်။
ဆိုင်ရှင်က အရက်တစ်လုံးနှင့် ပလတ်စတစ်ခွက်တစ်လုံး ချပေးသည်။ ရေဘူးချပေးသည်။ အမြည်းအတွက် မြေပဲဆားလှော်နဲ့ နှမ်းဖတ်ချဉ်ပန်းကန် လာချပေးသည်။
“ဟေ့ … ဒါ … ငါမမှာဘူးကွ … ”
အမြည်းပန်းကန်တွေ တွန်းလိုက်သည်။ ပုလင်းထဲက အရက်ကို ပလတ်စတစ်ခွက်ထဲ အပြည့်အလျှံ ထည့်လိုက်သည်။ အရက်ခွက်ကို တစ်ရှိန်ထိုး ကောက်မော့လိုက်သည်။
“အား … ဖွီး … ထွီ … ”
ရင်ထဲမှာ မီးစနှင့်အထိုးခံရသလို ပူသွားသည်။ အရက်များကို အမြန်ပြန်ထွေးလိုက်ရသည်။
“ဟား ဟား ဟား ဟား”
ဘကြီးမိုးအဖြစ်ကို ကြည့်ပြီး အရက်သမားများက ရယ်ကြသည်။
“ဒုန်း”
“ဘာရယ်တာလဲကွ”
စားပွဲကို လက်သီးနဲ့ထုပြီး ဟောက်လိုက်သည်။ ရယ်သူတွေ ချက်ချင်း အသံတိတ်သွားကြသည်။ ဆိုင်ထဲဝင်လာသော သန်းမောင်က မြင်သွားသည်။ ဆိုင်ထဲတွင် ဘကြီးမိုးကို တွေ့ရ၍ အံ့သြသွားသည်။ စားပွဲမှာ ဝင်ထိုင်လိုက်သည်။ ဘကြီးမိုးကို မျက်လုံးကျွတ်မတတ် ကြည့်မိသည်။
“ဘာကြည့်တာလဲ”
“အံ့သြလို့”
“ဒါ အံ့သြစရာလား … အံ့သြစရာတွေကို မင်းတို့ကြားပြီးပြီလေ … နောက်သုံးရက်ဆိုရင် ဒါထက် ပိုအံ့သြစရာတွေ မင်းတို့ကြားရဦးမယ် … ကဲ ထားပါ … မင်း အရက်သောက်မှာ မဟုတ်လား … ငါနဲ့ အတူတူသောက်”
ဘကြီးမိုးက ပလတ်စတစ်ခွက်ထဲ အရက်ထပ်ငှဲ့ထဲ့ပြီး မော့သောက်ဖို့ လုပ်သည်။ သန်းမောင်က လက်နှင့် ဆွဲယူထားလိုက်သည်။
“ဟာ … ဘကြီးမိုးကလည်း ဒီလောက်မကြမ်းနဲ့လေ … မြန်မြန်ရှောဘရားသား ဖြစ်သွားမှာပေါ့”
သန်းမောင်က အရက်ခွက်ကိုယူပြီး ရေနဲ့ စပ်ပေးသည်။ ဘကြီးမိုး ယူသောက်သည်။
“ဖြည်းဖြည်းသောက် … ”
“ထွီ … ”
သောက်ရသည်မှာ အဝင်မဆိုး၊ နောက်တစ်ခွက်သောက်တော့ စိတ်တွေ လျော့နည်းသွားသည်။ နောက်ခွက်တွေကျတော့ စကားတွေ ပြောချင်လာသည်။
“လာ ဘကြီးမိုး … လေးဖက်မထောင်ခင် အိမ်ပြန်ကြရအောင် … ”
သန်းမောင်က ဘကြီးမိုးကို အတင်းတွဲပြီး အိမ်ပြန်ပို့သည်။ ဘကြီးမိုးက မပြန်ချင်သေး။ မူးလဲသည်အထိ သောက်ချင်သေးသည်။ အရက်တွေ ဝယ်လာသည်။ အိမ်ရောက်တော့ ဆက်သောက်ကြသည်။
“ဟေ့ကောင် … ငါ့ကို ကတိတစ်ခုပေးမလား”
“ဘာကတိလဲ … အရက်သမားဆိုတာ အလကားနေရင်း ကတိမပေးနိုင်ဘူး … ဟဲ … ဟဲ … ”
“မင်းကို … ငါ ဒီနေ့ အရက်အဝတိုက်ထားတာလေ”
“ဟား … ဟုတ်တယ် … ၊ ကျေးဇူးရှင်ကြီး … ကတိပေးတယ် … ၊ ပြော … ဘာကိစ္စလဲ”
“ငါ့ဘဝနဲ့ဆိုင်တဲ့ ကိစ္စပါကွ … ငါ့ကို ငါ့သားသမီးတွေက ပစ်သွားကြပြီ … နောက်ပြီး ရပ်ကွက်ကလည်း ရွံရှာမုန်းတီးကြတော့မယ် … ဒီတော့ လောကကြီးထဲမှာ တစ်ယောက်ယောက်ကတော့ ငါ့အကြောင်းကို သိပြီး ရှိနေစေချင်တယ် … ဒါမှ ငါခံရလည်း ငါ့စိတ်ဖြေသာမယ် … မင်းကို ပြောပြချင်တယ် … ဒါပေမဲ့ ဘယ်သူ့မှ မင်းမပြောရဘူး … ငါ ထောင်ကျသွားလည်း မပြောရဘူး … ထောင်က လွတ်လာလည်း မပြောရဘူး”
“အိုကေ”
“မင်း … ပေါ့ပေါ့တန်တန် မပြောနဲ့ … လာ အရက်ခွက်ကိုင် … သစ္စာဆို”
ဘကြီးမိုးက အရက်ခွက်တစ်ခွက်ကို သန်းမောင်အား ပေးလိုက်သည်။ သန်းမောင် အရက်ခွက်ကို ကိုင်မြှောက်လိုက်သည်။
“ကျုပ်သည် ဘကြီးမိုးနဲ့ ပြောတဲ့အကြောင်းအရာကို ဘယ်သူ့မှ မပြောပါဘူးလို့ သစ္စာဆိုပါတယ် … ပြောမိပါက အရက်သစ္စာ သးပါစေသား”
သန်းမောင်က သစ္စာဆိုသည်။ ဘကြီးမိုးက ကျေနပ်သွားပြီး မိုးတစ်ညက အဖြစ်အပျက်ကို ပြောပြသည်။
“ဒါ … ဆို … ”
“ဟေ့ကောင် … မင်း သစ္စာဆိုထားတယ်လေ”
နောက်တော့ သန်းမောင်က တရှုံ့ရှုံ့နှင့် ငိုသည်။ ဘကြီးမိုးကတော့ တခေါခေါနဲ့ အိပ်ပျော်သွားသည်။
* * *
(၅)
နောက်ရက်လည်း ဘကြီးမိုးအိမ်တွင် ဘကြီးမိုးနှင့် သန်းမောင် နေ့ရောညပါ အရက်အတူတူ သောက်ကြသည်။
ဘကြီးမိုးက သူပြောသည့်ကိစ္စအား ဘယ်သူ့မှမပြောဖို့ အကြိမ်ကြိမ် သတိပေးသည်။
“စိတ်ချပါ … ” ဟု သန်းမောင်က အကြိမ်ကြိမ်ပြောသည်။
၃ ရက်မြောက်နေ့တွင် သန်းမောင်နိုးတော့ ဘကြီးမိုးမှာ ကြမ်းပြင်ပေါ်တွင် ခွေခွေလေး အသက်ပျောက်နေပြီ။
“ဟင်”
သန်းမောင် အိမ်ပေါ်က ဆင်းပြေးသည်။
“ဘကြီးမိုး သေပြီ … ဘကြီးမိုး သေပြီ”
ကြောက်အားလန့်အားနဲ့ ပြေးရင်းအော်သွားသည်။
ဘကြီးမိုးအိမ် လူတွေ ဝိုင်းအုံလာကြသည်။ မျက်နှာမှာတော့ ကြေကွဲမှုတွေ မတွေ့ရ။ ကြည့်ပြီး ပြန်သွားကြသည်။ ရပ်ကွက်လူကြီးကပဲ နာရေးကို စီစဉ်ပေးရသည်။ သားသမီးတွေကို လိုက်ရှာပြီး ခေါ်ပေးရသည်။
ဘကြီးမိုး ဈာပနသည် သွေ့ခြောက်ခြောက်နဲ့ ပြီးဆုံးသွားလေသည်။
* * *
(၆)
လူအကြောင်း သေသွားမှ ပြောကောင်းကြလေသလား မသိပေ။ ဘကြီးမိုး၏အကြောင်းကို မြောင်းပုပ်ပေါ် လေတိုက်သလို တလှိုင်လှိုင် ပြောနေကြသည်။
ဦးတိုင်းကျော် ရန်ကုန်ကရောက်လာတော့ တပည့်အကြောင်းကို ကြားရသည်။ မယုံ။
သန်းမောင်ကလည်း “မဟုတ်သည့်အကြောင်း” ပြောချင်သည်မှာ ပါးစပ်က ယားနေသည်။ သစ္စာဆိုထားလို့သာ။
လူတွေကတော့ ဘကြီးမိုး၏ မကောင်းသတင်းတွေကို မြိန်ရေ ရှက်ရေ ပြောနေကြသည်။ သီတာ့ကိုတော့ ပိုပြီး ကရုဏာပြုကြသည်။
တစ်ရက်တွင် မင်္ဂလာရပ်ကွက်တွင် အံ့သြစရာကိစ္စတစ်ခု ဖြစ်ပေါ်လာသည်။ ဘယ်သူမှ တွေးမထားသည့် ကိစ္စ။
ရေဦးမြို့က ကိုခင်မောင်ဦး ဆိုသူသည် ရပ်ကွက်လူကြီးအိမ် ရောက်လာသည်။ မသီတာကို လိုက်ကြည့်သည်။ “ဖြစ်မှဖြစ်ရလေ စန်းစန်းမြရယ်” ဆိုပြီး ဖက်ငိုသည်။ မသီတာကတော့ ရုန်းနေသည်။
သူ့မိန်းမ စန်းစန်းမြ ဆေးခန်းကို ကိုယ်ဝန်ဆောင်သွားအပ်ရင်း စီးသွားသည့် ဆိုက်ကားကို ကားတစ်စီးက ဝင်တိုက်ပြီး ထွက်ပြေးသွားသည်။ ဆိုက်ကားသမားမှာ သွေးအလိမ်းလိမ်းဖြင့် ဆေးရုံသို့ ပို့လိုက်ကြသည်။ ဆိုက်ကားပေါ်က လွင့်စင်သွားသော စန်းစန်းမြသည် ဒဏ်ရာမရသော်လည်း သွေးရူးသွေးတန်းနှင့် ထွက်ပြေးသွားသည်။ ဘယ်မှ ရှာလို့မရ လူပျောက်တိုင်ထားပြီး လိုက်ရှာနေသည်။
မန္တလေးမှာဆို၍ လိုက်ရှာသည်။ အခုလို သူ့မိန်းမကို စောင့်ရှောက်ထားသည့်အတွက် ကျေးဇူးတင်ပါကြောင်း ပြောပြီး မသီတာခေါ် စန်းစန်းမြကို ပြန်ခေါ်သွားသည်။
အားလုံး ပါးစပ်အဟောင်းသားဖြစ် ကျန်ရစ်ခဲ့ကြသည်။
“ဘကြီးမိုးက တကယ့်သူတော်ကောင်းကြီးပါအေ … ဘာကြောင့်များ သူမဟုတ်တဲ့ကိစ္စ ဖြေရှင်းမပြပဲ ဖုံးကွယ်ချင်ရတာလဲ” ဟု ပြောစရာ၊ တွေးစရာတွေ ဖြစ်ကုန်ကြသည်။
သန်းမောင်က အရက်မူးတိုင်း “ဘကြီးမိုးမဟုတ်ဘူးဆိုတာ ငါ တစ်ယောက်ပဲ သိတာကွ … ဘယ်သူ့မှ မပြောပါဘူးလို့ သစ္စာဆိုထားလို့ မပြောတာကွ” နှင့် ငိုသံကြီးနှင့် ပြောရှာသည်။
ဒေါ်တင်တင်ကြီးလည်း စိတ်မကောင်းဖြစ်ရသည်။ မိမိပယောဂ မကင်း။ ပညာတတ်ဖြစ်ပါလျက် “ကိုယ်ဝန်ဘယ်နှလရှိပြီလဲ” ဆိုသည့်မေးခွန်းကို ဆက်မမေးပဲ ဆရာဝန်က “ဟင် … ဒီကောင်မလေးမှာ ကိုယ်ဝန်နဲ့ပါလား” ဆိုတာနှင့် အံ့သြထိတ်လန့်သွားသည်။ ရပ်ကွက်ထဲကို ချပြခဲ့သည်။ ရပ်ကွက်က ယိုးစွပ်တာတွေကို ယုံခဲ့သည်။ မိမိ မစေ့စပ် မသေချာမှုအတွက် လူတစ်ယောက် ဘဝနိဂုံး စောခဲ့ရသည်ဟု တွေးမိတိုင်း စိတ်မကောင်း ဖြစ်ရတော့မည်။
စိတ်မကောင်း အဖြစ်ရဆုံးက ဦးတိုင်းကျော် ဖြစ်သည်။ သန်းမောင်ပြောပြလို့ မိုးတစ်ညက မသီတာကို ဦးတိုင်းကျော် တိုက်ထဲခေါ်သည်ဟု ဘကြီးမိုး ထင်နေသည်။ ထို့ကြောင့် သူ့ဆရာ၏ ကြီးမြတ်သည့် ဂုဏ်သိက္ခာကို သူ့သေးမွှားသည့် ဂုဏ်သိက္ခာနှင့် လဲဖို့ ဆုံးဖြတ်ထားသည်။
တကယ်တော့ ထိုနေ့ညနေစောင်းကတည်းက ဒေါ်တင်တင်ကြီးက ပြန်ရောက်နေသည်။ မိုးမိနေသော သီတာကို ဒေါ်တင်တင်ကြီးကပဲ တိုက်ထဲ ခေါ်သိပ်သည်။
“ဖြစ်ရလေ ကိုမိုးရယ် … ”
ရိုးသား၍ သစ္စာရှိရန်သာ သိ၍ သစ္စာအရောင် မခွဲခြားတတ်သော တပည့်ဖြစ်သူ ဘကြီးမိုးကို ဦးတိုင်းကျော်အဖို့ မိုးတွေရွာတိုင်း အမြဲသတိရနေမည်မှာ သေချာပေသည်။
ရွှေအမြုတွေမဂ္ဂဇင်း၊ ဧပြီလ ၂၀၁၀။
* * * * *
ပုဏ္ဏက
မင်္ဂလာရပ်ကွက်က မဉ္စူလမ်းမှာ ပုဏ္ဏကတိုက်လို့တဲ့ … ။
ကြားရတဲ့သူတွေ အံ့သြကြတာပေါ့။ မင်္ဂလာရပ်ကွက်ဆိုတာက မန္တလေးအရှေ့ဘက် ဆင်ခြေဖုံးရပ်ကွက်ဖြစ်ပေမယ့် မနေ့တစ်နေ့ကမှ ကွက်သစ်ပေါ်လာတာ မဟုတ်ဘူး။ ရပ်ကွက်တည်တာ နှစ်ပေါင်း ၂၀ ကျော်ပြီ။ ရပ်ကွက်ထဲ ပုဏ္ဏကတိုက်တယ်ဆိုတာ မကြားဖူးကြဘူး။
အခုမှ ထူးထူးဆန်းဆန်း ကြားရတော့တယ်။
မဉ္စူလမ်းမှာ ပုဏ္ဏကတိုက်တာက ၂ လကျော်လောက်ရှိပြီတဲ့။ အခုတော့ မဉ္စူလမ်းက အိမ်တွေသာမကဘူး၊ မဉ္စူလမ်းမြောက်ဘက်မှာရှိတဲ့ သဇင်လမ်း၊ တောင်ဘက်မှာရှိတဲ့ စံပယ်လမ်းက အိမ်တချို့ပါ ပုဏ္ဏကတိုက်ပြီတဲ့။ ကြားရတဲ့သူတွေကတော့ မယုံချင်ကြဘူး။ ဒါပေမဲ့ တကယ်ခံရတဲ့ မဉ္စူလမ်းမှာတော့ ပုဏ္ဏကကို နှင်ဖို့ နတ်ကနားပေးပြီ။ ဒီနတ်ကနားပွဲကို ဦးတိုင်းကျော်က မ,တည်ငွေ တစ်သိန်းထည့်ပြီး မဉ္စူလမ်း၊ သဇင်လမ်း၊ စံပယ်လမ်းတွေက အိမ်တွေကို အလှူခံပြီး ကျင်းပတာ။ ကနားစီးကတော့ မဉ္စူလမ်းထဲက နတ်ကတောဦးသိန်းက မေတ္တာနဲ့ လုပ်ပေးတယ်။
ကနားပွဲကို ဦးတိုင်းကျော် ဝင်းရှေ့က လမ်းပေါ်မှာ မဏ္ဍပ်ထိုးပြီး ကျင်းပကြတယ်။ ကနားပွဲမစခင် မနက်ပိုင်းမှာတော့ ဦးတိုင်းကျော်က ဘုန်းကြီး ၅ ပါးကို သူ့အိမ်မှာ ဆွမ်းကပ်တယ်။ ပရိတ်ရွတ်တယ်။ ရပ်ကွက်လူကြီးနဲ့ လမ်း ၃ လမ်းက လူတွေကိုဖိတ်ပြီး တရားနာတယ်။ ထမင်းဟင်းနဲ့ ဧည့်ခံတယ်။ ပရိတ်ရေကိုပွားပြီး ပုလင်းလေးတွေနဲ့ထည့်ပြီး ဝေတယ်။ ဦးတိုင်းကျော် သားသမီးတွေက မြို့ထဲနေတယ်ဆိုပေမယ့် လာလုပ်ပေးကြတယ်။ အိမ်နီးချင်းတွေကလည်း ကူညီကြတယ်။
နေ့လယ်ပိုင်းကစ,ပြီး နတ်ကနားပေးတယ်။ နတ်ကနားပွဲမစခင် ရွှေဆိုင်းတော်မှ ဗြောင်းဆန်အောင် ကရောင်းသံပေးပြီး ဗြုန်းတိုက်တယ်။ ပုဏ္ဏကနဲ့ မကောင်းမိစ္ဆာတွေကို နှင်ထုတ်တာပေါ့။ မန္တလေး ဘိုးဘိုးကြီး၊ အောင်ပင်လယ်ဘိုးဘိုးကြီး၊ နယ်တော်ရှင်၊ မြင်းဖြူရှင်၊ မြို့စောင့်နတ်၊ ရပ်ကွက်စောင့်နတ်၊ အတွင်း ၃၇ မင်း၊ အပြင် ၃၇ မင်းတို့ပါမကျန် ပင့်ဖိတ်ပြီး လမ်း ၃ လမ်းမှာ သောင်းကျန်းနေတဲ့ ပုဏ္ဏကနဲ့ မကောင်းမိစ္ဆာတွေကို နှင်ပေးဖို့ တောင်းပန်တယ်။ နတ်များကလည်း နတ်ကတော်တွေကို ဝင်ပူးပြီး ပုဏ္ဏကကို ချော့လိုက်၊ ခြောက်လိုက်၊ ကြိမ်းလိုက်နဲ့ နှင်ထုတ်ပေးကြတယ်။ နတ်ကတော် ဦးသိန်းဆိုရင် ဖနောင့်နဲ့ပေါက်ပေါက်ပြီး ပုဏ္ဏကကို အာဏာသံနဲ့ နှင်ပေးတာပေါ့။
* * *
ပုဏ္ဏက စတိုက်ခံရတဲ့အိမ်က မဉ္စူလမ်းထဲက ဦးတိုင်းကျော်အိမ်ပဲ။ ဦးတိုင်းကျော်က ဒီရပ်ကွက်သား မဟုတ်ဘူး။ ပြောင်းလာတာ မကြာသေးဘူး။ ၃ လနီးပါးလောက် ရှိဦးမယ်။
ဦးတိုင်းကျော်က ဈေးချိုနားက ဝါးတန်းရပ်က ပွဲစားကြီးဖြစ်တယ်။ အသက် ၆၀ ကျော်ပြီ။ အသားဖြူဖြူ၊ ဝဝဖိုင့်ဖိုင့်၊ ဥပဓိရုပ်ကောင်းသူ ဖြစ်တယ်။ သားသမီးတွေက ကုန်သည်ပွဲစားတွေ ဖြစ်တယ်။ ပွဲရုံကို သားအကြီးကို လွှဲထားတယ်။ အခုတော့ အသက်ကြီးလာတာက တစ်ကြောင်း၊ ဇနီးသည်ဆုံးလို့ ပူဆွေရတာက တစ်ကြောင်းကြောင့် ဆူဆူညံညံ လူစည်ကားတဲ့ ပွဲရုံတန်းမှာ မနေချင်တော့ဘူး။ နားအေးပါးအေး ပုတီးလေးစိပ်၊ တရားလေးထိုင်ပြီးပဲ နေချင်တယ်။ ဒါကြောင့် မင်္ဂလာရပ်ကွက်မှာ ဝယ်ထားတဲ့ ဝင်းထဲမှာ ၃ ပင် ၂ ခန်းပတ်လည် ဒူးတုပ်၊ နံကပ်၊ သွပ်မိုး၊ ပျဉ်ခင်းအိမ်လေးဆောက်ပြီး ပြောင်းလာတာ။
ဦးတိုင်းကျော်အတွက် ဝေယျာဝစ္စပြုလုပ်ပေးဖို့ သက်တူရွယ်တူ အဘိုးကြီးတစ်ယောက် ပါလာတယ်။ ဦးနက်တူးတဲ့၊ အသားမည်းမည်း၊ အရပ်ရှည်ရှည် ဖြစ်တယ်။ နားလေးတယ်။ မြင်းခြံနယ်က လူပျိုကြီးတဲ့။ ဦးတိုင်းကျော်နဲ့ ဆွေရိပ်မျိုးရိပ် မကင်းဘူး။ ဦးတိုင်းကျော် မင်္ဂလာရပ်ကွက် ပြောင်းလာမှ လှမ်းခေါ်လိုက်တာတဲ့။
ဦးတိုင်းကျော်တို့ဝင်းက ပေ ၂၀၀ ပတ်လည်လောက်ကျယ်တယ်။ သရက်၊ အုန်းပင်၊ မာလကာပင်တွေနဲ့ စိမ်းစိုနေတယ်။ အိမ်က အလယ်လောက်မှာ ဆောက်ထားတယ်။ ဝင်းထရံလည်း မြင့်မြင့် ကာထားတယ်။
ဦးတိုင်းကျော်က အိမ်ထဲက သိပ်ထွက်တာမဟုတ်ဘူး။ တရားထိုင်၊ ပုတီးစိပ်နေပုံရတယ်။ တစ်ပတ်တစ်ခါလောက်တော့ သူ့သားသမီးတွေက ကားနဲ့လာခေါ်လို့ မြို့ထဲ ပါသွားတတ်တယ်။
ဦးနက်တူးကတော့ ရပ်ကွက်ထဲ နေ့တိုင်းလိုလိုထွက်ပြီး ဈေးဝယ်တတ်တယ်။ တစ်ရက်မှာ ဦးတိုင်းကျော်နဲ့ ဦးနက်တူးတို့ ရပ်ကွက်လူကြီးဆီ ရောက်လာတယ်။
“ဦးလေးတို့ ထိုင်ကြခင်ဗျာ … ဘာကိစ္စများရှိလို့ပါလဲ”
ရပ်ကွက်လူကြီးက ဆီးပြီးမေးတယ်။ ဦးတိုင်းကျော်က ရပ်ကွက်လူကြီးရှေ့က ကုလားထိုင်တစ်ခုမှာ ဝင်ထိုင်တယ်။ ဦးနက်တူးက ရပ်နေလို့ ဦးတိုင်းကျော်က အနားမှာရှိတဲ့ ကုလားထိုင်ကို လက်ပုတ်ပြမှ ဝင်ထိုင်တယ်။
“အင်း … ကျွန်တော်က တိုင်တာတောတာတို့၊ သူများတွေ ဒုက္ခရောက်စေတော့ ဆိုတဲ့စကားမျိုးကို မပြောချင်ဘူး … နားအေးပါးအေး နေချင်လို့ … တရားထိုင် ပုတီးစိပ်ချင်လို့ ဒီကိုလာနေတာ၊ အခုတော့ တရားလည်း ကောင်းကောင်းထိုင်လို့ မရဘူး … အိပ်ကောင်းတုန်းဆို လန့်နိုးရပြီ … ၊ ဒါကြောင့် လာပြောတာပါ”
ဦးတိုင်းကျော်က အပြောင်းအလဲမရှိတဲ့ မျက်နှာနဲ့ လေသံတစ်ဖြောင့်တည်း ပြောတယ်။
“ဘာများ ဖြစ်လို့ပါလဲ ခင်ဗျာ … ပြောပါ ကျွန်တော်ကူညီနိုင်ရင် ကူညီပေးပါ့မယ်”
ရပ်ကွက်လူကြီးက ပြောတယ်။
“ဟင်း … ကျွန်တော့်အိမ် ညတိုင်း ခဲကျကျနေလို့ပါ”
“ဗျာ … ”
ရပ်ကွက်လူကြီး အံ့သြသွားတယ်။ သူတို့ရပ်ကွက်မှာ ခဲကျတယ်ဆိုတာ မကြားဖူးဘူးလေ။
“ဟို … ကလေးတွေ ငှက်ပစ်ရင်းနဲ့ လောက်စာလုံး ချော်ကျတာများလား”
“အင်း … ကျွန်တော်လည်း အစက အဲဒီလိုထင်တာပဲ၊ နောက်ပြီး ငှက်ကလေးတွေ ညောင်သီးတို့၊ သစ်သီးတို့ကို ကိုက်ချီပြီး အိပ်တန်းပြန်ရင်း ပြုတ်ကျတာလားလို့လည်း တွေးမိပါတယ် … ဒါပေမဲ့ မဟုတ်ဘူး၊ အိမ်ပေါ်ခဲကျတာက အစက တစ်ပတ်မှ တစ်ကြိမ်၊ နှစ်ကြိမ်ရယ် … အခုတော့ ရက်ခြား၊ ရက်ဆက်ဆိုသလို ကျနေတယ် … နားမခံနိုင်ဘူးဗျာ”
“ဘယ်အချိန် ကျတာလဲ”
“ည ဆယ်နာရီနဲ့ ဆယ့်တစ်နာရီ အတွင်းကျတယ် … ကျွန်တော် တရားမှတ်ချိန်ပေါ့၊ အဲ … တစ်ခါတစ်ရံ အိပ်မောကျတုန်း တစ်နာရီ၊ နှစ်နာရီပိုင်းလည်း ကျတယ် … ညလင်းပိုင်းလည်း ကျတတ်တယ်”
“ဒီက ဦးလေးရော … မကြားဘူးလား”
ရပ်ကွက်လူကြီးက ဦးနက်တူးကို လှမ်းမေးတယ်။ ဦးနက်တူးက ကြောင်ကြည့်နေတယ်။
“သူက နားလေးတယ်ဗျ … ဘယ်ကြားမလဲ”
ဦးတိုင်းကျော်က ဝင်ဖြေတယ်။
“သြော် … ဟုတ်သားပဲ”
သူတို့ကို ကြည့်နေတဲ့ ဦးနက်တူးက သူတို့ပြောနေတာတွေ သိပုံရတယ်။
“အင်း … ကျုပ်နားက သိကြားမင်း ဝရဇိန်လက်နက်နဲ့ အနားကပ်ပြီးခွင်းတောင် ကြားမယ့်ပုံ မပေါ်ပါဘူးဗျာ … စိတ်ညစ်ပါတယ်”
ဦးနက်တူးက စိတ်ပျက်သံနဲ့ ပြောတယ်။
“ကဲ ဦးလေးတို့ … စိတ်ချလက်ချပြန်ကြပါ … ကျွန်တော် စုံစမ်းပြီး အရေးယူပေးပါ့မယ်”
ရပ်ကွက်လူကြီးများက ပျားရည်နဲ့ ဝမ်းချလိုက်တော့ ဦးတိုင်းကျော်တို့ ပြန်သွားကြတယ်။
နောက် ရပ်ကွက်လူကြီးက ဆယ်အိမ်မှူးကို ခေါ်ပြီး ဦးတိုင်းကျော်အိမ် အနီးတစ်ဝိုက် စုံစမ်းကြည့်တယ်။
ဟုတ်တယ်၊ ဦးတိုင်းကျော်အိမ် ခဲကျသံကို အိမ်နီးချင်းတွေကလည်း သဲ့သဲ့ကြားတယ်လို့ ဖြေကြတယ်။
ဒီတော့ ဟုတ်ပြီ … ၊ ဦးတိုင်းကျော်အိမ်ကို တစ်ယောက်ယောက် ခဲနဲ့ပေါက်နေပြီ။ ရပ်ကွက်လူကြီးနဲ့ ဆယ်အိမ်မှူးစိတ်ထဲမှာ ပြေးမြင်တာက ဦးတိုင်းကျော်အိမ်နဲ့ မျက်နှာချင်းဆိုင်အိမ်က အရက်သမား ငမူးလှဝင်း ဖြစ်တယ်။ သူဖြစ်ဖို့များတယ်။ လှဝင်းကို ခေါ်မေးကြည့်တယ်။
“ဟေ့ကောင် … ဦးတိုင်းကျော်အိမ်ကို ခဲနဲ့ပေါက်တာ မင်းမဟုတ်လား … ဘာလို့ ပေါက်တာလဲ”
“ဟာ … ကျွန်တော် မပေါက်ပါဘူးဗျာ”
လှဝင်းက ပျာပျာသလဲ ငြင်းတယ်။
“မင်းမူးလို့ ပေါက်တာမဟုတ်လား”
ဆယ်အိမ်မှူးက အစ်လိုက်တယ်။
“ကျွန်တော်မူးရင် သီချင်းပဲ ဆိုတာပါဗျာ”
“မင်းမဟုတ်ရင် ဘယ်သူပေါက်တာလဲ”
ရပ်ကွက်လူကြီး မေးတယ်။
“မသိဘူးဗျာ”
“မင်း … မသိဘူးဆိုရင် အဲဒီအိမ်မှာ ခဲကျသံရော ကြားလား”
“ကျွန်တော်က ဆယ့်နှစ်ရာသီ မူးနေတဲ့ကောင်ဆိုတော့ မကြားပါဘူးဗျာ”
“ဟေ့ကောင် … ငါ့ကို မလိမ်နဲ့နော်”
“အရက်မူးလေ … မှန်တာကို ပြောတတ်လေတဲ့ဗျ”
“အေး … ခဲနဲ့ပေါက်သူ တွေ့ရင်တော့ ငါမညှာဘူး … ကြားလား”
“ဟုတ်ကဲ့ပါခင်ဗျာ”
ရပ်ကွက်လူကြီးက ချော့သလိုနဲ့ ခြိမ်းခြောက်တဲ့ စကားလေး ထည့်ပြောလိုက်တယ်။ လှဝင်း ပြန်သွားတယ်။ ဆယ်အိမ်မှူးကိုလည်း လှဝင်းကို စောင့်ကြည့်ဖို့ ပြောလိုက်တယ်။ သတင်းမထူးဘူး။ ဦးတိုင်းကျော်အိမ် ခဲနဲ့ပေါက်ခံနေရဆဲ ဖြစ်နေတယ်။
“အုပ်ကြီးရေ … လှဝင်းမိန်းမကလည်း သူ့အိမ် ခဲကျတယ်လို့ လာတိုင်တယ်”
ဆယ်အိမ်မှူးက လာပြောတယ်။
“ဟုတ်ရဲ့လားဗျာ … လှဝင်းက သူ့ကိုခေါ်မေးတာနဲ့ သူ့အိမ် ခဲကျတယ်လို့ လုပ်တာလား”
ရပ်ကွက်လူကြီးက မသင်္ကာသံနဲ့ မေးတယ်။
“မဟုတ်ဘူး အုပ်ကြီး … လှဝင်းမိန်းမ မတင့်နဲ့အတူ အေးမေလည်း ပါတယ် … သူတို့ ထိုင်စကားပြောနေတုန်း သွပ်ခေါင်မိုးပေါ်ကို ခဲ သုံးလေးလုံးဆင့်ကျတာတဲ့ … ဒီမှာ ခဲတွေတောင် ကောက်လာသေးတယ်”
ဆယ်အိမ်မှူးက ခဲလုံးတွေပြတယ်။ မင်္ဂလာရပ်ကွက်လမ်းတွေမှာ ခင်းတဲ့ ကျောက်ပျက်ခဲလေးတွေပါ။
“လှဝင်းအိမ်က ကပ်မိုးမဟုတ်လား”
“သွပ်မိုးတာ နှစ်ရက်လောက်ရှိသွားပြီ”
“ဟုတ်လား … ဘယ်အချိန်ကျတာလဲ”
“ညကိုးနာရီလောက်လို့ ပြောတယ်”
ရပ်ကွက်လူကြီး ဦးနှောက်ခြောက်ရပြီ … ။ တစ်မှုက မပေါ်သေး နောက်ဆက်တွဲအမှုက အလားတူဖြစ်နေတယ်။
“ဒါဆိုရင် ဦးတိုင်းကျော် အနောက်ဘက် အိမ်ဘက်က တိုးမောင်များလား … ဒီကောင်က ကျပ်သိပ်မပြည့်ဘူး … ကိုဘအုန်း အဲဒီအိမ်ကို စောင့်ကြည့်ထားဗျာ”
“စိတ်ချပါ”
မကြာပါဘူး … ၊ တိုးမောင်အိမ်လည်း ခဲကျလို့ တဲ့။ သူ့အမေက လာတိုင်တယ်။
“မဟုတ်မှလွဲရော အုပ်ကြီးရာ … လမ်းထိပ်ဈေးဆိုင်က ကိုသိန်းဇော်ထင်တာပဲ … ဒီလူက ကန့်လန့်ဗျ”
ဆယ်အိမ်မှူးက မှတ်ချက်ပြုတယ်။
“ဟုတ်ပါ့မလားဗျာ … ခဲကျတဲ့အိမ်တွေနဲ့ လေးငါးဆယ်အိမ်လောက် ဝေးတဲ့ဥစ္စာ”
“လေးခွနဲ့ လှမ်းပစ်ရင် ရတာပဲ … ဒီလူ့မှာ လေးခွရှိတယ်ဗျ … သူ့ဆိုင်ရှေ့လာတဲ့ခွေးဆို လေးခွနဲ့ပစ်နေတာ … ခွေးရင်တွေနဲ့ အမြဲစကားများနေရတာ”
ဘာပဲပြောပြော စဉ်းစားစရာထဲတော့ ထည့်ရမယ်။ ကိုသိန်းဇော်အိမ်ကိုလည်း စောင့်ကြည့်ခိုင်းရပြန်တယ်။ ရက်၊ လ၊ ကြာသွားတဲ့တိုင် လက်သည်က မပေါ်။ ခဲကျတဲ့အိမ်တွေသာ များလာတယ်။ အစကတော့ တစ်ယောက်ယောက်က စိတ်ရူးပေါက်လို့ ခဲနဲ့ ပေါက်နေတယ်လို့ ထင်ရပေမယ့် အခုတော့ဒီလို မဟုတ်နိုင်တော့ဘူး။ ဒါကြောင့် ရပ်ကွက်လူကြီးက အဲဒီမဉ္စူလမ်းထဲက အိမ်အားလုံး ရုံးကို ခေါ်လိုက်တယ်။
“ကဲ … ဒီနေ့ခေါ်ရတဲ့ကိစ္စကတော့ ခင်ဗျားတို့မဉ္စူလမ်းမှာ ခဲပေါက်ခံရတဲ့ကိစ္စပါပဲ … ဦးတိုင်းကျော်အိမ်က စပေါက်ခံရပေမယ့် အခုတော့ လေးငါးအိမ်လောက် အပေါက်ခံနေရတယ် … လက်သည်က မပေါ်ဘူး။ အစကတော့ တစ်ယောက်ယောက်က ပေါက်နေတယ်လို့ ထင်ခဲ့တယ်။ အခုတော့ ဒီလိုမဟုတ်နိုင်တော့ဘူး။ ဒါ … မရိုးဘူး၊ ရှင်းရှင်း ပြောရရင် ပါးကိုက်လို့ နားကိုက်တဲ့ပုံစံမျိုး ဖြစ်နေတယ်။ ဒါကြောင့် လုပ်တဲ့သူတွေ ရပ်တန်းကရပ်ကြပါ။ ခဲပေါက်တဲ့သူ မိရင်တော့ ဘယ်သူ ဘယ်ဝါဆိုပြီး ညှာမှာမဟုတ်ဘူး။ တရားဥပဒေအတိုင်း လုပ်မယ်။ ရပ်ကွက်ကင်းအဖွဲ့ကိုလည်း အဲဒီလမ်းကို အမြဲပတ်ဖို့ ညွှန်ကြားထားတယ်။ လမ်းထဲက ကာလသားအဖွဲ့ကိုလည်း ကင်းပုန်းချဖို့ စီစဉ်ထားတယ်။ ဒါကြောင့် လုပ်တဲ့သူတွေ ရပ်တန်းက ရပ်ကြပါလို့ ကျွန်တော် မေတ္တာရပ်ခံပါတယ်”
ရပ်ကွက်လူကြီးစကားကို အားလုံးက ထောက်ခံကြတယ် … ။ ဦးတိုင်းကျော်လည်း …
“ခဲပေါက်တဲ့သူ မိရင် … ကျွန်တော်က ငါးသောင်း ဆုချမယ်” လို့ပြောတော့ ဒီကိစ္စက ပိုအသက်ဝင်သွားတယ်။
တကယ်လည်း ကင်းအဖွဲ့က မဉ္စူလမ်းကို တစ်ညသုံးလေးကြိမ်လောက် ပတ်တယ်။ ကာလသားတွေလည်း ကင်းပုန်းဝပ်ကြတယ်။ ခဲပေါက်တာ ငြိမ်သွားတယ်။
အဲ … ကင်းအဖွဲ့က ပတ်နိုင်ပေမယ့် ကာလသားတွေက ရက်ဆက် ကင်းပုန်းမဝပ်နိုင်ကြတော့ဘူး။ အလုပ်သမားတွေဆိုတော့ နေ့အလုပ်လုပ်ရ၊ ည ကင်းပုန်းဝပ်ရဆိုတော့ အိပ်ရေးပျက် ပင်ပန်းတာကိုး။ တစ်စ တစ်စနဲ့ လူနည်းနည်းလာတယ်။ ဒီတော့ ခဲကျသံက ဟိုတစ်အိမ် ဒီတစ်အိမ် ပြန်ကျလာပြန်တယ်။ နောက် မဉ္စူလမ်းသာမက၊ သဇင်လမ်းနဲ့ စံပယ်လမ်းအိမ်တွေပါ ခဲကျခံရတယ်။
ဒီတော့ နတ်ကတော်ဦးသိန်းက ဒါ လူပေါက်တာ မဟုတ်ဘူး။ နတ်ဘီလူး ပေါက်တာ။ ပုဏ္ဏကတိုက်တာလို့ သတင်းဖြန့်တယ်။ ဒီတော့ မဉ္စူလမ်းမှာ ပုဏ္ဏကတိုက်နေတယ်လို့ သတင်းပြန့်သွားတာပေါ့။ ဦးသိန်းက နတ်ကနားပေးမယ် စည်းရုံးတယ်။ ဦးတိုင်းကျော်က မ,တည်ငွေထည့်တယ်။ လမ်း ၃ လမ်းက အမျိုးသမီးတွေက နတ်ကနားပွဲမှာ တက်တက်ကြွကြွ ပါဝင်ဆင်နွှဲကြတယ်။
ဦးတိုင်းကျော်က ဈေးချိုနားက ဝါးတန်းရပ်က ပွဲစားကြီးဖြစ်တယ်။ အသက် ၆၀ ကျော်ပြီ။ အသားဖြူဖြူ၊ ဝဝဖိုင့်ဖိုင့်၊ ဥပဓိရုပ်ကောင်းသူ ဖြစ်တယ်။ သားသမီးတွေက ကုန်သည်ပွဲစားတွေ ဖြစ်တယ်။ ပွဲရုံကို သားအကြီးကို လွှဲထားတယ်။ အခုတော့ အသက်ကြီးလာတာက တစ်ကြောင်း၊ ဇနီးသည်ဆုံးလို့ ပူဆွေရတာက တစ်ကြောင်းကြောင့် ဆူဆူညံညံ လူစည်ကားတဲ့ ပွဲရုံတန်းမှာ မနေချင်တော့ဘူး။ နားအေးပါးအေး ပုတီးလေးစိပ်၊ တရားလေးထိုင်ပြီးပဲ နေချင်တယ်။ ဒါကြောင့် မင်္ဂလာရပ်ကွက်မှာ ဝယ်ထားတဲ့ ဝင်းထဲမှာ ၃ ပင် ၂ ခန်းပတ်လည် ဒူးတုပ်၊ နံကပ်၊ သွပ်မိုး၊ ပျဉ်ခင်းအိမ်လေးဆောက်ပြီး ပြောင်းလာတာ။
ဦးတိုင်းကျော်အတွက် ဝေယျာဝစ္စပြုလုပ်ပေးဖို့ သက်တူရွယ်တူ အဘိုးကြီးတစ်ယောက် ပါလာတယ်။ ဦးနက်တူးတဲ့၊ အသားမည်းမည်း၊ အရပ်ရှည်ရှည် ဖြစ်တယ်။ နားလေးတယ်။ မြင်းခြံနယ်က လူပျိုကြီးတဲ့။ ဦးတိုင်းကျော်နဲ့ ဆွေရိပ်မျိုးရိပ် မကင်းဘူး။ ဦးတိုင်းကျော် မင်္ဂလာရပ်ကွက် ပြောင်းလာမှ လှမ်းခေါ်လိုက်တာတဲ့။
ဦးတိုင်းကျော်တို့ဝင်းက ပေ ၂၀၀ ပတ်လည်လောက်ကျယ်တယ်။ သရက်၊ အုန်းပင်၊ မာလကာပင်တွေနဲ့ စိမ်းစိုနေတယ်။ အိမ်က အလယ်လောက်မှာ ဆောက်ထားတယ်။ ဝင်းထရံလည်း မြင့်မြင့် ကာထားတယ်။
ဦးတိုင်းကျော်က အိမ်ထဲက သိပ်ထွက်တာမဟုတ်ဘူး။ တရားထိုင်၊ ပုတီးစိပ်နေပုံရတယ်။ တစ်ပတ်တစ်ခါလောက်တော့ သူ့သားသမီးတွေက ကားနဲ့လာခေါ်လို့ မြို့ထဲ ပါသွားတတ်တယ်။
ဦးနက်တူးကတော့ ရပ်ကွက်ထဲ နေ့တိုင်းလိုလိုထွက်ပြီး ဈေးဝယ်တတ်တယ်။ တစ်ရက်မှာ ဦးတိုင်းကျော်နဲ့ ဦးနက်တူးတို့ ရပ်ကွက်လူကြီးဆီ ရောက်လာတယ်။
“ဦးလေးတို့ ထိုင်ကြခင်ဗျာ … ဘာကိစ္စများရှိလို့ပါလဲ”
ရပ်ကွက်လူကြီးက ဆီးပြီးမေးတယ်။ ဦးတိုင်းကျော်က ရပ်ကွက်လူကြီးရှေ့က ကုလားထိုင်တစ်ခုမှာ ဝင်ထိုင်တယ်။ ဦးနက်တူးက ရပ်နေလို့ ဦးတိုင်းကျော်က အနားမှာရှိတဲ့ ကုလားထိုင်ကို လက်ပုတ်ပြမှ ဝင်ထိုင်တယ်။
“အင်း … ကျွန်တော်က တိုင်တာတောတာတို့၊ သူများတွေ ဒုက္ခရောက်စေတော့ ဆိုတဲ့စကားမျိုးကို မပြောချင်ဘူး … နားအေးပါးအေး နေချင်လို့ … တရားထိုင် ပုတီးစိပ်ချင်လို့ ဒီကိုလာနေတာ၊ အခုတော့ တရားလည်း ကောင်းကောင်းထိုင်လို့ မရဘူး … အိပ်ကောင်းတုန်းဆို လန့်နိုးရပြီ … ၊ ဒါကြောင့် လာပြောတာပါ”
ဦးတိုင်းကျော်က အပြောင်းအလဲမရှိတဲ့ မျက်နှာနဲ့ လေသံတစ်ဖြောင့်တည်း ပြောတယ်။
“ဘာများ ဖြစ်လို့ပါလဲ ခင်ဗျာ … ပြောပါ ကျွန်တော်ကူညီနိုင်ရင် ကူညီပေးပါ့မယ်”
ရပ်ကွက်လူကြီးက ပြောတယ်။
“ဟင်း … ကျွန်တော့်အိမ် ညတိုင်း ခဲကျကျနေလို့ပါ”
“ဗျာ … ”
ရပ်ကွက်လူကြီး အံ့သြသွားတယ်။ သူတို့ရပ်ကွက်မှာ ခဲကျတယ်ဆိုတာ မကြားဖူးဘူးလေ။
“ဟို … ကလေးတွေ ငှက်ပစ်ရင်းနဲ့ လောက်စာလုံး ချော်ကျတာများလား”
“အင်း … ကျွန်တော်လည်း အစက အဲဒီလိုထင်တာပဲ၊ နောက်ပြီး ငှက်ကလေးတွေ ညောင်သီးတို့၊ သစ်သီးတို့ကို ကိုက်ချီပြီး အိပ်တန်းပြန်ရင်း ပြုတ်ကျတာလားလို့လည်း တွေးမိပါတယ် … ဒါပေမဲ့ မဟုတ်ဘူး၊ အိမ်ပေါ်ခဲကျတာက အစက တစ်ပတ်မှ တစ်ကြိမ်၊ နှစ်ကြိမ်ရယ် … အခုတော့ ရက်ခြား၊ ရက်ဆက်ဆိုသလို ကျနေတယ် … နားမခံနိုင်ဘူးဗျာ”
“ဘယ်အချိန် ကျတာလဲ”
“ည ဆယ်နာရီနဲ့ ဆယ့်တစ်နာရီ အတွင်းကျတယ် … ကျွန်တော် တရားမှတ်ချိန်ပေါ့၊ အဲ … တစ်ခါတစ်ရံ အိပ်မောကျတုန်း တစ်နာရီ၊ နှစ်နာရီပိုင်းလည်း ကျတယ် … ညလင်းပိုင်းလည်း ကျတတ်တယ်”
“ဒီက ဦးလေးရော … မကြားဘူးလား”
ရပ်ကွက်လူကြီးက ဦးနက်တူးကို လှမ်းမေးတယ်။ ဦးနက်တူးက ကြောင်ကြည့်နေတယ်။
“သူက နားလေးတယ်ဗျ … ဘယ်ကြားမလဲ”
ဦးတိုင်းကျော်က ဝင်ဖြေတယ်။
“သြော် … ဟုတ်သားပဲ”
သူတို့ကို ကြည့်နေတဲ့ ဦးနက်တူးက သူတို့ပြောနေတာတွေ သိပုံရတယ်။
“အင်း … ကျုပ်နားက သိကြားမင်း ဝရဇိန်လက်နက်နဲ့ အနားကပ်ပြီးခွင်းတောင် ကြားမယ့်ပုံ မပေါ်ပါဘူးဗျာ … စိတ်ညစ်ပါတယ်”
ဦးနက်တူးက စိတ်ပျက်သံနဲ့ ပြောတယ်။
“ကဲ ဦးလေးတို့ … စိတ်ချလက်ချပြန်ကြပါ … ကျွန်တော် စုံစမ်းပြီး အရေးယူပေးပါ့မယ်”
ရပ်ကွက်လူကြီးများက ပျားရည်နဲ့ ဝမ်းချလိုက်တော့ ဦးတိုင်းကျော်တို့ ပြန်သွားကြတယ်။
နောက် ရပ်ကွက်လူကြီးက ဆယ်အိမ်မှူးကို ခေါ်ပြီး ဦးတိုင်းကျော်အိမ် အနီးတစ်ဝိုက် စုံစမ်းကြည့်တယ်။
ဟုတ်တယ်၊ ဦးတိုင်းကျော်အိမ် ခဲကျသံကို အိမ်နီးချင်းတွေကလည်း သဲ့သဲ့ကြားတယ်လို့ ဖြေကြတယ်။
ဒီတော့ ဟုတ်ပြီ … ၊ ဦးတိုင်းကျော်အိမ်ကို တစ်ယောက်ယောက် ခဲနဲ့ပေါက်နေပြီ။ ရပ်ကွက်လူကြီးနဲ့ ဆယ်အိမ်မှူးစိတ်ထဲမှာ ပြေးမြင်တာက ဦးတိုင်းကျော်အိမ်နဲ့ မျက်နှာချင်းဆိုင်အိမ်က အရက်သမား ငမူးလှဝင်း ဖြစ်တယ်။ သူဖြစ်ဖို့များတယ်။ လှဝင်းကို ခေါ်မေးကြည့်တယ်။
“ဟေ့ကောင် … ဦးတိုင်းကျော်အိမ်ကို ခဲနဲ့ပေါက်တာ မင်းမဟုတ်လား … ဘာလို့ ပေါက်တာလဲ”
“ဟာ … ကျွန်တော် မပေါက်ပါဘူးဗျာ”
လှဝင်းက ပျာပျာသလဲ ငြင်းတယ်။
“မင်းမူးလို့ ပေါက်တာမဟုတ်လား”
ဆယ်အိမ်မှူးက အစ်လိုက်တယ်။
“ကျွန်တော်မူးရင် သီချင်းပဲ ဆိုတာပါဗျာ”
“မင်းမဟုတ်ရင် ဘယ်သူပေါက်တာလဲ”
ရပ်ကွက်လူကြီး မေးတယ်။
“မသိဘူးဗျာ”
“မင်း … မသိဘူးဆိုရင် အဲဒီအိမ်မှာ ခဲကျသံရော ကြားလား”
“ကျွန်တော်က ဆယ့်နှစ်ရာသီ မူးနေတဲ့ကောင်ဆိုတော့ မကြားပါဘူးဗျာ”
“ဟေ့ကောင် … ငါ့ကို မလိမ်နဲ့နော်”
“အရက်မူးလေ … မှန်တာကို ပြောတတ်လေတဲ့ဗျ”
“အေး … ခဲနဲ့ပေါက်သူ တွေ့ရင်တော့ ငါမညှာဘူး … ကြားလား”
“ဟုတ်ကဲ့ပါခင်ဗျာ”
ရပ်ကွက်လူကြီးက ချော့သလိုနဲ့ ခြိမ်းခြောက်တဲ့ စကားလေး ထည့်ပြောလိုက်တယ်။ လှဝင်း ပြန်သွားတယ်။ ဆယ်အိမ်မှူးကိုလည်း လှဝင်းကို စောင့်ကြည့်ဖို့ ပြောလိုက်တယ်။ သတင်းမထူးဘူး။ ဦးတိုင်းကျော်အိမ် ခဲနဲ့ပေါက်ခံနေရဆဲ ဖြစ်နေတယ်။
“အုပ်ကြီးရေ … လှဝင်းမိန်းမကလည်း သူ့အိမ် ခဲကျတယ်လို့ လာတိုင်တယ်”
ဆယ်အိမ်မှူးက လာပြောတယ်။
“ဟုတ်ရဲ့လားဗျာ … လှဝင်းက သူ့ကိုခေါ်မေးတာနဲ့ သူ့အိမ် ခဲကျတယ်လို့ လုပ်တာလား”
ရပ်ကွက်လူကြီးက မသင်္ကာသံနဲ့ မေးတယ်။
“မဟုတ်ဘူး အုပ်ကြီး … လှဝင်းမိန်းမ မတင့်နဲ့အတူ အေးမေလည်း ပါတယ် … သူတို့ ထိုင်စကားပြောနေတုန်း သွပ်ခေါင်မိုးပေါ်ကို ခဲ သုံးလေးလုံးဆင့်ကျတာတဲ့ … ဒီမှာ ခဲတွေတောင် ကောက်လာသေးတယ်”
ဆယ်အိမ်မှူးက ခဲလုံးတွေပြတယ်။ မင်္ဂလာရပ်ကွက်လမ်းတွေမှာ ခင်းတဲ့ ကျောက်ပျက်ခဲလေးတွေပါ။
“လှဝင်းအိမ်က ကပ်မိုးမဟုတ်လား”
“သွပ်မိုးတာ နှစ်ရက်လောက်ရှိသွားပြီ”
“ဟုတ်လား … ဘယ်အချိန်ကျတာလဲ”
“ညကိုးနာရီလောက်လို့ ပြောတယ်”
ရပ်ကွက်လူကြီး ဦးနှောက်ခြောက်ရပြီ … ။ တစ်မှုက မပေါ်သေး နောက်ဆက်တွဲအမှုက အလားတူဖြစ်နေတယ်။
“ဒါဆိုရင် ဦးတိုင်းကျော် အနောက်ဘက် အိမ်ဘက်က တိုးမောင်များလား … ဒီကောင်က ကျပ်သိပ်မပြည့်ဘူး … ကိုဘအုန်း အဲဒီအိမ်ကို စောင့်ကြည့်ထားဗျာ”
“စိတ်ချပါ”
မကြာပါဘူး … ၊ တိုးမောင်အိမ်လည်း ခဲကျလို့ တဲ့။ သူ့အမေက လာတိုင်တယ်။
“မဟုတ်မှလွဲရော အုပ်ကြီးရာ … လမ်းထိပ်ဈေးဆိုင်က ကိုသိန်းဇော်ထင်တာပဲ … ဒီလူက ကန့်လန့်ဗျ”
ဆယ်အိမ်မှူးက မှတ်ချက်ပြုတယ်။
“ဟုတ်ပါ့မလားဗျာ … ခဲကျတဲ့အိမ်တွေနဲ့ လေးငါးဆယ်အိမ်လောက် ဝေးတဲ့ဥစ္စာ”
“လေးခွနဲ့ လှမ်းပစ်ရင် ရတာပဲ … ဒီလူ့မှာ လေးခွရှိတယ်ဗျ … သူ့ဆိုင်ရှေ့လာတဲ့ခွေးဆို လေးခွနဲ့ပစ်နေတာ … ခွေးရင်တွေနဲ့ အမြဲစကားများနေရတာ”
ဘာပဲပြောပြော စဉ်းစားစရာထဲတော့ ထည့်ရမယ်။ ကိုသိန်းဇော်အိမ်ကိုလည်း စောင့်ကြည့်ခိုင်းရပြန်တယ်။ ရက်၊ လ၊ ကြာသွားတဲ့တိုင် လက်သည်က မပေါ်။ ခဲကျတဲ့အိမ်တွေသာ များလာတယ်။ အစကတော့ တစ်ယောက်ယောက်က စိတ်ရူးပေါက်လို့ ခဲနဲ့ ပေါက်နေတယ်လို့ ထင်ရပေမယ့် အခုတော့ဒီလို မဟုတ်နိုင်တော့ဘူး။ ဒါကြောင့် ရပ်ကွက်လူကြီးက အဲဒီမဉ္စူလမ်းထဲက အိမ်အားလုံး ရုံးကို ခေါ်လိုက်တယ်။
“ကဲ … ဒီနေ့ခေါ်ရတဲ့ကိစ္စကတော့ ခင်ဗျားတို့မဉ္စူလမ်းမှာ ခဲပေါက်ခံရတဲ့ကိစ္စပါပဲ … ဦးတိုင်းကျော်အိမ်က စပေါက်ခံရပေမယ့် အခုတော့ လေးငါးအိမ်လောက် အပေါက်ခံနေရတယ် … လက်သည်က မပေါ်ဘူး။ အစကတော့ တစ်ယောက်ယောက်က ပေါက်နေတယ်လို့ ထင်ခဲ့တယ်။ အခုတော့ ဒီလိုမဟုတ်နိုင်တော့ဘူး။ ဒါ … မရိုးဘူး၊ ရှင်းရှင်း ပြောရရင် ပါးကိုက်လို့ နားကိုက်တဲ့ပုံစံမျိုး ဖြစ်နေတယ်။ ဒါကြောင့် လုပ်တဲ့သူတွေ ရပ်တန်းကရပ်ကြပါ။ ခဲပေါက်တဲ့သူ မိရင်တော့ ဘယ်သူ ဘယ်ဝါဆိုပြီး ညှာမှာမဟုတ်ဘူး။ တရားဥပဒေအတိုင်း လုပ်မယ်။ ရပ်ကွက်ကင်းအဖွဲ့ကိုလည်း အဲဒီလမ်းကို အမြဲပတ်ဖို့ ညွှန်ကြားထားတယ်။ လမ်းထဲက ကာလသားအဖွဲ့ကိုလည်း ကင်းပုန်းချဖို့ စီစဉ်ထားတယ်။ ဒါကြောင့် လုပ်တဲ့သူတွေ ရပ်တန်းက ရပ်ကြပါလို့ ကျွန်တော် မေတ္တာရပ်ခံပါတယ်”
ရပ်ကွက်လူကြီးစကားကို အားလုံးက ထောက်ခံကြတယ် … ။ ဦးတိုင်းကျော်လည်း …
“ခဲပေါက်တဲ့သူ မိရင် … ကျွန်တော်က ငါးသောင်း ဆုချမယ်” လို့ပြောတော့ ဒီကိစ္စက ပိုအသက်ဝင်သွားတယ်။
တကယ်လည်း ကင်းအဖွဲ့က မဉ္စူလမ်းကို တစ်ညသုံးလေးကြိမ်လောက် ပတ်တယ်။ ကာလသားတွေလည်း ကင်းပုန်းဝပ်ကြတယ်။ ခဲပေါက်တာ ငြိမ်သွားတယ်။
အဲ … ကင်းအဖွဲ့က ပတ်နိုင်ပေမယ့် ကာလသားတွေက ရက်ဆက် ကင်းပုန်းမဝပ်နိုင်ကြတော့ဘူး။ အလုပ်သမားတွေဆိုတော့ နေ့အလုပ်လုပ်ရ၊ ည ကင်းပုန်းဝပ်ရဆိုတော့ အိပ်ရေးပျက် ပင်ပန်းတာကိုး။ တစ်စ တစ်စနဲ့ လူနည်းနည်းလာတယ်။ ဒီတော့ ခဲကျသံက ဟိုတစ်အိမ် ဒီတစ်အိမ် ပြန်ကျလာပြန်တယ်။ နောက် မဉ္စူလမ်းသာမက၊ သဇင်လမ်းနဲ့ စံပယ်လမ်းအိမ်တွေပါ ခဲကျခံရတယ်။
ဒီတော့ နတ်ကတော်ဦးသိန်းက ဒါ လူပေါက်တာ မဟုတ်ဘူး။ နတ်ဘီလူး ပေါက်တာ။ ပုဏ္ဏကတိုက်တာလို့ သတင်းဖြန့်တယ်။ ဒီတော့ မဉ္စူလမ်းမှာ ပုဏ္ဏကတိုက်နေတယ်လို့ သတင်းပြန့်သွားတာပေါ့။ ဦးသိန်းက နတ်ကနားပေးမယ် စည်းရုံးတယ်။ ဦးတိုင်းကျော်က မ,တည်ငွေထည့်တယ်။ လမ်း ၃ လမ်းက အမျိုးသမီးတွေက နတ်ကနားပွဲမှာ တက်တက်ကြွကြွ ပါဝင်ဆင်နွှဲကြတယ်။
* * *
နတ်ကနားပွဲသာ ပြီးသွားတယ်။ ခဲပေါက်တာတော့ မရပ်သေးဘူး။ ဒီတော့ ရပ်ကွက်လူကြီး စဉ်းစားရတယ်။ ခဲပေါက်တာ တစ်ယောက်တည်း မကဘူး။ သုံးလေးယောက် ဖြစ်နိုင်တယ်။ သံသယဖြစ်စရာတွေ စဉ်းစားတော့ လှဝင်း၊ တိုးမောင်၊ ကိုသိန်းဇော်နဲ့ နတ်ကတော်ဦးသိန်းလည်း ဖြစ်နိုင်တယ်။ ဒါကြောင့် ဒီအိမ်တွေကို အထူးစောင့်ကြည့်ဖို့ ဆယ်အိမ်မှူးနဲ့ ကာလသားခေါင်းဆောင်ကို တိုးတိုးတိတ်တိတ် မှာထားတယ်။
မကြာပါဘူး။ လှဝင်း ရေဖျဉ်းစွဲလို့ ဆေးရုံတင်ရတယ်။ ခဲကျတာ မပျောက်သေးဘူး။ တိုးမောင်လည်း အိမ်က ပျောက်သွားတယ်။ ကိုသိန်းဇော်လည်း ရွာပြန် လယ်လုပ်နေတယ်။ ဦးသိန်းလည်း နတ်ကနားပွဲတွေ လိုက်နေတယ်။ သံသယရှိသူတွေ ရပ်ကွက်ထဲ မရှိပေမယ့် ခဲကျသံတော့ မြိုင်တုန်းပဲ။
ရပ်ကွက်လူကြီး ဦးနှောက်ခြောက်ရပြီ။ ပုဏ္ဏကများ တကယ်တိုက်နေတာလား၊ ဦးသိန်းကပဲ မစွမ်းလို့လား တွေးရပြီ။ ဘုန်းကြီးတွေ ပင့်ပြီး လမ်း ၃ လမ်းမှာ ပရိတ်ရွတ်ရင် ကောင်းမလားလို့ တွေးနေမိပြီ။
အဲဒီအချိန်မှာ ဦးတိုင်းကျော်က ဗြုန်းခနဲ ဆုံးသွားတယ်။ ဒါပုဏ္ဏကတိုက်လို့ သေတယ်ဆိုပြီး ရပ်ကွက်ထဲ အုတ်အော်သောင်းတင်း ဖြစ်သွားတယ်။ ဦးတိုင်းကျော်အိမ်မှာ လူတွေ တိုးတိုးကြိတ်ပဲ။ ရပ်ကွက်လူကြီးနဲ့ ဆယ်အိမ်မှူးလည်း လူတွေတိုးဝှေ့ပြီး အိမ်ပေါ်တက်ခဲ့တယ်။
အိမ်ပေါ်မှာ သူ့သားသမီးတွေ ရောက်နေပြီ။
“ဘာရောဂါနဲ့ ဆုံးတာလဲ”
“နှလုံးရောဂါနဲ့ပါ … အဖေက နှလုံးရောဂါရှိတယ်လေ”
သမီးဖြစ်သူက ငိုပြီးဖြေတယ်။
ဦးတိုင်းကျော်က ခုတင်ပေါ်မှာ ဆုံးနေရှာတယ်။ အနားက စားပွဲပေါ်မှာက ဆေးပုလင်းတွေ၊ နောက် စာအုပ်လေးတစ်အုပ်ကို ဖျတ်ခနဲ တွေ့လိုက်ရတယ်။ စိတ်ရောဂါကုဌာနက ပြင်ပလူနာကု ဆေးမှတ်တမ်းစာအုပ် ဖြစ်တယ်။ သမီးတစ်ယောက်က စားပွဲပေါ်က ပစ္စည်းတွေ သိမ်းနေတယ်။ သားဖြစ်သူက အလောင်းသယ်ဖို့ ခွင့်တောင်းတယ်။ ခေါင်းညိတ်လိုက်တယ်။ ပါးစပ်က မဖြေနိုင်ဘူး။ စာအုပ်ကလေးကိုမြင်ပြီး စဉ်းစားနေလို့လေ။
ဦးတိုင်းကျော်ကို သယ်သွားကြတယ်။ ဦးနက်တူးလည်း လိုက်သွားတယ်။ အဲဒီနေ့ညက ဦးတိုင်းကျော်အိမ် ခဲမိုးရွာတော့မှာပဲလို့ လူတွေ ထင်ကြတယ်။ စောင့်ကြည့်ကြတယ်။
ရပ်ကွက်လူကြီးက အဖြေသိနေပြီမို့ ရေငုံနှုတ်ပိတ်နေတယ်။ ဒီအဖြေကို ဘယ်သူမှ မသိကြဘူး။ လူတစ်ယောက်ရဲ့ ဂုဏ်သိက္ခာအတွက် ဘယ်သူ့ကိုမှ မပြောဖို့ ဆုံးဖြတ်ထားတယ်။
တွေးထင်တဲ့ အတိုင်းပါပဲ။ မဉ္စူလမ်း၊ သဇင်လမ်းနဲ့ စံပယ်လမ်းမှာ ဘာခဲကျသံမှ မကြားရတော့ဘူး။
မကြာပါဘူး။ လှဝင်း ရေဖျဉ်းစွဲလို့ ဆေးရုံတင်ရတယ်။ ခဲကျတာ မပျောက်သေးဘူး။ တိုးမောင်လည်း အိမ်က ပျောက်သွားတယ်။ ကိုသိန်းဇော်လည်း ရွာပြန် လယ်လုပ်နေတယ်။ ဦးသိန်းလည်း နတ်ကနားပွဲတွေ လိုက်နေတယ်။ သံသယရှိသူတွေ ရပ်ကွက်ထဲ မရှိပေမယ့် ခဲကျသံတော့ မြိုင်တုန်းပဲ။
ရပ်ကွက်လူကြီး ဦးနှောက်ခြောက်ရပြီ။ ပုဏ္ဏကများ တကယ်တိုက်နေတာလား၊ ဦးသိန်းကပဲ မစွမ်းလို့လား တွေးရပြီ။ ဘုန်းကြီးတွေ ပင့်ပြီး လမ်း ၃ လမ်းမှာ ပရိတ်ရွတ်ရင် ကောင်းမလားလို့ တွေးနေမိပြီ။
အဲဒီအချိန်မှာ ဦးတိုင်းကျော်က ဗြုန်းခနဲ ဆုံးသွားတယ်။ ဒါပုဏ္ဏကတိုက်လို့ သေတယ်ဆိုပြီး ရပ်ကွက်ထဲ အုတ်အော်သောင်းတင်း ဖြစ်သွားတယ်။ ဦးတိုင်းကျော်အိမ်မှာ လူတွေ တိုးတိုးကြိတ်ပဲ။ ရပ်ကွက်လူကြီးနဲ့ ဆယ်အိမ်မှူးလည်း လူတွေတိုးဝှေ့ပြီး အိမ်ပေါ်တက်ခဲ့တယ်။
အိမ်ပေါ်မှာ သူ့သားသမီးတွေ ရောက်နေပြီ။
“ဘာရောဂါနဲ့ ဆုံးတာလဲ”
“နှလုံးရောဂါနဲ့ပါ … အဖေက နှလုံးရောဂါရှိတယ်လေ”
သမီးဖြစ်သူက ငိုပြီးဖြေတယ်။
ဦးတိုင်းကျော်က ခုတင်ပေါ်မှာ ဆုံးနေရှာတယ်။ အနားက စားပွဲပေါ်မှာက ဆေးပုလင်းတွေ၊ နောက် စာအုပ်လေးတစ်အုပ်ကို ဖျတ်ခနဲ တွေ့လိုက်ရတယ်။ စိတ်ရောဂါကုဌာနက ပြင်ပလူနာကု ဆေးမှတ်တမ်းစာအုပ် ဖြစ်တယ်။ သမီးတစ်ယောက်က စားပွဲပေါ်က ပစ္စည်းတွေ သိမ်းနေတယ်။ သားဖြစ်သူက အလောင်းသယ်ဖို့ ခွင့်တောင်းတယ်။ ခေါင်းညိတ်လိုက်တယ်။ ပါးစပ်က မဖြေနိုင်ဘူး။ စာအုပ်ကလေးကိုမြင်ပြီး စဉ်းစားနေလို့လေ။
ဦးတိုင်းကျော်ကို သယ်သွားကြတယ်။ ဦးနက်တူးလည်း လိုက်သွားတယ်။ အဲဒီနေ့ညက ဦးတိုင်းကျော်အိမ် ခဲမိုးရွာတော့မှာပဲလို့ လူတွေ ထင်ကြတယ်။ စောင့်ကြည့်ကြတယ်။
ရပ်ကွက်လူကြီးက အဖြေသိနေပြီမို့ ရေငုံနှုတ်ပိတ်နေတယ်။ ဒီအဖြေကို ဘယ်သူမှ မသိကြဘူး။ လူတစ်ယောက်ရဲ့ ဂုဏ်သိက္ခာအတွက် ဘယ်သူ့ကိုမှ မပြောဖို့ ဆုံးဖြတ်ထားတယ်။
တွေးထင်တဲ့ အတိုင်းပါပဲ။ မဉ္စူလမ်း၊ သဇင်လမ်းနဲ့ စံပယ်လမ်းမှာ ဘာခဲကျသံမှ မကြားရတော့ဘူး။
* * *
တစ်ရက်မှာ ကျုံးဘေးမှ လမ်းလျှောက်ရင်း လူတစ်ယောက် ထိုင်ပြီး ကျုံးထဲကို ခဲနဲ့ အဆက်မပြတ် ပေါက်နေတာကို တွေ့ရတယ်။
ထိုလူ,နားကို ခပ်သုတ်သုတ်သွားတော့
“ဟင် … ဦးနက်တူး” လို့ အလန့်တကြား အော်လိုက်တယ်။ ဦးနက်တူးက နားလေးသူမို့ သူ့အော်သံကို မကြားရဘူး။ ကျုံးထဲကို ခဲနဲ့ပေါက်လိုက် နားစိုက်ထောင်လိုက်နဲ့ အလုပ်ရှုပ်နေတယ်။
ရပ်ကွက်လူကြီးကလည်း တွေပြီး ကြည့်နေမိတယ်။ အတွေးပေါင်းစုံ တွေးနေမိတယ်။ ကန်ရေပြင်ခဲကျသံ ‘ပလုံ’ ဆိုတဲ့အသံကို သူကြားရတယ်။ ဦးနက်တူးရော … ။ အဖြေက လင်းခနဲ ဖြစ်သွားတယ်။
“ကန်ရေပြင်မှာ ခဲကျသံ သူ ဘယ်ကြားလိမ့်မလဲ … ၊ သူ့ခမျာ ကြားချင်လွန်းလို့ အဆက်မပြတ် ပေါက်နေရရှာတယ်”
စိတ်ထဲကနေပြောပြီး မင်္ဂလာရပ်ကွက်ဆီ ပြန်ခဲ့တယ်။ ဒါပေမဲ့ ခြေလှမ်းများက နှေးလို့ … ။
အင်း … စိတ်ထဲမှာ ဦးတိုင်းကျော်ကို အားနာလိုက်တာ။
ထိုလူ,နားကို ခပ်သုတ်သုတ်သွားတော့
“ဟင် … ဦးနက်တူး” လို့ အလန့်တကြား အော်လိုက်တယ်။ ဦးနက်တူးက နားလေးသူမို့ သူ့အော်သံကို မကြားရဘူး။ ကျုံးထဲကို ခဲနဲ့ပေါက်လိုက် နားစိုက်ထောင်လိုက်နဲ့ အလုပ်ရှုပ်နေတယ်။
ရပ်ကွက်လူကြီးကလည်း တွေပြီး ကြည့်နေမိတယ်။ အတွေးပေါင်းစုံ တွေးနေမိတယ်။ ကန်ရေပြင်ခဲကျသံ ‘ပလုံ’ ဆိုတဲ့အသံကို သူကြားရတယ်။ ဦးနက်တူးရော … ။ အဖြေက လင်းခနဲ ဖြစ်သွားတယ်။
“ကန်ရေပြင်မှာ ခဲကျသံ သူ ဘယ်ကြားလိမ့်မလဲ … ၊ သူ့ခမျာ ကြားချင်လွန်းလို့ အဆက်မပြတ် ပေါက်နေရရှာတယ်”
စိတ်ထဲကနေပြောပြီး မင်္ဂလာရပ်ကွက်ဆီ ပြန်ခဲ့တယ်။ ဒါပေမဲ့ ခြေလှမ်းများက နှေးလို့ … ။
အင်း … စိတ်ထဲမှာ ဦးတိုင်းကျော်ကို အားနာလိုက်တာ။
(ရွှေအမြုတေမဂ္ဂဇင်း၊ မတ်လ ၂၀၁၁)
* * * * *
No comments:
Post a Comment