ပြည်သူကို ကိုယ်စားပြုသည့် အသံ

မောင်သိန်းလွင်
အတွဲ ၂၈ ၊ အမှတ် ၅၄၂ ( ၄ - ၁၀ ၊ ၁၁ ၊ ၂၀၁၁)

၂၀၁၁ ခုနှစ်၊ အောက်တိုဘာလ ၁ ရက် နေ့၌ ဆရာကောင်းသန့်က ဖုန်းဆက်၍ ခေါ်သည်။ မင်္ဂလာဒုံစက်မှုဇုန်တွင် လူငယ် အင်ဂျင်နီယာတစ်စု တိုင်းပြည် တိုးတက်အောင် မိမိတို့ တတ်ကျွမ်းသည့် ပညာဖြင့် ကြိုးစား ဆောင်ရွက်ကြကြောင်း၊ သူတို့၏ လုပ်ဆောင်ကြိုးပမ်းချက်များသည် တိုင်းပြည်နှင့်လူမျိုး အတွက် တကယ်အကျိုးရှိမရှိ သွားရောက် လေ့လာကြမည်ဖြစ်ကြောင်း၊ အခြား စာရေးဆရာများလည်းပါကြောင်း၊ လိုက်ပါ လေ့လာစေလိုကြောင်း ဖုန်းဆက်သည်။
သူပြောသည့်စုရပ်သို့ သွားသောအခါ ဆရာချစ်စံဝင်း၊ ဆရာ ချစ်နိုင်(စိတ်ပညာ)၊ ဆရာဒေါက်တာ ခင်မောင်ညို၊ ဆရာကောင်းသန့်၊ ဆရာ နွမ်ဂျာသိုင်းနှင့် Eleven ဂျာနယ်မှ စီနီယာ အယ်ဒီတာ အငယ်ထွေးတို့ကိုလည်း တွေ့ရသည်။
အခြား စိတ်ဝင်စားသည့် လေ့လာသူများလည်း ပါသည်။
ကား နှစ်စီးဖြင့် ထွက်ခွာခဲ့ရာ KOL Global Co.,Ltd မှ အုပ်ချုပ်မှုဒါရိုက်တာ ကိုတင်မောင်နိုင် (B.E (Mech;) MBA)၊ ကိုစိုးမြင့်ဦး (B.E (Petro:) Senior Manager)၊ TRIANGLE LINKS Engineering မှ ကိုထင်လင်း (General Manager)တို့နှင့် တွေ့ရသည်။
စက်ရုံကို လှည့်ပတ်ကြည့်ရှု လေ့လာကြသည်။
အလုပ်သမားများနှင့်လည်း တွေ့ဆုံဆွေးနွေးကြသည်။
ဘိလပ်မြေ ဖျော်စက်များ၊ အခြားစက်ကိရိယာများ၊ မိုးမြင့်တာဝါ ကရိန်းများ စသည်ဖြင့် ၎င်းတို့စွမ်းအားရှိသလောက် တီထွင် ကြံဆ ထုတ်လုပ်နေကြခြင်းဖြစ်သည်။
ထိုစက်ကိရိယာများကို ပြင်ပနေရာ အနှံ့အပြားတွင်လည်း တွေ့ဖူးသည်။
သို့သော် နိုင်ငံခြားမှတင်သွင်းလာသော စက်ကိရိယာများဖြစ်သည်ဟုသာ ထင်မြင်မိခဲ့သည်။
သို့သော် နိုင်ငံခြားအဆင့်မီ စက်ကိရိယာများကို မြန်မာအင်ဂျင်နီယာများက တီထွင်လုပ်ဆောင်နေကြသည်ကို မျက်မြင်ကိုယ်တွေ့ ကြုံခဲ့ရသည်။
နိုင်ငံတော်၏ စီးပွားရေးဖွံ့ဖြိုး တိုးတက်ရန် ထိုအင်ဂျင်နီယာများ၏ လုပ်ဆောင်ကြိုးပမ်းချက်မျိုး လိုအပ်သည်။
ပြည်သူသို့ အသိပေးတင်ပြအပ်သည်ဟု ကျွန်တော်တို့အားလုံးက ထင်မြင်မိပါသည်။
"ဒီလူငယ်တွေလိုသာ ကြိုးစားလုပ်ကိုင်ကြရင်၊ ဒါမှမဟုတ် သူတို့လုပ်ငန်းကို အစိုးရကသာ အားပေးမယ်ဆိုရင် တိုင်းပြည်စီးပွားရေး ကောင်းမှာဗျ။ ရေအားလျှပ်စစ်တွေ ဘာတွေတောင် လုပ်စရာမလိုတော့ဘူးပေါ့"ဟု ဆရာ ကောင်းသန့်က ဝေဖန်တင်ပြသည်။
"အဲဒီ ရေအားလျှပ်စစ်စီမံကိန်းဆိုတာ လောလောဆယ် မလုပ်ဖြစ်တော့ဘူးဗျ။ ဒီနေ့ပဲ နိုင်ငံတော်က ကြေညာလိုက်ပြီ" ဟု ဆရာ ဒေါက်တာ ခင်မောင်ညိုက ပြောပြသည်။
ထိုနေ့က နိုင်ငံတော်သမ္မတကြီး ဦးသိန်းစိန်၏ "မိမိတို့ အစိုးရလက်ထက် မြစ်ဆုံဆည် တည်ဆောက်ခြင်းကို ရပ်ဆိုင်းထားမည်" ဟူသော ကြေညာချက် ထွက်လာသည်။
ကျွန်တော်တို့အားလုံး အံ့ဩ၀မ်းသာကြသည်။ သမ္မတကြီးကို ၀ိုင်းဝန်းချီးကျူး ထောက်ခံကြသည်။
သက်တော်ရာကျော် ရှည်စေကြောင်း ဆုတောင်းကြသည်။
ကျွန်တော်က မြို့တော်ခန်းမရှေ့ သွားပြီး 'သမ္မတကြီး သက်တော်ရာကျော် ရှည်ပါစေ'လို့ ကြွေးကြော်သင့်ကြောင်း၊ ထောက်ခံသင့် ကြောင်း ပြောလိုက်ရာ ဆရာချစ်စံဝင်းက "ကျွန်တော်ကတော့ ထောက်ခံကြောင်း ဆောင်းပါးတစ်ပုဒ် ရေးပြီးလို့ မြန်မာတိုင်း(မ်) ကိုတောင် ပို့ပြီးပြီဗျ"ဟု ပြန်ပြောပါသည်။
"ဒီကိစ္စက သိပ်ကို ကျယ်ပြန့် လေးနက်တယ်ဗျ။ မြန်မာ့အရေးသာ မဟုတ်ဘူး။ ကမ္ဘာ့အရေးလည်း ဖြစ်တယ်။ ကမ္ဘာကြီးက အခု ကမ္ဘာ့ရွာကလေး ဖြစ်သွားပြီလေ။ နိုင်ငံတကာက မကြာခင် တုံ့ပြန်လာကြလိမ့်မယ်။ သူတို့ သဘောထားအမြင်တွေကို ထုတ်ပြန် လာကြလိမ့်မယ်။ ကမ္ဘာ့နိုင်ငံအများစုက သမ္မတကြီး ရဲ့ လုပ်ဆောင်ချက်ကို ထောက်ခံကြ မယ်ထင်တယ်။ မြစ်ကိုပိတ်ပြီး ရေကာတာ ဆောက်တာဟာ တစ်နိုင်ငံတည်းရဲ့ ကိစ္စသာ မဟုတ်ဘူးဗျ။ ကမ္ဘာနဲ့ ပတ်သက်တဲ့ အကျိုးဆက်တွေ၊ ရာသီဥတု မိုးလေ၀သ အခြေ အနေတွေကို ထိခိုက်နိုင်တယ်။ Ecoclimate (ဒေသိယရာသီဥတု တစ်ခုတည်း)သာ ထိခိုက်တာမဟုတ်ဘူးဗျ။ ပြီးတော့ Ecology (အပင်၊သတ္တ၀ါ နဲ့ သဘာဝပတ်ဝန်းကျင်ဆက်နွှယ်မှု ဂေဟစနစ်)ကိုလည်း ထိခိုက်တယ်ဗျ။ အီဂျစ်နိုင်ငံက အက်ဆွမ်ရေကာတာ ကြီးနဲ့ပတ်သက်တဲ့ ဆောင်းပါးတစ်ပုဒ်ကို လွန်ခဲ့တဲ့ တစ်နှစ်ကျော်လောက်က ကျွန်တော် ရေးခဲ့ဖူးတယ်"ဟု ဆရာ ဒေါက်တာ ခင်မောင်ညိုက ၀င်ရောက် ပြောဆိုပါသည်။
မြစ်ဆုံစီမံကိန်းနဲ့ပတ်သက်ပြီး လူတန်းစား အမျိုးမျိုးရှိမည်ဟု ထင်ရပါသည်။
(၁) ဤကိစ္စကို လုံးဝလည်းမသိ၊ စိတ်ဝင်စားမှုလည်း မရှိသည့်သူများ၊
(၂) ဤကိစ္စကို သိသော်လည်း 'ကိုယ်တတ်နိုင်တာမှ မဟုတ်ဘဲ၊ ကံတရားပေါ့' ဟု ဆိုကာ ကံကိုပုံချနေသည့်သူများ၊
(၃) ဤစီမံကိန်းနှင့်ပတ်သက်၍ တိုင်းပြည်အတွက် တကယ်အကျိုးရှိမည်ဟု ရိုးရိုးသားသား ယုံကြည်ယူဆနေသည့် သူများ (၎င်းတို့အနေဖြင့် ဆိုးကျိုးများ ရှိပင် ရှိနိုင်သော်လည်း ကောင်းကျိုးက ပိုများမည်ဟု ယူဆနေကြသည့်သူများ ဖြစ်သည်။)
(၄) မြစ်ဆုံရေအားလျှပ်စစ်စီမံကိန်းကြောင့် တိုင်းပြည်အတွက် သဘာဝ ဘေးအန္တရာယ်များ၊ မိုးလေ၀သ ဖောက် ပြန်မှုများ၊ စီးပွားရေးလုပ်ငန်းပျက်စီးမှုများ ဖြစ်ပေါ်နိုင်သည်။ ဧရာဝတီမြစ်ကြီး ထိခိုက်ပျက်စီးနိုင်သည်ဟု ရိုးရိုးသား သား ယုံကြည်ယူဆ စိုးရိမ်ပူပန်မှုရှိကြသည့်သူများ၊
(၅) လူထုကို လှုံ့ဆော်ပြီး ပဋိပက္ခဖြစ်အောင်၊ လမ်းပေါ်ရောက်လာအောင် ပြုလုပ်မည်ဟု သဘောရိုးဖြင့်မဟုတ်ဘဲ လှုံ့ဆော်ချင် သည့်သူများ၊ စသည်ဖြင့် အမျိုးမျိုး ရှိနိုင်ပါသည်။
ထိုလူတန်းစား ငါးမျိုးအနက် နောက်ဆုံး လူတန်းစားမှလွဲ၍ ကျန်လူတန်းစား လေးရပ်ကို ကျွန်တော့အနေဖြင့် အပြစ် မမြင်မိပါ။
မိမိရှုထောင့်၊ မိမိအယူအဆအရ လွတ်လပ်စွာ သဘောကွဲလွဲနိုင်ကြပါသည်။
သို့သော် ဤကိစ္စသည် တရုတ်ပြည်သူ၊ တရုတ် လူမျိုးများနှင့် မြန်မာပြည်သူ မြန်မာ လူမျိုးတို့ကြားတွင် ပဋိပက္ခဖြစ်စရာ အကြောင်း မရှိဟု ကျွန်တော်တွေးတော နေမိစဉ်တွင် ... ကျွန်တော်တို့ထဲမှ တစ်ယောက်က တရုတ်စီးပွားရေးသမားတွေဘက်က ပြောစရာ၊ ဆိုစရာ၊ ကန့်ကွက်စရာတွေ ဖြစ်လာနိုင်တယ်ထင်တယ်" ဟု ထောက်ပြပါသည်။
ကျွန်တော်က "ဘာမှမဆိုင်ဘူးလို့တော့ ထင်တာပဲ။ အဲဒီအချိန်မှာ အခြေခံဥပဒေက အသက် မ၀င်သေးဘူးလေ။ အခုဟာက အခြေခံ ဥပဒေကို တာဝန်ခံပြီး အခြေခံဥပဒေ အရ လုပ်ရတဲ့ကိစ္စ ဖြစ်တယ်ဗျ။ အခြေခံ ဥပဒေပုဒ်မ ၄၄၁ မှာ 'ဤဖွဲ့စည်းပုံ အခြေခံဥပဒေသည် ပြည်ထောင်စု လွှတ်တော် ပထမအကြိမ်အစည်းအဝေး စတင်ကျင်းပသည့်နေ့မှစ၍ နိုင်ငံတော် တစ်ဝန်းလုံး၌ အာဏာတည်သည်' " လို့ ဖော်ပြထားတယ်ဟု ကျွန်တော်က တင်ပြပါသည်။
"ဘာပဲပြောပြော သမ္မတကြီးက အခုလို ပယ်ဖျက်တာ သဘောကျသဗျာ" "အခြေခံဥပဒေ ပုဒ်မ ၂၀၉ မှာ 'နိုင်ငံတော်သမ္မတသည် ဥပဒေနှင့် အညီ အပြည်ပြည်ဆိုင်ရာ၊ ဒေသဆိုင်ရာ သို့မဟုတ် နိုင်ငံအချင်းချင်းဆိုင်ရာ စာချုပ်များကို ချုပ်ဆိုခြင်း၊ အတည်ပြု ဆောင်ရွက်ခြင်း၊ ပယ်ဖျက်ခြင်း၊ စာချုပ် များမှ နုတ်ထွက်ခြင်းပြုနိုင်သည်"လို့ ပြဋ္ဌာန်းထားတယ်ခင်ဗျ။ အခြေခံဥပဒေပုဒ်မ ၄၅ မှာ 'နိုင်ငံ တော်သည် သဘာဝပတ်ဝန်းကျင်ကို ကာကွယ်ထိန်းသိမ်း စောင့်ရှောက်ရ မည်။ (The Union shall protect and conserve natural environment.)လို့ အခြေခံဥပဒေက ပြဋ္ဌာန်းထားသည်။ သမ္မတကြီးက ဥပဒေနဲ့အညီ ဆောင်ရွက် ခြင်းဖြစ်သည်။
နိုင်ငံတော်သမ္မတကြီး အဖြစ် တာဝန်ယူတဲ့အချိန်ကလည်း "ကျွန်ုပ်သည် ပြည်ထောင်စုသမ္မတ မြန်မာနိုင်ငံနှင့် နိုင်ငံသားများအပေါ် သစ္စာစောင့်သိ ရိုသေပါမည်။ နိုင်ငံတော် ဖွဲ့စည်းပုံအခြေခံဥပဒေကို ထိန်းသိမ်း စောင့်သိ လိုက်နာရိုသေပြီး နိုင်ငံတော်၏ ဥပဒေများကို လိုက်နာကျင့်သုံး ဆောင်ရွက်ပါမည်။ မိမိ၏ တာဝန် ၀တ္တရားများကို ဖြောင့်မတ်မှန်ကန်စွာဖြင့် အစွမ်းကုန် ဆောင်ရွက်ပါမည်။ ပြည်ထောင်စုသမ္မတ မြန်မာနိုင်ငံတော်တွင် တရားမျှတခြင်း၊ လွတ်လပ်ခြင်းနှင့် ညီမျှခြင်းတည်းဟူသော လောကပါလ တရားများ ပိုမိုထွန်းကားရေးအတွက် ဆောင်ရွက်ပါမည်။ ကျွန်ုပ်သည် ပြည်ထောင်စုသမ္မတ မြန်မာနိုင်ငံတော် အကျိုးငှာ နိုင်ငံတော်အား မိမိ၏ အသက်နှင့် ကိုယ်ကို အပ်နှင်းသည်ဟု လေးနက် တည်ကြည်စွာ ကြေညာ၍ ကတိသစ္စာ ပြုသည်" ဆိုပြီး ကတိသစ္စာပြုခဲ့သည်။
ပြီးတော့ အခြေခံဥပဒေပုဒ်မ ၅၇ မှာ "နိုင်ငံတော်သမ္မတသည် နိုင်ငံတော်ကို ကိုယ်စားပြုသည်'လို့ ဖော်ပြထားတော့ အခု နိုင်ငံတော် သမ္မတကြီးရဲ့ လုပ်ဆောင်ချက်ဟာ နိုင်ငံတော်ရဲ့လုပ်ဆောင်ချက်၊ နိုင်ငံသူ နိုင်ငံသားများရဲ့ လုပ်ဆောင်ချက်၊ နိုင်ငံတော်သမ္မတကြီး ပြောတဲ့ စကားက ပြည်သူကို ကိုယ်စားပြုပြီး ပြောတဲ့အသံဖြစ်လို့ ကျွန်တော်တို့ကတော့ အပြည့်အ၀ ထောက်ခံသည်။
နိုင်ငံတော်သီချင်းထဲမှာလည်း
- တရားမျှတ-လွတ်လပ်ခြင်းနဲ့မသွေ- တို့ပြည်-တို့မြေ- များလူခပ်သိမ်း-ငြိမ်းချမ်းစေဖို့- ခွင့်တူညီမျှ-၀ါဒဖြူစင်တဲ့ပြည်- တို့ပြည်-တို့မြေ- ပြည်ထောင်စုအမွေ-အမြဲတည်တံ့ စေ အဓိဋ္ဌာန်ပြုပေ- ထိန်းသိမ်းစို့လေ။ (ကမ္ဘာမကျေ- မြန်မာပြည်- တို့ဘိုးဘွားအမွေစစ်မို့- ချစ်မြတ်နိုးပေ)၂ ပြည်ထောင်စုကို- အသက်ပေးလို့- တို့ကာကွယ်မလေ။ ဒါတို့ပြည်-ဒါတို့မြေ-တို့ပိုင်တဲ့မြေ။ တို့ပြည်- တို့မြေ- အကျိုးကို ညီညာစွာ- တို့တစ်တွေ ထမ်းဆောင်ပါစို့လေ- တို့တာဝန်ပေ အဖိုးတန်မြေ။ လို့ ဖော်ပြထားသည် မဟုတ်ပါလော။